بحث هذه المدونة الإلكترونية

عروسة ولا شهادة طبية

غريب جدا هذا الرجل الشرقى حين يقررالزواج

او حتى يفكر فيه 0000000000

تجده قد وضع مجموعه من الشروط الخاصة جداا

لا يجب ان يتنازل عنها ابداا

حقه مهو البنات اكثر من الهم على القلب !!!

المهم خلينا فى شروط الرجل ( الباشا العريس )

جميلة 000

بنت ناس 000

متعلمة 0000

مطيعه0000

تجيد اعمال المنزل

للان حق الرجل هنقول اية ما قال اللى عايزة

ونجى بقى على الباقى

ايه دا انتى عندك صداع من اية

على طول ولا اول مرة

اوبااا ادبس العريس

وخطب واحدة بيجى لها صداع مرة واحدة

ويبدا فى محاولة الخلع ههههههههههههه

من التدبيسة

العروسة تطلع بتحس وممكن تتعب زيها زى اى حد من البشر

لالالا
لم نتفق على كدة انا عايز واحدة سليمة لا تتعب ولا تكل ولا تمل

ولا تشتكى

بأختصار عايز عروسة مؤمن عليها ضد الاخطار

او عروسة بضمان هههههههههه

سبحان الله كانه من حقة انه يسأل ويعاين بضاعه

وهى لا من حقها تعرف ان كان عانى من مرض ما او لالا

هو بس كل اللى يهمه انه يتزوج فتاة سليمة

لا تشكوا ولا توجع دماغة ابداا

43 التعليقات:

  ياسر الغسلان

الخميس أبريل 24, 07:09:00 م 2008

هذه مواصفات العريس الذي يبحث عن خادمه و ليست زوجه،هناك رجال يبحثون في المرأة اولا الدين و ثانيا الجمال و ثالثا حبها لفكرة العائلة و الإستقرار، اماالتركيز على الشكل وكونها آله للعمل و التفريخ:) فهذا منطق مرفوض لا يقبله اي رجل على اخته او ابنته.
تحياتي

  نهر الحب

الخميس أبريل 24, 08:55:00 م 2008

هلا ياسر
منور

اخى الكريم تعرف المشكلة اننا فى العالم العربى
دائما نكيل بمكيالين انا واسرتى غير اى حد


كل الاحترام والتحية على المرور الكريم

احترامى لك

  rovy

الخميس أبريل 24, 09:09:00 م 2008

اختى الحبيبه
نهر الحب
عندك حق فعلا لانه مع الاسف انتشرت دلوقت حاجات غريبه جدا على مجتمعنا
حتى فى الزواج ولقد رأيت بنفسى احدى العائلات الصديقه تطلب فتاة للزواج من ابنها وتخيلى الشروط كالاتى :
ان تكون الفتاه من عائله مرموقه ومعروفه
ان تكون الفتاه مشتركه باحدى النوادى
الكبيره والمعروفه
ان تكون خريجه احدى كليات القمه
ان تكون من اسره غنيه
الغريبه انهم متدينين و صدقينى هما ناس كويسين بس الظاهر ان الحكايه عدوى
ضاع الود والقبول والتفاهم والاخلاق و......حاجات كثير كنا بنسمع عنها فى مواصفات العروسه .
اعاننا الله على هذا الزمان الغريب
وربنا يوفقك
المهم انى بأدعوكى لزياره مدونتى للاشتراك فى رابط عمله اخ كريم بمدونته
لنصره الاسلام والحبيب المصطفى عليه افضل الصلاه والسلام .

دمتى بخير وتقبلى تقديرى
تحياتى
rovy

  ياسر

الجمعة أبريل 25, 01:00:00 ص 2008

طيب
والعروسة او البنت هنا
يعني اية ملهاش اي راي
كرسي او طربيزة مثلاا
مفيش اي احترام لمشاعرها
يعني قاعدة تحت الطلب مثلاا
لية الرجالة مبيادروش ان البنت
او الست عندها قلب زي الرجل
واحن من قلب الرجل مش عارف
صراحة بقي زي ما قلتي بقي
عايزين العروسة تكون بشهادة
ضمان شامل ضد حتي الانفلونزا
دومتي بخير
وتقبلي مروري

  نهر الحب

الجمعة أبريل 25, 02:39:00 ص 2008

rovy

للاسف اختى الحبيبة كثيرة هى العادات
السيئة والغريبة جداا التى نشاهدها فى الزواج وللاسف كلها منافية للعقل والدين وكان الزواج اصبح صفقة تجارية
لكنى فعلا كنت اتكلم واتناقش مع اكثر من شخص يقول لازم صحة تمام ازاى تتعب
ازاى وكانها اله تفريغ كما قال اخى ياسر

زواج داا ولا صفقة ؟!!!


احترامى اختى الحبيبة

  نهر الحب

الجمعة أبريل 25, 02:41:00 ص 2008

ياسر
للاسف الوقت فى هذا الزمن فرض مفردات غريبة على مجتمعنااا
وبرضة للاسف مش عارفة اقول ان تفكير الرجالة رجعى ولا تخلفى
كل الاحترام

  بنت النيل

الجمعة أبريل 25, 05:45:00 م 2008

السلام عليكم ورحمة الله وبركاتة
نهر الحب
والله مقالك ضحكنى جدا
هو انتى مش عارفة ان الواحد ينقى البضاعة الحلوة قبل ما يشترى او يدفع مليم
احنا عبارة عن بضاعةدلوقتى
بس عارفة احنا الا عملنا كدة فى نفسنا
الرجل لم يفكر فى الزاوج لزم يفكر ميت مرة قبل ما يتزوج
لكن المراة
بتقول ضل راجل ولا ضل حيطة
هههههههههههه
اتمنى لكى المزيد
بنت النيل

  جني

الجمعة أبريل 25, 11:16:00 م 2008

الريحانة
أسبوعين كتير قوي .. المهم عودا حميدا ..
عن البوست .. فقد أخبرنا الرسول صلى الله عليه وسلم بهذه النوعيات من يريد ذات الحسب والنسب .. ومن يريد ذات الجمال .. ومن يريد ذات المال .. وأقر النبي صلى الله عليه وسلم ذات الدين التي إذا نظر إليها سرته وإذا غاب عنها حفظته في ماله وعرضه .. ومن حق العروس أن تسأل وتنظر لخطيبها وأن ترفضه .. أما طلبه واحدة سليمة لا تتعب ولا تمل ولا تكل ولا تشتكي دا شخص هايف لم تعتركه الحياة بعد .. وبعد الزواج والعشرة والحب تذوب هذه الأشياء في سفينة البيت ..
موضوع جميل وفقك الله ..
تحياتي
said

  نهر الحب

السبت أبريل 26, 09:36:00 ص 2008

بنت النيل
صح كلامك لكن انتى عارفة فى بعض البنات بترفض انها تتزوج وكانها سلعه
تعاين وتنال القبول او الرفض
والله للاسف لمجتمعنا بعض المفردات الغريبة
لكن الله يعينا


كل الاحترام

  نهر الحب

السبت أبريل 26, 09:38:00 ص 2008

جنى
هلا اخى
الحديث الخاص باختيار الزوجة مختلف عن الرجل اللى عايز واحدة غنية ومركز مرموق وكمان لا تمرض حفاظا اما على النسل ودا الاغلب وكمان على جيبة
الله يستر من عقول هذا الزمن
وفعلا كما قلت هو هايف


كل الاحترام جنى

  ياسر

السبت أبريل 26, 11:43:00 ص 2008

سيدتي
لازم البنت يكون لها راي
واعتقد ان زمن الجاهلية
راح لان مش هلها الا هيعشوا
معاة واكتر الجوازات دي فاشلة للاسف
انا واحد من النا س اختي الا صغر مني
هيا الا اختارت شريك حياتها وقولتيلها
بدل المرة الف واثقة من الاختيار متاكدة
ودة مش عيب او حرام لان دي حياتها
هيا وهياالا هتعيش معاة في عمرها
الا جاي ومش عارف لية الناس
بيسمحوا لنفسهم اختيار شريك
اوشريكة حياة ابنهم وامتي بس
الناس تتغير نظرتها في الموضوع
دة انا بصراحة قلبي بيوجعني علي
كل بنت تتجوز وتكون تعيثة في حياتها
مع جوزها او للاسف تتنتهي بالانفصال
مع تحياتي

  امل

السبت أبريل 26, 02:13:00 م 2008

انا اعرف واحده صاحبتي كانت لما
تكح خطيبها وشه يتغير ويسألها برضه
دي اول مرة والا كحيتي قبل كده
وفي النهاية اكتشفت انه
مريض بمرض مزمن ومخبي عليها
سبحان الله

  نهر الحب

السبت أبريل 26, 08:39:00 م 2008

هلا ياسر
والله انا اتكلم عن تفكير الرجل فى الزوجة والانسانة التى يحب ان يشاركها حياته
لا عن اختيارات المراءه
وان كان ما تقوله صحيح فى مسالة الاختيار فبعض الامور تغيرت
كل الاحترام
والشكر لك على التواجد معنا

  نهر الحب

السبت أبريل 26, 08:41:00 م 2008

امل

سبحان الله دا تفكير سطحى جدا للرجل
لكنه للاسف موجود
وانا شفت واحد بيقول انه بيحب لكن لانه اكتشف ان صحة حبيبتة ضعيفة شوية
(سوء تغذيه ) ما حب انه يكمل مع واحدة مريضة

لاحول ولا قوة الا بالله

شكرا لك

  the.thinker

الأحد أبريل 27, 12:17:00 ص 2008

تسلم إيدج اختي .. موضوع جميل :)

أتمنى استفادة الرجال =) لوول

  صيد الخاطر

الأحد أبريل 27, 01:41:00 ص 2008

موضوع جميل

لكن احب اقول
زي مالارجل يجوز له ان يشترط من حق النساء ان تشترط

وكل واحدة وزي ما تقبل

والرجالة مش بتتصلب للنساء ولا حاجة
بس اعباء الحياة تحتاج امرأة جاهزة ومستعدة للأحمال

أخيرا

ياريت تشيلي الفيرفيكيشن وورد

  نهر الحب

الأحد أبريل 27, 02:12:00 ص 2008

the.thinker


اتمنى فعلا ان الرجال يحاول يغروا فكرهم الغريب
رغم طبعا ان منهم من هم عباقرة

اعلنت الحرب الظاهر هههههه

شكرا لمرورك

  نهر الحب

الأحد أبريل 27, 02:15:00 ص 2008

صيد الخاطر
اكيد مثل ما للرجل للمراءة لكنى اتكلم عن فكرة جدا غريبة وغير منطقية خاصة فى القرن الحادى والعشرين


كل الاحترام اخى

  بنات صاحبة الجلالة

الأحد أبريل 27, 12:04:00 م 2008

موضوعك رائع وهايل وبالمناسبة جي في وقته تمام للاسف دا واقع احنا بنعيشه الواحد من دول جي يتقدم عايز واحدة بيضا وفائقة الجمال بمعني اصح تفصيل علي مقاسه وياريت لو شعرها يبقي ناعم وعينها خضرا وتقدس الحياة الزوجية ومتكنش نكدية حتى لو هو خنقه والغريب ان المفروض البنت تتغير علشان تناسب العريس - احسن متلقيش غيره- زمن عجيب بجد

احيكي علي مووضوعك الهايل

بجد تسلم ايديكيي

  الربان

الأحد أبريل 27, 12:20:00 م 2008

تحياتي

موضوع جيد...و ياريت اننا نعرف و نقتنع ان الحياة الزوجية مشاركة في كل شيء...يعني لابد من المكاشفة و المصارحة
بين الخطيبين قبل الزواج...

أيضا...لابد ان نعلم و نتيقن..ان الحياة بها الحلو و المر...و ان الزوجين
لابد ان يواجهوا الاثنتين سويا.


تحياتي و تقديري

  hend...hanady

الأحد أبريل 27, 03:08:00 م 2008

المهم ساعة الجواز بتلاقى ان اللى اختارها مفيش كل اللى طلبه ومفيش حد كامل وبعدين الانسان بيتغير ومش بيبان على طبيعته بسهولة

  نهر الحب

الأحد أبريل 27, 06:01:00 م 2008

بنات صاحبة الجلالة
صح كلامك والله للاسف الشديد
دا واقع مؤسف للكثير من شبابنا وقال اية البنات اكثر من الهم على القلب
سبحان الله وكأننا لسنا بشر


كل الود والاحترام

  نهر الحب

الأحد أبريل 27, 06:05:00 م 2008

الربان

للاسف ما عندنا ثقافة المكاشفة بين المقبلين على الزواج وحتى بين بعض المتزوجين خوفا من انه يمسك عليها شئ او العكس


كل الاحترام

  نهر الحب

الأحد أبريل 27, 06:06:00 م 2008

hend...hanady
فعلا ما فى حد كامل
لكن للاسف دى طبيعة التفكير فى الكثير من رجالنا
ولا حول ولا قوة الا بالله

احترامى

  mostafarayan

الاثنين أبريل 28, 12:14:00 ص 2008

متهيألي انك جاية علي الرجال شوية
لأن الراجل طبيعي عارف ان الست بشرعادي بيتعب وبيصدع دةبس كفاية تروح تجيب الخضار من السوق في الحر دة لازم ترجع مصدعة ومش شايفة قدامها
الراجل بردة بني اداوبيحس باللي قدامه وهوعارف انه بمفرده نصف لايكتمل إلا بالمرأة

  نهر الحب

الاثنين أبريل 28, 12:42:00 ص 2008

mostafarayan
لا والله مو متحاملة بالمرة
لكنها امثلة رأيتها بعينى وسمعت عنها
لا اكثر للاسف دا فكر موجود
وانا اناقشة
كل التحية

  مواطن مصرى نايم

الاثنين أبريل 28, 01:29:00 ص 2008

تنكح المرأة لاربع
دينها و نسبها و جمالها و مالها
فإظفر بذات الدين تربت يداك
لعلمك و الله بجد انا عن نفسى
لو لقيت انسانة احبها و تحبنى
مش لو جالها صداع
دى لو بعد الشر يعنى اتعمت
و الله عمرى ما اخلع منها
امال فين الحب
بوست جميل تحياتى لكى

  human

الاثنين أبريل 28, 08:16:00 ص 2008

أخاصمها تصالحني
و أغضبها فترضيني

و آمرها فتسمع لي
و تخضع لي تجاريني

فإن أصبحت في فلس
تعدل لي موازيني

و إن أمسيت في كدر
تواسيني تسليني

و تسترني و تحفظني
و تتبعني على ديني

بهذا الشرط أقبلها
و هذا الشرط يكفيني

  مشاعل

الاثنين أبريل 28, 12:17:00 م 2008

تخيلي جارنا مره حط شروط لعروسته لحد طول الشعر بالضبط ومقاسات الملابس أمه خلته يكمل هرجته وبعدين رمت في وشه الورقه وقالت : إنقلع عن وجهي إنت ماتبغا تتزوج شكلك
هههههههههههههههههههههه



إلى متى هذي السطحية في الإختيار ماقلنا مو من حقه يختار وحده حلوة لكن مايكون هاجسه وبعدين المواصفات دي زي ماقال مستر ياسر للخدمات مو للزواج والإستقرار


الله المستعان

  adam

الاثنين أبريل 28, 09:35:00 م 2008

شكلك واخدة مقلب تماااااااااام

تحياتي ليكي

أنا شايفك متحاملة أوي علينا

بس شوفي البنات بتعمل ايه

وانتي تقولي اننا غلابة

البنت من دول تبصّ في الشارع تلاقي العيال الخنافس عاملين شعرهم زباليت

تبقى قاعدة مع خطيبها قرفانة منه

عشان حالق شعره زي الرجالة

مش زي ال .....

و البنات دلوقتي لازم يلحقوا

أي عريس عشان قطر العنوسة ميدوسهمش

طبعا بشرط إنه يكون يتقي الله فيها

ومع ذلك فيه ملايين البنات بتتدلع

وتقول ده لا وده لا

لحد ما سنانها تقع

وتقول

أنا مش شايفة العريش المُناشب

إحم إحم إحم

وده غير قائمة الطلبات الخاصة
بتجهيز الشقة

والمرتب بتاعه كام ؟

وعنده عربية ولا لا ؟

وحاجات كتير بتبص لها البنت

وربما تغفل عن أهمّ حاجتين

إنه يكون بيحبها
ويكون بيتقي الله فيها



هنقول إيه ولا إيه .....

عامة أنا سعيد بالبوست بتاعك

بس بطالبك ببوست مماثل لعرض

اللي بتعمله البنات فينا


سلام


آدم

  نهر الحب

الثلاثاء أبريل 29, 01:33:00 م 2008

اطن مصرى نايم
دا كلام الدين
واللى اوصى به النبى صلى الله عليه وسلم
لكنى اتكلم عن واقع بعض الشباب


00
ويارب تلاقى اللى تحبها وتحبك

كل الاحترام

  نهر الحب

الثلاثاء أبريل 29, 01:35:00 م 2008

human

شكراا

ويارب الكل يقول كدة :)

  نهر الحب

الثلاثاء أبريل 29, 01:37:00 م 2008

مشاعل
شرفنى مرورك
فعلا اختى الكثير من الشباب لهم طلبات غريبة جداا وكانهم يبحثوا عن اله
لا عن كائن حى مثله


وللاسف هى السطحية فى التفكير والازواجية فى الاحكام
انا غير !!!


كل الاحترام لك

  نهر الحب

الثلاثاء أبريل 29, 01:43:00 م 2008

adam
منور

بس على فكرة دى مش تجربة شخصية لى
بس شفتها كتير جداا
تصدق والله العظيم فى صديق لاسرتى
طبيب قعد 25 عام فى امريكا حلو لحد هنا
؟؟!!
لو دخل البيت وشاف زوجتة رفيقه الدرب
اللى هى ام ل 6 ابناء ماشاء الله
واحدهم معاق !! الله يشفيه
ولاقها مصدعه
يقولها امامك 10 دقائق لتكونى كويسة غير كدة انتى عارفة
ويقلب وشه


وغيرها من الحكايات
وانا اعرف شاب نصح صديقه انه ما يتزوج البنت دى لانها ضعيفة
لازم يتزوج واحدة صحتها كويسة ؟؟؟

واديها

وعيونى على البوست
انزله لك حاضر

تسلم على المرور

  حبيبـــــــة القمـــــر

الثلاثاء أبريل 29, 07:30:00 م 2008

ازيك ياقمر
دي اول مرة ازور مدونتك وحقيقي عجبتني جدا جدا
بالنسبه للبوست دا افتكر ان الشروط اللي تنطبق على العروسه لازم تتوافر في العريس كمان
مش بيقولوا الطيور على اشكالها تقع
يعني ميبقاش العريس معاق ويدور على انسانه سليمه ميه في الميه .. ولكن لازم هما الاتنين يكملوا بعض
امال يبقوا زوجين ازاي مش اي مرض يبقى ازمه ولا اي عيب يحتم عدم الزواج
ثم الكمال لله وحده
بس هنقول ايه عالشباب .. تقدري تقولي انها تلاكيك عشان يهربوا من مسئوليه الارتباط وتكوين اسرة

  عرفة فاروق السيوطى ( الاديب العاشق)

الثلاثاء أبريل 29, 11:13:00 م 2008

السلام عليكم
بعد الكلام الكتير اللى قريتة واستمتعت جدا واسعدنى انفعال الناس من الجنسين بالموضوع وهو موضوع مهم جدا
موضوع حرية المرأة فى المجتمع العربى
صحيح ان المرأة تولت مناصب كثيرة لكن علشان تحسين وجه السلطه العربية
بس حرية المرأة فى مجتمعنا لسة ناقصة حاجات كتير منها حقها فى اختيار شريك حياتها
ودى شئ مهم وحق لازم المرأة تتمسك بية وصدقونى مع شوية تمسك وعزيمة هيرجع ليها حقها
وانا اول راجل اعلن تضامنى الكامل مع حقوق المرأة ومن اكبر المناصرين ليها
نعم دة كان فى اطار شخصى اولا لكن بعدين اتخذ شكل القضية العامة لدرجةانى كتبت قصيدة وهى اخر سلسلة قصايد بتتكلم عن حرية المرأة والقصيدة دى بسميها مشروعى الكبير
وتحت عنوان ( مملكة النساء)
معلهش على التعليق الطويل دة لكنى فرحت قوى بالموضوع واسعدنى انى الاقى حد طرح الموضوع خصوصا فتاه مثقفة
وفتيات ورجال على قدر من التفهم والمصداقية والحب لوطنهم ومجتمعهم
واتمنى الموضوع ياخد حقة من الاهتمام
لك تحياتى
ولكل الموجودين
الاديب العاشق
عرفة فاروق السيوطى

  نهر الحب

الثلاثاء أبريل 29, 11:22:00 م 2008

حبيبة القمر منورة
المشكلة هى السطحية الشديدة فى التفكير
والنظر لها على انها اله تفريغ

كل الود لك

  نهر الحب

الثلاثاء أبريل 29, 11:24:00 م 2008

عرفة فاروق السيوطى
اهلا عرفة منور

وشكرا على التعليق الحلو الطويل

ربنا يهدى يارب الشباب
ويكون عندهم عمق فى الاختيار اكثر سواء من البنات او من الشباب


احترامى

  el_assel

الأربعاء أبريل 30, 01:45:00 ص 2008

اكيد مش كل الرجالة كده
اكيد في رجالة بتحب البنت كده
زي ماهيا
علي طبيعتها
بحلوها والوحش اللي فيها

وبرده
اكيد في بنات تمام زي ما انتي بتتكلمي علي الرجالة

انا جميلة وحلوة وبنت ناس
لآ ده بيشخر وهو نايم
لا ده بيلبس الساعة في اديه اليمين
لا ده شكله كده بيقوم من النوم بدري
تصوري ده مابيشربش شاي بلبن

وكده
امثلة كتير برده



سلاماتي

  نهر الحب

الأربعاء أبريل 30, 11:28:00 ص 2008

el_assel
فعلا فى جزء كبير ان لم يكن كل كلامك صدق
فى بنات كتير بيعملوا كدة
ودا مش صح بالمرة


كل الاحترام

  غير معرف

السبت مايو 02, 09:29:00 ص 2009

福~
「朵
語‧,最一件事,就。好,你西...............................................................................................................................-...相互
來到你身邊,以你曾經希望的方式回應你,許下,只是讓它發生,放下,才是讓它實現,你的心願使你懂得不能執著的奧秘