Happy New Year

كل عام وانتم بخير
يستقبل الناس العام الجديد
بالرقص على انغام الموسيقى
ورشفات العصائر وربما المسكرات
واغماض العيون والتقارب من بعضهم وبدء العد التنازلى ربما استعداد
لقبلة العام الجديد
وبما اننا متطورون ايضا
فأننا نغمض العيون عن ما يدور حولنا
ونتقارب من بعضنا البعض على امل ان نطعن اخانا قبل ان يتمكن هو من طعننا
وعلى دور الانفجارات
وبطعم الدم نبدأ أعوامنا الجديدة كلها

ونقول بمنتهى اللامبالاه

Happy New Year
منذ بداية الالفية الجديدة الالفية التى هددت كل حاسوب فى العالم بالتوقف وايضا الات الصرافة والبنوك بالتوقف لولا ستر ربنا والمفاجات الجميلة والجميلة جداا لا تتوقف ابدا عن التوالى نبدأ فى العد تعالى نعمل فلاش باك ونشوف اية اللى حصل فى الالفية السعيدة الجميلة المديدة دى مع دقات الالفية الجديدة توسم الكل مزيد من التقدم والالفة بين البشر والتقارب بين الجميع بأسم الانسانية متناسين اى خلافات وكانت المفاجأة
2000
اقتحام فرعون بنى اسرائيل شارون للاقصى
بجنودة ومرتكبى مذبحة صابرا وشاتيلا
واندلاع الانتفاضة الثانية
2001

احداث 11 ستمبر
تفجير برجى التجارة التى قامت الدنيا ولم تقعد للان عليهم
كما لو ان كل من قتلوا فيهما هم امريكين فقط لا عرب ولا اوروبيين ولا مسلمين ولاهنود؟
وفى رد فعل توماتيكى توماتيكى
ردة وبقوة وبقضة من حديد الحرب على افغانستان
امريكا تضرب بلد من اضعف وافقر دول العالم افغانستان؟؟
التى لم نسمع بيها من ايام جمال الدين الافغانى
الا مع حركة طالبان ومناهضة الاحتلال السوفيتى
بمساعدة ماما امريكا يالا ماهى الايام دول وصديق امس عدو اليوم

2002
استمرار الانتهاكات فى حق الشعب الفلسطينى الاعزل
واستمرار الانتفاضة

2003

احتلال العراق
وفى 20مارس وعلى غير غفلة ولا حاجة وبصمت عربى مخزى بل وبتعاون عربى
اغتيلت العراق على يد التتر الجدد
2004

فوز جورج دبليو بوش برئاسة ثانية
القبض على الرئيس الراحل صدام حسين اخر رئيس شرعى للعراق
موت الرئيس الفلسطينى ياسر عرفات
زلزال اندونيسيا

2005
انتخاب محمود عباس رئيس للسلطة الفلسطينية
اغتيال رفيق الحريرى
تفجيرات شرم الشيخ
وفاة العاهل السعودى الملك فهد بن عبد العزيز رحمه الله
2006
وفاة نجيب محفوظ رحمة الل
ه اعدام الرئيس الراحل صدام حسين
2007
12يناير السفارة الأميركية في أثينا تتعرض لهجوم صاروخي أسفر عن خسائر مادية ،و لا إصابات
ومع ذلك لم تعلن امريكا الحرب على اليونان ؟!!
7يوليو تفجير بشاحنة مفخخة أدى لمقتل 105 أشخاص على الأقل وجرح حوالي 240 آخرين في بلدة آمرلي التركمانية جنوب كركوك في العراق ولم يهتم احد
2008
4أبريل - إضراب عام في مصر ضد الغلاء والفساد
يؤدي إلى اعتقال عدد من المعارضين وأحداث شغب في مدينة المحلة الكبرى

5نوفمبر - انتخاب باراك أوباما الرئيس ال 44 الولايات المتحدة الأمريكية ويصبح أول رئيس أمريكي من أصل أفريقي المتنصل من اى اصول اسلاميه لديه

14 ديسمبر - الصحفي العراقي منتظر الزيدي يقذف حذاءه على جورج بوش أثناء مؤتمر صحفي في العراق

27 ديسمبر - الغارات الإسرائيلية على غزة أسفرت عن استشهاد أكثر من 3000 وإصابة عشرات الآلاف بجروح جراء الغارت ومازال الحصار مستمر ومازالت العزلة مفروضة على اهل غزة

2009

4 مارس -- المحكمة الجنائية الدولية تصدر مذكرة توقيف بحق الرئيس السوداني عمر حسن البشير بارتكاب جرائم حرب وجرائم ضد الإنسانية في دارفور। البشير هو أول رئيس دولة ان توجه إليهم المحكمة الجنائية الدولية منذ إنشائها في عام 2002.
سبحان الله تفتكروا دا تمهيد للقبض على مرتكبى المذابح فى فلسطين والعراق
والداعين للتفرقة بين السنة والشيعه ؟؟؟

19ديسمبر مصر تبنى جدار فولاذى بينها وبين اهل غزة لتصبح غزة معزولة نهائيا عن العالم الخارجى فى ظل رفض وشجب عالمى الا من محمود عباس وتأييد مجمع البحوث الاسلامية

هل هى حقا الالفية جديدة متطورة ومتقدمة
نحو تقارب لبنى الانسان ام انها الفية مدمرة
قد ترجعنا عشرات بل مئات السنين
لنقسم انفسنا عربى اجنبى
مصرى فلسطينى
مسلم كافر

اخ
اقصد سنى شيعى؟؟؟؟

استحلفك بالله يامصر
يابلدى ياوطنى
لاتقتلى امالنا لاتقتلينا بأيدى باردة
لاتطفئ شموعنا وشموع اهل غزة
استحلفك بالله يا وطنى ان تكونى وطن لاول مرة
استحلفك بكل ما تؤمنى به ان تكونى رحيمة بالضعفاء
استلحفك بكل ما تكفرى به انت ترفعى الظلم عن ابناء غزة
استلحفك بالله لا تفقدينا الامل فيك
لا تجلعينا نكفر بك وبكل شئ جميل حلمنا به يوما ما
استحلفك بالله افيقى اعزك الله
استحلفك لا تقتلينا

انكم محاسبون

حالة من التضارب تجتاحنى

حاله من الجنون او الصدمة

لا والله بل انه الألم الشديد على ما يحدث ويتكرر

وانا لا استطيع ان افعل او اتصرف فيه بشئ من الايجابية

فى الذكرى السنوية الاولى

على وفاة كرامتى كمصريه

وبنفس توقيت الالم وتجرع المرارة

تتكرر الاحداث لكن بسيناريو مختلف قليلا

اكثر برودا لكنه بالتاكيد اشد جرحا وابطئ قتالا

فى الذكرى السنوية الاولى

لقتل كل ما هى حى بداخلى

تمتد يد بلدى لاغتيال جزء منى

وتقيم جدار فولاذى على فلسطين

على غزة العزة

أين تلك الديمقراطية يا دعاة الديمقراطية الواهية

اين ما تسموه بالقومية العربية

او بأننا عرب

أين الاسلام

يا مدعى قول الشهادة

باى ذنب نقتل اخواننا فى غزة ؟

العام الماضى بالصمت المخزى

وهذا العام بالقتل البطئ

الا تتدركون انكم محاسبون

ام انه لا وجود لاى شئ اكبر من القرار الامريكى الصهيونى؟؟؟؟

كلمه حق

منذ ما يقرب من العام
وقرب انتهاء ولاية جورج دبليو بوش الرجل الاكثر دموية فى العالم
قامت القوات الاسرائيلية بمذبحة جديدة فى غزة ووقف العالم اجمع يشاهد بعجز ما يحدث تحت سمع
وبصر ومباركة معظم الحكومات العالمية ان لم يكن كلها !!!!
وتجلى لدى الكثيرين انه ليس هناك ما يسمى بالعدل ولا بمنظمات دولية ولا حتى حقوقية
واصبح راسخ لدى العالم كله ان ما تريدة امريكا واسرائيل فقط هو ما سيكون
لان بيدهم ميزان القوة والمال والعلاقات التى تضغط بها على اى دولة
والغريب ان مصر رغم التظاهرات ورغم الغضب العارم الا انها شاهدت وبصمت اقرب الى الاستمتاع ما يحدث
على حدودها الشرقية بل واحيانا على ارضها """" والاغرب والمثير للدهشة
اعتقال عدد كبير من الشباب والمدونين والصحفيين المطالبيبن بالتحرك لرفع العدوان عن اخواننا
وقسم الشارع المصرى بين مؤيد لحماس التى لابد من وقفها عند حدها الطبيعى واخر لفتح
وثالث رافض لما يحدث
وسبحان الله العظيم فجأة وبعد ما يقرب من العام او اقل بقليل
يتجمع ولله الحمد الشارع المصرى الغاضب كله على كلمة واحدة
الا وهى القتل والكرامة والحرب ورد الشرف وووووووووووووووووووووو

من الجزائر لما لمباراة كرة قدم ؟؟؟؟
انا لا انكر الولاء للبلد ولا حتى الحماس للكرة او حتى التعصب
لكن ان يسرق الاعلام عقولنا ويحشدنا وبمهارة و دهاء
للهجوم الشديد على دولة عريبة بهذا الشكل ؟
أين كان الاعلام المصرى ؟ اين كان هذا الشعب يوم مذبحة غزة او اجتياح العراق ؟؟؟
اى كرامة تلك التى نتكلم عنها ؟؟
ونحن مسلوبى الكرامة يوم دنست القدس ويدنس كل يوم القرآن الكريم فى مكان ما فى الارض
ونحن خرسا اى هذا الشرف ونسائنا تغتصب فى العراق وفلسطين والشبشان وفى مصر احيانا
وانتم ادرى بخبايا الامور ؟؟
اين تلك الغصة من تلك الاحداث
ام اننا نتبع دين جديد اسمه كرة القدم التى اصلا لم نحقق بها مراتب اكثر اللهم من كأس الامم الافريقية؟؟؟؟؟
افيقوا هدانا وهداكم الله
نحن وان كان البعض يرفض فكرة العروبة فنحن مسلمون
ودم المسلم على المسلم حرام وماله وعرضة
والحمد لله السفه منا ومنهم كل يوم يتكلمون عن اعراض المسلمات وبحرية شديدة
ونسوا وتناسوا ان بيننا صلة رحم ودم ؟؟؟
لما هذا التوتر لما هذا التصعيد
ماذا يحدث الان ويضللونا بهذا الغضب والتوجه الاعلامى ؟
ماذا سيحدث فى الجزائر او حتى فى مصر
ولابد من قطع العلاقات له ماذا يحدث بحق ؟؟
فى شوية ملاحيظ ليه
وانتم طبعا عارفين ان نظرى على ادى
اولا هى اول مرة نهان بره او حتى جوه ؟؟؟
طبعا ان لا ابرر الصمت على الاهانة بس اشمعنى المرة دى
ثانيا الفيفا تفكر بجديه فرض عقوبات على اتحاد الكرة المصرى تفتكروا فى حد رشاها؟؟؟
ثالثا فى شوية اخبار على الماشى كدة
اسرائيل تشارك فى مناورات النيتو ؟؟ عقبالنا يارب!!!
دعوة لاعتقال البشير
التوريث
فرنسا والحجاب
تدنيس القرآن فى افغانستان
صحيح هو احنا كنا بنلعب كويس ؟؟
ومسكنا كرات ؟ مررنا بشكل جيد ؟
ولا فرقنا مكنيش فى المستوى؟؟
سؤال اخير على الماشى لو كنا فزنا ودخلنا كاس العالم تفتكروا كنا هنطلع دور ال16؟؟
بالله اهدوا وفكروا

طبعا فى روابط كالعادة
وفى خبر كمان للى هيكسل يضغط
بيقول ان فى صحفى اسرائيلى اثار الجمهور المصرى ضد الجزائر
يا امه ضحكت من جهلها الامم

جورج ومحكمة العدل ؟؟؟

منذ فترة ليست بالقصيرة وانا احاول جمع مادة علمية تليق بهذا الملف الشائك
وما ترتب على ما قام به بطله من تلاعب بالقوانين وساهم وساعد فى الايقاع بالعديد من الحكومات
وتهديد العالم اجمع
ووضع خارطة جديدة للعالم
ومفهوم جديد لتقسيم العالم والحكومات
اما مع اوضد *******وضع جورج بوش
مفهوم جديد للمقاييس التى يقاس بها تقدم الدول
ونجاح الحكومات فى قيادة شعوبهم
كما نجح فى احياء التفرقة الدينية والعقائدية بين طوائف الاديان المختلفة فى كل مكان فى العالم وبين ابناء الدين الواحد متعدد المذاهب نجح وبشكل كبير فى احياء وانعاش الحروب الدنينة فى نهاية القرن العشرين
فقد قاد العالم اجمع الى حروب طاحنة باسم الدين
وادى الى انهيارات اقتصادية هائلة وقاد اكبر اقتصاد فى العالم الى الانهيار

سأحاول عرض اليوم ملف
اطالب كما تطالب العديد من الجمعيات والمنظمات الحقوقية بمحاكمة جورج دبليو بوش كمجرم حرب
خاصة وانه ضلل وكذب ليجر العالم بأسره الى الوقوع فى براثم شهوة الحرب والتلذذ برويه بحور من الدماء

ولكى نتمكن من محاكمة بوش فى

محكمة العدل الدولية
لابد وان يكون ارتكب جرائم حرب او جرائم ضد الانسانية
نص القانون الدولى بتحرمها وهذا ما نحاول هنا اثبات جزء يسير منه

اولا ما هى جرائم الحرب التى يعاقب عليها القانون

جرائم الحرب في القانون الدولي الإنساني هي ببساطة الجرائم التي ترتكب ضد قوانين وعادات الحرب، وهذه الجرائم يتم تحديدها بناء على العرف الدولي، وبحسب اتفاقيات لاهاي.
وجاءت اتفاقيات جنيف الأربع التي تم توقيعها في 12 أغسطس عام 1949 لتحدد هذه الجرائم بشكل دقيق وتفصيلي، وهذه الاتفاقيات الأربع هي:
1 - اتفاقية جنيف بشأن تحسين حال الجرحى والمرضى من أفراد القوات المسلحة في الميدان.
2 - اتفاقية جنيف بشأن تحسين حال الجرحى والمرضى والغرقى من أفراد القوات المسلحة في البحار.
3 - اتفاقية جنيف بشأن معاملة أسرى الحرب.
4 - اتفاقية جنيف بشأن حماية الأشخاص المدنيين وقت الحرب.

جرائم الحرب عديدة ومتعددة وعلى سبيل المثال لا الحصر كما ورد فى القانون الدولى

1 - الـ قتل العمد.
2 - الـ تعذيب.
3 - التجارب البيولوجية.
4 - جرائم ضد الانسانية
5 - ايذاءات خطيرة ضد السلامة الجسدية والصحية.
6 - المعاملة غير الإنسانية.
7 - تخريب الأموال وتملكها بصعوبة لا تبررها القرارات العسكرية التي تتم بشكل تعسفي وعلى مقياس غير شرعي.
8 - السماح بنهب وتدمير تراث العراق الثقافي والحضاري في المتاحف ومختلف المواقع الأثرية على الرغم من التحذيرات السابقة من جانب اليونسكو والخبراء في العالم
9 - حرمان شخص محمي من حقه في محاكمة قانونية وحيادية حسبما تفرضه الاتفاقيات الدولية.
10 - إقصاء الأشخاص ونقلهم من أماكن تواجدهم بصورة غير مشروعة.
11 - الاعتقال غير المشروع وآخذ رهائن من المدنيين
12 -إعادة كتابة قوانين البلاد التي تعرضت لاحتلال غير قانوني وذلك في خرق للمعاهدات والاتفاقيات الدولية المتعلقة بالتزامات ومسؤوليات قوة الاحتلال.
13 - سوء استعمال علم الصليب الأحمر أو شارته أو الأعلام المماثلة.
14 - جعل السكان المدنيين أو الأفراد المدنيين هدفاً للهجوم.
15- اشعال الفتنة الطائفية



تعالوا معنا نحاول انعاش ذاكرتنا بما حدث واعلن عنه ( وما خفى كان اعظم ) فى العراق
وهل ينطبق عليه مسمى جرائم حرب ام لا
وهل فعلا تستطيع محكمة العدل محاكمة بوش؟؟


نشرت الواشنطن بوست فى 11 أكتوبر 2006 ان عدد القتلى من المدنيين العراقيين بلغ 655،000

بعض الصور المؤلمة جداا بعض المواقع التى بها
فيديوهات الغير انسانية

تحذير
الفيدوهات و الصور مؤلمة
نشرت الواشنطن بوست فى 11 أكتوبر 2006 ان عدد القتلى من المدنيين العراقيين بلغ 655،000

ملحوظة الموضوع دا انا كتبته اكثر من مرة لكن للاسف كان بيتحذف من عندى لاسباب مختلفة فضاع منى لينكات كتير جداهامة فاعتذر عن انه اقل من المستوى المطلوب

تحت الكثير من الكلمات لينكات لمواقع عربية واجنبية بها الكثير من المعلومات التى تدين وبشده مجرم الحرب جورج دبليو بوش

ما اريد قولة باختصار ان ما يحدث للمسلمين فى كل انحاء العالم ما هو الا برنامج مخطط للابادة الجماعية والطائفية ضدنا وما حدث فى العراق ما هو الا سينايور مكرر حدث بعدها فى غزة ويحدث بأشكال واسماء وايادى مختلفة فى كل مكان فى العالم الاسلامى لك لهدف واحد
خارطة للمنطقة من رؤية امريكية

السؤال هل تثبت محكمة العدل الدولية حياديتها وشفافيتها وتحاكم الرئيس الاسبق لامريكا؟ ام انها خدعة كباقى الخدع العالمية ؟؟؟؟

سواق تاكسى حسسنى بالعجز!!

مش عارفة لية رغم انى مش بحب اكتب فى المدونة حاجات خاصة
الا ان الموقف دا بالتحديد استوقفنى جدا
وحبيت افكر فيه بصوت عالى معاكم
وافهم منكم وتفهموا منى !!!!!
من فترة كنت خارجة وقفت تاكسى وحصل على مدار المشوار
الحوار اللى هحكى لكم عليه بالضبط
اول ما ركبت التاكسى كانت الشارع زحمة جدا فاصتطدمت مرأت السيارة الجانبية
بسيدة مارة فسبها السائق 00000000 وبعدين قالها داتك داهية هتكسرى العربية !!!
جيت اقوله بالراحة ويعنى الموضوع لا يستحق وان الحلم سيد الاخلاق
وان الدين يحث على حسن الخلق
لكن لاقيت الراجل بيتخانق مع دبان وشه فى الطريق ومع دواسة البنزين كمان؟!
فقلت اسكت شوية
واتصيد الفرصة فسبحان الله لاقيته بيتكلم فى التلفون مع طبيب نساء
وكان الحوار التالى دكتور افتح اوضة العمليات عشان انا فى ايدى مشوار هخلصة واروح اجيب
لك زبونة سقع تولدها !!!
لا اطمن العيل مقلوب انا عارف انه مقلوب لانها عدت اسبوع من التاسع
لا دول ناس على فطرتهم ومعاهم فلوس بالكوم استعد انت بس وانتظرنا فى العيادة
هوصل الناس دول واروح اجبهم من الافرنج لالا دول ناس على الفطرة خالص ومعاهم فلوس كتير
وميعرفوش حاجة فى اى حاجة لالالا انا قلت لهم ان الولادة ب2500 وهاخد انا ال500ج دول
دا غير حلاوتى منك 000 طب دكتور فى حاجة كمان
بقولك مش انت رئيس القسم 000 فى المستشفى عارف البت فلانة انا بقى عايزها تطلع بفضيحة
لا انت ملكيش دعوة انت بس خلى ورديتها مع الدكتور فلان وانا
هخش الحضانات واصورهم بالموبايل وهم فى وضع مخل
ونطردها شر طردها وازلها عشان تحرم تقول لى انى اتأخرت او ان دا مش شغلى ؟؟؟
لالا هى غاوية تقعد معاه وتبقى جاتلك على الطب طاب الدكتور اللى مضايقك والبت اللى قرفانى
ونمشيهم بفضيحة كمان عشان الكل فى المستشفى يعرف انى مش عضمة سهلة!!
اه مالحق فاكر البت اللى جبتها لك تعمل العملية اياها؟
طلعت بنت رئيس النيابة 00 عرفت بطريقتى وجيت اكلمها اتنطتت على
قالت انت مش عارف انا مين قلت لها عارف بأمارة العملية اياها اية رأيك لو
بابكى عرفت !! وخدت منها 200ج وبقت زى العجينة فى صباعى؟
انا طبعا كنت سامعه الحوار دا ومش عارفة اقول اية غير يارب اوصل البيت
وصلت البيت وصدقونى والله اول ما نزلت قلت روح يا شيخ ربنا يكفينا شرك
ومندهشة جدا من كمية الشر المتجسدة فى رجل واحد ومدى احساسى بالعجز عن التصرف معه او حتى لمساعدت احد ضحاياه!!
الراجل دا ذكر اسمة واسم المستشفى وانا سألت طبيبة صديقة لى وطلع فعلا موجود هناك
للدرجة دى الناس بقى لا عندها دين ولا اخلاق؟؟
سبحان الله ربنا يخرجنا منها على خير

تهنئة بأجمل الشهور (رمضان كريم )

السلام عليكم ورحمة الله وبركاتة

مرت فترة طويلة لم اكتب بها ولم اتابع المدونات
والظاهر انى اعتدت على الكسل سمحونى على تقصيرى المستمر والمتكرر
أحبكم فى الله
حبيت انهنئكم بقدوم الشهر االفضيل
اللهم بلغنا رمضان



وكل عام وانتم بخير وسعادة رمضان كريم

الفضل لله ثم لعباده

الفضل لله
بجد سبحان الله من اروع الايام اللى شاركت فيه
بصراحة اليوم كانت فرحة الاطفال لا توصف وهم بيأكلوا الاكل
اللى طلبوه وكمان بيلعبوا مع اناس بيحبوهم واتعودو عليهم
وكمان على البحر فى نادى هيئة قناة السويس

انا بعمل البوست دا عشان اشكر ربنا عزوجل
واشكر كل من ساهم ولا يدرى انه بفضل من الله وكرمه
كان معنا اليوم بعطية الله له
وساهم فى فرحة الاطفال بشكل لا يوصف ولله الحمد
حتى انهم مش عايزين يروحوا
وقعدوا طب تجبونا بكرة ؟ طب بعدة
بجد انا فرحت جداا لفرحتهم اللى بكنوز الدنيا

الفضل لله
ولاسراء دياب واسرتها
عفا الله عن اخيها ووالديها وعافهم
ماما امولة

خالد همس
جنة بارك الله فيها
محمد توفيق ابو العربى
عبد الحميد
مجموعه حماة المستقبل ببورسعيد
ميرام
مروة
هايدى
رشا
مدام عبير الله سمعت من زوجها فشاركت طوعاا
اسماء
رامى فتحى
محمد متولى
كريم متولى
شكر خاص
لاستاذ محمد البرولسى
لمتابعتة الدؤبة للاطفال
ومشاركته معنا اليوم
بارك الله فى كل من شارك
خبر لمن يهمة الامر
بس يارب يشوفه
رحمة رجعت الدار بعد لفظ والدها لها
ولبحرى استاذ جودة
مريم بخير حال والحمد لله
اليوم كان عبارة عن اطعام
على البحر مع اللعب مع الاولاد
وبعد الهدايا البسيطة جدا( الانو )
الاطعام كان من اختيار الاطفال
محشى مشكل
وفراخ بانية ومشوية
وكيك وحلوى
وعصاير


جزاكم الله خيراا

ملحوظة
انا بجد اليوم ادخل السرور على قلبى ونفسى
سبحان الله

شكرا لمن يضئ الشموع

الحمد لله الذى بنعمتة تتم الصالحات
وفقنا الله يوم الجمعه الماضية فى اللقاء الخيرى التدوينى
وقدرنا اننا نعمل يوم ترفيهى للاطفال المعاقيين بمدرسة بورفؤاد
كان فى ساحر ومسرح عرايس
وكمان ربنا قدرنا وجبنا كمبيوتر
وشرفنا بالحضور الدؤبة الجميلة سارة طوبار
والجميل المصر على التواجد بأستمرار معنا خالد همس الاحباب
والمفاجأة السارة لى انا شخصياا استاذ احمد عبد المنعم واسرته
جزاهم الله خيرااا
سكر زعلت انك مقدرتيش تجى بس تتعوض ان شا الله
وابى كمان


طبعا انا هتكلم عن اليوم بشكل تانى خالص
اليوم دا سبحان الله كان من اشد الايام ارهاق علينا كفريق عمل لان
المكان اللى كان المفروض نتقابل فيه للاسف كان لا يليق
وابتدينا اننا بنحث عن مكان تانى وللاسف اهم شئ اتفقت عليه كل ادارات البلد ان
اى يوم الا الجمعه والعطلات وكان سبحان الله المعاقيين ليس لهم حق بالعطل معنا

تانيا تعسف الاندية الحكومية ضد اللحية والنقاب
بس هو سؤال الم تعد مصر دولة اسلامية ؟؟؟؟؟؟
ام انها اشاعه

ثالثا
تأثر تامر مبروك الشديد بموقفه السيئ فى قضيته
وعدم تضامن الناس معه
وانا شايفة ان المفروض هم المتضاميين معه يكون وزارة البيئة المصرية
اعتقد انها لازم تتفاعل بقى وكمان مثقفى البلد دى
وكمان الحكومة اللى بتصرف دعم طبى لمريض الفشل الكلوى 50000 جم
اعتقد انها لو خدت موقف ايجابى ضد المصنع هيكون اوفر بالنسبة لها

رابعا
استجابة الناس والمشاركات اللى ابتدينا نحس بيها حتى ولو كانت بسيطة لكن مازال فى امال

خامسا
انا لما بحط رقم تلفون
بيكون عشان اللقاء مش عشان حيوان يقل ادبه او يرخم برسايل
لا يستحقها الامن هم مثله
حسبى الله ونعم الوكيل

سادسا
متزعلوش منى انى بدعوكم كتير
بس والله انا مش قصدى ابدا اغلس عليكم

سابعا
آبى لسه انا عايزة التلفزيون

المشاركين فى اليوم
ماما امولة صاحبه الفكرة
داليا أهو دا عيبة
دعاء الجميلة ربع ضاب
اسراء صاحبة نصيب الاسد فى اليوم
جنة ربنا يرجعها بالسلامة
محمد توفيق ابو العربى الجميل
الجندى المجهول اللى انا مبهدلاه معايا بصراحة
عبد الحميد متولى ربنا يوفقه
هى فوضى
سارة طوبار
خالد همس الاحباب اللى منميش عشان يجى
أ/ احمد عبد المنعم واسرته
تامرمبروك
طارق غنام
علاء البرجماتى
د/ رفعت
مروة عبدة
ريهام (من مجموعه حماه المستقبل جزاهما الله خيراا)
رامى
محمود
حمدى
محمد


جزا الله كل من شارك او فكر بالمشاركة خيراا



الف مبروك لايمان
بنت ابو خالد وربنا يتمم لها على خير

اسعدنا جدا اتصالك

ان شاء الله الصور لما تجينى هنزلها على الفيس بوك


يوم الثلاثاء القادم عندنا اطعام على البحر ان شاء الله
ل70 طفل يتيم والله المستعان

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ

السلام عليكم

ازيكم وحشتونى عارفة انى وحشة ومقصرة بس والله بجد

انا فى حالة انهيار نفسى شديد

يالا بقى

انا بس داخلة اعتذر لكم عن تقصيرى واغلس واطلب منكم تنورنا

فى بورسعيد يوم الجمعه 19/6

هيكون يوم خيرىوترفيهى للاطفال و هنحاول نجمع جهازين كمبيوتر

لمدرسة بورفؤاد للتثقيف الفكرى

كنوع من الصدقة الجارية بأسمنا جميعا

دا كان اقتراح ماما امولة

تعالوا نولع شمعه حب بأسمنا

للاطفال المحتاجين لنا

اللى عنده ماوس قديم

هارد ماذر بورد

يجيبه ويجى

او تبرعات مالية

واحنا نجمعها ونشترى الجهاز

ورونى الهمة يا راجلة

قال تعالى بسم الله الرحمن الرحيم

خُذْ مِنْ أَمْوَالِهِمْ صَدَقَةً تُطَهِّرُهُمْ وَتُزَكِّيهِمْ بِهَا وَصَلِّ عَلَيْهِمْ إِنَّ صَلاتَكَ سَكَنٌ لَهُمْ وَاللَّهُ سَمِيعٌ عَلِيمٌ. [التوبة:103]

احنا شفنا المجهود المبذول فى المدرسة وايضا لان الاطفال دول منهم 3 عرب جله

و4 عرب جرى مسافات

التجمع هيكون الساعه 11 ظهرا

فى نادى اسبورتنج ببورفؤاد

اللى من برة بورسعيد يركب للمعدية ومنها

لنادى الهيئة

وانا معاكم طبعا بالتليفون

0188047779

التلفون هيكون مفتوح يوم اللقاء فقط للاستفسار عن المكان

بعتذر عن انقطاعى وادعو لماما بالشفاء

قصة حقيقية !!!

بدأ قلبه فى العزف على اوتار الحب

منذ كان صغيرا يلعب معها فى ارجاء المنزل وفى

الحديقة او حين كان يعلمها السباحة فى البحر وتحت حرقة الشمس

تعود منذ الايام الاولى فى حياتة ان يتحمل مسئوليتها فهى مرافقته الصغيرة

احبها فهى لم تكن ابدا بالنسبة له رفيقة الطفولة بل نما فى قلبه حبها وهى ايضا

بدالته مشاعره فقد كان هو البطل الحامى لها والمدافع عنها من مضايقه الاطفال لها

وحتى حتى تخطا كان هو من يبادر بتحمل اللوم عنها امام اسرتها

نشأ سويا تقاسما لحظات الطفولة

تشاركا الاحلام

وتعاهدا على الحب الابدى

كانت هى سببا ليجابه به الاحزان

ويحارب الذكريات المؤلمه

نشأ هـــــــــو فى اسره ميسورة الحال

نعم بسبل الحياه الكريمه

حين نجح فى دارسته الاعدادية فضل ان يكمل تعليمه المتوسط ليخرج سريعا

للحياة العملية ليفوز سريعا بمحبوبته ويختصر سنوات الدراسه والعمل

خاصة وانه تلقى وعدا بالعمل فورا فى مكتب تجارى تملكه الاسرة

فور تخرجه فأخذ يكد فى دراستة ويحلم بيوم اللقاء

فلم يجد ابدا يوما من يجذب انتباهه مثلها

او من يهون عليه حياتة بنظراتها الحانيه مثل محبوبته

وهى ايضا باتت تنتظر بكل الحب والشوق

ساعة تخرجة ليكللا حبهما بالارتباط

وفعلا تخرج محمود والتحق بالعمل فى المكتب التجارى

وعمل بجد وسط فرحه الاهل

وسعادة محبوبته فقد كان يعمل ويحاول ان يوفر حق

لبعض من مصاريف الشبكة رغم ان اسرتة وعدته بتحمل اعباء

الزواج كامله الا انه احب ان يشعر بلذة النيل من محبوبته

اصرت اسرته على ان يخطب محمود اما تختار انت او نختار احنا

هكذا كانوا يسألونه *** فقرر ان يصارحهم

بحبه وعشقة لمنيه نفسه وما ان قال اسمها

حتى طار لب الاسرة كلها ؟!!!! .

هل فقدت عقلك فقدت صوابك

بعد كل هذة السنوات تعض اليد التى مدت لك

فى يوم من الايام ؟؟؟؟

انسيت من انت

انسيت انك لقيط

كيف تجرأ

كيف تحلم

كيف تطمع

نعم محمود ما هو الا طفل لقيط ربته الاسرة التى لم ينعم الله عليها بالانجاب

وعاملاه الوالدين بمنتهى الاحسان والحب حتى انه نسى انه لقيط

والا ما كان جرء وفكر بالارتباط ببنت اخت الام التى ربته

لانه لا يعتبرهم اسرة بديلة رغم علمه انهم ليسوا والداه

الحقيقيين الا ان حنانهم أنساه قسوة الدنيا وظلم الناس

لما الان فقط تفكر كل هذا الغضب لما حرم من كل متع الحياة

لما اخذ منه كل ما منح من قبل لما الآن فقط اصبح محمود اللقيط

وليس مودى ابنهما حبيبهما وفلذة كبدهم

كيف نسوا السنين

كيف نسوا الحب العشرة

كيف ضحوا بكل لحظات الحب فجأة

السؤال الآن لما هذا التحول

هل لانه لقيط .؟؟ واين هى ايام العشرة والتربية ؟؟

اليس من حق اللقيط ان يحيا كباقى الشباب

ملحوظة

القصة دى حقيقية من واقع دور الرعاية

بعد ان طردته الاسرة التى عاش معهم منذ نعومة اظافره ؟

اخبار خفيفة

المساواه فى مصر بين البشر والبقر





دخول 65 الف طن قمح علف حيوانى وغير صالح للاستهلاك الادمى

لمصر عن طريق ميناء سفاجا وتشوينة فى شون خاصة بمطاحن قنا

تحت سمع وبصر مصلحة السلع التموينية ووصول سفن اخرى تحمل 65 الف طن

اخرين لاستكمال الشحنة التى تزن 300الف طن قمح



الملفت للنظر ان سائقى العربات التى تنقل الشحنة يستخدموا الطريق الصحراوى

للوصول لمخازن مطاحن قنا بدل من الطريق العادى ؟





قمح فاسد يستخدم كلعلف للحيوانات فى الخارج

اما فى مصر وبما اننا نؤمن بالمساواه بين البشر والبهائم

فسيستخدم القمح الفاسد لاطعام الشعب الجائع

وسيتقدم النائب مصطفى بكرى غدا ببلاغ للنائب العام

بعدما قدم طلب احاطة فى مجلس الشعب المصرى

شحنة القمح للان لا احد يعرف اسم مستوردها !!!!





******************************************************





عايزينها تبقى خضرا ****** الارض اللى فى الصحرا

فى المقابل تنتزع الحكومة المحتاجة للقمح ملكية 200 مزارع قمح

فى المنيا لصالح الطريق الدائرى بسمالوط المنيا



حكومة رشيدة صحيحة





************************************



اغلى من الشرف مفيش



ضبط استاذ دكتور فى جامعه عين شمس

يستخدم عيادتة لممارسة الرذيلة وتصوير المريضات

تحت تأثير المخدر لاجبارهن على الاستسلام له

والادهى انه يحتفظ بالسى دى بين كتب الطب بمكتبته!!!

اللى يمرض فى بلدنا يتصور او يستسلم لقضاء الله

ولا يثق ابدا بالاطباء موهوبى التصوير منحرفى الميول

اللهم استرنا فوق الارض وتحت الارض ويوم العرض عليك





********************************************



الشعب فى خدمة الشرطة

القبض على قاتل الطفلين بالعمرانية

قاتل يقتل اسرة مكونة من 5 افراد بشقتهم بالمعصرة حلوان

والسؤال اليس جهاز الشرطة المصرية اقوى اجهزة الحكومة على الاطلاق

ويد الحكومة الطويلة واصابعها الماهرة للعثور على المعارضين فى انحاء البلاد؟؟؟

اين هم من تلك الجرائم التى يشيب لها الوليد

ام ان الجهاز الامنى فى مصر منوط با لا عتناء بالمعارضة المصرية فقط وخدمة الحكومة

والشعب له الله

وباء جديد الله يستر

بصوا انا مش هعرف انمق الكلمات

لانى بجد هموت من الغيظ

فخلونى اتكلم معاكم قبل ما طق

من كام سنة ظهرت انفلونزا الطيور

فى جنوب شرق اسيا وانا قلت يااااه بعيدة اية هيجبها هنا

ومفيش بعدها اصبحنا بفضل رعاية مسئوليينا الكرام

من اكثر الدولة اصابة بالمرض اللى تطور الى انه اصبح انفلونزا الخنازير

اما الان من ايام قليل ظهر فيروس جديد اسمه H1N1

وهو انفلونزا الخنازير وللاسف ان الفيروس دا بينتشر ايضا بين البشر عن طريق الاستنشاق

حد يقولى واحنا مالنا ومال الموال دا

اقولك ان القاهرة الكبرى محاطة بحزام عبارة عن مزارع خنازير غير امانة

ولا مطابقة للمواصفات لوجودها داخل الكتلة السكنية

وانه طبقا للرواية المتكررة من عدم مصادقية الحكومة

وعدم تصديق الافراد فأننا على وشك كارثة حقيقية لعدم

معرفة العالم كله بـ المرض ولا طريق الوقاية منه

ولا حتى طرق العلاج ولا اى شئ يعنى خطر عن طريق تعامل

الانسان مع الخنازير غير كدة كل شئ مبهم وغير واضح ولا معروف

وقد طالب اعضاء مجلس الشعب بالتخلص من كل الخنازير الموجودة فى مصر بالاعدام

وطبعا ومما لا شك فيه ان دا لا يمكن لاننا عارفين ان اكيد اصحاب الخنازير من الناس

التقيلة صاحبة الايادى البيضاء على السياحة وعلى الحريات وحرية الاقليات

وكدة يعنى طبعا كلامى واضح جدا ولا اوضح

يعنى ممكن بكرة ابن حلال يطلع يقول اننا عايزين نعدم الخنازير بس عشان

نضايق اخوانا الاقباط او واحد تانى ابن حلال برضة يقول ان فى حياة

الخنازير استقرار للأمن القومى المصرى لان السياحة فى بلدنا

ما هى الا سياحة خنازير !!! اقصد اكل السياح فى بلدنا

وهكذا من مدعى الحريات








اعتقد ان قرار التخلص يمكن يكون القرار الاول
اللى يضفى مصداقية على تواجد حكومة تخاف على شعبها
وتملك قوة التنفيذ على ارضها دون التدخلات الاجنبية بأى مسمى كان ؟
خاصة فى ظل عدم مقدرة الحكومة على توفير 75مليون ماسك
وحتى لو وفرت تعتقدوا احنا ممكن نمشى بماسك واقى ؟؟





مختصر ما احب ان اقوله شوفوا انفلونزا الطيور كلفت مصر كام

من الضحايا البشر وكم من المليارات رغم انه وباء قالوا انهم قادرين على

التعامل معه !!! اللى تطور الى انفلونزا الخنازير



وشوفوا ما قد تسببه مزارع الخنازير غير معروف عددها الحقيقى

ولا عدد ما بها بشكل دقيق فى اناس مبهم بالنسبة لهم وللعالم اجمع طرق الواقيه

من انتشارة وينتشر بين البشر عن طريق التنفس ؟!!

ملحوظة

تحت الكلمات الملونة روابط للاطلاع على بعض المعلومات

اللهم ارحمنا برحمتك يارب العالمين

لقاء المدونين ببورسعيد

تم بحمد الله لقاء يوم الجمعه

الموافق 10/4 وحضر عدد كبير من المدونين
وغير المدونين

بدء اليوم فى تمام الساعه 10.3
بحضور

محمد توفيق الشهير بأبو العربى ومعه صديقة محمد جبر مصور صحفى

وصادق وهو صديقى من العراق وعبد الحميد متولى من بورسعيد

وبعدهم جاءت ميادة صحبتنا ووالدها

وبعدها وصلتنى رسالة من رامز عباس يقول انا جيت

وراح ابو االعربى يدور عليه

نسمة هى فوضى

وجه محمد صلاح الاخصائى الاجتماعى واحد منفذى اليوم
وجائت هو دا عيبة داليا حبيبة قلبى هى وربع ضارب دعاء
وشويه وجت اسراء صاحبة مدونة الاميرة المفقودة
وروميساء ورفيدا وافنان

وماما امولة الزمن الجميل اللى تأخرت بسبب مرض والدة اسراء

المرافقة الجميلة لها الله يشفيها ويعافيها يارب وكان معهم امانى

وابى هانم بتنجانى ومعها ضياء صاحب العقل الجميل

وسكر يار اللى نورنا وحلى القعده

وبعدهم عسقول الجميل ابن حجر العسقلانى

وسارة طوبار اللى مش بتفوت لقاء و اميرة

سارة فضفضة اقلامى

ومجموعه بنات من مدرسة بورسعيد الثانوية بنات

الاء امانى اسراء سارة لولو

الفنان محمد الاسمر ودودو وسارة وناجى وهبة

واخرى من النت لوج

وجانا الاستاذ محمد امان اللى والده كان مريض لكنه شرفنا بالحضور

ليحاول مساعدة الاطفال

والاستاذة هدى اللى عرفت من على النت لوج وجت هى ووالدتها بارك الله فيهما

ومجموعه حماه المستقبل

الاستاذة منى عبدة وميرام ومروة عبدة ومنى طاهر

ايمان الشبينى بارك الله فيها

ورامى ومحمود اللى اضفوا فرحة باللعبهم مع الاطفال

ومحمد ابو عجيلة وشادى برايا وحسين محمد وشريف شبانه

وطبعا جلنا الاستاذ احمد ك من الغردقة

وجت صديقتنا من الكورس هايدى وأ/ شريف

واستاذ محمد الدنف مدير حديقة التاريخ

ومجموعه من اصدقائه

وقعدنا شوية مع الاطفال اللى بصراحة الجمعية مهملة فيهم بشكل كبير

لان منهم المريض بالضمور فى العضلات ومريض العيون او الجلدية

الله يعافيهم وللاسف دور الجمعية معهم بسيط

الحمد لله قدرنا نجمع تبرعات كويسه لهم

والبعض الاخر الحمد لله ودناه امبارح

للمدرسة الفكرية ببورفؤاد

الان احنا بنحاول نشوف دكاترة فى عدة تخصصات

لعلاج بعض المرضى فى جمعية التثقيف الفكرى ببورسعيد

شكر خاص لخالد همس الاحباب على الاتصال

وفنون الجميلة بارك الله فيكم

جزاى الله خيرا كل من ساهمة

فى رسم بسمة على وجه

المعاقيين

اسفة بجد انى مش قادرة احكى اكتر عن اليوم

باقى الصور على الفيس بوك

بوست عن لقاء يوم الثلاثاء فى مدرسة الفكرية ببورسعيد

شكرا ماما امولة