السلام عليكم ورحمه الله وبركاتة
النهاردة انا صاحية من النوم فى حالة من السعادة والنشاط اللى بصراحة افتقدتهم من فترة
قمت النهاردة لاقيت الدنيا حلوة والزهور مفتحة وحتى عصافيرى بتغرد وكأنها تشاركنى
مشاعرى
وما جد على من سعادة واحساس عالى اوى بالفرحة
لا واية كمان دعم الفرحة دى فرحة شئ تانى اعتقد انه هيسعد ملايين
مش بس انا لا الحمد لله الفرحة هتعم على الكل
والناس اغلبها هتكون مبسوطة والحمد لله
طبعا انا طولت عليكم وعارفة انكم عايزين تعرفوا سبب فرحتى العارمة
الشئ اللى بجد مفرحنى والحمد لله انه اكيد فرح ملايين من الناس فى مصر
وحتى العالم العربى وخاصة محبى مصر ام الدنيا
ان المتسابقة فى برنامج ستار اكاديمى فازت فى البراين ع منافستها اللى اعتذر انى مش
عارفة اسمها
تقولوا اية بقى فى جهلى الشديد 0000 لكن بصراحة البنت ما قصرتيش ابدا
الا فى ملابسها طبعاا غير كدة عاملة الواجب وزيادة رقص وعرى وغناء واحضان الى
خلاف ذلك
ما شاء الله حاجة تفتح النفس بصحيح وترفع الراس
وفى الاخر يا حرام شايلة العلم شفتوا الوطنية ؟!!
دى اللى مفرحنى النهارده
خلاص ست الاستاذة حلت مشاكلنا كلها
الباطله 000 العيش 000 العنوسة 000 الاجور الذهيدة
كله كله حرام البنت عملت اللى عليها
اما الشئ التانى اللى مفرحنى برضة اوى جدا خالص لدرجة ان ربنا يستر على من الفرحة
وميحصليش حاجة فى النص
البرنامج التانى الهايل الممتاز العبقرى اللى بيتبنى مواهب البنات فى الرقص الشرقى حاجة
تفرح بصراحة
دى الوطنية ولا بلاش بدل ما يجيبوا رقصات من روسياا احنا اولا احنا احق
وهو شئ يجمع العرب كلهم بدل الشتات الفكرى والوجدانى وحتى الحضارى اللى هم فيه
وبدل ما يرحوا كباريهات امريكا ولاس فيجاس زيتنا يبقى فى دقيقنا ومصر ولبنان ودبى
موجودين بس عايزين الهمة وبنات تكون حاجة محصلتيتش عشان يتنمو تراثنا وحضارتنا
بس انا اعتب على القائمين ع البرنامج انهم طالبين من سن 18 الى 26 سنة بس
المفروض يتيحوا لمن هن اكبر شوية كمان وكمان زى ما هى للنساء والبنات ياريت
تكون كمان للرجال سورى والله اقصد اشباه الرجال من امثال المطرب الجميل الرائع المذهل
مطرب بحبك ياحمار
انا بس اللى عايزة اعرفه قناة البسى واقعلى اعتذر عن اللفظ
عايزة ايه من شبابنا ؟؟
وفين اسر المشاركين دول ؟؟
وفين قيمهم الدينية والتربيوية؟؟
فين خوفهم من الله
ما الذى يدفع شبابنا الى مثل هذة البرامج
حب الشهرة ؟ المال ؟ حب الظهور
الفراغ
ملحوظة هامة جداا
انا لا اشاهد البرنامج بل كان حوار عابر يتخيلون انى مثقفة 00
والحمد لله انى مانعه اختى من مشاهدة العرى والاباحية الغريبة
اما عن مسابقة الرقص الشرقى شاهدت اعلانهاا
.jfif)
المشاركات
32 التعليقات:
السبت مايو 03, 11:44:00 ص 2008
السلام عليكم ورحمة الله وبركاته
اللهم ما ديمها عليكي
فرحة يارب سعيد جدا
لتعليقي الاول علي المقال
الا كلة فرحة وزقزقة عصافير
وزهور
تحياتي
ياسر
السبت مايو 03, 12:25:00 م 2008
السلام عليكم ورحمة الله وبركاته
سيدتي نهر الحب
بس انا دلوقتي بس
قراءت المقال بتاعك مرة
واتنين وتلاتة وفعلاا دي حاجة
تكثف نشوف في الغرب وناخد
منهم الطباع الوحشة بس الحاجات
الا تسئ لعروبتنا واسلاامنا وللا سف
الشديد هو دة الحرب الفكرية والاستراتيجية
الجديدة مخدرات رقص عري وبرنامج ستار مهابيلي
اعتقد والله اعلم فكرة متخدة من الغرب وهنا في
فرنسا من زمن الزمن بس مش قادر افهم احنا
لية منخدش منهم حاجة تفيدنا وتفيد مجتماعتنا
وشبابنا زي حاجات كتير كويسة مثلاا فرص العمل
كفالة الشباب حتي يلقوا اي عمل لو يدوهم اي
اجور رمزية رغيف العيش الا في ناس مبتقدرش
توفرة لعائلتها مش ناخد الرقص وحاجات زي دي
وبعدين هيا جات علي استار مهابيلي طيب
شوفي مستوي السينما الهابط الا احنا وصلنا لة
والله ماعاد في فيلم يتشاف ولاا حتي اغنية
احتلال فكري اما بقي بالنسبة للمحروسة
بتاع العلم دي حكايتها حكاية متظلميهاش
يانهر فهيا بس تقريبا بردت او حست انها
لبسة نص كوم هههههههههههه
فائق احترامي وتحياتي
ياسر
السبت مايو 03, 06:38:00 م 2008
تشكيلي و الا ابكيلك،أنه إعلام كل من إيدو إلو كما يقول إخواننا السوريين، هو إعلام الجمهور عايز كدا، هو إعلام الإستهلاك و المستهلك هو إعلام ينبت و يقبع في مزابل التاريخ، هو إعلام يجسد واقعنا المنحط و الغارق في المادية و البعد عن المثل و الدين و العادات الإنسانية الكريمه، لا تحزني او تعجبي فهو إعلام يلبي ما يطلبه واقعنا المتردي، ولا حول و لا قوة إلا بالله.
السبت مايو 03, 09:18:00 م 2008
اهلا ياسر
منور
الله يسعدك يارب فى الدنيا والاخرة
بصراحة الموضوع دا تعبنى نفسيا ناس لا تستحق لا المشاهدة ولا الاهتمام
والبلد مليانة قضايا تستحق النظر اكثر اليها
وتستحق ان الواحد يقف ويحاول يحلهاا
مش مجرد اعلام فاسد وضال
كما اننا لو نحاول التشبه لما لا نتشبه بالجيد من رقى
واتقان للعمل
واحترام للمواعيد
و و و و
كل الاحترام
السبت مايو 03, 09:20:00 م 2008
هلا وغلا ياسر الغسلان
والله كما قلت انه اعلام مستهلك لا اكثر
يدعم فكر الاستهلاك والانحدار المستمر ومن سئ لاسوء
المشكلة ان الناس تتجاوب وابتدت فى شكل غريب تتعود وتالف هذا الانحدار
الغريب
ولا حول ولا قوة الا بالله
وكأننا نرفع شعار فنان لك مواطن
كل الاحترام لك
السبت مايو 03, 11:05:00 م 2008
ليكى حق تفرحى اوى كده
السبت مايو 03, 11:08:00 م 2008
للاسف الشديد فى الوقت الحالى لا تجدى الامه العربيه ايد واحده الا فى التفاهه والعرى..حسبى الله ونعم الوكيل
السبت مايو 03, 11:34:00 م 2008
خبر عاجل : قرر أمير المخبرين اعتقال الريحانة الملقبة بنهر الحب بسبب دعوتها للرجعية والتخلف الحضاري واحتقار العري والرقص الشرقي والدعوة للقيم الدينية والتربوية التي عفا عليها الزمن , والدعوة للتزمت الديني والخوف من الله .. وعلى كل من يعرف مكانها أو أي معلومات عنها يخبر المخبر الملاصق له على الفور ..
انتهى البيان ..
تحياتي
said
الأحد مايو 04, 04:35:00 ص 2008
طبيبك الخاص
اهلا بك
اكيد انت كمان فرحان زى
الامة العربية الان لا تتحد الا على المحرمات
الاشياء الوحيدة التى تجمعهم
ولا حول ولا قوة الا بالله
الأحد مايو 04, 04:38:00 ص 2008
جنى
انت بتقول فيها
الظاهر فعلا انى بقيت اثرية
شئ من التراث
عقلى وقف عند نقطة ومش راضى يتقبل المزيد
كل الاحترام
الأحد مايو 04, 11:51:00 ص 2008
هما شكلهم عايزين ينشروا الفساد والعرى والانحلال فى المجتمع
عايزين يفسدوا الشباب
هما بيدمروا الشباب بايدهم وفى مجموعه من الشباب بتتفرج عليهم ومعجبه بيهم
البرنامج ده بتطلع منه بلاوى
هما بس فلاحين يقبضوا على اللى عايزين اصلاح للبلد شكلهم كده عايزين البلد تفضل غرقانه
مره واحد بيقول لنيكول سابا انت بتطلعى فى التلفزيون بشكل مستفز وعارى
قالت له اللى مش عجبه لبسى شوفى اى قناه تانيه يتفرج عليها غييير القناه اللى انا عليها
واكنها قاصده اللى هى تبوظ المجتمع
عارفه
كل حاجه فى البلد بقت لا يرثى اليها حاجه تفرح وتسعد بجد
تحياتى ولاء
الأحد مايو 04, 12:18:00 م 2008
ولاء
منورة
عارفة ياولاء لاسف انها فعلا حالة غريبة من التقليد الاعمى للغرب حتى فى الفساد
دوم الجوع للواعظ الدينى او الاخلاقى او حتى الموروث الاجتماعى
ودى حاجة تقهر بصراحة
كل الود والاحترام
الأحد مايو 04, 04:54:00 م 2008
نهر الحب
موضوع هايل تسلم ايديكي حقيقي المشكلة مش في المسابقات اللي من النوع دا المشكلة لما تلاقي اب واقف فخور اوي ببنته انها فازت في مسابقة من النوعية دي وفرحان للاسف مبقاش في نخوة ور جولة بين ناس كتير اوى
بس انتي كدة زعلتني انا دخلت فرحت قلت خير يارب الواحد نفسه يفرح بحاجة يافرحه ماتمت وبعدين كدا مش هنعرف نشترك في المسابقة بتقولي لحد 26 بس يخسارة ههههههههههههههه مكنتش هشارك برضوا
تسلم ايديكي ياقمر علي موضوعك اللذيذ وربنا يفرح قلبك لما حالنا يتعدل بجد ويصلح حال المؤمنين اللهم امين يارب
لكي خالص التقدير
الأحد مايو 04, 08:10:00 م 2008
بنات صاحبة الجلالة
منورة
وياستى ربنا يفرحنا كلنا ع المستوى الشخصى والعام امين يارب العالمين
بس شفتى ازاى مش هيخلوا كبار السن اللى زينا يشاركوا
والله يا قمر انا فعلا زعلانة ازاى
فى اباء وامهات ممكن توافق على النوعية دى من المسابقات اقولك شئ انا ممكن اغلط او افكر فى انى اعمل حاجة غلط بس طبعا مش كارثة زى دى
الاقى صورة بابا الله يرحمة
ولا توجيه امى الله يحفظها
واخاف من ردة فعلهم
وفوق كل دا اراجع ان كان حلال ولا حرام
يابنتى اذا الواحد سبحان الله
بيحاول انه يتقى الله فى كلامة
مش فى ستار اكاديمى ولا مسابقة الرقص الشرقى
اقول اية حسبى الله ونعم الوكيل
كل الود
وفرحانة ان البوست عجبك
الأحد مايو 04, 09:57:00 م 2008
كل انسان بتحكمه اخلاقياته ودينه
واللى معندوش دين واخلاق اهو عايش كما الانعام
انا شوفت اجزاء من برنامج الرقص بتاع هزي يا نواعم وكانوا بيتكلموا فيه عن الرقص المحترم بلا عري او اغراء
على ما اظن الرقص اللى ممكن يكون بالشكل دا هو رقص الحيات
الأحد مايو 04, 10:22:00 م 2008
NilE_QueeN
اى صدق كلامك اختى
اللى ما عنده مبدا ومنهج داخلى ماله من مقوم
ولا حول ولا قوة الا بالله
بس انا ما اعرف البرنامج اللى قلتى عليه 000 :( متاخرة انا
كل الود
الاثنين مايو 05, 01:46:00 ص 2008
نهر الحب الدافئ
طب انتي بتقولي كده
احنا يا شياب عندنا مشاعر وأحاسيس
نقول ايه واحنا ليل نهار بنشوف الحاجات دي ؟
انت بنت ومتضايقة وبتقولي بمنع اختي من مشاهدة العري ده
الشباب اللي بيشوف الحاجات دي
فينزل الشارع يتخيل البنات اللي ماشية عاملين زي اللي في النليفزيون
ونبقى ساعتها محتارين نعذره لظروفه
ولا نعتبره مجرم مغتصب يستحق القتل
عيب اللي بيحصل ده وربنا ينجينا منه
تحياتي لك ولزوار مدونتك المحترمين
الاثنين مايو 05, 03:19:00 ص 2008
ادم
اهلا بك
اقولك ببساطة ان الناس دى بعيدة عن ربنا
ولا تراجع نفسها فيما تفعلة
كل الاحترام
الاثنين مايو 05, 09:27:00 م 2008
بوست ساخر هادف خفيف الظل
الاثنين مايو 05, 10:45:00 م 2008
الجحيم هو الحقيقة
منور
وشكرا على التعليق
الثلاثاء مايو 06, 02:08:00 م 2008
يا حبيبى هى لو مقتنعه ان اللى بتعمله ده غلط مكنتش عملت كده
غير بقى انها معمول لها غسيل مخ ان دى رساله
ايه هى بقى الرساله معرفش بس رساله سيلانت
بجد ربنا يكون فى عونا
الثلاثاء مايو 06, 05:28:00 م 2008
ابل منورة
فعلا ربنا يكون فى عونا
وصح كلامك بالنسبة لاقتناعها
بان دا شئ عادى
كل الاحترام
الأربعاء مايو 07, 03:10:00 ص 2008
صدقت فى الاول فرحتك وفرحتلك كان نفسى يكون فيه حاجه تفرح بجد .
عندك حق طبعا ان فيه برامج تشل وانا بالصدفه فوجئت بحاجه اسمها هزى يا نواعم والله صدمت معقول مسابقه للرقص الشرقى بالاهتمام ده وكل واحده فيهم فرحانه قوى انها بتمثل بلدها وبتتمنى ان اهل بلدها يكونوا فخورين بها .
يومها حسيت بطعم الخوف على مستقبل بلادنا . ربنا يستر ويهدينا جميعا
وفقك الله ودمت بخير
تحياتى
rovy
الأربعاء مايو 07, 11:17:00 ص 2008
روفى
منورة
والله ياروفى المستقبل اصبح اكثر ظلمةفى ظل اعلام غير هادف ولا يعرف قيم ولا دين
غير المال والعرى
الله يستر
كل الود
الخميس مايو 08, 02:01:00 ص 2008
يا شيخة ايه ده حرام عليكي البنت مثال للوطنية .... مش ف الاخر رفعت العلم ... عشتي يامصر ....وعلي رأي القايل حلوة يامصر يامقمعة ... دي مناشبة للي شايلة العلم
الخميس مايو 08, 02:02:00 ص 2008
متحزنيش علي اللي وصلناله وادعي ربنا يستر من الجاي
الخميس مايو 08, 02:50:00 ص 2008
السلام عليكم
والله انت نهر الحب فعلا
من كلامك انت بتحبى اهلك وناسك ووطنك ودة موضوع مهم جدا وياما ناس اتكلمك فيه عندها ضمير بس وزراء (الاعتام ) العرب عاوزين ينيموا الشعب علشان ميعملش اللى يضرهم والحال زى ماانتى شايفه تخلى الشعب يهيج علشان كدة عاوزين ينيموه
مشكورةوتحياتى
الخميس مايو 08, 10:41:00 ص 2008
Miss. Sosa
اهلا بك فى مدونتى للمرة الاولى
وفعلا انا اللى غلطانة حقد بقى تقولى اية ؟؟
فعلا اكثر ما يخيفنى هو المستقبل
الله يستر
كل الاحترام لك
الخميس مايو 08, 10:44:00 ص 2008
عرفة فاروق الاسيوطى
اهلا بك اخى والله المشكلة ان الاعلام اعلام عرى وهيافات فقط وهو دى اخطر شئ لانه يوجة فى الاتجاه الخطاء
الله يستر
كل الاحترام
السبت مايو 17, 08:37:00 م 2008
السلام عليكم اختي نهر الحب
حقيقي انا مقصره رغم اني باجي دايما لكن مافي وقت اني ارد الله يسامح الشغل وقلة الوقت
المهم اختي ذكرني البوست بتاعك ببنت جاتني السيبر متضايقه ومخنوقه قالتلي عايزة طلب ضروري
قلت خير ياقمر تخيلي طلبت ايه بقى
عايزة تعرف ازاي تحمل حلقات ستار اكاديمي بدون كريديت كارد او اشتراك
يادي الخيبه انا اتصدمت قلتلها انتي بتحبي تتابعي القرف دا
قالت دا يجنن دا تحفه وقعدت تقول قصايد شعر في البرنامج والقيمين عليه وكأنهم حلم كل بنت وولد فيك ياوطن ياعربي
وحسبي الله ونعم الوكيل في الفضاحيات واللي بتبثه في عقول العيال
هاجي تاني ياقمر اكيد
بس الوقت
على فكرة
بتمنى صداقتك وهستني ردك
السبت مايو 17, 10:34:00 م 2008
حبيبة القمر
الله يكون فى عونك
دا الفكر العلمانى اللى بيكبرو بيه دماغ الناس عن الحياة ومشاكلها وعن الدين وقضاياه
وما خفى كان اعظم
كل الود لك
الثلاثاء يونيو 03, 02:14:00 ص 2008
السلام عليكم ورحمة الله وبركاته
ربنا يسعد قلبك دايما وتزيدينا من الافكار الجميله اللي تخلى الناس تفكر شوية يمكن يكون في تغيير ... اتمنى فعلا
انا عنيا بتقفل فعلا وقلت اشوف المدونات ورسيت هنا وقولت هقرا موضوع واحد لكنى تقريبا قريت كتتير قوى كل ما اخلص موضوع ابدأ في غيره الوقت سرقنى الله يكرمك
اسمحيلى ابدى اعجابى بأفكارك ويا رب تكونى مثل عالى لكتير من الشباب والبنات علي الاقل يفكروا في الدنيا في مليون شيء قبل الاغانى والكوره نهتم بيهم ويكون ليهم الأولويه وفى الاخره يا ريت مننسهاش علشان منتوهش من نفسنا
تحياتى نور
إرسال تعليق