بحث هذه المدونة الإلكترونية

طبلى شكرا



تتنافس شركات المحمول الثلاث فى مصر على توفير افضل الخدمات لعملائها الكرام
وقد وفروا فى الفترة الاخيرة العديد من الخدمات كلمنى شكرا * اشحن لى شكرا* حولى شكرا* ادفع لى شكرا
وغيرها من الخدمات
ولم يقتصر التنافس على شركات المحمول فقط بل امتد ايضا الى صناع النكات فالكثير منهم
استخدم تلك الخدمات كمادة خصبة لصنع النكات
منها دلعنى شكرا * كيفنى شكرا * غششنى شكرا
وغيرها الى اخر الخدمات
لكن المنافسة القوية جذبت العديد من المدونين
واستئثروا بخدمتى فقط طلبى شكرا ورقص قلمى شكرا
!!!!!!!
منذ فترة وانا اتابع عن كثب ما يحدث فى الساحة التدوينية من
تطبيل للعديد من الناس
وانقلب المدونين من اناس اصحاب فكر الى اناس يحاول كل منهم التطبيل للفريق الآخر
لكسب حبة وودة وترقيص قلمة للتعبير عن مدى بلاغة الكثيرين من المدونين
او هجاء وذم مدونين اخرين دون سبب وجيه

ولا اعرف كيف تحول العالم المفروض انه كان فرصة للخروج بصفوة مثقفة
الى حالة من الرياء والنفاق الظاهر والباطل
ولا اعرف ايضا سببا لذلك
ولا سبب للتظاهر بينهم ؟؟

تحول التدوين فى كثير وطبعا ليس كل المدونات الى حالة من النفاق
او الهجاء المبالغ فيه والذى ليس له سبب الا الغيرة والحقد
او من باب التشهير بصاحب مدونة اخرى
!!!
ونادرا ما تجد صداقة صافية به نادرا من تجد من يبتسم لك
يبتسم بصدق او دون غرض اى كان هو
البوست دا حالة من استنكارى لبعض الناس والامور شكرا



26 التعليقات:

  شمس النهار

الأحد يناير 24, 12:09:00 ص 2010

بشكرك جدا علي البوست ده
قلتي اللي كان بيدور في راسي بعد ان زرت مدونة بالصدف البوست كله كلمات وايحائات اقل مايقال عنها انها تقع تحت بند السب والقذف
وللأسف صاحبة المدونة مدونة وليست مدون
اي انثي يفترض فيها الحياء والادب

قلت اشوف التعليقات ربما تكون مستهجنه البوست
والغريب ان كل من دخل وعلق استحسن الاسلوب والبوست وطبل وهلل للحرية اللي مكتوب بيها البوست
اخذت جولة استطلع ربما يكون هذا البوست هو الوحيد من هذه النوعيه
ذهلت ان كل المدونه كده

حزنت علي النفاق وضياع الحياء

ناهيكي عن ان لااحد يناقش احد فيما كتب
ماتفهميش خايفين يختلفوا والا ايه مش عارفه

بوست مهم تسلم ايدك

سلامي

  Unknown

الأحد يناير 24, 12:11:00 ص 2010

شمس النهار

وما خفى كان اعظم والله
هناك الكثير والكثير مما يؤلم فى تلك المدونات ولا اعرف لها سببا
سوى سوء النية وضياع الاخلاق

الحمد لله على كل حال وشكرا لتعليقك

  مهموهة أحمد

الأحد يناير 24, 12:45:00 ص 2010

نهر الحب ....

الله على كلامك بجد معاكي حق و الله في كل كلمة بتقوليها
الواحد بيشوف حاجات كتير من دي بس هنعمل ايه غير اننا نتكلم ما باليد حيلة

شكرا لاستنكارك و اضم استنكاري له

تقبلي مروري
مع خالص تحياتي و تقديري

  Unknown

الأحد يناير 24, 01:25:00 ص 2010

مها احمد
للاسف الحالة اصبحت عامة
وجزاك الله خيرا

  r

الأحد يناير 24, 01:37:00 ص 2010

السلام عليكم
صراحه مش متابعه كل المدونات بس فكره المجموعات او الانتماءات لابد ان تتواجد حتى لو فى العالم الافتراضى
لانه عالم يعنى حياه فطبيعى جدا نلاقى فيها كل شئ
مش هقول نبعد عن كل شئ وحش ونمشى جنبط الحيطه
بس نثبت على اللى احنا فيه دا اقل شئ لنفسنا

الهدف من التدوين كما لاحظت متراوح ما بين تفريج وفضفضه (وانا انضم للفئه دى ) وما بين المقال المقصود بيه توصيل فكرهاو قضيه او شئ معين للقارئين او قصه فى حاجه لتشجيع ورأى ليكمل مسيرته ككاتب اواحيانا بيكون شخص محتاج فقط لتواصل مع اخرين باى شكل

وغير كدا مش عارفه يبقى اسمه ايه صراحه

  Unknown

الأحد يناير 24, 02:02:00 ص 2010

بسنت
اهلا بك انتى معاكى حق للتدوين اكثر من نمط ونوع وكلهم نحترمة
لكن ان يصبح التدوين نوع من الايحاء لاشياء اما ايباحية
او هجاء او تطبيل لاخرين فدا
شئ مستنكر وشئ قبيح ولا خير فية ابدا

تحياتى لك

  الازهرى

الأحد يناير 24, 10:44:00 ص 2010

انضم إلى بسنت فى رأيها

وكانت هناك مدونه تحب مهجمة الأخرين كانت من أول ما قابلنى فى التدوين
وعندما كتبت رأيى منطقى وبسيط لم تسنح بنشره فكررت ذلك فى عدة موضوعات فتكرر المنع
ثم كتبت ردا يوحى بالهجوم عليها فنشرته وردت ردا سخيفا عليه ومن يومها لم أعد إليها
لأن هذا معناه أن مدونتهاليست لمجرد مناقشة أراء بل لتسخيف الناس وحجب المناقشة الصحيحة

اللهم اهدنا وإياهم

  rovy

الأحد يناير 24, 12:03:00 م 2010

السلام عليكم
ازيك اولا يا ايناس .. يارب تكونى بخير
حاولت اكلمك اكثر من مره مبترديش ليه ؟
كنت عاوزه أطمن عليكى و أعزيكى فى بنت عمك و أسفه لأنى لما قرأت البوست اللى كنتى كتباه فى الموضوع ده ما فهمتش انها قريبتك .. ما كنتيش موضحه ده .. الدوام لله على كل حال و يارب تكونى دلوقت أحسن و يا ريت تبقى تردى أطمن عليكى .. على كل حال حاسيبك يومين و أكلمك أنا مقدره أنك تكونى مش قادره تتكلمى مع حد دلوقت ..

كلامك فى البوست يحزن لكن الحياه علمتنى ان فى كل مجال حتلاقى الصح و الغلط اللى بيتماسك و اللى بينساق و اللى بيضعف و بيتوه و اللى بيقدر يوصل لبر الامان ..ربنا يهدى الجميع يارب و يهدينا جميعا و يطمنى عليكى ..
تحياتى لكى غاليتى

  رحــــيـل

الأحد يناير 24, 03:20:00 م 2010

ازيك يا نوسه يارب تكونى بخير
هو انا دايما اقول ان المدونات انعكاس للواقع بكل ما فيه
بس انا متفقة معاكى ان فى ظواهر غريبة بدات تبان الفترة الاخيره بين المدونين ومع ذلك فى فعلا ناس جميلة جدا الواحد عرفها بعيد عن كل ده
سلامى لكل اهل بورسعيد
واسفه على التقصير

  غير معرف

الأحد يناير 24, 03:42:00 م 2010

دايما في كل حاجة فيها الحلو والوحش

احيانا بتصدف وبدخل مدونات وحشة جدا قلة ادب ومثلية وقرف وهبل بس دول فئة قليلة وملناش بيهم ربنا يحرقهم

انا دايما ببص على نص الكباية المليان يعني كفاية المدونات الرائعة الي بتابعها :)

على فكرة خدمات شركة الاتصالات عندكم غير شكل هههههههه يابختكم بالدلال دا كله

احنا عندنا شركة واحدة فقط ومطلعة عيونا :)

دمتي بالف خير

  نور الدين (محمد الجيزاوى)

الأحد يناير 24, 08:09:00 م 2010

مميزة كعادتك ايناس
وحقاً انا اشهد على هذا النفاق الدائر فى عالم التدوين فكثيرون يكتبون بلغات مشينة وكثيرون يتحيزون للكاتب إذا كان ممن يعلق عندهم ليس إلا
وكأن التعليق صار هو مقياس الولاء وليس الفكر ذاته
يمكن أن اقول فى هذا الامر الكثير والكثير
لكن أغنى مقالك عن كل كلام
تحياتى لك
.........
نورالدين محمود

  Unknown

الأحد يناير 24, 08:22:00 م 2010

الازهرى
اهلا بك
كيف حالك والف مبروك لاختك وفقكم الله يارب
انت صح بس كمان التدوين مش معمول لنشر غسيل مش نظيف لفلان او علان الا
الا
الا
لو كان الوضع لا يسكت عليه او من باب النصح فى الله لا اكثر
مش للتشهير ولا للتطبيل لاخرين لا يملكن
فكر ولا بطيخ
تحياتى واحترامى لك

  Unknown

الأحد يناير 24, 08:24:00 م 2010

روفى
كيف حالك اختى فى الله
عارفة انك كلمتنيى وكل يوم اكون هكلمك لكن ظروفى بجد لا تسمح معليش انا فى فترة عدم اتزان سامحينى بجد ودعواتك لى
جايز اقدر اتكلم عن مشاعرى فى يوم

اما عن حال المدونين
ان لم يؤثر التعليم او الثقفة بالانسان وبسلوكة فاعلمى انه تعليم واهى وثقافة مقنعه

تحياتى وحبى لك

  Unknown

الأحد يناير 24, 08:25:00 م 2010

رحيل
ازيك يا سارة
طبعا فى ناس على درجة عالية من الخلق والثقافة والجمال
وكل الاشياء الطيبة ربنا يديم حسن الخلق والود فيه

تحياتى وحبى لك

  Unknown

الأحد يناير 24, 08:26:00 م 2010

نوارة
اهلا بك
وكلنا نكتفى بالجانب الجيد لكن الحالة محزنة واخاف تنتشر

تحياتى لك

  Unknown

الأحد يناير 24, 08:28:00 م 2010

نور الدين
اهلا بك
كلنا نشهد بذلك لو انى لى عتاب عندك على مقولة فى مدونتك !!!!
انت تعرف انى صريحة لكن ما علينا
المهم ان حكاية التشهير والتضليل دى بقت حاجة فعلا صعبة
والحمد لله انك متفق معى فى ذلك


نورت مدونتى

  أمل حمدي

الأحد يناير 24, 10:57:00 م 2010

نوسة حبيبتي
الزبد سيذهب جفاء واما ما ينفع الناس فيكمث فى الارض

يمكن موضة والناس تغيرها

ربنا يهدي يانوسة

سلام حبيبتي

  Unknown

الأحد يناير 24, 11:23:00 م 2010

صح جدا
ماما امولة صدقتى
موضة وهتتغير ان شاء الله

  نور الدين (محمد الجيزاوى)

الاثنين يناير 25, 10:26:00 م 2010

إيناس بالنسبة غنى مصنفتش مدونتك فى المدونات السياسية الاجتماعية فانا ايضا لم اصتفها فى الخواطر انا كنت اقدم نماذج لا تمثل الحصر
ومدونتك ولا شك لا تحتاج شهادتى فانا ايناس الاخت والصديقة التى اعرفها هى انسان نبيل نذر حياته لإسعاد الآخرين وعدم ذكر مدونتك كان سهواً وانت والله وبلا اى مجاملة من اهم المدونات الهادفة البناءة

كدة بقى مفيش عتاب يا افندم .. ولا إيييه ؟
كل تحياتى وتقديرى لقلمك وشخصك
...........
نورالدين محمود

  Unknown

الاثنين يناير 25, 10:34:00 م 2010

نور الدين
ازيك انا كنت بعتبك بشكل شخصى وبشئ من الاخوة والمرح معك لا اكثر ولا اقل والله
لسؤال هل انت منهم ام انه سهو لنتيجة لحالة معينة لا اكثر
لكن يعلم الله انا ابدا لا اهتم بذلك
تحياتى واحترامى الشديدين لك اخى فى الله

  Diyaa'

الجمعة يناير 29, 11:02:00 م 2010

افتقدناكي النهاردة
وجودك كان هيغطي على جزء من عيوب اليوم :)
بس الحمد لله كان لليوم مميزات برضه :)


وزي ما اتقال في تعليق سابق
وأما الزبد فيذهب جفاء واما ما ينفع الناس فيمكث فى الارض

صدق الله العظيم :)

وربنا يهدي
ويعني تبقى خسارة لو أعداء النفاق أخلوا الساحة لضحايا النفاق وحملة راياته صح ؟

فالمفروض نحاول نتماسك ونتواجد يمكن نعرف ننقل الخير اللي جوانا ل 1% من اللي لسه خام وداخلين جديد أو مترددين :)

وربنا يكون في عونك ويهون عليكي ألم الواقع الحقيقي والإفتراضي
ويا رب نشوفك دايماً أحسن يا إيناس :)

  Unknown

الخميس فبراير 04, 09:47:00 م 2010

ضياء
ازيك يا ضيا يارب تكون بكل خير وسعادة
وشكرا لاطرائك وكلامك الحلو
اما عن العالم الافتراضى فوالله هو والعالم الحقيقى شيئان لا يتجزئان
ربنا يعديها على خيررررررر
تحياتى لك

  Unknown

الخميس فبراير 04, 09:47:00 م 2010

أزال المؤلف هذا التعليق.
  mahmoud

الأربعاء فبراير 10, 11:39:00 م 2010

انا بصراحة لم اقرا كل ما ورد بالمدونة بس تابعت الشكل العام وهي صرخة لعودة القيم في اطار الحرية ودي كمان نفس اللي بتمناه حرية في حدود الحرية يعني من غير ما نأذي حد
نحياتي

  Unknown

السبت فبراير 13, 09:52:00 م 2010

mahmoud
اهلا بك فى مدونتى المتواضعه
وشكرا لك اطرائك وقرأتك لمدونتى
ويارب مزيد من التواصل

نورتنى