بحث هذه المدونة الإلكترونية

زينة الحياة الدنيا


الموضوع ببساطة 
ان فى كتير منا مش  عندهم وعى فكرى ولا نفسى 
او مش متمتعين بالمسئولية الكافية لتريبة الاطفال  ودا يقال فيها الكثير والكثير 

فما بالك بقى بمن رزقة الله بمعاق ؟!!!

سؤال اليوم 
بصراحة 

ماذا تفعل ان رزقك الله او ابتلاك بطفل معاق ؟؟

ماذا تفعل ان تحولت زينة الحياة الدنيا الى ابتلاء الحياة الدنيا ؟؟ 


تم بحمد الله

هو انا بصراحة مكنتيش هكتب عن اليوم 
خالص 

بس انا بأختصار حابة جدا 
اقولكم شكرا 
وجزاكم الله خيرا 
وجعل اعمالنا خالصة لوجهه الكريم 


هقول بس مقتطفات من انجاز اليوم 
اولا حضور المدونين دا انجاز 
ولله الحمد عليه 

ثانيا ربنا كرمنا بكمبيوتر 
شالة خالد همس الاحباب  من القاهرة لهنا 
ربنا يبارك فى عمره وصحتة وربنا يفتح عليه ويعرف معنى اسم بنته اية 
بدل ما كل الناس بتسأله يعنى اية يقول مسيرى اعرف :)

ربنا كرمنا بكمية حلوى وعصائر ومياة معدنية 
فى من الحاجات دى فاضل وتبرعنا بيه 
لأول يوم يتعمل فى الحديقة 
يعنى اولا عشان الحاجة متبظش كمان عشان منرميش الحاجة والسلام على الاطفال فتفقد قيمتها 
شريف كان فى حاجة ناقصة فى اليوم وشريف كان بيحاول يكملها بأى شكل 
الى ان هدانا الله لفكرة والحمد لله اقترحتها على مديرة المدرسة ووافقت 
شكرا شريف باشا على تعبك واصرارك على المشاركة بكل ما تملك 
من حس وفكر 

ربنا رزقنا كمان بتلفزيون جديد وكاديلز ولعب اطفال 
فى منها مناسب للمدرسة والباقى استأذنت فيه 
وان شاء الله هوزعه على اسر فى البيوت 
افضل من المؤسسات 
جزى الله خيرا من اشتراهم 
لو هو عايز يقول اسمة براحتة

كان فى مبلغ مالى فاضل وزع بشكل بسيط على بعض الاسر الفقيرة 
المتواجدة فى اللقاء 
وفى لسة مبلغ معايا اما سيوزع او هنكمل ونشترى شئ للمدرسة ايضا 

شكرا لكل من حضورا من بيوتهم عشان يعملوا خير 
حسب الوصول 
شفقة واحسان  اللى حطيت عندهم البست  زودوة الحق 
عايزفين زاد اية ؟؟؟ نمل !!!!
ومازال تواجدهم مستمر ان شاء الله
ابحث مع الشرطة هههههه 

خيخة جميل انك جيتى 
نورتى بورسعيد 
عسقول نورت بورسعيد
اليوم بيكون
حمادة بجد نورتنا 
شريف ابن خيخة ماشاء الله ربنا يحفظة 
ادى درس لمامتك يا شيرى!!!!

فاتيما 
روح قلب المدونين 
خالد همس الاحباب  بجد جدعنة الصعيد وشهامة المصريين  ربنا يبارك فيك
وليد هى وظروفها انا كمان قلت هى الناس دى مطنشانى لية ؟؟
بجد حسيت انكم متجاهلينى قلت جايز مش حبين يتعاملوا معايا  الكلام دا عليك 
شريف  هجايص اهلا بك بجد كنت بتحاول تضبط وتشارك بشكل جميل جدا 
ضياء انت مش عقل جميل انت قلب اجمل  ربنا يبارك فيك
سارة طوبار دايما منورة 
اميرة مش بنشوفك الا فى المناسبات 
نفين نورتى المدونات ونورتينا انتى ولارا  
ليدى انتى جميلة خالص وثومة زى العسل 
ربنا يحفظكم يارب ونشوفكم على خير يارب
ليساندرا  ماشاء الله هدوء واخلاق 000 وفرت لكى يا بنوتة حق المواصلات 
قال اية انا اللى موصلاكى !!ههههههههههههههه  عدى الجمايل  
أ/ احمد عبد المنعم نورتنا  انت وابنك وضيفك الصينى  
 مدونى بورسعيد 
شكر خاص لماما امولة 
ربنا يبارك فى صحتهااا 
ابو العربى دايما اخليه يسيب شغلة ويجى 
دالياأهو دا عيبه  ودعاءربع ضارب  قلب التدوين البورسعيدى  
ويارب اقرأ لكم حاجة قريب جدا
نسمة هى فوضى  دايما تعباكى معايا 
اسراء  جميل انك كملتى معانا اليوم فرحتينى  
اكيد بحبها ميرسى لحضورك 

ابو خالد الف سلامة عليك شفاك الله وعافاك 
جميل جدا اللحظات البسيطة اللى قضيتها معنا 

شكر خاص جدا  
لاسراء دياب على طول معانا والبنت ماشاء الله عليها اخلاق الدنيا 
هبة قوطة  بجد شلتى عنى كتير ربنا يبارك لك 
سلامة صديق ابو العربى  جزاك الله خيرا
احمد حسن   نورتنا 
أ محمد ساسى احد مصورى بورسعيد المحترفين  بجد شكرا لقدومك وتصويرك 
م/ محمد الدنف  دوخنى على ما وافق على الحديقة وبعدين قالى بلاش تجبوا سيرتى عشان انتم مدونين !!!
بس الظاهر غير رأية فى الاخر وكمل معانا اليوم 

شكرا للرجل المهذب اللى شاف الحفل من البيت ونزل تبرع للمدرسة وللاطفال بمبلغ 
جعله الله فى ميزان حسناتة
شرين صديقة وليد بنوتة لطيفة جدا 
حضر اللقاء بعض الناس شاركوا الاطفال فرحتهم ولعبهم ودا شئ جميل جدا 
طبعا انا اسفة لكنى لا اعرف اسمائهم 

جزاكم الله خيرا 

موناليزا والله دعيت لك امبارح انتى وابى هانم 
والبنات امنوا 
دعواتكم انتم بقى 

ما كتب عن اللقاء 



انا اسفة لكن هقفل التعليقات 
فى البوست دا 
يكفينى دعائكم بظهر الغيب  

الدعوة عامة لله

ان شاء الله 
هنتقابل يوم الجمعه الجاية الساعه 11 ظهرا 
فى بورسعيد مدينة الابطال :)

ان شاء الله هنتقابل فى حديقة التاريخ السياحية 
يعنى اللى جاى من برة بورسعيد يقول للتاكسى 
 الحديقة السياحية بجوار الممشى السياحى 
اليوم هيبتدى بشكل فعلى ان شاء الله بعد الصلاة مباشراا 
لكن احنا هنتجمع بدرى عشان  نرتب الاشياء 
وننفخ البلالين وغيرها من الاشياء اللى 
يارب تسعد الاطفال 


اتمنى انى اشوف ناس كتير 
وكل اصحابى  وكل الناس اللى 
بتحاول تعمل خير 


شكر خاص لكل الناس اللى اتصلت 
عشان تحاول تشارك 
جزاهم الله خيرا 
يارب اجعل اعمالنا خالصه لوجهك الكريم 
  

الى ربات البيوت !!!!


موضوع النهاردة سؤال سهل جدا
عايزة اعرف الاجابة فيه بصراحة شديدة 








متى تبارك الزوجة زواج زوجها من اخرى ؟!!!!


لقاء بورسعيد 3/12


ان شاء الله تعالى 
تقرر ان يكون لقاء بورسعيد الخيرى 
اولا والتدوينى ثانيا يوم الجمعه الموافق 3/12 
الساعه 11 ص للتبرع والترفيه عن الاطفال المعاقين 
وهم اطفال مدرسة الفكرية ببورفؤاد 

اللقاء عبارة عن يوم ترفيهى للاطفال 
ومحاولة اللعب معهم واهدائهم 

بعض اللعب التى تنمى قدراتهم الذهنية 
كالبازل 
البرامج الخاصة بالمعاقيين على الكمبيوتر 
مضارب البينج بونج 
شطرانج
مكعبات 
كتب تلوين 
صلصال
كاديلز كبار 


هم فى امس الحاجة لتلفزيون مستعمل 
او جهاز كمبيوتر 
ومظلة شمس 



تعالوا نشكر الله عزوجل 
على نعمه التى لا تعد ولا تحصى 
بأن نتذكر فضله علينا 
حين نكرم او نسعد من ابتلاهم الله عزوجل 



  


جزاكم الله خيرا وجعل الله كل لقائتنا 
خالصة لوجهه الكريم 

ملحوظة مكان اللقاء 
هحاول ان شاء الله اليوم 
اجيب الموافقة عليه لاعلانة 
وداتليفون هيكون مفتوح يوم اللقاء ان شاء الله 
0143250992 

اللهم اجعل اعملنا خالصة لوجهك الكريم 
اللهم اغفر لى ولوالدى وللمسلمين