مش عارفة لية رغم انى مش بحب اكتب فى المدونة حاجات خاصة
الا ان الموقف دا بالتحديد استوقفنى جدا
وحبيت افكر فيه بصوت عالى معاكم
وافهم منكم وتفهموا منى !!!!!
من فترة كنت خارجة وقفت تاكسى وحصل على مدار المشوار
الحوار اللى هحكى لكم عليه بالضبط
اول ما ركبت التاكسى كانت الشارع زحمة جدا فاصتطدمت مرأت السيارة الجانبية
بسيدة مارة فسبها السائق 00000000 وبعدين قالها داتك داهية هتكسرى العربية !!!
جيت اقوله بالراحة ويعنى الموضوع لا يستحق وان الحلم سيد الاخلاق
وان الدين يحث على حسن الخلق
لكن لاقيت الراجل بيتخانق مع دبان وشه فى الطريق ومع دواسة البنزين كمان؟!
فقلت اسكت شوية
واتصيد الفرصة فسبحان الله لاقيته بيتكلم فى التلفون مع طبيب نساء
وكان الحوار التالى دكتور افتح اوضة العمليات عشان انا فى ايدى مشوار هخلصة واروح اجيب
لك زبونة سقع تولدها !!!
لا اطمن العيل مقلوب انا عارف انه مقلوب لانها عدت اسبوع من التاسع
لا دول ناس على فطرتهم ومعاهم فلوس بالكوم استعد انت بس وانتظرنا فى العيادة
هوصل الناس دول واروح اجبهم من الافرنج لالا دول ناس على الفطرة خالص ومعاهم فلوس كتير
وميعرفوش حاجة فى اى حاجة لالالا انا قلت لهم ان الولادة ب2500 وهاخد انا ال500ج دول
دا غير حلاوتى منك 000 طب دكتور فى حاجة كمان
بقولك مش انت رئيس القسم 000 فى المستشفى عارف البت فلانة انا بقى عايزها تطلع بفضيحة
لا انت ملكيش دعوة انت بس خلى ورديتها مع الدكتور فلان وانا
هخش الحضانات واصورهم بالموبايل وهم فى وضع مخل
ونطردها شر طردها وازلها عشان تحرم تقول لى انى اتأخرت او ان دا مش شغلى ؟؟؟
لالا هى غاوية تقعد معاه وتبقى جاتلك على الطب طاب الدكتور اللى مضايقك والبت اللى قرفانى
ونمشيهم بفضيحة كمان عشان الكل فى المستشفى يعرف انى مش عضمة سهلة!!
اه مالحق فاكر البت اللى جبتها لك تعمل العملية اياها؟
طلعت بنت رئيس النيابة 00 عرفت بطريقتى وجيت اكلمها اتنطتت على
قالت انت مش عارف انا مين قلت لها عارف بأمارة العملية اياها اية رأيك لو
بابكى عرفت !! وخدت منها 200ج وبقت زى العجينة فى صباعى؟
انا طبعا كنت سامعه الحوار دا ومش عارفة اقول اية غير يارب اوصل البيت
وصلت البيت وصدقونى والله اول ما نزلت قلت روح يا شيخ ربنا يكفينا شرك
ومندهشة جدا من كمية الشر المتجسدة فى رجل واحد ومدى احساسى بالعجز عن التصرف معه او حتى لمساعدت احد ضحاياه!!
الراجل دا ذكر اسمة واسم المستشفى وانا سألت طبيبة صديقة لى وطلع فعلا موجود هناك
للدرجة دى الناس بقى لا عندها دين ولا اخلاق؟؟
سبحان الله ربنا يخرجنا منها على خير
.jfif)
المشاركات
76 التعليقات:
الجمعة أكتوبر 09, 04:34:00 ص 2009
ياااه .. !! معقول وصلنا للدرجه دى ؟
بجد حاجة تقرف ان يكون فيه ناس كده فى مجتمعنا ..صحيح كل مجتمع فيه الخير و الشر .. لكن صعب جداا ان الشر يكون من دكتور !! يعنى سواق او اى مهنه ممكن .. لكن دكتور !! واضح ان الضمير انعدم من عند ناس كثير .. ربنا يلطف بينا .. تفتكرى ممكن الناس اللى ماتت قلوبها تصحى ؟ او اللى انعدمت فيهم نخوتهم ترجع لهم تانى ؟؟ و الضمير اللى مات او انذبح بسكين بارد ازاى ممكن نحيه تانى ؟
بجد نفسى حد يقولى فيه امل .. .. .
وحشااااااااانى جدا بجد و اسفه لو مقصره معاكى .. لكن صدقينى انتى فى بالى و من الناس اللى ما يتنسوش ابدا ..
ربنا يجمعنى بكى قريب حبيبتى على خير يارب..
مودتى و ارق تحياتى
الجمعة أكتوبر 09, 05:07:00 ص 2009
اعلق اولا على كلامك الطيب الجميل
والله انتى اللى بجد وحشانى جدا ونفسى بجد اشوفك وبجدا انا اللى مقصرة بس بجد ظروفى مش متظبطة نهائيا الحمد لله على كل حال
اما عن القلوب فهى ملك ربى وهو قادر على ان يصلحها
بس بجد انا حاسة ان الدنيا بتوحش اكتر والناس بتنعدم فيها الاخلاق بشكل غريب
بجد صدقينى الراجل دا افزعنى جدا
الجمعة أكتوبر 09, 05:09:00 ص 2009
لا حول ولا قوة إلا
بالله العلىّ العظيم
دا أيه دهـ؟شر ماشى
على رجلين :(مش خايف من
حد ولا خايف على حد:(عارفة
أهوه دهـ اللى باع نفسه للشر
وخلاص بقى مش باكى ولا باقى على شىء
بجد أحسن حاجة أنك ما تكلمتيش معاه لأن اللى زى ده لا ينفع فيه كلام ولاحديث .يكلمه اللى خلقه يوم لا ينفع مال ولا بنون الا من أتى الله بقلب سليم. ربنا يكفينا شرهم يارب.
الجمعة أكتوبر 09, 05:46:00 ص 2009
لاحول ولاقوة الا بالله
اللهم اهدى قومى فانهم لا يعلمون
===
فينك من زمان
وحشتيينا
الجمعة أكتوبر 09, 05:56:00 ص 2009
اللي زي ده
ربنا يهديه
مش هعرف اقول اكتر من كده
تدوينة رائعة
تحياتي
الجمعة أكتوبر 09, 09:27:00 ص 2009
اللي انتي قابلتيه ده الشر نفسه متجسد في بني آدم ماشي برجلين
بس نهايته هتكون عبره بجد
مهما دول اللي ربنا بيستدرجهم كده بظلمهم لغاية ماينتهوا بنفسهم
الجمعة أكتوبر 09, 09:47:00 ص 2009
انت بتتكلمى جد
كل المهازل دى فى مكالمة تليفون
هو الفساد بقى بشع كده
الحمد لله ان الواحد مش بيتعامل مع بشر
بالشكل ده
ربنا يستر علينا ويرحمنا
الجمعة أكتوبر 09, 11:14:00 ص 2009
ربنا يلطف بينا
ويهدى كل عبد مسلم
ولا تقولو امنا ولكن قولو اسلمنا
الهم اهدى قومى فأنهم لا يعلمون
ياما الدنيا فيها
كان فيه قضيه بردو من فره من استاذ ثانوى صنايع
كان يتحرش بل بنات فى بيته اسناء الدروس الخصوصيه بتعتو
وكمان برضاهم
والحكومه لقت فى بيته 18 سيدى متسجل عليها الافلام يعنى كمان كان بيصورهم
اتحكم عليه 4 سنين
قليل صح
فعلا قليل امام هتك العرض
الله يعفينا ويعفيكم
الجمعة أكتوبر 09, 12:41:00 م 2009
هو فى ناس للدرجة دى مليهم شر!!!!!!!!!!!!!!!!!!!!!!!
وكمان دكاترة يعنى اللى ربنا مستامنهم على ارواح عباده!!!!!!!!
استغفر الله العظيم
الجمعة أكتوبر 09, 01:30:00 م 2009
السلام عليكم ورحمة الله وبركاته...
لا حول ولاقوة إلا بالله ....
....
الله يهديه ويهدي كل من هم مثله...
ربي أعلم بهم وهو خبير بصير ...
...
إنما يمدلهم ....
....
في امان الله
الجمعة أكتوبر 09, 01:56:00 م 2009
السلام عليكم
ربنا يكفينا شره وشر من مثله
افضل دعاء
بسم الله الرحمن الرحيم
(و لا تحسبن الله غافلا عما يعمل الظالمون )(انما يؤخرهم ليوما تشخص فيه الابصار )
صدق الله العظيم
دمتي بخير
الجمعة أكتوبر 09, 02:34:00 م 2009
اهلا بنهر الحب
واكتر كمان والله
الشباب مش لاقى شغل ولا لاقى يتجوز
والبنات عاوز تتجوز ونسبه العنوسه زادت
والفلوس بقت الشئ الوحيد اللى الكل بيتمناه
والاخلاق بقت سلاح الضعيف
يعنى نعمل ايه تاهت كل حاجه حلوه فى حياتنا
مش عارفين الصح من الغلط يا نهر
بس والله فيه شباب وبنات معذوره قوى
ومش فى ايديهم حاجه وكمان فيه ناس طيبه قوى بتتسند على قشه زى ما بيقولوا وطلع السواق ابن الهرمه دا قشتهم
يبقى بقى ايه اللى متصوراه
ربنا يحفظنا يارب
ويستر علينا وعلى ولايانا
الجمعة أكتوبر 09, 03:45:00 م 2009
احمدى ربنا يا انوسة ان الراجل ده مالبسكيش تهمة قبل ما تنزلى من التاكسى
ده راجل فعلا معندوش لا دم ولا اخلاق ولا دين
بس هنعمل ايه ما باليد حيلة مفيش فى ايدك حاجة تعمليها
قولى حسبى الله ونعم الوكيل وربنا ينتقم منه ومن امثاله
ومش هقولك وحشتينى لانك عارفة احساسى اكتر من كده بكتير
شفقة
الجمعة أكتوبر 09, 03:59:00 م 2009
السلام عليكم ايناس
قبل ان اعلق و الله اشتقنا و الغيبة طاااااالت
غاليتي لكي دائما اطيب التمنيات دنيا و آخرة
نعم فلقد اصبح الضمير عملة نادرة
و لكن لن نياس.........
حسبنا الله و نعم الوكيل
سلاااااااااااااااااام
الجمعة أكتوبر 09, 04:55:00 م 2009
لا حول ولا قوة إلا بالله حقيقى أنا اتصدمت أنا برغم إنى بسمع بس مش كنت بصدق معقولة وصلت للدرجة دى يا خبر وكأن مبقاش فى دين ولا شرف حقيقى على الدنيا السلام
دمتى بكل الخير
الجمعة أكتوبر 09, 06:09:00 م 2009
حسبي الله ونعم الوكيل
راجل زي ده عارف يعيش ازاي مع كل الذنوب اللي بيعملها دي وكميه المصايب اللي بيعملها كل يوم
الجمعة أكتوبر 09, 06:14:00 م 2009
لا حول ولا قوة الا بالله
ربنا يهديه لانه لو فضل كده عواقبه هتكون صعبه اللهم احفظنا
الجمعة أكتوبر 09, 06:21:00 م 2009
للأسف ده بقى حالنا
ربنا يستر علينا وينجينا من شر أمثاله
الجمعة أكتوبر 09, 08:33:00 م 2009
والله دلوقتى الناس بقت بتتفنن فى النصب وايذاء الناس
بجد بقى فن
وبقى الناس بتقعد تخترع حاجات وتظبط حاجات بجد غريبة قوى عمرها ما تخطر على بال حد
ربنا يهدى الجميع احنا بجد بقينا فى زمن صعب والله
الجمعة أكتوبر 09, 10:47:00 م 2009
norahaty
فعلا له الله هو عبارة عن شر ماشى على الارض
ربنا يعافينا يارب العالمين
اما عن انى اكلمهفأنا والله كنت حاسة المشوار طويل وكنت بنكمش
فى بعضى عشان اختفى من وشه
ربنا يكفينا شره وشر امثاله
تحياتى
الجمعة أكتوبر 09, 10:48:00 م 2009
موناليزا
ربنا لا يبتلينا يارب
جزاك الله خيرا على السؤال
انا فى الدنيا دعواتك
الجمعة أكتوبر 09, 10:50:00 م 2009
Yusuf
الله يهديه ويهدينا ولا يبتلينا
شاكرة لك مرورك
الجمعة أكتوبر 09, 10:51:00 م 2009
احمد ابو العلا
فعلا ربنا يرحمنا منه ومن امثاله يارب العالمين
شكرا لك
الجمعة أكتوبر 09, 10:51:00 م 2009
لقد خلقنا الله احرار
والله كل دا فى مكالمة واحدة وتوصيله واحدة
الحمد لله انى مفتحتيش بؤى
ربنا يرحمنا برحمته
الجمعة أكتوبر 09, 10:52:00 م 2009
ادم المصرى
والله الدنيا بقت مش حلوة بالمرة
واخلاقيات الناس بتسوء بشكل فظيع
وايمانهم فى الاغلب ظاهرى الا من رحم ربى
سبحان الله
طبعا الحكم ب4 سنوات قليل جداااااااا
الجمعة أكتوبر 09, 11:06:00 م 2009
princess
للاسف تحجر القلوب وتملك الشر من الانسان
لا يعرف مهنة او سن
فقط يعرف القلوب الغليظة المتحجرة
الجمعة أكتوبر 09, 11:07:00 م 2009
نهار
اللهم امين يارب العالمين
ربنا يهدينا جميعا
جزاك الله خيرا على المرور
الجمعة أكتوبر 09, 11:07:00 م 2009
ذكرى رحيل قلم
وعليكم السلام ورحمة الله وبركاتة
امين يارب العالمين
جزاك الله خيرا على الدعاء
الجمعة أكتوبر 09, 11:07:00 م 2009
رومانسى
عارف اية المشكلة المشكلة ان ولا بقى عندنا
اخلاق ولا للاسف ايمان صحيح اخدنا قشور
الدين وللاسف بنطبق بشكل غير صحيح
الامن رحم ربنا
احنا محتاجين نتربى من اول وجديد
ونتعلم الدين والاخلاقيات بشكل صحيح
ونعرف يعنى اية رحمه ويعنى اية انسانية
تحياتى لك
الجمعة أكتوبر 09, 11:07:00 م 2009
شفة هانم
منورة المدونة والله
بصى انا كنت قاعدة مرعوبة جدا والله
مش عارفة انطق ولا حتى اتنفس خفت فعلا موصليش البيت
تخيلى !! او حتى انه يتبلى على بأى حاجة
ربنا يكفينا شره وشر امثاله يارب العالمين
الجمعة أكتوبر 09, 11:14:00 م 2009
سلوى
غاليتى
جزاك الله خيرا على السؤال
صحيح لن نيأس طلما فى خير فى الدنيا
وقلوب تنبض بذكر الله
تحياتى
الجمعة أكتوبر 09, 11:14:00 م 2009
(Joudy)
بصى زى ما فى شر اسود كتير
فى كمان خير صحيح نادر لكنه قادر على محو الشر اللى فى الدنيا بأذن الله
جزاك الله خيرا
الجمعة أكتوبر 09, 11:15:00 م 2009
حسن حنفى
اكيد مش حاسس بانه بيعمل ذنوب الشيطان مزين له سيئات اعماله
تحياتى يارب تكون بخير حال
الجمعة أكتوبر 09, 11:15:00 م 2009
نور
معك حق ربنا يهدينا كلنا وينور بصرتنا
تحياتى لك
الجمعة أكتوبر 09, 11:15:00 م 2009
محمد غالى
كيف حالك ربنا ينور بصريتنا
ويرحمنا برحمته
الجمعة أكتوبر 09, 11:15:00 م 2009
ندا منير
فعلا وقال اية مقلب او عشان يعرفوا انهم مش سهلين
شر متجسد على الارض ربنا يرحمنا برحمته
تحياتى لك
السبت أكتوبر 10, 12:05:00 ص 2009
أعوذ بالله...!
استفغر الله العظيم...!!
لاحول ولا قوة إلا بالله...!!!
هذا الرجل شرير بكل معنى الكلمه... ماهذا... سمعتِ كل هذا في فتره وجيزه وهي فترة استأجارك للتاكسي- إذاً كيف هي حياته كلها... وما هو كم المعاصي التي ارتكبها في عمره...
هداه الله... هداه الله... شيء محزن فعلاً...
ــــــــــــــــــــــــــــــــــــــــــــــــــــــــــــــــــــــــــــ
كيف حالك أختي العزيزه... اشتقت لك كثيرا حبيبتي... فين الغيبه ده كلها؟
السبت أكتوبر 10, 12:49:00 ص 2009
السلام عليكم
لا حول ولا قوة الا بالله العلي العظيم
هو ده حالنا والحال اللى اصبح عليه المجتمع بس صدقينى مش كل الناس وحشه فى ناس كتير طيبين
وممكن طالما عرفتى الدكتور ده وطالما صحبتك عارفاه وهو بيعمل عمليات من اياها ممكن تعملوا له كمين ويتمسك وتبقى ساهمتى فى ان واحد من الفاسدين هو اللى اتفضح قدام الكل
ولكى كل التحيه
السبت أكتوبر 10, 01:14:00 ص 2009
مممممممم
هو ده مش حاجة شديدة اوى يعنى
الواحد بيشوف بلاوى شبه دى كتير
ربنا يسترها علينا وعلى ولايانا يارب
السبت أكتوبر 10, 02:00:00 ص 2009
مضي زمن طويل
كيفك يا ايناس
انتبهت الي العنوان بعد ان قرأت التدوين ووجدت كلمة العجز ففهمت الشعور جدا
ان مثل هذا حين تقابلينه في الحياة فهو خليق ان يعقد لسانك من ان يتجمع كل هذا في شخص واحد وفي نفس الوقت فقد يكبت أجدعها طاقة نور قد تكون بداخلك فيشعرك - مع كل ما تفعلين وتقصدين في حياتك - بالعجز
جنبك الله الشر يا ايناس
ودمتي سالمة
السبت أكتوبر 10, 02:19:00 ص 2009
السلام عليكم
يااااااااااااا
اعوذ بالله
ولا حولا ولا قوة الا بالله العلى العظيم ربنا يلطف بينا يارب
هو بجد اسمك ايناس
تحياتى ليكى حبيبتى
ايناس
السبت أكتوبر 10, 10:37:00 ص 2009
اكون او لا اكون
اه والله سمعت كل هذا فى فترة وجيزة جدا
لكنها مرت على كالدهر سبحان الله
المشكلة ان فى شريك غفل عنه اغلب الناس هو الطبيب
اللى الناص بتاتمنه على اعراضها وعلى حياتهم
ربنا يعافينا
السبت أكتوبر 10, 10:40:00 ص 2009
ابن مصر
اكيد فى ناس طيبين
لان الرسول الكريم صلى الله عليه وسلم قال الخير فى وفى امتى الى يوم الدين
انا معرفيش اسم الدكتور انا عرفت اسم السائق لانه قاله للدكتور انا فلان اللى فى مستشفى كذا بس
اما عن الكماين فيا اخى للاسف فى حاجات كتير بيتكتم عليها
ولا حول ولا قوة الا بالله
السبت أكتوبر 10, 10:43:00 ص 2009
Mo7ammed
سبحان الله من افتراء على الناس للابتزاز
لخداع اناس اخرين وتعريض حياتهم للخطر
للكلام فى اعراض ناس وكل دا مش شوية
ربنا يعافنا
تحياتى
السبت أكتوبر 10, 10:45:00 ص 2009
تايه فى وسط البلد
كيف حالك ضياء ؟
يارب تكون بكل الخير والسعادة
والله الراجل دا خلنى اشعر انى بتقلص فى الكرسى عشان اختفى من التاكسى دا
كنت مرعوبة ومصدومة جدا مش عارفة اعمل حاجة اخليه بيها يتراجع او حتى يسكت
ربنا يهدينا جميعا
شكرا لسؤالك
السبت أكتوبر 10, 10:47:00 ص 2009
عاشقة الاحزان وعليكم السلام
ربنا يعافينا
ويبعد عننا الشر
ايوة انا اسمى ايناس
يعنى تشابه اسماء
تحياتى
السبت أكتوبر 10, 12:47:00 م 2009
الحمد لله انك رجعتى البيت سليمه ومخدكيش المستشفى دى عند الدكتور ده وخدو منك كليه او حتى صباع رجل:)
الأحد أكتوبر 11, 05:50:00 م 2009
الصراحه انا اصدق جدا
انا دايما بقول اننا نفتقد الامان فعلا
للاسف الفلوس بقت تخلى الناس تبيع اى حاجه
مش هقول الكل لكل لاسف بردوا السيئه تعم
انا بس ليا استفسار ليه ما تقدمى ولو حتى فاكس لوزاره الصحه ومكتب اتلوزير باسم المستشفى ان بيحدث بيها كدا
واسم الدكتور عديم الاخلاق دا
يعنى اى وسيله لياخد واحد زى دا جزائه
ربنا يكفينا شر الدنيا
دمتى بخحير
الأحد أكتوبر 11, 09:10:00 م 2009
يا ساتر يا رب
ايه الناس ديه
الاثنين أكتوبر 12, 01:58:00 ص 2009
انحدار مستى الاخلاق بيخلى الناس تاكل بعضها والشخص ده ربنا هيوقعه فى اللى هيزله ومننساش يمهل ولا يهمل
ربنا يهديه ويهدينا
وبصراحة أنت نقلتى صورةمن صور كتير وحشة فى مجتمعنا
الثلاثاء أكتوبر 13, 12:09:00 ص 2009
محمد حمدى
فعلا الحمد لله رب العالمين
لان رجل بلا قلب قادر على ان يفعل اى شئ
تحياتى
الثلاثاء أكتوبر 13, 12:11:00 ص 2009
بسنت
بصى فى امل لقول النبى صلى الله عليه وسلم الخير فى وفى امتى الى يوم القيامة
اما عن اسم الطبيب فانا لا اعرفة انا فقط اعرف اسم الادارى بالمستشفى ( السائق) لكن لا دليل على كلامى وقد يعتقدوا انها كيدية
تحياتى لك
الثلاثاء أكتوبر 13, 12:12:00 ص 2009
مهرا
النفس امارة بالسوء
تحياتى لك
الثلاثاء أكتوبر 13, 12:25:00 ص 2009
المهاجر
للاسف اخلاقياتنا كمصريين بيتنحدر وبشدة من السبعيات لان المجتمع على المال على كل الاخلاقيات والمروثات المعروفة
تحياتى
الثلاثاء أكتوبر 13, 09:39:00 م 2009
كدا يا نوسه عرفتى مكان شغله ومتروحيش تحذرى البت اياها ولاا الدكتور اياه طب هما بيعملوا اثم وكارثه اه بس ممكن بالتنبيه ضميرهم الانسانى والدينى يصحا شويه
طب على الاقلل سيبيلهم ورقه وقوليلهم اتقوا ربنا عشان فيه حد هيصوركوا وانتوا بتعملوا كذا ...
انا شايفه انك يستحسن كنتى تعملى كدا وتبقى انقذتى اتنيين من شره مع انهم لو بيعملوا كدا يستاهلوا شد الشعر
....انا عارفه نصايحنى تودى فى داهيه بس على قد تفكيرى بئا
ربنا ينتقم منه ويهديه لان انتقام ربنا رحمه بعباده برضه
........
رجعتى ببوست عجيب ..بس انتى وحشتينى جدا يا نوسه ولسه على اتفاقنا الفطير عليا والمش عليكى
الأربعاء أكتوبر 14, 02:31:00 ص 2009
حمد الله علي سلامتك !!
وربنا يكفينا شر أمثاله وأمثال اللي بيقعوا في شباكه
وبخصوص رأي الأستاذة محاسن
نصيحة ليكي بلاش
لأن اللي زي دول وشائع عنهم علاقة مستمرة ومنحطة زي دي ..مش هيسمعوا لحد وغرورهم هيعميهم وأخرهم هياخدوا الحذر ويروحوا مكان تاني
يا رب تكوني بخير إنتي والأسرة :)
الأربعاء أكتوبر 14, 07:09:00 ص 2009
للاسف يا ايناس بقينا عايشين فى زمن اي حد مستعد يبيع اي شيئ علشان الفلوس حتى لوكان بنى ادم زيهه وكيتر قوي مابقوش يهتمو هل اللقمه اللي بتنزل بطنهم حرام ولا حلال
ربنا يعافينا وسيخرجنا من الدنيا دي على خير
تحياتى لك
الأربعاء أكتوبر 14, 11:42:00 ص 2009
السلام عليكم
انا عشان اول دخول ليه فى مدونتك
الجميلة الرقيقه دى
يبقي هايكون خفيف
بصي انا مش هاقولك غير الناس مش باعت ضميرها ولا ناسياه فى البييت
لا
دى
الضمير مات
يعنى مافيش فايده خالص من الكلام
بس احنا بنتكلم يمكن ربنا يهدي
وصدقيني كل واحد مننا جواه حاجه وبيعمل حاجه تانيه
صح
بس يمكن مايكونش بيضر حد
يلا سلام بقي
الجزااااار
FATHI
الأربعاء أكتوبر 14, 03:16:00 م 2009
محاسن صابر
ابو بودى القمر ربنا يحفظة انتى معك حق
لو انى لم انتبه للفكرة دى
سبحان الله
انتى كمان وحشانى جدا والله
واسفة على تقصيرى معاكى جدا
الأربعاء أكتوبر 14, 03:19:00 م 2009
ضياء
ازيك يا اخى العزيز جدا
والله هى فكرة بتاعت محاسن هحاول انفذها بشكل او بأخر
والله المستعان
الأربعاء أكتوبر 14, 07:54:00 م 2009
الله يخرب بيت دا صنف ملعون
علي فكره فيه ناس تفعل الشر و لا يطرف لها جفن من فعله و لا ادري كيف
اليست النار في لاخره رحمة بغيرهم ممن يلقون شرهم؟
الخميس أكتوبر 15, 10:29:00 ص 2009
مصطفى ريان
المشكلة ان فى ازمة اخلاق وقلة دين
ومفيش حاجة اسمها انسانية اصلا فى حياتنا
يعنى احنا محتاجين تربية من اول وجديد
تحياتى
الخميس أكتوبر 15, 10:31:00 ص 2009
حب الملايكة
بص فعلا موضوع الازدواجية دا موجود فى اكتر الناس للاسف لكن احنا بنحاول اهو نساعد بعض ومنكونش كدة
كمان لازم نحاول نغير ونقوم طلما اننا احياء
تحياتى
الخميس أكتوبر 15, 10:49:00 ص 2009
ذو النون المصرى
كيف حالك
والله اعتقد ان دى نتيجة متغيرات كتير
وكمان ضعف الايمان وقلة الرحمة وعدم المسئولية والجحود
حاجات كتير ممكن تكون سبب فى انه يكون بهذا الشر
اللهم عافنا
اوافقك الرأى
لكن لعل الله بهاديه
الجمعة أكتوبر 16, 11:26:00 م 2009
حوار أكثر من ساخن .. وسخونته راح تلسع صاحبه في أي وقت
السبت أكتوبر 17, 03:13:00 ص 2009
أنا نفسي جالي إكتئاب من نماذج سيئة زي النموذج اللي حكيته عليه
للأسف المادة جعلت من كثير يفعلون أي شئ في سبيلها
أدعو الله أن يرحمنا جميعاً
تحياتي
حسن أرابيسك
السبت أكتوبر 17, 06:54:00 م 2009
فى إطار حملة مدونتى عنوانى تستضيف رابطة هويتى إسلامية المدون محمد غالية صاحب مدونة هل تبحث عن السعادة
فى نقاش عام وحوار مفتوح حول موضوع الحملة .
والدعوة مفتوحة للجميع للمشاركة معنا فى النقاش من أجل الإفادة والإستفادة
نتمني منكم مشاركتنا من أجل تدوين أفضل
تحياتنا
أسرة رابطة هويتي إسلامية
الخميس أكتوبر 22, 02:58:00 م 2009
بصراحة
ربنا يسترنا
الخميس أكتوبر 22, 03:05:00 م 2009
يااااااااااه
انا حسيت انى بقرأه قصة ولا فى الخيال
هو صحيح فيه ناس كدا حسبى الله ونعم الوكيل
ربنا يحفظنا ويحمينا
القلوب ماتت والضمير مات
وربنا يستر
ربنا يهدى انك لاتهدى من احببت ولكن الله يهدى من يشاء
تحياتى لكى
واتمنى انك تشرفينا فى مدونتى المتواضعة
السبت أكتوبر 24, 11:47:00 ص 2009
وربي ماني مصدقه يعني سامحيني مو قصدي فيكي شي بس بجد ماني مصدقه انه معقوله في احد كذا لاحول ولا قوة الا بالله
بس ياريتك اتصلتي ع البنت الي بديو يفضحها غريبين الناس الي مفكرين انه دينهم مسلم وماهو مسلمين احد
حسبي الله عليه وع اشكاله
الأحد أكتوبر 25, 11:17:00 ص 2009
وكما وعدناكم بأن تستمر حملتنا وتأتي بكل جديد
ضيف حوارنا هذه الرسالة :::
الأستاذ معتز شاهين - باحث تربوي
صاحب مدونة إحنا وهما
وهي مدونة تهتم بالإستشارات التربوية
نتمني منكم المشاركة معنا في الحوار لمزيد من الإستفادة ولمزيد من الإفادة
مع تحياتنا
أسرة رابطة هويتي إسلامية
الجمعة أكتوبر 30, 05:48:00 ص 2009
محتاجة استفسار منكم من فضلكم
اتفضلوا عندى فى المدونة
ضرورى وشكرا
الأحد نوفمبر 01, 02:20:00 م 2009
يا خبر اسود؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا والله العظيم بقرا وانا مندهشه وفاتحه بقي مترين
ايه الراجل ده
انا لو مكانك بصراحه برضه هخاف اكلمه اصلا
بس الاكيد انى هوقف التاكسي وانزل واشتمه وتيجي زى ما تيجي
ده حيوان
مش عارفه هل اقولك تتصلي بالدكتور اللى هيعمل فيه المقلب ده تحذريه ولا تخافي على نفسك
صلي استخاره
ربنا يكفينا شر شياطين الانس
الثلاثاء نوفمبر 03, 09:05:00 م 2009
إنا لله وإنا إليه راجعون
الجمعة نوفمبر 06, 11:47:00 ص 2009
Pak Karamu visiting your blog
الثلاثاء يناير 12, 08:13:00 ص 2010
للأسف الأصناف دي حوالينا كتير ،
وأحنا اللي مش بنشوفهم لان عيوننا سليمة وبترفض تنجس الاخرين ،
لكنهم فعلا انجاس
البلد بتغرق يا اخوانننننا
إرسال تعليق