بحث هذه المدونة الإلكترونية

المعونة الملعونة

سؤال  أعلق عليه موضوع !!!

هل تعتقد حقا ان امريكا تريد النهوض بحال مصر 
ومؤمنة بالتغيير والاصلاح السياسى ؟؟؟




ان كان لا  أذا لما تقدم لنا المعونة الامريكية من اجل تريب كوادر شبابية فى مجال السياسة  ؟؟

واللهى قبل ما اتجنن  بس حد يكلمنى  بالمنطق وبما يرضى الله 



13 التعليقات:

  الازهرى

الاثنين نوفمبر 08, 07:33:00 ص 2010

بسيطة علشان ندربهم على السياسة

عارفة فى مصر القديمة كانوا برضه بيجيبوا أولاد الملوك ويدربوهم على السياسة وعلى الحكم فى مصر وبعدها يرجعوا لبلادهم يحكموها
تفتكرى ليه ؟

دا درس قديم هم اتعلموه

تحياتى دوما

  Foxology

الاثنين نوفمبر 08, 09:31:00 ص 2010

الامريكان ماشيين معانا بنظام المثل الشعبى :

اطعم الفم تستحى العين !!!

بيأكلونا ويشربونا ومستحيل نرفع عنينا فيهم مهما حصل مهو الشئ لزوم الشئ يدونا معونة نفتحلهم قناة السويس تعدى ناقلات طائراتهم لضرب العرب صح ؟

لو علمونا السياسة هنفهم هما بيعملو ايه بدعوى السياسة وهينقلب السحر على الساحر وده مش مطلوب طبعا !

تحياتى

  عين فى الجنة

الاثنين نوفمبر 08, 10:34:00 ص 2010

مصالح امريكا هى المحرك الوحيد لكل سياساتها فى كل مكان فى العالم

  الميكروباص

الاثنين نوفمبر 08, 10:49:00 ص 2010

أولا: أمريكا تريد ان تمسك العصا من المنتصف، أمريكا تعطي لنا المعونات العسكريه وهي الاهم من طائرات وصواريخ وغيرها حت لا نتفرد اسرايل بالمنطقه وحدها، وفعلتها امريكا عندما تركت اليهود ينضربوا من مصر في عام 73 كام يوم لغاية ما اليهود راحوا راكعين لأمريكا وبعدها بدأت امريكا تشوف شغلها
ثانيا: أمريكا لا تقدم لنا منح سياسيه فقط، ولكن هناك منح علميه في الفيزياء والكيمياء وياما ناس اخدوا دكتوراه من امريكا وعلى حساب امريكا، فلا يمكن الاستغناء عنها أبدا

وفي المقابل، يعطوا كل شيء لإسرائيل، يعني زي ما بيدونا بيدوا اليهود وأكثر، لكن احنا عاوزين نطول أي حاجه، وهما مش عاوزين اليهود ينفردوا بكل شيء،
يعني هما مهددين اليهود بمصر ويهددون مصر باليهود
وطالما انك بتاخد المعونه يبقى لازم تسمع الكلام
ممكن ننهض بانفسنا في الزراعه والقمح والمحاصيل
لكن من الصعب علينا نعمل صاروخ او طائره لأن ده نتاج تقدم علمي كبير في الفيزياء والكيمياء والرياضيات واحنا ولله الحمد عندنا نسبة الاميه رهيبه

  الميكروباص

الاثنين نوفمبر 08, 10:55:00 ص 2010

لو عرفنا نصنح اسلحه يبقى قطعنا شوط كبير في الحياه
لكن صناعة طائره شيء من المستحيلات عندنا
السلاح والبترول هو كلمة السر
واحنا لا بنعرف نعمل اسلحه متطوره ولا بنعرف نخرج البترول من أراضينا، يعني الغاز والبترول هما اللي بييجوا يكتشفوه وبيخرجوه وبياخدوا نسبتهم ويتوكلوا على الله، والناس لغاية دلوقت مش فاهمين ان عملية بيع البترول لليهود نحن لا نملك فيها شيء لأن شركة شرق لمتوسط المملوكه لحسين سالم ومعه مستثمر امريكي ويهودي عاملين خط مد للغاز من العريس وبيمر بالاردن وسوريا وتركيا واسرائيل في السكه ومتكلف 500 مليون دولار، والحكومه بتبيع الغاز لهذه الشركه والشركه بتنقله لهذه البلاد ومنها اسرائيل، ونحن لا نملك ان نقول أيوه ولا لأ- لأننا من الاصل لا بنكتشف ولا بنخرج، هما اللي بيعملوا كل حاجه، والشريك الاجنبي بياخد حصته من البير -وعلى فكره بتكوم من 50-60% ويروح يبيعها لأي حد هو عاوزه دون التدخل منا ، ودي ضريه التخلف!

نيجي لسعر الغاز والامذوبه الكبيره بتاعة البيع بسعر أقل من السعر العالمي، الناس بيتكلموا كأن الشركات اللي بتخرج البترول -وهي امريكيه- وشركة التسويق -وهي شرق المتوسط- بيعملوا عملية لاستخراج والنقل وفاتحين الشركات بتاعتهم صدقه ومن اجل عيون اليهود!!!!!
سبحان الله انا بقرأ كلام غريب في الصحف ومن الناس وكأنهم في غيبوبه ولا ادري ازاي بيقولوا الكلام ده!

  الميكروباص

الاثنين نوفمبر 08, 10:58:00 ص 2010

عافه شركة موبيل لما اكتشفت بترول في تشاد من سنتين عملت فيهم ايه؟
عملت معاهم عقد وهو ان تشاد لها 12.5% من كل برميل بترول لمدة 25 سنه!

أمتشفت وقتها أن امريكا لا تصرف على البحث العلمي تريليون دولار سنويا لأنهم هنود حمر، بيعملوا اجهزه واختراعات وحاجات كتيره وييجوا عند المتخلفين اللي زينا وياخدوا كل حاجه عندهم

ودي ضريبه التخلف

  Ramy

الاثنين نوفمبر 08, 02:50:00 م 2010

تحية للورنس العرب

ضريبة التخلف

  رحــــيـل

الاثنين نوفمبر 08, 10:09:00 م 2010

ده سياسية ولعب على كبير يا اينو
المهم فى الاخر انه اكيد بيعود بالنفع عليها واما بخصوص النفع اللى عائد لينا فأكيد مقنن بمصالحهم هما مش بمصلحتنا

  Unknown

الاثنين نوفمبر 08, 11:36:00 م 2010

أمريكا تتبع المذهب البراجماتى النفعى
هى لاتدفع سنتاً دون أن تكون على علم بأين سيذهب ومتى سيعود ولاتعرف إلا مصلحتها الشخصية..وتأكدى إنها عندما تعلم أن هذه المصلحة ليست مع هذا النظام ستكون النهاية....

  أ / أحمد عبد المنعم

الثلاثاء نوفمبر 09, 03:44:00 م 2010

بسم الله الرحمن الرحيم

الأخت الفاضلة : إيناس

هل تتحدثين بجدية فعلا ؟
هل حقا لا تدرين الحقيقة ؟

ماذا كان طعامك بالأمس ؟وهل تناولت مشروبا غريبا عليك كالقهوة مثلا ؟؟

ما الذى يحير أو يصل بالمرء حتى الجنون فى هذه المسألة ؟؟؟
إنه أمر معلن من قبل الأمريكان يا إيناس ولا غرابة فيه يعلنون رغبتهم فى السيطرة على العالم وما ينفقونه فى مساعدات هو من أجل إحكام السيطرة
إيناس دورى على موضوع يلخبط بجد زى كيف نصبح نحن الأقوياء ؟
كيف سنعيد سيادتنا على العالم ؟
كيف سنصبح كما كنا أكبر دولة مصدرة للقمح فى العالم ؟

إيناس
لو كنت أنا أزرع قمحا وأبيعه لك ومقابل ذلك أمنحك كل عام مبلغا من الجنيهات ولا تزرعين فماذا تفعلين ؟ وهل تسمين ما أمنحه لك مساعدات ؟؟

إيناس
قومى طسى وشك بشوية مية

  شمس النهار

الثلاثاء نوفمبر 09, 04:39:00 م 2010

لااا طبعا
ياحبيبتي بيخدوهم هناك يعملولهم غسيل مخ
يرجع بلده عايز يقلبها امريكا وفكر امريكا واقتصاد امريكا اللي في الاصل فكر صهيوني

  just dream

الجمعة نوفمبر 12, 06:37:00 م 2010

أمريكا لا تريد النهوض بمصر كلا ياحبيبتى فهي تريد الهبوط بمصر
عجبنى تعليقات الساده المدونين جدا وفعلا زى ماقالوا اطعم الفم تستحى العين فهذا هو حالنا
للاسف بلد الكرامه والعزة اصبحت بلا عزة وبلا كرامه

  Unknown

الأحد نوفمبر 14, 04:21:00 ص 2010

الله ينور عليكم
بجد تعليقاتكم كلها صح تنم عن وعى وناس بتفكر
بس الغريب ان بعض احزابنا المعارضة تتعاون بسعه صدر جميلة ورحابة مع المعونة التى هدفها الانمائى يتبلور فى تكوين كوادر شابة وارساخ مفاهيم اللبرالية فى المجتمع وطبعا الديمقراطية للخروج بمصر من كبوتها
!!!
تحت الصورة هتلاقوا رابط ممكن للى مهتم يقرأة

شكرا لمروركم جداا
وتعليقتكم اللى طمتنى جدا انى مش لوحدى فى الفكر والهم والاحباط دا