موضوع النهاردة سؤال سهل جدا
عايزة اعرف الاجابة فيه بصراحة شديدة
متى تبارك الزوجة زواج زوجها من اخرى ؟!!!!
عايزة اعرف الاجابة فيه بصراحة شديدة
متى تبارك الزوجة زواج زوجها من اخرى ؟!!!!
شارة فيس بوك
اهداء من كلنا مقاومة
كلمنى
قائمة المدونات الإلكترونية
زوارى
اعلام
Facebook Badge
اشتراك في
المشاركات
تعليقات
52 التعليقات:
الخميس مارس 04, 11:34:00 ص 2010
اول كرسي بقى يا ناس
الخميس مارس 04, 11:34:00 ص 2010
معلش يا نهر الحب يا قلبي بس الكرسي التاني كمان اصل احمد جاي معايا
الخميس مارس 04, 11:38:00 ص 2010
حبيبتي نهر الحب صباح الحب يا قمرايا
بصراحة سؤالك ده زعلني اوي اوي و عمالة اقول هي بتفكر في ايه يعني علشان تسال السؤال ده ؟؟؟
المهم انا عن نفسي
عمري ما ابارك الزواج ده
و على فكرة هتقولوا الشرع و اربعة و كل الكلام ده على عيني و راسي
بس ده لا قدر الله لا قدر الله لا قدر الله لو حصل
هو عارف انا قولتله هقتلك و اقتلها و اشرب من دمكم
و بعدين اضرب نفسي بالرصاص بعدكم علطول
لان حبيبي اللي انا قتلته مش هعرف اعيش من غيره فهموت نفسي بعدها علطول لاني مش هلاقي حد اعيش ليه
هههههههههههههههههههههههههههههههه
تقولي مرض تقولي جنون تقولي هبل
مش مشكلة المهم انه ملكي و انا ملكه
و ده حاجة لا تقبل القسمة على الاتنين
اتنين على واحد ايه ؟؟
حرام
واحدة على واحد ايه ؟؟؟
يادوووووووب
ربنا يسعدك يا رب و خالص حبي و تقديري
الخميس مارس 04, 11:59:00 ص 2010
الوفية للابد مها
منورة المدونة وخدى كل الكراسى لو تحبى مدونتك وانتى حرة فيها
اما انا بفكر فى اية فدى حكاية حصلت امامى فبسأل عشان اعرف التفكير
بس 00 مش على المستوى الشخصى يعنى وان كان لى رأى فيها
قد اذكرة فى اخر الحوار
تحياتى وحبى وتفهمى الكامل لموقفك
اه على فكرة احمد منور المدونة
الخميس مارس 04, 12:00:00 م 2010
:)
لو كانت عارفة أنه مايتعاشرش ومفيش واحدة طبيعية تستحمله
ووقتها بتبارك لأنه هيعرف قيمتها:)
الخميس مارس 04, 12:11:00 م 2010
موناليزا
وجهة نظر وتحمل معانى اخرى ولا انا غلط ؟
تحياتى لمرورك
الخميس مارس 04, 12:15:00 م 2010
هذا لن يحدث أبدا
على الرغم من أنه شيء من المفترض أنه عادي
في الخليج مثلا الامير بيتزوج 4 أميرات
يعني الاميره بتقبل أن يتزوج زوجها 3 غيرها
لكن بصفه عامه لا تقبل الزوجه هذا الوضع أبدا
وعلى هذا الاساس مستحيل تبارك الزوجه لزوجها على زواجه
الخميس مارس 04, 02:20:00 م 2010
لورانس العرب
مقتنعه جدا بما تقول
رغم ان هناك من يبارك ولا اعرف السبب
هنشوف على العموم اية الاسباب اللى ممكن يفترضها الناس وانا معاهم!!
تحياتى وشكرى لمرورك
الخميس مارس 04, 02:30:00 م 2010
اممممممممممم
اسالها وابقى هجاوب عليكى
طالما لربات البيوت
وارباب البيوت يمتنعون
ههههههههههه
الخميس مارس 04, 02:50:00 م 2010
مستحييييل يحصل
عارفة بالنسبالي لو عاوز يتجوز بجد ولو حتى معذور لانه فيا عيوب الدنيا كلها مش هبارك جوازه خالص
يطلقني الاول ويروح يتجوز 4 مش هيهمني انا مستحيل استحمل زوجة تانية
الشرع حلل اربع زوجات وبنفس الوقت من حق الزوجة لو مش هستحتمل الوضع دا تطلق ودا حقها برضوا :)
يعني لا هقتله ولا هضيع حياتي يطلقني وربنا معه (وش مطلع لسانه )
طبعا الطلاق هيكون صعب عليا لكن الضرة اصععععب الله لا يبلينا
تحياتي
الخميس مارس 04, 05:49:00 م 2010
سؤال صعب اوى
بس انا هقولك ان ممكن الزوجة تبارك لزواج زوجها لو هى معندهاش حاجة هو محتاجها بمعنى انها لو مثلا مش قادرة انها تجيب اطفال
او انها عاجزة عن خدمة زوجها بس بردو بيكون موافقتها غصب عنها وصعب عليها جدا مش بايدها حاجة غير انها توافق
لكن انا عن نفسى لاممكن ابد مستحييييييل
مقدرش اشوف بعينى حد بتاعى وملكى انا بس يتاخد منى ويروح لغيرى ممكن يكون اخر يوم فى حياتى
تحياتى
الخميس مارس 04, 09:07:00 م 2010
مفيش واحده ممكن تبارك ابدااااااا
حتى لو كان فيها عيب
وطلبت من زوجها انه يتجوز عليها
هيبقى بردو قلبها بيتقطع
الخميس مارس 04, 11:45:00 م 2010
بصراحه ما أتوقعش إن واحده تبارك إلا إذا كانت بقى زى أمينه فى الحاج متولى
الجمعة مارس 05, 01:24:00 ص 2010
السلام عليكم
كيف حالك يا نهر الحب لعلك بخير ..
وأرى أن سبب بوست ( أنا تعبت ) قد زال والحمد لله .. أليس كذلك ؟
اما البوست الحالي فسأذكر لكي قصة حدثت هنا في بلدتنا ولمدرس اعرفه .. تزوج من ابنة عمه وهي زوجة جميلة الوجه والمعشر على حد قوله .. ومرت السنين ولم يرزقا بالابناء وسلكوا كل السبل الطبية واكثر من طبيب دون اية فائدة وعرفوا السبب في عدم الخلفة وهي الزوجة .. وظل الزوج يحلم بطفل .. وكان من الممكن ان يطلقها وينزوج غيرها ولكنه لم يفعل فبينهما حب وعشرة .. ومرت الايام ومر معه العمر ولكن الزوجة الشابة الجميلة قالت لزوجها لابد من أن تبحث له عن زوجة تنجب له طفل وكان يعارض وكانت هي تصر على ذلك ..
وغاب الزوج عن المدرسة فجأة وعند تفقده قال انه تزوج وفي نفس البيت في شقة تعلو شقة زوجته الأولى .. تزوج من سيدة أرملة ومعها طفلة صغيرة .. اصرت الزوجة الأولى أن تأخذ البنت مها لتربيها بالاضافة لامها ويعيشن معا في خير حال .. وعندما علمت بقصة زميلنا قلت سأقف تقديرا للزوجة الاولى .. فمن تضحي بهذا الشكل من اجل زوجها وحبيبها وتؤثره على نفسها وانانيتها تستحق كل تقدير واحترام ..
وسؤال لبعض المعلقات : ماذا لو أصيبت الزوجة بمرض يمنعها من المعاشرة الزوجية .. هل يتخذ الزوج خليلة في الحرام حتى نرضي غرور الزوجة وحتى لا تقتله ولا تقتل نفسها ( تنتحر والمنتحر كافر وليس له توبة ) ام يلجأ الرجل لشرع الله حتى لا تشيع الفاحشة في المجتمع كما يحدث في المجتمعات الغربية .. وعندنا من أصحاب الديانة المسيحية ( الارزوذكس ) ..
لم يشرع الله تعالى شيء وفيه ضرر للبشر ابدا ولكن نفعه هو الأكيد ..
سلام وتحية
الجمعة مارس 05, 02:26:00 ص 2010
في المش .. في المش .. في المـشـمـش
ههههههههههه
تحياتي
:))
سلام
الجمعة مارس 05, 11:39:00 ص 2010
همس الاحباب
منتظراك لو انى فعلا عايزة اعرف اجابة الطرفين !!!
والى ارباب البيوت ايضا
الجمعة مارس 05, 11:40:00 ص 2010
نوراة
اهلا بك اجابتك صريحة جدا
بصراحة واقرب لما تتمنى كل امرأة
الله لا يبلينا
تحياتى وحبى
الجمعة مارس 05, 11:43:00 ص 2010
نفين
اهلا بك
بصى انا سمعت عن حالات الزوجة طلبت ان زوجها يتزوج عليها لانها لا تنجب
كما انها لا عائل لها ولا عائلة فدا احسن من انه يطلقها ولا تجد مكان يأويها وطبعا برضة بنشوف دا للاسف كتير الله لا يبلينا
وفى زوجات لا يمكن انها تقبل وانت طبعا مع اللى لا تقبل
تمام يا قمر
شكرا لمرورك وتعليقك
الجمعة مارس 05, 11:44:00 ص 2010
سويت انجل
انتى صح خاصة اننا لم نتربى على ان نسمح بضرة على عكس الخليج العربى مثالا الزواج من اخرى شئ عادى جدا
تحياتى لك
الجمعة مارس 05, 11:45:00 ص 2010
مرايتى
مش شرط فى اسبا اخرى كأن لا يكون لها عائل او بيت
وقد تكون متيمه بحبه فلا تستطيع التخلى عنه
تحياتى لك ولمرورك
الجمعة مارس 05, 11:50:00 ص 2010
جنى
اهلا بك
دعواتك بالله عليك لى لانى فى امس الحاجة للدعاء !! لكنى الحمد لله رب العالمين فى نعمه وفضل منه
بص يا جنى قصتك واقعية سردت تشبهها فوق 00عارف فى مصر تفضل الزوجة الخيانة على ان يتوزوج زوجها رغم ان الفاحشة والعياذ بالله تفتح ابواب لا تسد
زى ما قلت انت الموضوع يتمركز فى شعور الزوجة
ايمانها
تربيتها
حبها لزوجها
ثقافتها
لكن هل تعتقد ان الرجل قادر على العدل؟؟
ملحوظة ليست كل امراءة قادرة على تحمل عبء زوجة وللاسباب عدة
الجمعة مارس 05, 12:00:00 م 2010
باشا
اهلا بك
فى المشمش اكيد مش عند كل النساء
والا ما كانت اميرات الخليج سمحنا بذلك
تحياتى لك
الجمعة مارس 05, 03:40:00 م 2010
ازيكوحشتنيجدااااااااااااااا
والله انابقيت مالي مش عارفه بكتب فيان على ما اكتب
ام عليموضوع طرحه والله اناشفتواحدها حضرت فرحهازواج كمابترقص كانت تصدقي ههههههههههه
الجمعة مارس 05, 05:29:00 م 2010
السلام عليكم
بصراحه سؤال صعب جدا
رغم انه اصلا دلوقتى بيكون صعب ان الواحد مننا يتجوز واحده عشان يفكر فى التانيه
انا صحيح شفت ناس متجوزه اتنين او اكثر والاتنين متاقلمين مع الوضع بدون مشاكل والامور ماشيه عادي
بس معرفش هل كان فيه مباركه فى اول الجوازه التانيه ولا لا
بس فيه نقطه مهمه ان احيانا بتكون الست هى السبب ان الراجل يفكر فى الجواز مره تانيه
من نكد وغم وهم
صحيح ان الدنيا مليانه مشاكل
لكن عشان كده لازم نخفف عن بعض
يبقى كفايه قوى المشاكل اللى جايه من بره البيت
طبعا مسئوليه انجاح البيت على الزوجين مش الزوجه بس
لا لازم برضه الزوج يحاول باقصى جهده انه يسعد مراته مش يتخانق كل يوم ويتصنع المشاكل
معلش طولت
ربنا يكرمك ويسعدك
الجمعة مارس 05, 08:05:00 م 2010
سؤال صعب يا نهر
مش عارف ارد عليه ازاى
متهيأ لى حتى لو كانت ميته وفى النعش مش حتبارك زواج جوزها
حتى لو مطلقاه بالتلاته برضه
غلب حمارى يا نهر
الجمعة مارس 05, 10:09:00 م 2010
أخبار المكان إيه :)
ده أولاً
ثانياً الموضوع ميخصنيش
بس هحط نفس في مكان واحدة عاقلة :)
لو في سبب..زي ما قال بعض من اللي علقوا قبلي...
يعني عجز المرض..أو عدم الإنجاب مع وضوح اللهفة في عين الزوج
بس بشرط
القدرة على العدل..لو قادر على كده ظاهرياً..معاملة ومصروف ومسئولية
ساعتها بصدق لازم هيحصل المباركة _ ومن العاقلة اللي بعتبر إني دخلت عقلها دقيقتين وماشي _ هتبقى لأنه استوفى كل الشروط الإلهية..وبالتالي الثواب الل هياخده هيكون أكيد وبالتالي ليها نصيب فيه :)
بس يا ستي
ولكن عموماً... الواقع مفيهوش المثالية دي
ولو حصلت وبصدق
يبقى المعنى في بطن الشاعر
زي إن مثلاً اللي هيتجوزها دي..هتجيبله بيبي زي ما هو عايز واللي بتبارك عاقر..بس في نفس الوقت جمالها ومكرها الأنثوي وعائلتها وأصلها..بيتماشوا تماماً مع رغبة الأولى اللي بتبارك وفي نفس الوقت سعيدة لأن اللي بتشاركها زوجها مش هتشكل خطر مشاركتها في قلبه..مجرد إنها تراضيه بالخلفة إذا شاء الرحمن وغير كده مش هتاخد دور أنثوي يهدد الزوجة الأولى
فبالتالي هتبارك
ده الواقع
دمتي بخير :)
وربنا يوفقك لما يحبه ويرضاه :)
السبت مارس 06, 02:06:00 م 2010
لما يكون جوزها قارفها فى عيشتها ومش عارفه تطلق منه لسبب او لاخر
فتبقى عايزه تخلص منه وترتاح منه نص ايام الاسبوع
هههههههههههههههههه
اي خدمه
وحشاني يا جميل
السبت مارس 06, 03:44:00 م 2010
السلام عليكم ايناس
اشتقنااااااااااااااااااا
انا بنظري اذا كان الامر متعلق بالانجاب او بالخيانة
السبب الاول لا تكون انانية
و السبب الثاني ترتاح منه
طمنيني عنك
سلااااااااااااااااااااااام
السبت مارس 06, 04:55:00 م 2010
السلام عليكم ورحمة الله
ازيك يا نونوس انا عرضت حاجة شبه كدة في موضوع لكن ما اكملتوش مفادها ان من الدين اقر التعددية ودة لان فيها صالح لفئة معينة وما فتحهاش الدين على مصرعيه كما يقول البعض ديننا دين نظام والحمد لله انما بالنسبة لي انا في حالتي ما اقدرش حقيقي مش هقدر وان كنت اقردة وابصم عليه بالعشرة عارفة مرة حلمت انه تزوج علي حلمت بس لما صحيت من النوم عارفة لقيت دموعي على وشي وبعيط بجد تصدقي بقى وفي اليوم دة ما كنتش عاوزة اشوفه في البيت كنت متغاظة اوي منه مع اني بحلم فكرك لو دة حصل هيبقى ايه الوضع بقىىى
الامانة هتكون عند استاذ خالد الخميس القادم باذن الله لاني بظبطه
وربنا يبارك لك يارب
تحياتي
السبت مارس 06, 05:21:00 م 2010
بسم الله الرحمن الرحيم
الأخت الفاضلة : نهر الحب
تبارك المرأة زواج زوجها من أخرى ذلك :
حينما تشترك مع زوجها فى امتلاك ثقافة إسلامية حقة مصلحة للمجتمع .
الأحد مارس 07, 09:55:00 ص 2010
نهر الحب
هههههههههههههههه بضحك عارفه ليه .؟ لأن الموضوع ده نقطة خلاف بيني وبين جوزي ههههههه من كام يوم كنا بنتكلم فيه وعن شخص اتجوز علي مراته وانا طبعا رديت قلت من حقه وعليكي بقي انتي ازاي تقولي كده ...؟ وطبعا أنا كلامي لأن ده شرع الله والله أعلم بحياتهم مع بعض وممكن فعلا تكون موافقه لأسباب معينه بس أنا عن نفسي أبدا بالرغم بردو من وجود كل الحب فلما يكون الشخص محتاج لواحده تانيه في حياته من أجل سعادته مش هقدر أعترض سعادته
ههههههههه م عارفه بقول ايه بس دايما جوزي بيزعقلي بسبب الكلام بالطريقه دي مش عارفه ليه
مع انه لو حصل وفكر وقالي ورفضت هيعملها من ورايا ...؟ ولا ايه يبقي برضا من الواحده ولا في الاخر تتخدع ...؟
الأحد مارس 07, 02:19:00 م 2010
السلام عليكم
الإجابة بإختصار هى
عندما يحل له ذلك وهو حرام وتحليله استثناء وليس العكس كما يفهم البعض
تحيتى
الأحد مارس 07, 02:24:00 م 2010
بعد قراءة التعليقات
المسألة كالآتى
لا يجوز لمسلم أن يتزوج على زوجته مرة ثانية لأن شرط الجواز العدل بين الزوجات والله تعالى قال لرسوله أنه لن يعدل ـأى الرسول ـ بين زوجاتة مهما حاول وهذا الرسول فما بالك بنا نحن البشر الغير معصومين
أما عن الأية التى فى سورة النساء فسبب نزولها أن المسلمين فى الغزوات كان يموت منهم الكثير فيترمل نساء وييتم أطفال وكان بعض المسلمين يكفل هؤلاء الأرامل وابناءهم فكانوا لا يعاملونهم كأهل بيوتهم لذلك قال الله تعالى وإن خفتم الأ تقسطوا ،أى تعدلوا , فى اليتامى فأنكحوا ماطاب لكم من النساء ، الأرامل، واكفلوا ايتامهم
وللحديث بقية آخرى
الأحد مارس 07, 08:49:00 م 2010
بسم الله الرحمن الرحيم
تعليقا على كلام الأخ الجبالى
أخى :
لك الحق فى أن تقول ما تريد لكن
ليس من حقك أن تبلور كلامنا فى كلامك بطريقتك ووفق رأيك أنت على أننا نؤيدك
كل يتحدث حسب ثقافته هو وهو يفسر كلامه بنفسه
قل ما شئت لكن لا تقولنا ما لا نقله ولا نريد قوله بل لا نقبله
الأحد مارس 07, 10:34:00 م 2010
أكيد طبعا
حتى لو وافقت حتة المباركه دى بيتهيألى صعبه شويه على أى أنثى وقليل جدا إلى ممكن تعملها
ربنا يسعد الكل يارب
الاثنين مارس 08, 01:00:00 ص 2010
عندما تدرك الفرق بين الحقوق والامنيات
وتعرف الفرق بين الحلال والمرغوب
وعندما تدرك انها مسملة تخضع لقوانين الشريعة شريطة أن يكون هو كذلك ايضاً وان يكون زواجه من منطلق العدالة وتطبيق روح الدين فى هذا الامر
..
وحقيقة تعجبت جداً لبعض التعليقات التى قراتها من الكرام حتى من الملتزمات شرعا والمفروض انهم ميهاجموش الامر على اطلاقه وانما يحددوا الضوابط الشرعية للمسألة
..
شخصياً انا من انصار تعدد الزوجات تماما وارى انه من باب المرؤة لكن كما قلت شرررررررريطة الضوابط الشرعية من العدل والنفقة والمعاشرة بالمعروف والحسنى
...
اعمق تحياتى لك اختنا الكريمة
.....
نورالدين محمود
الاثنين مارس 08, 04:44:00 ص 2010
نهر الحب
منذ عدة سنوات كتبت اخت لي في الله مقال على مجموعات الياهوو البريدية بعنوان : ماهو وسعك؟
واتكلمت في المقال إنهاجابت لزوجها زوجة أرملة و تطالبه أن يتزوجها ويكرمها فهي أرملة شابة ومنذ ترملت ابتعد عنها كل نساء المسجد بالرغم من أن الجميع كان يطالبها بمساعدتهم في الاستذكار لأبناؤهم وحينما ترملت ابتعدوا عنها خوفا على أزواجهم ....رفض زوجها ان يتزوج و خاصمها أبناؤها متهمينها بالتهور ووو ولكنها أشهدت الله أمامنا جميعا أن هذا وسعها ...سبحان الله هي مقدرة بس الواحد قلبه لا يتحمل هذا بالرغم من أنه حلال ...تحياتي
الثلاثاء مارس 09, 09:29:00 ص 2010
عاشقة القمر
منورنا والله بصى يا قمر
والله انا كمان سمعت عن حالات مشابهه
لكنى اسأل كيف ولما
يارب ما تتأخرى فى الكتابة تانى ابدا
الثلاثاء مارس 09, 09:31:00 ص 2010
م/ محمود فوزى
اهلا بك
فعلا انت صح فى حد جارنا متزوج اتنين وعايشين ماشاء الله عليهم
اما عن الزواج وما يجب ان يتحمله الطرفين لانجاحة فأنت قلت ما يجب ان يقال بأختصار
شاكرة لك جدا مرورك وتعليقك
الثلاثاء مارس 09, 09:32:00 ص 2010
فشكول
اهلا بك منور والله المدونة
انا كمان غلب حمارى وحصانى
ومش عارفة ارد عشان كدة قلت اسألكم
تحياتى لك
الثلاثاء مارس 09, 09:33:00 ص 2010
ضياء
ازيك اية ميخصكيش دى؟
هو انت مش اوى تتزوج فالنفرض انك حاولت تتزوج تانى لازم تبقى عارف اللى هيحصل
انت صح يا ضياء
تحياتى
الثلاثاء مارس 09, 09:34:00 ص 2010
ندى الياسمين
اهلا بك عارفة هى برضة وجه نظر
ممكن جدا تكون مش طايقاه
بس تفتكرى هتبارك ؟؟
تحياتى لك
الثلاثاء مارس 09, 09:36:00 ص 2010
سلوى
دمتى لى بخير حال يارب ووفقك الى ما يحبه الله ويرضاه
عارفة ممكن والله زى ما بتقولى
يكون بسبب الانجاب او الخيانة او حتى استحالة العشرة بس ظل رجل ولا ظل حيطة
تحياتى واحترامى لك
الثلاثاء مارس 09, 09:38:00 ص 2010
عاشقة النقاب
اختى فى الله عارفة بجد مشتاقة جدا اشوفك
فعلا الزوجة صعب جدا انها توافق على زواج زوجها اقولك سمعت شيخ المحدثين شفاة الله ابو اسحاق الحوينى يقول انه اعد لزواجة التانى لمدة عشر سنين
يعنى فضل يقنع فى زوجتة 10 سنين !!
مش كل زوجة قادرة على ان تتحمل ان يتزوج زوجها من اخرى
تحياتى واحترامى
ويارب تجى الحاجة
بارك الله فيكى
الثلاثاء مارس 09, 09:40:00 ص 2010
أ احمد عبد المنعم
امتلاك ثقافة اسلامية والعمل بها بشكل صحيح كفيلة بحل كل مشاكلنا الحالية وببراعة
صدقت يا استاذى واجزت جدا
تحياتى
الثلاثاء مارس 09, 09:43:00 ص 2010
الطير العاشق
انا اعرف والله اعلم لما يتضايق زوجك من كلامك ههههههههههه بس مش هقولك
بصى انتى فى وجهة نظر فى كلامك ان الصراحة وما شرعة الله افضل من الخيانة او الخداع والكذب عليكى
لكن هل ستتحملى ؟
عموما ان الله شرع كل شئ لسبب ولحكمة وحكمة التعدد لها
مليار سبب وسبب
وان كانت اغلب النساء لا تطيق او لا تتحمل خاصة فى مصر زواج زوجها من اخرى
وبعضهن يفضلن ان يتخذ والعياذ بالله خليلة على الزواج بذمتك مش قلة ادب!!!
تحياتى واحترامى جدا لصراحتك
الثلاثاء مارس 09, 09:46:00 ص 2010
فارس الجبالى
اهلا بك
التعدد ليس لذلك السبب فقط
هناك اسباب اخرى شرع الله عزوجل لها التعدد وحلله
وكلنا منا له مبرراته التى تتيح له الزواج الثانى او الرابع حتى لكن شرط الله عزوجل فى الرجل العدل
تحياتى لك ولمرورك
الثلاثاء مارس 09, 09:47:00 ص 2010
أ احمد
شكرا لردك وتواجدك
الثلاثاء مارس 09, 09:48:00 ص 2010
مرايتى
قد يكون معك حق على الاغلبية
تحياتى لك
الثلاثاء مارس 09, 09:51:00 ص 2010
نور الدين
اهلا بك
اقولك سر انا ايضا من انصار التعدد
ولو اتانى زوجى وقال انه سيتزوج تانى سأوافق
شرررررررررط
اولا ان اكون اثق فى دينة وعدلة وحكمتة
لان ذلك ما سيقيم حياتى معه
كما انه لو اقنتعنى من منطلق الدين
لن اعترض رغم انى سأتالم
تحياتى لك
شرع الله له حكمه التى لا ندركها فى بعض الاحيان
الثلاثاء مارس 09, 09:53:00 ص 2010
كلمات من نور
اهلا بك ووفقك الله
فعلا انتى جبتى من الاخر
انا والله لو اتانى زوجى المتدين وقال اتزوج لغرض كذلك سأوافق
رغم انى غيور وانسة
ههههههه
نورتى المدونة
الأربعاء مارس 31, 10:06:00 م 2010
اكيد لما تتجنن او تكون مش بتحبه او مش فى وعيها
او مش فارق معاها
ولو حصل وكان كل دا مش موجود تبقى مش مباركه من القلب
اعتقد دى طبيعة الانسان العادى
حتى لو الزوجه سمحت ووافقت وباركت علي زواج زوجها من اخرى لأى من الاسباب , الا انها يبقى جواها شعور طبيعى بعدم الرضا عن الوضع دا
علي فكره انا يمكن غايبه كتير ومقصره فى حقك بس والله اول ما دخلت المدونه لقيت التغيير اللي فيها هايل
هدوء جميل ومظهر روعه , ما شاء الله اهو بقولها علشان مش تفكرينى بحسد ولا حاجه انا انق ماشى احسد لا يمكن
دايما منوره ورقيقه زى مدونتك الجميله
إرسال تعليق