بحث هذه المدونة الإلكترونية

لقاء الاسماعيلية

كلام على الماشى


لمساعدة اخوانا الفلسطينين




كمان مستشفى الشيخ زايد فى اكتوبر

بها جرحى فلسطينين مهملين ومحتاجين لكم



اليوم


ملحوظة:- فى ناس كتير عايزة تعمل حاجة بس محتاجة حد يوجهها ويساعدها


المضايقات الامنية كثيرة جدا ومتخلفة للغاية
فى المستشفى
قائد الحرس اصر انه يشوفنا وياخد البطاقة والعنوان ولية وفين وبكام ؟!!
وانا قلت له لية احنا فى القاهرة دا عادى وكمان عمل انسانى قالى تعليمات
اللى يجى يزور الفلسطينين كدة ولازم اعرف التبرعات عبارة عن اية
بس الحمد لله فى الاخر محوليش يرغم

مريض بالف الف مريض
؟!!!
مريض تضاربت حولة الاقوال مرة يقولوا حماس ومرة يقولوا فتح
ورغم التحفظ الامنى الا ان الكل اصر على زيارتة
مما اثار حافظة المرافق الامنى عندة
والشباب معنا
وطبعا منعت من الحديث مع اخية
هو فى حالة خطرة جداا واخية مرافق معه لكن كلامه قليل جدا
المرضى حالتهم فى الاغلب خطيرة




رشاد
كل اطرافة فى حالات كسر شديدة وفى شك من احتمالية
استطاعتة للمشى لفترة طويلة جدا
موفق
قدماه مصابتان بشكل كبير وذراعه لكنه يحمد الله عزوجل
ابناء عائلة عصفور
اخ فى الاسماعيلية لخطورة حالتة
وباقى اسرتة فى مستشفى فلسطين يريد فقط الاطمئنان عليهم
وان يطمئنوا عليه لكنه جميل الروح حاولت التخفيف عنه لكنه
لا يستطيع الكلام بشكل يسير !!! الشاب دا عنده 19 سنة
حالات بتر الاعضاء منتشرة بين اغلب الجرحى
وان لم يبتر عضو فأن قدماه فى حاله تهتك شديد
واثار الشظايا والجروح ظاهرة على الكل


هناك جريح رفض ان يزوره احد ووقف اخيه محرج منا
ويطلب العفو 00 رغم اننا من نطلبه لاننا تخاذلنا عن ابسط
معانى التكافل والمساعده
الجريح دا حالتة النفسية سيئة جدا وحالته الصحية ايضا



واخر قابلناه فى الكلودور بين الغرفة على سرير
وحين اسنتكرت انه ليس بغرفة رد على المرافق لنا قال اصله حران
فوضعناه هنا ؟!! حران فى نصف يناير ؟!!


حنين 17 سنة
فتاة جميلة الوجة لكنى لم استطيع ان انطق فى حجرتها حرفا
حين دخلنا كانت تصرخ لما لن استطيع ان اقف مرة اخرى
لما لن استطيع المشى ؟

لما ولما
ردت عليها امها قضاء الله يا حنين ولا اعتراض على قضائة
كانت تصرخ الما
انصرفت انا
فسألت البنات الاخريات جايين تتفرجوا على وتمشوا؟!

فى المستشفيات
اهمال وقصور من العاملين حيث ان المرافق لنا
كان يهمل ان يدلنا على الطريق الصحيح للوصول لكل اعداد الجرحى
الظاهر الراجل مل مننا 0000 موزعين المرضى بشكل عشوائى وافتراضى
عكس الهلال الاحمر و معهد ناصر

التبرعات
مبالغ مالية

كانت فى الاول بسيطة لكن على منتصف اليوم كان معنا مبلغ
ولله الحمد
اشياء عنية
ادوية

ملابس داخلية حريمى ورجالى

ترنجات واطقم خروج رجالى وحريمى

عصائر* البان *بسكوت *وحلوى

شربات ايشاربات بطاطين شباشب تواليت
الحمد لله التبرعات الماليه والعنية تبقى منها شئ
وسوف تتكفل بأيصاله ابى والشاعر

حصل مشدات امنية فى المستشفى مع الشاعر

وبعدها مع احسان اللى كشف عن وجهه الاخر
وكانوا هيرحلوه لكن ربنا ستر
شكلى كنت هتشد معاهم بس على مين الحمد لله
*&*&*&*&*&*&*








الحمد لله رب العالمين
اللى حضر اللقاء

من الاسماعيلية
ناصر روكا
شريف سبيبوا فى حالوا
من ابناء ميت غمر
محمد الشاعر
محمد صديقه
من ابناء الشرقية
نسمة بذرة امل
ومعها علا
رضوة
دينا
اية
احمد
من القاهرة
ابى بتنجانى
رودى
احمد الصباغ
شفقة واحسان
زهرة الجنة
سمية
من كفر الشيخ
مصرية مفروسة اند متغاظة
من بورسعيد
داليا اهو دا عيبة
دعاء ربع ضارب
نسمة هى فوضة
سارة
ووالدلتها
واخوها
اللى اتصلوا بالتلفون
أ/ محمد من المنيا
ماما امولة
أ/ اشرف على اللى كان معنا فى الهلال الاحمر المرة اللى فاتت
عرفة الاسيوطى
ميرا
تلفون من خارج القارة ومش هقول منين
لكن الراجل دا اتصل كتير جدا عشان يكلم الجرحى ويطمن عليهم

محمد ابو العربى
شكر خاص لشيماء سمير
جزاكى الله خيرا
***************

شكراا

لكل الناس اللى جت
او تصلوا بالتلفون
شكرا لك يا روكا جداا
على تعبك معنا طول اليوم جزاك الله خيرا
روكا صاحب نصيب الاسد فى التبرعات
ترك لنا سيارتة طول اليوم وكمان
تعب معنا جدا

ربنا يتقبل يارب

*&*&*




الصور تلاقوها مع
همس
زهرة الجنة
واكيد صباغوس
الحمد لله الذى بنعمتة تتم الصالحات

يا شباب هنحاول نروح العريش
ادعو لنا

30 التعليقات:

  Empress appy

السبت يناير 17, 10:41:00 ص 2009

ننوسه اللى قولتى عليه علشان حران لما بسال الراجل لا بجد قولى ليه هو هنا قالى عنده غسيل كلى بيعمله فرايحين نوديه انا مش عارفه بيكدب عليا ولا لا
وانتى مشوفتيش اللى كان عنده شظايا مستقره فى المخ وقاعد بيها بجد حاله اصعب
وحركات الامن معلش احنا الكبار نعديها علشان هما بس خايفين وبعدين هو حد يعنى عرف ياخد حق ولا باطل
ربنا يكرمك يا نوسه على اليوم الجميل ده بجد

  محمد حمدي

السبت يناير 17, 01:45:00 م 2009

بصراحه برافو عليكم وعلى زياراتكم لكل مكان فيه جرحى فلسطينيين .. انا كنت معاكم فى زيارة مستشفى الهلال لكن للاسف ظروفى موفقتنيش اكون معاكم فى زيارة الاسماعيلية

متعوضه ان شاء الله

  همس الاحباب

السبت يناير 17, 02:11:00 م 2009

الحمد لله على كل حال
بس بجد كان نفسى اكون معاكم
عامة انتوا عملتوا الواجب
وربنا يبارك فى كل الحضور
وجزاكم الله خيرا
ونجتمع دائما على خير

  طوبه فضه وطوبه دهب

السبت يناير 17, 02:31:00 م 2009

بجد ربنا يكرمكم ويجعله فى ميزان حسناتكم ويخفف عنهم ويتولاهم برحمته اللهم امين ويقدركم ديما على فعل الخير واعذرينا على تاخرنا ربنا اعلم بالظروف

  meshmesha

السبت يناير 17, 02:36:00 م 2009

http://wa7dylakenwansana.blogspot.com/

  salwa

السبت يناير 17, 02:37:00 م 2009

السلام عليكم
جزاكم الله كل خير اخت ايناس
وفقكم الله و جعله في ميزان حسناتكم
امين يا رب
سلام

  بذرة امل

السبت يناير 17, 03:28:00 م 2009

ازيك يا ايناس حمد الله على سلامتك ياقمر
انا سعيدة اوى انى اتعرفت عليكى
انا عارفة ان اليوم كان فيه ضغط عليكى كبير بس الحمد لله مر بسلام

  ahmed_k

السبت يناير 17, 05:37:00 م 2009

ربنا يكرمكم ويجازيكم خير على كل مجهوداتكم
وفي ميزان حسناتكم بإذن الله
وهكذا تكون المشاركه مع الأخوه بأسمى معانيها

تقبلي خالص تحياتي

  غير معرف

السبت يناير 17, 05:43:00 م 2009

ربنا يتقبل منكم حبيبتى

سلامى لك كثيرا جدا

شيماء سمير

  فاتيما

السبت يناير 17, 06:00:00 م 2009

ربنا يتقبل منكم
يا إيناس
بإذن الله

  غير معرف

السبت يناير 17, 06:08:00 م 2009

نهر الحب

جزاك الله كل خير على المجهود بتاعك

واللى مجهود جبار

ربنا يكرمك يارب انتى واللى معاكى

ويارب على خير دايما

تعلمين ظروفى

ولكن نسأل الله الفرج القريب

تحيتى

  princess

السبت يناير 17, 07:37:00 م 2009

ربنا يكرمكم وفى ميزان حسانتكم يارب ان شاء الله

  ياسر

السبت يناير 17, 08:50:00 م 2009

الموت لاسرائيل לך לעזאזל, ישראל
وانا داخل مدونتك شوفت الجملة دي
شوية عليهم دول عملوا فتاوي عندهم تبيح
للسافلين دول قتل النساء والاطفال بغزة شوفتها
في شريط العربية نت في مدونتك وانا داخل
اللى يجى يزور الفلسطينين كدة ولازم اعرف التبرعات عبارة عن اية
لاا بيرحموا ولاا يخلوا رحمة ربنا تنزل
اللهم ارزقهم الصبر والشفاء وخفف الامهم يارب العالمين
اللهم ثبت خطاهم علي الحق والجهاد والمقاومة
فى المستشفيات اهمال وقصور من العاملين
مفيش رقابة عليهم العاملين دول؟
ولاا بينظرواللناس دي انهم من عالم اخر مش بشر زيهم؟
موزعين المرضى بشكل عشوائى وافتراضى
حالاات خطيرة وحرجة زي دي موزعنها بشكل عشوائي وافتراضي
الحمد لله ان الدنيا ليسة بخير وربنا يوفقكم يارب
ويزيد التبرعات ويزيد الناس الطيبين يارب
حصل مشدات امنية فى المستشفى
لية بقي كنتم مدخلين سلاح ولاا اقمصة واقية للرصاص
ولاا يكون كنتم لبسين لبس عسكري
دول بققي الا لاا يرحموا ولاا يخلوا رحمة ربنا تنزل
بصي يانهر نصيحة من اخ لما تروحوا المرة الجية لو كان
ليك حاجة عند000000 قولة ياسيدي وخلاص المهم
ان رسالتكم توصل لي اصحابها وخلاص
وربنا يعميهوم عنكم يارب ويقويكم
ويجعل خطواتكم في ميزان حسناتكم يارب
بس لومعاكم هتحبس فيها بجد
حاسبي الله ونعمة الوكيل

  J.M. Rábago García

السبت يناير 17, 08:54:00 م 2009

Hola. un fuerte abrazo en estos momentos tan dificiles y gracias por su blog.
Jose

  الراقـــص مع الذئـــــاب

السبت يناير 17, 09:09:00 م 2009

السلام عليكم

جزاكم الله خيرا الإخوة والاخوات الكرام
لقد حرمني الله هذا الخير...واحتسب اني كنت في خيراً أخر وان يتقبل الله مني ومنكم

الاخت الكريمة لقد منعني ظرف قوي من الانضمام اليكم في هذه اللفتة الجميلة
رغم ان مستشفي الجامعة تبعد عني (5 دقائق) بالسيارة او اقل

وطبعاً آبي تعرف اني مش بكلم الأخوات علي التلفون...فدا كان مسببلي مشكلة أني مش عارف اعتزر ليكم ومش عارف اي حد تاني معاكم اعرف اكلمه

والله يعلم صدق نيتي في المجئ...ولكني احتسب ان يقدر لي الله عز وجل زيارة اخري في الاجازة القادمة بإذن الله تعالي...

ربنا اللي يعلم ان في اولويات كتيرة لازم اعملها في الاجازة...وعارف اني مقصر في حق اخواني ...بس لعل الله جعله خيرا حتي تستمر الزيارات لأكثر من مرة

مرة تانية جزاكي الله خيرا...ودعيلي إن ربنا يجازيني خيراً ويتقبل مني ما كنت انا فيه

  mohammed alsha3r

السبت يناير 17, 09:57:00 م 2009

علي فكره انا كنت في غايه فخري وفرحي بكميه البنات وهمتهم العاليه

فألف سلام لكي ولكل بنت قطعت المسافات الطوال لزيارة هؤلاء الجرحي

ولا املك الا ان اقول

تقبل الله منا ومنكم

وربنا يحفظكم يابنات

  ناصر روكا

السبت يناير 17, 11:00:00 م 2009

تشريقى بزيارة الأشقاء الجرحى من الفلسطنيين تعاظم معه أحساسى بعدم العجز ورغبة ملحة أن أشاركهم صمودهم ومعرباً لأبطال المقاومة أننا معكم فى خندق واحد ولو باعدت بيننا المسافات
شكراً لكل من شارك بالزيارة
وشكر خاص لنهرالحب لدعوتها لى بشرف الزيارة

  شبـــاك موارب

السبت يناير 17, 11:25:00 م 2009

إيناس
إزيك يا جميل؟ عاملة إيه؟
و الله كنت عايزة اروح معاكوا بس جالي دور برد و انفلونزا مقدرتش
بس لما كلمتك في التليفون في نفس الوقت اللي كنتي بتزوري فيه المصابين كنت بدعيللي كتيييير انه يكون في ميزان حسناتك انتي و كل اللي معاكي

يا رب انصر اخوانا في غزة

  أمل حمدي

الأحد يناير 18, 12:48:00 ص 2009

ربنا يتقبل اللهم امين يارب العالمين

ان شاء الله الزيارة القادمة اكون معاكم بس اجليها شوية لاحسن بجد ها احزن لو مرحتش وياكم

تقبلي مني كل الحب والتقدير
انا سعيدة وفخورة بيك وبكل الشباب ربنا يبارك فيكم يارب

  همس

الأحد يناير 18, 01:01:00 ص 2009

بجد بجد انا مش عارفه اقلك ايه

انتى بنت جدعه

وجزاكى الله خيرا على دعوتك لينا

انما بخصوص الصور

لقيت فيها بنات ومعرفتش انزل منها حاجه

البركه فى الصباغ باه

وتسلميلى يا قمر

  Soooo

الأحد يناير 18, 02:17:00 ص 2009

ربنا يبارك فيكم يارب

والله حاولت اجي وكنت مظبط مع الصباغ لآخر لحظه لكن مانفعش وبلغت داليا باعتذاري

ان شاء الله لو ربنا أراد هاجي معاكم العريش

وربنا يتقبل يارب




سلامووووووووووووز

  yoyo

الأحد يناير 18, 03:08:00 ص 2009

ربنا يجازيكم خير يارب
و يجعله فى ميزان حسانتكم
و يارب يقدرنا كلنا نساعد ولو بشىء بسيط نقدر بيه نخفف عنهم

تحياتى
يويو

  صباح الصباح

الأحد يناير 18, 08:23:00 ص 2009

جزاكم اللة كل خير والمدونين ذوى النوايا الطيبة النقية واتمنى باذن اللة ان الحق بكم فى الزيارات القادمة

  الربان

الأحد يناير 18, 10:44:00 ص 2009

الاخت العزيزة و الفاضلة

تحياتي لحضرتك...

شعرت بسعادة بالغة من هذا البوست و بارك الله لكم و فيكم علي جميل صنعكم
هكذا يكون المسلم الحق...و المصري الحقيقي....يسارع لمواساة الاخرين و تخفيف الحزن و الالم عنهم....

تحياتي للجميع....كنت اود شكر كل فرد باسمه...الا انني خشيت ان تخونني الذاكرة و انسي احدهم....

فعلا كنت انوي الاتصال علي حضرتك يوم الزيارة...للاطمئنان عليكم جميعا...و
الشد من أذركم و هذا اضعف الايمان...و لكنني ترردت لانني لم أستأذن مسبقا منك في الاتصال...


بالنسبة للمضايقات الامنية...ارجو ان نتفهما...لان الامن يجب ان يعرف الزائرين خشية ما لا يحمد عقباه...و هذا امر يجب ان يتسع صدرنا اليه.

و علي فكرة كل ما تتحملوه من مشاق و مضايقات و خلافه...هو زيادة لكم في الحسنات و رفع الدرجات ان شاء الله.


لكم مني خالص التحية و التقدير و الاحترام....و سعيد بكم جميعا .

  منى

الأحد يناير 18, 05:30:00 م 2009

ربنا يبارك فيكم ويعينك
يا رب اقدر اجى معاكم الزياره الجايه
يا رب
كل التحيه والاحترام

  مهندس مصري بيحب مصر

الأحد يناير 18, 05:34:00 م 2009

ربنا يجازيكم خير و يوفقكم
و لايهمكم من الأمن دي جعجعة على الفاضي و اللي يآخدهم بالسياسة يعرف يسلك معاهم كويس

إنتي جبتي العبري اللي فوق ده منين ؟

  blue-wave

الأحد يناير 18, 07:16:00 م 2009

ربنا يكرمكم يارب
وان شاء الله اكون معاكم فى اللى جاى

  ريكو

الأحد يناير 18, 11:09:00 م 2009

اكرمكم اللة وازاح عنكم اى مكروةفى عزيز
وفقكم اللة وجعلة فى ميزان حسناتكم

  ميرا ( وومن )

الاثنين يناير 19, 04:00:00 م 2009

يا يا إيناس

انا زعلت قوي اني مكنتش معاكم بس انتي عارفة ان مش يحوشني غير الشديد القوي

ربنا يجعلة في ميزان حسناتكم يارب يارب وبقدرك علي فعل الخير

  Diyaa'

الثلاثاء يناير 20, 04:52:00 م 2009

جزاكم الله كل خير :)
هبقي أحكيلك ليه مش جيت :) وبإذن الله أقدر أعوضها
وربنا يبارك فيكي وفي كل الحضور