بحث هذه المدونة الإلكترونية

الحمد لله الذى عافانا مما ابتلاهم به

تحديث للمعرفة
التبرعات ستقسم ان شاء الله
على جمعية التثقيف الفكرى ببورسعيد والجمعية ببورفؤاد
لقاء بورسعيد الثالث ان شاء الله

سيكون ان شاء الله تعالى يوم الجمعه 10/4
للقاء المعاقين الايتام
هنتقابل الساعه 11ظ فى جمعية التثقيف الفكرى

ببورسعيد

وهى جمعية اهلية غير مهتم بها
بها العديد من الاطفال اللى بجد محتاجين مساعدتكم

معاقين وقست عليها الحياة بأن اصبحوا ايتام
الجمعية بها اكثر من 100 حالة اعاقة فى الاغلب ذهنية
مقيم بها حوالى 40 حالة بصفة مستمرة
منهم اكثر من 15 حالة مرضية
انا شفت المكان والناس دى فعلا محتاجة المساعدة وتستحقها
لان حالتهم بجد صعبة جدا ومساكين لاقصى درجة
وللاسف لو خرجوا للشارع بيتم استغلالهم بأبشع الطرق
الحالات اللى هنقابلها ان شاء الله
فيهم 23 فتاة من سن 8 سنوات الى سن 45 سنه
ومنهم 17 شاب من سن 11 سنة الى سن 26 سنه
لكم انن تتخيلوا هذا العدد من المعاقين ما بين اعاقة كاملة واعاقة بسيطة
ومدى احتياجهم للمساعدة ومدى احتياجهم لكل شئ يعينهم على الحياة
فى منهم حالات مرضيية بجانب الاعاقة
زى اسلام 11 عام لايتحكم بنفسة ويحتاج بامبرز مقاس (L)
وزى اسراء 22 سنة التى تعانى حالة مرضية
وزى على سويلم لا يستطيع الحركة الا على كرسى متحرك ولا الرؤية
بجد ناس محتاجة كل حاجة مننا واى حاجة



لانهم ليهم حق علينا

اللى يقدر بجد على حاجة يساعدهم بيها


حتى الملابس المستعملة او الاحذية


او فوط

كور الجلة 2/4/3كجم لان بهم رياضيين


كاسيت او ديفيدى للتعلم عليه او الترفيه


و كور للعب
ميكروفون لاسلكى

تربيزة تنس طاولة

بازل
كتب تلوين
الوان
العاب تكوين
او مكعبات
العاب ذكاء
راكت
مظلة
صلصال
حلوى
عصاير
اللى تقدروا عليه
مقاسات الناس

2 S بنتين

8 M نصفهم ولاد

12 L منهم 8 بنات

7 XL منهم اربعة فتايات

11 XXL منهم 6 شباب
*&*&*&*&*&*&*&*
بعد اللقاء ان شاء الله هنتغدى سوا فى مكان ان شاء الله يعجبكم


ونتكلم ويكون لقاء تدوينى جميل
رقم التلفون للى هيجى
0188047779
لو سمحتموا بس اللى هيجى يقولى عشان اقدر احجز
باقى اليوم على العدد
يارب نتجمع ونبقى كتير
ونحاول نعمل خير










33 التعليقات:

  أمل حمدي

الجمعة أبريل 03, 04:17:00 م 2009

الحمد لله النت رجع

ازيك يا حبيبة قلبي

ربنا يتقبل ويعافنا ويعفو عنا

ويجعل هذا العمل خالصا لوجهه

اللهم امين

  إبن مصر

الجمعة أبريل 03, 04:42:00 م 2009

السلام عليكم

الحمد لله الذى عافانا مما ابتلى به غيرنا

تحياتى لكى وربنا يعينك يارب على فعل الخير والطيبات
وجعله الله فى ميزان حسناتك
وان شاء الله اول عمل خيرى يكون قريب منى فى القاهره او الدلتا سأحضر معكى ولكى جزيل الشكر على مجهودك الكبير الذى يعجز اللسان عن الشكر عنه

وفقك الله لما يحب ويرضى
الى اللقاء قريبا ان شاء الله

  علي محـمــــــد

الجمعة أبريل 03, 05:49:00 م 2009

السلام عليكم

بارك الله فيكم يا نهر الحب وربنا يوفقكم
ويجزاكم خير

في امان الله

  salwa

الجمعة أبريل 03, 06:11:00 م 2009

السلام عليكم ايناس
داااااااااائما رائعة
الله يقويكي على عمل الخير
و يتقبل منا و منك صالح الاعمال
سلام

  مدونه رامز عباس اللي بتعزك

الجمعة أبريل 03, 06:14:00 م 2009

غاليتي / نهر الحب اخذت رقمك

وسوف اتصل بك اليوم 3/4 ولكنني انبه عليكي


انني فاقد لسمعي ومنزلتش بو رسعيد قبل كدة فمش عارف هعمل ايه


انا باذن الله مستعد

  رامز عباس

الجمعة أبريل 03, 06:16:00 م 2009

علي فكرة عارف جمعيه التثقيف الفكري

دى دول بيشاركونا دايما مهرجانات رساضيه بالقاهرة


انا اللي قلقني بجد هاجي ازاى


واعمل ايه علشان اوصل بسلامه واروح المحله الكبري قبل بليل

خاصه مع اقتراب الاضراب والمحله زى منتي عارفه هيكونلها وضع خاص


انا حائر ومتألم

  رامز عباس

الجمعة أبريل 03, 06:16:00 م 2009

علي فكرة عارف جمعيه التثقيف الفكري

دى دول بيشاركونا دايما مهرجانات رساضيه بالقاهرة


انا اللي قلقني بجد هاجي ازاى


واعمل ايه علشان اوصل بسلامه واروح المحله الكبري قبل بليل

خاصه مع اقتراب الاضراب والمحله زى منتي عارفه هيكونلها وضع خاص


انا حائر ومتألم

  جنّي

الجمعة أبريل 03, 07:22:00 م 2009

السلام عليكم

ربنا معاكم يوفقكم ويتقبل منكم ويجعل هذا العمل خالصا لوجه الله ..

ويثيبكم به الجنة ..

  mahasen saber

الجمعة أبريل 03, 07:44:00 م 2009

الحمد لله الذى عافانا

اليى عنده مشاكل ولاا مستكتر مشاكله عليه يبص لاولادنا دول ويحمد ربنا على اليى هو فيه

ربنا يعافيهم ويخفف عنهم


ربنا يكرمك يا ايناس على مجهودك ده
وطبعا لو سمحت ظروفى انى احضر هكلمك على التليفون ده ان شاء الله

  رحــــيـل

الجمعة أبريل 03, 07:58:00 م 2009

ازيك يانهر يارب تكونى بخير

انا معاكو ان شاء الله

  mostafa rayan

الجمعة أبريل 03, 10:27:00 م 2009

ربنا يوفقكم ويجعل هذه الاعمال في ميزان حسناتكم
تحياتي لكم

  yoyo

الجمعة أبريل 03, 11:47:00 م 2009

الحمد لله الذى عافانا
ربنا يخفف عنهم يارب و يعافيهم من ماهم فيه

ربنا يقدرك على فعل الخير يا إيناس يارب و يجعله فى ميزان حسانتك اللهم آآآمين
تحياتى
يويو

  Lady E

السبت أبريل 04, 12:11:00 ص 2009

اول مرة ادخل مدونتك بس عارفة بالتجمعات الخيرية اللي دايما بتقومو بيها وبجد نفسي اشارك معاكم هحاول احضر معاكم ان شاء الله بس ياريت يكون في تفاصيل اكتر من كده زي اللقاء هيكون الساعة كام وفين في بورسعيد

  همس الاحباب

السبت أبريل 04, 02:27:00 م 2009

الحمد لله الذى عافانا وعافاكم مما ابتلى به كثير من خلقه
جزاكى الله خيرا على تلك الاعمال
وجعلها فى ميزان حسناتكم
لكن مع الاسف الشديد الظروف اصبحت معقدة جدا فى هذا اليوم
فالموضوع اصبح نقل عفش وتنجيد وكتب كتاب كله فى هذا اليوم
لذلك من الصعب بل اصبح من المستحيل الحضور فى ذلك اليوم
ولكن دعواتى لكم بالتوفيق
وهذا لا يمنع من مشاركاتى معكم معنويا وماديا باذن الله
ولكن يعلم الله كم انا مشتاق لتلك اليوم من شهور
ولكن قدر الله وما شاء فعل
تحياتى وتقديرى

  محمد مارو

السبت أبريل 04, 03:13:00 م 2009

يااااااااااااااااااااه ربنا بجد يجون فى عونهم

يعنى مش كفايه انهم ايتام
لاء و كمان معاقين

فعلا البنى ادم مش يملى عينه الا التراب و مش بيحمد ربنا و لو حمد و قال الحمد لله مره واحده كده بيفكر انه عمل اللى عليه و نص و تلت تربع
ياااااااااااه اطفال ايتام و معاقين
بجد مش قادر استوعب

الحمد لله الحمد لله الحمد لله مليون الف مره
على نعمه واحده من نعم ربنا علينا

الحمد لله الذى عافنى مما ابتلى بع غيرى و فضلنى على كثير من عباده تفضيلا
الحمد لله الحمد لله
تشكرى بجد
على اللفته اللذيذه دى

  Unknown

السبت أبريل 04, 10:53:00 م 2009

{بنا يجازيكي خير يااينو يارب
(:
هاجي ان شاء الله

  Diyaa'

السبت أبريل 04, 11:14:00 م 2009

ربنا يجازيكي كل خير :) والحمد لله الذي عافانا مما ابتلي به غيرنا

وبحييكي أوي علي المعلومات الدقيقة دي وبإذن الله نقدر نوفر ولو 1% من اللي مطلوب ويجعله في ميزان حسناتك

  شفـقــة و إحســــان

الأحد أبريل 05, 12:24:00 ص 2009

ان شاء الله هنحاول نيجى واحنا نقدر نتاخر عن القمر مع انه والله هيكون عندى امتحان تويفل بعدها باربع ايام
بس ربنا يسهل واحسان بيه ميعملهاش فينا زى كل مرة
واكيد هنكلمك قبلها
وربنا يقدرك على فعل الخير
شفقة

  د.توكل مسعود

الأحد أبريل 05, 06:57:00 ص 2009

نهر الحب

السلام عليكم ورحمة الله... وبعد

فلا أدرى كيف أشكركم ... ولا أستطيع ذلك... ولكنى أكل إلى الله شكركم.... ولعل عمق الأخوة.. وصدق الحب.... وإخلاص الدعاء... كانوا جميعا وراء هذه الانفراجة السريعة التى لم أتوقعها ولم تحدث معى من قبل......جزاكم الله خيرا وأحسن الله إليكم.

  الربان

الأحد أبريل 05, 11:12:00 ص 2009

تحياتي

بارك الله فيك و في جميع القائمين و المهتمين بهذا العمل....هم في اشد الحاجة
الينا لمد يد حانية تمسح رؤسهم...

كم اتمني لو كنت في مصر الان للمشاركة.

دعائي لكم بالتوفيق و القبول من الله.

تحياتي و تقديري

  محمد الجرايحى

الأحد أبريل 05, 07:24:00 م 2009

الحمد لله الذى عافانا وعافاكم مما ابتلى به كثير من خلقه.
ــــــــــ
الأخت الفاضلة : نهر الحب، وفيض العطاء
لاأملك سوى أن أدعو الله لك بأن يجزيك خير الجزاء
وأن يجعل أعمالك هذه خالصة لوجهه الكريم
وأن تكون فى موازين حسناتك

اللهم آمين

  الازهرى

الاثنين أبريل 06, 02:57:00 م 2009

الدعوة جميلة
وارجوا الله ان يوفقكم فيها
واعتذر عن المجىء لننى مشارك في مثلها بالقاهرة

تحياتى دوما

  روابط

الاثنين أبريل 06, 07:45:00 م 2009

لا املك الا ان احييكم على هذا الجهد المشكور, لفئات من مجتمعنا, لا يلتفت اليهم أحد, وارجو ان اشارك معكم قريبا
تحياتى

  أكون أو لا أكون

الاثنين أبريل 06, 09:50:00 م 2009

جزاكم الله كل الخير...
معاقين وأيتام... لا حول ولا قوة إلا بالله العلي العظيم...
الله يسخر لهم أمثالكم دائماً... يسعوون للخير والمساعده في سبيل الله...
الله معكم...

  ghorBty

الاثنين أبريل 06, 10:24:00 م 2009

ربنا يتقبل منك يارب

ما شاء الله عليكم

ربنا يديم عليك حب الخير ويجعله في ميزان حسناتك اختي الغاليه

  بنت الاسلام

الثلاثاء أبريل 07, 01:21:00 ص 2009

ياريت نقدر نتواصل ونعمل اجتماع مشترك بينا وبينكم في رابطة مدوني الدلتا
تحياتي

  ahmed_k

الثلاثاء أبريل 07, 04:43:00 ص 2009

بارك الله فيكي يا إيناس
وربنا يجعله في ميزان حسناتك
وإن شاء الله لو قدرت آجي
حبقى أكلمك قبلها على التليفون المحطوط هنا
أدعيلي تنفرج مشاكل عملي وآجي

في امان الله

  Empress appy

الثلاثاء أبريل 07, 08:46:00 ص 2009

انا نقلت البوست على بيكيا يا ننوسه وان شاء الله هاجى

  فشكووول

الثلاثاء أبريل 07, 09:20:00 م 2009

السلام عليكم نهر الحب
ولانك نهر الحب
بارك الله فيك وفى اعمالك وبارك لماما اموله ما تفعلونه خيرا باذن الله
لولا ان بورسعيد بعيده كنت والله معكم
ولكن اعانكم الله
تحياتى

  غير معرف

السبت أبريل 11, 03:25:00 م 2009

بجد شكرا على اليوم اللى كان اكثر من جميل وعلى الناس اللى كانت موجودة كلها اللى كانت أكتر من محترمة نهاية الكلام والأقوال ..... شكرا
( عبودي )

  القلب الحزين

الأحد أبريل 12, 11:35:00 ص 2009

السلام عليكم

اول زيارة لمدونتك الجميلة
اللهم اجعل في ميزان حسناتكم
واعينا واعينكم علي مايحبة ويرضاة سبحانة وتعالي
ربنا يقدرك على فعل الخير
تقبلي مروري اختي الفاضلة
اللهم وفقنا واياكم

  تايه في وسط البلد

الثلاثاء أبريل 14, 06:21:00 م 2009

اللهم تقبل

اكيد كان يوم جميل

وتكرار اعتذاري لن يزيح من نفسي الاسف علي تفويته

ان شاء الله هنعوضه في اللي جاي وان كنت اريد ان ازور بورسعيد للمرة الاولي

ربنا يجازيكي خير يا رب يا ايناس ويعينكم جميعا

تحياتي

  جنّي

الثلاثاء أبريل 14, 10:03:00 م 2009

السلام عليكم

كيف حال اختنا نهر الحب لعلك بخير ..

اين انت ؟