آآآآآه

انا تعبت

Happy Valentine's Day

كل عيد حب وانتم على طول بخير 

ودايما محبين والحب ملى قلوبنا 

وملى الدنيا علينا فرح وحب وهنا 

كل لحظة واحنا بنحب كل الناس حتى اعدائنا 

كل لحظة واحنا  كلنا حب 

وبمناسبة عيد الحب 

حبيت اهديكم اغنية 

وبحب الناس الرايقة اللى بتضحك

على طول اما العالم المضايقة 

انا لا مليش فى دول 

اصل الاغنية دى تحفة والاهم انها شبهنا بالضبط 

احنا بقى الناس الرايقة دى 

احنا كمسلمين فى العالم العربى على وجه الخصوص ناس رايقة على الاخر

نحب الفن والكورة والرقص والفرفشه

حتى واحنا مش لاقين سبل الحياة الكريمة !!

و

كل العالم فى وادى واحنا فى وادى تانى خالص 

العالم كله بيهتم بالبحث العلمى والبيئة 

والاهتمام بالتغييرات المناخية وحتى ابادة العرب وخاصة المسلمين منهم

واحنا شغلنا الشغال ازاى نقلدهم ونقتدى بيهم ونحاول نرضيهم 

وكأنهم الآهتنا وفى ايديهم مفاتيح الجنة والنار  او مية المحاية التى لا موت بعدها ابدا

احنا الناس الرايقة 

هابى فلانتيين داى 

منذ عدة ايام اعادة صحيفة نرويجية الرسوم المسئية للرسول صلى الله عليه وسلم من جديد

وهذا يدل على استهانة العالم اجمع بالاسلام لا والله بنا نحن كمسلمين فالاسلام ارقى واكبر من ان ينقص من قبل اى احد على وجه الارض 

 لو كان هناك حاكم عربى واحد لا يهتم الا بكرسية وامواله 

اخذ موقف جدى من الصحيفة الدنماركية او حتى من الدنمارك ذاتها 

لما تجرأت الدول تباعا على ان تسئ لسيدنا محمد صلى الله عليه وسلم 

يا حاكم العرب يا حكام المسلمين لما لم ينتفض حاكم واحد فى وجه تلك الحملة 

ام انها امور سياسية لا نعرف ابعادها ولا تليق بنا نقاشها!!!!!!!!

لما لا نهب لنصرة الله ورسوله صلى الله عليه وسلم

لا والله بل لما لانهب لنصرة انفسنا

لكنا سكتنا من قبل على انتهاك حرماتنا فى القدس

واغتصاب نسائنا فى البوسنة والهرسك

وسفك دماء رجالنا فى الشيشان 

واحتلال  فلسطين والعراق 

وسكتنا على جوع اخواننا فى الصومال وجنوب السودان

وصمتنا على مذابح فلسطين 

كل هذا كنا نسكن ضميرنا بحجج واقاويل واهية واسباب هلامية !!!

الان ما هى حجتنا ؟؟

اليس فينا من ينتفض لنصرة نبى الله صلى الله عليه وسلم 

اليس فينا رجالا لا يرضون الاساءة للرسول صلى الله عليه وسلم

يا حكام العرب اليس فيكم من يقول لبيك رسول الله 

اليس فيكم من يقول فداك ابى وامى رسول الله صلى الله عليه وسلم ؟؟

ام ان الكراسى اهم وابقى ؟؟؟

ام انها المصالح والاموال 

؟؟؟؟

يا انت يا من تنتفض لسب ابيك !! اليس احق بالنتفاض والغضب رسول الله  صلى الله عليه وسلم 

يا من تغضب لسب امك !! اليس الرسول صلى الله عليه وسلم احق

اليس فينا من يقول فداك ابى وامى يا رسول الله صلى الله عليك وسلم؟؟؟

اليس فينا من يحب الرسول صل

ى الله عليه وسلم حقا؟؟؟؟

يا من تقتل أمك او زوجك او اختك بدافع الشرف 

اهناك شرف اكثر من رسول الله صلى الله عليه وسلم 

يا من تغضب من جارك لانه التفت  عنك 

اليس  رسول الله صلى الله عليه وسلم احق بالغضب؟؟؟

يا من تثورى على جارتك انها قفلت الباب فى وجهك دون استئذان !!

الا تثورى من اجل الرسول صلى الله عليه وسلم 

يا هذا يا من تذهب لشراء هدايا الفالانتين 

دباديب وورود وبرفان 

اليس رسول الله صلى الله عليه وسلم احق بالحب ؟؟؟

نحن اسئنا الى ديننا ورسولنا صلى الله عليه وسلم 

حين صمتنا على ما يحدث 

حين بدلنا الصلاوت الخمس بورود عيد الحب 

نحن لا نستحق الاسلام

نحن مدعين ليس الا

الا من رحم ربى

اليس فينا من ينتفض لنصرة رسول الله صلى الله عليه وسلم ونحن ندعى الاسلام ؟؟؟؟

بيب بيب عايزين انابيب

من بعد هتاف الناس او فى وسطة 

عايز تهدو هاتله جدوو

او حضرى ياسد العالى 

وغيرها من هتاف المصريين خلال الفترة القليلة الماضية 

الى الهتاف الجديد اللى ضاع 

وسط هتافات الشعب للمنتخب الوطنى 

ولم يسمع انينه الا بعد هدوء العاصفة الكرويه

يهتف المصريين الفقراء ومحدودى الدخل الان  

بيب بيب عايزين انابيب 

فحصلت ازمة لا تقل خطورة عن ازمة رغيف العيش 

وهى ازمة الانابيب 

من الواضح وبشكل جلى ان مصر تعيش منذ اكثر من شهر 

فى ازمة حقيقية لاختفاء اسطوانات الغاز المدعمة من السوق المصرية 

والتى لا يستغنى ابدا عنها الكثير من البيوت المصرية  كوسيلة اساسية 

لطهى الطاعم او حتى لتشغيل السخانات!!

ومما سبب بشكل او بأخر فى ارتفاع اسعار الدواجن !! 

 بل وايضا اسعار الاكل بالمطاعم 

والادهى ان تلك الازمة تضع الحكومة المبجلة  فى موضع حرج 

طبعا ان كان هناك  من يحرج ؟؟!!! 

لما ؟؟؟؟

لان مصر تصدر الغاز الطبيعى لاسرائيل بل والادهى انها وقعت اتفاقية التصدير 

اولا : سرا 

ثاني:التصدير لمدة عشرين عاما 

ثالث:ا بأسعار مدعمه تصل ل 2$ فى حين ان سعره عالميا 8$ حبايب بقى و اولاد عم !!

رابعا :  ان مصر تخسر ما لا يقل عن 25مليار جنية مصرى سنويا !!

خامسا  : عدم رضوخ النظام فى مصر للامر القضائى ببطلان التصدير 

سادسا: ما يثار حول ازمة الغاز  بين مصر والجزائر او مشاكل فى استيراد الغاز من الدولة الشقيقة وكلنا عارفين السبب!!

بصوا بما انى مليش فى السياسة وانها اكبر مما استوعب 

ففى بعض كلمات صغيرة تقال فى هذا الموضوع 

اولا ان كانت مصر تصدر الغاز بأسعار مدعمة لاسرائيل هل ستستورد بمثل هذا السعر؟؟

ثانيا هل ستخرج مصر بسهولة وبسعرة من ذلك المأزق ؟؟

ثالثا  من المسئول عن سوء التخطيط والادارة فى تلك الدولة التى لا تقوم من كبوة الا وتقع فى اخرى ؟؟؟

الى متى يظل الفساد هو المسيطر على مجريات الامور فى مصر؟

ملحوظة 
نبهنى الاخ لورانس العرب ان هناك فرق بين غاز الانابيب والغاز الطبيعى 
وبصراحة انا لم اكن اعرف تلك المعلومة فشكرا له 

يا عيني علينا محتاجين انبوبة
ساعدونا يا حكومة دي خدمة مطلوبة
مش جديد يبقى حق من حقوقنا المسلوبة
هنعمل ايه في حكومة و ارزاق منهوبة
دي بلد تعز الحرامي ماهي دولة مقلوبة
و رجال الاعمال دول ناس محبوبة
علشان ناكل محتاجين انبوبة
علشان ندفى محتاجين انبوبة
علشان نشرب محتاجين انبوبة
علشان نعيش محتاجين انبوبة
ريحينا يا حكومة ريحينا
إلهي ينفجر فيكم انبوبة
الشعر دا اهداء من الوفية للابد مها احمد 
اشكرها جدا عليه  

اتقوا يوما ترجعون فيه الى الله

عن عبد الله بن عمر رضي الله عنهما قال: قال رسول الله صلّى الله عليه وسلم: "المسلم من سلم المسلمون من لسانه ويده، والمهاجر من هجر ما نهى الله عنه" (1).
وزاد الترمذي والنسائي: "والمؤمن من أمِنَه الناس على دمائهم وأموالهم"(2)
وزاد البيهقي: "والمجاهد من جاهد نفسه في طاعة الله"(3)

ان لم يرتقى التعلم بك 

فأعلم انك جاهل 

لا يعنى انك تمسك بورقة وقلم انك تعلمت 

او انك تجيد القرأة والكتابة 

لان اثبات الاجادة هى الفهم والعمل بما تفهم 

فلا يعنى ابد انك  تقرأ وتكتب انك  مثقف 

ولا يعنى ابدا انك تجيد القاء الشعر او كتابته 

انك شاعر لانك لو كنت كذلك كان عليك

ان تشعر بهول ما تسطر 

وبهول نتائجه

اتقى الله 

دى رسالة الى احد المدونين الافاضل

قاصف المحصنات

 #*#*#*#*#*#

بجد انا فى حيرة شديدة 

مش عارفة هو فى اية ولا عارفة 

الناس دخلت التدوين لية عشان يشتموا بعض ولا عشان 

يتبادلوا الاتهامات الخطيرة والقبيحة ؟!!

انا اسفة جدا لما يكون مدون كبير فى السن والمفترض ان

سنة دا يكسبه خبرة واحترام ونضج كافى 

يكتب ما لا يقدر على كتابته 

الصغار  مما لا يعلمون عاقبة تلك الفعلة 

انا عايزة اعرف بأى حق يصف الناس المحصنات ؟

عايزة اعرف بأى حق حد يسب سيدة امانة فى بيتها ؟

الا انها تكتب  او انها مدونة ؟

طب ما لو دى فعلة شأنة ما حضرتك بتعملها ؟

ام ان التشريع نزل  لها وغفل عنك ؟؟

ام انها جرت العادة ان الكاتبة على النت هى مباحة 

لكل من هب ودب !!!!

طب ما لو حضرتك برضة فاكر 

كدة ومؤمن بكدة طب ماأنت بتعلق عند

المدونات والكاتبات على النت !!

هل صرنا مشاعا 

هل اصبحنا حق مكتسب 

للخوض فى اعراضنا ؟؟؟

هل اصبحت سيرتنا 

لبانة لكل من هب والدب 

هل ان اسمائنا وسمعتنا 

اصبحت سهلت المنال 

اما انها مسألة تسويق 

ان كل ما يكتب ويستطيع الكتابة 

ولا يجد قراء 

فعليه ان يكتب  

عن المحصنات الغافلات الامنات ؟؟

يأ انت 

ايا كان اسمك

ايا كان جنسك او عمرك او بلدك او دينك 

اتقى الله فينا 

اتقى الله فى عرضنا وشرفنا 

اتقى الله  

اتقى يوما تقف فيه بين يدى (الله عزوجل )

(أَنْ تَقُولَ نَفْسٌ يَا حَسْرَتَى عَلَى مَا فَرَّطْتُ فِي جَنْبِ اللَّهِ وَإِنْ كُنْتُ لَمِنَ السَّاخِرِينَ) (الزمر:56)

واعلم انه

(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ)) (قّ:18)

    اتقوا الله فينا 

لا تشعرونا وكأننا صرنا مشاع لمجرد اننا نكتب سطور على النت 

او اننا قلنا اننا اخوة او اننا تعاملنا بحسن نية 

اتقوا يوما ترجعون فيه الى الله 

ملحوظة انا قرأت اللى كتب وبصراحة حاجة وحشة جداا 

وانا مستأة جدا جدا  لانى لم اتوقع ان يستخدم قلم فى الافتراء على الناس 

او ان يكون سببا فى هدم البيوت  او تشويه سمعة سيدة فاضلة