بحث هذه المدونة الإلكترونية

طاعون العصر والحرية المزعومة

تحديث لابد منه
ان شاء الله تعالى فى لقاء للمدونين
فى بورسعيد وم 14/11/2008
يوم الجمعه هيبدأ بعمل خيرى هنشر تفاصيلة ان شاء الله
وبعدين هنقعد فى عز البرد على البحر ونتكلم
اللى حابب يشرفنا ياريت يبلغنى انا او داليا هو دا عيبة
او دعاء ربع ضارب
ويارب نكون كتير نتعرف ونتعاون على البر


الحرية المزعومة
وسباق من يشنق نفسه اولا

وكيف تبتكر اسلوب جديد فى الشنق بأسم الحرية

فى الفترة الاخيرة شفت نماذج كبيرررة وكثيررة للحريات

وكل ما نقول شئ تقف الحرية فى وجهنا

وكأن الحرية هى لفظ يطلق فقط على الخروج عن المألوف

ومعادة الدين والمجتمع والاخلاق والقيم غير ذلك لا يطلق عليه حرية

بل هو نمطية عادية لا تعد ولا تحسب


اعرف ان الحرية هى ان تعرف ما لك وما عليه وتعمل على تحقيق ما لديك من واجبات

وما لك من حقوق فى أطار ما تؤمن به وما يتقبله مجتمعك فأنت حر ما لم تضر
اما الان فالحرية هى قمة الفوضى ان لا يكون لديك ضوابط ولا حدود

ولا حتى ما تؤمن به !!!ولا حدود لحريتك

افعل كل ما تراة او كل ما لا يروق للاخرين فباتت الحرية او المزعومة بالحرية ما هى الا حبل

نلفه بكل سرور على رقابنا ونتفنن فى كيفية شنق انفسنا مرة

بأسم حرية الاديان

واخرى بأسم المساوة

واخرى بأسم الميل الجنسى

واخرى بأسم الحب وهى رذيلة

او بأسم حرية الفكر

كل ما هو خطأ اصبح يمارس بأسم الحرية

ان نتطاول على الاباء والامهات اصبحت حرية تعبير

ان نتطاول على المقدسات اصبحت حرية فكر

ان ندنس المحرمات اصبح حرية ولا اكثر من ذلك


مرة لا تقل شاذ هو مثلى ودى حرية ميل

ومرة لا تقل انك لا تفهم ولا تعى معنى بهائية او علمانية لانك بذلك لا تحترم حريتهم

واين حريتى انا اذا ان لم اتمتع بها

ام لان رأى له ابعاد دينية وخلقية معينة فأنا لا اعبر عن الحريات !!!!

هل الحرية فقط التعبير عن الغير مألوف

عن الشذوذ او المدخلات الغريبة فى مجتماعنا

عن ما لا نملك له سند دينى او مرجعية فكرية معينة


اعتقد ان الحرية الحقيقة تكمن فى مراجعة النفس

معرفة الصواب والخطأ ومحاولة التعبير عن الذات

من فكر وتصرفات تليق بكونى انسان

يملك فكر ومرجعية دينية



الحرية ان لم يكن لها ضوابط دينية وخلقية

تحولت الى فوضى عارمة تطيح بكل من يتعامل بهاا

ولا احد يستطيع حينها السيطرة او التحكم فى عواقبها

فالنجعل تقوى الله هى ضابطنا الاول والاخير

110 التعليقات:

  Walad_Masry

السبت أكتوبر 25, 07:54:00 ص 2008

مش عارف إذا كنت هبقى اول تعليق ولا لأ على العموم وماله ولا هيه الكحكة في إيد اليتيم عجبة

والله كلامك مظبوط دلوقتي أي بني آدم الشيطان ياكله في دماغة ويخليه يعمل حاجة غريبة وطبعا بتكون حاجة ما يعلم بيها الا ربنا يقول حرية والمصيبة إن لو فيه حد حاول يقول له يا أخي إتقي الله تلاقي الشياطين أعوانه يخرجوا ويدافعوا عن الحريات المزعومة ويقولوا بلاش رجعية وتخلف وإننا مناهضين للحداثة والتنوير

نفسي أعرف "حيوان" مين اللي بيألف الكلام العجيب ده ولا يعني الواحد لازم يسب في الأديان السماوية ويقلع هدومه ويمشي ملط في الشارع علشان يبقى متحرر .. هو أينعم بيبقى متحرر من هدومه بس ماهي الحيوانات كمان بتمشي عريانه في الشارع وصدق الله العظيم (اُولَئِكَ كَالأَنْعَام بَلْ هُمْ أَضَل)

آسف على الألفاظ الخارجة اللي في التعليق بس يا ريت تعتبريها من حرية الفكر :)

تحياتي

  EMMY BABY

السبت أكتوبر 25, 10:57:00 ص 2008

نهر الحب

سلام عليكم
ازيك يارب تكونى بخير

اما بالنسبة للبوست

انا معاكى فى كل كلمة قلتيها دى مش حرية ده تخلف

عمر ماكانت الحرية هى انك تجرح اللى حواليك وتأذى مشاعرهم

بس للاسف يانهر المدونات دى ليها زوارها مع ان المفروض ان محدش يدخلها اصلا بس اهو الطيور على اشكالها تقع

مفروض اللى يفتح مدونات بالشكل ده يقفلها ويخرج وميحاولشى يعرفها تانى

بجد موضوع فعلا كانبيثير تفكيرى منذ ان دخلت عالم التدوين لانى لم اتوقع قبل ذلك ان هناك اشخاص بمثل هذه البذاءة وعلنى كدة

ربنا يهيهم يارب

تحياتى

ايمى

  امل

السبت أكتوبر 25, 12:23:00 م 2008

السلام عليكم
ازيك يا ريحانتي أنا معاكي في موضوع الحرية واختلاف كل واحد في وجهة نظره عنها بس أنا لاحظت ان كتير من الذين يدعون التحرر والحرية بيدوها لنفسهم بس يعني يكتب كل الكلام اللي نفسه فيه ولو حد حاول يناقشه يشتمه ويتهمه بأنه متزمت ولا يفهم في الحرية يعني نظرية الهجوم خير وسيلة للدفاع أو خدوهم بالصوت ليغلبوكم وممكن تلاقيه بعد ما كتب موضوعه يقول أنا عارف ان فيه ناس كذا وكذا ..شتايم طبعا..هيدخلوا يعلقوا ويقولوا ان كلامي مش عاجبهم يعني من الاول بيقولنا ممنوع حد يعارضني او يقول غير اللي انا قلته
ربنا يهدي الجميع

  salwa

السبت أكتوبر 25, 12:45:00 م 2008

السلام عليكم نهر الحب
ميز الله سبحانه و تعالى الانسان
عن سائر المخلوقات بعقله
و الطامة الكبرى عندما نسيىء استعماله
و نخبط خبط عشواء بدون ضوابط
رائع ما كتبتي
لكي اطيب المنيات
سلوى

  همس الاحباب

السبت أكتوبر 25, 02:59:00 م 2008

طبعا انا متفق معكى قلبا وقالبا اختى العزيزة فى كل ما قولتيه
نعم هى فوضى
فى المفاهيم والتحليل والافعال
هى فوضى بكل ما تحمل من معان
وضاع منا الوازع الدينى والانسانى واصبحنا نلهث وراء شهواتنا الدنيوية
تحياتى

  على عبدالله

السبت أكتوبر 25, 03:38:00 م 2008

هى المشكلة فى نقطة واحدة
ان الناس دى ناسيين او مش فاهمين انهم هاييجى عليهم يوم يتحاسبوا على كل ضغيرة وكبيرة ،حتى الكلمة اللى بتتقال هيتحاسبوا عليها

انا بقى من وجهة نظرى ولكى ان تختلفى معى ،، مافيش حاجة اسمها حرية لان الانسام عبد لله سبحانه وتعالى ،ودايما المؤمن بيفكر قبل ما ينطق او يتحرك ،هل الكلمة دى او الحركة دى هاتغضب ربنا ولا لا ؟ويا سيلام لو يترتب عليها طاعة لربنا وثواب كمان

الموضوع طويل طويل
بس اتمنى تكونى فهمتى وجهة نظرى

خالص تحياتى
والسلام عليكم ورحمة الله وبركاته

  طارق

السبت أكتوبر 25, 04:14:00 م 2008

المشكله ان محدش عارف يعنى ايه حريه بالظبط
وكل انسان بيعرف حريته على هواه
انا نفسى حد يحط تعريف معين للحريه
وايه حدودها بالظبط

بسم الله ما شاء الله
بلدنا بقى فيها حريات للركب
كفر
شذوذ
ترك الدين ودخول دين جديد
سب من تشاء من الصحابه
وربما الانبياء
وربما اكبر من ذلك
اهم حاجه انك متتكلمش عن اللى بالى بالك والا ممكن تتسجن
بس برضه قلبه كبير ويمكن يديلك عفو !

طــــــــــارق

  نهر الحب

السبت أكتوبر 25, 04:37:00 م 2008

Walad_Masry
والله عندك حق الظاهر ان المرادف الحالى للحرية المزعومة هى الخروج عن المالوف ومحاربة الفطرة وللاسف لها اعوان واعوان كثيرين جداا
تحياتى لك وشاكرة مرورك

  نهر الحب

السبت أكتوبر 25, 04:40:00 م 2008

ايمى
وعليكم السلام ورحمة الله وبركاتة
اهلا بك ياقمر وحشانى انا الحمد لله افضل الان
بصى ايمى والله الموضوع دا انتشر بغباء فى كل الاوساط واللى يتكلم يبقى مش مثقف ولا مستوعب اختلاف الثقافات ولا حرية الاراء والافكار الموضوع بقى حتى فى الحياة العامة ودا للاسف شئ خطير
تحياتى لك وشاكرة لك مرورك

  نهر الحب

السبت أكتوبر 25, 04:43:00 م 2008

امل
ازيك وحشتينى
فعلا يا امل اللى بيدعوا الحريات
عاملين الحرية بمقاس خاص لافكارهم هم وما يؤمنون به وليس لديهم استيعاب ابدا لاى فكر اخر ولا حتى محاولة سماع اى فكر اخر غير الموازى والمؤيد والمعجب بهم
وغير ذلك نجد سيل من الاعتراضات
والسب
كل الود لك

  نهر الحب

السبت أكتوبر 25, 04:45:00 م 2008

سلوى
ازيك ياحبى شاكرة لك سؤالك ومتابعتك المستمرة لى
جزاكى الله خيرا
فعلا يا سلوى هم نسوا ما ميزهم الله به عن الحيوانات ويتعاملوا على انهم فعلا بلا اى ضوابط ولا مرجعيات
تحياتى لك

  saso

السبت أكتوبر 25, 09:19:00 م 2008

اخيرااااااااااااااا

انتى فين وحشتينى اووووووووووووووى وكنت منتظراكى

اولا بالنسبه للبوست بجد بجد حسيت بمتعه غريبه وانا بقراه

كلامك حلو اوى ومنسق

فعلا ناس كتير بقه فاكره ان معنى الحريه هو الخروج عن المالوف

لدرجه اننا وصلنا ان الاسوياء دلوقتى هما الشواذ بجد والله كنت لسه بتلكم في النقطه دى اليوم

اكتشفت ان كل الولاد بتدخن في سن صغير والغير مدخن بقي شاذ وسطهم

شئ غريب

يا ترى ممكن نوصل ف يوم ان تكون الحريه تعادل في معناها الشذوذ اى الخروج عن المالوف؟؟؟؟؟؟؟؟؟؟

واذا كانت تعنى ذلك اعلنها من الان انى لست حره واتشرف بكونى مقيده

تسلم ايديكى على الموضوع القيم ده

وياريت مش تغيبي تانى

  ماما أمولة

السبت أكتوبر 25, 09:39:00 م 2008

ازيك يا نهر وحشتيني حبيبتي

طاعون العصر هذا حرب خفية لسحب معتقداتنا واسلامنا من بين ايدي شبابنا واغرائهم بكل الفتن الدنيوية ما خفي منها وما بطن
والمؤسف انهم يجدون اقلاما تساندهم وتدافع وتزايد على هذا والله المستعان
نزعوا الحياء
وان لم تستحي فافعل ما شئت

موضوع في منتهى الاهمية يجب ان يناقش بكثافة لمحاولة تصحيح مفهوم الحرية الحقيقي

دمتي بكل خير حبيبتي

  مصــــري

السبت أكتوبر 25, 10:28:00 م 2008

نهر الحب

أولا حمد الله علي السلامة.

موضوع شائك قليلاً وستجدين الكثير من الكائنات الهابطة عليه وربنا معاكي.

التحرر كلمة أميبية الشكل.
كنت فاهم ان الناس غلابة لكن يبدو ان الكائنات كتير.
والكائنات دي تشمل الشذوذ والملحدين والشيوعين - تخيلي لسة موجودين - وغيرهم وغيرهم.

باسم الحرية سـُب النبي
وباسمها أيضاً مورس البغاء علناً.

أنا حر ولكن لي سقف هو ديني أما غير ذلك فليناقشوني ويقنعوني.

تحياتي
ولا داعي للتأخير كل هذا الوقت.
نشتاق لرؤية رشاقة قلمك وغضبه أحياناً.

تحياتي
أسامة

  نهر الحب

السبت أكتوبر 25, 10:53:00 م 2008

همس الاحباب
الحرية ان لم يكن لها ضوابط تحولت فعلا لفوضى عارمة
الحرية ليست مجرد بحث عن شهوات دنيوية ولا حرية جسدية فقط لكنها فى الاصل حرية فكر وسلوك
تحياتى لك خالد

  نهر الحب

السبت أكتوبر 25, 11:01:00 م 2008

على عبد الله
اهلا بك فعلا الانسان عبد لله عزوجل وعليه
مراجعتة فى كل تصرفاتة
لكن الله اتاح لنا حرية الاختيار

تحياتى لك

  نهر الحب

السبت أكتوبر 25, 11:03:00 م 2008

طارق
اصبت والله
للاسف الشديد كلامك صح جداا
مش عارفة اقولك غير جبت المفيد باختصار شديد

تحياتى لك

  نهر الحب

السبت أكتوبر 25, 11:06:00 م 2008

ساسو
ازيك يا قمر اية اخبارك
شكرا لاطرائك جدا ادخلتى على نفسى السرور خاصة انى حاسة ان الموضوع ضعيف ومخديش حقة فى الكتابة
جزاكى الله خيرا انت كمان والله وحشتينى اوى00
والله يا ساسو فعلا اصبحت ارى ان الحرية كلمة موازية للانحراف والخروج عن المألوف ومحاولة لفت الانظار والانتباه بأى شئ ينافى ما تربينا عليه
ربنا يستر بجد
تحياتى لك

  نهر الحب

السبت أكتوبر 25, 11:10:00 م 2008

ماما امولة
ازيك انتى كمان وحشانى اوى
وان شاء الله نتقابل قريبا جداا لو تحبى طبعاا والله معك حق فيما قلتى هو كل ما يضاد الدين يعنى بنحارب الدين بأيدينا وننزع الحياء من افعالنا وافكارنا وحياتنا لنكون بلا هوية
ولا حول ولا قوة الا بالله
تحياتى لك

  نهر الحب

السبت أكتوبر 25, 11:12:00 م 2008

مصرى
جزاك الله خيراا
والله كلماتك اسعدتنى
وما عن الحرية فما هى الا حبل مرن نشنق به انفسنا وندنس به مقداستنا
بغباء وعنف شديدين
كل التحية لك اسامة

  Gannah

السبت أكتوبر 25, 11:33:00 م 2008

نهر الحب
عودا حميدا
وحشتينا جداااااااااااا
بوستاتك وتعليقاتك وانت شخصيا
الحرية اصبحت مبرر لاشياء كثيرة
الحرية مسؤوليه ولها ضوابط وقواعد وليست شىء بلا حدود
سلميلى على نسمة
انا بحبكم
تحياتى

  جنّي

السبت أكتوبر 25, 11:40:00 م 2008

السلام عليكم نهر الحب

كل المفاسد الموجودة حاليا ترتكب باسم الحرية ..

والحرية المطلقة مفسدة مطلقة ..

ولا توجد حرية مطلقة في اي دين او مذهب او فكر بشري ..

اما من افسدوا علينا حياتنا فسيحرقون بنار فسادهم قبل ان تحرقنا ..

  نهر الحب

السبت أكتوبر 25, 11:44:00 م 2008

جنة
احبك الله
ازيك انتى كمان وحشانى جداا
ربنا يحفظك يارب
فعلا الحرية مسئولية لكن لمن ؟
تحياتى لك

  نهر الحب

السبت أكتوبر 25, 11:45:00 م 2008

جنى
وعليكم السلام ورحمة الله وبركاتة
فعلا هم يلعبون بالنار وسيحرقون بما صنعتة ايديهم
جزاك الله خيرا
وشاكرة لك جدا مرورك

  WhItE HeArT

السبت أكتوبر 25, 11:51:00 م 2008

مش عارف بجد انا نفسي اقوم اصقف على الموضوع ده لإني متفق معاكي في الرأي تماما

شوفي في ناس بيبأه عندهم داء الخروج عن المألوف وفي ناس عمرهم ماعرفوا سياسة التفاهم وطبعا في ناس بتموت لو مقعدتش علطول في مشاكل اللي يارب ابعدنا عنها وعنهم

بجد اجمل موضوع قرأته وبجد لخصتي الحل في اخر سطر

بحييكي من قلبي

تحياتي

  محمد الجرايحى

الأحد أكتوبر 26, 12:04:00 ص 2008

السلام عليكم ورحمة الله وبركاته
أختى الفاضلة: نهرالحب
الحرية كلمة أصبحت يتشدق بها كل ناعق مضل
منطلقاً إلى التخرر من كل قيد دون واعظ من ضمير ..
الحرية ، وليس التحرر
الحرية مسئولية لايعرف كنهها إلا أصحاب العقول الواعية والبصر والبصرية...

أم التحرر فهو الفحش والفساد والإفساد.


أختى الفاضلة :أحيى طرحك القيم ورؤيتك الواعية
بارك الله فيك وأعزك
اخوك
محمد

  نهر الحب

الأحد أكتوبر 26, 12:15:00 ص 2008

القلب الابيض
ازيك يارب تكون بخير
والله خلال الفترة اللى فاتت شفت ناس مدعيين حرية اللى شاذ واللى ملحد واللى بيبرر الزنا وكله باسم وتحت شعار الحرية ولو فكرت تعترض انت رجعى متخلف ومين انت اصلا عشان تعترض او تعبر كمان عن رأيك الحرية لهم هم لا لنا لاننا رجعيين !!!
لكن هقول اية ربنا يستر علينا
كل الاحترام لك والتقدير

  نهر الحب

الأحد أكتوبر 26, 12:22:00 ص 2008

أ/ محمد الجرايحى
متشكرة جدا على تعليقك على
وفعلا الحرية اصبحت فى ايدى السفهاء والمضلين يعبثون بها وبنا
ولا حول ولا قوة الا بالله
تحياتى لك

  mohamed ghalia

الأحد أكتوبر 26, 02:00:00 ص 2008

الحرية ان لم يكن لها ضوابط دينية وخلقية


تحولت الى فوضى عارمة تطيح بكل من يتعامل بهاا

ولا احد يستطيع حينها السيطرة او التحكم فى عواقبها

فالنجعل تقوى الله هى ضابطنا الاول والاخير
هذا هو خلاصة الأمر
ولا ننسا بأن حريتك تقف عند حرية الأخرين
تقبلى تحياتى على الموضوع الرائع
دمتى بود وفى سعادة

  mahasen saber

الأحد أكتوبر 26, 02:21:00 ص 2008

اولا شكرا يا نوسه على الدعوه الجميله بس للاسف عندى مشكله انه يوم جمعه فصعب قوى الخروج من دائرةالاسره..
...........
بس هحاول بكل ما فيا من عزم واقناع لان يسعدنى ويشرفنى اكون معاكوا فى شئ نبيل كده وتجمع اخوى حلو
.......
اما الحريات فميش احسن من الحريه اليى كفلها الاسلام للبشر وهيا ..
تقوى الله واحترام الغير ومعاملته بادميه

  أكون أو لا أكون

الأحد أكتوبر 26, 02:36:00 ص 2008

وصلنا لدرجه تتخطى تعدي الجهلاء للمعقول ...بأفكارهم المجنونه تحت بمسمى "الحريه" ...
والدرجه التي وصلنا لها هي:
أن الأديان السماويه أصبحت تعدي على الحريات الشخص... وقيد للحريات الفكريه...

وغير ذلك تخطوا خط حرياتهم الشخصيه بعد أن عاثواالأرض فسادا بها: ليصلوا ويعبروا متوجهين لنا... بإسم الحريات الشخصيه... والتدخل ومناقشتنا بأمورنا الدينيه وحياتنارحرياتنا الخاصه أيضاً تحت مسمى حريات شخصيه... والتي تطبيقها لايضرهم بشي...

هم فعلا أحراراً من كل هذا... لأنهم عبيد للجهل الذي لا يتفق مع علم الدين والحياه.

عزيزتي... هناك الكثير من هولاء "المعاتيه" الذين ليسوا أهلاً للنقاش...
أولاً لأن حديثهم لايعبر إلا عن تخلف ثقافي... عميق... خانق... لايصلنا معهم لأي لنهايه...
وإن كانوا تحرروا من الحياء... أو الإنتماء... أو الدين...
فهم تحرروا من هذا كله... لأن أصبحوا عبيد بكفاءه وجداره عاليه... لجهل مطبق: يخرجهم من رحمة الله...

  حسن حنفى

الأحد أكتوبر 26, 03:29:00 ص 2008

للاسف كل واحد بيفهم الحريه حسب هواه وحسب اللي يفيده وينفعه :(

  هانى زينهم

الأحد أكتوبر 26, 09:45:00 ص 2008

حمد ع السلامة اولا
الحرية من المفاهيم المطاطة اوى اللى بتستحمل كذا تفسير وللاسف احنا لسة ما وصلناش لدرجة الثقافة اللى تخلينا نحسن استغلال الحرية دى .
تقوى الله هى الاساس واللى ما يتقيش ربنا احنا فى غنى عن التعامل معاه من الاصل .
تقبلى مرورى ودمتى بكل خير

  ahmed_k

الأحد أكتوبر 26, 11:05:00 ص 2008

حمدالله على السلامه يا نهر اللف
ليه الغيبه دي كلها
بس رجعتي بموضوع قيم, أصبحت الحريه
التي كان ينادي بها زعماء الأمه ومثقفوها اوائل القرن العشرين
لعنة على حاضرنا
لأنه تحورت معانيها وأصبحت السلاح
الذي يشهره الغرب في وجه حكوماتنا
حينما يعرف ال لأ طريقا إلى ألسنتها
فتزداد بسببه خنوعا لهم وقهرا لشعوبها
الرافضه لذلك الخنوع !!!!!
وحينما تغلغل في بلادنا أندية الروتاري بما تحمله من فكر ومعتقدات ماسونيه نفثت في المجتمع خدامها من المثقفين والصحفيين والإعلاميين والسينمائيين وفي بعض رجال الدين للأسف
ليعملوا على تغيير الثقافة العامه للشعبعلى مدار سنوات وسنوات حتى نجحوا
ولو نجاح محدود في تغيير نظرة الناس
لحقيقة فكرهم ومعتقدهم
والعرض من أفعالهم إضعاف الشعوب وإخضاعها وجعلها تلهث خلف نزواتها وشهواتها
وللأسف الشديد أصبحت مثل تلك الأفكار الماسونيه ومن ضمنها فكرة الحريه منتشره بين أوساط الشباب اليافع الذي
هو أمل الغد ومستقبل الأمه
وذلك لغياب القدوه من علماء ومثقفين وسياسيين ولهث الجميع وراء المصالح الخاصه وترك هؤلاء الشباب فريسة لأفكار غريبه مستنكره على شرقيتنا وعاداتنا الأصيله
وديننا الحنيف الذي هو دستور إلهى لا يحمل إلا الخير والصلاح للبشريه
ويبعد عنها كل خبيث ومحتقر من الأفعال والأفكار
أسأل المولى تبارك في علاه
أن يحمي شبابنا منهم وأن يبصرنا بالحق
ويرزقنا إتباعه وبالباطل ويرزقنا إجتنابه

وبارك الله فيكي أختي الكريمه
دمتي بكل خير

  الازهرى

الأحد أكتوبر 26, 11:09:00 ص 2008

صديقتى العزيزة

اذا كانت الحرية بدون ضوابط ولا حدود فهى الفوضى
والفوضى هى اسرع وسيلة لتقويض المجتمعات الصالحة عبر التاريخ
ولذلك فهى تنشر بيننا سريعا علها تدمرنا
وهو ما ارانا نتسارع نحوه
ادعوا الله ان نعود الى الصواب

وأؤيدك فى دعوتك
تحياتى

  ba7re

الأحد أكتوبر 26, 12:27:00 م 2008

الحرية ان لم يكن لها ضوابط دينية وخلقية


تحولت الى فوضى عارمة تطيح بكل من يتعامل بهاا


ولا احد يستطيع حينها السيطرة او التحكم فى عواقبها


فالنجعل تقوى الله هى ضابطنا الاول والاخير




الحرية الحقيقية ان تحيا فى الكون محترم حرية كل ما حولك من الكائنات
محترم حرية الهواء فلا تلوثه بدخانك
محترم حرية الهواء فلا تزعجه بضوضائك
محترم حرية البحر
محترم السبب فى وجودك فى الحياة
ان تحيا لاعمار الارض و تعبد الله
اذا احترمت هذا فاهلا باى حرية اخرى

بخصوص تجمع المدونين
اكيد طبعا لو لم اكن فى خارج مصراكيد كنت هكون معاكم
اتمنى ان التجمع يكون ليه دول لما عملنا من سنتين مدونة مدونى بورسعيد كان الغرض منها اننا نعمل تجمع مش لمجرد اننا نعمل اصحاب جداد
الغرض كان اكبر حتى لو كان مجرد اننا نستغل المدونة اننا ندون فى حب بورسعيد
المدونة موجودة و ممكن نستغلها هى لم تستغل الا فى حادث كلية تربية نوعية و لم تستخدم من بعد ذلك التاريخ
المهم سبب توقف الفكرة اننا كنا عايزين نعمل تصميم للمدونة بشكل و احساس بورسعيد ( شكل التاكسى بتاعنا بالوانه .. ده كان مقترح و كان مقترح ان كل مدونين بورسعيد كل اسبوع مدون يدون تدوينة فى حب بورسعيد و نبدأ نروج ليها عن طريق الصحف المحلية باننا ننشر اجمل تدوينة فى ال 4 اسابيع من كل شهر فى اى جريدة من دول
افكار كتير وقف قدامنا فيها عنصر الوقت
اتمنى انكوا تفتحوا تلك النقاشات من جديد
بالتوفيق باذن الله
و اتمنى انى اسمع خير
و شكرا على البوست المحترم ده
وسلام:)

  تامر حسين

الأحد أكتوبر 26, 01:07:00 م 2008

فوق الفزييييع
مستني كل الناس الموجوده يشرفوني في مدونتي عشان التراب كلها
هههههههههههههههههههههههههه
تحياتي

  نهر الحب

الأحد أكتوبر 26, 07:27:00 م 2008

mohamed ghalia
شكرا لك مرورك وتعليقك
تقبل احترامى

  نهر الحب

الأحد أكتوبر 26, 07:30:00 م 2008

محاسن صابر
اهلا بك وانتى معنا دائما بقلبك
وان شاء الله تقدرى تجى
اما حرية الاسلام او الحرية فى اطار الاسلام
فهى نعم الحرية
جزاك الله خيرا اختى على التعليق والمرور

  نهر الحب

الأحد أكتوبر 26, 07:33:00 م 2008

اكون او لا اكون
الله عليك بجد ما شاء الله اصبتى بشدة
هو يحاولوا الخروج من تحت اى مسمى دينى وكأن الجهل والغباء اصبحا شعارهم
سبحان الله
تحياتى لك ولفكرك

  حـــــدوتـــــة

الأحد أكتوبر 26, 07:42:00 م 2008

السلام عليكم

الحرية بلا ضوابط تصبح فوضى
واول ما تصيب . تصيب اصحابها ثم المحيطين بها ثم المجتمع كله
موضوع فى غايه الاهمية

سلالالالالالالالالالالالالالالالالالالالالالالالالالالام

  نهر الحب

الأحد أكتوبر 26, 07:46:00 م 2008

حسن حنفى
ازيك
فعلا زى ما قلت كل واحد بيفهمها حسب هواه
كل الاحترام لك

  حنين..

الأحد أكتوبر 26, 08:06:00 م 2008

نهر الحب
ازيك يا قمورتى
الموضوع دا موضوع كبيررررررررر
بس انتى لخصتيه
واللى بتفق معاكى فيه تماما
وفعلاا(ذا كانت الحرية بدون ضوابط ولا حدود فهى الفوضى
تعرفى انا قعد ت مره مع اخويا لغيت الفجر نتكلم فى الموضوع دا
وعلى فكره رأيى كان رأيك تماما
مش كنتى تقوللى انك هتكتبى الموضووع دا كنت اوفر على نفسى الكلام والسهر, واخليه يقرا البوست
تسلم ايديكى
يا قمر
دمتى سالمه

  M.K

الأحد أكتوبر 26, 08:43:00 م 2008

السلام عليكم.....
الحريه كلمه سحريه...
دوما يلجأ لها وتفسر بملايين الطرق
لكي يعمل المرأ ما يريد دون عقاب أو حساب...
والآن هي موضه بالفعل...
...........
طبعا كفل الاسلام الحريات ووضحها جيدا
وجعلها سهله للفهم...
سواء للمسلم...
ولغير المسلم أيضا...
ولاكن هل من مدكر.....
.................

تقبلي مروري
في أمان الله..

  نهر الحب

الأحد أكتوبر 26, 09:41:00 م 2008

هانى زينهم
شكرا لسؤالك والله يسلمك
فعلا هى ذات تعاريف مطاطة جداا
واحنا الاول لابد لنا من تقوا الله
جزاك الله خيرا

  نهر الحب

الأحد أكتوبر 26, 09:58:00 م 2008

احمد كــ
بجد مش عارفة اقولك
غير برافوا عليك جزاك الله خيرا
وشكرا لك على سؤالك

  نهر الحب

الأحد أكتوبر 26, 10:14:00 م 2008

الازهرى
اهلا بك فعلا معك حق نحن من
ندمر انفسنا باسم الحرية المزعومة والفوضى العارمة التى نعيشها
تحياتى لك

  نهر الحب

الأحد أكتوبر 26, 10:42:00 م 2008

بحرى
متشكرة جدا على اضافات الحرية لانها بالفعل واقعية ومضبوطة جداا
الحرية هى احترام كل ما حولى
اما بالنسبة للتجمع
فالسه هننشر تفاصيلة ان شاء الله
وان شاء الله تقدر تجى
ومشكور جدا على فكرة مدونة بورسعيد
اكيد هنفكر فيها ونشوف اية ممكن يتعمل بس كمان داليا هتفيدك اكتر منى
تحياتى لك

  نهر الحب

الأحد أكتوبر 26, 10:44:00 م 2008

تامر حسين
ان شاء الله
نجى ونشوف الفرقعه
وربنا يستر

  نهر الحب

الأحد أكتوبر 26, 10:45:00 م 2008

حدوتة

وعليكم السلام
فعلا هى قنبلة موقوتة علينا معرفة كيف نتعامل بها ومن خلال ضوابط معينة

  نهر الحب

الأحد أكتوبر 26, 10:48:00 م 2008

حنين
ازيك وشكرا على سؤالك
فعلا الحرية هى ضبط النفس والقدرة على السيطرة عليها وتطويعها بتقوى الله
وحاضر هبقى اقولك المرة الجاية واوفر عليكى النقاش ياقمر
تحياتى لك

  نهر الحب

الأحد أكتوبر 26, 10:53:00 م 2008

m k
صح كلامك
الحرية هى ما وضح ضوابطها الاسلام وغيرها فلا يعد سوى فوضى وهوى نفس
لا اكثر ولا اقل
اللهم اهدنا يارب العالمين
تحياتى لك

  رندا

الأحد أكتوبر 26, 11:41:00 م 2008

إن مفهوم الحرية تشكل لدي الإنسان نتيجة الحياة الاجتماعية المتطورة وهو نتيجة تفكيره المتطور الذي يعتمد السببية
ونتيجة امتلاكه لغة متطورة

بالإضافة إلى الدوافع التي تتشكل نتيجة التعلم والتربية والحياة الاجتماعية

الحرية تكمن فى مراعاة الاخرين دون ان ناذى مشاعرهم ولا اعينهم بمناظر لا تستحب

تسلم ايدك على البوست والفكر

كل الحب

رندا

  mony

الاثنين أكتوبر 27, 01:27:00 ص 2008

فعلا و الله عندك حق


انا بقيت بتغاظ من كلمة حرية ديه اوي


انا اللي اعرفه و اتربيت عليه اني حرة في المساحة بتاعتي فقط دون المساس بالاخرين و لا الخروج عن الدين بأوامره و نواهيه


جزاك لاالله خيرا

بوست رائع

  mony

الاثنين أكتوبر 27, 01:27:00 ص 2008

معلش خطأ مطبعي

جزاك الله خيرا

  موناليزا

الاثنين أكتوبر 27, 02:43:00 ص 2008

ياااه اخيرا كتبتى حاجة؟
كنتى فيييين ده كله قلقتينا عليكى
يارب دايما تكونى بخير
ومفهوم الحرية كماقلتى يختصر فى هذه الجملة"انت حر مالم تضر"
وذكرتينى بموضوع كنت كتبته سابقا فى هذا الشأن ادعوكى لقرائته
http://monaliza110.blogspot.com/2008/02/blog-post_23.html

  rovy

الاثنين أكتوبر 27, 03:45:00 ص 2008

اختى الحبيبه نهر

اد ايه كانت وحشانى كتاباتك ..
تناولتى موضوع هام جدا ..
اصبحنا فى زمن يقول على الفوضه و الانفلات .. حريه .. و يطلق على اذى الغير و جرح حواسه و مشاعره .. حريه
و اصبح مع الاسف كل ما هو بذىء ينسب الى الحريه ..

اتمنى ان نعى و يعيى الجميع خصوصا فى اوطاننا معنى كلمة حريه التى تربينا عليها و تربى عليها ابائنا ..
انت حر ما لم تضر
تسلم ايديك حبيبتى و دامت لنا موضوعاتك الهادفه ..

تحياتى

  الوان الحياة

الاثنين أكتوبر 27, 09:37:00 ص 2008

السلام عليكم ورحمة الله وبركاته
إن شعرت إن الدنيا أصبحت سجنا لانفاسك
وان الساعات لا تعني إلا مزيدا من ألم
وأن كل شئ أصبح موجعا ..
ارسم على وجهك ابتسامة من قهر واسكب من عينك دمـعـة مـن فرح ..

  ☼♫♪ عمــاد الدين يــوسف ☼♫♪

الاثنين أكتوبر 27, 01:34:00 م 2008

احييكي على تعريفك للحريه تعريف عجز وصعب على الاكاديميين .
اشاطرك الراي بان الحرية تقيد بالاخلاق والدين والتربيه وبمعنى اخر ليست قيود وانما تهذيب لها ، وهي من دون تلك الاسس
اي شئ آخر غير الحريه بمعناها الصحيح

تحياتي

  نهر الحب

الاثنين أكتوبر 27, 08:47:00 م 2008

راندا
تسلمى على التعريف الجميل للحرية
هى نتيجة تطور فى اطار مراعاة الاخرين وما حولنا
جزاك الله خيرا على المورو والتعليق

  نهر الحب

الاثنين أكتوبر 27, 08:48:00 م 2008

مونى
ازيك يارب تكونى بخير
فعلا انت حر فى مساحتك فقط دون التعدى على مساحات الاخير
جزاكى الله خيرا اختى الحبيبة

  نهر الحب

الاثنين أكتوبر 27, 08:49:00 م 2008

موناليزا
اسفة انا فعلا مقصرة
اية اخبارك يارب تكونى بخير
اكيد ان شاء الله همر واقرأ ما سطرتى
وشاكرة لك جدا مرورك واهتمامك
تحياتى لك

  نهر الحب

الاثنين أكتوبر 27, 08:52:00 م 2008

روفى
اهلا بك والله يا روفى للاسف كل ما هو قبيح فهو حرية كل ما هو مقرف اصبح حرية ربنا يستر علينا لانها فتنة كبيرة جداا
تحياتى لك حبى

  نهر الحب

الاثنين أكتوبر 27, 08:53:00 م 2008

الوان الحياة
اهلا بك وشاكرة لك مرورك
تحياتى

  نهر الحب

الاثنين أكتوبر 27, 08:55:00 م 2008

عماد الدين يوسف
اهلا بك اما عن الحرية فكل ما املك ان اقوله ربنا يثبتنا
وينجى المسلمين من تعريفها الغريب
تحياتى لك

  ماما أمولة

الاثنين أكتوبر 27, 09:27:00 م 2008

انا معاكم ان شاء الله يوم 14 /11

ابقي بلغيني يا نهر

سلام يا حبيبتي

  نهر الحب

الثلاثاء أكتوبر 28, 01:06:00 ص 2008

ماما امولة
اسعدتى قلبى
ربنا يدخل على قلبك السرور

  yoyo

الثلاثاء أكتوبر 28, 09:48:00 ص 2008

يااااه وحشتنى اوى ووحشتنى بوستك الجميلة

انا معاكى والله فى كل كلمة قولتيها اوقات كتير اوى الانسان بيحاول يطوى الحرية دى عشان تبقى فى صالحه هو بس دون ادنى اعتبار للاخرين او حتى مشاعر او حتى دين

مش بنفكر غير بس فى نفسنا ومش بنفكر فى العواقب اللى ممكن تكون ونرجع نقول حرية وانت حر ما لم تضر بس مع الاسف بنضر نفسنا والا حوالينا

انا معجبة كدا بلقاءات المدونين دى واتمنى فى يوم يسعدنى الحظواقدر احضر لقاء من اللقاءات ان شاء الله

تحياتى لصاحبة القلم الهادف
يويو

  وومن

الثلاثاء أكتوبر 28, 02:33:00 م 2008

ايناس

عود احمد

احيكي علي الموضوع الهايل ده وعلي افكارك المنظمة

هاعتذر عن الإلقاء بدلوي في هذا الموضوع الخطير لعدم قدرتي علي التركيز

تقبلي تحياتي

  رئـــــيسـة حزب الأحلام

الثلاثاء أكتوبر 28, 03:13:00 م 2008

ازيك ياقمر وحشانى
جميل مقالك عن الحرية وفعلا استعمالنا الخاطئ للحرية جعلها نقمه مع انها نعمة غالية جدا وياريت نستعملها اصلا بس المشكلة اننا بنستعملها فى الغلط بس ونرفع شعار الحرية على الغلط كان الحرية فى الغلط
تحياتى لكى اختى الغالية

  shasha

الثلاثاء أكتوبر 28, 04:12:00 م 2008

مشاءلله عليكى حبيبتى بجد بوست رائع

للاسف معظم الناس مش فاهم المعنى الحقيقى للحرية

  romansy

الثلاثاء أكتوبر 28, 08:21:00 م 2008

شكرا ليكى على البوست دا بس انا من وجه نظرى ان الحريه حق مطلوب بس مش فى اللى يغضب ربنا ودا اتعلمناه على يد الرسول صلى الله عليه وسلم
لما كان بيخد راى الصحابه
ويتشرهم
ودا طبعا من عيب
يارب دايما نكون كويسين مع ربنا ونلاقى اللى يدافع عن حريتنا
ونستخدمها فى الصالح

  tarek alghnam

الأربعاء أكتوبر 29, 08:00:00 ص 2008

الحريه كلمه مطاطه
يستعملها كل انسان
فمن يغتصب العراق يستعملها
ومن يحرق الديار فوق اهاليها فى فلسطين يستعملها فله الحريه فى حمايه مواطنيه
ومن يحتكر السلطه يستعملها للفمع بحجه اننا شعوب سنه اولى ديمقراطيه
موضوع كبير
الحريه ان تلتزم بحدود غيرك
مرة اخرى بوست رائع كعادتك
دائما متميزة
تحياتى لك

  يوميات نائمة في الأرياف

الأربعاء أكتوبر 29, 09:07:00 م 2008

اولا ازيك
ثانيا: انا شايفة ان معنى الحرية هي المسئولية
معنى انك حر يعني مسئول
معنى انك حر يعني انك تعمل اللي ربنا فرضة عليك من غير ما تأذي غيرك
معنى انك حر ان عندك دايرة حمرا من الدين والقانون والعيب مش مفروض تعديها
ومش مفروض برضة انك تربط نفسك في مركز الدايرة
الحرية المسئولة للأسف مش كتير عرفو يوصلولها
تحياتي ليكي
رنا

  أنا إنسان

الأربعاء أكتوبر 29, 09:45:00 م 2008

ماتصدقش
1\11
مؤتمر القلة المندسة
على الانترنت
مؤتمر موازي لمؤتمر أكاذيب الحزب الوطني
مؤتمر القله المندسه
ردا على اكاذيب الوطنى
ماتصدقش
كل سنه بيقولوا نفس الكلام
كل سنه بيكذبوا نفس الكذب
بقالهم سنين بيكرروا نفس الكلام عن الفكر الجديد و العبور للمستقبل و الرخاء اللى احنا عايشين فيه
و الرفاهيه اللى مش حاسسين بيها
المره دى جايين يعرضوا معجزاتهم اللى حققوها
من تشغيل كل العاطلين و حل جميع المشاكل و رفاهيه و نعيم
و مشروعات و ديمقراطيه غير مسبوقه فى تاريخ العالم
و تعليم ايه و صحة ايه و محاربة فقر و كمان فساد
احنا بقى اللى هانرد عليهم و نفضحهم فى العالم كله بأراء و أرقام و احصائيات
و نعرف كل الناس اللى مش عارفين انهم كذابين ..
وان كنا نشك ان فيه لسه ناس مش عارفين كذبهم
هانفضح كذبهم
و نفضح فشلهم
فى الصحه و التعليم و التنميه و محاربة الفقر و محاربة الفساد
و نعرف كل الناس إن الاصلاح الحقيقى ضد مصالحهم..
و إن الفكر الجديد ما هو إلا خدعه و كذبه جديده يضاف لكذبهم
من 28 سنه
احنا اللى بيقولوا علينا القله المندسه..
رغم اننا الشعب ..
الاغلبيه
مؤتمر الحزب الوطنى..
.ماتصدقش
تابع معانا مؤتمر القله المندسه الالكترونى...
أول مؤتمر افتراضى فى مصرفى الايام 1 و 2 و 3 نوفمبرعلى الموقع
www.anti-ndp.com
برعاية شباب 6 ابريل
تسجيلات حيه
لقاءات جريئه مع كبار المفكرين و العلماء
بيانات للرد على الحزب الوطنى من جميع القوى و الحركات السياسيه الوطنيه
استمع لرأى الناس فى الشارع يردون على اكاذيب انجازات الحزب الوطنى
موقع المؤتمر
www.anti-ndp.com
أو مدونة المؤتمر
http://anti-ndp.blogspot.com/
........................................................................
ملحوظة هامة
ليس هذا إعلان
ولكنه دعوة للحضور والمشاركة
شاركنا في
مؤتمر القلة المندسة
شباب 6 أبريل

  Gannah

الأربعاء أكتوبر 29, 11:46:00 م 2008

ربنا يوفقكم فى اللقاء ان شاء الله
ابقوا افتكرونى وانتم قاعدين على البحر
ربنا يوفقكم لعمل مزيد من الخير
تحياتى وسلامى لنسمة

  ذو الوجه المبتسم

الخميس أكتوبر 30, 10:29:00 ص 2008

السلام عليكم
الموضوع جميل جدا
والصدفة انى نزلت صورة اليوم بمدونتى بخصوص نفس الشئ
الحرية

تقبلى تحياتى

  Foxology

الخميس أكتوبر 30, 01:03:00 م 2008

الحرية ان لم يكن لها ضوابط دينية وخلقية

تحولت الى فوضى عارمة تطيح بكل من يتعامل بهاا

ولا احد يستطيع حينها السيطرة او التحكم فى عواقبها

فالنجعل تقوى الله هى ضابطنا الاول والاخير

مفيش كلام اكتر من كلامك ده .. شوية تفكير صح لله بأة حرام اللى بنعمله فى نفسنا ده والله

تحياتى :)

  blue-wave

الخميس أكتوبر 30, 08:25:00 م 2008

بالفعل سيدتى
ومن يتق الله يجعل له مخرجا
صدق الله العظيم

  .:.-=- ELGaZaLy-=-.:.

الجمعة أكتوبر 31, 03:34:00 ص 2008

سيدتى الحرية فى بلدنا العزيزة هى مرادف عام للفوضى ...

  نهر الحب

الجمعة أكتوبر 31, 05:51:00 ص 2008

يويو
ازيك
والله وانتى وحشانى اوى كلكم وحشنى جداا
ادعى لى اقدر ارجع زى الاول
صحيح الحرية مفهمومها واستخدامها خاطئ جدا فى بلدنا ربنا يهدينا ويهدى بنا
وشكرا على السؤال

  نهر الحب

الجمعة أكتوبر 31, 05:53:00 ص 2008

وومن
دايما سباقة للخير وللسؤال
اعتذر لك عن تقصيرى فى حقك
شكرا لك اختى الغالية والجميلة

  نهر الحب

الجمعة أكتوبر 31, 05:54:00 ص 2008

رئيسة حزب الاحلام
اهلا بك فعلا نحن لا نستخدم الحرية الا فى الاشياء الضارة والغير مجدية لكن فى مكانها لا يمكن تحياتى لك
وسلامى واشواقى لك واسرتك الكريمة

  نهر الحب

الجمعة أكتوبر 31, 05:55:00 ص 2008

شاشا
ازيك يارب تكونى بخير
نحن لا نفهم معناها الحقيقى وبالتالى استخدمنا لها خاطئ
تحياتى

  نهر الحب

الجمعة أكتوبر 31, 05:57:00 ص 2008

رومانسى
معك حق الحرية الحقيقية هى ما تعلمناها على يد رسول الله صلى الله عليه وسلم ومن تمسك بها نجى
سبحان الله لم يترك الاسلام ش الا وضحة
تحياتى لك

  نهر الحب

الجمعة أكتوبر 31, 05:58:00 ص 2008

أ/طارق
ما ضربت به مثل هى ستار الحرية الاسم الذى يطلق على كل مستعبد جديد او كل لص اثيم لكن الحرية هى ان تحترم حقوق الاخرين معك لا ان تحيا وحدك
تحياتى وشاكرة لك اطرائك

  نهر الحب

الجمعة أكتوبر 31, 06:00:00 ص 2008

يوميات نائمة فى الارياف
اهلا رنا ازيك انتى
فعلا ما قلتى عين الصواب
ربنا يوفقنا جميعا
تحياتى لك

  نهر الحب

الجمعة أكتوبر 31, 06:02:00 ص 2008

انا انسان
لن احذف تعليقك واهلا بك وبما
تكتبة او تضعه هنا
وراح اشوف المؤتمر وان شاء الله يكون فى حل
تحياتى لك

  نهر الحب

الجمعة أكتوبر 31, 06:03:00 ص 2008

جنة
الغالية والله الكل مفتقد وجودك معنا
ونسمة تسلم عليكى اوى اوى
ربنا يوفقك يارب

  نهر الحب

الجمعة أكتوبر 31, 06:04:00 ص 2008

ذو الوجة المبتسم
اهلا بك واكيد موضوعك فى ثراء
ربنا يوفقك وان شاء الله اعلق عندك عليه

  نهر الحب

الجمعة أكتوبر 31, 06:05:00 ص 2008

Foxology
شكرا وجزاك الله خيرا

  نهر الحب

الجمعة أكتوبر 31, 06:06:00 ص 2008

blue-wave
صحيح
جزاك الله خيرا

  نهر الحب

الجمعة أكتوبر 31, 06:07:00 ص 2008

الغزالى
اجزت جدا لكنك اصبت الهدف
فعلا
كل الاحترام والتحية لك

  Nabil

الجمعة أكتوبر 31, 09:48:00 ص 2008

هو المفروض...انه "انت حر مالم تضر" طبعا حتى لو هاتضر نفسك.

بس دلوقتى انت حر مااستطعت ان تضر المسلمين خصوصا والعرب عموما.

وفعلا والله بقت كلمه بتتغطى بيها
الوقاحه والسفه.

**بس برده مينفعش نصادر راى حد بس ينفع نواجهه فكريا وبالحوار والحجه ما دام راى يعبر عن شخص بدون وقاحه**
ارق تحياتى

  المحارب المتيم

الجمعة أكتوبر 31, 02:54:00 م 2008

نهر الحب

أتعرفين شيئا

عادة ما يكون ادعاء الحرية ناجما عن

مرض نفسى للأنسان

عادة ما يدفعه للتصرف تبعا لمنهج خالف تعرف

فهو اما فاشل لا يستطيع شيئا
أو هو لايجد رعاية خاصة أو اهتمام مما يجعله يعتقد بعدم أهميته للآخرين
لذلك فيتجه للمخالفة لا عن اقتناع بما تمثله ولكن فقط للهروب أو محاولة لفت الانظار وللحق الاعلام المصرى يؤصل لكل ما هو شاذ

شاهدى فييلم ديل السمكة

على اى رأى معروف النصيحة والعلاج فإن أبى فالعقاب

تحياتى

  mohamed ghalia

الجمعة أكتوبر 31, 05:53:00 م 2008

الحقيقة انا الحرية المزعومة لا تكون الا على حسابنا نحن
عندما تناول أحد الكتاب الغربيين المحرقة اليهودية ولم مجرد تلميح أنها قد تكون أكذوبه حوكم كمجرم حرب
أما نحن فيسبون معتقداتنا ويقولون انها حرية
ولماذا لا يعرفون الحرية إلا معنا
ويقفون عجزة أمام اليهود وتشل أيديهم أمامهم
والفنون فى الرسم والكتابة لا تظهر إلا معنا
ولكن الله متم نوره.
أما ما يستغله المتحررون الجدد من الكتاب المتمسلين ويسبون فى الصحابة ويتطاولون على العادات والتقاليد ويتاولون أمورا بلا حياء
فهؤلا نشك فى مهيتهم أصلا
ربنا يهديهم
تحياتى
موضوع رائع

  تايه في وسط البلد

السبت نوفمبر 01, 04:08:00 ص 2008

السلام عليكم
اهلا نهر الحب كيفك

اوجزتي فأحسنتي والله..كل ما استطيع ان اعرف به الحرية هي ان ابرهن بالدليل القاطع انني استطيع ان اتحمل المسئولية ...مسئولية المطالبة ومسئولية التعبير وذلك كله دون افراط او تفريط..الحرية هي النضج الذي يمنحني الفرصة لترسيم حدودي وان اختطها لنفسي ودوما ستكون غير ذات ضرر بالاخرين الاسوياء

احترامي وتحياتي يا نهر الحب

  الفقير الى الله

السبت نوفمبر 01, 09:46:00 م 2008

السلام عليكم ورحمة الله وبركاته
الحريه هيا انك تكون عبد الله
ليه لان اساس الحرية اني متعداش
على حقوق الاخرين
دلوقتي اي حد شاذ عن الناس السلام
بيتعملوا صنم ويقولوا ده هيا الحريه
الحرية مش معناها الانفلات
الحريه هيا الابتكار وابتكار النافع
مش الضار

تحياتي

  م/ الحسيني لزومي

السبت نوفمبر 01, 10:00:00 م 2008

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونك والبنر موجود علي مدونتي

  شفقة هانم واحسان بك

السبت نوفمبر 01, 10:17:00 م 2008

ميرسى كتير على دعوتك وان شاء الله نحضر فى بورسعيد بس عايزين تفاصيل اكتر

  نهر الحب

الأحد نوفمبر 02, 12:22:00 م 2008

نبيل
والله الحرية ضد مصادرة الاراء لكن مش بالضرورى لك رأى يسمع لان هناك من الاراء ما تضر ولا تنفع وهذا كثير كمان اننا فى الشرق لم نكون اراء محددة وصارمة للعديد من الامور المبهمة علينا بفعل اما عدم المعرفة الكاملة اوالثقافة المعاكسة او حتى التضليل الاعلامى عليها
علينا اولا تعمل السمع والفهم ثم كيفية النقاش وتحديد اراء ثم احترام الاراء التى توافق هى ذاتها الحرية بفكرها الراقى
تحياتى لك

  نهر الحب

الأحد نوفمبر 02, 12:24:00 م 2008

عرفة الاسيوطى
اهلا بك بص فى بعض مدعى الحرية زى ما انت ذكرت بالضبط مدعى حرية لجذب الانتباه والمشى على مبدأ خالف تعرف زى ما قلت زربنا يهدى

شاكرة لك مرورك الجميل

  نهر الحب

الأحد نوفمبر 02, 12:30:00 م 2008

mohamed ghalia
وجود اللوبى الصهيونى له عامل كبير فى تشكيل الرأى العام العالمى والتحكم فى صنع القرار واللعب بالاعلام العالمى ككل ونحن نعرف ذلك مما جعل اليهود يتشكلون على انهم ملائكة كل زمان ومكان وما العرب المسلمين على وجه التحديد الا همج يستحقون الابادة ولذلك
اى رأى لنا مصادر ولا حرية تعبير وللاسف ينتج ذلك ايضا من حكومتنا التى تدعم القمع 0 اما هنا فالحرية هى ان توافق اى رأى ضد الاسلام مشوه له قالب للعادات والتقاليد مضاد للشرف والفطرة الاسلامية والانسانية لان ذلك ما تدعمة امريكا فى الاساس
تحياتى لك

  نهر الحب

الأحد نوفمبر 02, 12:31:00 م 2008

تايه فى وسط البلد
انت من اوجزت فاجدت بكل دقة
ماشاء الله عليك
شاكرة لك مرورك
وتحياتى لك

  نهر الحب

الأحد نوفمبر 02, 12:32:00 م 2008

الفقير الى الله
وعليكم السلام ورحمة الله وبركاتة
للاسف فى الشرق هنا تعريف الحريه
خالف تعرف شذ عن القاعدة لتكن من الصفوة الحرة
جهل
لاحول ولا قوة الا بالله
تحياتى

  نهر الحب

الأحد نوفمبر 02, 12:33:00 م 2008

شفقة هانم واحسان بيه
بجد اسعدتونى جداا ربنا يوفقكم
وحاضر
التفاصيل بعد الفاصل
انزل بوست ونتكلم ان شاء الله

  mohamed ghalia

الأحد نوفمبر 02, 06:17:00 م 2008

أختى العزيزة ليكى تاج عندى ياريت تقبلية وتجاوبى عليه
تحياتى

  كلمة حق

السبت نوفمبر 08, 11:06:00 م 2008

جزاك الله خيراً وبارك فيكى وجعل هذا العمل فى ميزان حسناتك

  رابطة هويتي اسلامية

السبت نوفمبر 08, 11:08:00 م 2008

السلام عليكم ورحمة الله وبركاته

ندعوك للمشاركة معنا في رابطة
" هويتي إسلامية " من أجل إعادة الهوية الإسلامية للمسلمين عامة وللمدونين خاصة.

شبكة اتصال مباشرة وقاعدة عريضة من أفضل المدونين .

هيا ..... كن معنا من أجل الدفاع عن الإسلام من الغزو الغربي

  غير معرف

السبت مايو 02, 09:09:00 ص 2009

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘