بحث هذه المدونة الإلكترونية

طل الملوحى

مر عام اخيتى وأنتى تدفعى ثمن كلمه حق 
كلمة صدق لأجل غاية نبيلة 
مر عام وانتى اسيرة بين جدران عقيمه  تخيل ذلك لا اسد انه سيصمت قلمك ويخرس لسانك
الا ان للصدق طريق لا يخطأه ابدا 

اليوم ذكرى مرور عام على اعتقال المدونة السورية طل الملوحى 
ومرت سنين على اغتصاب ذلك الوطن الكبير واسره  لكى الله اخيتى ودعواتنا 

نور ونار



دائما ما يجذب النور الفراشات 
الحسان منهن والدميمات 
لكنه محل اهتمام واستقطاب لكل فراشات الكون 
دون ان تلتفت الفراشة المتلفه  للرقص مع ذلك الشعاع
انها قد تكون رقصة الموت 
وان النور قد يكون نارا محرقة 

كثيرا منا فى لحظات  يتحول الى ذلك النور 
ويصبح اداه جذب هائلة 
لبعض الفراشات الحائمة الهائمه 
اما لان الفراشة تلك تتمتع بذلك الجزء من الذكاء الفطرى فتدرك انك 
نور  تنير الطريق وتهدى الى الدرب 
وانت ايضا تلك النار باهرة الاضواء  دافئة العطاء 
خفيفة الظلة والوطئة على من يعرف كيف يداعبها 

ومنهم من هو يطير بكل حمق محاولا اثبات شئ احمق 
لا يمت لك بصلة من قريب   او بعيد 
فيقترب وبكل بقوة و جراءة ليداعب النور الذى وبكل قوة ايضا يتحول الى 
نار حارقة للفراشات الحمقى 

النور  نور ولو كره الاخرون 
والنار قوة تحرق افكار الاغبياء  وتكشف  معادن شخصياتهم
والاثنين باقين  لانهم الابقى من شهوات الفراشات الحمقى 


حكمة البوست
ليسى ذنب النور انه جميل الالوان
دافءالمشاعر 
لكنه حمق الفراشات التى 
تحاول ان تثبت انها  تملك ذكاء 

 
البوست دا اهداء 
لى انا ولحد انا بحترمة وبعتبره 
شقيقى الروحى لاننا نملك نفس الميلاد وغالبا نفس الدماغ 
ولن ادعى انى املك ذكائه 

لسة فى امل


فى بعض الناس هنا 
عارفة انى كنت احد المراقبين على العملية الهزلية للانتخابات المصرية
وكلنا عارفين ان النتيجة معروفة ومحسومة من فترة لصالح أناس بأعينهم
 بس
انا حابة احكى لكم واقعه لم تستغرق 10 دقائق  حصلت معايا وانا راحة اللجنة 
استوقفت تاكسى تقريبا الساعه 6.30 ص  وقلت له من فضلك عند مدرسة ....
الراجل قالى راحين لجنة قلت ايوة ان شاء الله قالى هتنتخبوا الوطنى ؟ قلت لا خالص 
قالى بالله عليكم ما تنتخبوا الوطنى 
قلت احنا مراقبين 
بصل وراه وقالى انا مركب ناس جامدة معايا بقى 
قلت خالص احنا عاديين جداا  .... احنا اللى بننضرب 
قال لا ربنا يحميكم  بس بالله كونا ع الاقل محايدين
قلت احنا محايدين لكنا  لا نحب الوطنى 
قالى خربها 
المهم الراجل رفض بشدة انه ياخد فلوس منى انا ونسمة 
لكنى اصريت وقعد يدعى لنا ربنا يحميكم انت شباب مصر 


بصراحة الموقف على بساطتة الا انه آثر بى جدااا


المشهد التانى 
جمال  الشباب اللى لف وتعب وانضرب  واتهدد واتسرق موبايلاتة 
لا انكر ا فينا ناس لا يملكون لا فكر ولا حتى مبدأ لكن أقسم ان فى شباب  بجد
كانوا حاسين انها مسألة مصيرية وانهم هينقلوا اللى بيحصل وهيقولوا احنا اهو 

اعرف انه يمكن ان لا تكون هناك جدوى من تلك المشاهدات البسيطة الا ان التغيير يبدأ بخطوة وبكلمة 
وبأيمان وعناد وقتال اصحابة 
لسة فى امل يا شباب   لسة فى محاولة لايقاظ مصر  وانقاذها 

مشاهدة اخيرة فى احد المواقع اللى دربت ناس كتيرة جدا على الرقابة 
لم تؤتى ثمارها ولم تواكب الحدث لكنى اقول اولا تعزى الحارة   لكن ذلك يرجع ان اغلب عاملى الموقع 
ناس بتشتغل من اجل المادة والفلوس والشهرة والخدمات الشخصية فقط لا غير 
حتى فى السياسة لابد من اصلاح النوايا لان كل الاعمال لله عز وجل 

انجازات الحزن الحاكم

كنا نتحدث عن ازمة المياة 
ومشكلة مصر مع دول حوض النيل 
الان وبفضل تغافل مصر لدورها الافريقى 
وتراجع علاقاتها مع دول النيل 
أصبحت  مصر مهددة بتخفيض حصة المياة
والادهى ان اثيوبيا تهدد مصر بالحرب التى  لن تخسرها 

بؤجة الخير بؤجتنا كلنا



كل سنة وانتم بخير وعيد سعيد عليكم جميعا
بمشيئة الله تعالى تقرر تحديد ميعاد بؤجة الخير الشتوية

الميعاد : الجمعة الموافق 10 ديسمبر 2010
المكان : جمعية صحبة خير بمسجد زهراء مصر القديمة
الزمان : من العاشرة والنصف صباحا امام مقر الجمعية الكائن 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا
دى خريطة لمحطة مترو الزهراء و لونها بالازرق اما اللون الاحمر فهو لمكان المسجد وده اسهل للناس اللى هتستخدم المترو

فى حالة اى استفسار او حد تاه عن المكان ممكن يتصل على الرقم ده

خالد همس الاحباب
0101345140
وبعد الانتهاء من تسليم البؤج وصلاة الجمعة فى أقرب مسجد سنتوجه الى مكان قريب لتناول الغذاء وغالبا هيكون فى منطقة السيدة زينب او نادى المحامين .
وفكرة البؤجة تتلخص فى الاتى
- بما انكم طالعين من العيد واكل الفتة واللحمة عمل عمايله معاكم فبساطة كده انت وبتبدل الملابس الصيفى بالملابس الشتوى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها او ربنا كرمك وعامل دايت وتجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتروعزبة خيرالله ونديها للناس هناك فى جمعية صحبة خير وهم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها اشترتها بفلوسها وانها مش متسولة.
يا ريت واحنا بنقرا البوست نفتكر انه فى الوقت اللى عندنا فيه حاجات كتير قوى مش بنحتاجها وبنقول لنفسنا خليها مركونة يمكن نحتاج لها تاكد ان ربنا سبحانه وتعالى هيعوضك خير منها فى الدنيا والاخرة .
وكمان تخيل برد الشتاء القارص وتخيل ولو لثوان انك مكان الشخص الفقير او إن ابنك اواخوك فى مثل هذا الموقف فماذا تفعل من اجلهم ؟؟؟!!!
والتبرع ممكن يكون بأى شىء عينى او مادى او حتى معنوى بوجودكم ومشاركتكم وتشجيعكم للاخرين .
ياريت كل مدون يقدر ينزل بوست عن الموضوع يبقى جزاه الله خيراعلشان نبلغ اكبر عدد ممكن .
والدال على الخير كفاعله
جزاكم الله خيرا
منقول بالنص 
من مدونة همس الاحباب
جزاه الله خيرا 

لقطات

مش عارفة لية كل ما اكتب موضوع منشروش؟!!

المهم لقطات من ارض الواقع المؤلم 

وطنى على ما تفرج 
. بعض اعضاء الحزن الوطنى  اعضاء به اما على حد قولهم لتغييرة من الداخل !!!!
او لتكوين شبكة علاقات كبيرة بعلية القوم  لو لما يحقق لهم الحزب احلامها . يبقى ساعتها فقط تطلب الحالة نضال !!!

أغلب المستقلين لما يدخلوا المجلس الموقر برجلهم اليمين  يدخلوا برضة الحزن فى نفس التوقيت بالرجل التانية 
عشان كدة ربنا خلق لنا رجلين !!!

المناضلين الشباب اعزهم الله 
منهم من هو مناضل بجد ومنهم من لم يجد لاكل العيش طريق سوا كلمة مناضل 
واللف ع الاحزاب ومعاهد ومراكز حقوق الانسان ليل ونهار لعلها تفرج !!

كترت اوى معاهد ومركز حقوق الانسان ودا مش   وحش أبدا لكن  السؤال بيصرفوا منين؟؟

كفاية هلفطة كدة النهاردة 
واتكل انا بقى 

المعونة الملعونة

سؤال  أعلق عليه موضوع !!!

هل تعتقد حقا ان امريكا تريد النهوض بحال مصر 
ومؤمنة بالتغيير والاصلاح السياسى ؟؟؟




ان كان لا  أذا لما تقدم لنا المعونة الامريكية من اجل تريب كوادر شبابية فى مجال السياسة  ؟؟

واللهى قبل ما اتجنن  بس حد يكلمنى  بالمنطق وبما يرضى الله 



الو 0225944444


جانى تليفون النهاردة من الرقم اعلاه



معاكى احمد سعد

من الجبهه الوطنية!!!.





يسألنى عمرك اعلى من 18 قلت نعم

شاركتى فى الانتخابات من قبل  نعم


زوجك بينتخب ؟؟ قلت له لا لانى ببساطة مش متزوجة 
اعتذر 


هتنتخبى الدورة دى نعم

تعرفى انك ممكن تشرحى بالرقم القومى ايوة

عارفة دائرتك الانتخابية ايوة

هتشرحى مين قلت اية رأيك قالى يا فندم احنا جهه حيادية

ومقدريش اقولك مين

قلت انا معرفيش مين نازل عن دائرة العرب قال يمكن 18 قلت له طب قولى مين وطنى

قالى معرفيش قلت له خلاص هرشح اى حد جديد ومش وطنى

قالى لازم اسم قلت له اكرم الشاعر (اخوان) 

قالى عشان حزب قلت له 

الاحزاب  كلها واقعه

قالى طب الفئات مين وعد لى اسماء

قلت له خلاص يبقى عادل بكرى (كرامة) 

قلت له حلو ان الجبهة الوطنية للتغيير  بتعلم دا قالى لالا
احنا بس الجبهه الوطنية 


وشكرتة فى اخر المكالمة على الحيادية والشفافية



عارفين طلع الاخ مين



حزب وثنى

لما بحثت عن الرقم طلع حزب وطنى الناس دى بجد اتهزت من الشباب

الناس دى خايفة مننا

السؤال بقى
تفتكروا معاهم حق يخافوا 
ولا احنا هوا؟؟؟

لك الله يا مصر

كلنا نعمل ما يمر به الحزب الحاكم (الوطنى) من ازمة ثقة أصبحت ظاهرة  ظهور الشمس فى وضح النهار بينهم وبين الشعب
كما انه فقد مصادقيتة بعد فشله الزريع فى الخروج من مشاكل مصر بل   على العكس ان الشعب يوجهه اصابع الاتهام كلها
فى وجهه  فهو سببا فى تفاقم عدة مشاكل البطال العنوسة الغلاء  الفساد لرجال الدولة  فقدان ثقة 
توحش الشرطة  قانون الطوارئ  فقر تراجع التعليم 
ودا جزء من المشكلة ع المستوى الداخلى وتفاقمت اكثر على المستوى الخارجى حيث تراجع دور مصر القيادى
سواء فى  قيادتها لركب الامة العربية 
او دورها الافريقى 
او حتى من حيث رعاية رعاياها فى الدول الاخرى  سواء عربية او ااجنبية 
واصبح بات كل المصريين صغيرا وكبيرا هو التغيير 
لابد وان نجد بديلا للحكم وللخروج بمصر من كبوتها وايجاد مناخ سياسى صحى فى ظل غضب الجماهير 
وباتت   مصر بكل رجالها اللهم الا رجال الحزب الوطنى  يبحثون عن حل  اوو بديل قادر على قيادة الركب 
فظهر على الساحة عدة أسماء  تدعو للتغير والاصلاح 
وبالتبعية ايضا نشطت احزاب اخرى لتعلن عن نفسها فى ثوبها الجديد  أو ان بعضها ادعى قدرتة على اصلاح 
الواقع المؤلم وتغيرية لمستقبل جيد  وان الاصلاح قادم بقدوم ذلك الحزب  خاصة بعد ما تجرعه الشعب لمدة تقترب من الثلاث عقود على ايدى عباقرة الحزب الوطنى الذى بات صارحا كراهية الشارع له وهتافة ضده  ٌ فمن ضمن الاحزاب التى اعادت هيكلت نفسها والتى ظهرت بثوب جديد للنزول الى الساحة السياسة بشكل جديد كان

حزب الوفد 
الذى اعادة هيكلة نفسه وافصح عن تجديد دمه فى محاوله لكسب عناصر واعضاء ونشطاء جدد
لخوض معركة الاصلاح والانتخابات النيابية الجديدة بأعضاء اكثر فهما وأكثر حرصا على مصلحة الشعب الكادح 
وحقيقى ان الوفد ضمن الكثير من الاسماء اللامعه  فى شتى المجالات فى مصر فى الفترة الماضية زبات عيانا للجمهور 
انه امام حالة جديدة من النشاط واعادة ترتيب الاوارق التى تبعث بالثقة وبات الكثير من الشباب يفكر فى التواجد تحت مظلته 
حقيقا لم اكن منهم لكن وجهت لى الدعوة للحضور والتواجد امام المتحدث الاعلامى  بأسم حزب الوفد  خاصة انه كان احد مدربنى
فى تدريب خاص بأعدا القادة وتبادلنا الاسئلة والنقاشات فى عدة مجالات ولاحظت ذكائة الشديد ولم انكر ذلك فى الاصل فهو رجل سياسة  لكنى حضرت له لقاء ثانى دعيت له بالاسم    ٌٌٌ وذهبت انا ومجموعه من الاصدقاء  كان منهم من يحاول الانتماء للوفد
فوجدوها فرصة للتعرف العملى على افكار الحزب الجديد :  او المعاد هيكلته 
لكن كى أصدقكم القول اننا رغم اختلاف ميولنا السياسية فكان معى من الكرامة ٌ الناصرى   ٌ مستقل    ٌ من الحملة
اننا جميعا خرجنا ان حزب الوفد ما هو الا الوجه الاخر للحزب الوطنى او الاسم الاخر للوطنى لكن بمظهر جديد
الحزب الوطنى فى ثوبة الجديد ما هو  الا حزب الوفد !!!!!
قد لا يجد كلامى اى صدى او قبول لكنه رأى وايضا انه عن تجربة حقيقية  والاكيد ان الزمن سيثبت صحة كلامى 

كلنا خالد سعيد

النسيان حق مكفول لكل مواطن 
انسى لكن اعلم انك حين تنسى انك انت الاتى ٌ ان الدور التالى عليك ٌ نعم لا تندهش أنت ثم أنت ثم أنت 
سأذكرك بحادثة منذ أكثر من مائة عام كان بطلها شاب فقير من فلاحى  المنوفية من قرية دنشواى  
أسمة محمد زهران كان يدافع عن حق الفقراء والفلاحين من ابناء قريتة لما مات الجنود الانجليز 
كان اول من اصدر عليه حكم الاعدام واول من نفذ فيه الاعدام 
انه البسيط المصرى محمد زهران الذى اثار موته ضجر العالم اجمع وكان موته سببا فى تغير اللورد كرومر 
بعد 25 عاما من كونة المتعهد السامى البريطانى اى انه كان الحاكم الفعلى لمصر لمدة 25 عاما 

أعــــدام محمد زهران ورفاقة هو ما أطاح بالمتعهد السمى البريطانى ذو القبضة الحديدية 

الآن وفى عام 2010 
مـات شاب مصرى  بطريقة وحشية  
مات على ايدى مخربين المفترض انهم حماة الامن وأداة للاستقرار 
قتل خالد سعيد  بقانون الطوارئ  دون داعى فى حين ان شوارع مصر لا تخلو من البلطجية 
والمجرمين وقاطعى الطرق 

 كما غير  أعدام فلاحين دنشواى  مصر عام 1906 بعدما نشرها مصطفى كامل على صحف العالم 
وتمسك بقضيتة اتمنى ان لا نفرط فى قضيتنا لا نفرط فى حق خالد سعيد 

دم خالد سعيد امانة فى رقابنا  لن نفرط فيه ابدا وسنجعل التاريخ يعيد نفسه بأننا لن نفرط 
وسنتمسك بمطالبنا لا لقانون الطوارئ 

 محاكمة قتلة خالد سعيد يوم السبت 24 أكتوبر 

 

لقاء بورسعيد 29 أكتوبر

لقاء بورسعيد الجديد 
ان شاء الله هيكون يوم الجمعه 29 أكتوبر
اللقاء دا  بصراحة مختلف المرة دى فى اكتر من حاجة 
الاول احنا بندور على متبرع لسيدة تعانى من مرض فقاع جلدى 
وهو مرض مزمن  يتكلف شهريا 1200جم  فاللى يقدر يشوف لها كفيل بالعلاج دا يبقى شئ طيب جدا 





ثانيا اليوم هيكون على شرف  تشرفيكم لنا بورسعيد
واتمنى ان ربنا يوفقنا فى البرنامج بتاعة ويسعدكم 
هيشرفنا بالتواجد 
الشاعر أمجد القهوجى  
والشاعر احمد شلبى 

والمطرب الجميل  هيثم محفوظ 
وآخرين 
 أن شاء الله
 اليوم هيبدا الساعه 11 ظهرا
ونقضى وقت كويس 

بصراحة انا مش عايزة اقاطع واقولكم اسماء 
لكن ان شاء الله يكون يوم ظريف 

للاستفسار 
0149387538


فهد المساعد - الاسرار -

منحة سماوية











 جلست تفكر فى مستقبلها  وكيف انها تحلم بالاسرة والحب والانجاب  خططت كيف ستربى ابنائها على الاخلاق أخذت

تشرد بفكرها واحلامها كيف تسكون الحياة وهى ام وزوجة ومسئولة عن اسرة  كيف سيمن الله عليها بتحقيق امانيها الغالية  والبسيطة فى آن واحد فهى جل ما تحلم به أسرة تكون ربتها  ان تعف نفسها بزوج حنون محب يعصمها من الفتن

ويحنو عليها حين يوليها الزمن ظهره 



شردت بعيدا بين الاحتياج والحرمان من أبسط حقوقها التى كلفلها الله  لها  !! ووجدت ان كل ما فى المجتمع حاليا  أصبح يرهب ويرعب من  يحاول فيه ان  يعيش بسلام فقط

لا ان يحاول تحقيق احلامه التى كانت حقة واليوم اصبحت حلم





وفجأة تبادر الى ذهنها ومضات  مختلفة من الحياة

ومضة تأخذها لـــــــــــــــــــ

تلك المشاهد المتكررة من الحياة  الزوجية  الحاليه التى تنم عن افتقار المجتمع لابسط  أصول الزواج وقواعده وان الزواج ما هو الا مـودة ورحمة  هو ذلك المنحة السماوية للأنسان كى يخفف من وطئة الاعباء عليه  ليكمل حياته   ،لكن هذا الا يحدث الا قليلا جدا



ومضة اخرى تأخذها للبحث عن الاسباب :- 
هل هو الفقر
 ام الجهل بحكمة الزواج 

ام سوء الاختيار

ام الاختيار من باب الاشباع لا الاقتناع

ام مفاهيم الناس التى اختلفت كليا بل وقادرة على التغيير كل نصف ساعه على حسب ما يقدر للمشاهد من افكار جديدة

تضرب  بالقديمة عرض الحائط
ام خوفة من تلك الافكار المسمومة عم فشل مؤسسة الزواج
ام بحثه عن ماكينة اموال متنقله 

ام البحث هذا المقياس  الحسى الهيفى  الذى يسلب لب الرجال

فالمرأة باتت سلعة ان لم تعلن عن جسدها فأعلم انها لا تملك مقومات تلك الانوثة

ام هو المقوم اللفظى المصرى لأساتذت الاثارة المصريات  امثال هاله سرحان والجرئية  صاحبة الافكار المتحرره أيناس الدغيدى وغيرهن من  المسيئات لسمعتنا



ام هى المواريث  عن تلك المرأة الطائعه  القانعه  التى لا تسمع صوتهااا ولا تعرف لها رأى، نسخة ست أمينة فى ثلاثية نجيب محفوظ 

ام البحث عن جبل الثلج الذى لا يظهر منه الا ثلثه  والباقى مخبئ تحت غطاءات كثر

ام بحث الرجل عن تلك التقية التى تصلى وتصوم وتقيم الليل وتقرأ القرآن

ام بحث  الرجل عن تلك الخلطة الغريبة بين البنت البريئة وتلك الخبرة كما قال عادل امام فى آن واحد


عادت وتذكرت مشاكل صديقاتها الخلوقات مع الزواج وقالت ان زواج هذا العصر يتطلب أمرأة 

ذات مواصفات لا تملكها ولا تريد ان تتعلمها  جمدت الله على حمايته لها من الدخول فى تجربة قد تقدها الثقة فى

هـــــــذة المنحة السماوية ((الزواج))