بحث هذه المدونة الإلكترونية

اصدقوا الله

نسينا ؟
ايوة نسينا ؟ نسينا ان علينا واجب
نسينا وعشان كدة كل مرة اليهود واعداء الله بيقدروا علينا
نسينا او تناسينا وعشان كدة مش بننجح فى حاجة ؟
ولا عارفين نعيش صح ولا نعمل حاجة مفيدة

عارفين البت مشمشة عملت اية هى واصحابها
وانا نايمة ؟؟ راحت زارت الجرحى تانى
واكتشفت ان اعدادهم فى زيادة رهيبة ؟؟
وكمان حالتهم ساءت جدا
لان الاطباء مقدرويش يكتشفوا تأثير الفسفور
الابيض فى وقت مبكر للعلاج واللى احنا شفناهم
بيتحسنوا المرة اللى فاتت حصل لهم مضاعفات خطيرة جدا
المرضى الان بقوا اضعاف مضعفة فى الدور التانى
الرابع والخامس
وكمان لاننا نسينا فى غيرنا كمان نسيوا زينا

الوقت انا عايزة افكركم باخوانا الجرحى اللى كل
جريمتهم انهم بيدافعوا عن ارضهم وعن شرفهم


قال الله تعالى( قُل لِّعِبَادِيَ الَّذِينَ آمَنُواْ يُقِيمُواْ الصَّلاَةَ وَيُنفِقُواْ مِمَّا رَزَقْنَاهُمْ سِرّاً وَعَلانِيَةً مِّن قَبْلِ أَن يَأْتِيَ يَوْمٌ لاَّ بَيْعٌ فِيهِ وَلاَ خِلاَلٌ )
[إبراهيم:31].
المهم
فى طفل اسمه اياد 3 سنوات
فى مستشفى معهد ناصر بالدور الرابع
مصاب بمرض السرطان *** ضايقتكم باسم مرضة ؟؟
الطفل دا المفروض يسافر باكستان لاجراء جراحة عاجلة
ومحتاج مساعدات مالية فورية لان مطلوب منه مبلغ 10000جم

خلال 5 ايام
تعالوا نحاول نساعد بالله اللى يقدر يتبرع ولو ب 50جم يتبرع
ممكن اللى رايح لوحده يسلم الفلوس لوالدة اياد اللى هى موجودة بالدور الرابع

31 التعليقات:

  رئيس جمهوريه نفسى

الاثنين فبراير 16, 05:29:00 م 2009

علشان كده بقول العرب ظاهرة صوتيه تنشط فى بعض الاوقات وتخمل فى الكثير فبتكون النتيجة ضجيج بلا طحن
ربنا يشفيها يارب ويشفى كل مريض لو فى طريقة اوصل بيها تبرع يتا ايناس يا ريت تنشريها

  mohamed ghalia

الاثنين فبراير 16, 07:16:00 م 2009

واضح فعلا إننا نسينا
دمتى بكل الود أختى

  الازهرى

الاثنين فبراير 16, 07:47:00 م 2009

انها عادة فينا
منذ قديم الازل
اننا عاطفيون تغضب احيانا وحين المعمعة وبعدها نعود وكان شيئا لم يكن

  Empress appy

الاثنين فبراير 16, 07:51:00 م 2009

علم وجاري التنفيذ يا ننوسه لا تقلقى وراكي رجاله بس كل شويه ابقى بصى وراكي
انا بتابع من عندي
وعلى فكره فيه ناس اطردت من المستشفيات فى مصر بطريقه مهينه اوي منهم يحيى هنيه اللى كان فى معهد ناصر

  blue-wave

الاثنين فبراير 16, 09:34:00 م 2009

كالعادة
عندنا زهايمر مبكر

  قوس قزح

الثلاثاء فبراير 17, 07:54:00 ص 2009

جزاك الله خير
و ان شاء الله هنحاول نساعد
و على فكرة انا لما سالت فى مستشفى فلسطين قالوا ان الحكومة المصرية خرجت كل المرضى اللى علاجها بيعتمد على ادوية او متابعة بس و سابت اللى محتاج عملية او فى الرعاية و ده خالانى اعتقد ان مفيش مرضى جداد

اما عن معلومة الفوسفور فدى حقيقة فهو لا شفاء منه و يسبب الاورام الخبيثة

جزاك الله خير
بس متغبيش كده انتى مختفية بقالك مدة

  مجداوية

الثلاثاء فبراير 17, 08:22:00 ص 2009

السلام عليكم

قال تعالى:
وذكر فإن الذكرى تنفع المؤمنين

فجزاك الله خيرا ودائما نذكر أنفسنا وغيرنا فإن الشيطان ينسينا الخير والانسان من النسيان فكل العوامل تهيأه للنسيان

فتأتي التذكرة

ونسأل الله أن يتم شفاء جميع الجرحى وأن نثأر لهم ولنا من عدوهم وعدونا

  ستيتة

الثلاثاء فبراير 17, 08:44:00 ص 2009

على اللينك ده راجل طالب منك المساعدة والمساندة .. مش انت مصري .. ادخل وطوف وشوف .. ولو في ايدك حاجة متقصرش
http://elhakika.blogspot.com
لا لتراست بورسعيد .. لا لتلوث البيئة .. لا لعمالة هندية على أرض مصر

اشترك معانا ولو ببوست .. تعاطفك لوحده مووووووووووووو كفاية


بورسعيد دي على أيدكم الشمال وانتم داخلين من غزة

مدونتك امورة وان شاء الله ازورها تاني .. بس انتي تعاليلي رد زيارة وانا أنط عنديكي كل يوم .. اصلي لزقة

  محمد مارو

الثلاثاء فبراير 17, 09:38:00 ص 2009

لا حول و لا قوه الا بالله

و لسه ياما هنشوف ذل و مهانه و موتى و جرحى طالما اصحاب القرار فى امتنا العربيه لا يحسنون اتخاذ القرار

و الله انا بستغرب من كل واحد بيدعى اننا انتصرنا فى حرب غزه الاخيره دى
اى انتصار مزعوم يتكلمون عليه ؟

كيف يكون انتصار و 1450 مسلم تم ذبحهم
و 4450 مسلم جرحى

و منهم من سيعود للامه الاسلاميه معاق
اين الانتصار و نحن نستهون بدماء المسلمين
احنا نفسنا مش بنحافظ على بعض

انتصار زائف

و فى المقابل لم من اليهود الا القليييييييييييييييييل
هل فعلا اليهودى ب 1000 مسلم ؟

يارب اصحاب القرار بعد كده9 اما يفكروا يخدوا قرار يكونوا اده مش زى بتوع الحماس اللى سابوا الناس و استخبوا فى الانفاق

  الربان

الثلاثاء فبراير 17, 09:57:00 ص 2009

تحياتي

اشكرك لانك ذكرتينا بالموضوع...و فعلا
الكثيرين منا يفتر حماسه بعد فترة و لا يتابع....لكن مع حضرتك في التذكرة افادة و جزاك الله الخير كله.

الفوسفور الابيض له اضرار كثيرة و متعدده...و لكن ماذا ننتظر من عدو شرس قاتل لا يتورع عن فعل اي شيء..

نسأل الله ان يلطف بنا فيما جرت به المقادير و ان يلهمنا الصواب.


تحياتي و تقديري اختي الفاضلة

  salwa

الثلاثاء فبراير 17, 11:33:00 ص 2009

السلام عليكم نهر الحب
رائعة .......
جزاكي الله كل خير و جعله في ميزان حسناتك
ووحد صفوف المسلمين يا رب
سلام

  romansy

الثلاثاء فبراير 17, 01:18:00 م 2009

حسبى الله ونعم الوكيل
الموت البطئ بقى دا سلاحهم

ربنا معاهم يارب ويقويهم

  Diyaa'

الثلاثاء فبراير 17, 02:54:00 م 2009

في تبرع باليد هييجي من السعودية بإذن الله هروح أوصله وأتمني يوصل يوم السبت

بالنسبة للنسيان :) عارفة اللي بيحصل إيه.مجرد امتصاص بس لتأنيب الضمير ومع الوقت والعجز الإمتصاص ده كمان بيتلاشي للأسف الشديد
وربنا يجازي شيماء كل خير :)
وكل إنسان بيحاول يعمل اللي عليه

وأنا شخصياً مش اتضايقت بإسم مرضه ..اتحرق دمي لأن مستشفي سرطان الأطفال مفكرتش تستضيفه :(

  حسن حنفى

الثلاثاء فبراير 17, 05:02:00 م 2009

للاسف نسينا وهم مش نسوا

  شخـا بيــط مـحـجـوب

الثلاثاء فبراير 17, 08:53:00 م 2009

معاكى حق والله كل الحق
ماتت قلوب الناس ماتت بنا النخوة
يمكن نسينا فى يوم ان العرب اخوة

قلنـــــا شعاع النـــــــور فى حلمنـــــــــــــا الاول
يوصـــــل سمـــــا وبحــــور يا للاسف طـــــــول

مات الاحساس جوانـــا ولا احنا اللى امــــــــوات
ولا ضـــمير العالم خلاص احســـــاسه مــــــــات

طــــــــول لان اللـــــيل خلى الضـــــمير ابكـــــم
لو باقــــى فينـــا يــــوم لابد ان نحلـــــــــــــــــــم



معلشى طولت عليكى

تحياتى ليكى

شخابيط mahgoub

  tarek alghnam

الثلاثاء فبراير 17, 09:13:00 م 2009

السلام عليكم
يارب يشفيه ويشفى كل مريض مسلم
ويارب يزرع الحنان فى قلب المسلمين ليحسوا بما يعانيه الاخرون
تقبلى تحياتى
وان كان لدى عتاب صغير
انتى مخصمه مدونتى
عموما انا كاتب بوست عن اطفال الشوارع وكاتب ان اهم اسبابه هو الزواج والطلاق
وانتى كنتى متبنيه فكرة عمل حمله لذلك
انتى حتقلدى الحكومه فى الاميات والوعود اتمنى تبدائى فيها وتشاركينى قضيه اطفال الشوارع
تحياتى وشكرى

  GiGi world

الثلاثاء فبراير 17, 10:08:00 م 2009

ربنا يشفى جميع مرضى المسلمين وشكرا ليكى و ولاصحابنا اللى فكرونا بزيارتهم
ربنا يعزكم ويجيكم كل خير يارب

  الفقير الى الله

الأربعاء فبراير 18, 01:01:00 ص 2009

السلام عليكم ورحمة الله وبركاته

في البداية الموت لاسرائيل ولامريكا وكل المعتدين

وثانيا مستغربة ليه هو ده حالنا ناخد على قفانا وبرده ننسى وندعى ان هموم الحياة هيا اللي بتشغلنا ونسينا ان
ايه معنى الحياة اذا كنا بنعشها واحنا
في ذل

ثم اني اشكرك جدا على مجهودك الرائع
ده بس كنت عاوز اعرف هو باقي كام يوم
على 5 ايام

تحياتي

  Foxology

الأربعاء فبراير 18, 10:35:00 ص 2009

لا حول ولا قوة الا بالله

احنا نسينا نفسنا قبل ما ننسى غيرنا

ربنا يصبر اهالى الشهداء والمرضى كمان

تحياتى

  ahmed_k

الأربعاء فبراير 18, 11:39:00 ص 2009

ربنا يقدرهم ويجمعوا المبلغ في أقرب فرصه
بس أنا مستغرب إشمعنى باكستان
ولا هنا معندناش كفاءات تقدر تعمل تلك العمليه

بارك الله فيكي يا إيناس على تلك التذكره وهذا المجهود وجعله في ميزان حسناتك

  Unknown

الأربعاء فبراير 18, 10:31:00 م 2009

واضح جدا اننا نسينا للأسف

  EMMY BABY

الأربعاء فبراير 18, 11:06:00 م 2009

والله بجد مش عارفة اقلك ايه

فعلاااا احنا نسينا حاجات كتير اوى

بس قريب اوى لازم نفوق

ربنا يهدينا والله

جزاكى الله خيرا يا حبيبتى

  عاشــــــ النقاب ـقــــة"نونو"

الخميس فبراير 19, 01:51:00 ص 2009

بارك الله فيكم حبيبتي
يلا نشد الهمم

  غير معرف

الخميس فبراير 19, 03:51:00 م 2009

السلام عليكم

ازيك يا نهر الحب والخير

اخبارك ايه

معلهش أنا كنت فى الجيش وممنوع التليفونات فى مركز التدريب
وكمان ممنوع الخروج نهائيا رغم اننا فى منطقة كويسة
المهم
زى ما سبتك لقيتك تحبى الخير وتدعى له وتتعبى علشانه يارب يوفقك أكتر وأكتر

تحيتى ومودتى

  ghorBty

الخميس فبراير 19, 04:35:00 م 2009

غاليتي بحر الحب

ربنا يبارك لك

لم ننسي او نتنسي ربنا يداوي جرحاهم

زعلت جدا اني لسه شايفه موضوعك دلوقتي

معنا تبرعات لهم ويارب نقدر نوصل لاياد اي شئ وربنا يشفيه ويعافيه

جزيت خيرا كثيرا

غربتي

  هانى زينهم

الخميس فبراير 19, 09:37:00 م 2009

احنا ما نسيناش الدنيا هى اللى تلاهى والحال ينسى الواحد اسمه . اكتر حاجة هنا لفتت انتباهى صورة الطفل الشهيد لو بصيتى عليها بتأنى هتعرفى انه بيشكى لربنا حال الدنيا وناسها .

  المحارب الأخير

الجمعة فبراير 20, 06:22:00 م 2009

السلام عليكم

ولى رأى ولكننى سأوجله لحين التفرغ

عامة

أحببت القاء السلام

ضيف جديد عليكم

تحيتى

  Gannah

السبت فبراير 21, 04:52:00 م 2009

طالما فينا ناس زيك يا ايناس القضية لسه قدام عنيهم يبقى الامل لسه موجود
انا شفت فى العاشرة مساء د.غنيم وهو بيعرض عينات من الفسفور الابيض اللى جابها معاه وهو راجع من غزة وطبعا كل ما يفتح القشرة الخارجية ويعرض الجزء الداخلى للهواء يشتعل من جديد فاكيد من الصعب التعامل معاه
اعذرينى انى دايما كده متأخرة بس بيبقى عندى عشم ان الناس اللى عارفين قيمتهم عندى مش هيزعلوا منى
اوعى بس تكونى مش عارفه
سلميلى على نسمه كتير
تحياتى

  نهى جمال

السبت فبراير 21, 08:20:00 م 2009

خلاص هحاول اشوف ناس تتبرع وهكلمك

بس انتي نمرتك زي ما هيا ؟؟

  ادم المصرى

الأحد فبراير 22, 01:20:00 ص 2009

مش نسينا ولا حاجه

ولكن لما هجر الرسول صلى الله عليه وسلم

مكه وذهب الى المدينه مكنش هروب وانتى اكيد عرفه

ولما حصل الحصار عشر سنوات وكان رسولنا صابر مكنش جبن ولكن عشان كان عارف ان كل شيئ وليه وقتو وليه معاجو

وكل شيئ بأذن الله وربنا يصبرنا وندعو الله لهم

  غير معرف

الأربعاء مارس 11, 10:18:00 م 2009

ألف شكر لك عزيزي
-------------------------
مدونة القاضي العربي Fabulass
http://fabulassworld.blogspot.com
-------------------------
دليل الصحف الخليجية
http://arabiangulfnewspapers.blogspot.com