بحث هذه المدونة الإلكترونية

الموت بكرامة

تحديث
اية رأيكم نروح الاربعاء
يوم 7/1
نزور الجرحى الفلسطينين فى المستشفيات
انا هروح ان شاء الله
وهقولكم
التفاصيل للى يحب يجى
******************
الموت بشرف

كثيرا ما اثار غضبنا القضايا التى تناقش فى مجلسى الشعب والشورى

عن مصير المصريين من موت على يد ابنائه ايضا لكن من اصحاب الدم الابيض

الموت عندنا فى مصر يكون على يدى احد اصحاب الميليارات

اما غرقا فى عبارات الموت

او حرقا فى احد المصانع او القطارات المؤمنه

او برا فى حوادث الطرق او اطلاق النيران العشوائية من احد

ضباط الشرطة لاصتياد احد المجرمين فيصيد به عشرات الابرياء

او بأطلاق النيران علينا من مراكب امريكية وهى رايحة او جاية فى قناة السويس

وحابين يجددوا اليوم ويصيدوا اهداف بشرية اهو تجديد

او اننا نموت تحت انقاض احدى العمارات المنهارة فى احيائنا الشعبية او حتى الراقية

او اننا نختفى كما يحدث فى العراق وكما حدث لزملائنا

المدونين

او لابطال حركة 6 ابريل

لا نريد الموت فى المعتقالات

و

بما ان مصر ام الدنيا

عدد سكانها تضخم وحكومتها تفرط فى دماء ابنائها على يد اكبر ابنائها

لما لا تتيح لنا فرصة الموت بكرامة

اجل نحن لا نريد الموت على يد

احد كبار اسماء ابناء بلادنا

نحن نريد الموت بكرامة

نريد الشهادة


نعم المصريين

كل شباب مصر

لا يريد السكوت على المذابح

لا نريد صبرا وشتيلا

لا نريد غــــــــزة محاصرة

لا نريد هذا الخزى والذل

نريد الموت بكرامة




يكفى ما حدث

فرطنا فى فلسطين

سكتينا على الشيشان

سمعنا عن افغانستان

شـــهدنا الـــــــعـــراق


ان كانت الحكومات خرساء فنحن لا

ان حكامنا فى كل لحظة يقولون اننا بلا ثمن

فنحن نريد الكرامة لانفسنا

لا نريد ان نرى امهاتنا تغتصب

ولا شبابنا يقتلوا على ايدى اليهود والخونة




نحن نريد الموت بكرامة

نريد ان تفتح الحدود وان يقاتل من يريد الشهادة

نريد القتال لا الاستسلام



نريد الموت بكرامة

نريد ان ندافع عن شرفنا

لا نريد الموت بذل وخزى

افتحوا الحدود اليس من حقنا ان نختار مصيرنا

اليس من حقنا ان نختار طريقة موتنا ام انه علينا ان نموت كالجبناء

نريد الشهادة

شهادة تقدير لعام2008

تدوينة غير مرتبة ولا مدروسة منى بالمرة
لكنها شهادة تقدير سريعه
يستحقها العالم اجمع

والعرب خاصة

انها شهادة تقدير لكل صاحب فضل فى هذا الحدث الجليل


والذى يعد من اهم واخطر احداث عام 2008


شهادة تقدير لكل

ما ساهم بالاستسلام والتخاذل والصمت المطبق

فى هذا الحدث







مبروك عليك يا غزة شهدائك فى الجنه ان شاء الله





واللهم ارزقنا حسن الخاتمة

لو اننا تخلينا عن دور المتفرج الحزين

لكانت الكثير من الامور تغيرت

انا لله وان اليه راجعون


لك الله ياغزة


ياترى هنقضى رأس السنة فين ؟؟

تضامنا مع تونس التدوينة البيضاء




التدوينة البيضاء




قبل عامين وبالتحديد في يوم 25 ديسمبر 2006

قام المدونون التونسيون بأول إعتراض سلمي على الإنترنت

بعد حجب مجموعة من المدونات التونسية على شبكة الإنترنت ،

وتمثل الإعتراض في قيام المدونين التونسيين

بنشر تدوينة خالية في يوم 25 ديمسبر تحمل شعار يوم التدوينة البيضاء ،

وقد تضامن معهم في هذا الوقت كثير من المدونين المصريين بقوة وبنفس الفكرة ،

وتكرر يوم التدوينة البيضاء في نفس اليوم عام 2007

نظراً لإستمرار سياسة الحجب في تونس ،

وللعام الثالث على التوالي تقوم المدونات التونسية

بإستكمال الإعتراض السلمي بيوم التدوينة البيضاء الثالث في 25 ديسمبر 2008

وهذه دعوة لجميع المدونين المصريين والعرب من أشقائهم في تونس بمشاركتهم هذا اليوم ،

لذلك عزيزي المدون المصري والمدونة المصرية إذا لم يكن هناك تدوينة خاصة لك في

يوم 25 ديسمبر 2008 ، فكل ماهو مطلوب منك نشر تدوينة خالية

بعنوان يوم التدوينة البيضاء وعليها أحد شعارات الحملة


التي يمكن أن تنتقي أي منهم من هذا الموقع


الموضوع بالكامل منقول من ابى هانم


وبناء على طلب احد الاخوة التونسيين




لوجو عام 2008

انتهى الدرس بالجزمة


احلى لقطة
اجمل مشهد
اقووووى هدف
حدث فى العراق من صحفى حر
واغلى جزمة فى العالم على وجه احمق مخلوق فى العالم
هذا هو البطل صاحب اغلى جزمة



تسلم ايدك يا منتظر




بيضربوا البطل الله يحرقهم








رابط مباشر لاحلى لقطة فى التاريخ
اضغط هنا




ربنا يستر على الصحفى البطل منتظر زيدى


أرفع شعار لا أرى لا أسمع لا أتكلم

قال تعالى : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله }

( آل عمران : 110 ) .



انا سلبية
لا ارى لا اسمع لا اتكلم اصبح شعار كل مصرى
شريف او غير شريف

يوم الوئفة سمعت صراخ شديد لا اعرف مصدره
واذا بى افتح باب الشقة لاعرف مصدر الضجة الشديدة
فوجدت جارنا الشاب ومعه شاب اخر يمسك بثالث غرقان
فى دمه وبيصرخ من الالم والضرب وسألوه الجيران فى اية
يابنى قال مسكنا حرامى ابن وابن00000 وهاتك يا شتيمة للصبح وضرب بالسكينة وبالشلاليت والائلام والسحل من رابع دور للشارع على وشه
والغريب ان الحرامى السايح دمه لم يقاوم ورغم تجمع الناس
محديش ابدا نطق بل بالعكس كل واحد بكلمة تشجيع او لا مبالاة احنا مالنا
اضربه كمان دا ابن وابن !!!!
ولما جيت انا ادخل واطلب من جارنا انه ميضربيش الحرامى
ويسلمة للقسم لاقيت اختى تنهرنى بشدة عيب انتى بنت بلاش حد يقول انك بتتكلمى
الرجالة ساكتين اهو انتى بقى اللى هتتكلمى !!!! ولانى سلبية ولانى اطبق
شعارنا الموحد لا ارى لا اسمع لا اتكلم اتكتمت




فعلا سكت وقفلت الباب وانا مش عارفة اعمل اية لحد ما قلت ازاى اسكت لا مش ممكن
ولازم اتكلم وتولع الدنيا انا مش سلبية
لكن سبقنى شاب جزاه الله خيرا
واقتاد الاتنين على القسم
بس السؤال ازاى اسكت ولية ؟ عشان بنت !!

طيب هو انا كنت هعمل حاجة غلط ؟؟

مش دا الامر اللى ربنا امرنا به النهى عن المنكر

ان لا اخرص فى المواقف المنكرة الم يكن الاعتداء عليه بالضرب والسحل

شئ منكر الا يجوز لو بأحتمال بسيط جدا ان يكون برئ

او حتى لص لكن ذلك لا يبرر ان يضرب بالوحشية والقسوة دى ؟!!!

ما الفرق اذا بينى وبين اى من مخلوقات الله

الاخرى هى ايضا ترى ويجوز انها تستنكر وترفض ما يفعلة ابن ادم

من سلبيات 00 لكنها لا تملك الكلام ؟؟




كلاكيت سلبى آخر
يوم الاربعاء الماضى غطى الدخان ارجاء الشقة عندنا وحاولت معرفة مصدرة الى ان
عرفت ان حريق اندلع فى شقة فى المنطقة رغم انه يبعد عنى اكثر من 200متر
الا ان الدخان
ملئ الشقة وطبعا المطافى لم تشرفنا بالحضور لاطفاء الحريق الا بعد 5 ساعات من اندلاع
الحريق الذى دمر الشقة كلها بما فيها ولولا ستر ربنا لكانت العمارة والمنطقة كلها فى خبر كان
طبعا انا اكبر موقف عملته انى اتصلت بالمطافى و الموظف الهمام بتاعها قفل فى وشى
لانى سألتة ازاى تتأخروا على الحضور لاطفاء الحريق

وحمدت ربنا ان الحريق اخمد وان مفيش خسائر فى الارواح ولا حاجة الحمد لله



شكل ضميرى كدة مرتاح عملت اللى على !!!!
ولم ادرك ابدا ان من الواجب على مساعدة اهل هذا المنزل ولا محاولة معرفة
هم هيناموا ازاى او فين او اية اللى محتاجينه ؟!!
ولم ادرك الا حين تكلم رجل فاضل مع والدتى فى محاولة للمساعدة وسألها ان كان اهل الحى ساعدوا الناس دول !!





واية حجم الضرر الحقيقى
عرفت بعدها انها اسرة لأب كبير فى السن ضرير وام
ولهم بنت حرق كل جهازها فى الحريق وابن متزوج فى نفس الشقة حرقت ايضا
متعلقاته هو وزوجتة ولا حول ولا قوة الا بالله


ياترى لو دورت جوايا كمان شوية هلاقى اد اية مواقف سلبية ؟!!


لكنى عاهدت نفسى انى لن اكون سلبية بعد الان

عن أبي سعيد الخدري رضي الله عنه قال : سمعت رسول الله صلى الله عليه وسلم يقول

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

عيد سعيد


كل عام وانتم بخير

وصحة يارب العالمين

اعاد الله عليكم الاعياد بالخير

وتقبل منا ومنكم صالح الاعمال

يارب العام القادم نتجمع على عرفات





مين بقى بيعرف يدبح ؟؟؟
ههههههههه
دا الاضحية بتاعتى السنة دى :)

اوعوا تنسوا العيدية بتاعتى

بؤجة الخير 28/11

28/11بؤجة الخير


قال تعالى

{ يَا أَيُّهَا الَّذِينَ آَمَنُوا أَنْفِقُوا مِمَّا رَزَقْنَاكُمْ

مِنْ قَبْلِ أَنْ يَأْتِيَ يَوْمٌ لا بَيْعٌ فِيهِ وَلا خُلَّةٌ وَلا شَفَاعَةٌ وَالْكَافِرُونَ هُمُ الظَّالِمُونَ } البقرة / 254 .



إِن تُبْدُواْ الصَّدَقَاتِ فَنِعِمَّا هِيَ وَإِن تُخْفُوهَا وَتُؤْتُوهَا الْفُقَرَاء

فَهُوَ خَيْرٌ لُّكُمْ وَيُكَفِّرُ عَنكُم مِّن سَيِّئَاتِكُمْ وَاللّهُ بِمَا تَعْمَلُونَ خَبِيرٌ )271البقرة



عن أبي هريرة رضي الله عنه أن النبي صلى الله عليه وسلم قال

: " ما من يوم يصبح العباد فيه إلا ملكان ينزلان فيقول أحدهما : اللهم أعط منفقا خلفاً ، ويقول الآخر : اللهم أعط ممسكاً تلفاً "


قال رسول الله صلى الله عليه وسلم-

((ان الصدقه لتطفىء عن اهلها حر القبور.وانما يستظل المؤمن يوم القيامه فى ظل صدقته))حديث حسن


من منا لم يرتب دولاب ملابسة ويخرج منه القديم او الذى لم يعد يناسب مقاسة ؟!!

ومحتار اين يضع ما لم يعد ملائم له لما لا نستفيد مما لدينا

ونتصدق به على من يستحقونه ويستحقون اكثر من ايضا؟

لكنى اتكلم اليوم على ما تجود به 00 ومتوفر لديك

لاخوتك المحتاجين لتقيهم برد الشتاء وتستر عوراتهم

بؤجة الخير يوم الجمعه 28/11 فى استطبل عنتر

هنزور اخواتنا هناك ونتبرع باللى نقدر عليه

كل واحد يضبط ملابسه يغسلها ويكويها

ويتذكر انها ستمر بيد الله عزوجل قبل يد اخواتنا المحتاجين لها

التفاصيل بالضبط وعنوان المنطقة



تعالى نغسل نذوبنا ونطهر انفسنا مما بها ونتصدق على من يحتاج

يارب اشوف ناس كتير فى استطبل عنتر يوم الجمعه

ملحوظة للى يهتم

المنطقة بها 1000 طفل يتيم


اللهم اغفر لى ولوالدي وللمسلمين


مقتطفات من هنا وهناك


اعلان بيريل

شفت اعلان قمة فى قلة الحياء والادب اعلان بيريل
استرجل واشرب بيريل مشروب للرجال اللى مبيشربيش بيريل مش راجل
دا كلام ؟؟

بقى مقياس الرجولة شرب بيريل ؟؟

ياترى بكرة هيبقى اية مقياس الرجولة ؟

***********
المرأة الثرية لية دايما فى الاعلام المصري يصور المرأة الغنية على انها
اما تزوجت ثرى او انها سئية السمعه وتاجرت بنفسها ؟؟
هى اى واحدة انحرفت لازم تصبح غنية ام انها الفكرة التى يحب الاعلام
ان تسود وترسخ داخل عقول المصريين الحرام اقرب واسهل طرق الثراء؟؟




الو
مكامات اخر زمان
الو مين معايا ؟ فلان لا والله الرقم خطأ هنا فلان صاحب مكتب او شركة
او حتى رجل عادى طيب انا اسف جدا فرصة سعيدة جدا السلام عليكم

تانى مرة اهلا انا اتصلت لانى ارتحت لصوتك اهلا بيك اهلا متذكرنى انا اللى اتصلت بالخطأ
ايوة اهلا اهلا انت منين انا من هناك ؟ ويتبادلوا اطراف الحديث

مكالمة جديدة ازيك عامل اية تمام والله انا ارتحت لك لله فى لله وعايز اقولك على سر
امبارح واحنا بنحفر حدانا عشان نبنى لاقينى جرة فيها ذهب وتماثيل صغيرة فى حجم
قطعه الاصبع واكبرفى حجم الكف وانا خايف تجى تشوفهم وتشترى منى او تقولى اعمل فيهم
اية ؟!!!!! نصب وبيع الوهم فى شكل اثار وللاسف تجارة رائجة جدا على فكرة المكالمة دى
حقيقية ومنتشرة جداا فى كل مكان فى مصر مع اختلاف الطرق او الاساليب مرة من الفيوم
واخرى من الشرقية وثالثة من المنزلة واخرى من قنا

وطبعا كل دا نصب فى نصب والشاطر اللى يبلغ عنه

وحتى ان لم يكن فهو سرقة للمال العام

حلم الثراء السريع

4 بنات وتليفون

تحديث
شوفوا داليا هو دا عيبه كتبت اية
و كما عمو ابو همس

صورنا




الحمد لله الذى بفضله تتم الصالحات

بصراحة انا متلخبطة جدا
مش عارفة احكى بس هحاول احكى التفاصيل كما
عشتها عشان اطمن الناس
ابتدى اليوم وصلت الملجأ الساعه 10.10ص
كانت ماما امولة وصلت قبلى منتظرنا
وبعدين جت داليا ودعاء
وبعدين حضر الصباغ ومعه مدونتين من القاهرة
وفى التاكسى الاخر
خالد همس الاحباب
ابن حجر العسقلانى
انا طبعا عارفة ان خالد شايل الدنيا
لكن أكتشفت ان عسقول شايل كمان شنطة سفركبيرة قلنا جايز هيبات
خاصة ان خالد سملنى الفلوس واللعب والادوات المدرسية والمكواه
ودخلنا الملجأ واول حاجة عملها عسقول نط فى الحوش وقال انا هلعب كورة
مع الاولاد وفعلا لقيت ماشاء الله الشباب اختفوا خالد وعسقول والصباغ
خالد وعسقول بيلعبوا والصباغ نازل تصوير ولعب ومحاولة فاشلة بأنه يتمرجح فى الوقت دا حضرت
(رحيل) صاحبة مدونة محاولة البحث عنى من المنصورة اللى قعدت تلعب وتجرى ورا الاطفال فى براءة غريبة
وبعدين رحنا نصلى فى مسجد صالح سليم وانا وداليا قعدنا نفرز التبرعات ونسمة ودعاء راحوا اشتروا نواقص
من فلوس المتبرعين وكانت عبارة عن بعض اللعب للاطفال وفى اثناء دا
حضر احسان بيه وشفقة هانم ومعاهم اورج ولعب الاطفال بيه وعملوا دوشة كتيررررر
بس بصراحة كانوا مبسوطين

فى اثناء اللعب مسك عبد الرحمن اللى نشرت صورتة فى البوست اللى فات


منشار وابتدى يلعب بيه ويحركة فى كل مكان واحنا كلنا حاولنا اننا نفهمة ان دا غلط
لكن لا حياة لمن تنادى 00000كمان كان المكان عبارة عن مكان مخرب وغير نظيف
واللى لاحظتة انا وداليا ان ممكن بسهولة اى حد يدخل يقول اقعد مع الاطفال ويعيش حياتة
مش هنقول لا قدر الله ممكن يغتصب بنت من الملجأ لكن يكفية شرف التحرش ؟!!!!
وفى اثناء عزف احسان للاطفال جت مديرة الدار وامرت المشرفة والاطفال بتنظيف وتنظيم


غرفة الطعام اللى احنا قعدين فها وتحولت بقدرة قادر لمكان نستطيع الجلوس فيه
لما انتهت الصلاة جم ماما امولة ورحيل والصباغ وعسقول وخالد
وابو خالد هو واسرتة لانه كلمنى الصبح عرف مكان الصلاة وقال انه هيجى
وفعلا نورنا هو والحاجة والاولاد
حاولت بأصرار انى انظم الاطفال او اننا نسألهم او حتى نسكتهم عشان نعرف نعمل مسابقة
ثقافية او اى حاجة لكن طبعا كانت النتيجة فشلى وضحك داليا والصباغ على
فى اثناء دا حضرت اسرة بورسعيدية صديقة لادعاء ام وبناتها جابو
حلوى وبسكويت واداوت نظافة للاطفال
طبعا عسقول قالى ان الشنطة وظرف فيه مبلغ
مرسل من بت خيخة واى كلام للاطفال !!
بصراحة انا اندهشت جدا خيخة بالذات انا فعلا مليش اتصال بيها
الا على المدونات وحتى لم اكن اعرف انها تعلم باللقاء ولا اتصلت بيا ولا وعدتنى وعود وردية
ولا حاجة 000000 سلمنا التبرعات النقدية والعينة للدار
ووزعنا الحلوى واللعب وتوك على الاطفال وقعدنا معاهم شوية

ملحوظة
فى اطفال فيهم حنان غريب كان فى بنوتة اسمها نورهان
كل ما تتدها لعبة ترجعها تانى وعايزة بس تلعب مع حد وحتى الحلوى تديك منها وتصر على انك تاخدها
وتشاركها فيها 00 طبعا بخلاف الشقاوة الرهيبة فى كمان اطفال عندهم اكتئاب اه والله مش راضين يتكلموا
انا جيت اتكلم مع بنوتة تقريبا 14 سنة كانت زعلانة جدا وكأنها بتقول انتى جاية تتفرجى علينا فزينب ( العروسة)
اللى عندها 21سكتتها واعتذرت لى وقالت معليش اصلها زعلانه 0000 بصراحة انا اللى اعتذرت وانسحبت
لانى حسيت اد اية احنا مقصرين فى حق البنات والاولاد دول
وفى اولاد صغار فى السن كانوا
فى حالة هدوء غريب وحزن شديد مش عايزين يأخدوا حاجة ولا يتكلموا
ولا يلعبوا اللهم الا انهم رافضينا

مشينا من الملجأ فى الاتجاه لبورفؤاد ( ابو خالد وزوجتة وابنه خالد * شفقة واحسان *خالد همس الاحباب*عسقول * الصباغ*ماما امولة *رحيل )
واحنا فى راحين لقيت مدون بيتصل بى وقالى معرفتيش الملجا فين انتم فين فحددت له المكان وجى فعرفته على المجموعه سلم وقالى انا اسف بس معرفتيش اوصل وساب لى شنطة فيها تبرعه واستذن ؟!


المدون دا كان ابو العربى بصراحة جزاه الله خيراا
ركبنا المعدية وكان نفسى جدا خالد او عسقول او حتى الصباغ
يدفعوا حق الركوب لكن محمد احسان بيه عرفهم انى بشتغلهم
فى المعدية انضم لنا 3 مدونين بورسعيدية محمد الكتاتنى وكريم ومحمد
وبعدها حضروا اصدقاء الصباغ المدونتين ومعهم مدون اخر بورسعيدى
اسمه جاسر
قعدنا فى النادى اتغدينا واتكلمنا وفى واحد الظاهر السمك بيأثر عليه سلبا
وضحكنا بجد من القلب كتيررر وبعدين مشينا على الممشا و ديليسيبس
واكلنا ايس كريم والدنيا بجد كانت برد ودخلنا فودافون وكانت فى طلقات نارية فى الشارع
طبعا دا مش صدفة لالالا دى كانت بتوصية مننا ترحيبا بالضيوف << محديش يصدق دى
وركبنا وروحنا ويارب يكون اليوم كويس للاطفال والمدونين اللى جم من القاهرة والمنصورة



المتبرعين


فاتيما * قلب مصرى * داليا قوس قزح * سكر *بت خيخة واى كلام *ابو العربى

دول غير اللى حضروا طبعا

التبرعات اللى خدنا بها ايصالات
50 كراسة رسم ك * 29 علبة الوان خشب *25علبة الوان فلومستر *20 كراسة رسم ص *10 كشكول
*2الوان شمع
12 براية *30 استيكة *24 قلم رصاص *****4 شامبو *10 قطع صابون ديتول *4 قطع كامي*زجاجة ديتول

1 كرتونةصابون 24 قطعه *18 كيس اريال *جركل صابون 10 لتر * باكت كادليز 52 قطعه *دسته مناديل
12علبة استخدامات طبية *7علبة انيتال *5 لايسيد *2 برامول *2لاكسيل شراب *5 دياكس مطهر معوى *سافلون

12مكركروم *35 قطعه بلاستر *2 علبة بلاستر *20 بكرة شاش *3 اكياس قطن 250 جم الواحد * اورج كهربائى
مكواه * مبلغ نقدى مفرش للعروسة بس دا لم يسجل بمحضر
اسفة على الاطالة لكن جنة وفاتيما وايمن بدر وسكر وقوس قزح

الكل عايز يعرف التفاصيل
شكرا لكم بجد شكرا لقوس قزح على التعاون والنصيحة والمشاركة
شكرا لجنة اللى كانت بتحاول تشارك بأى شئ وتتابع من السعودية
شكرا لخالد وعسقول على الشيلة شكرا للى مش قدر يجى بس دعا لنا

والصباغ ورحيل وشفقة واحسان اللى جايين من بلد تانية


البوست اسمه 4 بنات وتليفون

لان هم دول اللى جهزوا اللقاء والتزموا
داليا ودعاء ونسمة
وتلفون على مدار اليوم مع الناس
قوس قزح وخالد وعسقول والصباغ

وحتى مع الناس عشان ادعوهم
سمعت وعود كتير لكن اسوئهم اعتقد انهم عارفين نفسهم والحمد لله
مش احتجنا حد ولا كنا منتظرين شئ غير اننا نعمل خير ونقعد نفكر بصوت مسموع

شكرا لكل اللى اعتذروا لاننا كنا بس عايزين نعرف مين جاى عشان ننسق
وان شاء الله تتكرر اللقاءات
ويارب يكون اليوم بجد حلو
دى صورة مؤقتة لحد ما نشوف صور الصباغ

رقق قلبك واصلح عملك ( لقاء بورسعيد14/11)

تحديث اخير
دا رقم موبايل للى حابب يجى وعايز يعرف العنوان
بالضبط ان شاء الله او هنلتقى فين
010000000
او اللى عايز يكلم الاطفال يومها ان شاء الله
اللى مش هيجى وحابب انه يشارك
ياريت يدعى لنا بنجاح اليوم
وان ربنا يحتسبه فى ميزان حسناتنا
ويغفر لنا ولوالدينا والمسلمين
ملحوظة الحمد لله المكواه جت
فمحديش يفكر يجيبها لان دى من الاشياء صعبة التكرار
لكن اى شئ تانى عادى الكميات فيه
*********************************************
*********************************************
تحديث مؤقت
انا هسيب رقم موبايل للى عايز يتصل بالاطفال او يتابع اليوم معنا
ان شاء الله كمان اليوم فى ناس مساهمة فيه مش موجودة
زى جنة وداليا قوس قزح اللى بتساعدنا بالتوجيهات
وابو خالد اللى علمتنا نتجمع ونحاول نعمل حاجة
بابلى الى كان عايز رقم حساب يتبرع عليه
وجنى اللى فى السعودية وبحرى واى حد كان نفسة
يجى وللاسف مش قادر
هنزل لكم اسماء الاطفال والله المستعان

احسان لليتيم من أعظم أبواب الخير التي حث عليها الإسلام قال الله تعالى:
( يَسْأَلُونَكَ مَاذَا يُنْفِقُونَ قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ )
سورة البقرة الآية 215 .

وعن أبي الدرداء رضي الله عنه قال: (أتى النبي صلى الله عليه وسلم رجل يشكو قسوة قلبه ؟ قال: أتحب أن يلين قلبك وتدرك حاجتك؟ ارحم اليتيم وامسح رأسه وأطعمه من طعامك يلن قلبك وتدرك حاجتك )
رواه الطبراني وقال الألباني حسن لغيره . انظر صحيح الترغيب والترهيب 2/676 .
اللقاء يوم الجمعه فى بورسعيد

الموافق باذن الله تعالى 14/11

هنتجمع ان شاء الله الساعه 11 ص
فى ش كسرى منطقة تعمير 2 امام قسم المناخ

ونروح نصلى الجمعة وبعدها

هنروح دار تحسين الصحة ودى دار للايتام

ومؤسسة ايوائية للايتام ومجهولى النسب

الدار بها حوالى 60 طفل من سن عامين الى سن 21
سن عامين بنت
سن 3 سنوات بنت
سن4 سنوات ولد
سن5 سنوات 9 اطفال منهم 3 اولاد
سن 7 سنين4 اطفال
سن8 سنين 3 اطفال
سن 9 سنين 8 اطفال
سن 10 سنوات 12 طفل منهم 4 بنات
سن 11 سنة 5 اطفال 3 بنات وولدين
سن 12 سنة 4 اطفال ولدين وبنتين
سن 13سنة 3 اطفال بنيتن وولد
سن14 سنة 3 اطفال منهم بنت وولدين

سن 19 سنة 2 ولد وبنت
سن 21 سنة بنت واحدة

هم محتاجين مكواة ملابس
مجموعه اسعافات اولية قطن ميكروكوم شاش ادوية للاسهال والصداع
ومجموعه نظافة ديتول فنيك صابون شامبو للاستحمام والشعر
وادوات مدرسية واخرى للرسم والالوان
انا ودعاء ربع ضارب شفنا بعض الغرف اللى الظاهر معمولة للزيارات فقط
لانهم رفضوا اننا نشوف المؤسسة الاصلاحية بحجة وجود اصلاحات

بس انا هعرض لكم صورة عبد الرحمن ويارب تشوفوا فيها اللى انا شفتة


كان متعور فى رجلة من الكورة


شوفوا الولد دا اد ايه عيونه فيها كلام واد اية شكله محتاج ايد تطبطب عليه

بس ايد ربنا يقدرنا على اننا نرسم بسمه على وجوه الاولاد دول

للمتابعة او لاى استفسار انا تحت امركم و داليا اهو دا عيبة

ودعاء ربع ضارب

طاعون العصر والحرية المزعومة

تحديث لابد منه
ان شاء الله تعالى فى لقاء للمدونين
فى بورسعيد وم 14/11/2008
يوم الجمعه هيبدأ بعمل خيرى هنشر تفاصيلة ان شاء الله
وبعدين هنقعد فى عز البرد على البحر ونتكلم
اللى حابب يشرفنا ياريت يبلغنى انا او داليا هو دا عيبة
او دعاء ربع ضارب
ويارب نكون كتير نتعرف ونتعاون على البر


الحرية المزعومة
وسباق من يشنق نفسه اولا

وكيف تبتكر اسلوب جديد فى الشنق بأسم الحرية

فى الفترة الاخيرة شفت نماذج كبيرررة وكثيررة للحريات

وكل ما نقول شئ تقف الحرية فى وجهنا

وكأن الحرية هى لفظ يطلق فقط على الخروج عن المألوف

ومعادة الدين والمجتمع والاخلاق والقيم غير ذلك لا يطلق عليه حرية

بل هو نمطية عادية لا تعد ولا تحسب


اعرف ان الحرية هى ان تعرف ما لك وما عليه وتعمل على تحقيق ما لديك من واجبات

وما لك من حقوق فى أطار ما تؤمن به وما يتقبله مجتمعك فأنت حر ما لم تضر
اما الان فالحرية هى قمة الفوضى ان لا يكون لديك ضوابط ولا حدود

ولا حتى ما تؤمن به !!!ولا حدود لحريتك

افعل كل ما تراة او كل ما لا يروق للاخرين فباتت الحرية او المزعومة بالحرية ما هى الا حبل

نلفه بكل سرور على رقابنا ونتفنن فى كيفية شنق انفسنا مرة

بأسم حرية الاديان

واخرى بأسم المساوة

واخرى بأسم الميل الجنسى

واخرى بأسم الحب وهى رذيلة

او بأسم حرية الفكر

كل ما هو خطأ اصبح يمارس بأسم الحرية

ان نتطاول على الاباء والامهات اصبحت حرية تعبير

ان نتطاول على المقدسات اصبحت حرية فكر

ان ندنس المحرمات اصبح حرية ولا اكثر من ذلك


مرة لا تقل شاذ هو مثلى ودى حرية ميل

ومرة لا تقل انك لا تفهم ولا تعى معنى بهائية او علمانية لانك بذلك لا تحترم حريتهم

واين حريتى انا اذا ان لم اتمتع بها

ام لان رأى له ابعاد دينية وخلقية معينة فأنا لا اعبر عن الحريات !!!!

هل الحرية فقط التعبير عن الغير مألوف

عن الشذوذ او المدخلات الغريبة فى مجتماعنا

عن ما لا نملك له سند دينى او مرجعية فكرية معينة


اعتقد ان الحرية الحقيقة تكمن فى مراجعة النفس

معرفة الصواب والخطأ ومحاولة التعبير عن الذات

من فكر وتصرفات تليق بكونى انسان

يملك فكر ومرجعية دينية



الحرية ان لم يكن لها ضوابط دينية وخلقية

تحولت الى فوضى عارمة تطيح بكل من يتعامل بهاا

ولا احد يستطيع حينها السيطرة او التحكم فى عواقبها

فالنجعل تقوى الله هى ضابطنا الاول والاخير

أبو خالد

أبو خالد شخصية تستحق الاحترام
و انه قد كون رابط روحى قوى ربط به كل مدونى مصر

ربنا يرجعه لنا بالسلامة
لمن سأل عنه
هو الحمد لله بخير وان شاء الله يرجع بالسلامة



تخاريف صيام

تحديث لابد منه
كتب أ/ احمد كمال موضوع رائع
له فكر متميز عن توحيد الصف والقلب والجوارح
تعالوا نحاول نشوف هو كتب اية فى
*********************
تخاريف صيام
الظاهر والله اعمل ان الصيام السنة دى عامل عاميلة
والناس متبهدلة ومدهولة على سنينها
بس ياترى السبب
الصيام فعلا ولا هى تلاكيك وخلاص
عموما اللهم انى صائم



بس هناخدهم شوية على الماشى كدة


عجبنى جداا سلسلة رمضانيات
لاحد المبدعين الشباب 00 احد عباقرة الغد
ان شاء الله
خد حادثة الهجرة وحولها لحادثة عشق وتبادل قبلات فى الغار
واللى يعترض يأخد الباب اللى يفوت جمل
مش عايزة أقول اللالفاظ اللى اتقالت

بس انا فعلا مصدومة




فى حد سرق اكونت ابــــــــــــــــــــــــى بنتجانى
ونزل سب فى خلق الله
؛؛؛
ولما دخلت أقرأ الاكونت بتاعه
الاقى الباشا كاتب
انه مش بيحب يقرأ فى القران الكريم
وهل تقرأ الشياطين كلام الله عز وجل
؟؟؟



مع بداية رمضان انتشرت مافيا التسول بشكل غير معقول
ولا حول ولا قوة الا بالله 00 لا ويقول اصلى عايز أأكل عيالى حلال
هو التسول وانت قادر على العمل حلال ؟؟؟؟



حالة من الهم والغم والحزن تجتاح رمضان السنة دى
ياترى السبب غلاء المعيشة ؟؟؟
ولا كسرت النفس وشدة الحاجة؟؟
ولا الله وحدة اعلم





ياترى مستشفى 57357
هى بس اللى تستحق التبرع ولا فى كمان مستشفيات تانية فى مصر
محتاجة لعين الرأفة وفيها مرضى من البشر ؟؟






مائدة الرحمن
هلى هى فعلا ابتغاء وجـــــــــــه الله
ام انها دعاية ناجحة للبعض ؟؟








ياترى فى لسة حد فاكرة حادثة الدويقة ؟؟
ولا
اهم خدوا الشر وراحوا




تلاقى الناس عمالة تتخانق وتشتم وتسب
بالالفاظ مش ممكن وفى الاخر اللهم انى صائم
طيب كان فين الصيام من الاول ؟؟؟

الزكاة
هل فعلا كل واحد بيطلع الذكاة بما يرضى الله
ولا يعم مدئيش وخليها على الله
وكفاية عليه الضرايب
والكلام للكل ابن عز وابن الشعب
؟؟؟

حزب بلا مقر

لقاء أبو الريش
كان تجمع أكثر من رائع وناجح بشكل كبير
جزاى الله القائمين عليه كل الخير يارب العالمين
شكرا لكل اللى جم اللقاء وربنا يجزيهم خير
واللى ما جوش يارب تقدروا تجوا المرة الجاية
قلوبكم كانت معانا واللى نجحنا دعواتكم

تعرفت بصورة أكبر على بعض الناس اللى كنت شفتهم من قبل
ولا املك سوى ان احترمهم أكثر

تعرفت على مدونين اول مرة اشوفهم لكنها أن شاء الله لن تكون الاخيرة


************************
اجمل ما فى الموضوع بتاع اللقاء
انه خالص لوجه الله الكريم

************
فرحت جداا
لما بهرنا العاملين فى المستشفى بعددنا وكمان اننا مش جمعية اهلية
ولا اى شئ له صفة رسمية

************

كل طفل يا أبطال خد
شنطة بها لعب تناسب سنة وحلوى
وظرف فية مبلغ
وفى كمان اطفال خدوا ملابس تناسب اعمارهم

*******************
فى ناس جم لمجرد السمع زى مدام ايناس وساجى
جم بعد ما شافوا الدعوة على الفيس بوك
جزاهم الله خيراا

**********

أستاذ احمد كمال حضر كالعادة فى صمت وانسحب بنفس الطريقة
بس وزع علينا كتاب قيم :)
**************
بابا أبو خالد
هذا البطل الصامت
رجل ربنا يديه الصحة ويبارك فى عمره ابو المدونين على حق
يعطى الكثير من الفكر والاهتمام والحنان وحتى التوجية بشكل لطيف
كان له الفضل بعد الله عز وجل فى تجميع الناس

*********
داليا قوس قزح
ابى البتنجانى
بذلوا مجهود جميل وكبير
وحاولوا يكونوا مع كل الناس وبشكل هادئ وراقى وفعال
ربنا يبارك لهم
سوووووووو عجوز وعندة 60 سنة
مش 30 محديش يصدق حكاية 30 دى اشاعات !!
حجز لنا المطعم وكنا عدد ماشاء الله يسد عين الشمس



***************
بصوا هحاول افتكر ومحديش يزعل لو نسيتة
بس والله انا كنت مهيسة جدااا وفى قمة تعبى
لانى طبقت يومين وركبت منخول زى اللى فى المعمورة كدة
وانا جاية من بورسعيد فنزلت انا وجنة وكأننا بنلف حولين نفسنا
ههههههههه غير انى وقفت على رجلايا كتير رغم انى كنت محافظة عليهم
ومش بقف ولا بمشى كتير عشان اكتبهم فى القايمة مش مستخدمين
بس يالله ربنا يعوض علينا ههههههههههههههه


أبو خالد الاب الروحى لنا جميعا لولاك لما هان المشوار
جنة انسانة كل مرة احبها واحترمها اكثر
نسمة اختى قلبها خفيف جداا

همس مصرية مفروسة اند متغاظة شكلها هتغير اسم مدونتها من كتر ما
اتلخبطت انا فيه 000 بنوتة جميلة وبسيطة وتلقائية
سومة مجنونة فى بلد عاقل لا املك الا انى احبها فى الله واحترامها جداا
ريمو بنات صاحبة الجلالة بنوتة جميلة وجدعه جدااا وعايزة تعرف وتتعلم
شيماء سمير مفاجأة خلق ودين وطيبة وروح وجمال 00 الله يبارك بيها
نرمين زين الدين هدوء واخلاق
نونا صاحبة مدونة المهاجر طيوبة وجميلة
رئيسة جزب الاحلام سلوى الجمال الهادئ
المفقوع مرارتها جميلة وطيبة جداا واخواتهم
رودى بنوتة مصرية مش ممكن تفوت لقاء
ميرا امرأة بعقل رجل**** شقية وجميلة
دعاء مواجهات *** جميلة
كيكى ** طلعت غير الرعب المتحرك فى المدونات
بنوتة جميلة وهادية ورقيقة خالص
ام البنين ربنا يحميها هى واولادهم يارب جميلة بأستمرار
وزة وسارة سوسارة بنات جمال جداا
شيماء زاهر اول مرة اشوفهاا بنوتة هادية وكان باين عليها الخضة من الموقف زى تمام
مدام ايناس واختها ساجى
وابنها عمر ربنا يبارك فيهم يارب واديما نتقابل فى الخير
أيناس انسانة جميلة
وساجى كانت بتحاول تساعد بكل شكل
زهرة **تسامحنى على انى مش شفتها
*******************

حزب بلا مقر لكن لنا اهداف معروفة ومحددة
رضا الله وخدمة المجتمع
يعنى احنا احسن وانجح حزب موجود فى مصر
الشباب الابطال بجد
بابا أبو خالد ***أستاذ شريف
أ/ احمد كمال
* ضياء * محمد وايت هارت * سووو *
ميدو فى الادغال * الباحث عن الحقيقة جننى * ابن حجر العسقلانى انا جننته :)
الغزالى * طارق كوارث * عبد الرحمن فارس * احمد شاهين *الصباغ صحفى المدونين
خالد همس الاحباب اللى دايما يوصلنا *احمد سكر عربيتة مستحمليتش فى الصيام *
صباح الصباح اللى بعتذر له جدااا والله على تقصيرى معه :$
عبد الرحمن مواطن صيدلى مطحون * قلب مصرى وهو فعلا كدة قلب مصرى كبير
محمد عطية الشاعر * محمد يوسف *محمد حسام * محمد مدحت :( مش شفت الناس دى
وطبعا فى اسماء تانية بعتذر جداا عن انى نسيتهم بس والله انا اصلا ناسية نفسى فحقكم على
شكر خاص جدااا
لاحمد ك صاحب مدونة دردشة عربى
لانة رغم عدم تواجدة الا انه شارك وارسل هدايا للاطفال وسكر استلهما جزاهما الله خيراا
داليا ** أهوا دا عيبة ودعاء** ربع ضارب اصروا انهم يرسلوا معى ادوية للاطفال
بارك الله فيهم


فى الاخر تقبل الله منا ومنكم صالح الاعمال
وجعل العمل خالص لوجهه الكريم