بصوا انا مش هعرف انمق الكلمات
لانى بجد هموت من الغيظ
فخلونى اتكلم معاكم قبل ما طق
من كام سنة ظهرت انفلونزا الطيور
فى جنوب شرق اسيا وانا قلت يااااه بعيدة اية هيجبها هنا
ومفيش بعدها اصبحنا بفضل رعاية مسئوليينا الكرام
من اكثر الدولة اصابة بالمرض اللى تطور الى انه اصبح انفلونزا الخنازير
اما الان من ايام قليل ظهر فيروس جديد اسمه H1N1
وهو انفلونزا الخنازير وللاسف ان الفيروس دا بينتشر ايضا بين البشر عن طريق الاستنشاق
حد يقولى واحنا مالنا ومال الموال دا
اقولك ان القاهرة الكبرى محاطة بحزام عبارة عن مزارع خنازير غير امانة
ولا مطابقة للمواصفات لوجودها داخل الكتلة السكنية
وانه طبقا للرواية المتكررة من عدم مصادقية الحكومة
وعدم تصديق الافراد فأننا على وشك كارثة حقيقية لعدم
معرفة العالم كله بـ المرض ولا طريق الوقاية منه
ولا حتى طرق العلاج ولا اى شئ يعنى خطر عن طريق تعامل
الانسان مع الخنازير غير كدة كل شئ مبهم وغير واضح ولا معروف
وقد طالب اعضاء مجلس الشعب بالتخلص من كل الخنازير الموجودة فى مصر بالاعدام
وطبعا ومما لا شك فيه ان دا لا يمكن لاننا عارفين ان اكيد اصحاب الخنازير من الناس
التقيلة صاحبة الايادى البيضاء على السياحة وعلى الحريات وحرية الاقليات
وكدة يعنى طبعا كلامى واضح جدا ولا اوضح
يعنى ممكن بكرة ابن حلال يطلع يقول اننا عايزين نعدم الخنازير بس عشان
نضايق اخوانا الاقباط او واحد تانى ابن حلال برضة يقول ان فى حياة
الخنازير استقرار للأمن القومى المصرى لان السياحة فى بلدنا
ما هى الا سياحة خنازير !!! اقصد اكل السياح فى بلدنا
وهكذا من مدعى الحريات
اعتقد ان قرار التخلص يمكن يكون القرار الاول
اللى يضفى مصداقية على تواجد حكومة تخاف على شعبها
وتملك قوة التنفيذ على ارضها دون التدخلات الاجنبية بأى مسمى كان ؟
خاصة فى ظل عدم مقدرة الحكومة على توفير 75مليون ماسك
وحتى لو وفرت تعتقدوا احنا ممكن نمشى بماسك واقى ؟؟
مختصر ما احب ان اقوله شوفوا انفلونزا الطيور كلفت مصر كام
من الضحايا البشر وكم من المليارات رغم انه وباء قالوا انهم قادرين على
التعامل معه !!! اللى تطور الى انفلونزا الخنازير
وشوفوا ما قد تسببه مزارع الخنازير غير معروف عددها الحقيقى
ولا عدد ما بها بشكل دقيق فى اناس مبهم بالنسبة لهم وللعالم اجمع طرق الواقيه
من انتشارة وينتشر بين البشر عن طريق التنفس ؟!!
ملحوظة
تحت الكلمات الملونة روابط للاطلاع على بعض المعلومات
اللهم ارحمنا برحمتك يارب العالمين
المشاركات
68 التعليقات:
ر أبر 29, 01:45:00 ص 2009
السلام عليكم
والله انا متابع الموضوع عن طريق المصرى اليوم
وبجد مشمأذ جدا من شلل الحكومه وعدم القدره على اتخاذ اى قرار سريع اتجاه هذه العاصفه التى تتجه ألى شعبنا بأقصى سرعه وطبعا بعد ما حكومتنا تتخذ القرار هيكون اصحاب الخنازير هربوها الى اى مكان وهنا تقع المشكله لتكون اسهل لئنتقال المرض بين شعب مصر كله بأقصى سرعه ممكن
مرسى على الموضوع المثير جدا تحياتى
ادم
ر أبر 29, 01:48:00 ص 2009
السلام عليكم
ازيك ياريحانة وكيف حالك لعلك بخير والحمد لله ..
حكومتنا الغير رشيدة وحزبها الفاسد لا يكون عملهم فعل ابدا دايما يكون رد فعل .. بمعنى انهم لن يفعلوا اي شئ حتى يظهر المرض في مصر ..
والخنازير جمعوهم في منطة محاذية لمدينة 15 مايو في حلوان يعني مش كل القاهرة الكبرى وان كان هناك في كل مقلب زبالة تربية للخنازير بشكل مقرف ومقزز ولا ادري كيف يأكلها النصارى وهي بهذه القذارة ..
المهم اصحاب الخنازير موافقون على اعدامها بشرط تعويضهم لاستبدالها بابقار وغنم .. وياريت الحكومة تعمل حاجة وتنصفنا مرة ربنا ياخدهم امين
ر أبر 29, 01:54:00 ص 2009
السلام عليكم
قرار بسيط وسهل هو فى مجمله صعب انما لو بصينا عليه بأبعاد اجتماعيه هنلقيه سهل
يعنى لو الحكومه دى خايفه علينا تعدم كل الخنازير الموجوده فى مصر ولو مش خايفه علينا تعدمها برضه لأن من التبعيات للموضوع الفلوس اللى هتتصرف على الأدويه والماسكات والعلاج لو لقوا له علاج وطبعا ده هيقصر على نسبة النهب والسلب اللى متبعينه ناس معينه كبيره اوى فى البلد وطبعا ده مش فى مصلحتهم
انا بقول يعدموها بدرى بدل ما يعدموها لما هى تعدمنا وتعدمهم معانا
موضوع متميز وعليه كلام كتير بس مين يسمعنا يا إيناس
ربنا يسترها علينا وعلى الشعب المسكين ده
ر أبر 29, 02:07:00 ص 2009
ادم
ازيك
والله الموضوع بجد خطير جدا والغريبة ان الامور ماشية وكأن كل شئ عادى وحتى السيطرة ؟
ولا حياة لمن تنادى
تحياتى لك
ر أبر 29, 02:10:00 ص 2009
جنى
كيف حالك انا بفضل الله بنعمة وله الحمد
اما عن حكومتنا الرشيدة فيا اخى كنت اليوم مع المسؤل عن هذة المزرعه التى بمايو
لكن ايضا لا وجود لاحصائات حقيقية
وهناك بجد تضليل شديد فى الاعداد
وانكار بعض المحافظات وجود مزارع بها
رغم عراء ذلك من الصحة
ربنا يستر
ر أبر 29, 02:12:00 ص 2009
ابن مصر
يا اخى بص حكاية الاعدام دى ممتازة جدا لكن للمصداقية لو الحكومة اعدمت هناك الالاف ستسرب من المزارع
وادينا فى انتظار الفرج
ر أبر 29, 02:20:00 ص 2009
لطفك بعبيدك يارب
سبحان الله لسه مش انتهت انفلونزا الطيور لسه لحد دلوقتى بنعانى منها
عارفة واللهى نفس التصريحات ان البلد آمنة ومش فى اى حظر عليا ولا اى حاجة وكله تمام ومع الاسف فجاة تلاقى ظهور اولى حالات انفلونزا الخنازير دا مرض ابشع واسوأ لانه مش اى علاج
موضوع اعدام الخنازير دا مش هيتحقق التجارة دى وراها ناس كبيرة اوى من ضمنهم على سبيل المثال يعنى اسرائيل عياد صاحب اشهر مزارع خنازير فى مصر وغيره كتير يعنى
كمان كان فى قرار بنقل المزارع دى الى صحراء 15 مايو ومش اتنفذ لحد دلوقتى مين المسئول عن عدم التنفيذ بقى
الموضوع مثير ويستحق ان المسئولين يتحركوا قبل فوات الاوان
تحياتى لاثارة الموضوع الخطير
تحياتى
يويو
ر أبر 29, 03:30:00 ص 2009
يويو
ازيك يا قمر
حكاية ان المزارع دى وراها ناس كبيرة دا حقيقى جدا
و احنا عارفين ان كل مصايب البلد
وراها ناس كبيرة
الله يستر ويسلم يا يويو
شكرا لك
ر أبر 29, 05:27:00 ص 2009
انتي عارفه أن المشكله الحقيقيه والمصيبه الكبرى أن إنفلونزا الخمازير لا ينتقل للإنسان عبر تناول لحم الخنزير
لأنه لو كان بينتقل عبر تناول لحوم المصاب منهم كان الموضوع بقه فيه رعب للأقباط وكانوا هم أول من طالب بإعدام كل تلك القطعان من الخنازير,
وحسب آخر إحصائيه يوجد بالقاهره الكبرى فقط حوالي ربع مليون خنزير في مزارع لا رقابه عليها ولا مسالخ أو مراقبه طبيه
وهذا من آثار غضب الله
فعلا أيامنا دي كللها بركه
ربك يسترها من عنده
ر أبر 29, 06:33:00 ص 2009
نوسه يا حبيبتى وانتى تعتقدى ان وزارتنا المصونه هتهتم بصحة المواطن والمواطنيين
انا بقيت بحس ان الحكومه بتستنى اى وباء عشان تخلص من عدد لا بأس منه من الشعب واهه تخفيف سكان
وحل ازمة عيش
نصبر شويه وهتشوفى التعامل الحكيم من حكومتنا ووزارتنا فى التعامل مع الازمه
وربنا يسترها علينا
ر أبر 29, 09:18:00 ص 2009
السلام عليكم
دى مصيبة
لانها اولا بتنتقل عن طريق الاستنشاق
ثانيا لان حتى الان مالهاش وقاية ولا حتى علاج
واما يكتشفولها وقاية ان شاء الله "بعد سنة ممكن " طبعا مصر هاتكون اخر بلاد الدنيا فى ترتيب الحصول على المصل دا ولا ايا كان
يعنى تكون خربت مالطة
المهم ساعة موضوع الطيور اتخرب بيت شباب كتير لان الحكومة اعدمت وامرت باغلاق مزارع الفراخ !!!
طيب ليه ما يعملوش كدا مع الخنازير ؟؟!!!
حاجة بتتربى وسط القمامة والقاذورات ومنظرها مقزز
بيكلوها ازاى دى مش عارف !!!!!!
ربنا لاتؤاخذنا بما فعل السفهاء منا
تحياتى
ر أبر 29, 11:15:00 ص 2009
كفانا اللع الشر وعافنا جميعا
على فكرة موصلنيش منك أي رسالة والله غير رسالة واحجة من شهر تقريبا أو أقل بأيام
عشان تضمني وصول الرسالة لإن الياهو والجي ميل بيستهبلوا أحيانانا كتير ابعتيلي على راسلونا في المجلة أحسن وأضمن للوصول
منتظرك أختي
مودتي
ر أبر 29, 12:40:00 م 2009
السلام عليكم
اكيد ايناس عندك علم ان المرض اصبح في اسرائيل,يعني قريب جدا........
هذا يستدعي عملا عربيا جامعا.....
حسبنا الله و نعم الوكيل
لكي مودتي
سلاااااااااام
ر أبر 29, 01:09:00 م 2009
احمد كـ
كيف حالك نعم اعلم يا اخى
فأنا ابحث الان عن طرق للتخلص من مزارع الخنازير لان حدانا فى البلد مزرعة فى عزبة ابو عوف اللى فى جنوب بورسعيد وقريبة من الكتلة السكنية
ر أبر 29, 01:11:00 م 2009
محاسن صابر
اهلا بك والله وافقك الراى بس المصيبة فى الوباء ؟
مش ممكن حد يفضل الماسك الواقى طول الوقت لو انتشر المرض لا قدر الله
ر أبر 29, 01:14:00 م 2009
على عبد الله
ما الحكومة اعتبرت مما حدث وخايفة تخرب بيت اقلية ثرية جداا
ربنا يرحمنا
ر أبر 29, 01:18:00 م 2009
رئيس التحرير
حاضر عيونى
ان شاء الله بس هى فى مشكلة معرفتيش ارسلك على المجلة !!!
ر أبر 29, 01:22:00 م 2009
اللهمارفع فضبك ومقتك عنا
انا شايفة ان اعدام الخنازير مش محتاج استفتاء ولا حاجة هما لسه هيدرسوا القرار ولا ايه الناس ممكن تموت بجد
ر أبر 29, 01:26:00 م 2009
سلوى
يا اختى الغالية الجميلة
احبك فى الله
بصى اذا العرب معملوش حاجة وقت غزة والنساء والاطفال بتقتل امام اعينهم
برضة مش هيعملوا حاجة
لانهم فاكرين ان الامراء والحكام
طبقة محصنة من الفيروسات
تحياتى وحبى لك
ر أبر 29, 01:45:00 م 2009
والله ربنا يتسر بجد
المفروض فعلا من دلوقتي نتصرف بدل ما نبكي علي الارواح اللي هتموت
وانا معاكي ان فيه ناس كتير هتحاول توقف الموضوع ده
لاهمية السيد الخنزير طبعا
ربنا يستر
ر أبر 29, 01:46:00 م 2009
موناليزا
اللهم امين يا اختى الغالية
لكن موتنا هو المطلوب !! اثباته
ر أبر 29, 01:48:00 م 2009
كوشيا
المشكلة مش فينا بقدر
ما هى فى ايد الحكومة انها تاخد موقف قوى وتصر على تنفيذة
دون اى حساب لاصحاب الايادى البيضاء
الله يستر بجد
ر أبر 29, 02:35:00 م 2009
لا حول ولا قوة الا بالله
ربنا يستر
اما القرار فى علم الغيب ممكن الحومة تفوق بعد ما عشرات تموت
ربنا يحفظ مصر من هذا الوباء
تحياتى
ر أبر 29, 04:15:00 م 2009
خنازير اه هى كانت ناقصة الخنازير . انا شغال فى مدارس اجنبية معظمها مسيحييين يا ايناس ولو قلتلك كم التعصب اللى بان فى الكلام لما اتفتح موضوع اعدامها ده تحسى انهم عندهم كلنا نموت ولا ان خنزير واحد يتعدم !!
بصى الحمد لله على نعمة الاسلام وكفى بها من نعمة .
ر أبر 29, 04:32:00 م 2009
ربنا يسترها علينا
السياحه اصلا مضروبه
بس صحه الانسان الغلبان اهم بكتير قوى
تفتكرى القرار هيطبق
؟؟؟؟؟؟؟؟؟؟؟؟؟؟؟؟؟؟؟؟
ر أبر 29, 06:04:00 م 2009
خالد همس
ازيك طيب تفتكر يعنى
ان الفيروس لو انتشر والعياذ بالله هيكتفى بالعشرات فقط؟
ر أبر 29, 06:06:00 م 2009
هانى زينهم والله
اعتقد ان الحكومة عليها ان تكون رادعة وحكيمة لان القرار سينقذ النصارى والمسلمين واليهود ايضا على حد سواء
ر أبر 29, 06:07:00 م 2009
رومنسى
يا اخى لم يصد قرار باعدامهم اصلا
ما صدر ما هو الا توصية
وهناك شتان من بين القرار والتوصية
ولا حول ولا قوة الا بالله
ر أبر 29, 07:23:00 م 2009
ربنا يرحمنا ويحفظنا
متهيألى انهم أخيرا اتفقوا على إعدام الخنازير الحمد لله
ر أبر 29, 08:45:00 م 2009
محمد غالى
اهلا بك
لا هم بس قالوا توصية يعنى غير ملزمة التنفيذ
خ أبر 30, 03:06:00 ص 2009
بزاوية علمية بحته لا علاقة لها بأي اعتبارات أخري لابد من اعدام كل الخنازير والطيور أيضا كمصانع محتملة للفيرسات لكن السؤال:
من يستطيع فعل هذا؟
الحكومة؟
خ أبر 30, 02:28:00 م 2009
الله المستعان
امبارح انفلونزا الطيور واليوم انفلونزا الخنازير وبكرة كحة السمك .. تذكرت حديث للنبي صلى الله عليه وسلم يقول فيه :
قال رسول الله صلى الله عليه وسلم: (لم تظهر الفاحشة في قوم قط إلا فشا فيهم من الأوجاع التي لم تكن في أسلافهم) والله يستر من الجاي .. ربنا يحفظ المسلمين
خ أبر 30, 06:30:00 م 2009
السلام عليكم
بصى يا ستى
أثبت العلماء أن فيروس أنفلونزا الطيور قادر على التحور داخل الخنازير ليصبح فيرس منتقل بين البشر وبعضهم بدل انتقالة من الطيور او الخنازير الى البشر
فى مصر
القاهرة الكبرة ( القاهرة الجيزة قليبوبية ) حوالى 250 الف خنزير
اسيوط 40 ألف خنزير الدقهلية 12 الف خنزير موزعة على مزارع
الفيروس اتحور فى جنوب شرق آسيا وأصبح ينتقل بين البشر وبعضهم ومش عارف ايه اللى حصل بس قدروا يسيطروا على انتشارة
الفيروس فى طريقة للتحور داخل مصر
ومش هتكون نازك الملائكة موجودة لتكتب قصيدة على غرار الكوليرا
وآسف على الازعاج
خ أبر 30, 11:28:00 م 2009
تاية فى وسط البلد
والله اتمنى ان تستطيع الحكومة ذلك
خ أبر 30, 11:29:00 م 2009
عالم حبيب
والله صدقت
وصدق رسول الله صلى الله عليه وسلم
الله يستر من اللى جاى
خ أبر 30, 11:32:00 م 2009
عرفة الاسيوطى
ازيك يابطل اية اخبارك
والله انا مش عارفة اقولك اية فى الكارثة دى
طيب شوف فى القاهرة لوحدها 1400 مزرعة وفى كل المحافظات للاسف حتى فى بورسعيد للاسف موجود مزرعة خنازير
والله يستر
لا ازعاج ولا حاجة
ج ماي 01, 01:20:00 ص 2009
مش عارفه اقولك ايه والله
بس دا من اعمالهم
وربنا يسترها عليها فعلا
لان مصر فيها خنازير كتيره
دا محافظه الدقهليه فيها عدد كبير برده
تسلم ايديك ع لفت الانتباه دا
معلش لو مقصره معاكي شويه
بس الدارسه والله هي السبب
دمتي في حفظ الله
ج ماي 01, 10:46:00 ص 2009
اهلا بيكي اخبارك ايه؟
اولا اعتذر عن التاخير وعدم المرور عندك من فترة
ثانيا أحييكي ع المجهود الرائع والشكل المتميز للبلوج
ثالثا الموت لاسرائيل
وامابخصوص الوباء ربنا يعفو عنا تجدي الابتلاءات تأتينا من كل حدب وصوب وبكل الصور أمراض أوبئة حوادث طرق أزمات مالية أزمات نفسية فساد علي كل الألوان وغيره الكثير من الابتلاءات
والسبب في هذا التشديد من الله 'بماكسبت أيدي الناس'
اما لحم الخنازير أكلها حرام للمسلم وباباشنودة بابا الأزهر قال انها تسبب الأمراض يعني لا يهجد سبب للأبقاء عليها الا الفساد والمصالح
اخيرا الكارثة الان اكبر من الخنازير الكارثة وباء عالمي ينتشر من الانسان للانسان علي الدرجة الخامسة ويفصله عن الكارثة الحقيقية درجة
اعتذر للاطالة واتمني لك وللمسلمين دوام العافية
واشكرك جدا لسؤالك
تحياتي
بالتوفيق
ج ماي 01, 02:02:00 م 2009
السلام عليكم
اختى الغالية اخبارك ايه
انا بقالى كتير مزورتش المدونة
كنت مشغول شوية بس كنت متابع من وقت للتانى
كلامك مظبوط ولحد دلوقتى محدش مهتم بالقدر الكافى
بس هنعمل ايه ربنا يرحمنا جميعا
سلالالالالالالالالالالالالالالالالالالالالالالالالام
ج ماي 01, 04:28:00 م 2009
وحشتينا اوى اوى اوى
عايزة اعرف انتى هتيجى امتى؟؟
س ماي 02, 12:11:00 م 2009
السلام عليكم
انت عارفة ان الاديرة والكنائس فى مصر مليانة خنازير
وما خفى كان اعظم
س ماي 02, 02:46:00 م 2009
اللهم ارفع مقتك وغضبك عنا
شكرا على المعلومات الجميلة لانى صراحة متابع الاخبار على خفيف بسبب الامتحانات
تحياتى دوما
س ماي 02, 05:54:00 م 2009
zozo
ازيك يا رب تكونى بخير
ولا يهمك يارب بالنجاح والتوفيق يارب
فعلا دا غضب ربنا علينا
ربنا يرحمنا برحمتة
س ماي 02, 05:59:00 م 2009
غنيم
ازيك يا دكتور ؟
يارب بكل خير وسعادة تكون
وشكرا على التحيات الكتير دا من ذوقك والله
فعلا الوباء تطور بسرعه ولم تعد مشكلة خنازير الله يستر منظمة الصحة العالمية تقول انه خلال شهور سيكون نص سكان الارض فى خطر
ولا حول ولا قوة الا بالله
س ماي 02, 06:00:00 م 2009
حدوتة
وعليكم السلام كيف حالك يارب تكون بخير حال
فعلا لم يتم احتواء الخطر بالشكل اللائق الله يستر
تحياتى
س ماي 02, 06:02:00 م 2009
شفقة
حبيبة قلبى انا نفسى مش عارفة
عينيا والله لسة تعبانى ومش عارفة اعمل اية
ان شاء الله هقولك لما اجى بس انتى بقى مش ناوية تجى ولا اية ؟
تعالى وخليكى جدعة ؟
س ماي 02, 06:03:00 م 2009
على عبد الله
واغلب المحافظات فى ظل انكار للحكومة بذلك
والله المستعان
س ماي 02, 06:04:00 م 2009
الازهرى
اللهم امين يارب العالمين
ويارب بالتوفيق والنجاح فى الدراسة
ح ماي 03, 12:35:00 م 2009
جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039
ح ماي 03, 12:36:00 م 2009
جروب جريدة الصباح العربي بيت المدّونين العربي
http://www.facebook.com/home.php#/group.php?gid=78080770039
ح ماي 03, 08:58:00 م 2009
في الجو انفلونزا الطيور
وفي البر انفلونزا الخنازير
وفي البحر المد الاحمر
فأين نذهب؟
ن ماي 04, 11:42:00 ص 2009
السلام عليكم ورحمة الله وبركاته البعض من الأقباط حولوا الموضوع عن مجراه وأدخلوه نفق الفتنة والاضطهاد الدينى وأصبح الخنزير هو محور القضية ونسوا أو تناسوا أن هناك خطراًداهماً يحدق بنا
ن ماي 04, 12:52:00 م 2009
تحياتي
اولا عوداً حميدا...
ثانيا...فعلا الخنزير جسده وسط مناسب لتفاعل انفلونزا البشر و الطيور و انتاج نوع ثالث هو ما يعرف بانفلوانزا الخنازير...
ثالثا...انفلونزا الطيور لا تنتقل بين البشر....لكن انفلونزا الخنازير تنتقل من بشر الي أخر...و هنا الكارثة.
رابعا بصرف النظر عن موضوع الانفلونزا
يجب ان تكون تربية الخنازير بعيدا عن المدن و الضواحي....لان الطريقة الان غير حضارية و ممكن يكون لها اثار سلبية علي المدي البعيد....
نسأل الله ان يجنبنا البلاء و الغلاء...و يديم علي الجميع نعمة الصحة و العافية.
تحياتي و تقديري ..
ن ماي 04, 10:12:00 م 2009
هو الخوف اكتر بصراحة ان كل سنة بنلاقى تطور امراض بطريقة خطرة سواء بقى قالوا دى كانت تجارب للجيوش الامريكية وشغل معامل وانتشرت او غيرها
لازم يكون فى دراسات واجراءات لرؤية سبب التحور فى الامراض والحد من خطورتها
ر ماي 06, 07:09:00 م 2009
ربنايستر من البرجر والكفته اللى كنا بنبلبعها
ر ماي 06, 10:47:00 م 2009
طبعا كل كارثه صحية هذه الايام لابد ان يكون لنا فيها نصيب قد يكون نصيب لاسد او الحمار لا ادري
حكومتنا منذ زمن لا تكف عن اعلان اهتمامها الغير عادي بمحدود الدخل و صحة المواطنين
الا ان كوارث هذه الايام تثبت العكس
و تثبت اننا امام هوه مليئه بالنار
ج ماي 08, 03:13:00 ص 2009
حمادة مبروك على الجروب
ج ماي 08, 03:14:00 ص 2009
اقصوصة
لنا الله
لنا الله
ج ماي 08, 03:15:00 ص 2009
أ/ محمد
الاقباط لم اعد اعرف هل نملك نفس الوطن ونفس القضايا ام اننا فى واد وهم فى واد اخر تماما
طبعا مش كلهم
ج ماي 08, 03:16:00 ص 2009
الربان
كل الشكر على التنوية
وشكرا على المتابعة والسؤال
تحياتى وتقديرى
ج ماي 08, 03:18:00 ص 2009
هند
معك حق
دا لو فى الدولة بحوث علمية واهتمام
بالتطوير فى كل المجالات !!
ج ماي 08, 03:18:00 ص 2009
حقى هرتل
الله يستر علينا
ج ماي 08, 03:20:00 ص 2009
ذو النون المصرى
فقدان الحكومة لمصداقيتها جعل الشعب لا يثق بها ويعمل ما به عكس كل قراراتها
وللاسف معدومى الدخل هم اول الضحايا
تحياتى
س ماي 09, 10:57:00 ص 2009
بسم الله
ربنا يخفظنا يارب
ويبعد عنا كل الاوبئه
جزاك الله خيرا
وكن املا .. كن حبا
ح ماي 10, 11:48:00 ص 2009
هو القرار طبعا صائب جدا
بس المشكلة فى تنفيذه
ولما الفاو قالت انه قرار خاطىء كان استهبال منهم لان تانى يوم منظمة الصحة العالمية رفعت ترتيب الفيروس فى تقسميتها لاعلى الدرجات يعنى هما يعلنوا خطره واحنا مش عايزينا نتعامل معاه
ويارب بقا تخلص على خير مش ناقصة كفاية الطيور
ن ماي 11, 02:25:00 م 2009
جروب جريدة الصباح العربي بيت المدّونين العرب
http://www.facebook.com/group.php?gid=78080770039
ن ماي 11, 05:39:00 م 2009
همسة من الحب والامل
جزاك الله خيرا على الدعاء
ن ماي 11, 05:42:00 م 2009
wanna b a physician
الوباء بقى فى الدرجة الخامسة لانه خطير ومهدد
والله يستر علينا
إرسال تعليق