بحث هذه المدونة الإلكترونية

رفح يا وجع النايات

رفح قرية حدودية شديدة البؤس
الطريق لمعسكر كندا


البلدة هناك خالية الا من بعض جنود الامن المركزى
وحرس الحدود وامن الدولة الهمام

وقله من اهلها الذين لا يملكون مأوى فى اى بلد اخر

او من رفضوا المغادرة !!!!

كل الناس بينهم قاسم مشترك هو حالة من البؤس الالم
مما يحدث ولا يستطيعون التفاعل معه

والخوف على مستقبلهم لشعورهم ان من السهل على اى

كتيبة دخول رفح المصرية بسهولة

خاصة ان القصف فى رفح الفلسطنيةينال من ايضا نصيب سكان رفح المصرية

سواء بالصوت او بالشظايا او حتى بالقصف المباشر كما حدث فى يناير
الشوارع والمزارع كلها مهجورة الا من بعض الاهالى والاطفال

الذين فرحوا بنا واخذوا يرونا الحدود

شارع صلاح الدين دا من اكثر الشوارع رواج فى السابق اصبح مهجور

بوابة كندا التى حدث بها قصف يوم السبت قبل الماضى تستطيع من اى مكان فى رفح ان

ترى بيوت رفح الفلسطينية وترى الرصاص الحى المخترق جدرانها او حتى
ترى اثار الدماء ان اعتليت منزل على الجانب الاخر ؟
قتلت اسرئيل ما يزيد عن 1900 شهيد ناولوا الشهادة والجنة بأذن الله
واصابت اكثر من 5700 شخص باعاقة دا حقيقى
لكنها ودون ان تقصد اثمرت فى

سقوط الاقنعه عن كل حكام العالم المتحالفين معها والمواليين لها
عرفنا انه لا معنى لا للديمقراطية المزعومة ولا للحرية الرأى

وجهت العالم كلها لغزة العزة

فى رفح استقبالنا الوفد البريطانى القادم طاقمة بريطانيا المانيا اسكتلندا

بولندا تجمعوا من كل اوروبا ليدخلوا الى غزة بادوية واطقم طبية واكل
لقد ساهمت اسرائيل فى معرفة العالم كله بمدى حقراتهم ومعانه فلسطين
فى طريق العودة الى الجانب الاخر من قناة السويس وفى كل قرى سيناء
الشمالية خرجوا الاهالى نساء ورجال واطفال فى استقبال المعونات والوفود
الاتية لغزة بفرحة ورقص واكاليل من الجريد ( اوراق النخيل ) وكأنة عرس
وبادلهم الوفود بالتهدئة او الوقوف لتبادل التحية ومشاركتهم الفرحة
وكأنه عرس لغزة ولابنائها الشهداء
مشاركة اهلية جميلة من ابناء سيناء لاخوانهم وذويهم فى فلسطين ؟!!
حتى سائقنا الذى قاد بنا الباص كل شوية الف وارجع ؟
عايز يرجع رفح يشارك الناس هناك ويحاول يساعد بقدر امكانة فى وصول الوفود والمساعدات
تجمع شعبى واتحاد لا مثيل له ولا تستطيع اى حكومة فى العالم تجميع قلوب الناس ولا تحريضهم
على المشاركة او الشعور بهذة المشاعر

باختصار غزة لن تموت لكن لابد لنا ان نفيق لان ارضنا مسلوبة
بحاول ارفع الفيديو والله على اليوتيوب ليراه العالم
ان غزة لن تموت واننا معهم وان كرهت الحكومات







اسفة والله للتأخير بس رفح بس حكاية
وما تشعره هناك وانت على ارضك ولا تستطيع الحركة اكبر من ان يوصف بكلمات فى اى مدونة
ايضا مدى شقاء اهلها وقلة حيلتهم

59 التعليقات:

  الربان

الأربعاء مارس 18, 02:08:00 م 2009

تحياتي أختي العزيزة و الفاضلة

أحييك و (ارفع لك القبعة )... علي جهدك و مثابرتك.

انا معك...و الجميع معك..ان غزة لن تموت...و لن تضيع....
لكن ايضا ارجو ممن يتقلدون الامور هناك
الرحمة باهل غزة....الدمار و الخراب الذي حدث... كان شديدا علي اهل غزة
و اطفالها...مبانيها و منشأتها...و المقابل لم يستجد جديد للان...

اتمني ان ينتبه الاخوة الفلسطينين و يتركوا صراع المصالح و السلطة...مثل من يقف علي معبر رفح حماس ام فتح؟
ان ينظروا فقط الي مصلحة شعب فلسطين.


تحياتي و تقديري لحضرتك .

  نهر الحب

الأربعاء مارس 18, 02:27:00 م 2009

السلام عليكم
شكرا لك ربان والله دا كتير على
بس فعلا المكان هناك محتاج اعادة نظر لان الناس حالتهم بجد صعبة جدا الحرب والخوف مدمراهم

وانا معك انشاد كل مسلم حق فلسطينى حق ان ينحى الخلافات جانبا لصالح فلسطين


تحياتى واحترامى لك ربان

  رئـــــيسـة حزب الأحلام

الأربعاء مارس 18, 05:10:00 م 2009

ربنا يعين اهل فلسطين يارب
وربنا يحفظهم من كل سوء
ويارب فعلا هم من داخلهم يتحدوا لان فى اتحادهم هيقدروا يعملوا حاجات كتير
ازيك ياقمر وحشانى
سلميلى على نسمه ويارب دايما فى سعادة يارب
تحياتى لكى ياقمر

  نهر الحب

الأربعاء مارس 18, 05:49:00 م 2009

امين يارب العالمين
شكرا رئيسة حزب الاحلام نسمة كمان بتسلم عليكى موت
ربنا يوفقك يارب ونلتقى على خير ان شاء الله

  محمد الجرايحى

الأربعاء مارس 18, 06:27:00 م 2009

السلام عليكم ورحمة الله وبركاته
أختى الفاضلة: إيناس
نحن فى عصر لم تعد تجدى معه الأقتعة
لذلك سقطت ولن تعود إن شاء الله
كلامك عن أحوال الأهل هناك حرك الكثير من المشاعر والأحاسيس ..
ونحن نحاول بقدر المستطاع أن تكون لنا يد
والتوفيق من الله .
بارك الله فيك أختى وأعزك
وأكثر من أمثالك

أخوك
محمد

  موناليزا

الأربعاء مارس 18, 07:57:00 م 2009

مش عارفة أقولك ايه ولا اعبرلك عن مدى فرحتى واندهاشى بمجهوداتك ازاى
بجد ربنا يكرمك ويجازيك خير الجزاء

  نهر الحب

الأربعاء مارس 18, 09:03:00 م 2009

أ/ محمد
اعزك الله والله الناس هناك حالتهم بجد صعبة جداا والبلدة تكاد تكون مهجورة الا من الجنود اللى كمان حالتهم صعبة
ربنا يحميهم ويحفظهم يارب

شكرا لك

  نهر الحب

الأربعاء مارس 18, 09:08:00 م 2009

موناليزا
بس ادعى لى يا اختى ربنا يهدينى ويهدى بى ويرزقنى حسن الخاتمة
جزاكى الله خيرا
وحشتينى جدا على فكرة

  ماما أمولة

الأربعاء مارس 18, 09:50:00 م 2009

نهر الحب حبيبتي

يا نهر الصدق والوفاء

مهما عبرت باجمل الكلام فلن يوفيك حقك

يابت بلدي يا أصيلة

  norahaty

الأربعاء مارس 18, 09:56:00 م 2009

السلام عليكم ورحمة
الله تعالى وبركاته
لى قريب يسكن رفح المصرية
رسم لنا فى زيارة سابقة
ما تحكين عنه من أحداث
أطفاله الان يفزعون لاقل صوت
من تـأثير القصف المدفعى على غزة
لا يملك ان ينتقل لبلدة اخرى
ولا يريد ان ينتقل
لبلدة اخرى
ولكن الوضع
صعب جدا
هناك
الله معهم الله معهم الله معهم

  نهر الحب

الأربعاء مارس 18, 10:56:00 م 2009

ماما امولة
شكرا لى اللهم اغفر لى ما لا يعلمون
جزاك الله خيرا
انتى الافضل باذن الله

  نهر الحب

الأربعاء مارس 18, 11:00:00 م 2009

نور حياتى
كيف حالك فعلا الوضع هناك مأسوى كان الله فى عون اهل رفح
واهل غزة

الله معه

  جنّي

الأربعاء مارس 18, 11:06:00 م 2009

السلام عليكم

حمدا لله على السلامة .. والف سلامة شفاكي الله وعافاكي ..

رحلة طيبة لرفح ربنا يتقبل منك ان شاء الله ..

فرق كبير بين المواقف الشعبية التي تعبر عن أصالة الشعوب وانها لازالت حية ..

وبين الحكومات التي ماتت وتعفنت منذ زمن بعيد ..

تحيتي

  شفقة هانم واحسان بك

الأربعاء مارس 18, 11:35:00 م 2009

طبعا احنا كنا اول ناس نعرف منك مشوارك مع رفح لكن بجد انا كنت بقرا البوست وانا مستمتعة بكل كلمة وكل تعبير فيه
بجد انتى هايلة يا ايناس ربنا يارب يباركلك ويكرمك ويجعلك فى كل خطوة حسنة
شفقة

  هانى زينهم

الأربعاء مارس 18, 11:40:00 م 2009

والله بعيد عن المجاملات انا مبسوط ان لسة فى حد زيك كدة . فى قضية فى حياته مقتنع بيها وعنده استعداد يتعب عشانها من غير مقابل . وطول ما فى ناس زيك كدة الدنيا هتفضل بخير .تحياتى ودعواتنا لاهل فلسطين وغزة .

  مدونة رامز عباس تنتظر ردك

الأربعاء مارس 18, 11:58:00 م 2009

سمعت من المدونة بطة بكر انكم هتعملوا

اجتماع للمدونين ولقاء للمعاقين

وانا كناشط معاق وابرز من في الساحه

جائلاً من اجل حقوقنا اود معرفه التفاصيل


واستغرب عدم تواصلك معانا انا ومدون معاق اخر


وانا اعلم ان الاخت بطه قامت بالازم

  وومن

الخميس مارس 19, 12:03:00 ص 2009

ايناس

أزيك عاملة ايه انتي وحشاني خالص

معلش مقصرة في الزيارة اليومين اللي فاتوا دول

ربنا يجازيكي خير يارب ويقدرك ويقدرنا أحنا كمان اننا نعمل اي حاجة

  Gannah

الخميس مارس 19, 01:48:00 م 2009

بوست جميل يا ايناس واجمل ما فيه اصرارك على ان القضية لم تنتهى بعد
وده حقيقى جداا
سيناء كلها مشكلة كبيرة لاننا وافقنا على اتفاقية تجعلنا بلا سيادة حقيقية عليها و تقيد عدد قواتنا وحجم المشاريع وادعاء اى شىء غير ذلك هو كذب مفضوح
اذا شعر الاهالى انهم لا مدافع عنهم فلا نلومهم اذا شعروا انهم لا ينتمون لمصر
حكومتنا تدعى انها لا ترى ولا تسمع وتترك الاهالى يتصرفون بلا معين ولا مساعد
ربنا موجود وقادر
احييك مرة اخرى على مجهودك الرائع
تحياتى

  حسن حنفى

الخميس مارس 19, 02:17:00 م 2009

اثابكم الله علي كل هذه المجهودات وثبتكم

  نهر الحب

الخميس مارس 19, 05:13:00 م 2009

جنى
وعليكم السلام
جزاك الله خيرا
فعلا يا جنى هناك فروق كبيرة بين الشعوب وبين الحكومات الصامتة
تحياتى واحترامى

  نهر الحب

الخميس مارس 19, 05:14:00 م 2009

شفقة هانم
ازيك يابنوتة عاملة اية
ربنا يخليكى يارب
فعلا رفح تستحق ان تزار لان بها الكثير من الحكايات التى تشعر فقط
تحياتى واحترامى لك

  نهر الحب

الخميس مارس 19, 05:16:00 م 2009

هانى زينيهم
جزاك الله خيرا
واللهم اغفر لى ما لا يعلمون واجعلنى خيرا مما يظنون
بارك الله فيك

  نهر الحب

الخميس مارس 19, 05:18:00 م 2009

رامز عباس
اهلا بك اخى شرفت مدونتى والله
وشرفت بك جدا
ان شاء الله سننظم فى بورسعيد يوم للاطفال ذوى الاحتياجات الخاصة وسيكون معنا اخواننا المدونين !!
وغالبا ان شاء الله دا هيكون اول جمعه فى ابريل بأذن الله تعالى

  نهر الحب

الخميس مارس 19, 05:19:00 م 2009

وومن
ازيك يا ميرا وحشانى والله جدا
انا كمان مقصرة جدا فحقك على
يارب تكونى دايما بخير

  نهر الحب

الخميس مارس 19, 05:22:00 م 2009

جنة
وحشانى جدا والله
اية اخبارك يارب تكونى بخير انتى وطنط ومنى صى يا جنة ما يشعر به اهل رفح كلنا شعرنا به وكلامك صحيح جدا للاسف
عارفة اسرائيل لو عطست هتدخل بورسعيد مش بس سيناء؟؟؟؟
ودا شئ مضايقنى جدا والاهم اننا على ارضنا ومش عارفين نتحرك
ولا نعمل شئ وكأننا اغراب
شعور رهيب ان يكون بينك وبين احبائك المحتاجين لك اقل من 50 متر ولا تستطيعين العبور تريهم وتسمعيهم وهم يموتون
ونحن هنا ننتظر الدور
ولا حول ولا قوة الا بالله


ربنا كريم

  نهر الحب

الخميس مارس 19, 05:23:00 م 2009

حسن حنفى
اللهم امين اللهم امين اللهم امين
يارب العالمين
جزاك الله خيرا على الدعاء الجميل

  أ / أحمد عبد المنعم

الخميس مارس 19, 07:20:00 م 2009

بسم الله الرحمن الرحيم
دعوة عاجلة للزيارة
لزيارة مدونتى " أمــــى "
لرؤية هديتى لأمى فى يوم الأم
آسف لعدم التعليق على الموضوع الآن .

  ذو النون المصري

الخميس مارس 19, 09:46:00 م 2009

سعيد جدا بمشاركتك في هذه المجهودات الخيريه .لكن ارغب في معرفة هل تتبع جهودك جهة ما ام انها فرديه تطوعيه
تحياتي

  نهر الحب

الخميس مارس 19, 11:27:00 م 2009

أ/احمد
رحم الله والدتك ووهبها الجنة
وانا بالفعل دخلت مدونتك
تحياتى واحترامى الشديدين

  نهر الحب

الخميس مارس 19, 11:30:00 م 2009

ذو النون المصرى
اهلا بك
وشاكرة لك اطرائك
والله يا اخى العم الجماعى فى الاول بدء فردى دون اى جمعية اهلية حالية انا عضوة الهلال الاحمر المصرى وحماة المستقبل وادعو الله ان يجعل اعمالنا خالصه لوجهه الكريم
تحياتى واحترامى

  maha zein

الجمعة مارس 20, 12:23:00 ص 2009

ما شاء الله
ايه ده انتوا طلعتوها تبع مين
يعني روحتوا رفح تبع ايه

ما شاء الله بجد
ربنا يبارك فيكم
مازال انشغالكم واضح ولا ينقطع
بامور غزة وفلسطين
ربنا يباركلكم جميعا وينصر اهالى غزة
والمقاومة
يا ريت تنقليلنا اللى شفتيه هناك بالظبط ويا ريت ترفعي الفيديو

ربنا يجعله في ميزان حسناتكم

  Son of Egypt

الجمعة مارس 20, 12:49:00 ص 2009

السلام عليكم

عزيزتى نهر الحب اعتزر عن التأخير للمتابعه منذ اكثر من شهر لم ادخل اى مدونه ولا اعلم ما الذى دعاكى الى هذه الزياره ولكنى وانا اقرأ البوست احسست بحنين الى هذه المنطقه وكم تمنيت ان ازورها
لكى كل التقدير والإحترام على تعبك ومجهودك الوفير

وتأكدى ان غزه والمسلمون لن يركعوا ابدا لا لصهيونى ولا لحكومات تطبع مع الصهاينه ولا من يساندهم
تأكدى من هذا جيدا

وعزرا للتأخير مره ثانيه
وتمنياتى لكى بالتوفيق الدائم

  تايه في وسط البلد

الجمعة مارس 20, 02:32:00 ص 2009

اهلا ايناس

حمد الله علي السلامة مرتين

لم اكن اعرف انك ذاهبة الي رفح ولكن اعرف ان البلدة تستحق

ان الذين يستسهلون الحديث عن مصر وانسلاخها عن العرب المحيطين بها للأسف لم يكلفوا انفسهم ملرة واحدة ان يذهبوا الي هناك ليروا عم يتحدثون

عن الشارع الذي نصفه في مصر ونصفه في فلسطين
وعن البشر الذين اختلط فيهم العرق واللهجة الشاميتين فذابا

كل التحية يا ايناس

  mahasen saber

الجمعة مارس 20, 01:34:00 م 2009

نوسه ازيك يا جميله

يا رب تكونى بالف خير وكويس قوى انك لسه متابعه موضوع غزه

ربنا يكرمك يا نوسه ويجازيكى خير

  نهر الحب

الجمعة مارس 20, 03:25:00 م 2009

مها
ازيك يا قمر اية اخبارك وحشتينى انتى كمان يارب تكونى بالف خير
انا رحت مع الهلال الاحمر لاستقابل الوفود البريطانية والاوروبية
وطبعا لانها قضية اسلامية فى المقام الاول ولن ننساها ابدا
تحياتى وحبى

  نهر الحب

الجمعة مارس 20, 03:28:00 م 2009

ابن مصر
يا مرحبا
ولا يهمك المهم انك بخير حال
والله البوست لم يصف ما شاهدناه هناك
من الم وحزن على تلك البقعه الغالية
جزاك الله خيرا وان شاء الله تكون بافضل حال ولا تغيب تانى

  نهر الحب

الجمعة مارس 20, 03:33:00 م 2009

تاية فى وسط البلد
اه الشارع اللى نصفة مصرى والاخر فلسطينى صلاح الدين !!!
كم هو حزين هذا الشارع بجد
والله البلدة هناك تأخذك لتفكر وتستشعر ما لا يمكن ان يصف او يكتب فى كتب عن مدى الحنين للوحدة العربية
البلدة كلها مهجورة ومتألمة وفقيرة ووو
الى ما لا نهاية
تحياتى كل تاية

  نهر الحب

الجمعة مارس 20, 03:36:00 م 2009

محاسن صابر
ازيك يا قمر اية اخبارك انا الحمد لله
وربنا يقدرنا0000
غزة لا تنسى ابدا ولا العراق ولا اى مكان يتكلم العربية ويسبح بأسم الله


تحياتى وحبى

  مجداوية

الجمعة مارس 20, 07:13:00 م 2009

السلام عليكم

هنيئا لك أختي الحبيبة بزيارتك وبمجهودك الذي أغبطك عليه واٍال الله أن يضعه في ميزان حسناتك

فنحن دائما وأبدا نردد دعاء أن يرد الله كيد أعدائنا الى نحورهم وها أنت تبشرينا باستجابة دعاءنا إن شاء الله

صحيح أن منا الكثير أفاق من غفلته وأن كثير من الناس على مستوى العالم انتبهوا الى القضية وظلم الصهاينة وجرائمهم لكننا ما زلنا في حاجة الى المزيد من الصحوة والتذكرة ومثل ما تقومين به هو خير وسيلة فبارك الله في عمرك ونفع بك وجزاك عنا كل خير

  نهر الحب

الجمعة مارس 20, 09:51:00 م 2009

مجداوية
اهلا بك وجزاك الله خيرا على الدعاء
فعلا منا الكثيرين افاقوا ومنا من لم يفيق بعد لكنا نسأل الله عزوجل ان تفيق الامة
ويتقبلنى بقبول حسن
تحياتى وحبى لك اختى فى الله

  مدونة رامز عباس عاوزة توضيح

السبت مارس 21, 12:11:00 ص 2009

اختي اشكرك لتعليقك


بس بتعليقك عن بطة بتقولي في لقاء ببورسعيد


عرفيني بيه
علشان احضر انا والوفد بتاعي من المعاقين

  Beram ElMasry

السبت مارس 21, 11:41:00 ص 2009

السلام عليكم ورحمة الله وبركاته
عزيزتى الغالية ،انت ام اليوم او غدا ، فكل عام وانت بخير فى عيد الام ، وان كنت تتمنين لطفلك ان يحيا امنا فلقنيه ان الاسرائيلى شر كله ، فلا يامنه برهة ، ولا يسالمه مدى الحياة

يهودى يعنى حنش احسن دوا تقطعوا راسه
كلام نقوله لنسلنا نطبعوا فى كتابه وكراسه
لك تحياتى والسلام عليكم ، ولا سلام مع اليهود
بيرم المصرى

  WhItE HeArT

السبت مارس 21, 02:25:00 م 2009

ياربي

احزنتني كلماتك كتير

ربنا معاهم

تحياتي

  ahmed_k

السبت مارس 21, 02:36:00 م 2009

بارك الله فيكي يا إيناس على مجهوداتك الضخمه وجهادك المستمر
فبالفعل معاناة أهل رفح المصريه ما هي إلا مرآة لمعاناة أهل غزه ولكن تظل معاناة الأصل أكبر من الظل
فأسأل الله أن يثبتهم ويقويهم
فهم رمز عزة هذه الأمه وعنوان مقاومتها للظلم والطغيان

تقبلي خالص تحياتي

  نهر الحب

السبت مارس 21, 06:15:00 م 2009

رامز عباس
شرفنى مرورك واكيد ان شاء الله هأبلغك
بما يحدث وجديد التطورات لكن للاسف هناك بعض المتاعب فى تحديد الميعاد والله الموفق

  نهر الحب

السبت مارس 21, 06:18:00 م 2009

استاذنا بيرم التونسى
اهلا بك ولكل ثانية وحضرتك بخير
فعلا صهيونى يعنى اعنف واقذر مخلوقات الله
ولن انسى ابدا حين يرزقنى الله طفلا ان اعلمه ان اليهود هم من سرقوا ارضنا ودنسوا مقدستنا وزورا التاريخ
لصوص الحضارات
تحياتى واحترامى

  نهر الحب

السبت مارس 21, 06:19:00 م 2009

القلب الابيض
ازيك يا محمد
والله ستحزن اكثر ان رأيت ارضنا المسلوبة ومدى تعب وحزن اهلها او ما بقى من اهلها


تحياتى

  نهر الحب

السبت مارس 21, 06:21:00 م 2009

احمد ك
اهلا بك اخى فى الله
أأأأأأمين يارب العالمين
جزاك الله خيرا على الدعاء
وفعلا اسأل الله ان يثبت اهل رفح واهل غزة وكل بلاد الاسلام على ما بهم من الالم
وجروح
تحياتى

  سمكه واحده

الأحد مارس 22, 01:11:00 ص 2009

عارفه
ربنا يبارك فيكي ويجزيكي كل خير
طول ما في ناس ذيك كده
لسه في امل وامل كبيركمان
مش عارفه اقلك ايه
لان مهما قلت مش هوفيكي حقك
يارت الواحد يبقي في ربع مجهودك
ادعيلي
ربنا يسعدك ويرضي عنك

  نهر الحب

الأحد مارس 22, 01:58:00 ص 2009

سمكة واحدة
استغفر الله العظيم
اللهم اغفر لى ما لا يعلمون واجعلنى خيرا مما يظنون
يا سمكة انتى افضل بأذن الله تعالى
متقوليش كدة
ربنا بس يحسن خاتمتى
ويغفر لى ولوالدى
وللمسلمين

  مصطفي ريان

الأحد مارس 22, 02:31:00 ص 2009

عندك حق في كل كلامك
لوقدرنا نفوق دة احنا هنحقق المعجزات لأننا اقوياءجدا مش زي ما اعدائنا بيحاولو يوهمونا او احنا فاكرين نفسنا ضعفا
تحياتي لك ودمت بكل الخبر

  ادم المصرى

الأحد مارس 22, 04:41:00 ص 2009

الله يكون فى عون كل من يحتاج العون ان كانت هذه غزه ام العراق ام افغانستان

ام اى بلد يذكر فيها اسم الله ونبيه صلى الله عليه وسلم

وكل عام وانتم بخير

  Foxology

الأحد مارس 22, 12:26:00 م 2009

وصف جميل ومؤثر لبقعة منسية من ارضنا

تحياتى

  z!zOoOo

الأحد مارس 22, 04:57:00 م 2009

السلام عليكم

نهر الحب يارب تكوني بخير

جئت فقط من أجل الاطمئنان علي الاحوال

ولي عوده أخري للقراءه والتعليق علي ما نشر

اسئل الله ان تكوني في افضل حال

في رعايه الله

  نهر الحب

الأحد مارس 22, 05:02:00 م 2009

مصطفى ريان
اهلا بك
فعلا لن نموت ابدا طلما اننا نحاول
والله المستعان

  نهر الحب

الأحد مارس 22, 05:03:00 م 2009

ادم المصرى
اهلا بك وكل عام وانت بخير
وكان الله فى عون اهلينا فى كل مكان

تحياتى لك

  نهر الحب

الأحد مارس 22, 05:06:00 م 2009

Foxology
هى فعلا منسية غائبة مغيبة عنا
وربنا يكرمنا ونرجع ارضنا المسلوبة

  نهر الحب

الأحد مارس 22, 05:13:00 م 2009

z!zOoOo
ازيك
كيف حالك بجد نورت المدونة
ويارب تكون دايما بخير
تحياتى واحترامى

  فضفضه اقلامى

الجمعة مارس 27, 10:05:00 م 2009

السلام عليكم..

يسعدنى ويشرفنى جدا وجودى على مدونتك
يوم زيارتنا لرفح كان من اجمل ايام حياتى بجد..رغم الاحساس بالقيد اننا مش قادرين نساعد اخواتنا اللى فعلا احنا محتاجنهم اكتر ماهما محتاجناالا ان الفرحة واحنا راجعين وشايفين القافلة البريطانية ادانى طاقة كبيرة جدا وادانى روح جديدة كلها حياة بمعنى الكلمة

اخواتنا فى غزة شرف للعروبة وشرف لينا انتمائهم للعرب
لان هما على قدر ابتلائهم الا انهم على مستوى عالى جدا من الرقى الذاتى والقوة الداخلية والشجاعة الروحية
اى طفل منهم اقوى بكتير واشجع من كتير منا
اللى بيحصلهم ده اختبار للانسانية كلها..فيه منا اللى استجاب ونجح فى الاختبار وتعاون فعلا وفيه تانين كانوا لابسين قناع مزيف بس الحمد لله بانوا على طبيعتهم وعرفنا اوى مين الانسان ومين اللى ميستحقش ينسب للانسانية باى شكل ان كان

لكِ الله يا غزة العزة والكرامة!!
واعتراف منى بحبى لاهل غزة فى الله