مجدى علام

جميل ان يحدد الانسان هويته
ويحدد مجريات حياتة وطريقة عيشة
وجميل ان يكون له فكر فى كل شئ
حتى يستطيع العيش بكرامة وفكره الخاص حتى يكون له منهج مبدا يعيش به
جميل جدا ان يقرر الانسان دينه وان يفكر بمدى اقتناعه بهذا الدين وايمانه به
لانه حين يؤمن به سوى يسعى للحفاظ على علاقة روحانية جيدة مع خالقة ويعمل بمبادىء
هذا الدين الذى اختاره0000 مما يسجعل له منهج فكرى ودينى يعمل به ويتعامل به مع الاخرين
لكن الغريب جدااا
ان يتنصر المسلم المقيم بايطاليا مجدى علام
فيقوم بابا الفاتيكان بنفسه بتعميده وكأنه حدث القرن الفريد
او كانه فتح مبين لبابا الفاتيكان!!!
والاغرب بنسبه لمدعيه حرية الاديان مخلصة العالم من الظالم والارهاب أمريكا
ان تقطع البث التلفزيونى لتقديم هذا الخبر الفريد 0000 فى حين اسلم العديد من مشاهير العالم
ولم يكن لتلك الاخبار نفس ردة الفعل العاليه الصيت كما حدث مع مجدى علام !!!!!

رغم ان الاسلام لا يتاثر أبدا بتكر مجدى علام او محمد حجازى او غيرهم

الاسلام لن ينقص ولا المسيحية ستزيد!!!
وكام قال بابا الكنيسة المصرية البابا شنودة
المٍسألة ليست عدد بل ايمان
ولا حول ولا قوة الابالله


يا محررة العالم اين هذة الحرية التى تدعين
أين المساواة وحرية الاديان
؟؟؟
اين واين

اطلاق نار على زورق مصرى فى المياة المصرية

سفينيه حربية امريكية تطلق النار على زورقين فى خليج السويس
ومفيد شهاب يقول
انهم اقتربوا من منطقة ممنوع التجول فيها لانها منطقة عسكرية
وان الزوراق لم تاخذ سوى تصريح واحد فقط
وانهم هم الغلطنين وانهم خم الوحشين
ازاى بس يدخلوا منطقة عسكرية ويقتربوا من السفينة الامريكية ؟؟
وطبعا طبعا من حق سفينة محررة العالم انهم يخافوا من الزورقين
صحيح هم ناس غلابة ويادوب عايزين ياكلو عيش
يعنى ولا كان قصدهم ارهاب ولا دياوله
بس كمان السفينة الامريكية عداها العيب وازح
اطقلت فى الاول طلقة تحذيرية
وبعدين ادتهم فوق دماغهم لحد ما قتلت واحد
ورجع الزورق وقد قدم السفيرالامريكى اعتذاره
يعنى خلاص غلطة ومفيش مشكلة
ومفيش حد بيموت ناقص عمر
قدره حد قاله يحاول ياكل عيش


بس مش عارفة لية فى سؤال ملح على لو كان الراجل الغلبان اللى راح فطيس داا
حرامى امريكى كانت امريكا هتكتفى بأعتذار السفير المصرى ولا كانت هتقلب الدنيا على راسنا
وراس اللى جابوناا

احمد ياسين (شيخ الامه)

منذ 3 ايام مرة الذكرى الرابعة

لاغتيال شهيد الامة العربية كلهاا

لاغتيال قعيد الحركة

زعيم الشباب الصوت المحرك للضمير العربى

الشيخ احمد ياسين

وسبحان الله هذا الرجل ما اثر فينا بوافتة او حياتة فقط

لكن فى كل لحظة من حياتة ووفاتة ايضا

شهيد الفجر

الذى فجرتة اسرائيل بصواريخها

قعيد حريص على صلاة الفجر

رغم ان الشباب الاصحاء يتركوها عمداا

قعيد الحركة

علم الكثير والكثير من الشباب سرعه الحركة

والقتال علمهم كيفية ان يتحدواا ضد هذا العدو المنظم

لا الشجاع بقدر ما هو عدو منظم وعملى لابعد الحدود

هذا الشيخ الذى لم يحصل على قدر عالى من التعليم

ومنا من سافر ليحصد اعلى الشهادات وارقى المناصب

ومع ذلك ليسى له هذا الصوت الموحد لعزائم الامم

رحل قعيد الحركة

واسع الحكمة

صادق الاخلاص لوطنة وارضة

مخلص المشاعر

رحم الله شيخنا الجليل احمد ياسين

واللهم حرر شبابنا من كراسيهم التى لا تتحرك

مين يجرأ يقول

مين يجرا يقول هذا مش معقول

بنزور ونبكي ع الكعبة وقبر الرسول

قالولي الدّمعة بتهدد أمن الأسطول

بنزور وننبكي ع الكعبة وقبر الرسول

قالولي صوتك بيهدد أمن الأسطول

إبكي في صدرك هنينا

لا تقلب راحة راعينا

راعينا حاكم مش حاكم حامي الأسطول

واهم مش فاهم مسطول بيحمي البترول

مين يجرا يقول أخوتنا عن بيت الله منعتنا

مين يجرا يقول أخوتنا عن حج البيت منعتنا

مين يجرا يقول أخوانا عن حج البيت منعتنا

قالوْ إن الدمعة بتهدد أمن الأسطول

مين يجرا يقول هذا مش معقول

ننصحكم حجو للبابا والفاتيكان اسهل من مكة والكعبة

وأكثر أمان مكة حاميها حراميها

خلي في صدري باقيها

مين يجرا يقول للحاكم كرسيك

يزول ما تفاضي بينا مسطول دماغك مزطول

ما تفاضي بينا مسطول دماغك مسطول

مين يجرا يقول أخوتنا عن بيت الله منعتنا

قالولنا إن الدمعة بتهدد أمن الأصول

قالولنا إن الدمعة بتهدد أمن الاسطول

مين يجرا يقول هذا مش معقول

قلتلهم مكة أنا جدّي فاتحها بسيف

قالولي الغرب يحميها وإنت الّي الضيف

قلتلهم أراضينا مكة فاتحها بسيف

قلتلهم عربي انا مكة فاتحها بسيف قالولي الغرب يحميها

وإنت الّي الضيف إبكي في صدرك

ريّحنا لا تسيل دموعك

تفضحنا خافوني ندعي عند الكعبة

والحق نقول نسيوا لو ندعي من عندي دعايا مقبول

مين يجرا يقول أخوتنا عن بيت الله منعتنا

مين يجرا يقول أخوانا عن حج البيت منعتنا

قالولي صوتك بيهدّد أمن الأسطول

من يجرأ يقول هذا مش معقول

لا النصر يجينا من قصرك

و لا نحلم بيه والحج إن كانا بفضلك ملحوق عليه

تسعة فرض الله نطوف ونسعى نكتب سبعة وتسعة

تسعة لا نكره مضرّ ولك سيف الله المسلو

ل بأي بسيطة أو أطهر بقعة مسقول

مين يجرا يقول لك أرحل يا أخا الإسلام

لا تزعل خلّينا نطهّر ما دنّس جيش الأسطول

مين يجرا يقول هذا مش معقول لا تكتب عنّا تسيّسنا لرضينا

قبل لا تكتب عنّا تسيّسنا لرضينا الذل

لا الرّاكب تخلّف لا تسجّل

كان لون الأمل لا الرّاكب تخلّف

لا تسجّل كُلُنا مل أمّتنا تمهل لا تهمل

و قوّاها ثورة تعمل ثيقتنا بالله كبيرة

و الشّدّة تزول ثيقتنا في الله كبيرة

و الشّدّة تزول و نقود الزّحف المقدّس للكعبة

طول ثيقتنا بالله كبيرة

و الشّدّة تزول ثيقتنا في الله كبيرة و الشّدّة تزول

و نقود الزّحف المقدّس للكعبة

طول ساعتنا نقول للحاكم

كرسيك يزول يا ظالم ساعتها نطهّر

ما دنّس جيش الأسطول

http://www.watan.com/img/4/zekra.rm

اغنية لذكرى

حب ايه ؟؟؟

يدهشنى جداا انى اشوف ناس

يدعون الرومانسية وانهم ناس حبيبة وناس فى منتهى الرقة

والاحساس وعندهم من الشعور ما لا يستطيع الاخرين ادراكه

وكلام كبيرررررر خالص

على عقول الناس اللى مش بتفهم اوى فى الحب

ولا عندهم نفس الحس المرهف

ولما تقرب اكثر من الصورة تلاقى

كله

كلام فى كلام

وان تكلمت

يبقى انت لم تقدر الظروف

الا هى فى الاصل

اوهام

شماعه للاخطاء

وتذكرت فجاة الست وهى بتقول

حب ايه اللى انت جى تقول عليه انت عارف معنى الحب اية

طريق اسكندرية

الطريق الساحلى او الدائرى

او حتى كما يسمونه الطريق الدولى الرابط بين الاسكندرية ومدن كفر الشيخ

وممتد الى بورسعيد للاسف الطريق اكثر بكثير من سئ وبه العديد من المطبات واعمال الصيانة

والاصلاحات 000 لكن المشكلة ان مافى اى لفته او اى شئ يظهر ذلك ويفاجئ السائق بمطبات خطرة جداا

واعمال صيانة وجبال من الزلظ والحجارة على جانبى الطريق لمسافة طويلة جداا تقريبا من البرلس الى جمصة

مما ادى الى العديد من الحوادث على جانبى الطريق

يعنى المفروض يكون فى تنبية ورقابة اكثر من الدولة

او حتى اغلاق الطريق وتحويل خط السير الى طرق اخرى بدلا عن تعريض

حياة المسافرين والرحلات والعديد من الشباب للخطر

ولن اقول اكثر من رحم الله ابن الخطاب

خاف سؤال الله له فى دابة

ونحن لنا الله

غــــــــزة فى عيون الغرب

غزة فى عيون الغرب لكن للاسف للحين العرب لا يرون ما يحدث

واكبر رد فعل لهم التجمع فى جامعه الدول العربية التى لاتحل ولا تربط

وحتى فنانينا فرشهم خربت وشلت يداهم

البحث عن الشهرة

أكيد فى ناس كتير عندهم داء الشهرة

يحبو جدا ان يشار اليهم بالبنان

ان يتكلم عنهم الناس ويتملقهوهم

ومن داء الشهرة الى داء الخداع

ياقلبى لا تحزن

فى الاول شهرة وفى النص يخدعواا الناس

ويضحكوا عليهم عادى

اولا يبحثوا بجهد جهيد عن الشهر وان يكون لهم اسم واضح

وبمجرد ان تقترب منهم تجد انهم مجرد افاقين باحثين عن الشهرة

لتكون طريق اسهل واسرع لخداع الناس

الشهرة هى الضوء الذى يجذب الفراشات لتحترق

وكل شئ عادى فى زمن ال لا قيم ولا ضمير

حيرة ألم

بين لحظات تأمل ولحظات الم

اذكر ما كنا عليه ما كان بيننا

اهو كان فعلا واصبح مجرد ذكرى

ام انه لم يكن يومااا

هل كنت

ام انى باقيه راسخة بين ثنايا قلبك

بين هل وهل

مئات لا والله الالف الاهات

بين الالم والشوق اليك

للتحدث معك لمجرد سمع صوتك

الااستحق لحظة تأمل اسال فيها وتجيب انت

ام انك كنت مجرد وهم

عابر سبيل سأل فاعطى ومضى فى دربة

دون ان ينتبه الى او حتى يشعر بى

رغم ما كان او ما هو مستمر

تصدق لم اعد اعرف الماضى من المستمر

الكل الان واحد ركام

لم يعد به ما يبهر او يلف الانتباه

اتستطيع الرد ؟؟ام انك لست هناا

رحيل

يوم رحل والدى اسودت الدنيا كلها بعيونى
عرفت لأول مرة معنى ان تدمع عيناى عرفت معانى كثيرة ومسميات أكثر
عرفت الحزن العميق اللى يكسر الخاطر ويسحق القلب ويحطم الاحلام
عرفت معنى الظلم لما ظلمتنى الدنياااا ليسى برحيل والدى لكن بما لحقه من احداث
وعلى مدار سنوات كثيرة عانيت الامرين بين تخبط وظلم ومحاكاه لواقع قاسى
خالى من الحب ومن الحنان ومن لحظة دفء وعطف صافى
خالى من النفاق ومن الطمع فى او حتى فيما املك
والله انى تعلمت قرأت العيون
تعلمت كيف افك شفراتها
تعلمت كيف اكشف تلك الانياب التى تختفى تحت اصابعهم
يخفوها ليغرسوهاا فى لحمى فى عظامى
شاهدت
وعايشت

واقع أكثر بكثير من كلمة مؤلم
تألم وجرحت وكسر كل ما فى من ضلوع وعظام
حتى قلبى تحطم أصبح اشلاء
ما عدت اعرف اضحك ولا حتى معنى الابتسام
لكنى ما مكنت أحد ان يعلم ما مر بى او ما يمر
ما يسكننى من ضعف أو قوة
من حزن او ألم
كنت هناك اقف شامخة دائما مبتسمة
كنت رغم سنى الصغير أخذت مكان الكبار
علمت الناس معنى ان يحترمونى قبل حتى أن يعرفونى
علمتها من هى نهر الحب
ما سمحت لأحد قط من الاقتراب منى ابدا ولا ان يعرفنى أكثر
ولا ان يعرف ان كنت قوية او ضعيفة
ان كنت سعيدة او حزينة


الى ان فتحت قلبى وللأسف الشديد
لمن أعتقدت انه سيحمينى سيعوضنى ولو قليلا
عن ما مر بى عن ما عانيته
عن ما قاسيتة فى دنيا لا تعرف الرحمة
أقسم بالله انه لن يؤلمنى
أقسم بالله انه لن يجرح قلبى الذى لم يبقى فيه شئ لم يجرح
الى ان داس هو بكل قوتة بكل قسوة على قلبى
سحق حتى أحلامى
التى كنت اعيشها مع نفسى
التى كانت تصبرنى على ما أنا فيه

والان ما لى الا
الله


عدت كما كنت
بل أسوء مما كنت
لم يرحل أبى وحده بل رحلت انا قبله
من هذا العالم


لى رب أوكل امرى أليه

مدرس ولا شاذ

ذهلت من خبر سمعته
حين قصت على احدى السيدات وهى فى نفس الوقت وليه امر لاحدى الفتيات فى المدرسة التى دارت فيها الكارثة
الا وهى ان مدرس اللغة العربية يتحرش بالفتيات اللى بيدرس لهم بذمتكم مش مصيبة
والاخطر ان البنت اللى ياحرام حاولت ان تحكى لامها وعائلتها بعد تأكدهم من بعض الفتيات الاخريات
ان نفس المواقف المخذية تحدث معهن ايضا وبعد التحقيق الادراى قررت اسرة الفتاه
سحب الشكوى حفاظ على سمعت الفتاة
وطبعا ادى داا الى حفظ التحيق معه
مصيبة انك تأتمن انسان ويكون بمثل هذا السوء
مصيبة جداا ان الموضوع يحفظ اداريا وطز فى البنت والناس والدنيا
مصيبة ان ما يكون فى ضمير
والمصيبة الاكبر انهم حتى ما حاولى انه ينقلوه او يبعدوه عن البنات
دا حتى مفيش دخان بلا نار

الاختيار الصعب

قرأت ان فى 7 مليون بنت مصرية فوق سنة 35 عانس
لفظ مؤلم جدا وجارح خاصة فى مجتمعاتنا الشرقية
عارفين الناس بتبص للبنت اللى لم تتزوج على انها كم مهمل
لا مشاعر لها او انها غريبة شئ غريب الى حد كبيرعن المجتمع
رغم كثرة العدد لكن للأسف دى النظرة السائدة
بالذات فى المدن البعيدة عن القاهرة
لان العاصمة مشغولة اكثر ومزحومة بالعمل وفرص اللقاء والزواج والطلاق
وللأسف اكثر من خوف البنات من شبح العنوسة التى تهددهن
وافقن على الزواج من اى شخص المهم انهم يتزوجوا وخلاص
دون النظر لأساسيات الزواج من تفاهم وقبول وتكافء
اجتماعى ومادى وثقافى
وبات الزواج فى بلدى
أما حلم للكثيرين لا يستطعون الوصول اليه
وأما شكل اجتماعى او صفقة مادية
او حتى اجتماعية وهى ان نكون عائلة
اما يعيشوا سعداء او يكتفوا بالحصول على لقب متزوج ومتزوجة
والحصول على نعمة الله فى الاطفال ان قرروا طبعا الانجاب

ويبقى السباق فى انتهاز الفرص
والفرصة لا تجى الا مرة
وطبعا دا على حسب وجهة نظر الاسرة والفتاة
فمنهم من يفضل المال
ومنهم من يفضل الاصل
ومنهم من يفضله ذو سلطة ومنصب
او انه يكون انسان طيب وحنون
يعنى كلا وفرصتة

واللحاق بقطر الزواج قبل ما يفوتة

ووقع الكثير فى حيص بيص

الزواج لمجرد عدم العنوسة والزواج وانجاب الاولاد اللى هم نعمه لا تقدر بثمن
ام انتظار فتى الاحلام اللى الله وحده اعلم ان كان فى عالمنا ام انه فى عالم اخر ؟؟؟

قلقانة

مش عارفة لية عندى شعور رهيب بالقلق

والخوف من بكرة رغم انى مش بحب الخوف ولا اسمح لنفسى بالتعايش معه بس فعلا

عندى قلق شديد خايفة

جايز لانى مطلوب منى اخد قرارات جزيه بحياتى وانا مترددة او خايفة

مش عارفة بس الاكيد انى قلقة ومتوترة

هكمل

بكرة احاول اغلب شعورى بالقلق

الله يستر

اقنعه

ياترى اى قناع مناسب اكثر للحظة ؟؟

الناس اليومين دول معجبين اوى بالاقنعه بالزيف والغش

بأن يخفو ما فى داخلهم ويظهروا أشياء توافق اهوائهم ومصالحهم الشخصية

لا طبيعتهم

لا صدق

لا صراحة

لا طبيعية

للأسف غش خداع

نضافة

الاسبوع الماضى كنا فى رحلة
مع ناس اول مرة اشوفهم بصراحة اكثر شئ عجبنى انهم نضاف على الاخر
بجد الاتوبيس نضيف جداا والناس حاجة جامدة خالص
طبعا احنا قعدنا طول اليوم فى التنقل من مكان لمكان بالاتوبيس لكنهم حافظواا جداا عليه
يعنى اى شئ سواء ازايز المياة فاضية او كانز او بست او اى شئ على طول من الشباك
على راس اى حد مش مشكلة حتى لو راجل جت على ازاز عربيتة وكان يعمل حادثة يبقى هو
اللى غلطان هو اللى اتخض بسرعة وقلبه ضعيف اية الرجالة دى مش لازم يكون اد الموقف
شفتوا النضافة حاجة اية معتبرة
اية يابنتى داا انتى حاطة الزبالة فى كيسة لية ارميهم من الشباك

امثال وتعليقات

عصفور في اليد خير من عشرة علي الشجرة

الطمع وحش

-يدي الحلق للي بلا ودان

كثير ما يكون هناك نعم لا يقدرها اللى يتمتع بها فلا يصونها

-القرد في عين امه غزال

- ان غاب القط العب يا فار

طلما انك تحتاج الى رقيب لتصون نفسك

-اصرف ما في الجيب ياتيك من في الغيب

تمتع بالدنيا ولا تبخل فانت تعيش مرة واحدة فقط

لبس البوصه تبقي عروسة

شوف هيفاء وهبى وبص لدينا

القرش الابيض ينفع في اليوم السود

لا تسرف

جبنا في سيرت القط جى ينط

افتكر الناس تفتكرك

اقلب القدرة علي فمها تطلع البنت لامها

الام مدرسة

ايه اللي رماك علي المر الا الامر منه

كن قنوع تحلو الدنيا بيعونك

عشمنى بالحلق خرمت انا ودانى

لا تعد باللى ما تقدر عليه

خد الجار قبل الدار

الجار اخ يعتمد عليه

خد الرفيق قبل الطريق

الصديق جنة او نار

من كذب فجر ومن فجر هلك

الله يستر علينا

كن صامت يراك الناس فيلسوف

اسمع حتى يخاف الناس منك

سكتنا له دخل بحماره

لا تتهاون

اسعى يا عبد وانا اسعى معاك

السعى على الرزق عبادة

كل وقت وله ادان

تطور ولا تقف عند نقطة واحدة

-حوش ده من ده يرتاح ده عن ده

من لا يريحك اتركه

اللي يبص لفوق يتعب

تطلع لما تستطيع الوصول اليه

- خدوا الحكمة من افواه المجانين

لانهم لا يخافون اللوم

- اتقوا شر لحليم اذا غضب

لا تستضعف الحليم فهو صبور

-من حفر حفرة لاخيه وقع فيها

لا تغدر فيغدر بك فالذمن دوار

-يا بخت من با كنى وبكى عليا ولا ضحكنى وضحك الناس عليا

مش كل اللى يضحكك حبيب

-اجري جري الوحوش من رزقك لم تحوش

الرزق بيد الله

-اللي يتلسع من الشوربه ينفخ في الزبادى

التجارب السابقة تترك اثر

بلاش تفكر في اللبن المسكوب

لا تبكى على ما راح

-اخطب لبنتك ولا تخطب لابنك

الحلم بالستر حق مشروع

واقع مؤلم

انا مخنوقة وزعلانة ومضايقة وممكن اكون وصلت لحد الاكتئاب كمان

مشكلة لما الواحد يحس انه صح ومش ناجح ويلاقى الغلط هو اللى بينجح ويلاقى طريق النجاح بسهولة ويسر

من فترة شفت فتاه ومن النظرة الاولى عرفت انها مش مظبوطة او بالعربى يعنى مش كويسة

بالنسبة لى هى غير سوية او انها مش متربية

غير سوية لان الفتاة السوية لا تسمح لأحد بالاقتراب منها الا ان كان زوجهاا

بالعربى يعنى فى الحلال اما غير ذلك فهو غير سوى خاصة فى مجتمعنا العربى المسلم الشرقى

المهم انى راقبت بعض ما تمر به الفتاه من تجارب او مراحل

وللأسف الشديد انى وجدتها ناجحة فى كل ما تصبوا اليه

اما فى التخطيط لايقاع رجل ذو منصب للزواج به

او فى ان تحصل على وظيفة جيدة لاتاهلها لها مكانتها العلمية

او حتى فى الحصول على الاحترام المطلوب من عامة المجتمع

رغم معرفتهم الجيدة بما تكون عليه حقيقتهاا

والاغرب

ان هناك زميل مشترك لى ولنفس الفتاة فى العمل

طبعا قبل ان تتزوج كان يكلمنى عن انها غير محترمة و و و

لكنى بصراحة احبها وعايز اتزوجهاا ممكن تكلميها لى

قلت سبحان الله ازاى دى وازاى دى

ازاى مش محترمة وازاى عايز تتزوجهاا

يعنى لو انك لا تعى حقيقتهاا يمكن يكون فى سبب

او عذر لكن ان تعرف وتفضلهاا لان تحمل اسمك شئ جديد على أدراكى

بعدها علمت انى انا عديمة الادراك

ان هناك طبقة طفيلية ظهرت على المجتمع المصرى بعد الانفتاح

ادت الى ظهور مثل هذة الفتاة الى ان تطفو طبقة لاتعى غير الاتجار

بالقيم ان تصعد وتطفوا على حساب كل ما هو جيد

طبقة من الرقصات بائعى النخاسة وللأسف تلك الطبقة وجدت طريقها بسهولة وسرعة

فى المجتمع المصرى والعربى على حد سواء

ولا اعرف السبب

هل هو نقص الواعظ الدينى

ام انه البحث عن الثراء السريع

ام غياب التربية والرقابة

أم انه الفقر قاتله الله

لا أعرف غير انهم ينجحوا وينتشروا بسرعة ونحن لاسف محلك سر

ثقافة الاعتذار

• ثقافه الاعتذار
  للاسف الشديد رغم ان اخطائنا الانسانية كثيرة وعميقة جداا
  الا أننا كعرب لا نعترف أبدا بأخطائنا او بما نسببه للاخرين من الم او حزن او جرح
  لا نعرف ثقافة الاعتذار ومحاولة الاصلاح
  سبحان الله رغم انه ادب دينى فى الاصل
  لكننا نتخلى عن كل ما هو جيد فى سبيل الانحدار لما هو سيئ
  تجد من يخون رغم كل ما توليه له من ثقة واحتضان

حين تقود سيارتك وتجد سائق اخر يكسر اشارة المرور ويعرض حياتك وحياتة للخطر

يقول ياأخى انت هتئرقنى قلنا اسف وخلاص
وأحيانا كتير تجد له مليار تبرير وتبرير
غير الاعتراف بأنه أخطأ فى حقك
لكننا شعب لا نعرف الاخطاء

وبالتالى لا نعتذر

مــــن أنــــــــــا

من انا

او الى من انا او الى من انتسب

مش عارفة ابداء بالاقدام او بالافضل او بالاشرف

المهم هبدء وخلاص مصرية يعنى بنت ازيس حفيدة الفراعنة ملوك العالم من علموا العالم كلمة حضارة

جدتى كيلوباترا اكبر واعظم ملكة حفيدة نفرتيتى اكثر النساء فتنة وانوثة اخذت من ازيس الاسطورة

اسطورة الوفاء والحب الخالد الباقى ليسمع صوت الصدق والدفء للعالم كله ايزيس الباحثة عن اشلاء زوجهاا

وحبيبهاا من ربت حورس ليقود الجيوش اليست فيها قوة وصلابة رأس لا مثيل لهاا

اذا انا بنت النيل العظيم

عربية انا

اخذت الكبرياء العربى الزهو والفخر العربى من اجدادى موحدى العالم رعاة الغنم الذين سادوا الدنيااا

انا عربية عنيدة قوية شديدة البأس قوية العزيمة لا اقهر ابدااا غيورة

شرقية

بى هذا السحر والغموض بى عبق الشرق الدافء بى حنين الماضى الجميل بى ما يجذب للتأمل ساعات وساعات

رائحتى تلك الروائح الجميلة الراقية التى صمم على اساسها عطور العالم بى الوان تجذب وتسحر

مسلمة انا

اشرف ما في احلى ما فى اجمل ما فى ارقى ما فى

نعم ارقى ما فى انى مسلمة تأدبت بالاسلام تعلمت منه الثقة بالله وبالنفس

تعلمت منه كيف تكون مكانتى كيف هى قيمتى

كيف اكون كيف اعيش ولما احارب

احارب لانهم لا يمكون فكر راقى

لا يعرفوا معنى ما يدعوه من حرية او فكر او حتى معنى كلمة حياة

مسلمة انا ورثت من سيدتى رضى الله عنهاا معنى الاحتواء

ومن سيدتى عائشة معنى الحب والوفاء

ومن سيدتى فاطمة كيف يكون الحنان والادب

ورثت من نساء المؤمنين ما لايستطيعوا اعداء الاسلام عليه ولا حتى الحلم به

يا ما تقولوا ما لا تعرفواا عن العرب المسلمين فكرواا

مسلمة انا حرة وسأظل حرة ام الشهدا واختهم وبنتهم الى يوم ننتصر فيه

هذة اناا

بى كل ما ليس بكم

أشهد ان لا اله الا الله وأشهد ان محمداا رسول الله

خدعونااا وقالوا

خدعونا وقالواا

كثيرة هى خدعنا العربية

اما فى السينما التى لا تجسد الا ما يراه مخرجها ومريدى الشهرة

او فى الكتب المدرسية التى لا تعلم الا ما يريده رؤساء الحكومات

وما يوافق اهوائهم الشخصية

خدعوناا حين قالوا ان الدنيا حلوة سهلة المعيشة بها خير اكثر من الشر

خدعونا حين قالوا بعد الدراسة عمل

واول ما نخلص الدراسة نلاقى ابن الحلال

وللاسف طلع ان اولاد الحلال عملة نادرة

خدعونا حين قالوا اننا الشباب واننا سنصيغ الواقع برؤية جديدة حسب منظرونا

حسب العلم والتقنية والرؤيه الجديدة للعالم

خدعونا حين قالوا اننا ورثة اجدادنا العظماءء

تخيلواا

انا من اكون

داموضوع يطول شرحة لكنى سأقصة فى موضوع اخر

المهم خدعوناا حين علمونا الحب رغم ان الحب كائن فضائى لا ينزل على الارض الا قليلا

خدعونا حين قالوا حرية فكر وحرية تعبير وكله طلع اضغاث احلام

خدعونااا كثيرااااااااا

ومازال مسلسل الخدعات مستمرة

اعتذار

يــا رســول الله عـــذرا قالـت الدنـمـارك كـفـرا
قـد اســاءو حـيـن زادو في رصيد الكفـر فجـرا
حاكـهـا الاوبــاش لـيــلا و استحلوا السب جهرا
حـاولـوا النـيـل و لـكـن قـد جـنـو ذلا و خـسـرا
كـيـف للنـمـلـة تـرجــو أن تطـال النـجـم قــدرا
هل يعيب الطهـر قـذف ممـن استرضـع خـمـرا
دولـــة نصـفـهـا شـــاذ ولـقـيـط جـــاء عــهــرا
آه لـــو عـرفــوك حـقــا لاستهامـو فيـك دهــرا
سـيـرة المـخـتـار نـــور كيف لـو يـدرون سطـرا
لـو درو مـن أنـت يـومـا لاستـزادوا منـك عطـرا
قـطـرة مـنـك فـيــوض تستحق (العمر) شكرا
يـا رســول الله نـحـري دون نحرك أنـت أحـرى
أنت في الأضـلاع حـي لم تمـت و النـاس تتـرا
حبـك الـوردي يـسـري في حنايا النفـس نهـرا
أنت لـم تحتـج دفاعـي أنت فـوق النـاس ذكـرا
ســيـــد للـمـرسـلـيـن رحمة جـاءت و بشـرى
قــــــدوة لـلـعـالـمـيـن لو خبت لـم نجـن خيـرا
يــا رســول الله عـــذرا قومنـا للصمـت أسـرى
نــدد الـمـغـوار مـنـهـم يـا سـواد القـوم سكـرا
أي شـئ قــد دهـاهـم مـا لهـم يثنـون صـدرا ؟
لـم يعـد للصمـت معنـا قـد رأيـت الصمـت وزرا
ملـت الأسـيـاف غـمـدا ترتـجـي الآســاد ثـــأرا
إن حـيـيــنــا بـــهـــوان كان جوف الأرض خيـرا
يـألــم الأحـــرار ســـب لــرســول الله ظــهــرا
و يـزيــد الــجــرح أنــــا نسـكـب الآلام شـعــرا
فـمـتـى نـقــذف نــــارا تـدحـر الأوغــاد دحـــرا
يـا جمـوع الكفـر مـهـلا إن بعـد العـسـر يـسـرا
إن بعد العسر يسرا
للشاعر
احمد مطر

عيد ميلاد نسمة

اليوم عيد ميلاد نسمة

اختى الصغيرة هى مش صغيرة اوى بس هى اخر العنقود

سكر معقود زى ما بيقولوا

بس هى بالنسبة لى رغم ان فارق السن مش كبير اوى مش اختى

هى بنتى وقر عينى وحبى وكل حاجة

بحسهاا ماشاء الله عليها ملاك

رغم انها ساعات عصبية وتنرفز جداا

بس انا بموت فيهاا ربنا يبارك فيها يارب

امورة وشقية ولذيذة حاجة كدة محصليتش هههههه

والاهم انها بتاخد هدية عيد ميلادها بالاكراه

هتيجبى لى اية فى عيد ميلادى

لالالا انا عايزة وعايزة وعايزة

المشكلة ان عايزة دى مش بتقف ابدا

عمرى ما سمعت كلمة مش عايزة منهااا

يابنتى ميزى انا اختك مش امك

مفيش فايدة

النهاردة الدنيا نورت فى بيتناا لما جت نسمة

كل سنة وهى طيبة وكل الناس طيبين وسعداء

غــــــــــــــــــزة تــرقـــص فــرحـا

غزة ترقص فرحاا

نعم ترقص

رغم دموع الفراق والوداع

الا اننا نرقص فرحا

الم تسمعوا ابدا عن دموع الفرح

تلك هى الدموع فى عيوننا

دموع ان حكومتناا لا تعمل على حمايتنا

ولا على ابقاء كرامتناا

اما غــــــــــــزة فهى ترقص فرحاا

تقولوا خسائر

لا تقولوا خسائر

انهم شهداء عن ربهم يرزقون

الخسائر عند عدونا

الخسائر عند الطرف الاخر ليس

لنا خسائر

نحن امه الشهداء

وينكم يا زعماء العرب

وينكم ام ان الصمت مازال سيدكم

الحلم العربى

وحنا صغار كان فى اغنية جميلة جداا

بصراحة كتير لم يهتموا باللحن ولا حتى بالتدقيق اللغوى

اكثر ما جذبنا اليها

هو معناها فكم حلمنا بتحقيق هذا الحلم

الحلم العربى

رغم المعانى البسيطة الا ان الناس احبوهاا

ورغم حبهم لها الا ان الاغنية لم تذاع بعد ذلك

ولا نسمعها ولا حتى فى المناسبات

الظاهر عليها حظر ولا ممنوعة رقابيا

جايز كمان انها تحمل فكر هدام

كل شئ جايز بالزمن دا

مهم زمن العجائب وبوس الواو

اغنية لها هدف لا تذاع

وبوس الواو نازل على ودنا والعنب العنب

طرق الموت !!!

هتكلم عن اللى اعرفة

امس زرت بلدين (محافظتين )

من اكبر واهم المحافظات عندنا فى مصر بهم الكثير من الاموال

دمياط بها العديد والعديد من مصادر الدخل

اما عن طريق الميناء

او العمل بصناعه الاثاث وتصديره

او بصناعة الحلوى

او حتى بمجال صيد الاسماك عزبة البرج

اوحتى بالتجارة

ماشاء الله مورادها كثيرة وشهيرة

والمحافظة الثانية

الدقهلية

بها الثروة الزراعية

واطباء يأتون اليهم الناس من شتى الجمهورية

والجامعات

وبها ايضا صناعة الاسمدة

المهم

رغم غنى كل من البلدين جداا بالمقارنة بالمدن الاخرى

ما وجدت الا طرق بها العديد والعديد من المطبات

سواء داخل البلد او الطرق المؤيدة لها

طرق والله غير صالحه للاستخدام

لانها تعرض حياة المواطنين للخطر

ومع ذلك لم اجد شكوى

او ان احد تكلم عن الموضوع

او حتى انهم حاولوا اصلاح هذة الطرق

المميتة .....؟

ولا اعرف اليسى لهم نواب فى مجلس الشعب

ام ان المال ينقصهم لتحسين طرقهم

وصورة مدينتهم

؟؟؟

ويبقى الاهمال والامبالاة

سيدا الموقف

السينما 00حرق دم وتشوية

من افلام العرى

الى افلام الضحك

الى افلام الشباب

الى افلام نظيفة 0000 وتعبي نظيفة مش عارفة جه منين بالضبط

قالوا لخلوها من العرى قلنا طيب وللا لخلوها من الفكر الهادف

عموما اهو كله نظافة والنظافة من الايمان

وبلاش كلام فى الحاجات الكبيرة اوى دى خلينا نتفرج من بعيد

وفجأة وبدون مقدمات مفهومة

لاقيت فيلم غريب اسمه حين ميسرة

ولاقيت كلام عليه

قلت لابد ان اشوف الفيلم

ولاسف ما استفدت منه الا ان عيون اتئذت بسبب مشاهد العرى الامبررة

واستعراض اشياء فى منتهى القبح حتى ان وجدت ليسى بهذة الدرجة

وهل لك سئ ينشر

وهل كل شئ غلط بيفضح؟؟

اعتقد ان لو دا دليل او حتى عامل مساعد على حل مشاكلنا

فأعتقد ان عندنا الكثير والكثير غير العرى المفجع

والمقبض الذى عرضة هذا الفيلم الغريب جدا

ولى سؤال لما كل هذا التشوية

هلى لاذيةالناس وتخويفهم

ام ليحمدوا الله على ما هم فيه من نعم

( اللى يشوف بلاوى الناس تهون عليه بلوتة)

ولا من باب الدعاية السيئة

لسوق النخاسة

سؤال يطرح نفسة

لمصلحة من يعرض فيلم بهذة الدرجة من القبح

ام لتغير فكر شباب يستقون فكرهم من السينما النظيفة ؟

نشر رسوم مسيئة ؟

تعليقا على ما نشرفى الدنمارك

وقالوا عنه حرية رأى

لكن هل يعنى حرية الرأى والتعبير ان لا تكون هناك خطوط حمراء نحترمها

ولا نقترب منها ابدا 0000000

هم يقولون ان الحرية فى كل شئ وفى التعبير عن ما يخطر على العقل

عموما هذا ليسى مستبعد ابدا فهم ايضا لم يحترموا انبيائهم

ولا مقدساتهم الدينية !!

واكبر واقرب دليل على ذلك دافينشى كود

اذا قلنا ان هذا هو وجهة نظرهم

فلنا ولعلمائنا وجهة نظر اخرى

جديرة بالذكر والتفكير فيها

الا وهى كما قال فضيلة الشيخ ابو اشحاق الحوينى

سنة التدافع ؟

لولا دفع الله الناس بعضهم ببعض لفسدت الارض(251سورة البقرة )

هذا التدافع بين المسلمين وغير المسلمين جعل الكثير من غير المسلمين يفكرون

فى معرفة الاسلام والقراءة عنه والبحث فيه وفى تعاليمه

مما جعل الكثيرين يعتنقون الاسلام فى اروبا وامريكا

بعد الحملة الشرسة على النبى صلى الله عليه وسلم

لكل شئ وجهان وجه سئ واخر ممكن الاستفادة منه

وهذا ولله الحمد وجه له مردودة المفيد

لكن هذا يعنى ان نتخاذل ولا ننصر بيينا الكريم صلى الله عليه وسلم

وانا ارى ان افضل سبل نصرته صلى الله عليه وسلم

اتباع سنته والبحث عن تعاليم الدين التى نجهلها للاسف

والعمل بها

كن مسلما حقااا

لتنصر نبيك

صلى الله عليه وسلم