.jpg)
من بعد هتاف الناس او فى وسطة
عايز تهدو هاتله جدوو
او حضرى ياسد العالى
وغيرها من هتاف المصريين خلال الفترة القليلة الماضية
الى الهتاف الجديد اللى ضاع
وسط هتافات الشعب للمنتخب الوطنى
ولم يسمع انينه الا بعد هدوء العاصفة الكرويه
يهتف المصريين الفقراء ومحدودى الدخل الان
بيب بيب عايزين انابيب
فحصلت ازمة لا تقل خطورة عن ازمة رغيف العيش
من الواضح وبشكل جلى ان مصر تعيش منذ اكثر من شهر
فى ازمة حقيقية لاختفاء اسطوانات الغاز المدعمة من السوق المصرية
والتى لا يستغنى ابدا عنها الكثير من البيوت المصرية كوسيلة اساسية
لطهى الطاعم او حتى لتشغيل السخانات!!
بل وايضا اسعار الاكل بالمطاعم
والادهى ان تلك الازمة تضع الحكومة المبجلة فى موضع حرج
طبعا ان كان هناك من يحرج ؟؟!!!
لما ؟؟؟؟
اولا : سرا
ثاني:التصدير لمدة عشرين عاما
ثالث:ا بأسعار مدعمه تصل ل 2$ فى حين ان سعره عالميا 8$ حبايب بقى و اولاد عم !!
سادسا: ما يثار حول ازمة الغاز بين مصر والجزائر او مشاكل فى استيراد الغاز من الدولة الشقيقة وكلنا عارفين السبب!!
بصوا بما انى مليش فى السياسة وانها اكبر مما استوعب
ففى بعض كلمات صغيرة تقال فى هذا الموضوع
اولا ان كانت مصر تصدر الغاز بأسعار مدعمة لاسرائيل هل ستستورد بمثل هذا السعر؟؟
ثانيا هل ستخرج مصر بسهولة وبسعرة من ذلك المأزق ؟؟
ثالثا من المسئول عن سوء التخطيط والادارة فى تلك الدولة التى لا تقوم من كبوة الا وتقع فى اخرى ؟؟؟
الى متى يظل الفساد هو المسيطر على مجريات الامور فى مصر؟
ملحوظة
نبهنى الاخ لورانس العرب ان هناك فرق بين غاز الانابيب والغاز الطبيعى
وبصراحة انا لم اكن اعرف تلك المعلومة فشكرا له
يا عيني علينا محتاجين انبوبة
ساعدونا يا حكومة دي خدمة مطلوبة
مش جديد يبقى حق من حقوقنا المسلوبة
هنعمل ايه في حكومة و ارزاق منهوبة
دي بلد تعز الحرامي ماهي دولة مقلوبة
و رجال الاعمال دول ناس محبوبة
علشان ناكل محتاجين انبوبة
علشان ندفى محتاجين انبوبة
علشان نشرب محتاجين انبوبة
علشان نعيش محتاجين انبوبة
ريحينا يا حكومة ريحينا
إلهي ينفجر فيكم انبوبة
الشعر دا اهداء من الوفية للابد مها احمد
اشكرها جدا عليه
.jfif)
المشاركات
65 التعليقات:
الأربعاء فبراير 10, 02:02:00 ص 2010
السلام عليكم نعم يااختى العزيزة الحكومة استغلت الشعب المصرى احسن استغلال ليس استغلال صحيح ... ولكن مممكن تقولى انه استغفال اى ضحك على الشعب المصر ...... فى لحظة من لهو ولعب الشعب المصرى وراء كرة القدم كان يرتفع الاسعار فى كل شئ الغاز وترجع ازمة العيش ثانيتا فى بقع كثيرة من الجمهورية ....
وانا اقول لو الحكومة خصصت كل شئ فى هذه الفترة واقصد فترة الكرة ماكان يحس الشعب المصرى بها وكان ما يكترث واقول الحمد لله ان احنا مش دخلنا كاس العالم
والحمد لله على كل شى
----------
ونفسى اعرف ما هى المدونة التى تداومى عليها ...
اى بتكتبى عليها اصل حضرتك عامله 4 مدونات او 5 وعايز اضيف مدونه عندى ومش عارف اى مدونتة حضرتك بتكتبى فيها
الأربعاء فبراير 10, 02:15:00 ص 2010
الى متى يظل الفساد هو المسيطر على مجريات الامور فى مصر؟
إلى أن يفوق الشعب من غفلته
إلى أن يرحل المفسدون في الأرض ودا في المشمش
بجد حسبنا الله ونعم الوكيل
موضوع حيوي
تسلمي يا نوسة
الأربعاء فبراير 10, 02:16:00 ص 2010
1- إذا كانت مصر تصدر الغاز لدولة إسرائيل الشقيقة بسعر 2 دولار ... فذلك نتيجة العشم بين الأشقاء ... عارفة ... محدش بيكسب من أخوه ... أما بالنسبة لإستيراده من الجزائر بنفس السعر ... فلا أعتقد إن مستوى الهطل اللى وصلناله ... وصلتله أى دولة أخرى ... حتى بلاد الموز ... وبلاد تركب الأفيال
2- أى مأزق ... لامؤخذة ... البشرية دى ... وبقصد الحكومة مش حسه بأى مزانق ... رئيس الحكومة نفسه ... بيحضر لعقد قرانه ... ربنا يتممله بخير ... عقبال حبايبك
3- بمناسبة المسئول عن سوء التخطيط و الإدارة فى تلك الدولة ... يعنى إيه أساساً تخطيط وإدارة ... علشان تبقى جيدة أو سيئة ... إحنا بلد شنكوتى ... بيومى ... اللى يحب النبى يزق
4- السؤال الأخير ... الله أعلم
وافتحى الفايل ده هيعجبك جدا
بس للأسف تم تحويله من الطريقة المصرية لحل المشكلات الى طريقة الشركات فى حل المشكلات
http://www.arabswata.org/up/view.php?file=a1d16185e4
الأربعاء فبراير 10, 02:38:00 ص 2010
بلال قلب فارس
اولا اهلا بك فى مدونتى المتواضعه وهى مدونتى الرئيسية
ثانيا ما فعلته الحكومة ما هو الا الهاء بارع للشعب لعمل كل ما يحلو لها
سواء من جدار فولاذى او ازمة جديدة للعيش او الغاز او حتى غلاء المعيشة اللى اصبح حاجة غريبة جدا
ربنا يرحمنا
او يرزقنا من يسحن التخطيط والادارة ؟
شكرا لمرورك
الأربعاء فبراير 10, 02:39:00 ص 2010
ماما امولة
اهلا بك
ان كان فى المشمش فلابد لنا ان نحفر قبورنا من الان وبسرعه
لان الحياة بلا كرامة هى اهانة
والموت اشرف
تحياتى وحبى لك
الأربعاء فبراير 10, 02:45:00 ص 2010
ENG./ELSAYED,PMP
اولا اهلا بك
1 انت صح لازم االعشم بين الاخوات يكون كدة واكتر شويات
اما عن سعر الغاز من الجازئر العربية الاسلامية الشقيقة فهو السعر العالمى
مش سعر اولاد العم عيب عليك يا راجل
دى اسرائيل صاحبة الايادى البيضا على مصر والمصريين تبقى زى الجزائر برضة؟؟
2 لا خلاص ولامؤاخذة عقدة والحمد له عقبال عند 9 مليون عانس من الشبا والنساء فى مصر انت كنت عايزة يعنس ولا يترمل ويذق ما اذاقته الحكومة للمصريين من حرمان ؟؟ حرام عليك دا الراجل شقيان طول اليوم عشان مصر
3 صح ادارة اية ياعم قول يا باسط
بس متبسطهاش اكتر من كدة عيش وغاز وعشوائيات وعنوسة وبطالة وجدار فولاذى وسرقة واطفال شوارع وووو
لا طفاية كدة
4 وانا كمان بقول الله اعلم
شكرا لك على المرور والفايل
هفتحة حاضر
الأربعاء فبراير 10, 02:46:00 ص 2010
عارفه انا الشعب بتاعنا والحكومه بيفكرنى بالالعاب اللى ع الكمبيوتر
واحد متحكم فىكل حاجه وعمال يسوق الناس مكان ما يعوز
فعلا هى دى مصر
الأربعاء فبراير 10, 02:48:00 ص 2010
عايش ولكن
كيف حالك
السياسة ى الاصل لعبة خداعية
لكن ان تخدع الحكومة طول الوقت كل الناس فدا عين الاحتيال
شكرا لمرورك
الأربعاء فبراير 10, 06:46:00 ص 2010
السلام عليكم ورحمة الله وبركاته
فى البداية
بعد اللى قولتيه دا كله وتقولى "انا ما ليش فى السياسة" المهم
ثانيا
انا اقولك بعض الاجابات بما انى سياسى مخضرم عندى بتاع واحد وعشرين سنة
اولا ما فيش ازمة فى الانابيب ولا حاجه
بس لازم تكون فى حاجه عشان الشعب يتلهى فيها قبل انتخابات المجلس فيطلع علينا مرشح الوطنى "ابن البلد " يحلها وهو اللى يجيب الانابيب
فالناس تقول يا سلام دا مافيش بعد كده ويتنيلوا ينتخبوه
اما عن موضوع اسرائيل والغاز: ما اللى بيبيع حاجة مش بتاعته وصاحبها ما بيضورش عليها ما حدش بيقولوا انت رايح فين
ثالثا الشعب المصرى كله تقريبا عارف الكلام ده بس انا متاكد انهم ساكتين عشان اعتبارات كتير من اخطرها عاوز يعيش زيربى العيال ويلاقى سبب يدارى فيه ساعة الانتخابات
وانا من هنا بهدى اغنية "اخوان راب " للشعب المصرى
ومطلعها
خليك شادد لحافك واتفضل بطانيه
حطها فوق كتافك واربطها بالكوفيه
وطى صوت الشريط
اسمعه جوه الحيط
خليك راجل حويط
جرى الاغنية ديا
الأربعاء فبراير 10, 07:52:00 ص 2010
السلام عليكم اختي العزيزه
واضح جداااا من كلامك انك ملكيش في السياسه؟؟هههه كاس افريقيا كان افيون للشعب حتي لا نحس بالغلاء هذا فعندنا ليس سوء ادارة او تخطيط احنا اصلا معندناش حاجة خالص هما فالحين في بناء الجدار تصدير واليوم بنفكر نستوردة تحس ان الواحد بيقول نكته نصدر ونستور منتج واحد ربنا يرحمنا من هذه العائله الكريهه....دمتي بخير ونتمني التواصل
الأربعاء فبراير 10, 09:57:00 ص 2010
هو الغاز الطبيعي غير غاز البوتاجاز
عندنا فائض في الغاز الطبيعي
لكن غاز البوتاجاز عندنا فيه أزمه وبنستورده من السعوديه والجزائر
والشركه التي تقوم بتوريد الغاز لإسرائيل هي شركة شرق المتوسط وهي شركه خاصه و شراكه بين واحد مصري وواحد اسرائيلي
وبما ان الغاز الاجانب هما اللي بيخرجوه إذن نحن لا نملكه بالكامل
والانابيب بتمتد لتركيا والاردن وفي السكه اسرائيل بتاخد حقها مع باقي الدول لأن اسرائيل اقرب من أوربا وتقع في نفس خط السير
دي الحكايه بإختصار - بالطبع انا لا أبرر حصول اسرائيل على الغاز المصري، لكن نحن لا نملك أن نقول نعم أو لا في هذا الأمر مع الأسف لأن هناك من يتحكم في الامور غيرنا
اما بالنسبة لموضوع الانابيب
فأحب أقولك بإختصار انه لا توجد ازمه انابيب
لكن التجار عندهم الانابيب ولا يريدون أن يخرجوها من المخازن
لأن في الاسبوعين القادمين دول هاترتفع سعر الانبوبه إلى 40 جنيه
فيتم كسب الملايين في ظرف أقل من شهر تقريبا وده أمر بيحصل كل سنه
يعني الازمه أزمه ضمير بالدرجه الاولى
الانابيب عددها معروف وموجود بصفه مستمره في الصيف والشتاء والناس استهلاكهم عادي جدا ولم يرتفع بل بالعكس بينخفض الاستهلاك لأن فيه بيوت كثيره بدخلها الغاز
المشكله كلها في التجار
ومعهم طبعا مفتشين التموين اللي بياخدوا المعلوم باستمرار من المستودعات
اللعبه كلها ان فيه مستفيدين من الامر
وبينتهزوا الفرصه وبيقوموا "بتسقيع" السوق
وكام يوم يطلع لهم كام مليون مش هاتبقى مشكله كبيره
الأربعاء فبراير 10, 10:02:00 ص 2010
نسيت أقولك
بالنسبة لموضوع الجزائر
الجزائر ليست بريئه مما يحدث لأن هناك عندهم فضيحه كبيره جدا وهم يتسترون عليها عن طريق الكلام على مصر يوميا بالصحف لإلهاء الناس
المسؤولين في الجزائر اتفقوا مع شركات اوربيه على توريد البترول الذي يعتبر مصدر الدخل الوحيد للجزائر - ولكن التوريد بكميات تفوق سقف الانتاج اليومي الذي يحدده الاوبيك، وبالتالي قاموا بمد ايديهم على الاحتياطي الاستراتيجي للجزائر من البترول، وصدر تقرير منذ 3 أيام يفيد بأن الجزائر ستصبح دوله مستورده للبترول قريبا بسبب انها بيبيعوا الاحتياطي مقابل دفع رشاوي للمسؤولين من جانب اوربا
الاوبيك محدده سقف للإنتاج للحفاظ على البترول
ولكن المسؤولين هناك اخدوا رشاوي من أجل شفط هذا البترول
وحسابات البترول تذهب جميعها في حساب الاح سعيد بوتفليقه شقيق عبد العزيز رئيس الجمهوريه ومعه باقي الكبار في الدوله
يعني الوضع تقريبا عندهم زي عندنا بالضبط
الأربعاء فبراير 10, 10:22:00 ص 2010
السلام عليكم..
سأبدأ من حيث إنتهيتم..سينتهي الفساد من مصر عندما يغيب عنها الفاسدون !!
لكن هذا هو طبع النظام المصري..تعالوا مثلاً نرصد مايهتم به الشارع..ترى ماهو؟!
من المؤكد انه منذ فترة كان فريق مصر للكرة..والآن الأنابيب..!
هل نسمع شيئ عن دور مصر الفعال(قديماً) في المنطقة..طيب الأقصى ، غزة ؟!
أعتقد عرفوا يلهوا الناس كويس..!
تحياتي.
الأربعاء فبراير 10, 10:26:00 ص 2010
السلام عليكم ورحمة الله وبركاتة
بارك الله فيكى وماشاء الله بوست جميل جداااااا ورنا ان شاء الله يفرج عنا الهموم دى بأذن الله تعالى
الأربعاء فبراير 10, 11:16:00 ص 2010
نهــــــــر الحب .......
واحشاني خالص يا قمر و الله
و على فكرة انا كل ما بشوف الحاجات دي في التليفزيون دمي بيتحرق و بموت قهرا و غيظا و الله
بقى احنا من اكبر الدول المنتجة للغاز في المنطقة و ده حالنا يا ناس ..
عمرنا ما هنتغير ...
عمار يا مصر يا ام الدنيا .....
يا عيني علينا محتاجين انبوبة
ساعدونا يا حكومة دي خدمة مطلوبة
مش جديد يبقى حق من حقوقنا المسلوبة
هنعمل ايه في حكومة و ارزاق منهوبة
دي بلد تعز الحرامي ماهي دولة مقلوبة
و رجال الاعمال دول ناس محبوبة
علشان ناكل محتاجين انبوبة
علشان ندفى محتاجين انبوبة
علشان نشرب محتاجين انبوبة
علشان نعيش محتاجين انبوبة
ريحينا يا حكومة ريحينا
إلهي ينفجر فيكم انبوبة
مع خالص حبي يا قمر الحب
الأربعاء فبراير 10, 11:22:00 ص 2010
هنقول ايه بس
بجد معنديش حاجة أقولها اكتر من اللى قلتيه فى الموضوع
الأربعاء فبراير 10, 11:57:00 ص 2010
عارفة موضوع الغاز ده موضوع
لغز مالقيتلوش حل خالص
هل هي ازمة مفتعلة
ام ازمة حقيقية
وخصوصا اني سمعت من مصدر موثوق به ان الانبوبة اصلا مدعمة من الحكومة بأضعاف اضعاف تمنها
في ايه الله اعلم
ربنا يستر
سلامي
الأربعاء فبراير 10, 12:31:00 م 2010
سيظل الفساد موجود طول ما الفاسدين موجودين و بصحه جيده
موضوع الانابيب ده صوره مصغره لحجم الازمات اللى بقى موجود فى بلدنا
الأربعاء فبراير 10, 03:24:00 م 2010
الأربعاء فبراير 10, 03:24:00 م 2010
لما الناس تصحى
ومش باين لها صحيان
وخلي جدو ينفعهم :(
الأربعاء فبراير 10, 03:31:00 م 2010
@ لورنس العرب
أخي الحبيب :)
أيا كان مصدر المعلومة اللي وصلت لحضرتك
فهو يا إما وقعك في إشتغالة كبيرة جداً
يا إما لوى عنق الحقيقة كنوع من التزييف اللي بنسوق ليه من غير قصد ..
عشان يحسسك إننا مجبرين نرضع الصهاينة ثرواتنا الطبيعية برخص التراب..ومش المشكلة في الرخص
في المبدأ أصلاً إنك تساعد عدوك
بعض الناس هتقولي أنا راجل فاضي وبتاع كلام ومبادئ وشعارات جوفاء..
هقول ..وهل الحديد اللي بيتصدر للصهاينة ده...برضه لازم يعدي على أرضهم ؟ وغير التعاون في مجال الزراعة اللي سرطن البلد وحسبي الله ونعم الوكيل ؟
الموضوع مفيهوش 1 من المليار % من البراءة ولا الإجبار .. بس خلاص بقت العصابة الحاكمة أقذر من إن حد يعرف يشم ريحتها لأنها بقت طبيعية للغالبية
زي أي حد ساكن جنب حمام عمومي من قديم الأزل أكيد حاسة الشم عنده لغت الريحة دي من قائمة المقزز وبقت رائحة أليفة
وإحنا ساكنين في مستنقع القذارة اللي بيزداد اتساعاً فبالتالي الغالبية بطلت تشم حاجة مقززة .. عجزاً أو هروباً ( بالمعنى الأناني )
أو اعتياداً..
والمستنقع ده وصل لأعمق حاجة من بداية ثورة الإنفتاح ( ليها إسم تاني عيب أقوله ) وختم عليها حسني بختم النسر من 1981
ويحعله عامر
وربنا يخرجنا منها على خير :)
الأربعاء فبراير 10, 07:24:00 م 2010
ابو مصعب
وعليكم السلام ورحمة الله وبركاتة
اه تصدق مليش خالص فى السياسة ولا حوادتها
بص يا اخى الفاضل
قد يكون كلامك صدق بأنة لا ازمة اسطوانات ولا شئ
وقد يأتى ممثل للحزب الحاكم فبجرة قلم وبلمسة للمصباح السحرى تحل كل المشاكل لكن هل تعتقد حقا ان ابسط البسطاء فى مصر اصبحوا يصدقوا اى عضو فى الحزب الوطنى
تصدق بالله اخى اعرف بعض اعضائة لا يجروء على القول بأنهم منه
اما عن اننا سلبيبن وفى سبات عميق فدا حقيقى ولا استطيع انكارة ابدا
فعلا نحن سبب مباشر بصمتنا وسكوتنا عن حقنا فيما يحدث الان
تحياتى لك وشكرا لك على مرورك
الأربعاء فبراير 10, 07:26:00 م 2010
كريم مصطفى
اهلا بك
اخى قد تكون فعلا الكورة اداة الهاء جيدة جدا للشعب كله وغيرها من الاشياء الملهية كما افتعلت الحكومة من كام سنة قضية اداب لاثنين من الممثلات لاهاء الشعب اما عن نكتة التصدير والاستيراد فللاسف تلك نكتة حقيقية جدا
اللهم ولى من يصلح
شكرا لك على المشاركة
وان شاء الله يكون فى تواصل مستمر
تحياتى لك
الأربعاء فبراير 10, 07:31:00 م 2010
لورانس العرب
شكرا طبعا جدا لمرورك
لكن الشكر الاكبر لك لانك اضفت جدا لمعلوماتى فأنا للاسف اول مرة اعرف ان الغاز الطبيعى غير غاز البوتاجاز :$ وان دل شئ فأنة يدل على تقصيرى فى تحصيل معلومة صحيحة لكتابة الموضوع فشكرا لك ايضا على شرح مرور الغاز وامتلاك الشركة بجد جزاك الله خيرا
اما عن ازمة الضمير ؟؟
فرغم ان بطلها الظاهر تجار فبطلها الخفى حكومة لا تضرب بيد من حديد على المرتشين وتكافح الاحتكار والغلاء بشدة وبشكل موسع ولا ترحم كبير او صغير طلما انه مذنب
تحياتى وشكرى الخالص لك
الأربعاء فبراير 10, 07:35:00 م 2010
لورانس العرب
اهلا بك حبيت اعلق على كل تعليق على حد اما بالنسبة للجزائر فهى دولة عربية مثلنا لا يختلف وضعهم هناك عن وضعنا كثيرا كما تفضلت حضرت
عارف لما بفكر بحس ان ما الآت اليه الامور فى اغلب او كل الدول العربية تقرأ ان ذلك مرتب ومدبر بمهارة شديدة لابقاء تلك الدول متأخرة ومتخلفة بهذا الشكل الى ان يشاء الله
وان هناك من يريدنا وبقوة فى نفس الضرب المظلم
تحياتى واحترامى لك اخى
وشكرا جدا لمرورك وتعليقك
الأربعاء فبراير 10, 07:37:00 م 2010
مشخبطاتى
اهلا بك
نعم هى لعبة الهاء جيدة جدا
بل واكثر انها سياسة للالهاء الكامل للشعب والتضليل للكثيرين منا عن ما يدور فعلا فى مصر وفى عالمنا العربى
تحياتى لك
الأربعاء فبراير 10, 07:38:00 م 2010
طهر فؤادك
وعليكم السلام ورحمة الله وبركاتة
اهلا بك وجزاك الله خيرا
وبارك فيك
اللهم امين يارب العالمين
تحياتى وشكرى لمرورك
الأربعاء فبراير 10, 07:40:00 م 2010
الةفية للابد مها احمد
انتى كمان وحشانى ازيك ياقمر يارب تكونى بخير وسلامة
والله ومين سمعك القصص المؤلمة والمفجعه كتير فى مصر والفساد زاد اوى
ربنا يسترها من عنده
شكرا لك على الشعر الجميل وعلى مرورك الاجمل دمتى بكل ود وخير
تحياتى لك
الأربعاء فبراير 10, 07:46:00 م 2010
موناليزا
اهلا بك وشكرا لك مرورك
منورة المدونة
الأربعاء فبراير 10, 07:46:00 م 2010
موناليزا
اهلا بك وشكرا لك مرورك
منورة المدونة
الأربعاء فبراير 10, 07:47:00 م 2010
شمس النهار
اهلا بك
فعلا انا كمان مش عارفة هى فعلا ازمة حقيقية ام مفتعلة
وكمان فى حاجات كتير جدا احنا مش عارفينها !!
انا كمان قرأت انها مدعمة فعلا لكن اين هى ؟
تحياتى لك ولمرورك الجميل
الأربعاء فبراير 10, 07:50:00 م 2010
صيدلانية طالعة نازلة
اهلا يا قمر
فعلا سيظل فى فساد طلما فية فاسدين وايضا طلما هناك من يسكت على الظلم ويؤيدة
وفعلا هى صورة مصغرة لكثير من ازامتنا
تحياتى وحبى لك
الأربعاء فبراير 10, 07:53:00 م 2010
ضياء
اهلا بك منور المدونة والله
فعلا لما الناس تصحى
وخلى لاعبى الكورة مع احترامى طبعا لهم كلهم ينفعوونا فى النهضة العلمية او الحياتية ؟؟
او حتى خلى رقصاتنا وفنانينا اللى رافعين راس مصر ينفعونا فى بناء اقتصاد قوى .؟ ولا يذهبوا للولادة فى امريكا او شراء اى جنسية اوربية ؟؟
معليش انا اللى خرجت عن الموضوع اهو
نورتنى يا ضياء
الأربعاء فبراير 10, 07:55:00 م 2010
ضيا
كلامك يحمل الكثير والكثير من الالم
لكنه صحيح الى حد الرعب
هناقشك فية ان شاء الله لما اشوفك
تحياتى واحترامى لك اخى
الأربعاء فبراير 10, 09:26:00 م 2010
بصى من الاخر كلها مصالح واى حاجة تيجى من وراءها فلوس والسلام
تعرفى يا انوسة الانبوبة وصلت 75ج فى مدينة نصر بجد الواحد مش عارف يقول ايه ولا يعمل ايه غير حسبى الله ونعم الوكيل فيهم
وعلى راى عمرو اديب هينتظروا ايه من ست واقفة طول اليوم فى طوابير؟؟
طبعا خناقات ومشاكل مع جوزها ... اهمال لاطفالها
يعنى فشل فى كل شىء
ربنا يرحمنا
تحياتى لموضوعك الاكثر من ممتاز
شفقة
الأربعاء فبراير 10, 10:14:00 م 2010
موضوع مهم والله انا نفسى بعانى منة والشعر الى كتوب تحت بتاع مها جميل جدا ودمة خفيف بحييها علية اما بالنسبة لنظرتى للموضوع من ناحية سياسية فاحنا لما نقول مين المستفيد من موضوع تصدير الغاز لاسرائيل بسعر منخفض معتقدش هتلاقى حد هنفول امال لية انتى عارفة ان اسرائيل مش لوحدها ووراها مين وانا عندى ثقة فى القيادة السياسية فى مصر خصوصا فيما يتعلق بالشئون الخارجية وساعات لازم الواحد يطاطى للعاصفة عشان متكسرهوش والشيخ الشعراوى رحمة الله كان دايما بيقول من الشجاعة ان يجبن الانسان ساعة فى فساد صح لكن فى الموضوع دة معتقدش انه متعلق بالفساد ولكن دى مواضيع اكبر من كدة بكتير متهيالى انتى فهمتينى
تحياتى ليكى
الأربعاء فبراير 10, 10:32:00 م 2010
شفقة واحسان
ازيك يا شفقة هانم
فعلا انا سمعت انها فى بعض القرى ب50جم يعنى حاجة كتير على محدودى الدخل وطبعا زى مانتى قلتى دا كلة بيولد ضغط كبير على ربة الاسرة ورب الاسرة ايضا مما يسبب مزيد من القرف
والمشاكل والزهق
ربنا ينجينا
تحياتى وحبى لكى
وسلامى لاحسان بيه
وقبلاتى لسيمبا
الأربعاء فبراير 10, 10:35:00 م 2010
الارموطى
اهلا بك
رحم الله الشيخ الشعراوى وعلماء الامة
اما عن الفساد والتصدير الغاز والاسمنت والحديد وغيرها وحتى عن الجدار الفولاذى اقول بلاش نتكلم فى اللى اكيد مش على علم بيه واكيد اكيد هنسيء الظن فيه
واكيد اكيد هنظلم السلطة فيه والظلم ظلمات يوم القيامة
وحاجات من دى وانت كمان ادرى منى بيها
هنتبلى على النظام ونقول فساد
لاحول ولا قوة الا بالله
هنقول ثمن التوريث اش عرفنا احنا احنا عوام الشعب
هنقول مصالح عندنا دليل ؟؟
خلينا احسن ساكتين
تحياتى لك ولمرورك
الأربعاء فبراير 10, 10:39:00 م 2010
السلام عليكم اهلا بكي في مدونة
التدوينة السوداء اذا كنتي تريدي الاشتراك
ادخلي علي هذا الرابط
دمتي بخير
رهف قلبي
http://www.blogger.com/i.g?inviteID=7308363041728321618&blogID
الأربعاء فبراير 10, 10:39:00 م 2010
السلام عليكم اهلا بكي في مدونة
التدوينة السوداء اذا كنتي تريدي الاشتراك
ادخلي علي هذا الرابط
دمتي بخير
رهف قلبي
http://www.blogger.com/i.g?inviteID=7308363041728321618&blogID
الخميس فبراير 11, 12:33:00 ص 2010
الازمه دى متهيألى اهل الصعيد اكتر ناس حاسه بيها لان الغاز الطبيعى لم يصل تماما الينا بعد
وطبيعى بتتباع سوق سودا او معارف
النهارده كانوا جايبين وزير التضامن
فى البيت بيتك الناس دى عايشه فى كوكب تانى وعمرها ما هتحس بمعاناه الشعب
انا سمعت بردوا عن موضوع استيراد الغاز الطبيعى دا بس مش عارفه حقيقته
بس انا اتوقع اى شئ من حكومه نظيف
اللى نضفت جيوبنا على الاخر
الحياه فى مصر حاليا على صفيح ساخن خاصه ان هوجه المنتخب خلصت والناس بدأت تلتفت بقى لحالها
للاسف ما عنديش اى حلول طول ما الحكومه هى هى والناس هما هما
الواحد يسافر ويرتاح منهم
الخميس فبراير 11, 12:38:00 ص 2010
ذكرى رحيل قلم
شكرا لك وحاضر انا الان فى طريقى للدخول
الخميس فبراير 11, 12:39:00 ص 2010
ذكرى رحيل قلم
احاول الدخول لكن لا فائدة ؟؟
الخميس فبراير 11, 12:46:00 ص 2010
بسنت
اهلا بك من الطبيعى والمعروف ان الحكومة ومسئوليها فى واد وباقى الشعب فى واحد اخر وللاسف ان الصعيد يعانى وبخاصة سوهاج من فقر شديد ولا حياة لمن تنادى ؟
اتمنى من الله اختى ان يصلح الله الاحوال ويصلحنا ايضا
واعتقد ان السفر لا يفيد والا لهاجرت مصر كلها
من لا يملك فى بلدة لا يملك فى مكان اخر
يملك اية بقى فكرى فيها براحتك
تحياتى واحترامى
الخميس فبراير 11, 02:07:00 ص 2010
والله متعرفيش العيب فى الشعب ولا فى الحكومة لوحدها
طب مهو احنا اللى اتعودنا نسكت ونرضخ للامر الواقع للاسف
هما قالوا فى الاعلام ان الازمة دى مؤقتة وانها هتخلص قريبا باذن الله
بس فى ظل اللى عرفته من بوستك واللى كنت اول مرة اسمعه معتقدشى ذلك
تصدقى انا دمى اتحرق مهى مصر دى ياما هبلة ياما بتستعبط وهى فى الغالب بتستعبط
يعنى يخسروا نفسهم علشان خاطر اسرائيل ميكشى تولع
لا والغباء اتفاقية لمدة عشرين سنة هو حد عارف بكرة هيحصل ايه ممكن ربنا يخدهم
موضوع جميل يا ايناس وللاسف محدش اكلم فيه كتير مع اننا المفروض نكلم كلنا فيها
تحياتى
ايمى
الخميس فبراير 11, 03:00:00 ص 2010
ايمى ازيك ياقمر
وحشانى جدا والله
بصى كلنا دمنا محروق اما عن الاتفاقية فللاسف دى موقع عليها اما لموافقه وجلب التأييد العالمى للتوريث او لاسباب مجهولة والاكيد طبعا انها فى مصلحة الشعب و لا انتى لكى رأى تانى
والمشكلة فى السياسات الخاطئة
ربنا يستر علينا
تحياتى لك
الخميس فبراير 11, 08:24:00 م 2010
السلام عليكم
ازيك يا نهر الحب
هى من ناحية عاوزين فحنا عاوزين حاجات كتير
بس اللى يجيبلنا بقي
عاوزين ميه نضيفه وانا بيب
وبلاش الحاجات التانيه
احنا نتمنى بس ومحدش يحققلنا حاجه
تسلمى يا حبيبتى
الخميس فبراير 11, 08:47:00 م 2010
السلام عليكم
اهلا بك صديقة واخت لنا في الله
جرب هذا الرابط مدونة الشجرة الام
وان شاء الله تعرفي تدخلي وتبدعي برحتك بس براحة علي مصر
تحياتي http://mothertree11.blogspot.com/2010/01/blog-post.html
الخميس فبراير 11, 08:47:00 م 2010
علي فكرة التدوينة السوداء مدونة لكل العرب
الخميس فبراير 11, 10:55:00 م 2010
اظن انت فاهمه ان ازمة الانابيب دى ازمه طبيعيه ..
اصل احنا عندنا ناس بتفتعل الازمات حتى تربح من ورائها
عارفه الحكومه بتدعم الانابيب بحوالى 16 جنيه .. وفيه ناس لازم ياخدوا الدعم دا عشان يحطوه فى جيوبهم ودول ناس واصلين وايديهم طايله ومسئولين كمان
الخميس فبراير 11, 11:30:00 م 2010
حلمى البعيد
اهلا بك
فعلا فى حاجات كتير جدا عايزينها لكن المشكلة اننا لن نطول شئ طلما الفساد مالى الدنيا
ربنا يصلح الاحوال
تحياتى لك
الخميس فبراير 11, 11:32:00 م 2010
ذكرى رحيل قلم
اهلا بك مرة جديدة وعلى طول ان شاء الله
شكرا لك على الرابط
ووالله انا بحب مصر جدا
مهو انا لو مش كدة صدقينى مش هيهمنى وهقول وانا مالى
تحياتى لك ولحضروك
الخميس فبراير 11, 11:33:00 م 2010
فشكول
اهلا بك
انا عارفة ان فى ناس كتير فى بلدنا واطين جداا
وعشان كدة بيتربحو من الهوا
ربنا يعافينا منهم
تحياتى لك
الجمعة فبراير 12, 03:25:00 ص 2010
السلام عليكم ورحمة الله وبركاته و صلاة الله و طيباته :)
أختي الحبيبة نهر الحب أسعدني كثيرا الوقت الذي قضيته أتجول في مدونتك
أسعدت أن لا زال هناك قلوب تنبض بالحياة بالاحساس بما حولها ولم تدخل في غيبوبة التائهين ..
أشكرك أختي و الى الامام دائما ..
عندي ملاحظة صغيرة^^
ليه خلفية الساعة الي ع المدونة تحمل صورة سيدة عارية !!!,
الجمعة فبراير 12, 04:13:00 م 2010
السلام عليكم
شكرا اوى على سؤالك ويارب تكونى بخير
وحسبى الله ونعم الوكيل فيهم
تحياتى
احمد الشاعر
الجمعة فبراير 12, 04:52:00 م 2010
السلام عليكم اخت نهر الحب
ربي يصلح الحال
وليبدا كل بنفسه
انها القاعدة الاولى و مفتاح الحل
حسبنا الله و نعم الوكيل
سلام
الجمعة فبراير 12, 11:01:00 م 2010
الزهراء
وعليكم السلام ورحمة الله وبركاتة واللهم صلى وسلم وبارك على سيدنا محمد
اولا شكرا لك على اطرائك
واللهم اغفر لى ما لايعلمون
الساعه انا كنت بجرب ونستها مع عدم الانتباه لها فشكرا لك على تنبيه
مرورك اسعدنى جدا
الجمعة فبراير 12, 11:04:00 م 2010
الشاعر
اهلا بك
وياسيدى دا واجب علينا جدا
شكرا لك المرور
الجمعة فبراير 12, 11:05:00 م 2010
سلوى
اهلا بك اختى الجميلة
وعليكى السلام ورحمة الله وبركاتة فعلا اختى اصبتى كلا يبدا بنفسة
شكرا لك مرورك العطر
السبت فبراير 13, 01:39:00 م 2010
الله يخرب بيت اسرائيل
على بيت الانابيب اللى قرفت الشعب
ربنا ياخدهم
دى بقت اهم من رغيف العيشس
الدوله هتوصلنا اننا نعمل مظاهره عشان حزمه فجل
دى مصيبه
السبت فبراير 13, 07:12:00 م 2010
The illusionist
اهلا بك
وفعلا حاجات كتير الدولة مقصرة فيها بشدة
وهل المظاهرات تفيد ؟؟
للاسف لا
تحياتى لمرورك
السبت فبراير 13, 08:46:00 م 2010
كان الله في عون الشعب المسكين الغلبان ، يظهر تقاذف الأزمات كالأمواج الهائجة بهذا الشعب ..
اتمنى ان يظل هذا الشعب الكريم كالسفينة المتينة في ظل هذه الأزمات التي تغتال بعض كرامته و تنغص على العامة سبل العيش الطيب الكريم ..
،، بالتوفيق
السبت فبراير 13, 08:51:00 م 2010
اولا تحياتى لكى وتقديرى الكبير
ثانيا غاز البيوتان المستخدم فى اسطوانات البوتاجاز هو من مستخرجات الغاز الطبيعى بعد تنقيته وتسييله
والعقل يقول ان تصدير الغاز الطبيعى فى صورته الخام عبارة عن اهدار لموارد مصر مثل اى منتج خام اخر حيث يتجه العالم كله الى تصنيع مبدئى لاى مادة خام قبل تصديرها
السبت فبراير 13, 09:54:00 م 2010
بسام الكثيرى
اهلا بك فعلا رحم الله الشعب الذى اصبح كل همة الحصول ععلى لقمة العيش
وتوفير سبل الحياة لاطفالة
تحياتى لك وشكرا لمرورك
السبت فبراير 13, 09:55:00 م 2010
راجى
اهلا بك استاذى الفاضل
فعلا ما يحدث فى مصر فى كثير من المجالات هو اهدار للمال واغتيال للموارد
ربنا يرحمنا
تحياتى لك ولمرورك العطر
إرسال تعليق