جانى تليفون النهاردة من الرقم اعلاه
معاكى احمد سعد
من الجبهه الوطنية!!!.
يسألنى عمرك اعلى من 18 قلت نعم
شاركتى فى الانتخابات من قبل نعم
زوجك بينتخب ؟؟ قلت له لا لانى ببساطة مش متزوجة
اعتذر
هتنتخبى الدورة دى نعم
تعرفى انك ممكن تشرحى بالرقم القومى ايوة
عارفة دائرتك الانتخابية ايوة
هتشرحى مين قلت اية رأيك قالى يا فندم احنا جهه حيادية
ومقدريش اقولك مين
قلت انا معرفيش مين نازل عن دائرة العرب قال يمكن 18 قلت له طب قولى مين وطنى
قالى معرفيش قلت له خلاص هرشح اى حد جديد ومش وطنى
قالى لازم اسم قلت له اكرم الشاعر (اخوان)
قالى عشان حزب قلت له
الاحزاب كلها واقعه
قالى طب الفئات مين وعد لى اسماء
قلت له خلاص يبقى عادل بكرى (كرامة)
قلت له حلو ان الجبهة الوطنية للتغيير بتعلم دا قالى لالا
قالى طب الفئات مين وعد لى اسماء
قلت له خلاص يبقى عادل بكرى (كرامة)
قلت له حلو ان الجبهة الوطنية للتغيير بتعلم دا قالى لالا
احنا بس الجبهه الوطنية
وشكرتة فى اخر المكالمة على الحيادية والشفافية
عارفين طلع الاخ مين
حزب وثنى
لما بحثت عن الرقم طلع حزب وطنى الناس دى بجد اتهزت من الشباب
الناس دى خايفة مننا
السؤال بقى
تفتكروا معاهم حق يخافوا
ولا احنا هوا؟؟؟
المشاركات
21 التعليقات:
الأحد أكتوبر 31, 09:52:00 م 2010
السلام عليكم ورحمة الله وبركاته
الاتصال بك وأنت مدونة معروفة وذات تأثير دليل على إيمانهم بدور التدوين وتأثيره.....
الأحد أكتوبر 31, 09:52:00 م 2010
بلاش تردي على الناس دي تاني
ولا تردي على أي حد متعرفيهوش
الأحد أكتوبر 31, 09:58:00 م 2010
ناس خايبه وهبله
الأحد أكتوبر 31, 09:58:00 م 2010
استاذى الفاضل
اهلا بك لا اعتقد انهم يعرفون انى مدونة
واعتقد انه لو كدة يبقى اقرأو لى الفاتحة
الأحد أكتوبر 31, 09:58:00 م 2010
لورانس العرب
كلامك صحيح لكن اخذتنى الحماسة
الأحد أكتوبر 31, 09:59:00 م 2010
قلب فارس
تفتكر؟؟؟؟ ولا تداعيات السقوط
عاملة لهم هوس
الأحد أكتوبر 31, 10:43:00 م 2010
لينا تأثير طبعا و طبعا هم فاهمين وعارفين وشايفين وسامعين .زبس الفكرة وبعدين؟
الأحد أكتوبر 31, 10:54:00 م 2010
الحزب الوثنى بيعمل جس نبض علشان يتوقع اى سيناريو ويعرف يتعامل معاه
هانت
تحياتى
الأحد أكتوبر 31, 11:00:00 م 2010
كلمات من نور
صدقتى وبعدين
الاهم هو هنعمل اية وازاى وفين ولية
الأحد أكتوبر 31, 11:00:00 م 2010
كلمات من نور
صدقتى وبعدين
الاهم هو هنعمل اية وازاى وفين ولية
الأحد أكتوبر 31, 11:01:00 م 2010
Foxology
صح هى جس نبض
واعتقد ان نبض الشعب واضح
وواقع
الله يرحمنا ويسترنا
الأحد أكتوبر 31, 11:01:00 م 2010
Foxology
صح هى جس نبض
واعتقد ان نبض الشعب واضح
وواقع
الله يرحمنا ويسترنا
الاثنين نوفمبر 01, 01:56:00 ص 2010
السلام عليكم
فعلاً المره دي بيسألوا كتير وبيعملوا إحصائيات على المرشحين
أنا أعرف أكتر من حد إتصلوا بيهم وسألوهم أسئله مشابهه
جايز بيحاولوا يحسنوا إختياراتهم لنواب الوطني بدل ماهي كل مرة بتطلع في أسوء السيئ
فبيحاولو يخلوها سيئ بس
وجايز بيقيسوا درجة حرارة الناس بيشوفوهم وصلوا للغليان فعلاً ولا لسه شوية
:)
الاثنين نوفمبر 01, 09:05:00 م 2010
طبعا خايفين ولازم يخافوا لأن نهايتهم قربت قوى
الاثنين نوفمبر 01, 09:06:00 م 2010
طبعا خايفين ولازم يخافوا لأن نهايتهم قربت قوى
الاثنين نوفمبر 01, 11:30:00 م 2010
عارفه لولا ثقتي فيكي وفي مصدقيتك
كنت قلت ده حلم ببوست
وانتي لما صحيحتي كتبتيه
بصراحه ناس غريبه جداااا
:(
ومع كلام لورنس العرب ماتتكلميش مع حد تاني في التليفون علي اي حاجه
:)
الثلاثاء نوفمبر 02, 01:50:00 ص 2010
علاء سالم
اعتقد انهم فعلا بيقيسوا درجة الغليان عند الناس
ربنا يسهلها ونشوف اخرتها
الثلاثاء نوفمبر 02, 01:51:00 ص 2010
جمهورية فوضى
اهلا بك اتمنى ان تنتهى دولة الظلم
واتمنى ان نجد ولى صالح ونصبر عليه
الثلاثاء نوفمبر 02, 01:52:00 ص 2010
شموسة
ازيك يا شمس الشموس
والله حصل الكلام دا بالضبط ودا الرقم اللى كلمنى منه
فعلا هم خايفين جداا خاصة من الضغوظ الدولية
حاضر فعلا مش لازم اتكلم مع حد فى الفون
الخميس نوفمبر 04, 02:49:00 م 2010
والله يا إيناس انا بأتكلم مع الكل
ومعترض على اللى بيقول بلاش تتكلمى واكلمى بحرص والكلام ده
العمر واحد ووالرب واحد والوطن واحد
عمرك مفيش حد هيقدر يضرك ولا ياخده منك غير ربك
يبقى قولى رأيك واشتغلى علشان وطنك وكفايانا خوف
دا يخليهم هم يخافوا اكتر واكتر
السبت نوفمبر 06, 11:18:00 م 2010
ازهرى
اهلا بك فعلا مش هنشوف الا المقدر لنا
عشان كدة انا حاسة انى ضيعت وقت كتير عشان افهم دا واحاول ان اصلح ما يجب على اصلاحة
توكلنا على الله
إرسال تعليق