بحث هذه المدونة الإلكترونية

اخبار خفيفة




المساواه فى مصر بين البشر والبقر





دخول 65 الف طن قمح علف حيوانى وغير صالح للاستهلاك الادمى

لمصر عن طريق ميناء سفاجا وتشوينة فى شون خاصة بمطاحن قنا

تحت سمع وبصر مصلحة السلع التموينية ووصول سفن اخرى تحمل 65 الف طن

اخرين لاستكمال الشحنة التى تزن 300الف طن قمح



الملفت للنظر ان سائقى العربات التى تنقل الشحنة يستخدموا الطريق الصحراوى

للوصول لمخازن مطاحن قنا بدل من الطريق العادى ؟





قمح فاسد يستخدم كلعلف للحيوانات فى الخارج

اما فى مصر وبما اننا نؤمن بالمساواه بين البشر والبهائم

فسيستخدم القمح الفاسد لاطعام الشعب الجائع

وسيتقدم النائب مصطفى بكرى غدا ببلاغ للنائب العام

بعدما قدم طلب احاطة فى مجلس الشعب المصرى

شحنة القمح للان لا احد يعرف اسم مستوردها !!!!





******************************************************





عايزينها تبقى خضرا ****** الارض اللى فى الصحرا

فى المقابل تنتزع الحكومة المحتاجة للقمح ملكية 200 مزارع قمح

فى المنيا لصالح الطريق الدائرى بسمالوط المنيا



حكومة رشيدة صحيحة





************************************



اغلى من الشرف مفيش



ضبط استاذ دكتور فى جامعه عين شمس

يستخدم عيادتة لممارسة الرذيلة وتصوير المريضات

تحت تأثير المخدر لاجبارهن على الاستسلام له

والادهى انه يحتفظ بالسى دى بين كتب الطب بمكتبته!!!

اللى يمرض فى بلدنا يتصور او يستسلم لقضاء الله

ولا يثق ابدا بالاطباء موهوبى التصوير منحرفى الميول

اللهم استرنا فوق الارض وتحت الارض ويوم العرض عليك





********************************************



الشعب فى خدمة الشرطة

القبض على قاتل الطفلين بالعمرانية

قاتل يقتل اسرة مكونة من 5 افراد بشقتهم بالمعصرة حلوان

والسؤال اليس جهاز الشرطة المصرية اقوى اجهزة الحكومة على الاطلاق

ويد الحكومة الطويلة واصابعها الماهرة للعثور على المعارضين فى انحاء البلاد؟؟؟

اين هم من تلك الجرائم التى يشيب لها الوليد

ام ان الجهاز الامنى فى مصر منوط با لا عتناء بالمعارضة المصرية فقط وخدمة الحكومة

والشعب له الله



42 التعليقات:

  مهندس مصري

الثلاثاء مايو 12, 01:28:00 ص 2009

حقأ لنا الله

حسبنا الله و نعم الوكيل

  ادم المصرى

الثلاثاء مايو 12, 01:49:00 ص 2009

يااااااااااااااه ياريتها على كدا وبس دا والله احنا فى نعما كل شيئ والله بينسرق امام اعيننا ولكن مذا سنقول او من سيقول ومن سيتكلم اذا كان المسؤل الغائب الحاضر لا يعلم ولا يفقه شيئ
حسبى الله ونعم الوكيل

  نهر الحب

الثلاثاء مايو 12, 02:19:00 ص 2009

مهندس مصرى
حسبنا الله ونعم الوكيل

  نهر الحب

الثلاثاء مايو 12, 02:20:00 ص 2009

ادم المصرى
لنا الله ومحاولة الاصلاح
لان الله لا يضيع اجر من احسن عملا
تحياتى

  ahmed_k

الثلاثاء مايو 12, 02:43:00 ص 2009

أولا إزيك يا إيناس أخبارك أيه؟
بالنسبه لشحنة القمح الفاسد فدي ياما حصلت ومش أول مره يدخل للبلد قمح فاسد ومن قبل مبيدات مسرطنه
نقول أيه بس ؟؟؟ حكومتنا ميئوس منها
بس لي سؤال مفيش يا إيناس بين سفاجا وقنا غير طريق واحد صحراوي
فمنين جبتي حكاية الطريق العادي دي ههه

وزراعة القمح في مصر مقننه بمساحه معينه ممنوع علينا تخطيها طبعا علشان خاطر عيون المعونه الأمريكيه ومصالح أصحاب الكروش الواسعه ربنا ياخدهم

وحكاية الدكتور دي أنا لسه واحد بيحكيلي عليها من شويه
فعلا البلد محتاجه غربله من جديد

وجهاز الشرطه مين قال أنه أقوى الجهزه الحكوميه على الإطلاق لأ طبعا
أمال الجيش راح فين ههههه خليها على الله

  صيدلانيه طالعه نازله

الثلاثاء مايو 12, 03:20:00 ص 2009

احنا بقالنا كتير متعايشين مع القمح الفاسد عاااااااااادى يعنى احنا متعايشين معاه و الامور ماشيه
حكايه الدكتور دى فكرتنى بدكتور السنان اللى اغتصب المريضه بعد ما اداها حقنه بنج السنان اللى مبتعملش حاجه اصلا للسنان
بالعقل كده حيصورهم صور خليعه ازاى و هما مش عارفين
اعقليها انتى بس
موضوع قتلى الطالبيه دول يدل على اننا خلاص بقينا فى انفلات امنى مش معنى انى اقبض على الجانى بسرعه اننا بلد الامن و الامان المفروض ميكونش فيه جريمه و لا جانى من الاصل
هما مش فاضيين غير لكشف الخلايا المعاديه و تأمين نتنياهو فى زيارته الميمونه

  yoyo

الثلاثاء مايو 12, 04:10:00 ص 2009

و الله بقينا عايشين فى غابة يا ايناس

القمح الفاسد دا اعتقد انها مش حاجة جديدة يعنى بجملة الاكل الفاسد اللى عاملينا ناكله ومش عارفين حتنى مصدره منين مش عارفة الناس تاكل ايه طيور وقلنا لا عشان انفلونزا الطيور ولحمة وبقينا خايفين منها لاحسن يكون فى تسريب من لحوم الخنازير بجد البلد باظت اكتر ما هى بايظة

احنا بقينا فى عصر انعدام الاخلاق و القيم لما دكتور تكون وظفتها الامان على اسرار واروح المرضى ويعمل كدا يبقى فين الضمير و الاخلاق ؟؟

الجرائم دى زادت اوى فى بلد الامن والامان يا اختى واغلبها بيكون نتيجة كبت وفقر واحوال معيشة تحت تحت خط الفقر وانحرافات كتير
والشرطة كالعادة فى خدمة الشغب والامن مستتب ياريس
وكله عال عال يا عبد العال

تحياتى
يويو

  نهر الحب

الثلاثاء مايو 12, 04:54:00 ص 2009

احمد ك
ازيك بالنسبة للطريق الصحراوى والعادى فيسأل فيها النائب مصطفى بكرى اهو بلدياتك
اما عن فاقد الاخلاق الدكتور الله يعافينا فللاسف امثاله كثر
اما عن اقوى جهاز امنى انت عايز الجيش كمان يحكمنا ولا اية مكفاية علينا اللى احنا فيه

  نهر الحب

الثلاثاء مايو 12, 04:58:00 ص 2009

صيدلية طالعه نازلة
والله انا بقيت بخاف اروح نحية دكتور
رغم بصراحة ان فى كتير دكاترة اخلاق جدا ومتديين بس الحكاية اللى بقت موضة
وكل شوية تتكرر بقى موضوع يخض


اما عن اطفال الطالبيبة
صح والله كلامك

المشكلة ان الامن مش فاضى غير للمعارضه

  نهر الحب

الثلاثاء مايو 12, 05:00:00 ص 2009

يويو
ازيك تصدقى صح هى يعنى جت على القمح وفعلا محنا خلاص خدنا حصانة واتعودنا على اللحوم الفاسدة والقمح المسرطن
ووهلم جرة
اما عن دكاترة الشيطان
فالله يرحمنا

ونحن فى بلد الامن والامان والحب والحنان كمان

  rovy

الثلاثاء مايو 12, 06:11:00 ص 2009

ازيك يا ايناس
وحشااانى جداااا
معلش انا مقصرة قوى بس و الله الفتره اللى فاتت كان غصب عنى فسامحينى
ان شاء الله اكلمك قريب و اطمن عليكى

بالنسبه للبوست لا يسعنى الا ان اقول كما قلتى غاليتى لنا الله ..
و حسبنا الله و نعم الوكيل
خالص تحياتى

  الربان

الثلاثاء مايو 12, 06:52:00 ص 2009

تحياتي أختي العزيزة و الفاضلة...

جميل جدا ان نلتقط اي سلبية في المجتمع و نتحدث عنها...و نتسأل عن أسبابها و هذا من حق اي أنسان يعيش و ينتمي لهذا الوطن ...و اسلوبك في النقد كان نموذج للادب و الفهم...و عدم التطاول، احييك جدا علي ذلك.

- بالنسبة الي شحنة القمح...بالتأكيد الاجهزة الرقابية (موانيء...حجر صحي او زراعي..الامن العام..الخ ) مسؤولة
عن مثل هذه الامور...لكن أيضا نحن مسؤولون...لأن من استورد و من تحايل علي القانون...و من ساهم بالنقل و من ساهم من اصحاب المخابز...و العاملين بها...كلنا مسؤلون .., و غير معفيين من المسؤلية.

- بالنسبةلنزع ملكية الارض لصالح الطريق الدائري..اري ان هذا ليس عيب
طالما ان المصلحة ستعم علي الجميع...
لكن العيب هو ان نترك الاراضي التي تم بيعها الي مستثمرين لاستصلاحها و زراعتها...و مقابل ذلك حصلوا علي مئات الافدنة بسعر بخس و زهيد...ثم قام هؤلاء المستثمرون بتشييد مجمعات او كمبوند سكني و ملاعب جولف و بحيرات صناعية....و باعوا الوحدات بمبالغ طائلة...
هنا أخطاء عدة و ليس خطأ واحد...و يجب علي الدولة ممثلة في الحكومة بالاستيلاء علي الارض بما عليها و بيعها لصالح صندوق يخصص دخله لبناء مساكن للشباب...

- بالنسبة للاستاذ الجامعي...هو جزء من هذا المجتمع...و مثله مثل اي طبقة اخري من طبقات المجتمع سنجد الصالح و الطالح...و الاستاذية و العمل بالجامعة ليس عصمة من الخطأ....
و الحقيقة ان اقترابي بحكم عملي من هذه الفئة...اقول ان الكثيرين منهم و لا نزكي علي الله احدا...رجال و نساء افاضل و لا يشوبهم شائبة...الا ان بالطبع سنة الحياة الاختلاف فهناك ضمن هذه الطبقة او الفئة من لا يستحق اي احترام او تقدير...
و طبعا اتمني ان اي مريضة حسن تذهب الي
عيادة ان تكون بصحبة آمنه مثل الام او الاخت..او جارة او صديقة....و لا تكون بمفردها...

- بالنسبة للجرائم...الحمد لله تم القبض علي القاتل في الحادث الاول و جاري متابعة القاتل الثاني في سوهاج...
الجريمتان من اسهل الجرائم من الناحية الشرطية اقصد من اسهل الجرائم التي يمكن كشف الجاني بها ....


المهم في رأيي اننا بحاجة ماسة و عاجلة
الي دراسات علمية متخصصة لرصد ظاهرة العنف التي تجتاح مصر...و وضع حلول جذرية لها...حتي يعود المصريون الي سابق
عهدهم كمجتمع مسالم يحب الحياة و متسامح
مع نفسه و مع الاخرين.



اشكرك كل الشكر لسعة صدرك لهذا الرد الطويل...و لالتزامك بأداب النقد.


تحياتي و تقديري

  salwa

الثلاثاء مايو 12, 11:27:00 ص 2009

السلام عليكم اختي الغالية
ما اصعب ان يكون ضارب الكف هو الاخ,
عندها يكون وقعه اشد و اقوى.......
قبل ان نحاسب الغرب,لنصحح داخلنا.
حسبنا الله و نعم الوكيل
مودتي و تحياتي
تسلم يدك
سلام

  wanna b a physician

الثلاثاء مايو 12, 02:11:00 م 2009

دى مش اخبار خفيفة دى اخبار تغم

اما بقا انا زعلان تجمعى الاطباء كلهم
الناس بتقول عليهم ملايكة وده كلام مش صح لان مفيش ملايكة عالارض على الارض فى بشر فقط ولكن تختلف نياتهم وخصائصهم

  رحــــيـل

الثلاثاء مايو 12, 06:15:00 م 2009

لنا الله حقا

بجد حسبى الل ونعم الوكيل

البلد مليانه بلاوووووووي

  جنّي

الثلاثاء مايو 12, 06:48:00 م 2009

السلام عليكم

ايه اخبارك

  نهر الحب

الثلاثاء مايو 12, 07:10:00 م 2009

روفى
ازيك انا والله اللى مقصرة فسامحينى
اما عن الموضوع فلا يسعنا الا
الدعاء لله عز وجل ان يصلح ما افسدناه بايدينا
تحياتى وحبى

  نهر الحب

الثلاثاء مايو 12, 07:26:00 م 2009

الربان
اهلا بك استاذى الفاضل
شاكرة لك جدا اطرائك
اما عن المسئولية فانا لم اعف احد نهائيا منها ولكن ان فسدت يد فعلى القانون ان يقوم صاحبها لا ان يكون القانون هو المتستر عليه

اما عن الاراضى الزراعية
صحيح المصلحة العامة اكثر حتمية من مصالح الافراد لكن ان كانا نسعى للزراعة لما لا تعدل الخرائط التى لم تنفذ ولم لا تبعد الطرق عن الاراضى التى تكلفت مئات السنين فى الاصلاح ؟
تعرف القصة التى تتكرر تسل الارض من الفقراء وكما تفضلت تباع للاغنياء
باسعار زهيدة ويبنا عليها ما لا يعرف
عنه عامة الشعب ولا يحلم به



صدقت استاذى فالاغلب صالح ولله الحمد
لكن الطالح يثير الفزع لان عاداتنا وديننا الحنيف اكثر نقاء من تلك الشوائب المفزعه
اما عن اصتحاب اهل الثقة من اقارب او اصدقاء فهو الامر الواجب علينا جميعا خاصة وان الخلوة غير جائزة فى الاسلام

اما عن الجرائم
نعم محتاجون لجهاز بحث ورصد رغم ان اصابع الاتهام
تشير الى غياب الاخلاق وتخلف الامن
والمشاكل النفسية للشعب نتيجة الفقر والجهل والكبت وغيرها
الى ان الكل محتاج دراسة وعلاج جذرى
ونشر امنى


اما عن ادب النقد فانا لا املك سواء
لان من غير الجائز التعبير عن ما اعتراضنا بسوقية والا لما تحسن وضع ابدا
تحياتى لك ولردك الوافى
ولنقاشك الجاد ولاطرائك


شكرا

  نهر الحب

الثلاثاء مايو 12, 07:28:00 م 2009

سلوى
كيف حالك اختى الجميلة
فعلا ما اصعب ان تأتى الطمة من اقرب الناس
لنا الله يصلح ما نفسدة بايدينا

  نهر الحب

الثلاثاء مايو 12, 07:31:00 م 2009

wanna b a physician
كيف حالك انا لا اقصد ابدا اساءة اناس افاضل لكنى اضع خطوط حمراء للاستفادة من بعض الاخطاء
واشهد الله ان من الاطباء من هم على خلق ودين
ولهم ايادى بيضاء على الفقراء ايضا

لكنا بشر وكلنا خطائون وخير الخطائون التوابون
اليس كذلك؟؟

  نهر الحب

الثلاثاء مايو 12, 07:33:00 م 2009

رحيل منورة
فعلا لنا الله
ويارب تنصلح اخلاق الناس

  نهر الحب

الثلاثاء مايو 12, 07:34:00 م 2009

جنى
وعليكم السلام
منور
الحمد لله

  محمد الجرايحى

الثلاثاء مايو 12, 11:52:00 م 2009

الأخت الفاضلة:إيناس
السلام عليكم ورحمة الله وبركاته
وهذه مع الأسف قطرة من فيض الفساد والإفساد وما يعانيه هذا الشعب الطيب الصبور بلا حدود....
ولك الله يامصر

  ماما أمولة

الأربعاء مايو 13, 12:40:00 ص 2009

"اخبار خفيفة"

بالله عليك دي أبار خفيفة أمال التقيلة تبقى إيه

ربنا يرحمنا يا بنتي

وحسبنا الله ونعم الوكيل

سلام حبيبتي

  ghoneem

الأربعاء مايو 13, 01:36:00 م 2009

بعد التحية
والموت لأسرائيل بكل لغات العالم

ولسة
ولسة
ولسة

تحياتي

بالتوفيق.....................

  الازهرى

الأربعاء مايو 13, 01:49:00 م 2009

مجموعة اخبار ممكن تكون خفيفة او تقيلة
المهم هنعمل ايه معاها ؟تعرفى ان اكبر غلط عندنا اننا بنست عن الظلم
صقينى
احنا اكتر شعب بيسكت
ومش عارف امتى هنصحى
الوقت بقى خلاص

  همس الاحباب

الأربعاء مايو 13, 06:38:00 م 2009

حسبى الله ونعم الوكيل
لنا الله
هى فعلا اخبار خفيفة على حكوماتنا الرشيدة الذكية
لا حول ولا قوة الا بالله
حمدلله على السلامة يا ست الكل
تحياتى

  موناليزا

الأربعاء مايو 13, 07:06:00 م 2009

اخبار موجعة

  نهر الحب

الأربعاء مايو 13, 09:14:00 م 2009

أ/ محمد
كيف حالك
فعلا لك الله يا مصر
لكن علن محاولة الاصلاح

  نهر الحب

الأربعاء مايو 13, 09:15:00 م 2009

ماما امولة
اخبار خفيفة على اذان وعقول الحكومة
لكنها صادمة لنا كشعب وثق وسلم امره بها فى يوم من الايام

  نهر الحب

الأربعاء مايو 13, 09:45:00 م 2009

غنيم
طلما ان السلبية ولامبالاه هم
اهم ما يميزنا تاكد ان هناك المزيد
احترامى

  نهر الحب

الأربعاء مايو 13, 09:46:00 م 2009

الازهرى
اهلا بك فعلا السكوت عن الظلم هو افاتنا الحقيقية
تحياتى

  نهر الحب

الأربعاء مايو 13, 09:47:00 م 2009

همس الاحباب
شكرا لك
للاسف الحكومة الظاهر ناسية انهم هيتحاسبوا على كل فرد فينا

تحياتى

  نهر الحب

الأربعاء مايو 13, 09:47:00 م 2009

موناليزا
منورة
ولنا الله يا اختى

  maha zein

الأربعاء مايو 13, 11:16:00 م 2009

يا الهي
كل الاخبار تحرق الدم
بس هنقول ايه
لينا ربنا
انعدام ضمير
بعد عن الدين
جري في الدنيا كجري اوحوش
كل ده محصلته واحدة
جور الحكام وفساد البلاد
ربنا يرحمنا جميعا

  نهر الحب

الخميس مايو 14, 01:37:00 ص 2009

مها زين
ازيك ياقمر وحشتينى
والله صدقتى يا مها
فساد الحكام غياب الضمير
لنا الله

  روح

الخميس مايو 14, 06:19:00 ص 2009

كملي
واللي قاتل واحد بمطوة
عشان فرق 10ج في بيع موبايل

واللي قتل طفلين
وهما اولاد خاله وطعنهم
43 طعنه عشان سبعين جنية؟؟

والسبب الاول الحكومة
المشغولة بطرق جمع الضرايب
واي فلوس من الناس

في المرور علموا امناء الشرطة والظباط
الرشوة ادفع والا ناخدك مخالفة
ودلوقتي قانون الضرايب علي المسكن

ووزير المالية اللي نفسي اقول انتقل للامجاد السماوية عمال يخبط من هنا ومن هنا مرة يقول نجمع زكاة المال
في ورزاة المالية ومرة يقول مفيش علاوة

واهو الراجل شغال بضمير
لية الحكومة بتفرض خناق اقتصادي
علي الشعب وتخلية يسرق ويقتل ويرتشي

وهي همها الاول والاخير القبض علي الاخوان
حسبنا الله ونعم الوكيل
=======

سعدت جدا بزيارتك واتمني تدوم
مشكووووووووووورة
روح

  شمس النهار

الخميس مايو 14, 06:16:00 م 2009

هي دي بلدنا يانهر


وكويس انها تصلح للحيوانات
زمان اكلو الناس فراخ لاتصلح اصلا لالبشر ولاحيوانات
ده غير اكل الكلاب اللي الناس اكلت منه لحد ماشبعت وهوهوت

  أ / أحمد عبد المنعم

الخميس مايو 14, 07:43:00 م 2009

بسم الله الرحمن الرحيم
الأخت الفاضلة : نهــــر الحب
أشكرك على سؤالك
ولكن طبيعةالعمل فترة الدراسة تعمل على الإنشغال بشكل شبه دائم ولا أريد للسيرة أن تكون مجرد إبراز حدوتة لذا التأنى فى مثل هذه الأمر أنفع

أما عن اخبارك المنتوعة

فيعلم الله كنت أفكر فى مثل هذه الأمور قبل فتح موقعك والحقيقة التى برزت أمام ناظرىّ أن :

ضمائر الناس تحتاج إلى تعديل .

فالفساد عندما يكون فى النظام الحاكم يفتضح إذا وجد شعبا يرغب فى الصدق مع نفسه .
ولكن حين يكون الفساد فى الأفراد فلا صلاح للنظام .
هل مسئولو الحكومة يطلبون من معلم الفصل ألا يشرح ؟؟

هل مسئولى الحكومة يطلبون من طبيب المستشفى أن يترك عمله ويذهب إلى العيادة وهل هم من يطلبون منه أن يحول مرضاه إلى المستشفى الحومى لينتفع بمزاياها ويأخذ هو أجر العمل الخاص ؟؟؟

هل مسئولى الحكومة هم الذين طلبوا من القاتل أن يقتل ؟؟

هل هم من يطلبون من الموظف أن يرتشى ؟

هل هم الذين يطلبون من البقال أن يغش فى سلعته ؟؟؟؟

لا أعفى بكلامى هذا المسئولين أبدا ولكن ليسوا هم المذنبون الوحيدون فى هذه الجرائم !!!!!

أنا شريكهم فى الذنب إن رأيت معلما لا يشرح ولا أنصحه بل ولا أدفعه وأعمل على قيامه بدوره ..

وانت شريكتهم إن تركت ابنك فى المدرسة يظل يشكو من المعلم ولا تتابعيه وتطلبى من إدارة المدرسة التعامل بإنصاف مع الأبناء ووو
وكلنا شركاء بصمتنا على الخطأ وعدم رفضه وفضحه على المستوى الفردى ثم على المستوى الحكومى ...

لا أعفى من لهم السبب الأكبر فى ذلك ولكن

" إن الله لا يغير ما بقوم حتى يغيروا ما بأنفسم "

  نهر الحب

الخميس مايو 14, 08:47:00 م 2009

روح
والله الازمة الاقتصادية
وغياب الوازع الدينى والاخلاق
وضغط الحكومة فعلوا بالمصريين العجب
تحياتى لك
وان شاء الله نستمر فى تبادل الزيارات

  نهر الحب

الخميس مايو 14, 08:48:00 م 2009

شمس النهار
اهلا بك فعلا على رأيك ياما الشعب كل
اكل مسرطن واكل مشع واكل غير صالح للاستهلاك ولا حول ولا قوة الا بالله

  نهر الحب

الخميس مايو 14, 08:52:00 م 2009

صدقت ازمة مشتركة
بين شعب ارتضى الفساد وفسد بكل مقاييس الفساد وحكومة لا تهتم الا
بجمع المال والقضاء على المعارضة
ولا شئ اكثر

لكن اخى ان علم الموظف البسيط ان الغنى حوسب على فعل الخطأ ما كان ليخطأ
ولو علم ان هناك من يراقبة وقادر على العقاب لما اخطأ
لكنها حمى الحرام التى تنتشر فى بلاد الاسلام


تحياتى
ووفقك الله الى ما يحبه ويرضاه