بحث هذه المدونة الإلكترونية

عقاب عبارة عن 16 بند

تحديث
ان شاء الله يوم الجمعه 1/8 الساعة عشرة صباحا امام هيئة المصل واللقاح فى الدقى51 ش وزارة الزراعة وبعد كدا هنروح علي نادي الزراعيين علشان نحتفل باعياد ميلاد المدونين
سووو
لماضة
جنة
شيماء الجيزى
الدعوة لكل مدونى مصر
الدعوة تنظمها
اللهم اجعلها فى ميزان حسناتها
وكل من ساهم فيها
*****************
****************
مرر الى الاخ احمد صاحب مدونة حراء

واجب وانا مش عايزة أقول لكم مدى اجتهادى فى

مثل هذة الامور لا بحب الواجب ولا سنينة


الواجب عبارة عن سؤالين :السؤال الاول أذكر 16 صفة عن نفسك ؟

والسؤال الثانى مرر الواجب لمن أحب؟
بالواجب دا شاعرة انى بأخدكم معى غرفة مليئة الكراكيب والاشياء القديمة
اللى يمكن انا نفسى معرفش فيها اية لانى بجد من زمان مدخلتهاش




  1. مش بعرف اتكلم عن نفسى فكيف ب16 بند مرة واحدة ؟؟؟


  2. بحب السفر بجنون واتمنى انى الف العالم


  3. بحاول اتحمال اللى امامى بالذات لو كان رافع لى الضغط لكن لو اتعصبت انسى


  4. نفسى اكون اكثر بارة بأمى حتى اوفيها جزء من حقها على


  5. أكره الكذب والخيانة


  6. كان نفسى اتعلم الطيران لكن للاسف لم تحقق امنيتى 00 محديش يضحك


  7. حين اعمل او اكلف بمهمة لابد ان اجتهد فيها واخرجها على اكمل وجه


  8. اخلص لاصدقائى ولمن احب جداا لا نى لا اؤمن بعمل بلا اخلاص


  9. عصبية فى الحق وان طلب منى الحكم او الشهادة فى شئ لا اجامل


  10. أحب القرأة جدا لكنى مقصرة فى حق نفسى لانى من فترة ما قرأت جديد


  11. افتقد بابا رحمه الله بشدة واتمنى ان يكون مساوه الجنة


  12. مش بعرف اخاصم حد و دا عيب فى شخصيتى


  13. رومانسية احاول التغير


  14. عاشقة لليل بشكل كبير رغم حبى للشمس


  15. احاول العمل الان على مشروع يخدم المجتمع واتمنى ان اللى يقدر من المدونين يساعدنى بالافكار او المشاركة الفعلية


اتمنى من الله عز وجل ان محديش يمرر لى واجب تانى ههههههه أنا طالبة فاشلة

امرر الواجب على من يحب ان يقوم به

واعتذر عن الاطالة

لقاء المدونين فى احضان بورسعيد


امس الخميس كنت على موعد

حددته الصدفه البحتة وتشجيع اختى جنة

على الذهاب وهو اجتماع للمدونين البورسعيدية فى مديتنى بورسعيد

بصراحة انا كنت خايفة او مخضوضة

لكن قلت اجرب

اكيد عايزين تعرفوا لية

لان الخروج من العالم الافتراضى على النت للعالم الحقيقى شئ مش سهل

كل واحد مكون فكرة خاصة على الطرف الاخر فقد لا تكون هى فى الواقع

المهم انى رحت

وكان يوم من أسعد ايام حياتى دون مبالغة

تعرفت على اصدقاء فعلا اصدقاء لانهم بيدخلو القلب بسهولة شديدة

أكثر من النت بكثيررررر وأيضا لانهم فعلا يملكوا فكر مش مجرد كلام

بوستات وخلاص

هعرفكم عليهم كما رأيتهم انا



أبوخالد اب المدونين البورسعيدية كما يطلقون عليه

لكنى أكتشفت انه اب لكل المدونين ( رجل متدين وكريم تشعر فيه بحنان وحكمة الاب )

داليا
هو دا عيبة بنوتة بورسعيدية رقيقة ( تحمل فكر بشكل ناعم وراقى )

ربع ضارب ( تحب التامل والتعمق لتخرج بفكرها الخاص )

طارق غنام (بورسعيدى حتى النخاع )

شيماء (حين تتكلم تشعر وكأنك امام موسوعه ملئية بالكلمات والعبارات )

شيكو ( شاب يملك احلام العشرينات )

دا كان جروب بورسعيد

اما المفاجئة الحقيقية بالنسبة لى

فكانت

أبى وكوكبها رغم انها من اشهر المدونات المصريات الا انها

فتاة مصرية جدعه عارف لما تقول البنت دى جدعه دى ابى

بس كفاية كدة

رودى بنوتة مصرية ( لها فكرها قوية الملاحظة سريعه البديهه)

قوس قزح (رصينة لها دماغ)

احمد سكر ( مصرى جميل )

سووو (احلام مصرية )

همس الاحباب (مصرى جدع )

احتفالنا فى اول لقاء بعيد ميلاد همس الاحباب

حين اقول مصرى اقصد هذا الشاب او الفتاة الذى يحمل فى داخله قيم واخلاق تكاد تكون مفقودة
جلسنا تناقشنا وتعرفنا رغم ان الوقت مر بسرعه شديدة الا اننا تواعدنا ان يكون لنا لقاءات مستمرة وان
نتواصل الى ان نحقق هدف ما احتمال انه غير محدد للان لكنا تواعدنا على تحقيق حلم ما
واتفقنا جميعا اننا شباب مصرى مسلم بطريقة عصرية مرضية كل منا يحمل هذا الوجع المصرى
هذا الالم الشديد فى القلب على ما نراه ولا نستطيع تغيره الا فى احلامنا
كلنا مصريين بفكر مصرى محب ومخلص لبلد مات فيها الاخلاص


قد اكون حالمة فى هذا البوست لكنى حاولت ان اظهر بعض ما شاهدت
قد اكون كونت احكام واراء من اول مرة لكنها رؤيه لما شاهدت

ملحوظة
اعتذر جداا عن البوست اللى وعدت بتقديمة وكانت المقدمة له سقوط بغداد