بحث هذه المدونة الإلكترونية

توضيح للمفاهيم منعا للالتباس

رغم انى سأصوت بلا ان شاء الله تعالى فى الاستفتاء على الدستور 
ولى قناعاتى التى انشرها من باب النقاش سواء على الفيس بوك او فى نقاشاتى مع اصدقائى


الا ان هناك التباس انى وغير نقول لا فقط للوقوف فى وجه الاخوان المسلمين
التى اكن لهم الاحترام فى بعض الامور ابغض جدا منهم البعض الاخر 


وكذلك دعاة السلف  ...أيوة وهنا اعلن عدائى الشديد 
لظهور افاضل الدعوة  الشيخ محمد حسان والشيخ مصطفى العدوى 
وغيرهم مما خرجوا على العوام  وفى العلن ليقولوا 
ابقوا على مصر اسلامية !! وفى هذا الامر كلام كثير وله مردوده منا ومنهم 
اولا عدم التعرض للمادة الثانية بأى شكل 
ثانيا انها بالفعل لم تكن مصر اسلامية الا على الورق ان وجد 
ثالثا موقف الشيخ الجليل منا كمتظاهرين من اكثر من عامين  والى الان  
وموقفة الان من الثورة وشتنا بين الاثنين 
انا لا احجر ابدا على رأى الشيخ الجليل ولا على راى الفاضل مرشد الاخوان المسملين
لكنى اقول  لا تحجروا انتم على رأى شباب وشيوخ الامة مما  يتبعكم ويتبع آرائكم دون قناعه منهم
ما اقوله ان الشيخ الجليل محمد حسان ليس مجدد الامة ولا هو الشيخ محمد عبده او جمال الدين الافغانى 
ليمى آرائه على الشعب .......او ان المسلمين والمتدينين والمؤمنين هم من سيقولو نعم ومن سيقول لا هم دون ذلك 
اقدر لدعاه السلف دعوتهم لله لكن دعو ماليس لكم الا كأفراد  اجتهد وقول رأيك انت ولا تفرضه على من اتبعك 


اما عن تحالف الاخوان مع السلف 
واعداء الامس هم حلفاء اليوم فلا مقولة تليق سوا ان المصالح تتصالح 
اتقوا الله فينا 
ولا تضللو بأسم الله احد

9 التعليقات:

  الميكروباص

الخميس مارس 17, 09:18:00 م 2011

ولله انا شايف اننا داخلين على مشكله كبيره خاصة لو النتيجه معجبتش بعض الناس
الاهم من كل شيء اننا نتقبل النتيجه مهما كانت

  شمس النهار

الخميس مارس 17, 10:23:00 م 2011

عجبني كلامك جدا جدا

يانهر

وفعلا بجانب قناعاتي
برضوا زيك موغوشني موضوع اتفاق التوليفه دي الغريبه جدا

  مصطفى سيف الدين

الجمعة مارس 18, 12:25:00 ص 2011

انا كنت فاكر ان لما مبارك اتنحى هنبدا نعيش حياة ديمقراطية لكن للاسف البعض فهم الديمقراطية غلط البعض فهم الديمقراطية على انها فرض رايك على الاخرين ومحاولة اقناعهم بوجهة نظرك بالالحاح بشتى الصور ومحاولة اتهام الاخرين بالخونة
طبعا ماقصدش الشيخ محمد حسان فانا اكن له الحب والاحترام و مش بالومه على اللي قاله لانه مش الوحيد اللي بيحاول يقنع بوجهة نظره للاخرين بنفس الطريقة
في اعلان مثلا على اون تي في كدعاية للناس علشان الرفض
وفي يافطات للاخوان علشان القبول
انا شايف بدل من ده كله كانو يفهمونا سيناريوهات توابع النتيجة لو كانت نعم او كانت لا
دول وجعوا دماغنا بالكدب
احنا فهمنا الديمقراطية غلط وفهمنا الحرية غلط والنتيجة فوضى في كل حاجة
فوضى تمثلت ان المواطن المصري العادي مش فاهم ايه اللي بيحصل ولا فاهم هيقول نعم او لا ليه وايه اللي هيحصل لما يقرر
اعلام فاشل
صحافة فاشلة
حتى الفيسبوك فاشل
بقى كله عبارة عن خناقات او مهاترات
تحياتي

  بلال عادل رجب.

الجمعة مارس 18, 01:49:00 م 2011

الاخوان والسلف
لحظة واحده من فضلك
الاخوان من ناحيه السلف لا يوجد اى عداء بينهم
اما السلف من ناحيه الاخوان
فيوجد بعض الشرارت ..
توضيح فقط
وانا هقول نعم

  Asmaa mahaba

الجمعة مارس 18, 05:40:00 م 2011

للاسف الناس دى خافت من دعوات الكنائس اللى قالت لا ودعوات الليبراليين فقاموا قالوا نعم من خوفهم
المهم الناس تنزل وتقول نعم او لا منبقاش سلبيين
ربنا يعمل الخير والصالح

  Foxology

الأحد مارس 20, 09:39:00 ص 2011

الله ينور عليكى قلتى اللى كنت هقوله فى التدوينة الاخيرة

المصالح تتصالح فعلا

تحياتى

  جود الحزن

الأحد مارس 20, 06:42:00 م 2011

السلام عليكم

في ظل الاحداث الراهنه قد تختلف وجهات النظر.. وحتى تندرج تحت مسميات مختلفه.. ولكن الاهم مايصب في مصلحة الشعب..
لكن الخوف يجعلنا مترددين من نريد ؟ ومن نؤيد؟
نريد دولة ديموقراطيه..!

يلعب رجال الدين على الوتر الحساس ويصدرون ماطاب لهم من فتاوي والشعب يتسم بالتدين وبالتأكيد سينجرف معهم في تلك الهاويه المسماه الذل
وهذا ماحدث معنا في السعوديه..
اتمنى ان يوفق الله الشعب المصري الحر

كل الود

  اسجنى .... شكرا

الأربعاء مارس 23, 03:23:00 ص 2011

تسلم ايدك دا انا لسه شايف فيدو حارق دمى لمحمد حسين يعقوب بيكبر لانوا عرف نتيجه الاستفتاء

  ذو النون المصري

الأربعاء مارس 23, 03:12:00 م 2011

كثير من المشايخ قالوا المظاهرات حرام لانها خروج علي الحاكم
و لما سقط الحاكم قالوا لا حلال لان ما حدث لم يكن خروج لانه كان من غير سلاح
كانهم عرفوا بعد كل هذا الزمن ان المظاهرات طول عمرها بتبقي من غير سلاح