حزب بلا مقر

لقاء أبو الريش
كان تجمع أكثر من رائع وناجح بشكل كبير
جزاى الله القائمين عليه كل الخير يارب العالمين
شكرا لكل اللى جم اللقاء وربنا يجزيهم خير
واللى ما جوش يارب تقدروا تجوا المرة الجاية
قلوبكم كانت معانا واللى نجحنا دعواتكم

تعرفت بصورة أكبر على بعض الناس اللى كنت شفتهم من قبل
ولا املك سوى ان احترمهم أكثر

تعرفت على مدونين اول مرة اشوفهم لكنها أن شاء الله لن تكون الاخيرة


************************
اجمل ما فى الموضوع بتاع اللقاء
انه خالص لوجه الله الكريم
************
فرحت جداا
لما بهرنا العاملين فى المستشفى بعددنا وكمان اننا مش جمعية اهلية
ولا اى شئ له صفة رسمية
************

كل طفل يا أبطال خد
شنطة بها لعب تناسب سنة وحلوى
وظرف فية مبلغ
وفى كمان اطفال خدوا ملابس تناسب اعمارهم
*******************
فى ناس جم لمجرد السمع زى مدام ايناس وساجى
جم بعد ما شافوا الدعوة على الفيس بوك
جزاهم الله خيراا
**********

أستاذ احمد كمال حضر كالعادة فى صمت وانسحب بنفس الطريقة
بس وزع علينا كتاب قيم :)
**************
بابا أبو خالد
هذا البطل الصامت
رجل ربنا يديه الصحة ويبارك فى عمره ابو المدونين على حق
يعطى الكثير من الفكر والاهتمام والحنان وحتى التوجية بشكل لطيف
كان له الفضل بعد الله عز وجل فى تجميع الناس
*********
داليا قوس قزح
ابى البتنجانى
بذلوا مجهود جميل وكبير
وحاولوا يكونوا مع كل الناس وبشكل هادئ وراقى وفعال
ربنا يبارك لهم
سوووووووو عجوز وعندة 60 سنة
مش 30 محديش يصدق حكاية 30 دى اشاعات !!
حجز لنا المطعم وكنا عدد ماشاء الله يسد عين الشمس


***************
بصوا هحاول افتكر ومحديش يزعل لو نسيتة
بس والله انا كنت مهيسة جدااا وفى قمة تعبى
لانى طبقت يومين وركبت منخول زى اللى فى المعمورة كدة
وانا جاية من بورسعيد فنزلت انا وجنة وكأننا بنلف حولين نفسنا
ههههههههه غير انى وقفت على رجلايا كتير رغم انى كنت محافظة عليهم
ومش بقف ولا بمشى كتير عشان اكتبهم فى القايمة مش مستخدمين
بس يالله ربنا يعوض علينا ههههههههههههههه


أبو خالد الاب الروحى لنا جميعا لولاك لما هان المشوار
جنة انسانة كل مرة احبها واحترمها اكثر
نسمة اختى قلبها خفيف جداا

همس مصرية مفروسة اند متغاظة شكلها هتغير اسم مدونتها من كتر ما
اتلخبطت انا فيه 000 بنوتة جميلة وبسيطة وتلقائية
سومة مجنونة فى بلد عاقل لا املك الا انى احبها فى الله واحترامها جداا
ريمو بنات صاحبة الجلالة بنوتة جميلة وجدعه جدااا وعايزة تعرف وتتعلم
شيماء سمير مفاجأة خلق ودين وطيبة وروح وجمال 00 الله يبارك بيها
نرمين زين الدين هدوء واخلاق
نونا صاحبة مدونة المهاجر طيوبة وجميلة
رئيسة جزب الاحلام سلوى الجمال الهادئ
المفقوع مرارتها جميلة وطيبة جداا واخواتهم
رودى بنوتة مصرية مش ممكن تفوت لقاء
ميرا امرأة بعقل رجل**** شقية وجميلة
دعاء مواجهات *** جميلة
كيكى ** طلعت غير الرعب المتحرك فى المدونات
بنوتة جميلة وهادية ورقيقة خالص
ام البنين ربنا يحميها هى واولادهم يارب جميلة بأستمرار
وزة وسارة سوسارة بنات جمال جداا
شيماء زاهر اول مرة اشوفهاا بنوتة هادية وكان باين عليها الخضة من الموقف زى تمام
مدام ايناس واختها ساجى

وابنها عمر ربنا يبارك فيهم يارب واديما نتقابل فى الخير

أيناس انسانة جميلة

وساجى كانت بتحاول تساعد بكل شكل

زهرة **تسامحنى على انى مش شفتها

*******************

حزب بلا مقر لكن لنا اهداف معروفة ومحددة

رضا الله وخدمة المجتمع

يعنى احنا احسن وانجح حزب موجود فى مصر

الشباب الابطال بجد

بابا أبو خالد ***أستاذ شريف
أ/ احمد كمال

* ضياء * محمد وايت هارت * سووو *

ميدو فى الادغال * الباحث عن الحقيقة جننى * ابن حجر العسقلانى انا جننته :)

الغزالى * طارق كوارث * عبد الرحمن فارس * احمد شاهين *الصباغ صحفى المدونين

خالد همس الاحباب اللى دايما يوصلنا *احمد سكر عربيتة مستحمليتش فى الصيام *

صباح الصباح اللى بعتذر له جدااا والله على تقصيرى معه :$

عبد الرحمن مواطن صيدلى مطحون * قلب مصرى وهو فعلا كدة قلب مصرى كبير

محمد عطية الشاعر * محمد يوسف *محمد حسام * محمد مدحت :( مش شفت الناس دى

وطبعا فى اسماء تانية بعتذر جداا عن انى نسيتهم بس والله انا اصلا ناسية نفسى فحقكم على

شكر خاص جدااا

لاحمد ك صاحب مدونة دردشة عربى

لانة رغم عدم تواجدة الا انه شارك وارسل هدايا للاطفال وسكر استلهما جزاهما الله خيراا

داليا ** أهوا دا عيبة ودعاء** ربع ضارب اصروا انهم يرسلوا معى ادوية للاطفال

بارك الله فيهم


فى الاخر تقبل الله منا ومنكم صالح الاعمال

وجعل العمل خالص لوجهه الكريم

تعاونوا على البر

تحديث

يا جماعه اللى هيتبرع بفلوس يقسم المبلغ الى مبالغ بسيطة

ويحطها فى اظرف عشان يقدر يدى لاكبر عدد من الاطفال

وتقبل الله منكم صالح الاعمال

يوم السبت هنتقابل عشان نحاول نوفر ادوية لبعض الاطفال المرضى

فى مستشفى ابو الريش

دى بعض الادوية اللى الاطفال محتاجنها

اللى يقدر يجبها ويرسلها

او يسلمها بنفسة يبقى جزاه الله خيرا

ابو الريش يارب يعيشوا
اسماء الدوا اللى هيحتاجوه
L .Ecarintin cap------------------22

L.Evental inhcler------------------8.5

ESodium bicarbonate------------- 4 L.E

Rimactan syrup ---------------------6.5 L.E

inderal amp ----------------------- 38 L.E

Nor adrenaline ------------------ 60 L.E

( علبة بها 100 أمبول)diflucan vial --------------------- 67.5 L.E
meronem 1/2gm or 1gm 80l.e 116L.E

دا ميل قوس قزح اللى عمله الحملة

kouskoza7@hotmail.com

ودا ميل ابــــــى

اللى عندها استعداد تقابل اى حد وتاخد منه الدواء

حتى لو كمان بعد يوم السبت

butterfly_549@hotmail.com
difluon zrel

تعالوا نتعاون على البر

ونحاول نمد ايد الامل للأطفال المرضى

اذكرك بقول النبى صلى الله عليه وسلم

عَن النُّعْمَانِ بْنِ بَشِيرٍ قَالَ: قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ

: ( مَثَلُ الْمُؤْمِنِينَ فِي تَوَادِّهِمْ وَتَرَاحُمِهِمْ وَتَعَاطُفِهِمْ مَثَلُ الْجَسَدِ؛ إِذَا اشْتَكَى مِنْهُ عُضْوٌ تَدَاعَى لَهُ سَائِرُ الْجَسَدِ بِالسَّهَرِ وَالْحُمَّى:)

يارب نحاول نعدد النية عشان ربنا يكتب لنا الاجر

ان شاء الله

1:- زيارة المريض

2:- ادخال السرور على قلب مسلم

3:- شكر الله على نعمه الصحة

4:- التعاون على البر

5:-تفريج الكرب

6:- مساعد المحتاج

تقبل الله منا ومنكم صالح الاعمال وجعلها خالصة لوجهه الكريم

تانى مشهد

تحديث

مبروك عليك يا حكومة ورمضان كريم

اكثر من 43 اسرة فيها موتى 57 اسرة فيها ريحة الموت فى شهر الخير

اقول اية حسبى الله ونعم الوكيل فى الحكومة وفى رجال الاعمال اللى جايينا ورا

وفى الاهمال حسبى الله ونعم الوكيل

ابى نشرة موضوع ومحاولة للمساعدة من اهلى القاهرة

التحديث دا بلون دم ابناء الدويقة

تحديث هام جداا
ان شاء الله يوم السبت الموافق 13/9
هيكون فى تجمع للتبرع فى مستشفى ابو الريش للاطفال
بناء على اقتراح قوس قزح
اتمنى انى اشوفكم هناك
تعالوا نحاول نرسم بسمه ونطهر ذنب
وبعدين هيكون فى افطار جماعى

أنا :ـ كل سنة وانتى طيبة

هى : وانتى طيبة

أنا:ـ تعالى نروح نصلى التراويح

هى :ـ انتى بتصلى فين ؟؟

أنا:ـ فى المسجد اللى جنب البيت

هى:ـ لا تعالى نروح مسجد شيك

أنا :ـ شيك اية يابنتى ما كل المساجد شيك والحمد لله

هى :ـ لا طبعا تعالى نروح مسجد يكون فى ارقى مكان فى البلد

أنا:ـ !!! ودى تفرق كلها مساجد هو احنا هنتزوجة ولا اية

هى :ـ لا وانتى الصادقة هنتزوج منه

أنا:ـ !! نتزوج منه ــــ هى صلاة تراويح ــ ولا حفل تعارف ؟؟ الصيام عامل عاميلة

معاكى على الاخر ربنا يلطف بيك من اول يومين وهيستى

هى:ـ انتى اللى مخك تخين انتى مش عايشة فى الدنيا ولا اية انتى مش عارفة

ان البنات بيروح المساجد عشان يتزوجوا ولا اية

أنا :ـ انا كنت فاكرة بيروحوا عشان يصلوا !! طلع كل واحد يطلى على ليلاة أأقصد يغنى

هى:ـ المهم طنط هتجى وياكى ولا انتى لوحدك ؟؟

أنا :ـ مش عارفة لية هى كمان لها بروتكول خاص ولا فى عرسان فى سنها ؟؟

هى :ـ لا يابنتى اصل مامتك دى صورتك لما تبقى فى سنها يعنى لازم تكون ست شيك

وهادية وطيوبة وكمان اجتماعيه عشان تتعرف على الامهات التانين

أنا :ـ هى ها تتعرف ولا هتصلى

هى:ـ انتى مخك تخين كدة لية ؟ اسمعى وانتى ساكتة

أنا:ـ طيب خلاص قولى

هى :ـ طنط دى هى اللى هتفتح لنا الباب هتعرف مين من الامهات عندنا شباب

فى سن مناسب وبعدين احنا نقوم محددين الهدف ونحاول بقى نلفت نظر ام العريس لينا

ونكسب رضاها وحبها

أنا :ـ يا سلام كل دا ؟! وادا ازاى بقى ان شاء الله ؟؟

هى :ـ يعنى نساعد الست وهى بتقوم او بتجلس نجيب لها تشرب وياسلام لو مش مية

أنا:ـ اجيب السبرتاية معايا بالمرة اهى تنفع !!!

هى :ـ انتى بتترئى ؟! الحق على

أنا :ـ يابنتى انا كنت فاكرة الموضوع صلى وخشوع والسلام عليكم

هى :ـ محنا هنصلى بس مفيش مانع اننا كمان ننتهز الفرصة ونحاول نتعرف على كم طنط

واللى مش عندها اولاد عندها ولاد اخت ولا اخ ولا حتى جار

أنا :ـ انا حاسة انى بشوف فيلم عربى هابط

هى :ـ لا ياحبيبتى هى دى الموضة الوقت زواج المساجد مش بتشوفى العريس يقولك عايزها بتصلى

وحافظة قران طيب هيعرف ازاى بقى الامن امه اللى بتشوفها فى المسجد !!!

أنا :ـ ياسلام 000 ربنا يستر ومكنيش اخره الصلاة على النبى صلى الله عليه وسلم

هى :ـ اثبت لك انتى لما بتخرجى من المسجد بعد الصلاة مش بيكون فى شباب واقفين على باب المسجد

أنا :ـ اهى ياختى وبحس انه بيدور فى وشى على حاجة ضايعه منه أنف سنة مكسورة منه نطت فى خلقتى

حاجة بصراحة تكسف انا بحط وشى فى الارض وامشى بسرعه

هى :ـ عبيطة انتى كان المفروض تبصى له بصة كدة فيها خجل وانوثة وكأنك بتقولى له تعالى ؟؟

أنا :ـ تعالى فين ؟؟يادى المصيبة :( كل دا فى البصة ازاى دا؟؟؟

هى :ـ تعالى بيتنا يكون تعالى فين !!! كمان يا نيلة انتى هو بيبص سبيه يبص وابتسمى حسسية انك مرحبة بيه

وانه هو دا اللى بتتمنية

أنا :ـ لا ياختى شكرااااااااا انا مش بعرف اعمل الافلام دى كمان هو الاخ اللى لسة خارج من الصلاة

مش المفروض يغض بصرة ؟؟ ومش المفروض انه مايتنحش كدة فى وش البنات ..؟؟

هى :ـ اوف بقى انتى زهقتينى انا هروح اصلى فى مسجد الشاطئ00 هتجى معايا ولا هتصلى فى المسجد اللى جنب بيتكم
أنا :ـ لالالا انا هصلى فى بيتنا مش هروح مساجد خلاص شكرااا

مشاهد رمضانية

كل سنة وانتم طيبين ورمضان كريم علينا وعليكم ان شاء الله

******************

عجبنى اوى اعلان مجموعه شركات طلعت مصطفى وشعرت

بالفخر وبمدى المصداقية اللى فى كلمات الاعلان مع مبادئ صاحب الشركة 00 الله يعطيه الصحة

الله يرحم سوزان تميم

*****************************

ابتدى اسوء ما فى رمضان

واللى بيكرهنى فى نفسى كمان البومب والصواريخ

ابقى ماشية فى الشارع لا بيا ولا على القى الصاروخ تحت رجلى وانا مش شيافة اسمع صوتة

تخيلوا يعنى هعمل اية :( لا واية الشباب يضحكوا على وكانى من عالم اخر طيب يعنى هو لو مكانى

كان هيعمل اية؟؟

******************

لفت نظرى محاولة الناس زى كل سنة انهم يرشدوا فى المصاريف بالذات مصاريف الاكل

بالذات البورسعيدية مبدعين جداا فى الموضوع دااا بشكل يفوق الوصف

*********************

منظر الفوانيس جميل ومحبب الى قلبى لكن لما بقرب

واشوف كلمة صنع فى الصين نفسى بتتسد

*******************

حلو اوى النهم على اصلاح المظهر الخارجى بالذات للنساء بأقبلاهم على شراء العبايات

بس المشكلة انها ضيقة جداا ويا حرام بحس انهاا هتتفرتك عليهم من كتر ماهى ضيقة

*************

وأبتدى سباق المسلسلات

وربنا يستر ونتذكر جزء مما عاهدنا الله عليه فى شهر رمضان

*******************************

قلت اروح اصلى وفى اول صلاة فجر لى

اخطاء للامام ( كلنا بنغلط يا بنت انتى 00 يعنى انتى خلاص ام العريف )

**************

واخطاء النساء مالهاش حل ابداا

بداية لابس ملابس ملفتة سبحان الله كل النساء عندنا مقياس ملابسهم زى نانسى عجرم

حتى وان كانواا فى حجم الافيال ههههههههههه

حلو اوى ان الواحد يكون فى الصف الاول لكن من غير لمس الاكتاف الغير قانونى

ولا ضرب الكوع من تحت الخصر بخفة ورشاقة وقوة

تدفع الخصم أأأقصد المصلى الى الصف الخلفى

***********************

النساء اللى ربنا يديهم الصحة ومش قادرين يقفوا يصلوا جايبين كراسى وقاسمين الصف الاول اللى للاسف لم يكتمل ابدا

عشان يصلوا فى اول صف

**************************

وما ان انتهت الصلاة الا وبدأنا ولله الحمد فى سباق مارثون 100متر للتنافس !!! مين يخرج الاول

وكان معكم نهر الحب من مصلى النساء

ولا حول ولا قوة الا بالله

مجلس الشورى واسطبل عنتر؟

تحديث

اعترض بشدة بناء او تجديد مجلس الشورى

وانصح بالكتفاء الذات بلا وجع دماغ كمان حرام الاعضاء بيتعبوا فى المواصلات

ويجوا من اخر الدنيا؛ والدنيا حر واذا كان ولا بدل خلاص انقلوهم مارينا فى الصيف

وممكن اسوان فى الشتاء 000 بس الكلام دا انا مش هدفع فيه فلوس لانى اصلا مش معايا فلوس

ولا وظيفة ولا زواج ولا تامين صحى ولا معاش ولا اى حاجة يعنى ربنا يخلى الحاجة

ويخلى اباء وامهات الشباب اللى بيصرفوا عليهم زى كدة

والاكنا كمان تحولنا بسهولة لاسطبل عنتر ( بالعربى المصريين عايشين بالستر وقدرة ربنا )

مش بمجهودات الحكومة 00 محديش يتفلسف ويقول زيادة اسعار ولا ضرائب ولا رسوم طرق ولا اى حاجة

أستبطل عنتر

دعينا بناء على طلب قوس قزح واستاذ احمد كمال

لعمل حملة بأسم بؤجة الخير

وبصراحة قلنا ومالة نروح ونحاول كمان نعملها عندنا فى بورسعيد
ورحنا من باب كسب الثواب ولقاء الاحبة
لكن هالنى ما شاهدت من اناس فقراء على باب المسجد فى حالة من الفقر والمرض
فى حاجة ماسة للمساعدة لكن كرامتهم تأبى ان يبيح لسانهم بطلب الصدقة
او حتى محاولة ان يشعروك بحاجتهم للمساعدة رغم وضوح الحاجة عليهم

استقبلتنا مدام صبرية
ووضعنا اقل من القليل بكثير فى خزانتهم
وصعدنا معنا لتشرح لنا ظروف تلك المنطقة التى فعلا لم اكن اصدق ان هناك مثل تلك
المناطق المتكدسة بالالم والمرض
عرضت علينا فيلم تسجيلى قبيل الانطلاق فى جولة حرة للتعرف على احوال الناس فى تلك
المنطقة الا ادامية
اولا المنطقة بلا خدمات اساسية ولا مياة صالحة للشرب وكأنهم ليسوا بشر
او ان ليس لهم حق فى الحياة ولا حول ولا قوة الا بالله

مجرد 00000 لا قيمة لهم ولا وزن * وان فقط 30% فقط من سكان المنطقة هم الذين لديهم مقدرة على
الانقاف بشكل ثابت اما الباقى ف على الله زرقهم
حالة المرض منتشرة بشكل كبير جداا بين كل فئات تلك المنطقة العشوائية
ان الاسر اغلبها تعيش فى غرفة واحدة ومنهم من يشترك دورات المياة الغير مغلقة مع غيره من الاسر
( ولك ان تتخيل ) مدى الذل والمهانة

دورات المياة فى بعضها بلا ابواب تحميهم او تستر عوراتهم او حتى تقى نسائهم شر ذئاب البشر
مش هطول هقول لكم على طول شفنا اية فى الفيلم كمان
شوفنا ذلك الشاب الذى باع كليتة ليعالج امه التى سارعتها المنية ؟؟
لا طال كلية ولا طال امة 0000
وتلك القتاة ذات الرابعه والعشرين التى مانت فى عز شبابها
بالسرطان الذى اكتشف فى وقت متأخر جداا نتيجة للجهل والفقر
ذلك الشاب الذى ضحك عليه فسرقت كليتة فتحول لسمسار تجارة اعضاء بشرية
هناك فى تلك المنطقة شاهدت ما تخيلته ضرب خيال او ذلك الكابوس الاسود البعيد البعيد
عنا وعن واقعنا لم اتخيل ان الواقع مؤلم لهذا الحد
هناك تنشتر جماعات تساعد
هؤلاء الناس لهم اغراض غير سوية بالمرة
0000 هناك تجارة اعضاء 000 هناك مرض وجهل
وفقر شديد جداا
بس فى وسط السواد دااا

سؤال الى عضو مجلس الشعب ؟؟؟

انا عايزة اعرف فين الباشا عضو مجلس الشعب او الشورى الموقر؟؟
هل منتظر بنت البلدة التى تبعد 350 عن المكان لتدله عليه ؟؟؟
ام انه ياحرام لا يعرف الطريق 000 بلاش من باب الواجب
فين زكاة المال اللى بتطلعها ؟؟؟ فين الصدقة ؟؟؟؟
فين مسئوليتك تجاة 1000 اسرة معدمة من اصل 2500 اسرة تقريبا
فين ضميرك فين ضمير الناس اللى بتاكل وتشرب وتنام مرتاحة وفى ناس مش لاقية حتى
اللقمة ولا ملابس تستر بدنهم من عيون الناس مش من البرد لان دا رفاهية بالنسبة لهم


وقال اية عايزين يبنوا مجلس الشورى ومجلس اتحاد ملاك ارواح الفقراء
بلا كلام فارغ بلاش تلاعيب بنا
هو لازم يعنى تجى مساعدات خارجية لازم ننشر عيوبنا وقذارتنا على الناس

لازم نبان تانى متسولين ويكون منظرنا اننا ناس بتطلب الصدقة والعطفة !!

ونقول ان مفيش حد فى البلد دى شايف شغلة ومفيش حد يهمه غير نفسه وبس 000

حوااار نتاااوى

البوست دا كتب الحوار فيه

احمد سكر صاحب مدونة سكر المغلقة للتحسينات

وكان عايز ينزله فى الضاحكون بس انا عقاب له على اللى عملة فى نزلتة هناا

بعد ما اضفت حديث النفس بتاعى

الاسم بتاع البوست داا من اختيارة انا بس ضفت حوار النفس

بتاعى

نشوف سكريار عمل فى اية

الموضوع وهو اسمه

حوااار نتاااوى

صديقه عزيزه جدا
ممممممممم وطلبت عدم كتابة اسمها بعد المقلب اللى شربته من سكر

هههههههههههههههههه

على اساس انها افتكرت نفسها (.........) علشان الرقابه

بس ابدا هى طيبه جدا والله وانا دخلتها فى عربيه كارو

وبعد كدا عربيه نص نقل صغيره

وفجأة دخلتها فى قطر مباشراا

مع شوية ميه ساقعه فى ضرب خلاط من ميه سخنه عملها

صدمه واصبحت مهيأه نفسيا لاى كلام ااقوله

يوووووووه انت مالك ياعم انت

ايوا انا رغااااى (وش مطلع لساان )

طيب طيب من غير شخط هجيبلكم الحوار زى ماحصل بالضبط

وتوقعاتى لردود افعالها الداخليه

طبعا بعد السلامات واخبارك واخبارى

والعائله واهل بورسعيد الكرام وسؤالى عنهم

ندخل فى التربنه علطول
هى
ولا يهمك ربنا معاك
سكر:
داانتى تنورى القاهره كلها
سكر:
هتيجى امتا
هـــــى
فى بؤجة الخير
سكر:
ربنا يقويكى يارب
سكر:
تقبلى تكونى زوجه تانيه
سكر:
هتيجى مواصلات ولا فى القطار
سكر:
اشربى العصير
(طبعا تلات اسئله ملهمش علاقه ببعض علشان ترتبك اكتر بس هى لسا بردو فااايقه)
وردت هــــى وهربت من اول سؤال وقالت:
سوبر جيت او بملاكى لسة مش عارفة
وسكتت وكتبت تانى
عصير اية (ووش تعبيرى لواحد بيضحك)
وتانى كتبت

محمود سعد ولا ايه
سكر:
شفتى
سكر:
جاوبتى على سؤالين
سكر:
وسبتى الاهم
سكر:
وانا قصدت كدا
هـــى وجواها تساءلات عديده
الزوجة التانية ؟
سكر:
وانا برخااامه بشرح ليها بقصد ايه
ااقلك 3 اسئله ف وقت واحد
هى بتقاطعنى
بص
سكر:
مختلفين عن بعض
ولا واخدا بالها من كلامى
مش اى رجل قادر انه يتزوج اتنين
سكر:
مش عاوز ابص

وطبعا شوية كلام من كدا

هى بتقنعى وانا بقنعها

وفجــــــــــاة

سكر:
انا متزوج 3


ابتدينا الاشتغالات واستعنا على الشقى بالله
بجد
وجه تعبيرى حزين ومندهش فى نفس الوقت
اية الرجل الغريب دا سوبر مان

سكر:
بجد
وكررتها تانى علشان تتاكد انها قرات صح
بجد
يالهووووووووووووى
هارون الرشيد بجد طلع مظلوم جانبك

وانا بكل برووود
سكر:
ايوا
هى بدهشـــه
والله
ربنا يستر انا ازاى عرفت الرراجل داL

وسكتت وكأنها مش عارفا تقول ايه وقالت
مع بعض؟
ياقوى يارب

سكر:
ايون مع بعض طبعا
هى وبكل ذهوووول واذمهلال
انت مجاهد يابنى
اية الرجالة دووووووول
انا كنت فاكرة ان محديش يقدر

هى
ماشاء الله

وبعد ماحسيت انها بتشرب العصير هههههه
سكر:
وبدور ع الرابعه
هى بترد بدهشه بردو
تانى لية
والتلاتة راحوا فين
رابعه دا فاتحها مكتب زوجات
اية فراغة العين دى
بس مش عارفة لية قلبى بيقولى اشتغاله جامدة اوى
بس اقول اية
نكمل ونشوف سى سكر يار

سكر:
موجودين
هـــــى
مش اقصد
أكيد فى الحفظ والصون

سكر:
ومع ذلك حبايب
هـــى
ولا واحدة عرفت تسعدك
على كدة انت تامر تطاع فى صراع الزوجات
داخلين سبق مين تجذبة اكثر

سكر:
وبيودو بعض
سكر:
وبيتفقو عليا
سكر:
علشان كدا هجيبلهم الرابعه
هى ياعينى وبعد ماشرب الحاجه الاصفره كلهاااا
لية اتزوجت 3
سكر:
واحده للنكد
سكر:
وواحده للرومانسه
سكر:
وواحده للخلفه
هى باستنكــــار
نعم
حريم كريم
اقصد سكر دول ولا اية

سكر:
وبدور ع الرابعه
سكر:
علشان تكون معاايا فى السفر
وتبقى للسفر وبس
هى بتقاطعنى
استنى بس

زوجة هاند باج دى ولا اية

ناقص يقولى وواحد للرياضة

وواحدة بعد الاكل وواحدة قابلة دواء حموضة

سكر:
حاضر
هى
يعنى النكد ربنا معاك فيها
اتزوجت عليها عداك العيب وازح
الرومانسية دى تتزوج عليها لية
سكر:
علشان مش عاوز اخلف منها
سكر:
عاوزها للرومانسه وبس

هى
لية ؟
يعنى متعه
بيفكر فى نفسة اناني
سكر:
لاء
هى بعنااد
اه
مش عايز تجيب منها اولاد مش حقها
جارية بقى
وكفاية ان سى سكر يار تزوجها


سكر:
رومانسيه بس
سكر:
تقولى شعر
سكر:
وااقولها خواطر
سكر:
منا بقلك
سكر:
علشان الرمانسيه مش تضيع
سكر:
الاولاد هياخدوها منى
هى
وحقها؟؟

امبراطور رومانى ياخواتى
محديش يحشنى شكلى هتفح دماغة :(

بس اصدقئنا المشتركين هيزعلوا منى

<<< يابنتى اشتغالة ركزى دا بيشتغلك

سكر:
احنا متفقين ع كدا
سكتت شويه فاحسيت انها هتفوق فلحقتها
سكر:
ساكتا ليه ؟
ردت وسالتنى
وللى للخلفة دى مين ؟
اكيد اربنة ولا فرخة
تفرغ وتلمى
يع يع يع
بطنى وجعتنى
الله يسمحك افصل الماسنجر وقوله فصل
لا خلينى لحد ما اعرف اخرتها معاه
شكلى ولا فى القاهرة ولا مدونين تانى من اصلة
انا هتعزل واقعد بكرمتى فى البيت
يابنتى ركزىىىى بيشتغلك

بتسالنى على بتاعة الخلفه فرديت عليها اجابه فعلا الجمتها
سكر:
ارنبه
هى وابتدت تفوق فعلاااا
بالتوفيق
بص انا حاسة انك بتشتغلنى

سكر:
طب مسالتيش عن الرابعه
::
ماهى لسة مش جت
:

:
جت
سكر:
انا بقالى ساعه بشتغل نفسى
سكر:
هههههههههههههههههههههههههههههههه
سكر:
ههههههههههههههههههههههههههه
سكر:
والله انتى عثل خالص

عسل اسود ومنيل ب60 نيلة على راسى
تطلعنى0000:(
سكر:
وطيبه
سكر:
ههههههههههههههههههههههههه
بتشتغلنى
سكر:
ايه رايك
ماااااااااااشى يا سكر
سكر:
الحوار دا يبقى ف مدونة الضاحكووون ؟

ايه رايك

ممممممممممممممممم

طب وايه رايكم انتم

تحيااتى

احمد

بما انك ذكرت بورسعيد واهلها
و0000 بى انا
فاية رايك هنشره بأسمنا عندى
على الاقل اغير الصورة الجادة اللى لى
واحط صورة عبيطة
تغير يعنى

بصراحة شديدة بعد سكر ما طلعنى 0000

واشتغلنى انا قلت ابدا هنزلة هناا

وهو يبقى غلست عليه

وواحدة بواحدة

بعد عودتى من القاهرة
ولقاء التبرع بالدم قادتنى الصدفة البحتة للقاء اخر فى المنصورة
عاصمة الثقافة المصرية 00 انا بعتبرها كدة لانها بلد خرجت لنا عمالقة
فى الادب والفن والفكر

حقيقى تقابلنا فى مكان غاية فى الرقى
والجمال مريح للعقل وللنفس
عرفت انه مالك المكان طبيب امراض نفسية فكر به ونفذ فكرتة
مكان مليئ باللوحات الفنية والمنحوتات الخشبية والكتب
ومليئ بقطع الديكور المتناغم شكلها بشكل كبير مع المكان

وعلى انغام الموسيقى الهادئة جدااوفى جو ملئ بالشاعرية

والهدوء وراحة الاعصاب والنفس
قابلنا هناك مدونى الدقهلية مدونين اصحاب فكر وتنظيم عالى جدا
وقام البعض منهم بألقاء الشعر او اقتراح افكار للتطبيق
سواء ورش عمل لخدمة المجتمع او ورش عمل ثقافية للرقى بالفكر

وقابلت هناك العديد من الشخصيات التى اعتقد انها ستأثر بشكل كبير وفعال على

الفكر العربى والمصرى الفترة القادمة شخصيات اقل ما يقال عنها انها رمز لفكر عربى ومصرى جديد

محب لوطنة ومخلص لما بداخلة من احلام مهموم بقضايا الوطن بشكل كبير

واكثر ما امتعنى بعد الخروج من الندوة الثقافية هى اولا اسطوانه شعرية غاية فى الجمال

لشاعر جديد جميل اسمه

رضا ابو النجا اسم ديوانه ياما شايلة

وايضا نصوص ادبية بعنوان شباك الروح

هناك شعر ممتاز لدكتور يحيى قدرى

وايضا لفت نظرى محاولتهم الجادة العمل على تثقيف انفسهم

اوجه شكرى الكبير بابا ابو خالد لانه من عرفنى بالاجتماع

وصحبنى معه الى اللقاء

وشكرى لمجموعه مدونى الدقهلية المتميزين

سعدت جدا بالتعرف على الجميلة سارة توبار

وباقى المجموعه الجميلة الراقية والمتميزة جداا

اتمنى ان تعبر باقه ورودى المتواضعه عن المعانى التى

لا تستطيع حروفى التعبير عن مدى روعه وثقافة الجروب

اللى سعدت جدا بتواجدى معه

واتمنى لهم بجد النجاح والتوفيق والتواصل المستمر

بجد فرحت جدا ان فى عقول مصرية شغالة

وشاعرة بالالم العربى

بااااااااااه العربية

بالجسد العربى المنهك بالانين الخارج

من اطفالنا فى كل مكان ينطق باللغة الضاد

كل الاحترام لكم ولفكركم ولتواجهاتكم الفكرية والثقافية

كل الاحترام لذلك الفكر اليقذ ومحاولة العمل الدؤب للنهوض بهذا الجسد المنهك

كل الاحترام لهذا الانتماء الحقيقى والحب العميق لهذا الوطن الجريح