بحث هذه المدونة الإلكترونية

مجلس الشورى واسطبل عنتر؟

تحديث
اعترض بشدة بناء او تجديد مجلس الشورى
وانصح بالكتفاء الذات بلا وجع دماغ كمان حرام الاعضاء بيتعبوا فى المواصلات
ويجوا من اخر الدنيا؛ والدنيا حر واذا كان ولا بدل خلاص انقلوهم مارينا فى الصيف
وممكن اسوان فى الشتاء 000 بس الكلام دا انا مش هدفع فيه فلوس لانى اصلا مش معايا فلوس
ولا وظيفة ولا زواج ولا تامين صحى ولا معاش ولا اى حاجة يعنى ربنا يخلى الحاجة
ويخلى اباء وامهات الشباب اللى بيصرفوا عليهم زى كدة
والاكنا كمان تحولنا بسهولة لاسطبل عنتر ( بالعربى المصريين عايشين بالستر وقدرة ربنا )
مش بمجهودات الحكومة 00 محديش يتفلسف ويقول زيادة اسعار ولا ضرائب ولا رسوم طرق ولا اى حاجة


أستبطل عنتر




دعينا بناء على طلب قوس قزح واستاذ
احمد كمال

لعمل حملة بأسم بؤجة الخير

وبصراحة قلنا ومالة نروح ونحاول كمان نعملها عندنا فى بورسعيد
ورحنا من باب كسب الثواب ولقاء الاحبة
لكن هالنى ما شاهدت من اناس فقراء على باب المسجد فى حالة من الفقر والمرض
فى حاجة ماسة للمساعدة لكن كرامتهم تأبى ان يبيح لسانهم بطلب الصدقة
او حتى محاولة ان يشعروك بحاجتهم للمساعدة رغم وضوح الحاجة عليهم




استقبلتنا مدام صبرية
ووضعنا اقل من القليل بكثير فى خزانتهم
وصعدنا معنا لتشرح لنا ظروف تلك المنطقة التى فعلا لم اكن اصدق ان هناك مثل تلك
المناطق المتكدسة بالالم والمرض
عرضت علينا فيلم تسجيلى قبيل الانطلاق فى جولة حرة للتعرف على احوال الناس فى تلك
المنطقة الا ادامية
اولا المنطقة بلا خدمات اساسية ولا مياة صالحة للشرب وكأنهم ليسوا بشر
او ان ليس لهم حق فى الحياة ولا حول ولا قوة الا بالله


مجرد 00000 لا قيمة لهم ولا وزن * وان فقط 30% فقط من سكان المنطقة هم الذين لديهم مقدرة على
الانقاف بشكل ثابت اما الباقى ف على الله زرقهم
حالة المرض منتشرة بشكل كبير جداا بين كل فئات تلك المنطقة العشوائية
ان الاسر اغلبها تعيش فى غرفة واحدة ومنهم من يشترك دورات المياة الغير مغلقة مع غيره من الاسر
( ولك ان تتخيل ) مدى الذل والمهانة

دورات المياة فى بعضها بلا ابواب تحميهم او تستر عوراتهم او حتى تقى نسائهم شر ذئاب البشر
مش هطول هقول لكم على طول شفنا اية فى الفيلم كمان
شوفنا ذلك الشاب الذى باع كليتة ليعالج امه التى سارعتها المنية ؟؟
لا طال كلية ولا طال امة 0000

وتلك القتاة ذات الرابعه والعشرين التى مانت فى عز شبابها
بالسرطان الذى اكتشف فى وقت متأخر جداا نتيجة للجهل والفقر
ذلك الشاب الذى ضحك عليه فسرقت كليتة فتحول لسمسار تجارة اعضاء بشرية
هناك فى تلك المنطقة شاهدت ما تخيلته ضرب خيال او ذلك الكابوس الاسود البعيد البعيد
عنا وعن واقعنا لم اتخيل ان الواقع مؤلم لهذا الحد

هناك تنشتر جماعات تساعد
هؤلاء الناس لهم اغراض غير سوية بالمرة

0000 هناك تجارة اعضاء 000 هناك مرض وجهل
وفقر شديد جداا
بس فى وسط السواد دااا



سؤال الى عضو مجلس الشعب ؟؟؟



انا عايزة اعرف فين الباشا عضو مجلس الشعب او الشورى الموقر؟؟
هل منتظر بنت البلدة التى تبعد 350 عن المكان لتدله عليه ؟؟؟
ام انه ياحرام لا يعرف الطريق 000 بلاش من باب الواجب
فين زكاة المال اللى بتطلعها ؟؟؟ فين الصدقة ؟؟؟؟
فين مسئوليتك تجاة 1000 اسرة معدمة من اصل 2500 اسرة تقريبا
فين ضميرك فين ضمير الناس اللى بتاكل وتشرب وتنام مرتاحة وفى ناس مش لاقية حتى
اللقمة ولا ملابس تستر بدنهم من عيون الناس مش من البرد لان دا رفاهية بالنسبة لهم


وقال اية عايزين يبنوا مجلس الشورى ومجلس اتحاد ملاك ارواح الفقراء
بلا كلام فارغ بلاش تلاعيب بنا
هو لازم يعنى تجى مساعدات خارجية لازم ننشر عيوبنا وقذارتنا على الناس
لازم نبان تانى متسولين ويكون منظرنا اننا ناس بتطلب الصدقة والعطفة !!


ونقول ان مفيش حد فى البلد دى شايف شغلة ومفيش حد يهمه غير نفسه وبس 000


125 التعليقات:

  كاتب مصري

السبت أغسطس 23, 04:22:00 م 2008

أنا عملت حملة لمساعدة الناس دي بس للأسف الناس مش مهتمة لكن أنا ليه عند كلامي يلا ونساعد الناس دي
على فكرة هتلاقي الكلام ده في مدونتي أوراق وأسرار مش آخر بوست الي قبله والي قبله هتلاقي الموضوع فيهم
كل ودي وياريت تراسليني على ايميل الحملة

  نهر الحب

السبت أغسطس 23, 04:54:00 م 2008

كاتب مصرى
اهلا بك
حاضر عيونى

  كاميليا

السبت أغسطس 23, 05:14:00 م 2008

ثلاث لقطات

تحمل هموم بلد

ولكن
الى متى؟؟




وحشتينى

تحياتى وحبى

  salwa

السبت أغسطس 23, 05:29:00 م 2008

السلام عليكم اخت نهر الحب
للاسف هذه حال كل الوطن العربي
لن ننجح الا بالتعلم و قراءة الامور بالشكل الصحيح ..........
رائع تصويرك للواقع
لكى مودتي
سلوى

  نهر الحب

السبت أغسطس 23, 05:29:00 م 2008

كاميليا
فعلا ربنا يكرم الناس دىىى
ويكثر من امثال فعالى الخير
قوس قزح واحمد كمال

والله انتى وحشتينى اكثر

  نهر الحب

السبت أغسطس 23, 05:42:00 م 2008

سلوى
اهلا بك دائما تنورنيى بوجودك
فعلا للاسف حالة الناس قاسية جداا
وربنا وحدة هو اللى عالم بها
وفعلا العلاج بالتعليم والعمل

  أكون او لا أكون

السبت أغسطس 23, 07:26:00 م 2008

لا حول ولا قوة الا بالله...
كلكم راع وكلكم مسؤول عن رعيته...
حالات الفقر انتشرت بكل مكان من الوطن العربي... وهذا نتيجة اهمال المسؤولين... حتى تفاقمت المشكله... ولم تعد تحت السيطره...
لكن الشباب خير وبركه...
اذا كان المسؤولين لاذمه ولا ضمير... هل سنترك الابرياء يموتون جوع؟؟؟... ونحن ننتظر ضمائرهم ان تصحى من الغيبوبه؟؟؟...

  موناليزا

السبت أغسطس 23, 07:27:00 م 2008

حسبى الله ونعم الوكيل
والله تسلمى على البوست ده يمكن حد مسئول يقرأه ويعرف ان مسئوليته مش انه يقبض مرتبه اخر الشهر وبس

  شهرزاد

السبت أغسطس 23, 07:30:00 م 2008

أختي نهر الحب
موضوعك يثير الشفقة فعلا
ويثير إحساسنا بأننا نعيش بألف نعمة
ما دمنا نملك الطعام والشراب والعلاج والمأوى

ويقع جزء من ذلك تحت مسؤوليتنا
فكيف يغمض جفن الغني وهو يعلم أن بجواره يسكن فقير ولا يجد لقمة العيش؟
للأسف في الواقع أننا فقدنا الإحساس

فأجمل ما يدخل السعادة إلى النفس هو الإحسان ومساعدة الآخرين الضعفاء الفقراء

لقد فقدنا ذلك الإحساس للأسف

أحييكي بشدة على إثارتك لمثل هذا الموضوع

وألف تحية لك

  المحارب المتيم

السبت أغسطس 23, 07:40:00 م 2008

نهر الحب

انا للاسف كان نفسى اشارك فى الحملة دى لكن انا فى اسيوط دلوقتى ومقدرتش اشارك

بس تتعوض ان شاء الله

للاسف الصرة اللى نقلتيها غاية فى البؤس اتمنى أن ينصلح حال يالجميع ان شاء الله تتكر مثل هذه الحملات فدة اجب علينا بردو
تحياتى

  نهر الحب

السبت أغسطس 23, 09:07:00 م 2008

اكون او لا اكون
فعلا هم بلا ضمير ولا حياء من الله عزوجل
ولا قلب يخشى حتى ان يصبحوا كذلك يوماا
لاحول ولا قوة الا بالله

  حسن حنفى

السبت أغسطس 23, 09:10:00 م 2008

ربنا يوفقكم

يارب

وفكره جميله

  نهر الحب

السبت أغسطس 23, 09:10:00 م 2008

موناليزا
للاسف الواقع امر واشد قسوة والم مما وصفت الالف المرات
تخيلى مافى فرق يذكر بين هذة المنطقة وحى المعادى يعنى لو تذكى اهل المعادى لكفلوا اهل تلك المنطقة
ولا حول ولا قوة الا بالله

  نهر الحب

السبت أغسطس 23, 09:14:00 م 2008

شهر زاد
هل يملك احدنا غدة ؟؟
هل يستطيع احد ان يضمن ما يحله به ؟
والله ياشهرزاد حالتهم اكثر بؤس مما وصفة بكثير ولا حول ولا قوة الا بالله
الله معهم
ويكرم قزح ورحايا العمر على الفكرة

  نهر الحب

السبت أغسطس 23, 09:18:00 م 2008

المحارب المتيم
والله يا عرفة اكثر بكثير مما وصفت وكأنهم ليسوا بشر فى حاجة لحياة كريمة وان كانت فقيرة
لكن يملئها كرامة
عارف ياعرفة حتى دورات المياة
فى بعضها بلا ابواب تحميهم او تستر عوراتهم او حتى تقى نسائهم شر ذئاب البشر
اقول اية حسبى الله ونعم الوكيل

  نهر الحب

السبت أغسطس 23, 09:21:00 م 2008

حسن حنفى
اهلا بك
بس دى فكرة قوس قزح واحمد كمال
جزاهم الله خيراا

  مدحت محمد

السبت أغسطس 23, 09:55:00 م 2008

يابنتى هما بيروحو المجلس

ويفرحو انهم بيطلعو فى التلفزيون


بس كدة

  nour shahen

السبت أغسطس 23, 10:28:00 م 2008

عندك حق فعلا فى كل اللي قولتيه ولا تعليق عليه
الحمدلله الذى عافانا مما ابتلى به كثير ممن خلق
ربنا معاهم ويفك كربهم
ويرحمنا بناس فعلا تحكم بالعدل
خالص ودى وتقديرى

  سومه...مجنونه فى بلد عاقل

السبت أغسطس 23, 11:30:00 م 2008

الاول سعدت جداا انى اتعرفت عليكى يوميها
وثانيا
عضو مجلس الشعب بياكل باتون ساليه وجاتوه بعدين مش فاضيلهم الله يعينه حياكل ولا ياكل الناس
بعدين يا بنتى مش اين عضو مجلس الشعب اين الاكبر من عضو مجلس الشعب؟؟؟
تحياتى ليكى سومه_87

  نهر الحب

السبت أغسطس 23, 11:38:00 م 2008

مدحت محمد
اهلا بك صح
عشان كدة اتحرق المجلس
بس للاسف وهو فاضى كانوا بيصيفوا

  نهر الحب

السبت أغسطس 23, 11:38:00 م 2008

نور شاهين
اهلا يا حبى اللهم فك كربهم وساعدهم
ولا حول ولا وة الا بالله

  نهر الحب

السبت أغسطس 23, 11:39:00 م 2008

سومة
بجد والله تشرفت جدا بمعرفتك
وربنا يجمعنا تانى على خير ان شاء الله
وفعلا هو بياكل والناس تجوع عادى يعنى

  EMMY BABY

السبت أغسطس 23, 11:41:00 م 2008

بجد انا والله زيك لحد امبارح كنت فاكرة ان ده مش موجود بس للاسف فعلا والله انا مش عارفة اقول ايه الناس دى فعلا محتاجنا بمجهودنا واموالنا محتاجة اللى يحس بيها ويخرجها من اللى هى فيه

بس نقول ايه لهم الله

موضوعك ده قريب لاخر بوست عملته وهو تجربتى فى القافلة بجد كان نفس الوضع

حسبى الله ونعم الوكيل فى كل اللى مسئول عند ده وتجاهل كل ده

تحياتى

ايمى

  أحمد كمال

السبت أغسطس 23, 11:47:00 م 2008

جزاك الله خيرا كثيرا على تعبك و سفرك و بؤجتك :) و كمان على إنك كتبتي الموضوع ده ، و الحقيقة دور كل واحد إنه ينشر المعلومات دي ، و يحاول يساعد الناس توصل للمحتاجين الحقيقيين .

جزاك الله خيرا كمان مرة ، و أحب أعبر لك عن تقديري لإيجابيتك و اشتراكك في كل مناسبات الخير .

تحياتي لك

  نهر الحب

الأحد أغسطس 24, 12:10:00 ص 2008

EMMY BABY
فعلا يا ايمى والله الواقع امر بكثير من الخيال ومهما تكلمنا او حتى صورنا لن نعبر عد ما يعيش فيه هؤلاء الفقراء
ولا حول ولا وقوة الا بالله

  نهر الحب

الأحد أغسطس 24, 12:13:00 ص 2008

احمد كمال
جزاك الله خيرا
انت فاعل الخير الحقيقى
وفعلا والله انا مش عارفة اقولك غير ان ربنا يأجرك ويجمعنا بالحبيب صلى الله عليه وسلم فى الجنة
وفقك الله لما يحب ويرضى

  عايزه اتطلق و

الأحد أغسطس 24, 01:09:00 ص 2008

مصر فيها مليون اسطبل عنتر زى ما فيها ملايين الاغنياء اليى عدوا خط الغنا الفاحش ومش حسين بالفقرا وعارفه ليه لانهم لغوا من حسابهم الدين وتعاليمه انا سمعت واحده بتتكلم عن اخوها انه بيفاصل فى مبلغ الزكاه اليى عليه وعارفه ليه لانه مش مصدق انه هيطلع مليون وكسور زكاه عن ماله برغم انه بانى من المساجد 3 مساجد وبيصلى وبيحضر دروس دين قوليلى بقه طبق ايه من الدين لما يستخسر الزكاه اليى هيا فرض فوق رقبته لازم يأديه مش مثلا سنه بمزاجه يعملها ولاا لا ...انا حاسه انى انفعلت اسفه مش كنت اتمنى اول تعليق يبقى فيه صدمه كده بس انا برضه لسه تحت تاثير الصدمه ...ربنا يلطف بيهم ويحنن قلب اى حد بيسمع عنهم او بيشوفهم..نهر الحب انتى نورتينى وشاكره ليكى زيارتك الجميله وشاكره لبابا خالد انه السبب فى زيارتنا ..كل رمضان وانتى بالف خير وربنا يكرمك ويجعل حماسك اليى فىالمدونه ده فى ميزان حسناتك..اسيبك فى رعاية الله وامنه..

  yoyo

الأحد أغسطس 24, 02:06:00 ص 2008

الحمد لله ربنا يديم علينا ما نحن فيه من نعمة ويصبر ويعين الاخرين على ماهم فيه
لو كل انسان اهتم بعمله بضميره وكل مسئول شاف عمله وراعى الناس دى اعتقد كان الوضع اختلف
جزاكى الله كل الخير على اثارة الموضوع دا
كل سنة وانت طيب رمضان كريم
تحياتى
يويو

  ahmed_k

الأحد أغسطس 24, 06:01:00 ص 2008

يا إيناس إنتي عارفه أن 30%من الشعب المصري بيعيش تحت خط الفقر بمراحل
وهذه الطبقه هي التي تخرج للمجتمع المجرمين واللصوص والبلطجيه
لأنهم فقدوا إنتمائهم لمجتمع بعدما شعروا أن مجتمعهم يرفضهم
ولكن مثل تلك الحمله التي شاركتي فيها لو كانت متكرره ومستمره لعلها تعمل مفعول السحر في قلوب هؤلاء فتتغير نظرتهم لمجتمعهم

ربنا يبارك فيكم وفي جهدكم الذي تشكرون عليه
وتجدونه في ميزان حسناتكم

تقبلي أخلص تحياتي

  NilE_QueeN

الأحد أغسطس 24, 07:14:00 ص 2008

احنا ف بلد اللى يدفع اكتر

وللاسف دول معاهمش حاجه يدفعوها

لا حول ولا قوة الا بالله

ناس تبعزق الاف وملايين وناس مش لاقيه مايه صالحه للاستخدام الادمى

  عاشــــــ النقاب ـقــــة"نونو"

الأحد أغسطس 24, 11:53:00 ص 2008

لا حول ولا قوة الا بالله
يبقى انت اكيد في مصر
معلش سوء تنظيم ما يروحوا مارينا
ولا دريم ولا مدينتي ولا ولا ولا
دة الفيلا ب2 مليون وبس
غريبة 100 واحد معهم مليارات بتاعتنا برضه
واحنا بنكح دم
حسبي الله ونعم الوكيل
هنهد المجلس وهنبنيه من قلبنا وهيرفعوا الضرايب والاسعار كمان
هتولع تاني
هقول ايه بس


على فكرة بعتلك الاضافة ل من بدري ليه ما قبلتيش؟؟؟؟
كل عام وانتي الى الله اقرب

  مصــــري..!!

الأحد أغسطس 24, 12:02:00 م 2008

نهر الحب

والله حاجة تغم النفس.

في القاهرة اللي هي المفروض العاصمة ألاف القري من هذا الطراز.

ورمضان علي الأبواب ومفيش للناس دول مصدر رزق محدد.

ربنا يسهل ونعرف نعمل حاجة.

تحياتي
أسامة

  دمعاتي

الأحد أغسطس 24, 01:46:00 م 2008

مجلس الشورى اتحرق
ومجلس الشعب محروووووق من زمان

ما فعلتوه هو الصواب
لو انظرناهم ليؤدوا واجبهم سوف ننتظر ما بقي من العمر

ربنا يعينكم على طريقكم
وربنا يشفي أعضاء مجلس الشعب والشورى

تحياتي

  شفقة هانم واحسان بك

الأحد أغسطس 24, 03:17:00 م 2008

انا زعلانة انى ما شوفتكيش امبارح فى الحفلة
كان نفسى اتعرف عليكى جدا

  نهر الحب

الأحد أغسطس 24, 04:26:00 م 2008

عايزة اطلق و
اهلا بك فى مدونتى
والله دى حاجة فعلا تغم النفس
بجد المكان هناك شديد الفقر والناس بسطاء بشكل كبير جدااوضعفاء وهناك الالف المستغلين لحالات الفقر والجهل دا
وللاسف حكومتنا الهمامة واقفة محلك سر
والله اعتقد لو اهل المعادى طلعوا ذكاتهم كانت مشكلة جيرانهم من اهل اسطبل عنتر دى اتحلت لكن اقول اية الله المستعان

  نهر الحب

الأحد أغسطس 24, 04:28:00 م 2008

يويو
الله اكرم
والله معك حق يا يويو كل واحد لازم يبدئ بنفسه بس كمان دا لا ينكر دور ما يسمونة بممثلى الشعب والشورى
ولا حول ولا قوة الا بالله
كل عام وانت بخير

  نهر الحب

الأحد أغسطس 24, 04:30:00 م 2008

ahmed_k
للاسف اعلم تلك المعلومة لكن مهما كان العلم يختلف كليا عن الرؤية
وعل فكرة يا احمد ان شاء الله هنروح تانى غالبا فى رمضان يارب تكون معنا
كل سنة وانت طيب

  نهر الحب

الأحد أغسطس 24, 04:31:00 م 2008

ملكة النيل
والله معك حق ناس بتعيش على مص دماء الفقراء وما لهم ولا قلب ولا عقل طبعا الا من رحم ربى
كل الاحترام لك

  نهر الحب

الأحد أغسطس 24, 04:34:00 م 2008

عاشقة النقاب نونو
فعلا يارب لا يبنى شورى ولا شعب احنا مش عايزين بجد مش عايزين
ومش معنا فلوس كمان ندفعها
اما عن فقراء القاهرة فاحلتهم وحده الله الذى يعلمها


ما شفت اضافتك والله ؟!!

  نهر الحب

الأحد أغسطس 24, 04:35:00 م 2008

مصرى
يارب نقدر نعمل شئ او حتى نلفت النظر لهؤلاء المساكين
ان شاء الله هنروح تانى فى رمضان

  نهر الحب

الأحد أغسطس 24, 04:37:00 م 2008

دمعاتى
اهلا بك
وفعلا مجلسى الشعب والشورى مجلسى الموافقة على طول الخط
ولا يعرفون ما هو معنى الفقر ولا الجوع
شكرا على التعليق

  نهر الحب

الأحد أغسطس 24, 04:38:00 م 2008

شفقة هانم واحسان بيه
انتم حضرتوا اللقاء ؟؟
انا مش شفتكم لية ؟؟

  ياسر

الأحد أغسطس 24, 05:49:00 م 2008

اذيك يا نهر

المهم هما عايشين كويس
وبيناموا كويس مش مهم الشعب
لازم يضحوا واذا كان عاجبنا
هما بيحجزوا افخم فنادق في اوربا
لي اجازتهم ومصايفهم
والناس مش طايلة حتي الفول ولاا العدس
المهم هما بيشربوا مياة معدنية
والناس مش لااقية حتي مياة نقية في الحنفية
واظن الصور الا حاطتيها كافية للتعبير
فائق احترامي وتقديري
تحياتي
رمضان كريم وكل عام وانتي بي الف خير

  همس الاحباب

الأحد أغسطس 24, 05:56:00 م 2008

لا حول ولا قوة الا بالله
جزاكى الله خيرا على المشاركة والحضور
وشكرا ليكى على هذا البوست الجامد
وتوضيح بعض الحقائق
وانى كان هناك 1000 اسرة فى اسطبل عنتر
فهناك ملايين الاسر فى مصر تعيش تحت مستوى حد الكفاف بمراحل
تحياتى ليكى ولكل بورسعيد

  نهر الحب

الأحد أغسطس 24, 06:43:00 م 2008

ياسر
والله الواقع امر
الله يستر عليهم ويصبرهم ويعينهم
رمضان كريم

  نهر الحب

الأحد أغسطس 24, 06:44:00 م 2008

همس الاحباب
انت كنت هناك وعارف
لاحول ولا قوة الا بالله
الله كريم ونتقابل تانى هناك ان شاء الله

جزاك الله خيرا خالد

  نور الدين

الأحد أغسطس 24, 07:09:00 م 2008

صورك اغنت عن كلماتك وكلماتك اغنت عن صورك
ابدعتى فى الضغط على همومنا
وعريتى وجه الحقيقة وكشفتى سؤة الظالمين
..
تحياتى لقلمك ايتها المبدعة
..
نور الدين محمود

  نهر الحب

الأحد أغسطس 24, 07:27:00 م 2008

نور الدين
اهلا يك شاكرة كلماتك لكن اقسم لك ان الواقع امر ولا حول ولا قوة الا بالله
العلى العظيم
الحمد لله على نعمه التى لا تعد ولا تحصى

  عصفور المدينة

الأحد أغسطس 24, 08:21:00 م 2008

تبرعوا لبناء مجلس الشورى
:(
حسبنا الله ونعم الوكيل فيمن يتسلطون على مقدرا الشعب ويمنعونها عنهم

  قوس قزح

الأحد أغسطس 24, 09:35:00 م 2008

نهر الحب
انا لما كتبت البوست بعد يوم البؤجة مرديتش اكتب تفاصيل ولا مشاعر و كتبت بس شكرى للناس اللى شاركت و غضبى من الناس السلبية

و كنت عايزة اعرف منكم انتم و من بوستاتك شعوركم و وصفكم للحالة هيكون ايه
لان ده الهدف من اليوم ده
اننا نشوف و ننقل للناس و نشجعهم

جزاكى الله خير انتى و اختك

  Angel

الأحد أغسطس 24, 10:59:00 م 2008

كل رمضان و أرواحكم البيضاء بخير
اللهم أجعل في قلوبنا نوراً يضيء ظلمة الليالي برضاك عنّا ,
و أجعل في أجسادنا هِمَمٌ تحتوينا فترتقي بنا نحو عفوك ” آمين ”

كل سنة وأنتي طيبة
أختك في الله
Angel

  نهر الحب

الأحد أغسطس 24, 11:45:00 م 2008

عصفور المدينة
والله مش عارفة اقول اية غير انهم ناس عديمى المسئولية والشعور

  نهر الحب

الأحد أغسطس 24, 11:46:00 م 2008

قوس قزح
جزاك الله خيرا انت وأ/ احمد كمال على الدعوة وعلى التفكير بأيجابية
اما مشاعرنا فوالله ما استطعت نقل الا القليل من حالة الغضب اللى بداخلى تجاة المسئولين عن تلك المنطقة

  نهر الحب

الأحد أغسطس 24, 11:47:00 م 2008

اجل
اهلا بك واللهما مين
جزاك الله خيرا على الدعاء

  Gannah

الأحد أغسطس 24, 11:57:00 م 2008

نهر الحب
حقيقى جزاك الله خيرا
نقلتى الصورة اللى صدمتنا كلنا
وخرجت بأسئلة بس للاسف مين يقرا ومين يسمع
يعنى فين رجال الاعمال اللى عايزين يبنوا مجلس شورى جديد بملايين
لو صادقين فى خدمة البلد دى فعلا يبنوا بيوت للناس دى هما فعلا اللى يستحقوا المساعدة
ربنا معاهم ويعينهم على حياتهم ويقدرنا على مساعدتهم
تحياتى

  نهر الحب

الاثنين أغسطس 25, 12:11:00 ص 2008

جنة
والله ياجنة ما استطعت التعبير عن مدى النار اللى بصدرى نتيجة ما شاهدت وسمعت هناك
ربنا يقدرنا ويبعد عننا محبى المظهرة

تحياتى لك جنة
وجزاك الله خيرا

  (احمد سكر )

الاثنين أغسطس 25, 01:41:00 ص 2008

نهر الحب

انوس باشا

للاسف اتكثفت ارد ع البوست اللى فات

من تعليقات الناس

موضوعك هاايل

وياجماعه اسمحولى من هنا اسجل اعجابى باهل بورسعيد

الناس الجدعه فعلا اللى مش بيتاخرو عن اى لقاء فيه خير

قبل كدا التبرع بالدم

ودلوقتى بؤجة الخير

جزيتم كل الخير

وسلمى على كل اهل بورسعيد واحد واحده

تحياتى
احمد

  جنّي

الاثنين أغسطس 25, 03:12:00 ص 2008

الريحانة
السلام عليكم
اتأخرت في التعليق
دخلت امس على النت ومافيش خمس دقايق وفصل ولم يرجع الا اليوم معلش سامحيني ..

المهم ربنا يتقبل منكم ويجعله في ميزان حسناتكم ..

الحقيقة أسوأ بكثير مما رأيتم والحكومة ودن من طين وودن من طين ايضا وحال الناس زي الطين .. ربنا يستر من ثورة الجياع ستأكل الأخضر واليابس ..

وفقكم الله

  appy

الاثنين أغسطس 25, 10:37:00 ص 2008

عارفه اللى غايظنى ايه
انك بتلاقى مهللتيه كتير يعنى اللى يقولك حسبى الله وحاجاتكده وهو قاعد فى بيته نفسى اقوله طيب حضرتك ولا انتى عملتى ايه للناس دى

ميرسى يا ايناس ليكة وفعلا نورت القاهرة وسورى انى مكملتش معاكم بس كنت تعبت خلاص والحمد لله اننا خلصنا الهدف من الموضوع يا ريت تعرفى تتطبقيه عندك كمان

  طارق الغنام

الاثنين أغسطس 25, 11:56:00 ص 2008

اوتار
قطعتى قلبى بالبوست دة
بس صدقينى نواب مجلس الشعب والشورى مش حيهتموا بحد كفايه عليهم البزنس
ياريت كل انسان يعمل اللى يقدروا عليه ربنا
وكل سنه وانتى طيبه

  هانى زينهم

الاثنين أغسطس 25, 12:40:00 م 2008

لو مشيتى فى مصر كلها طولها وعرضها-بعيد عن الاماكن اللى بتصور من الطيارةفى الاغانى الوطنية- هتلاقى الحال اللى حضرتك بتحكي عليه ده او مش بعيد عنه قوى احنا خلاص بقينا عايزين نتسحل ونتعمل من اول وجديد بمزاج وما يبنيش مصر حلوانى عشان البلد ساحت عموما كل سنة وانت طيبة ورمضان كريم

  نهر الحب

الاثنين أغسطس 25, 03:32:00 م 2008

سكريار
انت ترد براحتك
فى اى مكان مدونتك يا احمد
وجزاك الله خيرا
وشكرا على الكلام الرقيق

  نهر الحب

الاثنين أغسطس 25, 03:34:00 م 2008

جنى
اهلا بك يا سعيد
فعلا والله معك حق ودا احنا بنشوف صورة مصغرة منه فى الجرائم البشعة اللى بتحدث فى المجتمع
ولا حول ولا قوة الا بالله

  نهر الحب

الاثنين أغسطس 25, 03:37:00 م 2008

ابى
اولا شكرا لكم على الاستقبال
ومافى داعى للاسف الله يوفقك يارب اما عندنا فالحمد لله فى جماعات نشطة لكن بصراحة حجم الفقر اقل بكثير مما لديكم
يمكن لكبر حجم القاهرة والمناطق العشوائية واهمال الباشوات الكبار

  نهر الحب

الاثنين أغسطس 25, 03:38:00 م 2008

أ/ طارق
اهلا بك والله الصورة المنقولة مخففة ومبسطة ورقيقة للغاية بالنسبة للواقع السئ ولا حول ولا قوة الا بالله العلى العظيم
كل عام اونت بخير

  نهر الحب

الاثنين أغسطس 25, 03:40:00 م 2008

هانى زينهم
اه والله فعلا مصر محتاجة اعادة بناء وتنسيق وتعليم وتأديب
ولا بلاش تأديب دى احنا اكتفينا

وانت طيب
ورمضان كريم

  سلطان الغرام

الاثنين أغسطس 25, 08:13:00 م 2008

اهلا بيكي هر الحب بحييكي جدا علي الروح الجميله الروحاللي عايزه الخير

بس فين ومين يساعد في كده

1% ولو حتي 10 % مش كتيييييييييييييير

ربنا يقويا ويقويكي عل فعل الخير

وكل عام وانتي بخير

  Mustafa Şenalp

الثلاثاء أغسطس 26, 02:15:00 ص 2008

çok güzel site. :)

  mohra

الثلاثاء أغسطس 26, 02:28:00 ص 2008

فكرتينى بواحد زميلنا(الله يمسيه بالخير ) كان بيقول "احنا لولا اهالينا كان زمانا شحتنا"
يالله منه لله اللى كان السبب

  نهر الحب

الثلاثاء أغسطس 26, 02:53:00 ص 2008

سلطان الغرام
اهلا بك واللهم امين
هم لهم حق علينا وعلينا العمل على ان يأخذوا جزء من حقهم
تحياتى

  نهر الحب

الثلاثاء أغسطس 26, 02:55:00 ص 2008

mohra
اى والله صدق
لولا اهلينابعد الله ما كنا عشنا

  اوعى تفكر

الثلاثاء أغسطس 26, 08:00:00 ص 2008

حسبى الله ونعم الوكيل
حسبى الله ونعم الوكيل
حسبى الله ونعم الوكيل
ده نتيجة الفساد المتفشى فى البلد وعدم الخوف من الله
منك لله يلي كنت السبب

  ADAM

الثلاثاء أغسطس 26, 10:14:00 ص 2008

السلام عليكم

برنا يجعلك سيف من سيوفه

فوق رقبة الفقر

وإيـَّـانا

آميييييين

رمضان كريم


آدم

  هانى علوان

الثلاثاء أغسطس 26, 10:41:00 ص 2008

كل سنه وانتى طيبه يا ايناس .
بوست رائع بجد بس لو سألتك انت مصرى تقولى ايه ؟

  حسام

الثلاثاء أغسطس 26, 11:48:00 ص 2008

موضوع جميل محزن
مشكلة مصر غياب الضمير والاستهتار بمقدرات الشعوب

  حسام

الثلاثاء أغسطس 26, 11:50:00 ص 2008

الاخ هانى علوان لو سألتنى اجاوب
انا مصرى وابويا مصرى وبعشق مصر
والحال اللى احنا فيه مش عيب فى مصر العيب فى اللى حاكمين مصر ولا انت ايه رأيك.؟

  الربان

الثلاثاء أغسطس 26, 03:24:00 م 2008

تحياتي

معذرة علي التأخير في المشاركة...

بالنسبة لاسطبل عنتر...فهو تماما كما
قلتي...و المشكلة حضرتك انه في وسط القاهرة...يعني ليس في الصعيد او في
نجوع الوجه البحري....يعني الجميع من وزارات و رئاسة مجلس الوزراء...و مجلسي
شعب و شوري و مجالس محليه...و أحزاب..
كل هؤلاء يعرفوا المكان و مشكلاته و العشوائيات التي به...

لكن لان لا أحد يتحرك للعمل العام و خدمة الناس الا ان كان هناك غرض ما
كانتخابات....او استفتاء...او ما شابه...فلا جدوي من المناداه بالاصلاح.

اعضاء المجالس و الاحزاب...كل يسعي لمصلحته هو فقط...يريد تعويض ما دفعة
من رشي انتخابية و خلافة...

تحياتي و تقديري

  نهر الحب

الثلاثاء أغسطس 26, 03:42:00 م 2008

اوعى تفكر
اللهم امين يارب العالمين

  نهر الحب

الثلاثاء أغسطس 26, 03:51:00 م 2008

ادم
اللهم امين بس انا لوحدى لا اكفى
المفروض يكون فى تعاون
رمضان كريم

  نهر الحب

الثلاثاء أغسطس 26, 03:55:00 م 2008

هانى علوان
لو سالتنى اقول ايوة مصريه
بس الى حين
00000000:(

  نهر الحب

الثلاثاء أغسطس 26, 03:58:00 م 2008

حسام
معك حق
غياب الضمير فى كل افراد الشعب وغياب الرحمة هو اللى عمل كدة
اجابتك حولة جدا على هانى علوان
انا مصرى الى حين 00 ان تثبت انك فعلا مصرى

تحياتى لك حسام واهلا بك
رمضان كيم

  نهر الحب

الثلاثاء أغسطس 26, 04:03:00 م 2008

الربان
للاسف الشديد كلامك صحيح
هم يحاولوا الاستفادة لا افادة الناس
الا لغرض ما 000
تحياتى

  امل

الثلاثاء أغسطس 26, 11:37:00 م 2008

السلام عليكم
لاحول ولا قوة الا بالله
سيدنا عمر كان بيقول لو تعثرت دابة في الشام لسألك الله عنها يا عمر ودول مؤتمنين على الأماكن دي وبيخونوا أمانتهم هرجع وأقول تاني كان نفسي أكون معاكم بس للأسف ظروفي أقوى مني
كل سنة وانتي طيبة ياريحانتي ان شاء الله هآخد اجازة طول شهر رمضان وهرجع على العيد ان شاء الله .. أراك على خير
تحياتي وحبي

  موناليزا

الثلاثاء أغسطس 26, 11:55:00 م 2008

متفقة مع التحديث جدا
مالوش لازمة ابدا
اللى يغيظ بقى ان فيه واحد مش فاكرة مين هيتبرع بعشرة مليون جنية عشان يبنوه
ماتقوليش لحد عشان مش ناقصة خالص حرقة دم

  محمد الهادى غانم

الأربعاء أغسطس 27, 01:06:00 ص 2008

وانا قاعد مبسوط وفاتح بقي لغاية وداني فرحان بحد ان انتو بتعملوا حاجه ونزلتوا ورحتوا عشان الخير .
المفاجأه فعلا انا حسيت بمشاعر في غاية التناقض في نفس الوقت :
1- فرحه بيكو .
2 - حزن ان انا مش معاكوا .
3 - قهرة علي ما تصفين .
4 - حمد لله علي ما نحن فيه .
5 - تعجب شديد " حكمت فعدلت فامنت فنمت يا عمر " .

اين الحكم ؟ اين العدل ؟ اين الأمن ؟ اين النوم ؟

اظن ان السؤال الأخير هو اللي نعرف نجاوب عليه لانه تقريبا ابو النوم ولسه مصحاش من النوم عشان حد يقول لحضرته البلد فيها ايه .

تحياتي انسه ايناس واحترامي الشديد لكي وارجو التواصل لفعل اي شئ لإصلاح امتنا لأنها مش هتتصلح الا بينا احنا الناس داخله الدنيا وهتخرج منها .

مش قادر فعلا اتكلم من حاله الكآبة التي انتابتني .

  بنت سيناء

الأربعاء أغسطس 27, 11:57:00 ص 2008

اعتقد ان كل البلاد بها فقراء حتى امريكا نفسها بها متسولين..هذة كارثة انسانية والاكثر منها هم الناس من حولهم الذين لا يشعرون بهم امثال من ذكرتى...من يبنون ثروات على جثث الفقراء..لقد شاهدت اكثر من حوار بين اعضاء مجلس الشعب وهم يكشفون المستور..ويفضحون انفسهم

  عايزه اتطلق و

الأربعاء أغسطس 27, 02:45:00 م 2008

كل رمضان وانتى طيبه حبيت ارمضن عليكى زى ما بيقولوا ..ربنا يتقبل مننا فيه الصيام ان شاء الله..كل رمضان وانتى طيبه كمان مره وبابا خالد سبب المعرفه طيب وفى احسن صحه وحال ...اتركك فى رعاية الله وامنه..

  Abozaid

الأربعاء أغسطس 27, 02:55:00 م 2008

واقع أسود وربما هناك ماهو أشد سوادا ويبقا الأمل في أصحاب الضمائر باقيا
ولنا رب كريم
شكرا لإيضاح الصورة القاتمة لكل من نساها أو يتجاهلها

تحياتي

  نهر الحب

الأربعاء أغسطس 27, 04:12:00 م 2008

امل
ازيك يارب تكونى بخير
ورمضان كريم
يا امل انتى بتقولى سيدنا عمر الخليفة العادل
رحم الله امراء المؤمنين

  نهر الحب

الأربعاء أغسطس 27, 04:14:00 م 2008

موناليزا
شفتى بقى انا بجد مش عيزاه يتبنى
طيب لية اصلا ؟؟؟
حرام الفلوس

  نهر الحب

الأربعاء أغسطس 27, 04:18:00 م 2008

أ/ محمد الهادى غانم
اهلا بك
والله فعلا الحالة كانت صعبة جداا
ويارب نقدر نتجمع تانى ونروح او اننا نعمل حاجة لاخوتنا المحتاجين دول
ربنا كريم
اما عن المشاعر فيعلم الله
انى كمان طول اليوم بنفس المشاعر لولا تجمعنا مع اخواتنا مدونين القاهرة ومناقشتنا العديدة فى مختلف الموضوعات
لكن ما ان عدت حتى حلت نفس مشاعر الخوف والقلق من الغد
ومن هول ما شاهدتة
تحياتى لك
ويارب تكون بخير

  نهر الحب

الأربعاء أغسطس 27, 04:21:00 م 2008

بنت سيناء
فعلا حالات الفقر تملئ العالم
لكن 0 نحن مسلمون مبدأ التكافل موجود فى ديننا اصلا كما انه يجب ان يكون عندنا رحمة وان يعمل كل شخص بواجب وظيفتة وايضا انسانيتة لا ان يغتنى بدماء الفقراء

  نهر الحب

الأربعاء أغسطس 27, 04:23:00 م 2008

عايزة اطلق
وانتى بخير يارب
وان شاء الله تتحقق لك كل ما تتمنى
رمضان كريم

  نهر الحب

الأربعاء أغسطس 27, 04:27:00 م 2008

Abozaid
فعلا واقع مرير واسود
بلا ضمير ولا مشاعر سوى كراهية المجتمع
من حولهم لانهم لا يمنحوهم الحياة
تحياتى

  أسير حبيبتي

الأربعاء أغسطس 27, 06:43:00 م 2008

السلام عليكم

أحييك بشده على نشاطك

شعرت جدا بثورتك و ضيقة صدرك
و معكِ كل الحق فيها

لا أملك من القول إلا أني أدعو الله
أن يفرج همنا و أن يولي أمورنا خيارنا
و أن يرحمنا برحمته

كل سنة و أنتِ طيبة و من الله أقرب

  نهر الحب

الأربعاء أغسطس 27, 08:27:00 م 2008

اسير حبيبتى
اللهم امين يا رب العالمين
واياك يارب
كل عام وانت بخير

  الفقير الى الله

الأربعاء أغسطس 27, 11:15:00 م 2008

السلام عليكم ورحمة الله وبركاته
مش عارف اقول ايه لا تعليق
والله لو عز بتاع الحديد طلع الزكاة بتاعة فلوسه بس مش هتلاقي فقير
بس بجد الانسان بيقول يارب اكشف الغمة ده وعديها خلاص والله حرااااااااااااااام
دلوقتي بقد قاعدة عند الناس
اي شريف هيكون فقير واي حرامي مرتشي هيكون غني !!!!
منهم لله والله منهم لله حرامية الدولة
اي حرامي سرق الدولة علني هتلقيه عايش
اي واحد عاوز مصلحه للدولة بيموت قبل ما يروح المنصب اصلا...
كل سنه وحضرتك بخير
تحياتي

  نهر الحب

الخميس أغسطس 28, 01:04:00 ص 2008

الفقير الى الله
انت جبت من الاخر بصراحة
وحضرتك طيب
رمضان كريم

  عروسة ننوسة

الخميس أغسطس 28, 06:05:00 م 2008

كل سنة وانتى طيبة
هى دى بلدنا يا عزيزاتى

  blue-wave

الخميس أغسطس 28, 07:12:00 م 2008

ياااااااااااة
بجد قلبتى علينا المواجع
وشيلتينا هموم احنا مش قدها
طيب ايه الحل؟
نسيب البلد ونهاجر؟
مش فى ايدينا نعمل حاجه لأننا مش متحكمين فى حاجه
ولا حتى فى نفسنا
بجد مفيش فى ايدينا غير يااااااااااااارب

  نهر الحب

الخميس أغسطس 28, 08:45:00 م 2008

عروسة ننوسة
للاسف معك حق !!!
لاحول ولا قوة الا بالله

  نهر الحب

الخميس أغسطس 28, 08:47:00 م 2008

blue-wave
اسفة اذا كنت قلبت المواجع
بس طبعا فى ايدينا اننا نحاول نساعد الفقراء دول لانهم اخواتنا
ولهم حق علينا

  تايه في وسط البلد

الخميس أغسطس 28, 11:11:00 م 2008

اهلا نهر الحب

من تاني بتثبتي لي ان في مصر من يتحمل امانة الكلمة ومن البنات بينما لم تأتي من ذوي الشوارب!

ياريت محدش يتبرع ويسأل يعني نعمل ايه يعني
ياريت اللي يسأل يسأل ويقول انا عملت ايه اساسا؟


يمكن السؤال ده يكون في محله قبل مايهني الناس برمضان اوينوي الصيام او يخطط للعبادة

يمكن ساعتها ترجع فيه الروح..
*********
كل سنة وانت طيبة يا نهر الحب وربنا يملأ ايام رمضان عليكي باليمن والبركة والمغفرة

  جنّي

الجمعة أغسطس 29, 03:05:00 ص 2008

السلام عليكم ورحمة الله وبركاته

كل عام وأنتم بخير
كل عام وأنتم صائمون
كل عام وأنتم مصلون
كل عام وأنتم قائمون
كل عام وأنتم قانتون
كل عام وأنتم متصدقون
كل عام وأنتم مغفور لكم
كل عام وأنتم معتمرون
كل عام وأنتم قائمون ليلة القدر
كل عام وأمتكم الإسلامية منتصرة

اللهم بلغنا رمضان وأهلّه علينا بالسلامة والإسلام واليمن والبركات والنصر والتمكين

أخوكم
سعيد

  رندا

السبت أغسطس 30, 06:17:00 ص 2008

رمضان كريم عليكى وعلى اسرتك الكريمة
تقبل الله صيامك وقيامك وغفر الله ذنبك

اراك ان شاء الله بعد رمضان

رمضان كريم

رندا

  نهر الحب

السبت أغسطس 30, 02:19:00 م 2008

تاية فى وسط البلد
كلماتك اقوى مما كتبت انا
ربنا يتقبل منا ويقدرنا على مساعدت اخواتنا كل التحية والاحترام لك
ورمضان كريم

  نهر الحب

السبت أغسطس 30, 02:22:00 م 2008

جنى
دائما سباق للخير
وانت طيب
والله اكرم

  نهر الحب

السبت أغسطس 30, 02:24:00 م 2008

راندة
وانتى بالف خير
الى اللقاء
والله اكرم

  Ahmed Al-Sabbagh

الأحد أغسطس 31, 02:45:00 ص 2008

ربنا يكرمك

كل سنة وانتى والفاميليا طيبة

احمد

  بنت مصريه

الأحد أغسطس 31, 03:53:00 ص 2008

جزاكى الله خيرا يا رب
وكل سنه وانتى طيبه
مجلس شعب ايه يا بنتى
قولى يا باسط
اتمنى تنورينى

  نهر الحب

الأحد أغسطس 31, 04:52:00 ص 2008

احمد الصباغ
خال المخاليل ازيك يا احمد كل عام وانت بخير

  نهر الحب

الأحد أغسطس 31, 04:53:00 ص 2008

بنت مصرية
اهلا بك والله معك حق
عيونى يا قمر

  قوس قزح

الأحد أغسطس 31, 03:16:00 م 2008

يارب
كلما طرق هذا العبد بابك
أفتح له كنوزك
و سخر له عبيدك
و ابسط له رحمتك
اللهم اجعله من الصائمين القاثمين
الركع السجود
و بارك له فى شعبان و بلغه رمضان
فى يسر و سلامة و امان
اللهم امين

كل سنة و انت الى الله اقرب

  rovy

الأحد أغسطس 31, 11:43:00 م 2008

كل عام وانتى بخير

كل عام وانتى الى الله اقرب

رمضان مبارك اختى الحبيبه

  Mohamed Dawod

الاثنين سبتمبر 01, 12:01:00 ص 2008

كل سنه وحضرتك طيبه بمناسبة شهر رمضان....على فكره عجبتنى قوى فكرة نقل مجلس الشورى لمارينا فى الصيف وأسوان فى الشتا.... فكره عمليه...وفقك الله للخير دائما وزادك حماسه وحب للعمل التطوعى

  نهر الحب

الاثنين سبتمبر 01, 01:57:00 ص 2008

قوس قزح
وانتى بخير وسلامة
جزاك الله خيراا

  نهر الحب

الاثنين سبتمبر 01, 01:57:00 ص 2008

روفى
وانتى بخيروسلامة وكل عام وانتى بخير

  نهر الحب

الاثنين سبتمبر 01, 01:59:00 ص 2008

أ/ محمد
تفتكر هينفذوها ؟؟
كل عام وانت بخير
رمضان كريم

  حسن محمد توفيق

الاثنين سبتمبر 01, 04:10:00 م 2008

مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

  نهر الحب

الاثنين سبتمبر 01, 04:34:00 م 2008

أ/ حسن
اللهم امين جزاك الله خيرا
وكل عام وانت بخير

  حسن محمد توفيق

الاثنين سبتمبر 01, 09:47:00 م 2008

مرور للتهنئة بقدوم شهر رمضان وتمنياتى بان ننال منه الكثير ...لا تدع الفرصة تفوتك باغتنام هذا الشهر الذى فضله الله على باقى الشهور
ودعواتى لكم جميعا بقبول اعمالكم وعباداتكم وان نكون مع الرسول ان شاء الله ..سعيد بزيارتى ومرورى والى لقاء قريب لك كل التحية والتقدير

  SMA

الثلاثاء سبتمبر 02, 08:56:00 ص 2008

السلام عليكِ ورحمة الله وبركاته..
ماشاء الله, ماشاء الله
ايه الجمال ده, على فكرة
البلوج بتاعك من أحسن البلوجات اللي مروا عليا من حيث الشكل والمضمون
وفيه كل حاجة تقريباً

كل سنة وانت طيبة, أنا كنت بأعمل سيرش سريع على البلوجات ودخلت البلوج بتاعك ولقيته ظريف ومواضيعه جميلة, وتصميمه رائع, وبالمناسبة الاسكربتات اللي على الجنب دي جميلة جدا -لو أعرف انتي جايباهم منين-دي كانت جملة اعتراضية, أنا حبيت أهنيكي بحلول شهر رمضان وأنا جديدة على البلوجر وياريت تزوري البلوج بتاعي وتقوليلي رأيك فيه وعلى العموم أنا حطه اسكريبت التقييم وياريت المواضيع تعجبك وتكون مفيده ليكي والتصميم كويس, عشان بأحاول أعمل حاجة جميلة في رمضان, بأتمنى تنول رضاكِ
بأتمنى نكون أصدقاء.., وكل سنة وانتي طيبة تاني, والسلام عليكِ ورحمة الله وبركاته

  غير معرف

الأربعاء سبتمبر 03, 11:08:00 م 2008

في خلال الثلاثين عاما الماضية تعرضت مصر الى حملة منظمة لنشر ثقافة الهزيمة - The Culture of Defeat - بين المصريين, فظهرت أمراض اجتماعية خطيرة عانى ومازال يعانى منها خمسة وتسعون بالمئة من هذا الشعب الكادح . فلقد تحولت مصر تدريجيا الى مجتمع الخمسة بالمئه وعدنا بخطى ثابته الى عصر ماقبل الثورة .. بل أسوء بكثير من مرحلة الاقطاع.
هذه دراسة لمشاكل مصرالرئيسية قد أعددتها وتتناول كل مشاكلنا العامة والمستقاة من الواقع وطبقا للمعلومات المتاحة فى الداخل والخارج وسأنشرها تباعا وهى كالتالى:

1- الانفجار السكانى .. وكيف أنها خدعة فيقولون أننا نتكاثر ولايوجد حل وأنها مشكلة مستعصية عن الحل.
2- مشكلة الدخل القومى .. وكيف يسرقونه ويدعون أن هناك عجزا ولاأمل من خروجنا من مشكلة الديون .
3- مشكلة تعمير مصر والتى يعيش سكانها على 4% من مساحتها.
4 - العدالة الاجتماعية .. وأطفال الشوارع والذين يملكون كل شىء .
5 - ضرورة الاتحاد مع السودان لتوفير الغذاء وحماية الأمن القومى المصرى.
6 - رئيس مصر القادم .. شروطه ومواصفاته حتى ترجع مصر الى عهدها السابق كدولة لها وزن اقليمى عربيا وافريقيا.
ارجو من كل من يقراء هذا ان يزور ( مقالات ثقافة الهزيمة) فى هذا الرابط:

http://www.ouregypt.us/culture/main.html

  Tarkieb

الجمعة سبتمبر 05, 04:40:00 م 2008

انا من رأيي انه لازم يتبني تاني يانهر....استراليا عملت سجن ند كيلى متحف ....مين عارف يمكن تقوم ثورة شعبية في مصر ونبقى نزور متحف الشورى ونقول هنا كان جالس بتاع العبارة وبتاع اكياس الدم وبتاع اللي خبى الفياجرا في بودرة السيراميك...واللي قتل تميم ....

  غير معرف

السبت مايو 02, 09:18:00 ص 2009

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘