اعلان بيريل
شفت اعلان قمة فى قلة الحياء والادب اعلان بيريل
استرجل واشرب بيريل مشروب للرجال اللى مبيشربيش بيريل مش راجل
دا كلام ؟؟
المرأة الثرية لية دايما فى الاعلام المصري يصور المرأة الغنية على انها
اما تزوجت ثرى او انها سئية السمعه وتاجرت بنفسها ؟؟
هى اى واحدة انحرفت لازم تصبح غنية ام انها الفكرة التى يحب الاعلام
ان تسود وترسخ داخل عقول المصريين الحرام اقرب واسهل طرق الثراء؟؟
الو
مكامات اخر زمان
الو مين معايا ؟ فلان لا والله الرقم خطأ هنا فلان صاحب مكتب او شركة
او حتى رجل عادى طيب انا اسف جدا فرصة سعيدة جدا السلام عليكم
تانى مرة اهلا انا اتصلت لانى ارتحت لصوتك اهلا بيك اهلا متذكرنى انا اللى اتصلت بالخطأ
ايوة اهلا اهلا انت منين انا من هناك ؟ ويتبادلوا اطراف الحديث
مكالمة جديدة ازيك عامل اية تمام والله انا ارتحت لك لله فى لله وعايز اقولك على سر
امبارح واحنا بنحفر حدانا عشان نبنى لاقينى جرة فيها ذهب وتماثيل صغيرة فى حجم
قطعه الاصبع واكبرفى حجم الكف وانا خايف تجى تشوفهم وتشترى منى او تقولى اعمل فيهم
اية ؟!!!!! نصب وبيع الوهم فى شكل اثار وللاسف تجارة رائجة جدا على فكرة المكالمة دى
حقيقية ومنتشرة جداا فى كل مكان فى مصر مع اختلاف الطرق او الاساليب مرة من الفيوم
واخرى من الشرقية وثالثة من المنزلة واخرى من قنا
وطبعا كل دا نصب فى نصب والشاطر اللى يبلغ عنه
وحتى ان لم يكن فهو سرقة للمال العام
حلم الثراء السريع
.jfif)
المشاركات
90 التعليقات:
الأربعاء نوفمبر 19, 04:52:00 م 2008
ايه ده بجد
دي مكالمه بتحصل يعني ؟؟؟
الأربعاء نوفمبر 19, 05:21:00 م 2008
اه والله
النصب بحلم الثراء السريع وبيع واقتناء الاثار
الأربعاء نوفمبر 19, 05:29:00 م 2008
اما اشوف نهر الحب اللى عمال الاقيها قدامى فى كل مدونه ... والله جميله فعلا
ازيكيا نهر الحب
شوفتى يا بنتى الافلام العربى القديمه اللى كل البطل ما يزهق يروح على طول على البار وشارب له كاسين ويسكى .. والا الافلام اللى فى البيت بار واول الواحد منهم ما يخش البيت ييجى رايح على البار ويصب كاس ويسكى ويشربه .. فرنجه .. قال يعنى المصريين اما يزهقوا يروحوا البار والا الكازينوا يوتفرجوا على الراقصات ولا انا مثلا وانا مروح قال ايه عندى زجاجة ويسكى حاططها على البار واقوم اشرب اول ما ادخل من الباب .. هذه الافكار يا بنيتى قديمه .. واحنا شعب بنحب نقلد .. بس على فكره مش كلنا احنا الشعب فى الاقاليم وفى القاهره الشعبيه والقاهره العتيقه ما بنعرفش الكلام ده عايزين يفرنجونا بالعافيه .. هكذا اعلانات بيريل .. طب انا مش عايز ابقى راجل ومش حاشرب الحاجات دى اذا كانت دى سبب للرجوله .. مش عايز ابقى راجل .. هما يعنى الستات وحشين فى ايه .. دول هما امهاتنا واخواتنا وبناتنا واحبابنا وكل حاجه .. هى يعنى جميله على ان اكون راجل .. مش عايز .. تحياتى
الأربعاء نوفمبر 19, 05:41:00 م 2008
مساء الورد يا نوسا
الموضوع الاخير بتاع النصب دة انا وقعت فية شخصيابس دولى باة على كبير ومن دولة افريقية بس الحمد للة ربنا ستر وخدوا بمبة كبيرة
الأربعاء نوفمبر 19, 06:14:00 م 2008
fashkool
اهلا بحضرتك
هو الاعلام له توجهات غريبة جدا لانه بيوجه الشعب لامور بعيدة تماما
عن ديننا وعن قيمنا الاسلامية وحتى عاداتنا وتقاليدنا بيشوهوا الصورة لاغراضهم
ولو كانت لرجولة بمشروب معين مكنيش حد غلب
تحياتى لك
الأربعاء نوفمبر 19, 06:15:00 م 2008
محمد
ازيك فعلا دا موضوع منتشر جدا وانا اندهشت خالص منه لولا انى فعلا سمعت تسجبل كامل للمكالمات ما كنت صدقت
سبحان الله والله الناس دماغها بايظة
الأربعاء نوفمبر 19, 07:26:00 م 2008
السلام عليكم اخت ايناس
عندما ينتفي الرادع الديني
يصبح كل شيء ممكن.......
وا أسفاااااااااااه
سلوى
الأربعاء نوفمبر 19, 07:33:00 م 2008
نعم نعم بيريل
ده اعلان ايه ده
ده مش بطيق طعمه ولا ريحته
يبقى انا كده ايه بقى ...
وحلم الثراء ههههههههه
ما فيش اكتر من النصب واللعب ب3 ورقات
فى بلدنا
كله بيضحك على كله
تحياتى
الأربعاء نوفمبر 19, 07:54:00 م 2008
بالفعل كانت بتحصل أقوى من كده بكتير
بس دلوقتى علشان الإظهار بقى موجود بقى قليل
واللى هيعمل كده يبقى عارف بيكلم مين علشان ما يتكشف
الأربعاء نوفمبر 19, 08:11:00 م 2008
سلوى
ازيك يا اختى الغالية
فعلا عندما يتلاشى الوازع الدينى كل شئ ممكن
الأربعاء نوفمبر 19, 08:13:00 م 2008
همس الاحباب
والله البيريل ريحتة وطعمه وحش اوى
وكمان الاعلان متفز جدا
اما بقى حكاية اللعب بال 3 ورقات فالاعلام منه لله دعهما اوى اوى
الأربعاء نوفمبر 19, 08:13:00 م 2008
الحشرى - سيد يونس
والله الكلام دا الوقت على الموبايل
اكتر من الهم على القلب سبحان الله حاجات غريبة جدا
الأربعاء نوفمبر 19, 09:06:00 م 2008
نهر الحب
انا لا اشرب بريل!!
ومقاييس الرجولة اختلت تماما في العهد الأخير.
زيارة واحدة لجامعة عين شمس ومش هتعرفي هما فين الرجالة وفين الحريم.
أما عن المكالمات فلا أملك غير الضحك.
لأن الشعب بتاعنا ده دمه خفيف وناصح.
مش لاقيين يأكلوا...فبيتصرفوا.
حلال بقي حرام فدي بترجع للوعظ الديني اللي مش موجود!!
تحياتي
أسامة
الأربعاء نوفمبر 19, 09:10:00 م 2008
ازيك يا ايناس
وحشتيني بجدانت عاملة ايه
ان شاء الله تكوني زي الفل
شكرا حبيبتي على التنبيه
ربنا يصلح حالك
ويكفيكي شر شياطين الانس
سلام
الأربعاء نوفمبر 19, 11:11:00 م 2008
اسامة
مش بس فى جامعه عين شمس اللى متعرفيش الرجالة من البنات فيها فى كل مكان انا مبقئتيش اعرف افرق بين الرجالة والبنات بناطيل وسط ساقط شعر طويل
تىشيرت بترتر وغيرها غير اللبانة والحركات الغريبة
اللهم عافنا
اما بيريل فالاعلان بجد سخيف ومستفز
وزى ما بتقول الشعب بيحاول يلاقى فلوس فى اى مكان ومش مشكلة المصدر حلال ولا حرام
الأربعاء نوفمبر 19, 11:12:00 م 2008
ماما امولة
ازيك حضرتك كمان وحشتينى جدا
ويارب تكونى بخير
اللهم امين
وجزاكى الله خيرا
الخميس نوفمبر 20, 03:53:00 ص 2008
مفيش اكتر من الاعلانات الغبيه والمستفزه كده زي اعلان بيريل ده , او بالنسبه لحكاية الصور النمطيه اللي بنشوفها في الدرما والاعلام , حاجات ترفع الضغط
تحياتي
الخميس نوفمبر 20, 06:48:00 ص 2008
السلام عليكم ورحمة الله وبركاته
سبحان الله دائما أصف إعلامنا بأنه إعلام فاشل متخلف ويساعد على مزيد من التخلف ، فهو يقضي على هويتنا من ناحية ، ويرسخ أفكارا مغلوطة في أدمغة المشاهدين من ناحية أخرى ، ويعرض تفاهات كثيرة لا نفع منها .
نسأل الله أن يصلح أحوالنا والسلام ختام .
الخميس نوفمبر 20, 07:55:00 ص 2008
تحياتي
حضرتك وضعتي يدك علي جرح في جسد الامة
الا و هو حلم الثراء السريع...دون تعب
او معاناة...غالبيتنا الان يهرول وراء هذا الحلم الكابوس....يمكن لان الاعلانات اصبحت مستفذة...و يمكن لان المسلسلات و الافلام ركزت علي دور الشطارة و الفهلوة ...في تحقيق ليس فقط الثراء بل ايضا علاقات غير مشروعة بين الشباب....
يا ريت الصحف تكف عن قبول الاعلانات الاستفزازية...التي تستمر لايام فترسخ
في اذهان الشباب انه يمكن دهان الهواء بالدوكو.... و تعبئة الشمس في زجاجات
وهكذا يستطيعوا ان يصنعوا من افسهم شيء...وهذا الخطأ كله و في رأيي سبب جل
مشاكل الشعب المصري
تحياتي و تقديري
الخميس نوفمبر 20, 11:03:00 ص 2008
نهر الحب
ازيك يا رب تكونى بخير
انا شفت الاعلان مقزز وفى النهاية دققى فى اللحظات الأخيرة
كأنه شخص مخمور
انا عمرى ما دقتها عندى شك فيها
اكيد طبعا رسالة غير مباشرة عايزة تبقى غنية اعملى اى حاجة
والنصب ده اول مرة اسمع عنه بس بلدنا بلد العجايب
هروح اسلم على نسمة بنفسى:)
تحياتى
الخميس نوفمبر 20, 12:28:00 م 2008
طب واللي يشرف فيروز ؟؟ يبقي بين البينين وللا ايه ؟؟
اخص علي الزمان الوحش ده
دي حاجة مينسكتش عليه ابدن .
والبركة في الكليبات اللي ماليه علينا الدنيا
الخميس نوفمبر 20, 12:55:00 م 2008
المكالمات دي بجد
ماشاء الله
بيبتكروا يعني
الخميس نوفمبر 20, 05:48:00 م 2008
ايه ده دا النصب اتطور قوى
يلا خلى الشعب يلقط رزقه هههههههه
تحياتى
الخميس نوفمبر 20, 06:20:00 م 2008
السلام عليكم
اصبح معظم الناس ميكيافيليين الغاية عندهم تبرر الوسيلة ..
فالثراء والحصول على المال غايتهم بصرف النظر عن طريقة الحصول عليه حلال أم حرام ..
حتى على المستوى الرسمي فكل القنوات الرسمية والفضائية تتاجر بأحلام الناس في الثراء وتسرق اموالهم بواسطة المسابقات التي انتشرت بشكل رهيب ..
اما الاعلانات سواء للأفلام أو السلع فالاباحية هي الأصل وما بين زكي وحامد ضاع الحياء ..
اللهم ارحمنا واحفظنا ولا ترحم ولا تحفظ الحكومة ورجالها ..
شكرا وتحيتي
الخميس نوفمبر 20, 09:33:00 م 2008
اية الاعلان الغريب دة
عارفة الفاصل المشترك فى الحكايات دى هو النصب
اعلان نصب وتليفون نصب وكفانا الله
تحياتى لكى ياقمر
الخميس نوفمبر 20, 10:33:00 م 2008
انا اول مرة اسمع عن طريقة النصب ديه
طيب كويس علشان نكون عارفين لو حصل فينا حاجة زي كده
اما عن معاكسات التليفون فحدث ولا حرج
ولا اظهار ولا غيره نافع و الله
ربنا يحفظنا
الخميس نوفمبر 20, 10:42:00 م 2008
ربنا بجد يلطف بينا
تعددت الطرق والحرام واحد
الجمعة نوفمبر 21, 12:12:00 ص 2008
بصي اولا بالنسبة للأعلانات
بقت حاجه فعلا زفت؟؟؟ز خصوصا الاعلانات اللى بيستخدموا فيها العيال و يخلوهم يرقصوا و لا يعملو حركات مش هيه
انا فاكرة زمان كان طارق نور عامل اعلان عن مربة فيتراك اول لما طلع المنتج كان عبارة عن بنوتة بتاكل مربي و ملحوسة بقها
بس بنوتة ايه؟؟؟ تقول للقمر قوم و انا اقعد مطرحك
و قامت الدنيا و لم تقعد اللى ان تم الغاء الاعلان ليه؟؟؟؟؟؟؟؟
قال علشان حيعلم العيال ياكلو يلخوسوا بقهم
شوفتي الخيبة
امال دلوقتي ايه؟؟؟؟؟
جرى العرف ان است اللى بتبقى عاوزة تتغني سريعا بتلجا يا اما انها توخطئ
او تتزوج من عجوز ثري
حبها للمال بيخليها تعمل اي حاجة
الجمعة نوفمبر 21, 07:04:00 ص 2008
الاعلان مستفز جدا
وحلم الثراء من خلال النصب لن يدوم طويلا
واموال النساء "ان بعض الظن إثم"
الجمعة نوفمبر 21, 07:38:00 ص 2008
السلام عليكم
ازيك ياريحانه مصر
انا سمعت عن موضوع النصب ده
واعرف ناس عانت منه
لكن هي ازمة ضمير فقط لا غير
ربنا يستر
الجمعة نوفمبر 21, 12:04:00 م 2008
اعلان بيريل ده مشفتوش
ــــــــــــــــــــــــــ
وفعلا مش عارفة ليه بيعملوا الست كدة غالبا مش دائما في السينما
يمكن عشان مش مؤهلة ان يبقي معاها فلوس من شغل او ورث وكبرته ؟؟
ــــــــــــــــــــــــــ
اما المكالمات دي .. بتحصل فعلا .. انا سمعتةعنها كذا مرة
لازم ناخد موقف عشان نرضي عن نفسنا
مرة علي الاقل ....
الجمعة نوفمبر 21, 06:19:00 م 2008
Mahdi Mahdi
ميرسى خالص على الدعوة
وجزاك الله خيرا
الجمعة نوفمبر 21, 06:19:00 م 2008
الفارس الملثم
الاعلام وبما فيه الدعاية موجهين بشكل قوى
لابعاد الانسان عن هوية الحقيقية ومحاولة تشويه فكرة
تحياتى
الجمعة نوفمبر 21, 06:20:00 م 2008
احمد المسلم
فعلا اخى اعلامنا كما قلت واكثر
جزاك الله خيرا
الجمعة نوفمبر 21, 06:20:00 م 2008
الربان
اهلا اخى
والله انت الذى اصبت واختصرت ما يحاول الاعلام
بثة من افكار فى رؤسنا
تحياتى لك
الجمعة نوفمبر 21, 06:21:00 م 2008
جنة ياجنة
ازيك ياقمر
بصى انا كمان لم اذق تلك البيريل لكنى للاسف شممت
رائحتها من قبل وهى اعوذ بالله السميع العليم ههههه
اما عن النصب والله انا سمعت المكالمة بنفسى ؟!!
حاجات غريبة جدا وكلها مرتبطة بفكر وتوجه عام
غريب ولا حول ولا قوة الا بالله
الجمعة نوفمبر 21, 06:22:00 م 2008
مخنوق كيك
اهلا بيك
والله هو حالة غريبة من الفوضى تعم العام
والافكار
تحياتى
الجمعة نوفمبر 21, 06:23:00 م 2008
اسراء
والله فعلا هم بيبتكروا
تحياتى
الجمعة نوفمبر 21, 06:23:00 م 2008
mohamed ghalia
اه هو هايص جدا على الاخر
لدرجة ان فى حالة بكالة وفقر وجهل
كبيررررررررررررة جدا
الجمعة نوفمبر 21, 06:24:00 م 2008
جنى
اهلا بك اخيرا نورت مدونتى المتواضعه
والله يا جنى معك حق الغاية تبرر الوسيلة اصبح شعار
الاغلب خاصة بعد الانفتاح الذى رسخ واشاع ذلك الفكر
بكثرة ومحاولة الثراء السريع دون التحقق من مصدر المال
اصبح حلم يراود الكثيرين لفكرهم ان المال هو مصدر الاحترام
والقوة والنفوذ وللاسف دا جزء من الحقيقية السائدة فى بلدنا
اللهم احفظنا يارب العالمين
الجمعة نوفمبر 21, 06:24:00 م 2008
رئيسة حزب الاحلام
صح كله نصب فى نصب
والشاطر اللى ينصب على اخوه اعوذ بالله
الجمعة نوفمبر 21, 06:24:00 م 2008
مونى
والله وانا عشان كدة قلت احذر منها
اما عن معاكسات التلفون فاللهم عافنا
حاجة تقرف
الجمعة نوفمبر 21, 06:24:00 م 2008
blue-wave
اللهم امين يارب العالمين
الجمعة نوفمبر 21, 06:25:00 م 2008
واحدة مفروسة
اه ولا اعلانات كوكاكولا
والبنات العرايا ولا فيروز
واعلاناتهم الغريبة وكأننا فى جزر الكاريبى وخلاص
كل شئ مباح ؟!!! يا مفروسة دا كان زمان يقولوا نلغى
الوقت بيطالبوا بالايباحية فى كل مكان عشان المشاهد يفضل على
القمر العربى ؟؟ حاجة غريبة بجد سبحان الله
اما عن النساء الثريات فدا فكر عايزين يرسخوه عشان الكل
يحاول يعمل كدة واهو نبقى علمانيين متحررين ربنا يستر علينا
الجمعة نوفمبر 21, 06:25:00 م 2008
موناليزا
ازيك وحشتينى
فعلا الاعلانات مستفزة
وان بعض الظن اثم
تحياتى
الجمعة نوفمبر 21, 06:25:00 م 2008
bar2ash
فعلا ازمة ضمير ةاخلاق
ودين وربنا يستر علينا
الجمعة نوفمبر 21, 06:26:00 م 2008
كوشيا
اهلا بيكى
بصى بالنسبة للمراءة فى سيدات نجحنا
فى عالم المال دون الانحراف وان كان عددهن بسيط
لكن كونها غير مؤهلة دا شئ مش صح ؟ المراءة قادرة
على العمل والابداع ان اجادت عملها
وعمليات النصب منتشرة وان تعددت الطرق تحياتى
الجمعة نوفمبر 21, 06:50:00 م 2008
السلام عليكم
اختى العزيزة لازم تعرفى ان الرجاله ماتوا فى الحرب
والباقى دلوقتى ناس من عينة جاد شويرى وتامر حسنى
إلا من رحم ربى
اما موضوع النصب ده ففى حاجات اكتر من كده بكتير
انا كنت من شهر فى محافظة الوادى الجديد لو تسمعى عنها
وهناك شغل الاثار والنصب منتشر بطريقة مرعبة
خلاص البلد بقت مفتوحة وكل اللى بيقدر ياخد حاجة يخدها
سلالالالالالالالالالالالالالالالالالالالالالالالالالالالام
الجمعة نوفمبر 21, 08:52:00 م 2008
نهر الحب
يا ايناس قولى على الرجولة يلا السلام مفيش رجولة الا من رحم ربى علشان يكون فى مقياس
اما بقى اشكال النصب فهى كتيرة ربنا يستر علينا ويهدينا
تحياتى
ايمى
الجمعة نوفمبر 21, 10:46:00 م 2008
السلام عليكم..
فعلا فيه إعلانات ترفع الضغط والسكر...
بقلت الحياء والذوق.......
...........
بالنسبه لحلم الثراء السريع ...
فهو منتشر في كل مكان ..
وأقصر السبل هي سبيل الحرام...
.........
موضوع مهم جدا تطرحينه..
وجزيتي خيرا لتنبيه..
.......
دمتي بخير
السبت نوفمبر 22, 12:34:00 ص 2008
عارفه الاعلانات فعلا بقت غريبه قوى بتشجع على الانانيه والعنف بين الاسره بيجيبوهم بيخبوا الحاجات من بعض علشان يفوز بيها وياكلها لوحده واعلانات فيها خناق وضرب علشان يفوز بيها غير اعلان الزوجه اللى ماسكه السطور لزوجها علشان مش يرد على التليفون بيجد بيشجعوا على الانانيه والفساد الانسانى
ربنا يرحمنا من عنده
اول مرة اسمع موضوع نصب التليفون دة كويس انك خلتينى اخد بالى
السبت نوفمبر 22, 02:33:00 ص 2008
صدقينى يا اختى الحبيبه الاعلانات فعلا بقت مقرفه و تافهه لكن المصيبه الاكبر فى احساسنا بوجود رجال بحق فى هذا الزمان .. زمن كثر فيه الذكور و قل الرجال .. ادعوا الرحمن ان يحيي فى شبابنا الرجوله و نعيد نشعر بها فى شارعنا الذى امتلأ بالتحرش و قلة الادب و غيره و غيره و طبعا السبب الرئيسى من وجهه نظرى قلة الرجال حقا ..
اما عن موضوع النصب فللاسف اصبح منتشر و متقن بشكل يقلق ربنا يستر
دمتى بالف خير فى رعاية الرحمن
تحياتى
السبت نوفمبر 22, 04:24:00 ص 2008
السلام عليكم ورحمة
الله تعالى وبركاته
وانتى ايه اللى يخليكى
تسمعى او حتى تشوفى القنوات
والاعلانات المستفزة دى انتى عايزة
تتنرفزى ولاحاجة؟بيريل مقياس الرجولة!
عليه العوض ومنه العوض فى الرجولة
اللى ببيريل !بلاها منها خالص!
مش عايزينها ولا نريدها!
ومكالمات للنصب كمان
بالموبايل !!!!!
ربنا يسترعلينا
جميعاً
السبت نوفمبر 22, 12:12:00 م 2008
انا من الفيوم
-------------
ومفيش حاجه زي كده سمعتها يجوز بيحصل في اماكن تانيه لكن عندنا لأ
لأن هيئه الاثار ومباحث امن الدوله مشددين جدا
كمان للعلم اكبر مزار سياحي هو بحيرة قارون والهرم والقصر ومفيش فيهم اثار بالطريقه الي انتي متخيلاه ديه كلها اماكن حيطان يعني
حد بيسرق البحر ولا الهرم
بيتهيئلي لأ
ممكن تقولي الي بيحصل ده في الاقصر او اسوان لكن عندنا لأ
تقبيلي مروري وارجو ميكنش مزعج
السبت نوفمبر 22, 12:32:00 م 2008
اعلانات بيريل زباله
مشوفتيش التانى اللى جايبن بنت وولد قاعد وسط اصحابه بيقول البنت دى شخصيتها جامده اصحابه يبصوا له بقرف ويشرب بيريل ويجى الماسخ يقول متقولش البنت دى شخصيتها جامده قول البنت دى ناعمه
يعنى ايه بقى دى معناها ولا انا اللى نيتى وحشه يعنى
موضوع الست الغنيه عادى مجتمع متخلف وعلى فكره هى حقيقه هى السينما منقلتش غلط ده اللى بيحصل يا ايناس وهبقى اقولك على حاجه حقيقيه حصلت وهتفهمى
السبت نوفمبر 22, 03:14:00 م 2008
هى دى مصر!!!!!!!!!!!!
السبت نوفمبر 22, 03:52:00 م 2008
حدوتة
وعليكم السلام ورحمة الله وبركاتة
مش هقدر اقولك حاجة على موضوع الرجالة اللى ماتوا فى الحرب دول
بس فعلا الرجال قليلين جدا :(
اما التجارة وبيع المال العام فاذا كان رب البيت بالدف 000000000
عليه العوض
طبعا عارفة الوادى الجديد
السبت نوفمبر 22, 03:54:00 م 2008
ايمى
والله يا ايمى معاكى حق
ربنا يستر علينا
السبت نوفمبر 22, 03:56:00 م 2008
m.k
اهلا بك
والله الحاجات الغريبة فى عالمنا اصبحت كثيرة جدا
ولله الحمد على كل شئ
تحياتى
السبت نوفمبر 22, 03:58:00 م 2008
رفقة عمر
فعلا فى اعلانات كتير الهدف
منها ترسيخ فكر هدام فى عقولنا
اما عن النصب فهو شئ منتشر
تك كير
تحياتى لك
السبت نوفمبر 22, 04:01:00 م 2008
روفى
ازيك يا اختى الغالية فى الله
اه والله كثر الذكور وقلة الرجال
الله يستر على ما يسببه قلة الرجال فى شوارعنا وبيوتنا
وفعلا النصب له اشكال متعددة
وفى ابتكار باشكال كثيرة جدا
لاحول ولا قوة الا بالله
السبت نوفمبر 22, 04:03:00 م 2008
norahaty
وعليكم السلام ورحمة الله وبركاتة
والله بالصدفة انا مشاهدتى للتلفاز
قليلة جدا لكن فعلا بالصدفة شفت ما حرق دمى جدا
اما على النصب فهو محاولة للثراء السريع
تحياتى لك
السبت نوفمبر 22, 04:04:00 م 2008
Teawater
اهلا بك
ومفيش ازعاج ولا شئ بالعكس نورت مدونتى بس انا لم اقل بيع فعلى
وان كان موجود طبعا لكنى اتكلم عن عمليات للنصب او محاولات للنصب
شاكرة لك جدا التنوية والمرور
تحياتى
السبت نوفمبر 22, 04:07:00 م 2008
ابى هانم
ازيك بصى يا ابى انا مشفتيش الاعلان الزفت التانى دا والحمد لله انا مش ناقصة حرق دم
اما عن الثراء السريع فكما قلتى مجتمع متخلف ولما اجى اعرف منك قصتك
ونتكلم على رقصات مصر كمان ازاى بقوا
ثريات ؟!!!
حسبنا الله ونعم الوكيل
السبت نوفمبر 22, 04:08:00 م 2008
Nostor Azzuro
للاسف هى دى مصر؟:((
السبت نوفمبر 22, 09:27:00 م 2008
البيريل بصراحع مشروب طعمه يعععععع
أنا شربت منه شفطه واحده ودلقت باقيها علشان كده هما بيتحدوا هههههه
وبالنسبه للمكالمات وحلم الثراء السريع
فده حلم بيراود أي إنسان بس الجدع اللي ينفذ أحلامه ده لو عرف
تقبلي تحياتي
السبت نوفمبر 22, 10:55:00 م 2008
ايناس الحمد لله انى مش راجل عشان حد يحز رجولتى لشرب المذكور بيريل
والحمد لله انا مش ثريه عشان حد يقول عليا سىئت السمعه
والحمد لله انا مش عبيطه عشان اضيع وقتى على التليفون بضيعه على النت بس
الأحد نوفمبر 23, 04:12:00 ص 2008
وياما لسه هنشوف
نفسى الاقى حاجه حلوه ياختى
اشد فى شعرى يا ناس
وحشتينى يا بطتى
الأحد نوفمبر 23, 08:23:00 ص 2008
يا ساتر يا رب
زمن اتقلبت فيه الموازين
بقى شرب البيريل دليل الرجولة
لا حول ولا قوة الا بالله
بس هو ممكن علشان طعمه
اما عن الثراء فاليك حديث رسول الله صلى الله عليه وسلم
إن روح القدس نفث في روعي ، أن نفسا لن تموت حتى تستكمل أجلها ، وتستوعب رزقها ، فاتقوا الله ، وأجملوا في الطلب ، ولا يحملن أحدكم استبطاء الرزق أن يطلبه بمعصية الله ، فإن الله تعالى لا ينال ما عنده إلا بطاعته "
جزاك الله خيرا
الأحد نوفمبر 23, 03:41:00 م 2008
انا طبعا في وسط 70 تعليق تايه
و مش عارف اقول ايه !!!!!!!
الأحد نوفمبر 23, 11:20:00 م 2008
من اهم اسباب ازمه الاخلاق التى نحيها هذا الاعلام الفاسد
ونحن نقلد من غير وعى
ربنا يستر على الاجيال اللى جايه
تحياتى لحضرتك
الاثنين نوفمبر 24, 06:49:00 م 2008
نهر الحب
انتى عارفة انا أكتر ما بيحرق دمى فى المكالمات التلفونية هو الصداقات اللى بيعملها الشبان والبنات أنا معايا ابن عمى للاسف بيعمل الاتى يضرب أى رقم وهاتك يارنات كان ولد يفصل معاه ويتحجج بأى حجة كان بنت استظراف بقى وشغل شباب وبعدين يبقوا أصحاب ويزيد الامر أحيانا لقصص حب تلفونية بالمناسبة لحتة دى شفتها بنفسى الآف المرات .....
والبنات برضو بيعملوا كدة
اما بخصوص بيريل معذورين مش لأقين مقياس للرجولة فى بلدنا ؟؟؟؟؟؟؟
اما بخصوص الستات الغنية
فدى من زمان رسالة لاعلام المصرى اعتام الحقائق
تحياتى
واشكر لك سؤالك الدائم
الاثنين نوفمبر 24, 08:28:00 م 2008
الأخت الفاضلة: نهر الحب
السلام عليكم ورحمة الله وبركاته
أحييك على هذا الطرح الذى تناول سوأة من سوأت إعلامنا الرشيد .. أختى فاقد الشئ لايعطيه فماذا تنتظرين من إعلام يسيطر عليه فكر علمانى / رأسمالى مستغل لاينظر سوى للمال دون نظر من أين أتى؟
ولا ماهو التأثير الناجم عن هذا الفكر الضحل الذى يبثه ليل نهار
وحسبنا الله ونعم الوكيل .
ــــــــــــــــــــــ
أختى تشرفنى دعوتك للمشاركة معنا فى التضامن مغ أهالينا فى غزة الأسيرة شاركى ولو بكلمة
اخوك
محمد
الثلاثاء نوفمبر 25, 12:54:00 ص 2008
احمد كـ
ازيك يا احمد والله ريحتها وشكلها واعلانها
كلها على بعضها غريبة جدا وقال مقياس للرجول ؟ سبحان الله
صحيح مكالمات الثراء السريع
تحياتى لك احمد
الثلاثاء نوفمبر 25, 12:55:00 ص 2008
محاسن صابر
ازيك يا قمر شفتك على المحور امبارح
عارفة المشكلة ان الرجالة فى بلدنا فعلا نادرين جدا ما اكثر الذكور
صحيح كلنا بقى لنا عالم النت افضل بكثير من النصب العلنى
الثلاثاء نوفمبر 25, 12:57:00 ص 2008
همس
ازيك يا اختى اللمضة
لا سيبى شعرك ينفعك بس فعلا هى حاجة تغيظ
انتى كمان وحشتينى اوى
الثلاثاء نوفمبر 25, 12:57:00 ص 2008
على عبد الله
اهلا بك فعلا كل شئ فى حياتنا ميزانها مقلوب
صح لسانك جزاك الله خيرا
الثلاثاء نوفمبر 25, 12:58:00 ص 2008
شوكت
بلاش قر ؟!!انت بتقر على 70 تعليق بس؟؟؟
هههههههههههههه
تحياتى لو ان رأيك يهمنى
الثلاثاء نوفمبر 25, 12:59:00 ص 2008
المستنصر بالله
فعلا ازمة اخلاق يدعمها ويرسخها الاعلام
حسبى الله ونعم الوكيل
الثلاثاء نوفمبر 25, 12:59:00 ص 2008
الثلاثاء نوفمبر 25, 01:11:00 ص 2008
نهر الحب يقول...
المحارب المتيم
من المعاكسات دى كتير
واسبابها الفراغ وقلة الادب
والتربية من الطرفين
اما لثراء السيدات فدى زى ما قلت رسالة الاعلام
المسمومة وان كان جزء منها صحيح
كلمة حق اراد بها باطل
انت اخى فى الله
لا شكر على واجب
الثلاثاء نوفمبر 25, 01:13:00 ص 2008
أ/ محمد
فعلا اعلام منحل بفكر صهوينى
دا اقل ما يقال عليه
طبعا معكم
وشكرا على الدعوة
الثلاثاء نوفمبر 25, 03:05:00 ص 2008
اختي ايناس ...عاوزاكي في كلمه كده على جنب هههه... لا لا بجد انا عاوزه اكلمك بموضوع ... ماينفعش هنه ... بس ازاي اديكي الايميل ؟؟؟
الثلاثاء نوفمبر 25, 02:07:00 م 2008
دول ناااااس فضيه ومعاهم رصيد
الثلاثاء نوفمبر 25, 02:12:00 م 2008
الدنيا ياما فيها
بحس ان اعلامنا موجه لحد غيرنا
المفروض لما تخاطب حد تخاطبه بلغته
الا اذا كانوا عايزين يحسسونا ان دا العادى
الثلاثاء نوفمبر 25, 06:20:00 م 2008
اكون او لا اكون
عيونى يا اختى
الثلاثاء نوفمبر 25, 06:20:00 م 2008
اوعى تفكر
ازيك
دول ناس بتفكر ازاى تحتال على الناس
الثلاثاء نوفمبر 25, 06:21:00 م 2008
ملكة النيل
صح كلامك يا ملكة النيل والله
الثلاثاء نوفمبر 25, 08:22:00 م 2008
السلام عليكم
هو كل تليفزيونا او اعلاناتة دلوقتي
قايمة علي كسب المال بغض النظر
عن المادة المعلن عنها وخلافة
ثانيا الاعلام والمراءة دة اعلامنا واظن
الصورة الا انتي حطاها اقوي من اي تعليق
كل دة بيحصل في التليفونات دة انا شكلي
معنتش اعرف حاجة عن البلد
بس للاسف دة استعمالنا للتكونولجيا والعلم
تحياتي
الخميس نوفمبر 27, 12:20:00 م 2008
انا كمان معجبتنيش الحملع الدعائيه بتاعة بيريل دي خالص
إرسال تعليق