بحث هذه المدونة الإلكترونية

اللهم اجعل اعمالنا خالصه لوجهك الكريم









فى اجمل حدائق بورسعيد

كان يوم ترفيهى مع الاطفال

من جمعية كفالة اليتيم ببورسعيد





استقبلنا 27 طفل
بدء اليوم بمكالمة من سارة طوبار
تقول انها فى الطريق


وبعدها ماما امولة تسأل عن باب الحديقة اللى مش بنشوفها الا من بره بس


وبعدين ابو العربى يقول انا جى


واسراء تقولى انتى هناك


وغيرهم كتير


وبدء اليوم بأننا اعدنا فى الخباثة نفطر قبل ما يجى الاطفال


وبعدين استعدينا لاستقبال الاطفال اللى برضة الاتوبيس بتاعهم معرفيش مكان الدخول


بدء اليوم بالاستماع لاغانى الاطفال وبعده عرض عرائس


والغداء وبعدين اللعب مع الاطفال وبرنامج مسابقات مستر كورومبو


وشد الحبل بين الاطفال والناس اللى شاركت



ولعبة المنديل بوظوا لى فيها الايشارب بتاعى

وتوزيع هدايا ولعب وحلوى وعصير على الاطفال

والحمد لله الذى بتعمته تتم الصالحات


الحضور من المدونين


ربنا يبارك فيها

ضد الظلم ابو العربى الجميل

سارة مدونة فضفضة اقلامى

دعاء ربع ضارب

واميرة نسيت اسم مدونتها

وبشكر كل الشكر لسارة طوبار اللى جت لنا ربنا يبارك فيها يارب


فى خلال اليوم اكتشفت حضور عدد من رجال الاعمال

اللى نفسهم يعملوا خير

وعدد من اعضاء الجمعيات الاهلية المختلفة

وطبعا عدد من اعضاء ومجلس ادارة الهلال الاحمر

فلكل من حضر الشكر


شكرا للمسنين اللى جم يفرحوا مع الاطفال

شكر لفريق العمل عبد الحميد /ميادة/ محمد صلاح/ نسمة/ أحمد خفاجة
دعاء/ هبه / ولاء/ محمود/ محمد فهمى / خالد /كريم
رفيدا/ روميساء / اسراء / امانى / هبة /اسراء
ايمن/خالد/ رامى //
محمد الاسمر ودعاء وكل من حضر معه
شكر خاص لفريق حماه المستقبل
الاستاذة منى عبده ومروة وريهام وهاجر
وفريق سبيلى
أ/محمد
وغيرهم
جزاهم الله خيرا



كل اللى شارك الاطفال فى لمسة او بسمة او نظر حب
جزاه الله خيرا عليها ويارب يتقبل منا

اعتذر للناس اللى نسيت اسمائهم
لكن الله لا ينسى

شكر خالص جدا
لان من لا يشكر الناس لا يشكر الله




للمهندس محمد منير احمد الدنف


مدير عام الحديقة

على السماح لنا بالتواجد بها واخراج اليوم على هذا النحو

واللى كان بيعمل كل اللى يقدر عليه من لعب مع الاطفال لتصوير

لتنظيم لاستقبال الناس جزاه الله خيرا


اتصالات
جائنى اتصال من مدون خارج القارة تمام
واصر على مكالمة الاطفال
ومن الاب الروحى لمدونى مصر
ابو خالد اعزة الله
ومن ضياء اللى اتصل بأسراء ليطمئن على اليوم

فجزاهم الله خيرا

اللهم اجعل اعمالنا خالصة لوجهك الكريم
وبلا رياء يارب العالمين

اسألكم الدعاء لامى بالشفاء





26 التعليقات:

  akeed

الأحد مارس 29, 02:52:00 م 2009

جزاك الله خيراً على هذه المشاركة حيث أن ثوابها كبير جداً عند الله وأيضاً كم ما تدخلينة على الاطفال اليتامى من سعادة و المفروض كل طفل مسلم لا يكون يتيماً من الناس حيث ان المسلمين أسرة واحدة .

اللهم ادخلنا الجنة برحمتك و يسر لنا بصالح اعمالنا...اللهم امين

أكيـــــــد

  مهندس مصري بيحب مصر

الأحد مارس 29, 04:11:00 م 2009

ربنا يشفيها و يعافيها يارب
و يقدركم على فعل الخير

  شفـقــة و إحســــان

الأحد مارس 29, 04:32:00 م 2009

إيناس
إنتي فعلا نهر من الحب

ربنا يجازيكي خير عن أعمالك وعن نواياكي الطيبة
كان نفسنا نكون معاكي
بس إنتي أكتر واحدة عارفة الظروف والجوابات والذي منه

إن شاء الله هنعوضها يوم 10 إبريل
هنلم مصر بحالها ونجيلك
توقعي مظاهرة في بورسعيد يومها
( بيتهيألي دي هتكون كدبة إبريل السنادي )
ههههههههههه

تحياتنا ليكي ولأختك وأخوكي
ولست الكل ماما
وسلامتها يارب ألف سلامة
وتقوملنا كلنا بألف خير
وقوليلها إننا بنحبها من غير ما نشوفها
طبعا بنحبها ... كفاية إنها أمك

إحســـان
أبو العربي برضو

  شفـقــة و إحســــان

الأحد مارس 29, 04:40:00 م 2009

إينــــــــــاس
حرااااااااااااام
إحنا داخلين مدونة ولا إسطبل ؟؟؟
شوفيلك حل في الحروف اللي جنب التاريخ دي
إحنا كده أخدنا اللقب بجدارة
وإحنا مش ناقصين
ههههههههه

  Unknown

الأحد مارس 29, 04:40:00 م 2009

اليوم فعلا كان حلو اوي
ربنا يجازيكي خير عنه يااينو يارب انتي وكل اللي كانو موجودين

ربنا يشفي مامتك ويعافيها ان شاء الله

  ahmed_k

الأحد مارس 29, 04:41:00 م 2009

أولا ربنا يتمم للسيده الوالد الشفاء
ويكون شفاء لا يغادر سقما يا رب

وبارك الله فيكِ على مجهوداتك الكبيره لإسعاد الأطفال الأيتام بمثل هذا اليوم
وجزى الله خيرا كل من لبى النداء وشاركك هذا العمل الجميل

وربنا يجعله في ميزان حسناتكم

  همس الاحباب

الأحد مارس 29, 05:34:00 م 2009

جزاكم الله خيرا
وجعله فى ميزان حسناتكم
دايما سباقة للخير
والف مليون سلامة على الست الوالدة
ربنا يشفيها ويكمنا عليها
تحياتى

  Empress appy

الأحد مارس 29, 06:01:00 م 2009

يا رب يا نوسه ويكرمك يا حبيبتى بجد دايما كده فى عمل الخير

  أمل حمدي

الأحد مارس 29, 07:24:00 م 2009

جميل قوي البوست يا نهر الخير

مش قلتلك مش بعرف يا لا كله حلو وكل يوم خير يارب وانت بخير

وسلامة ماما الف سلامة يارب

  mahasen saber

الأحد مارس 29, 07:26:00 م 2009

ربنا يعافى مامتك يبا نوسه ويشفيها ويباركلك فى عمرها يا حبيبتى

وطبعا انا كان نفسى اكون معاكو بس للاسف ماما استبعدت المشوار
والخميس والجمعه كمان بيبقى بيرو عند باباه بس اكيد ان شاء الله تتعوض يا حبيبتى

ربنا يجازيكم خير

  موناليزا

الأحد مارس 29, 08:27:00 م 2009

ربنا يتقبل منكم صالح الاعمال ويفرحك ياحبيبتى زى مافرحتى اطفال كتير
ويشفى مامتك ويقومها بالسلامة ويخفف عنها جميع الامها
سلامى ليها كتير

  محمد الجرايحى

الأحد مارس 29, 10:00:00 م 2009

جزاك الله خيراً الأخت الفاضلة.. فعلاً نهر من الحب والعطاء تقبل الله منك صالح الأعمال
وكل الدعوات الطيبة والمخلصة بالشفاء لوالدتك الكريمة شفاها الله وعافاها.

  هانى زينهم

الأحد مارس 29, 10:26:00 م 2009

اولا ربنا يشفى ماما وتبقى زى الفل قريب . وثانيا ربنا يجازيكى انتى خير على كم التعب والمجهود اللى لوجه الله ده .

  أكون أو لا أكون

الاثنين مارس 30, 02:49:00 ص 2009

جزاكم الله خيراً... وتقبل الله منكم اللهم آمين...
شفى الله والدتك وأمدها بالصحه والعافيه والعمر... اللهم أمين...
يبدو أنه كان يوما جميلاً...
: )

  Gannah

الاثنين مارس 30, 07:34:00 ص 2009

الله يا ايناس
واضح ما شاء الله انه كان يوم رائع
جزاكم الله خيرا انت وكل اللى شارك
ربنا يشفى طنط وامى وجميع مرضى المسلمين
تحياتى

  الربان

الاثنين مارس 30, 12:28:00 م 2009

تحياتي

أسأل الله العظيم رب العرش العظيم ان يجعل ما قدمتموه في ميزان حسناتكم و ان يسعد قلوبكم و كل اوقاتكم كما اسعدتم هؤلاء الاطفال... يارب اقبل علي أخوتي في الله و انت ضاحك اليهم... اجعلهم و نحن معهم من الامنين من عذاب يوم القيامة...

و شكر خاص لك لجهودك و مثابرتك علي عمل الخير... نعم الاخت انت...جزاك الله خير الجزاء.


تحياتي و تقديري

  الربان

الاثنين مارس 30, 12:30:00 م 2009

نحياتي مرة اخري


الف لا بأس علي الوالدة الكريمة..شفاها
الله و عافاها...و جعل تعبها في ميزان حسناتها...

اللهم اذهب الباس يارب الناس..اشفيها شفاء لا يغادر سقم...

تحياتي اختي الفاضلة

  blue-wave

الاثنين مارس 30, 06:09:00 م 2009

ربنا يكرمك يارب
ويتم الشفا لوالدتك

  ابو العربى

الاثنين مارس 30, 06:58:00 م 2009

الف سلامه على ماما ويارب تقوم بالسلامه ان شاء الله

هو كان يوم حلو بس فى خيانه فطار ايه ده بقى انشاء الله انا مشوفتش حاجه من الكلام ده واختك عماله تعدى بكوبيات شاى رايح جاى ولا عبرتنى ببؤ صغير ولا حبه مايه تبلو ريقى لن انسى ليكى هذا الموقف

بجد كان يوم حلو والواحد حس ان بجد فى شباب فى مصر شباب يستاهل يبقى مصرى

تحياتى
ابو العربى

  فاطمة

الاثنين مارس 30, 07:02:00 م 2009

انتى انسانه جميله وربنا يديكى على اد نيتك وتحياتى ةتقبلى مرورى

  رفقة عمر

الاثنين مارس 30, 07:23:00 م 2009

ماشاء الله
ربنا تقبل منك اللهم امين
شفى الله الوالدة وعافاه اللهم امين
ربنا يخلهالك
امين

  فضفضه اقلامى

الاثنين مارس 30, 11:14:00 م 2009

جزاكى الله كل خير يا ايناس وربنا يتقبل منا جميعا صالح الاعمال ويجعلها خالصة لوجهه الكريم

والف مبروك على نجاح اليوم :)


وأسأل الله العظيم رب العرش العظيم ان يشفى والدتك

تقبلى خالص تقديرى

  rovy

الثلاثاء مارس 31, 02:18:00 ص 2009

جزاكى الرحمن كل الخير يا ايناس
مش جديد عليكى عطائك و قلبك الكبير
ربنا يبارك فيكى و يجعله فى ميزان حسناتك يا رب و يبارك فى كل من شارك فى هذا اليوم ..
الف سلامه على ماما يا ايناس
يا رب تكون بالف خير و ربنا يطمنك عليها و يخليهالكم يا رب
الساعة دلوقت تجاوزت الثانية صباحا و الله لو الوقت مناسب كنت اتصلت بيكى فورا علشان اطمن على ماما
ان شاء الله اكلمك الصبح و سامحينى لانى مش متابعه من مده لان مريم كانت تعبانه شويه من يوم عيد الام و لغاية اليوم .. الحمد لله هى اتحسنت كثير
لكن انا اتلخمت معاها و قصرت كثير
معلش ..

دمتى سالمه فى حفظ الله

ارق تحياتى

  صيدلانيه طالعه نازله

الأربعاء أبريل 01, 09:12:00 ص 2009

ربنا يشفى ماما و يمن عليها بالشفاء العاجل يارب
ودايما ربنا مقدركم انكم ترسموا البسمه على شفاه حزينه و تفرحوا الاطفال البريئه دى و يرزقكم الخير دائما

  كراكيب

الجمعة أبريل 03, 12:18:00 ص 2009

اولا
ربنا يارب يكتب الشفا لماما ف اقرب وقت يااااااارب

ثانيا
يارب يجعل عملكوا كلكوا كلكوا في ميزان حسناتكم ياااااارب

miro el niro kwaniro

  رذاذ المطر

الثلاثاء أبريل 14, 01:25:00 ص 2009

بارك الله فيك وجزاك خير الجزاء

عمل عظيم يكفي أن المسلم وكافل
اليتيم كإصبعين كما أخبرنا المصطفى
صلى الله عليه وسلم

حفظكم الله ووفقكم