بحث هذه المدونة الإلكترونية

زينة الحياة الدنيا


الموضوع ببساطة 
ان فى كتير منا مش  عندهم وعى فكرى ولا نفسى 
او مش متمتعين بالمسئولية الكافية لتريبة الاطفال  ودا يقال فيها الكثير والكثير 

فما بالك بقى بمن رزقة الله بمعاق ؟!!!

سؤال اليوم 
بصراحة 

ماذا تفعل ان رزقك الله او ابتلاك بطفل معاق ؟؟

ماذا تفعل ان تحولت زينة الحياة الدنيا الى ابتلاء الحياة الدنيا ؟؟ 


80 التعليقات:

  فاتيما

الثلاثاء مارس 16, 02:34:00 م 2010

سؤال مرعب يا إيناس


معرفش


ممكن جدا كان هيصيبنى غضب شديد

و ممكن قوى كنت ارضى بنصيبى

معرفش

الأكيد انى كنت هحبه برضو
رغم اى شىء


بس مسئوليته هتكون كبيرة قوى
و صعبة قوى
و متعبة قوى
و لازم كنت هحتاج مساندة
من كل اللى حواليا



كنت هشيل همه قوووووى
لو جرالى حاجة
ف اى لحظة مين يرعاه غيرى
دا لو عرفت اصلاً
اخد بالى منه

كنت هعيش فى حزن دائم اكيد
انى جبته للدنيا و ممكن اسيبه فى اى وقت و يتبهدل اكتر

سؤالك مش بس مرعب يا ايناس

سؤالك منتهى الحزن


ربنا يعين كل من منحهم
الله هذه النعمة و المحنة



احييكى على السؤال
و ما أثاره فى داخلى
و فى داخل أى حد هيقرى البوست دا

  صباح الخير

الثلاثاء مارس 16, 02:52:00 م 2010

السلام عليكم ورحمة الله وبركاتة
تعودت فى كثير من المدونات التى ازورها أن أرى للمدون مقالة كبيرة او قصة ذات فصول عدة أو خواطر ذات نقاط متعددة .
أما مع زيارتى الاول لمدونتك قرأت اسلوب جديد فى التدوين..
سؤلك أختى الفاضل أدما قلبى وشغل فكرى
ولا أقول الا ما أأمن به
لا رد لقضاء الله ..أنا به راضوين عن طيب خاطر وبقلب مؤمن بقدر الله راضى بعطائه

واخير احييكى على سؤالك ذلك النقوس الذى ايقظ غفلتى عن شكر ربى على نعمه التى لاتعد ولاتحصى
فالحمد لله حمدا كما ينبغى لجلال وجه وعظيم سلطانة

  Unknown

الثلاثاء مارس 16, 04:02:00 م 2010

فاتيما
روح قلب المدونين منورة والله يا ام يوسف انا ترحطت نفس السؤال من فترة طويلة فى احد المنتديات
وكانت ردود الفعل مختلفة
جدا لكنه فعلا سؤال مرعب ومحزن جدا رغم ان كتير منا لا يفكر به ؟!!
وهناك امهات عندهم لا مبالاه فى تربية الاسوياء فما بالنا ان رزق الله احدنا بطفل معاق

كأنثى اعلم ان بعض النساء يصبن بحالة من الخوف او الكراهية للطفل بسبب الالم فى الولادة او بسبب حجمة فما بالنا بالطفل المعاق وهمة الكبير

احببت ان اعرف
واحببت اكثر ان نشكر الله عزوجل على نعمه التى لا تعد ولا تحصى


عارفة يا فاتيما مش عارفة انا وريتك السيدة الفاضلة التى تعول 3 اطفال معاقيين ايتام اثناء اللقاء ام لا
رغم انهم شباب واطفال الا ان الله افرغ على قلبها الصبر والسكينة ربنا يقويها يارب السيدة المنقبية التى كان اولادها يجرون حولنا

ومعليش انى ضايقتك بسؤالك
منورة المدونة وشكرا على انك اول تعليق يا قمر
ربنا يرد عليكى ضالتك

  Unknown

الثلاثاء مارس 16, 04:06:00 م 2010

صباح الخير
وعليكم السلام ورحمة الله وبركاتة
اهلا بك فى مدونتى
والحمد لله ان السؤال شغل بالك وايقظنا جميعا لشكر الله عزوجل على نعمه التى لا تعد ولا تحصى
فى نفوس راضية
وهناك نفوس يبتليها الله بالضعف
ولا تقوى على تحمل المسئولية
تلك محنة ليس لها ابطال الا من وقعنا فيها وقدرهم الله عليها
الله ريحمنا ويرحم من وقعوا فيها
ويهدينا الى الصراط المستقيم
تحياتى لك ولمرورك العطر

  موناليزا

الثلاثاء مارس 16, 04:20:00 م 2010

مقدرش أجاوب
لان اللى على البر شاطر

أقولك على حاجة يانوسة
لانى درست كتير عن ذوى الاحتياجات الخاصة واتعاملت معاهم عن قرب
بقيت ادعى يارب ارزقنى بذرية طيبة معافية جسديا وعقليا لان بجد ده ابتلاء صعب جدا وربنا يصبر كل الاهالى اللى ولادهم كده
ويعافينا ويعافى ولادنا اللهم امين

  Unknown

الثلاثاء مارس 16, 04:37:00 م 2010

موناليزا
انتى صح جدا انا كمان تعاملت معهم عن قرب ودا شئ صعب جدا الله يصبرهم ولا يبلينا يارب
لانه شئ صعب جدا وبجد ابتلاء مش كلنا قدة
ربنا يبارك فيكى يا موناليزا
ويرزقنا ما نتحملة

  الطيــر العاشـق

الثلاثاء مارس 16, 05:18:00 م 2010

نهر الحب

سؤااااال مفيش أصعب منه....
أنا واحده زي أي واحده بين كل الناس نفسها تحس بإيه هوه احساس الأم ... وكل واحده تتمني ان ابنها يكون كامل الخلق
وسبحان الله لو حصل وقدر الله انه يكون معاق صدقيني عمر ده ما هيكون ابتلاء صدقيني ده هيكون سبب كبير في رحمة ربنا

وربنا كبير ويعين كل الناس اللي رزقهم بطفل معاق ويرحمنا برحمته

كل احترامي

  أمل حمدي

الثلاثاء مارس 16, 05:36:00 م 2010

با إيناس

حراااااااااام عليك قلبي وجعني من الصورة


الرضى اولا واخيرا بما قسم الله

أنت رأيت بنفسك أولياء امور الاطفال اللي كنا معهم بيعملوا كل مابوسعهم لاسعاد اطفالهم

وتأكدي أنهم من أهل الجنة إن شاء الله

قد يعي الناس او لا لكنها الحقيقة


تعبتيني بجد

  فاتيما

الثلاثاء مارس 16, 06:30:00 م 2010

لا يا حبيبتى

بتقولى معلش على إيه؟؟!!!

احنا لا بنعانى واحد على عشرة
من معاناة هولاء الاهل
و اوطفالهم و لا حاجة

كلنا بنروح بيوتنا لأطفال اسوياء
او لحالنا
و مبنشلش هموم اى حاجة
غير اقل اليسير


كمان مش هنحس بألمهم
و لو لفترة قصيرة ؟؟!!

معلش على ايه بس ؟
ربنا يعينهم
دا اللى كل اقدر اعمله و اقوله
و لعل اليوم اللى قضينه معاهم يبقاله معنى و قيمة
لو مكناش قعدنا معاهم و واسيناهم بسبب ضيق الوقت
فعلى الأقل شاركناهم فرحتهم
متتخيليش أد ايه كنت سعيدة
انى راكبة الاتوبيس
و جهاز الكمبيوتر معايا فى نفس المواصلة
انا عارفة مين اللى بعتاه
و ربنا يكافئها و يجازيها كل خير
اذاك كنت مجرد واحدة مرافقة للطرد
و حاسة بالسعادة و الفخر
اومال خالد و شريف و وليد اللى شالوه يحسوا بإيه
و هيا يا حبيبتى (المجهولة المعروفة ) اللى اتبرعت بيه تحس بإيه؟

و انتى يا إيناس
اللى كنتى السبب فى مرواحه من الاول
و وصوله فى الآخر ؟؟

ربنا يكرمك يا حبيبتى
و ربنا ينفخ فى صورتنا كلنا و نساعد بعض عشان نفرح حد غيرنا

متقوليش معلش تانى

انتى بتسألى سؤال لازم ينسأل كل يوم
لما الواحد يقوم من سريره كويس و معافى و المفروض يقول الحمدلله
و يفتكر دايما
ان غيره لم يحصل على هذه
النعمة كاملة
فيبطل بطر
و يقول يا رب

بحبك قوى يا آنوس
بوسات و حضونات
يا نهر الحب و العطاء

  Lyssandra

الثلاثاء مارس 16, 06:39:00 م 2010

انا مش عارفه أجاوب بجد
علي فكرة يا إيناس
إجابة حد مش مجرب بتختلف كتير عن حد وسط التجربه دي
يعني زي ما فاتيما قالت ممكن يكون رد الفعل في الأول غضب وممكن رضا بالقضاء وصمت .. أكيد هايبقي في حزن
بس بردو الأكيد ان كل أم بتحب طفلها مهما كان ومهما نبذه المجتمع أو كان بيبصله بطريقه غريبة
والدليل احنا شوفناه سوا من امهات الأطفال يوم اللقاء

السؤال صعب
والصورة مرعبه بجد
مش عارفه أقول ايه

بس الأم الشاطره اللي مهما كانت تعبانه من حاجه زي دي
مش تخبي ابنها او بنتها وتحاول تطور مهاراته أياً كانت وتبذل جهد عشان تطور بدل ما الحاله ممكن تتدهور
وتقبل الناس للطفل ده بييجي من تقبل أهله ليه .. أظن كده

مش هاطوّل عليكي
بس بردو مصرة انه اللي إيده في المية مش زي اللي إيده في النار
يعني احنا هانفكر قبل ما نجاوب وإجاباتنا هاتبقي نموذجيه :) لكن اللي جرب بالفعل هو اللي ممكن يرد ويقول ايه كان شعوره وإيه رد فعله ودلوقتي بيعمل ايه بالفعل

....

تحياتي :)

Lyssa

  NeVeN

الثلاثاء مارس 16, 09:34:00 م 2010

ازيك يا انوسة
بصى بقا انا هحيلك على حاجة صغيرة كدة
انا لما كنت حامل فى لارا عملت تحاليل وطلع عندى التكسوبلازموس اللى هو احنا بنقول عليه مرض القطط وفى دكتور الله يسامحه قالى المرض دة لما بييجى لحد بعد الحمل بيخلى الطفل مشوه ومعاق وغير مكتمل و و و واعراض فظيعة اوى متتخيليش بقا انا كنت عاملة ازاى لمدة شهركامل تعب نغسى وانهيار مقولكيش اد ايه وحاولت اقنع نفسى بالوضع
ولحد مربنا كرمنى بدكاترة تانية قالتلى ان مبيحصلش الا بنسبة واحد قى المليون
والحمد لله بصلى لربنا واحمده انه رزقنى بطفلة معافية قفى بدنها وعقلها

بس فى الاول والاخر اى ام او اب بيرضى بالى ربنا قسمهوله وبيحاول يتعامل مع طفلة كانه عادى
بس دى مسئولية اصعب من اى حاجة
هتتعاملى مع الطفل دة ازاى هتتحسسيه انه عادى مش ناقصه حاجة

وعلى فكرة دة مش ابتلاء لان ربنا مبيديناش اى حاجة وحشة يمكن اعاقته دى احسن ليه من اى مستقبل ملوث

مساءك ورد يا قمر

  Unknown

الثلاثاء مارس 16, 10:47:00 م 2010

الطير العاشق اهلا بك
منورة والله
سبحان الله ربنا يرزقنا واياك الرضى بالقسمة والنصيب
بجد دى نعمه لا يدركها الكثيرين وكلنا نحلم بأطفال اسوياء لكن لله حكمة فى عبادة واكيد كل ما يأتى به الخالق رحمه

ربنا يرضينا

  مهموهة أحمد

الأربعاء مارس 17, 12:38:00 ص 2010

نهر الحــــب ..........
ايناس حبيبتي سؤالك جميل اوي

و انا بجد بقولك لو ربنا رزقني بطفل معاق هصبر على قدره
و انا الحمد لله مؤمنة بقدر ربنا
بس كل زعلي ان الطفل ده يعيش متغرب في دنيته و يتعذب من التعب طول الوقت
بس ده قدر ربنا و قضاؤه و الحمد لله من قبل و من بعد

شكرا ليكي يا انوس
خالص تحياتي و تقديري

  akeedba7ebha

الأربعاء مارس 17, 01:20:00 ص 2010

الدنيا دى كلها بحلوها بمرها بعذابها براحتها كلها اختبار من ربنا

وان حصل كده لا قدر الله لاى شخص عاقل فمن اللازم ان يتدارك الامر ويردى بقدر ربنا له لعله خير له

وربنا مايجيب حاجه لحد تزعله ويجعل احزان المؤمنين قليله ولكن فى النهايه كلها خيرا لهم

  كلمات من نور

الأربعاء مارس 17, 01:43:00 ص 2010

الحمدلله أن وهبني ابناء أسوياء و لكن أنا لدي في عائلتي ابن خالي معاق وتعلمنا جميعا كيف نتعامل معه و كأنه أخ أو ابن لنا وبالتالي أعلم أحاسيس من كان لديه طفل معاق و أسأل الله لهم صبرا جميلا ...تحياتي

  د. مونى

الأربعاء مارس 17, 02:56:00 ص 2010

قلبى بيوجعنى اما بشوف طفل مش قادر يعيش حياته بشكل طبيعى زى باقية الاطفال وطبعا كنت بسأل نفسى لو أنا مكان والدته هبقى إزاى؟
سؤال صعب الإجابة عليه لكن كل اللى بأحسه وقتها مزيج من الشفقة والحسد لأنها أكيد هتكون مؤمنة .. دى أم أولا وأخيرا وأكيد جزاؤها الجنة ومن دون حساب لأنها بالطبع وكعادة أى أم طبيعية هتكون من الصابرين فى أولى مراتبهم
شكرا يا أنوس لأنك بتثيرى قضايا إنسانية شديدة احساسية
تقبلى مرورى

  الأرمـوطــي

الأربعاء مارس 17, 03:51:00 ص 2010

ايه ده يابنتى انا قلبى وجعنى اوى من الصورة دى ومن كلامك الواحد ميقدرش يقول الا الهم الطف بنا فى ماجرت به المقادير الهم انى لا اسالك رد القضاء ولكنى اسالك اللطف فية
بس ايه الى جاب الموضوع ده على بالك؟
مع السلامة

  جنّي

الأربعاء مارس 17, 04:16:00 ص 2010

السلام عليكم

كيف حالك يا نهر الحب والعطاء ..

جزاكي الله خيرا على ما قمت به من عمل رائع لوجه الكريم لهؤلاء الاطفال .. وربنا يفرح قلبك كما جعلتيهم يفرحون .. وأثابك الله الجنة ..

وسامحيني لعدم الحضور ..

بالنسبة لسؤالك :

نحمد الله تعالى ونشكر فضله علينا ونعمه الكثيرة علينا والحمد لله الذي عافنا وعافى اولادي ..
ولكن لا يستطيع الاجابة الا من كانت يده في هذه النار .. ولكني أرى أناس كثيرون أصابهم هذا الابتلاء فصبروا وشكروا ورضوا بقضاء الله خيره وشره ..
وقد يكون الابتلاء للعبد للاختبار كما في قوله تعالى :
{ قَالَ هَذَا مِن فَضْلِ رَبِّي لِيَبْلُوَنِي أَأَشْكُرُ أَمْ أَكْفُرُ وَمَن شَكَرَ فَإِنَّمَا يَشْكُرُ لِنَفْسِهِ وَمَن كَفَرَ فَإِنَّ رَبِّي غَنِيٌّ كَرِيمٌ }النمل40

وبين لنا النبي صلى الله عليه وسلم فضل المبتلى الصابر
عن أنس بن مالك قال : سمعت رسول الله صلى الله عليه وسلم يقول إن الله عز وجل قال إذا ابتلي عبدي بحبيبتيه ثم صبر عوضته منهما الجنة يريد عينيه - مسند احمد ..

وفي حديث للنبي صلى الله عليه وسلم يبين فضل من رزق ببنتين واحسن تربيتهما كانت له ستر من النار فما بالك اذا كانت البنات او الاولاد معاقة ..

عن عائشة : أن امرأة دخلت عليها ومعها ابنتان لها فأعطيتها تمرة فشقتها بينهما فذكرت ذلك لرسول الله صلى الله عليه وسلم فقال من ابتلي بشيء من هذه البنات فأحسن إليهن كن له سترا من النار مسند احمد - البخاري ومسلم برواية اخرى ..

والابتلاءبالبنات هنا ليس معناه ان البنات بلوى بل هن عمل عظيم يحتاج لجهد كبير في التربية وقد ذكر النبي صلى الله عليه وسلم ان العمل القضاء ابتلاء( عن ام سلمة زوج النبي صلى الله عليه وسلم ان رسول الله صلى الله عليه وسلم قال من ابتلى بالقضاء بين المسلمين )( القاضي يقضي بين المسلمين )فليس القضاء بلوى .. ذكرت ذلك حتى لا يفهم البعض بالخطأ ان خلفة البنات بلوى ..

وفي حديث آخر يبين النبي صلى الله عليه وسلم فضل المبتلى الصابر :
عن مصعب بن سعد بن أبي وقاص ، عن أبيه ، قال : سألت رسول الله صلى الله عليه وسلم : من أشد الناس بلاء ؟ قال : « النبيون ، ثم الأمثل فالأمثل يبتلى الرجل على حسب دينه ، إن كان صلب الدين اشتد بلاؤه ، وإن كان في دينه رقة ابتلي على حسب دينه ، فما يبرح البلاء على العبد حتى يدعه يمشي على الأرض ليس عليه خطيئة » ..

بعد ذلك لا نستطيع الا ان نقول : اللهم رضنا بقضائك ..

تحيتي وسلاماتي

  تــركــي الــغــامــدي

الأربعاء مارس 17, 07:41:00 ص 2010

تحية معطرة بأنفاس الطيبين ، مواجهة النفس البشرية بهكذا مآسي يظل محفوفاً بالإيمان العميق بماقدر الله سبحانه وتعالى (هذا بالنسبة للمؤمن السوي) من حيث نرى أن هناك من لايؤمن بالأقدار على الكيفية التي يجب على المسلم التعامل به معها فنجده يتعامل مع المعاق على نحو إنساني يخجل غيره ، ولهذا شرعت الكثير من الأدعية التي تثبت المسلم في هكذا موقف ، وقد لمست في الفترة الأخيرة وبخاصة في مجتمعنا أن الأفكار بدأت تتحسن تجاه المعاقين بل وقد أعطي المعاق الكثير من الفرص للعمل والحياة بكل تفاصيلها ومهما كان وضع ذلك المعاق والأمثل كثيرة في مجتمعنا العربي .. بالنسبة لي شخصياً فقد وجدت أن الإعاقة الحقيقية داخل النفس البشرية وأن الجسد مجرد حامل لروح مطمئنة أو كافرة والعياذ بالله ، وأسأله جل في علاه أن يمن علينا بحسن الخلق كما من علينا بحسن الخلقة إنه قريب مجيب الدعاء .
لاعدمناك أختنا الفاضلة .

  ahmed_k

الأربعاء مارس 17, 07:47:00 ص 2010

السلام عليكم ورحمة الله
أولا إزيك يا إيناس ؟؟
وسؤالك مرعب فعلا كما قالت فاتيما
ولكن لاحيلة في مثل تلك الحاله إلا الرضا بقدر الله وقدره
واليقين بأن هذا المعاق له رب لن يتركه ولن يخذله مهما عصفت بحياته النوائب
خالص تحياتي

  محمد فؤاد (صاحب عمود النور)

الأربعاء مارس 17, 09:13:00 ص 2010

انتى تعرفى انى بفكر فى الموضوع دا كتييييير جدااااا

بس تفتكرى هعمل ايه؟

هقول الحمد لله اكيد ربنا لما يرزقنى بطفل معاق يبقى له حكمه واكيد شايلى حاجه احسن واحسن

  Diyaa'

الأربعاء مارس 17, 10:11:00 ص 2010

من غير شريكة حياة بطلة
معتقدش إني هعرف أعمل كتير لأني زي أي واحد من ولود آدم العاديين
هبقى مفحوت ومنكوت بره البيت
فالأوقات القليلة اللي هرجع فيها

فمن غير الطرف التاني في المعادلة
هفشل فشل ذريع لوحدي

مهما أظهرت تماسك
وعرفت أخبي الشفقة والعطف
وأتعامل مع الزينة اللي ربنا ابتلاني بصعوبة التعامل معاها ..بشكل فيه تقدير لكنز المفترض هيدخلني الجنة بمجرد الصبر والتضحية عشانه


وبإذن الله ربنا يعافينا من ما ابتلى به غيرنا...أو يمدنا بمدده من صبر ورحمة وكل ما هو مدفون جوانا بفعل التنشئة المهلهلة

سؤالك قوي مش مرعب
وبيحطنا قدام أنانيتنا :)

وربنا يصبر أهالي الأطفال دول..فعلاً هم اللي تعبانين مش الطفل لأن الطفل ربنا أعفاه من كده

والحمد لله على نعمه الظاهر منها والباطن

والسلام ختام

  Diyaa'

الأربعاء مارس 17, 10:14:00 ص 2010

وزي ما نيفين قالت باختصار :)

حالتهم دي ربما تكون أحسن من مستقبل ملوث

والمجال أوسع من ما تتخيلي للمستقبل الملوث في مجتمعنا الحالي

  salwa

الأربعاء مارس 17, 12:45:00 م 2010

السلام عليكم ايناس
طالما انه من الله سبحانه و تعالى فهو مقبول و ليكن لدينا الحد الادنى من الوعي
باستشارة الاخصائيين لعدم زيادة الامر سوء
ربي يحميكي دااائما راااااائعة
سلااااااااااام

  Unknown

الأربعاء مارس 17, 12:49:00 م 2010

ماما امولة
الصورة مؤلمة اعرف لكنها حقيقة وهناك مئات الصور الاكثر الما
لكنى حاولت ان اقرب الفكرة حتى اسمع الردود بصراحة وكأنة حديث نفس
بين المعلق ونفسة
ربنا يجعلنا دائما راضين مرضين بما قدره المولى لنا
تحياتى لك

  Unknown

الأربعاء مارس 17, 12:52:00 م 2010

فاتيما
انا بقولك معليش لانك قلتى انى حسستك بحزن وغضب شديد واكيد دا انا لم اقصده كل ما قصدتة هو السؤال ومعرفة ردود الفعل وحمد الله على نعمة
اما عن اليوم فالفضل كله لله عزوجل
وللمشاركين والحمد لله الذى بنعمتة تتم الصالحات
انا كمان احبك واحترمك جدا
ربنا يبارك فيكى ويرد عليكى ضالتك
وشكرا لمرورك وتعليقك مرة اخرى
دايما منورة يا رب

  Unknown

الأربعاء مارس 17, 12:58:00 م 2010

ليساندرا
اهلا بك يا قمر دمياط
فعلا اللى ادية فى المية مش زى اللى مجرب او محطوط فى التجربة المرعبة دى
لكنها ارادة الله هناك اناس غيرو حياتهم بكاملها لمحاولة التعامل مع الطفل المعاق اعرف سيدة فاضلة انجبت طفل عنده توحد وحاولت تعالجة بشتى الطرق والسفر فى الخارج وغيرها الا انه ليسى هناك علاج اسست جميعة لرعاية التوحد فى المعادى وهى من انجح الجمعيات التى تعمل فى هذا المجال على مستوى الشرق الاوسط كله
وطبعا طورت من نفسها ومن مهاراتها ومن مهارات ابنها ليستطيع التعامل مع المجتمع وخدمة نفسة
طبعا دا كان محاولة منها لتشعر انها عملتة شئ ينفعة حين تتركة وحيدا

لا استطيع ان اقول غير ربنا يقوى فعلا الناس دى ويصبرهم ويرزقهم الصبر على قضائه

تحياتى لك يا ليساندرا
على المرور والتعليق

  Unknown

الأربعاء مارس 17, 01:00:00 م 2010

نفين
اهلا بك منورة المدونة
يا خبر دانتى عشتى لحظات مرعبة بجد الحمد لله انها عدت على خير عارفة انا اعتقد ان الرضا بقضاء الله بيكون علاج لاشياء كتير جدا وربنا بيكافأ العبد على رضاه وصبرة وحمد لله على سلامتك انتى ولارا

ربنا يرضينا بقضائة وقدره

  Unknown

الأربعاء مارس 17, 01:03:00 م 2010

مها احمد
ليه غيرتى اسمك ؟؟
الشكر لك لمرورك وليس لى
اما عن الرضا فهناك اناس الله اعطائهم من فضله قلب راضى على قضائة وهناك اناس ربنا ابتلاهم بعدم الرضا ربنا يرضينا بقضائة
ويجعلنا من الصابرين

عارفة بأختصار اقدر اقول ان الموضوع يتركز فى درجة امان الناس وثقافتهم
امان بقضاء الله وان الامر كله لله
وثقافة التعامل مع الوضع ومحاولة تطويعه

مرور مميز دائما يا مها

  Unknown

الأربعاء مارس 17, 01:04:00 م 2010

أكيد بحبها
محمد منور والله
انت صح الدنيا كلها ما هى الا اختبار ربانى ولابد لنا من الرضا ومحاولة اجتيازة

امين ربنا ما يجيب حاجة وحشة ابدا

  Unknown

الأربعاء مارس 17, 01:07:00 م 2010

كلمات من نور
الحمد لله رب العالمين
ربنا يحفظ لك ابنائك يارب
وربنا يصبر والدى الطفل المعاق لان التعامل معه احيانا يكون صعب وشيل همه اصعب انا كمان لدى قريبة معاقة والحمد لله عل كل حال

  Unknown

الأربعاء مارس 17, 01:09:00 م 2010

د مونى
اهلا بك
الام قلبها حنون على اولادهم والام الحقيقية تنبض بالحنان لكل الاطفال فما بالنا بأم صابرة محتسبة
والشكر لله
منورة يا د مونى واتمنى اشوفك قريب جدا

  Unknown

الأربعاء مارس 17, 01:11:00 م 2010

الارموطى
اهلا بك اللى جاب السؤال على بالى انى اتعامل مع اسر فيها معاقيين وارى مدى التعب والصبر والحب الممتلء به البيت
رغم الاعاقة ورغم الالم ورغم الخوف
اما عن الدعاء فاللهم امين يارب العالمين
منور يا ارموطى

  Unknown

الأربعاء مارس 17, 01:15:00 م 2010

جنى وعليكم السلام ورحمة الله وبركاتة
اهلا بك
اللهم امين يارب العالمين ولك مثله بأذن الله تعالى
ولا يهمك المهم دعائك لنا بظهر الغيب

الحمد لله على نعمه التى لا تعد ولا تحصى

جنى ردك جميل محتاج الى تمعن وتفكير واحساس بكل حرف فيه حتى تخف البلوى ويريح الالم
بجد سلمت اناملك
وربنا يرصينا جميعا بما يقسمه لنا
تحياتى واحترامى لك

  Unknown

الأربعاء مارس 17, 01:19:00 م 2010

تركى الغامدى
اهلا بك
قلت جمله جميلة جدا ان الاعاقة الحقيقية فى النفس البشرية وتلك جملة جميلة وواقعية جدا كثيرا منا معافى جسديا لكنه معاق نفسيا بشكل والعياذ بالله مؤذى جدا
اما عن المتجمع ونظرة فلله الحمد اعتقد ان الامر فعلا اختلف عن السابق لكنا نامل فى مزيد من التغير الى الافضل
ومزيد من توفير الاماكانيات لهم كى يتدربوا على التكيف مع المجتمع المحيط

تحياتى واحترامى لك

  Unknown

الأربعاء مارس 17, 01:21:00 م 2010

احمد ك
يادى النو يادى النور
انت فين يا احمد ؟؟ عموما منور المدونة والله
بص هو فعلا سؤال صعب لكناان عرفنا كما قلت انها ارادة الله ولا راد لقضاء الله سيكون هذا الافضل
تحياتى واحترامى لك
وعودا حميدا

  Unknown

الأربعاء مارس 17, 01:23:00 م 2010

محمد فؤاد صاحب عمود النور
اهلا بك
مقدريش اقول اكتر من ربنا يصبرنا على قضائة وقدره

تحياتى لك

  Unknown

الأربعاء مارس 17, 01:25:00 م 2010

ضياء
صح لابد من مواجهه الامر بأب مؤمن وام حنونة وزوجين محبين بعضهم وصابرين على قضاء الله ومحاولين التغلب على الامر وعلاجة
لان البطل هنا اسرة وليسى فرد

  Unknown

الأربعاء مارس 17, 01:27:00 م 2010

ضياء
تانى هههههههههه
صح الرضا ثم الرضا

كمان عايزة اشكرك انت ووليد وخالد وشريف على شيل الكمبيوتر من القاهرة لبورسعيد
وجزى الله مرسلته كل الخير
وجزاكم ايضا خيرا على حضوركم وعلى الشيل
تحياتى واحترامى لك اخى

  Unknown

الأربعاء مارس 17, 01:28:00 م 2010

سلوى
اهلا بك اختى الجميله فى الله
منورة والله فعلا علينا معرفة التعامل مع المعاقيين واستشارة طبيب متخصص وواعى حتى لا يتفاقم الامر

تحياتى وحبى لك

  Unknown

الأربعاء مارس 17, 03:29:00 م 2010

اعتقد فعلا ان الاهل اللي يكون نصيبهم ولد معاق بيكونو محتاجين تأهيل لده
مش نفسي وبس
لأ محتاجين حد يعلمهم يتعاملو ازاي ويتصرفوا معاهم ازاي
علي الاقل هيكونو محتاجين انهم يقرأو في المجال ده
وأكيد الحب والاهتمام لأن الاطفال المعاقين بيكونو محتاجينه اكتر

  Unknown

الأربعاء مارس 17, 07:26:00 م 2010

اسراء
اهلا بك فعلا اهل الطفل المعاق بيكونوا محتاجين تأهيل نفسى ومادى واجتماعى كمان للوصول بالطفل المعاق الى مرحلة التأهيل للتعامل مع المجتمع


تحياتى لك ولمرورك

  ميرا ( وومن )

الخميس مارس 18, 01:28:00 م 2010

سؤال صعب جداً

ربنا يعافينا كلنا بس أنا متأكدة اني هاحبة وهاصبر عليه
انا ليا صديقة أخوها من ذوي الإحتياجات الخاصة

بس سبحان الله في منتهي النباهه والذكاء ساعات كتير بيفجأني

بالرغم إن مسئوليتة متعبة ورمهقة ومكلفة
بس كل مابشوفهم بيتعاملوا معاه بفرح بيهم لأنهم بيحبوه ويخافوا عليه وهو مصدر فرحة بالنسبة ليهم

ربنا يعافينا كلنا يارب

  انترنتاوي

الخميس مارس 18, 02:40:00 م 2010

اللهم لك الحمد و الشكر على كل ما أعطيت

  الميكروباص

الخميس مارس 18, 06:46:00 م 2010

انه احد الابتلاءات العظيمه
كان هناك جار لي عنده بنت مصابه ب "بله مغولي"
ومع الأسف المشكله ان النوع ده من الناس بيكون مولود بقصور في وظائف القلب ومفيش حد فيهم بيعيش أكثر من 20 سنه
والعجوز فيهم بيكون عمره 22 سنه
وابنته هه توفيت منذ أسبوعان تقريبا
كنت كل يوم أراها في الشارع مع والدتها الشابه وكان عمر هذه الفتاه لم يتجاوز 12 سنه بالتقريب
بالفعل كانت مشكله العائله هذه البنت منذ ولادتها بسبب احتياجها لرعايه خاصه واسلوب خاص في التعامل مع انخفاض لمستوى الثقافي للعائله
لكن على الرغم من ذلك سارت الحياه
ولكن يوم وفاتها لم يتمالك الأب والأم انفسهم نهائيا
فعلى الرغم من انه كان معروفا منذ ولادتها بأنها لن تمل الحياه لن حالة الحزن كانت شديده ومصحوبه بإكتئاب شديد
لحظة الفراق كانت صعبه جدا
صحيح كانت سبب متاعب كثيره في الحياه ولكن ما أن تدخل البيت في يوم ولم تجد من اعتادت عيناك على رؤيته حتى يكون مشهد مؤثر وصعب
هو ابتلاء من الله عز وجل وعلى العباد ان يتحملونه بكيفهم أو غصب عنهم
في الخارج يوجد اساليب للتعامل مع هؤلاء
اما هنا العمليه تعبانه خالص
الناس لا يعلمون شيء عن المعاقين إلا من بعيد لبعيد
ولله ساعات فعلا بشوف مناظر صعبه لأبعد الحدود ولناس لا يوجد معهم ما يكفيهم من المال لتكمله الشهر مصاريف أكل وملابس
وبيكون معاهم طفل معاق ودايخين به
وبقول الحمد لله ان ربنا سيقوم بتعويضهم في الآخره
فهناك حديث سمعته لم أحفظه نصا يقول فيه النبي صلى الله عليه وسلم أن الفقير سيدخل الجنه قبل الغني ب 500 سنه
واصحاب البلاد سيكون لهم حظ كبير في الآخره

  MzAjYaH

الجمعة مارس 19, 12:46:00 م 2010

الحمد الله رب العالمين

  غير معرف

السبت مارس 20, 10:59:00 م 2010

السلام عليكم

سؤال بجد صعب والاجابة عليه خطره

لكن هحتسبه عند الله واطلب منه المعونة

عافانا الله واياكم

  Unknown

الاثنين مارس 22, 02:06:00 ص 2010

ميرا وومن
ربنا يصبر كل منا على قدرة
وربنا يحمى اخو صديقتك ويجازى اهله خير يارب

  Unknown

الاثنين مارس 22, 02:06:00 ص 2010

انترنتاوى
اهلا بك
والحمد لله على كل شئ
تحياتى

  Unknown

الاثنين مارس 22, 02:09:00 ص 2010

لورانس العرب
اهلا بك
والحمد لله على نعمه التى لاتعد ولا تحصى

فعلا الفراق بيكون صعب جدا رغم توقعة وابسط مثل اننا كلنا ميتون ورغم ذلك نحزن على الموتى فما بالك بمن لم يأذيك يوما

اما عن البله المنغولى او المغولى
فأنا شفت بنت عمرها 45 عام فى مصحة
اسمها توتى على ما اذكر تعانى نفس المرض
سبحان الله

  Unknown

الاثنين مارس 22, 02:10:00 ص 2010

MzAjYaH
الحمد لله على كل حال

  Unknown

الاثنين مارس 22, 02:11:00 ص 2010

عرفة فاروق
منور المدونة
اهلا بك
وعودا حميدا
الاحتساب عند الله يعنى الصبر على قضائة ربنا يجلعنا صابرين شاكرين
تحياتى

  Alaasalim2

الاثنين مارس 22, 02:48:00 ص 2010

السلام عليكم

ليس بأيدينا غير الصبر على قضاء الله تعالى

فإن صبرنا أُجرنا وأمر الله نافذ
وإن جزعنا عصينا وأمر الله نافذ

  Unknown

الاثنين مارس 22, 12:46:00 م 2010

علاء سالم
صحيح جزاك الله خيرا

  حصان المرجيحة

الثلاثاء مارس 23, 11:30:00 ص 2010

بجد سؤال صعب
و مش عارف كل ما احاول ارد ماعرفش
عايز تفكير كتيييييييييير

  كيكى عوووووو

الثلاثاء مارس 23, 09:31:00 م 2010

هو الموضوع ناقص عمى كاتبه باصفر
عاااااااا
مش موضوعنا وحشاااااااااااانى كتير اوى
والواحد سمع عنك حكايات مشرفة اوى عنك يوم بور سع سعسؤالك صعب اووووووووووووووووووووووووووووى
اكيد الواحد هيحس بألم وبعد كدة هيتأقلم
اصلا الواحد فى ايدوا اية؟؟
عووووووووووووو

  Lady E

الأربعاء مارس 24, 12:05:00 ص 2010

سؤال صعب اجابته يا ايناس

عارفه ساعات بنقول لو كنا في الموقف الفلاني كنا هنعمل ونعمل لكن لما بنبقى في الموقف نفسه ممكن تفكيرنا يتغير

الاجابة بكل صراحه مش عارفة بجد مش عارفه ممكن يكون موقفي ايه

الحمد لله على نعمه والحمد لله الذي عافانا مما ابتلى به غيرنا

ربنا يصبرهم ويعينهم ويقدرهم عالمسؤليه يارب

  الربان

الأربعاء مارس 24, 05:26:00 ص 2010

تحياتي

اولا اشكرك لانك تحدثتي في هذا الموضوع.

ثانيا...اعتقد ان هذا ابتلاء نعمه و ليس ابتلاء نقمه....
بمعني ان الله تعالي قد يكون ابتلي هذه الاسرة بطفل معاق حتي يرفع من درجاتهم
و يزيد في حسناتهم ان احسنوا التعامل مع الحالة....

ثالثا.... من واقع مشاهداتي و معرفتي
ان الاسرة التي بها معاق تشعر بالبركة
و يكون بها نوع من التعاطف و التألف
قد لا تكون بأسر اخري...

لي صديق ابتلاه الله بمثل هذه الحالة في ابنته...و كانت حالتها اعاقة ذهنية
و كانت الاعاقة من الشدة بحيث لم يكن يجدي معها اي نوع من انوع التعليم...
و حين وصلت السادسة عشر...ابتلاها الله بمرض السرطان....
تفرغت الاسرة بالكامل لها...و كان العبء النفسي و البدني كبير...
و ختاما رحمها الله و انتقلت الي جواره..

يحدثني صديقي و يقول ان الاسرة تشعر بان
البركة التي كانت بالبيت...و الستر لم يعدا كما كانا...
و ان الان كل فرد من الاسرة لم يعد كما كان...فكل مشغول بحياته هو عكس الاول
و حرص كل من افراد الاسرة علي ان يكون موجود بالبيت اكبر وقت ممكن...

الاسرة عليها دور هام...و الجيران و الاقارب...و كافة فئات المجتمع....كل منا عليه دور يجب ان يؤديه...و يجب ان
تقوم الجمعيات الاهليه بالوصول الي هذه الاسر للتثقيف و الدعم المعنوي قبل المادي الذي قد تكون الاسرة في غير حاجة اليه...


تحياتي و تقديري

  كلمات من نور

الأربعاء مارس 24, 10:46:00 م 2010

مش للنشر

على فكرة يا إيناس

إعلانات جوجل في المدونة عندك كلها مواقع مسيحية صعبة قوي .....مش عارفه بعض الأخوة بيعرفوا يتحكموا في الإعلانات دي علشان دي مشكلة إن شباب يدخلوا المواقع دي و يقروا ويقولوا عندنا ...تحياتي

  RASHA

الخميس مارس 25, 09:45:00 م 2010

انه ابتلاء ما بعده ابتلاء

والصبر عليه والرضا به له جزيل الثواب

  غير معرف

الأحد مارس 28, 12:28:00 ص 2010

موضوع مهم جدا

على المدونة

مستنى

رأيك


كل الود

  فشكووول

الاثنين مارس 29, 12:53:00 ص 2010

اعمل ايه يعنى .. اقول لا حول ولا قوة الا بالله ..
انت قلتى من الاول اذا ابتلاك الله .. هو بلاء ولا شك .. وابتلاء من الله .. ولا اقول مرة ثانيه الا لا حول ولا قوة الا بالله

تحياتى

  rovy

الثلاثاء مارس 30, 09:55:00 ص 2010

أزيك يا ايناس .. وحشانى ..
سؤال مرعب زى ما قالت فاتيما و بيتهيألى ردى حيكون زيها ..
سؤالك خلانى أحس أوى بنعمة الرحمن لى و أشكره جداا و أحمد فضله و أدعوه تضرعا له أن يديم على نعمته و يحفظها من الزوال و أن يعين كل مبتلى و يرحمنا جميعا برحمته الواسعه .. أمين

  Maha Shahen

الأربعاء مارس 31, 09:57:00 م 2010

يا الله قد ايه فكرت فى اجابة لسؤالك لأنه مر بذهنى قبل كدا واحتارت

ربنا يعين اللي عندهم طفل معاق
المشكله مش بتكون ازاى هيتقبل الوضع المشكله ازاى هيتحمل التعامل مع الناس اللي حواليه , اكيد هيقدم للطفل دا كل اللى يقدر عليه من رعايه واهتمام ويحاول يعالجه لو قدر يعنى يستشير دكاترة فى حالته فى النهايه هيفضل جزء ملهوش حل بس اهو علي الاقل هيكونو عملو اللي عليهم طبعا بتكلم عن الاسر اللي تقدر تسعى لكدا لكن فى اسر تانيه مبتقدرش علي كل المصاريف دى وبتكتفى بالاهتمام العادى بالطفل وتربيته
لكن للاسف دايما بيكون موضع ألم للاسره بالذات لو انسان نظر ليه نظره غير متوقعه سخريه كانت او حتى شفقه وكمان فى ناس بتخاف من المعاقين بتفكر انهم مجانين وممكن يأذوهم بأى طريقه فبيحاولو يتلاشو حتى السلام عليهم
لازم نفرق بين الحالات ونعرف نتعامل من جوانا مع اللى ربنا ابتلاه علشان لو ابتلانا بشىء زى كدا نقدر نتأقلم معاه والحمدلله علي كل شىء دايما وابداً
ربنا يعافينا من الابتلاءات الصعبه يا رب ويهونها على المبتلين
فسبحانه وتعالى لا يكلف النفس الا وسعها

خالص تحياتى ليكى علي طرح الموضوع دا

  الأرمـوطــي

الأحد أبريل 04, 12:48:00 ص 2010

انتى فين قلقتينى عليكى فى موضوعاتك الحلوه ابقى طمنينى
سلام

  قيس بن الملووووح

الاثنين أبريل 05, 01:08:00 م 2010

نحن في حاجه الي رايكم في رسائل القراء بعد ان دخلت المنطقه الملغومه

  فضفضه

الثلاثاء أبريل 06, 12:05:00 ص 2010

لما بشوف ام لطفل معاق بدعى ليها بالصبر وبتمنى لها التوفيق وان ربنا يسهل امورها فى تربية الطفل المعاق هذا وبيصبنى احساس بل يقين ان ربنا عالم انها ام قويه علشان كده رزقها بالابتلاء ده واكيد اكيد لها الجنه
سؤالك صعب
الحمدلله على نعمه وفضله

  ذو النون المصري

الجمعة أبريل 09, 03:45:00 م 2010

هاستحمل و افوض امري الي الله

  tarek alghnam

السبت أبريل 10, 12:06:00 م 2010

ايناس
اولا انا شفت حالات فعلا كنت بشفق على اولياء الامور بس الرضا بقضاء الله دى نعمه شفتها فيهم وكمان ربنا بيسخر ليهم كل شئ يخدمهم
ياريت كل الناس تكون زيك وتمسح بعض الامهم
انا عن نفسى لو حصل معايا كنت ححمد ربنا سبحانه وتعالى وحكمل رسالتى معهم
سبحان الذى وضع بداخل الاب والام الابوه والامومه
تقبلى تحياتى وياريت تبطلى خصامك لمدونتى
مع تحياتى

  Dr-Ibrahim

الاثنين أبريل 12, 05:58:00 م 2010

شىء بسيط جدا
نحمد الله
فلقد ابتلى الله غيرنا بأشياء أصعب من ذلك وقد يكون المعاق أذكى وأحسن مليون مرة من طفل سليم لا يسمع النصائح ولا يتفوق إلخ ..
عند حضرتك مثال فى كثير معاقين أصحاب إرادة
ودكاترة جامعة ومعيدين وحياتهم فيها سعادة ليهم وللى حواليهم..

  كلمات من نور

الأحد أبريل 18, 12:48:00 ص 2010

أسرة منتدى زبد البحر يتمنى منكم التواجد معنا في منتدى عالم المدونيين والمدونات

http://mhg1962.ba7r.org/forum.htm

  WhItE HeArT

الاثنين أبريل 19, 01:03:00 ص 2010

مش عارف والله


بجد سؤال صعب بس اكيد اللهم لا اعتراض يعني اكيد هحبه وهحاول احتويه ووفرله كل حاجة

بس يمكن كلامي ده والموضوع محصليش وممكن لما يحصلي يبأه ريأكشني اصعب

مش عارف بجد

  NeVeN

الأربعاء أبريل 21, 01:14:00 ص 2010

ايناس
فينك دة كله
مختفية ليه ؟
يارب يكون خير
طمنينا عليكى

  بنوتة

الجمعة أبريل 23, 01:22:00 ص 2010

السلام عليكم
احب الاول انى اوصلك اعجابى بمواضيعك ومدونتك
السؤال اللى بتطرحيه بجد مشكلة مخطرتش ع بالى قبل كدة
مشكلة لانى هبقى حاسة ان ابنى(ف المستقبل يعنى ) عندة نقص من حاجة ودا هيعذبنى من جوايا بس رغم كل دا هحاول معاه وخصوصا ان دلوقتى اصبح للمعاقين مجالات اخرى بيفرضوا فيها نفسهم ف المجتمع .
ربنا يشفى كل مريض ويقف جمب كل محتاج
وينجحنا السنادى ع خير يا رب.

  ولد تحت الصفر

الجمعة أبريل 23, 06:07:00 ص 2010

أنا سمعت ان الحب بين أي شخصين ( الحب العادي يعني ) معناه التضحية

و سمعت ان الحب ما بين الوالدين و الأبناء شئ فطري

...فما بالك بقى بالحب الفطري ده هيبقى كام ضعف الحب العادي


أنا اعتبر ده اختبار ... اللي ميحبش الولد المعاق -ابنه- يبقى ما بيحبش نفسه
زي ما قالوا
"The Test Of Love Is Sacrifice"
و اللي ما يضحيش بجزء من راحته عشان سعادته تزيد بسعادة ابنه هيبقى ايه ؟

أنا ربنا ما رزقنيش بابن علشان أقول و الإجابة دلوقتي هتكون صعبة




سعدت لمرورك جداً

  جنّي

الثلاثاء أبريل 27, 04:00:00 ص 2010

السلام عليكم

كيف حالك لعلك بخير والحمد لله ..

نريد ان نطمأن عليكي وفقط


تحيتي

  الميكروباص

السبت مايو 01, 09:32:00 م 2010

هل تأثر نهر الحب بالسد الذي تقيمه أثيوبيا؟



انتي رحتي فين؟

  عاشق الجنة من الإخوان صلى على النبى

الأربعاء مايو 12, 06:16:00 م 2010

أزال المؤلف هذا التعليق.
  عاشق الجنة من الإخوان صلى على النبى

الأربعاء مايو 12, 06:20:00 م 2010

الحمد لله علي كل حال
فكل شئ عنده بقوي
في انتظار زيارتك عشان تنوري مدونتي
صلي علي النب

  جنّي

السبت مايو 22, 02:33:00 ص 2010

السلام عليكم

ازيك يا نهر .. فينك ..