بحث هذه المدونة الإلكترونية

لسة فى امل


فى بعض الناس هنا 
عارفة انى كنت احد المراقبين على العملية الهزلية للانتخابات المصرية
وكلنا عارفين ان النتيجة معروفة ومحسومة من فترة لصالح أناس بأعينهم
 بس
انا حابة احكى لكم واقعه لم تستغرق 10 دقائق  حصلت معايا وانا راحة اللجنة 
استوقفت تاكسى تقريبا الساعه 6.30 ص  وقلت له من فضلك عند مدرسة ....
الراجل قالى راحين لجنة قلت ايوة ان شاء الله قالى هتنتخبوا الوطنى ؟ قلت لا خالص 
قالى بالله عليكم ما تنتخبوا الوطنى 
قلت احنا مراقبين 
بصل وراه وقالى انا مركب ناس جامدة معايا بقى 
قلت خالص احنا عاديين جداا  .... احنا اللى بننضرب 
قال لا ربنا يحميكم  بس بالله كونا ع الاقل محايدين
قلت احنا محايدين لكنا  لا نحب الوطنى 
قالى خربها 
المهم الراجل رفض بشدة انه ياخد فلوس منى انا ونسمة 
لكنى اصريت وقعد يدعى لنا ربنا يحميكم انت شباب مصر 


بصراحة الموقف على بساطتة الا انه آثر بى جدااا


المشهد التانى 
جمال  الشباب اللى لف وتعب وانضرب  واتهدد واتسرق موبايلاتة 
لا انكر ا فينا ناس لا يملكون لا فكر ولا حتى مبدأ لكن أقسم ان فى شباب  بجد
كانوا حاسين انها مسألة مصيرية وانهم هينقلوا اللى بيحصل وهيقولوا احنا اهو 

اعرف انه يمكن ان لا تكون هناك جدوى من تلك المشاهدات البسيطة الا ان التغيير يبدأ بخطوة وبكلمة 
وبأيمان وعناد وقتال اصحابة 
لسة فى امل يا شباب   لسة فى محاولة لايقاظ مصر  وانقاذها 

مشاهدة اخيرة فى احد المواقع اللى دربت ناس كتيرة جدا على الرقابة 
لم تؤتى ثمارها ولم تواكب الحدث لكنى اقول اولا تعزى الحارة   لكن ذلك يرجع ان اغلب عاملى الموقع 
ناس بتشتغل من اجل المادة والفلوس والشهرة والخدمات الشخصية فقط لا غير 
حتى فى السياسة لابد من اصلاح النوايا لان كل الاعمال لله عز وجل 

7 التعليقات:

  محمد الجرايحى

الاثنين نوفمبر 29, 08:36:00 ص 2010

حسبنا الله ونعم الوكيل

  شمس النهار

الاثنين نوفمبر 29, 09:41:00 ص 2010

موقف سواق التكسي هو موقف المصري الاصيل اللي لسه موجود

الاهم موقف الشباب اللي رغم كل شئ راح وعمل اللي عليه

وحاول بقدر المستطاع يراقب ويظبط الموضوع شويه

ان شاء الله خير

تحياتي ليكي يانهر انتي وكل اللي زيك
ربنا يكرمكم

  Foxology

الاثنين نوفمبر 29, 10:07:00 ص 2010

سواق التاكسى مواطن مصرى بجد مش مواطن مصرى من بتوع بوسترات الحزن الوثنى !

الانتخابات معروف نتيجتها مسبقا وفعلا ناس معندهاش دم !

عليه العوض بس النهاية قربت على فكرة

تحياتى

  salwa

الاثنين نوفمبر 29, 03:30:00 م 2010

السلام عليكم اخت ايناس
الله يحسن الحال باحسن الاحوال
و ليبدا كل بنفسه
حسبنا الله و نعم الوكيل و لا تقنطوا من رحمة الله

  نور الدرب

الجمعة ديسمبر 10, 12:11:00 ص 2010

اللي يضايق الواحد اكتر واكتر
ان الحزب الوثني البيروقراطي بيكدب الكدبة يضحك علي نفسه والمشكلة الادهي والامر انه بيصدقها
وييجي يقولك الانتخابات شفافة وزيهة
ابقي سلملي وحياة ابوك علي نزيهة اصلها مجتش عندنا من ييجي 30 سنة
وعجبي ,,,,

  ahmed_k

الجمعة ديسمبر 10, 02:12:00 م 2010

فعلا النوايا أهم ما في أي فعل
فالرقابه لو النيه الماده فستهادن مع من يدفع أكثر
ولكنها وبكل بساطه كما قلتي ووصفتي في البدايه العمليه الهزليه وهذه الكلمه تكفي
ولكني اكبرت سائق التاكسي فعلا
ووجود مثل هذا الرجل ليعطينا بصيص أمل أننا مازلنا بخير

تحياتي لكي

  تركي الغامدي

الثلاثاء ديسمبر 14, 07:19:00 ص 2010

تحياتي لشخصك الكريم ... وثقي أنني مثل ملايين في عالمنا العربي لايسعدهم إلا أن تكون مصر وجميع البلاد العربية وقد تحقق لها ماتتمناه من الاستقرار والازدهار ... والبركة بعد توفيق الله تعالى في الشباب (متى خلصت النوايا) وهو خلاصة تجربة عبرتي عنها بوضوح شديد . وبالله تعالى التنوفيق .