بحث هذه المدونة الإلكترونية

أرفع شعار لا أرى لا أسمع لا أتكلم

قال تعالى : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله }

( آل عمران : 110 ) .



انا سلبية
لا ارى لا اسمع لا اتكلم اصبح شعار كل مصرى
شريف او غير شريف

يوم الوئفة سمعت صراخ شديد لا اعرف مصدره
واذا بى افتح باب الشقة لاعرف مصدر الضجة الشديدة
فوجدت جارنا الشاب ومعه شاب اخر يمسك بثالث غرقان
فى دمه وبيصرخ من الالم والضرب وسألوه الجيران فى اية
يابنى قال مسكنا حرامى ابن وابن00000 وهاتك يا شتيمة للصبح وضرب بالسكينة وبالشلاليت والائلام والسحل من رابع دور للشارع على وشه
والغريب ان الحرامى السايح دمه لم يقاوم ورغم تجمع الناس
محديش ابدا نطق بل بالعكس كل واحد بكلمة تشجيع او لا مبالاة احنا مالنا
اضربه كمان دا ابن وابن !!!!
ولما جيت انا ادخل واطلب من جارنا انه ميضربيش الحرامى
ويسلمة للقسم لاقيت اختى تنهرنى بشدة عيب انتى بنت بلاش حد يقول انك بتتكلمى
الرجالة ساكتين اهو انتى بقى اللى هتتكلمى !!!! ولانى سلبية ولانى اطبق
شعارنا الموحد لا ارى لا اسمع لا اتكلم اتكتمت




فعلا سكت وقفلت الباب وانا مش عارفة اعمل اية لحد ما قلت ازاى اسكت لا مش ممكن
ولازم اتكلم وتولع الدنيا انا مش سلبية
لكن سبقنى شاب جزاه الله خيرا
واقتاد الاتنين على القسم
بس السؤال ازاى اسكت ولية ؟ عشان بنت !!

طيب هو انا كنت هعمل حاجة غلط ؟؟

مش دا الامر اللى ربنا امرنا به النهى عن المنكر

ان لا اخرص فى المواقف المنكرة الم يكن الاعتداء عليه بالضرب والسحل

شئ منكر الا يجوز لو بأحتمال بسيط جدا ان يكون برئ

او حتى لص لكن ذلك لا يبرر ان يضرب بالوحشية والقسوة دى ؟!!!

ما الفرق اذا بينى وبين اى من مخلوقات الله

الاخرى هى ايضا ترى ويجوز انها تستنكر وترفض ما يفعلة ابن ادم

من سلبيات 00 لكنها لا تملك الكلام ؟؟




كلاكيت سلبى آخر
يوم الاربعاء الماضى غطى الدخان ارجاء الشقة عندنا وحاولت معرفة مصدرة الى ان
عرفت ان حريق اندلع فى شقة فى المنطقة رغم انه يبعد عنى اكثر من 200متر
الا ان الدخان
ملئ الشقة وطبعا المطافى لم تشرفنا بالحضور لاطفاء الحريق الا بعد 5 ساعات من اندلاع
الحريق الذى دمر الشقة كلها بما فيها ولولا ستر ربنا لكانت العمارة والمنطقة كلها فى خبر كان
طبعا انا اكبر موقف عملته انى اتصلت بالمطافى و الموظف الهمام بتاعها قفل فى وشى
لانى سألتة ازاى تتأخروا على الحضور لاطفاء الحريق

وحمدت ربنا ان الحريق اخمد وان مفيش خسائر فى الارواح ولا حاجة الحمد لله



شكل ضميرى كدة مرتاح عملت اللى على !!!!
ولم ادرك ابدا ان من الواجب على مساعدة اهل هذا المنزل ولا محاولة معرفة
هم هيناموا ازاى او فين او اية اللى محتاجينه ؟!!
ولم ادرك الا حين تكلم رجل فاضل مع والدتى فى محاولة للمساعدة وسألها ان كان اهل الحى ساعدوا الناس دول !!





واية حجم الضرر الحقيقى
عرفت بعدها انها اسرة لأب كبير فى السن ضرير وام
ولهم بنت حرق كل جهازها فى الحريق وابن متزوج فى نفس الشقة حرقت ايضا
متعلقاته هو وزوجتة ولا حول ولا قوة الا بالله


ياترى لو دورت جوايا كمان شوية هلاقى اد اية مواقف سلبية ؟!!


لكنى عاهدت نفسى انى لن اكون سلبية بعد الان

عن أبي سعيد الخدري رضي الله عنه قال : سمعت رسول الله صلى الله عليه وسلم يقول

( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

68 التعليقات:

  غير معرف

الخميس ديسمبر 11, 09:48:00 م 2008

ازيك يا انوس يا قمر ال يعنى مكناش مع بعض النهاردة ههههههههههه لا يا انوس مش فكرة سلبية قد ما الناس بقت متقوقعة على نفسها بس بجد لازم الموضوع ده يتغير لو انتى معتبره نفسك سلبية يبقى مش انت وبس كل واحد شاف حاجة غلط ومحاولش يغيرها على قد استطاعته هو كمان حيكون سلبى وبكده حنكون 80 مليون سلبى لان بصراحة كل حاجة حولينا فى البلد او على الاقل اغلبها بقى غلط ومعكوس سلام يا حبى وربنا يقدرك تكونى ايجابية اكتر

  غير معرف

الخميس ديسمبر 11, 09:49:00 م 2008

ازيك يا انوس يا قمر ال يعنى مكناش مع بعض النهاردة ههههههههههه لا يا انوس مش فكرة سلبية قد ما الناس بقت متقوقعة على نفسها بس بجد لازم الموضوع ده يتغير لو انتى معتبره نفسك سلبية يبقى مش انت وبس كل واحد شاف حاجة غلط ومحاولش يغيرها على قد استطاعته هو كمان حيكون سلبى وبكده حنكون 80 مليون سلبى لان بصراحة كل حاجة حولينا فى البلد او على الاقل اغلبها بقى غلط ومعكوس سلام يا حبى وربنا يقدرك تكونى ايجابية اكتر

  غير معرف

الخميس ديسمبر 11, 09:49:00 م 2008

دانا على كده حجزت اول وتانى تعليق يا قمر

  Unknown

الخميس ديسمبر 11, 09:57:00 م 2008

ازيك يا دعاء
هههههههه عاملة اية فضحتينا :)
بصى فكرة اللامبالاه اصبحت مسيطرة على
اغلب الناس والحقيقة انها فكرة مربعة اننا مش نحاول نغير الغلط ولا نساعد المحتاج ولا حتى نعدل المايل شئ مرعب ان كل واحد يغلق على نفسة وبس وطلما انا كويس تولع الدنيا لازم تكون قلوبنا على بعض وكمان نحاول اننا نصلح الخطأ بجد بجد بجد ميرسى لكى على المرور وتعليقك عندى جميل

  salwa

الخميس ديسمبر 11, 10:23:00 م 2008

السلام عليكم الاخت نهر الحب
انت حشرية كده ليه؟؟؟؟؟؟؟؟
ههههههههه
حسبنا الله و نعم الوكيل.......
لو كل انسان ابتدا باصلاح نفسه
كنا بالف خير.سلمت يدك
سلام

  أمل حمدي

الخميس ديسمبر 11, 11:46:00 م 2008

ازيك يا نهر

انت صح واوعي تكوني سلبية

مش مهم شكلنا ايه قدام الناس المهم

احترامنا لنفسنا ولادميتنا

سلام يا حبيبتي ربنا يسلمك

  جنّي

الجمعة ديسمبر 12, 12:20:00 ص 2008

السلام عليكم

موضوع ممتاز

بالطبع السلبية شئ كريه ولكننا نحتاج الى الحكمة في التعامل مع المواقف المختلفة حتى نكون ايجابيين بشكل موضوعي ..

السلبية اصبحت موروث اجتماعي من الخوف الذي تربى عليه الشعب من انظمة قمعية امنية مستبدة زرعت الخوف في نفوس الناس فبتت السلبية وترعرعت ..

تحيتي

  رئـــــيسـة حزب الأحلام

الجمعة ديسمبر 12, 01:41:00 ص 2008

ادة يابنتى العيد كان وحش كدة لية
عارف احنا عندنا كان كدة برضو او يوم توفى زوج عمتى رحمة الله علية
وطبعا بقية العيد راح
المهم السلبية دى من الاخر هى اللى جايبانا ورا فى حاجات كتير عارف مرة حصل عندنا حريقة فى العمارة واتصل بالمطافى ولا حد يسأل فينا عارفة لولا ستر ربنا وبابا الحمد الله قدر يسيطر على الحريق
ربنا يعينا على السلبية
تحياتى

  ahmed_k

الجمعة ديسمبر 12, 01:53:00 ص 2008

السلبيه من أكبر الآفات التي تصيب نسيج المجتمعات في مقتل
فبدونها ستكون الإيجابيه رادع لكل الخارجين على القانون قبل الإقدام على جرائمهم ,ولكن بخصوص موقف اللص فأنا أرى أنه يستحق ما جرى له وأكثر لكي يرتدع المرات القادمه ولأن السرقات أنتشرت بشكل مخيف وخصوصا أيام أرتفاع سعر الحديد كانت الخرده لها سعر مرتفع فكنا نرى يوميا سرقة كابلات وأغطية بالوعات وهكذا لدرجة أن جاري في يوم رأيته بيجري ورا واحد فجيت جمبه قاللي حرامي فأنطلقت بالعربيه وصدمته صدمه خفيفه لأمسكه وتم لى ما أردت وكان التجمهر عليه ولم يأتي هنا مرة ثانيه أبدا بعد العلقه السخنه إياها ,

  صباح الصباح

الجمعة ديسمبر 12, 08:46:00 ص 2008

اولا جزاكى اللة خيرا انك تطوعتى بالمساعدة ولو بالكلام

انتى بتتكلمى عن السلبية وانتى فى بلد هادية الى حد كبير يا ايناس .. بورسعيد بلد البواسل ودة بيحصل

تعالى بقى عندنا فى القاهرة وانتى تشوفى اللى بجد بجد قمة الانحلال والسلبية فى كل شىئ لدرجة ان الابناء بيشتموا اباهاتهم وحاجات تانية كتير

اقرى البوست عندى هتفهمى

  Maha Shahen

الجمعة ديسمبر 12, 10:02:00 ص 2008

جزاكى ربنا كل خير ويا ريت نقدر نبطل السلبيه علشان حياتنا تتغير للاحسن
لأن تغيير انسان واحد مش هيعمل فرق كبير لازم زلزله للجميع

  حـــــدوتـــــة

الجمعة ديسمبر 12, 11:40:00 ص 2008

السلام عليكم

اختى العزيزة انتى عندك حق فى اللى قولتيه
بس لازم تعرفى ان السلبية اللى بقت عندنا دى مجتش من يوم وليلة
دى نتيجة لسنين طويلة من القهر النفسى اللى بنتعرض ليه
واللى خلتنا كلنا ماشيين جمب الحيط
وخلت اى حد يقول حتى بينه وبين نفسه انه مش مستعد يدخل قسم الشرطه لاى سبب من الاسباب
سواء مجرم او شاهد اتو حتى مشتكى
كل واحد بقه ماشى فى حاله عشان يادوب يعرف يعيش
انا عارف ده مش مبرر بس لازم نعرف سبب المشكلة عشان نعرف نحلها
ده لو هتتحل اساسا

سلالالالالالالالالالالالالالالالالالالالالالالالالالالالام

  Diyaa'

الجمعة ديسمبر 12, 01:07:00 م 2008

ربنا يكتر من أمثالك
قليلين أوي أصلاً اللي سلبيتهم بتتوقف عند الفعل وبس ..لأن في حياتي مريت بناس كتير ويمكن أنا منهم أحياناً..حتي التفكير مش بيخوضوا فيه..يعني النية مش موجودة..أو بالأحري ممكن موجودة بس بتتنسي أول ما بتتوجد..اتعودنا.مجتمع وتربية وتعليم وكله كله
بس زي ما الرسول قال
الخير في وفي أمتي إلي يوم القيامة
صدق رسول الله :)
كل سنة وإنتي طيبة ومن ربنا قريبة ويا رب تبقي أكتر حد إيجابي وميهمكيش الناس تقول إيه
فاكر أنا لما كنت بذاكر من شهرين كده
لقيت دوشة جامدة أوي رغم إني دور خامس وناس بتزعق وواد عمال يحلف إنه معملش حاجة
ونزلت تقريباً بلبس البيت المهم طلع إن واحدة ست شكلها طيبة ومحترمة بتتهمه إنه إمبارح إتحرش بيها وكان واقف في نفس المكان ولابس نفس اللبس
الواد مكانش معاه لا بطاقة ولا أي حاجة تثبت هو مين.ومش من المدينة.ومش عايز يقول مكان شغله .ومش معاه ولا مليم ..فحتي فكرة إنه يروح القسم دي كانت هتبقي مرمطة ليه ..وبقيت أحاول أمنع ضرب الناس فيه وفي نفس الوقت أفكر في حل ..بس جه راجل كبير كده صعيدي وبسم الله ما شاء الله في ثواني خلص الموقف..مسك الواد..ضربه قلمين بالضبط .ولو جيت هنا تاني ولا كررت العملة دي هنرجعك لأهلك متقطع حتت عيب دي أد والدتك..وفعلاً الولد اتأسف وهو أصلاً ميكملش 17 سنة..وجري كأن شياطين الدنيا كلها وراه.اللي لفت إنتباهي يومها إن حوالي 20 واحد وواحدة واقفين محدش قال كلمة زي عيب دي أد والدتك ..كله واقف ساكت أو بيضرب ..الناس اتعودت علي كده
ربنا يهدي الجميع بقي
خالص التحية :) وربنا يوفقك وتنقلي عدوي الإيجابية لكل اللي يعرفوكي

  شخـا بيــط مـحـجـوب

الجمعة ديسمبر 12, 01:33:00 م 2008

السلام عليكم ورحمة الله وبركاتة

اولا كل سنة وانت طيبة للمرة التانية
ثانيا معكى الحق كل الحق ولاكن لبد من التغير الداخلى اولا
بس يمكن احنا بئينا شعب السلبية اصبحت جزء كبير من حيتنا الم تكن كل حيتنا ودة علشان خفنا من نفسنا اولا ومن الغير ومشينا بسياسة طول مافيش ضرر عندى مش مشكلة غيرى لو كل واحد فكر بنفسة انة ممكن يكون هوا مكان اى حد اكيد هنحب بعض ونقف جمب بعض بس دة عاوز مجهود كبير جدا لتغير الثقافة بس تبدا من البراعم فان لم يستطع فبقلبة وذالك اضعف الايمان

تحياتى ليكى
شخابيط mahgoub

  mahasen saber

الجمعة ديسمبر 12, 02:05:00 م 2008

لا حول ولا قوة الا بالله
موضوع الحريق ده شئ محزن والمحزن اكتر دور المطافئ اليى جه متاخر

والحرامى انا عجبنى منطقك ورايك يا ايناس

وطبعا لازم تتكلمى مش عشان بنت والكلام اليى مع احترامى لاختك قالته
مش عشان بنت اشوف الغلط واسكت
ومش عشان انا بنت ابقى خرسا وسلبيه

ربنا يكرمك وينورلك بصيرتك وبلاش تاخدى الشعار ده لانه مش هيليق على واحده عندها ضمير زيك

  غير معرف

الجمعة ديسمبر 12, 02:52:00 م 2008

نهر الحب

أنتى عارفة ساعات برضو انا بعمل كدة

بس مش من قبيل اللامبالاه ولكن من قبيل الطبع اللى بيغلب التطبع

يعنى أحنا اتعودنا من زمان على كدة

فالواحد برضو مش بيعرف يغير طبعه

بس ده فى حاجات وفى حاجات تانى تعتبر

مقدسات الواحد ميسكتش عليها والحاجات

دى كتير

حبيت أقول كدة علشان انا بوافقك فى ان الشعب المصرى تتطبع على اللامبالاه

ويارب يصلح الحال

تحياتى

  Kiara

الجمعة ديسمبر 12, 03:27:00 م 2008

الساكت عن الحق شيطان اخرس

اوعي تكوني سلبيه لانك هتقلي في نظر نفسك يوم بعد يوم

  حسن حنفى

الجمعة ديسمبر 12, 06:41:00 م 2008

بجد السلبيه دي اوحش حاجه

والله عندنا في المدرسه واحد قدنا قتل زميله والمدرسين كانوا خايفين يدخلوا

حسبي الله ونعم الوكيل

  رحــــيـل

الجمعة ديسمبر 12, 07:09:00 م 2008

والله ياايناس هى فعلا بقت مشكله اوقات كتير بنتعرض لمواقف بنكون فعلا ايه هو التصرف اللى ممكن نعمله بس عشان حاجات كتير بنسكت يمكن لان المجمتع رسخ فينا عادات كتير سيئة وكمان التربية والخوف والقلق من رد الفعل اللى ممكن نتعرض ليه
بس انتى عندك حق لازم مهما حصل يكون لينا موقف عشام ضميرنا يرتاح

  أ / أحمد عبد المنعم

الجمعة ديسمبر 12, 08:26:00 م 2008

بسم الله الرحمن الرحيم
كل عام وأنتم بخير وإلى الله أقرب
ولعلنا نكون قد تذكرنا فقراء مجتمعنا بالإحسان إليهم
بارك الله فى أقلامكم
أمــــى8

  عالم ماريونت

الجمعة ديسمبر 12, 08:45:00 م 2008

كل سنة وانتي طيبة يا انوس
انا كمان مش ممكن اسكت على حاجة لمجرد اني بنت
ربنا معاكي ويكرمك

  nudy

الجمعة ديسمبر 12, 09:13:00 م 2008

طبعا دي اسوأ حاجة في شعبنا للاسف وده بيظهر جدا في المواصلات لما شاب بيضايق اي بنت الناس بتعمل عبيطة او لما شاب يبقي مشغل الموبايل علي اخرصوت ومش مهم اي حد تاني ولا حد بيكلمة وحاجات كتير بس بيتهيالي ان لو كل واحد ابتدي بنفسه ح يبقي اكيد في امل وكمان لازم نعلم ولادنا الايجابية ونبعد عن الانامالية المتفشية دي

  غير معرف

الجمعة ديسمبر 12, 09:47:00 م 2008

السلام عليكم
والله حاجة تضايق فعلا
ربنا يعينا جميعا اننا نكون ايجابيين فى كل المواقف ويعيننا على مقاومة السلبية

دمتى بكل خير وشكرا ليكى والله على عرض الموضوع الرائع ده ومبروك على الشكل الجديد ويلا سلام

  غير معرف

الجمعة ديسمبر 12, 10:29:00 م 2008

السلام عليكم
معلش بس هو انتى حضرتك ضيفتى الشكل الجديد ده ازاى علشان انا على الموقع اهوه ومش راضى ينزل معايا
دمتى بكل خير وسلام

  شفـقــة و إحســــان

السبت ديسمبر 13, 01:08:00 ص 2008

انتى هايلة يا انوسة
انا معاكى فى كل اللى عملتيه لان المفروض ان لما الواحد يلاقى قدامه حاجة تحتاج التغير لازم يتدخل ولو باضعف الايمان
وللاسف يا ايناس ان الناس بقت بتتفرج ولا كانها شايفة حاجة وهى دى مصر يا عبلة
كل سنة وانتى طيبة

  mohra

السبت ديسمبر 13, 02:11:00 ص 2008

انا كمان بابقى هاتجنن لما اشوف الناس و هى بتعمل كده فى الحرامى
و لا كأننا فى غابه يا بنتى
جيتى على الجرح
كل سنه و انتى طيبه

  أكون أو لا أكون

السبت ديسمبر 13, 04:44:00 ص 2008

الصمت على الظلم يولد الضعف يوما بعد يوم...
وكلمة الحق تصنع رجالا... وتمنح الانسان الرضا عن النفس... ورضا الرب عن العبد وهذا هو الاهم...

الرجوله صفه نبيله... تمنح لمن يسعى لها... سواء كان ذكر او انثى...وهي شرف للاثنين...

وتسقط عن من يسهو عنها ... فيلحق من سقطت عنه هذه الصفه العار...!

لافرق بين المرأه والرجل امام الله... كلنا سنحاسب على ميزان واحد

  رفقة عمر

السبت ديسمبر 13, 02:20:00 م 2008

كل سنه وانت والاسره بالف خير
اسفه متاخره شويه سامحينى
بخصوص موضوع البوست احنا اساسا فى زمن الغربه والصح بقى غلط والغلط بقى صح والناس بقت محتاره
وقد اخبر الرسول الكريم بهذا وقال عليكم بالكتاب والسنه وسنه الخلفاء المهدين من بعدى عضوا عليها النواجذ
احنا نشوف الله ورسوله قالوا ايه ونعمل لارضاء الله ورسوله
وربنا يكرمك على ايجابياتك ويحفظك من كل سؤ

  موناليزا

السبت ديسمبر 13, 09:08:00 م 2008

اذيك ياجميلة وحشتينى حبيبتى ويارب تكونى بخير
انتى فعلا معاكى حق بقى فيه سلبية كتيرة اوى حوالينا واحنا بالمقابل ولاننا بنات بنستنكرها جوانا ونقول ذى ما اختك قالت ازاى البنت تتكلم والرجالة حواليها ساكتين!!!
كنت الاول بتكلم وبحاول اصلح وواضح مؤخرا ان جالى احباط لان اتكلمت ذى مااتكلمتش
بس كلامك جدد جوايا الايجابية

  Unknown

السبت ديسمبر 13, 09:46:00 م 2008

الله ينور عليكى بجد.........انا كمان قررت نفس القرار....كل سنة وانتى طيبة

  ميرا ( وومن )

السبت ديسمبر 13, 11:21:00 م 2008

أزيك يا إناس

علي فكرة القالب حلو قوي وبرافو عليكي والله
كويس اني جيت شوفته قبل ما اغير القالب بتاعي لأني كنت هانزل نفس القالب

نيجي بقي للبوست بصي يا إيناس كونك اصلا فكرتي في موقفك وراجعتي نفسك ده دليل علي انك مش سلبية حاولي علي قد ماتقدري وافتكري ان حقيقة انك بنت وانك عندك حياء هاتمنعك فعلا من حاجات كتير كمان افتكري فإن لم يستطع فبقلبة وهذا أضعف الإيمان

ربنا يوفقك يارب دايماً

  kochia

الأحد ديسمبر 14, 01:31:00 ص 2008

السلبية وحشة جدا
الناس في الاول تهاجمك وبعدين كلهم هيمشوا وراكي
الناس بتخاف من الجديد والمختلف

استمري
تحياتي

  رندا

الأحد ديسمبر 14, 04:03:00 ص 2008

هو لسة فى حد بيقول بنت وولد ازاى بس ولا دى من كسفتهم انك قلتى كلمة حق ,,لا مش تكونى سلبية طبعاً المشكلة ان الكترة هما الى بقوا مش عندهم شهامة زمان ولا اخلاق زمان

عندك حق ,, ربنا يبارك فيكى

تحياتى وودى

  Foxology

الأحد ديسمبر 14, 10:11:00 ص 2008

هى دى المشصيبة اللى فينا .. اننا بنسكت والكلام بيبقى مربوط على السنتنا وبالرغم من كدة بنربطه اكتر واكتر كأنه عار علينا لو خرج مننا !

تحياتى

  حنين..

الأحد ديسمبر 14, 12:44:00 م 2008

كل سنه وانتى طيبه يا قمورتى
والله انا من اكتر الحاجات اللى بكرهها فى حياتى
واللى زادت اوى الايام دى
ربنا يستر
المهم
اننا ما نبقاش سلبيبن ونجتهد فى ذللك
دمتى سااااااااااالمه
حنين
وجزاكم الله خيرا
انك سالتى عليا
بجد بشكرك اوىىىىىىىىىىىىىىىىى

  Unknown

الأحد ديسمبر 14, 04:27:00 م 2008

سلوى
ازيك انتى
انا فعلا حشرية جدا
ومش بعرف اسكت لو شفت شئ معجبنيش ؟!!
ومش عارفة اتغيير رغم ان دا بيعرضنى لمشاكل كتير
او مواقف محرجة فعلا علينا ان نبدا بأنفسنا ان كنا نسعى للتغير
تحياتى لك اختى الحبيبة

  Unknown

الأحد ديسمبر 14, 04:28:00 م 2008

ماما امولة
والله بحاول اعمل ما اؤؤمن به
لكن ربنا يستر هههههههه
شكرا لك مرورك

  Unknown

الأحد ديسمبر 14, 04:28:00 م 2008

جنى
وعليكم السلام ورجمة الله وبركاتة
شكرا لك
ممكن انا افتقر الى الموضوعية احيانا!!!
عندك حق فقد ورثنا الجبن والسلبية على مدار
فترات عديدة وللاسف اصبحوا جزء من الشخصية المصرية
تحياتى لك جنى وشاكرة لك تعليقك ومرورك

  Unknown

الأحد ديسمبر 14, 04:28:00 م 2008

رئيسة حزب الاحلام
البقاء والدوام لله
والله السلبية شئ سئ جدا وللاسف متأصل فى نفوس الكثيرين اما
من باب الخوف او انه يريح عقلة من مشاكل الاخرين حاجة سبحان الله
اضفت شئ من البرود والجمود على الناس
تحياتى وحبى

  Unknown

الأحد ديسمبر 14, 04:28:00 م 2008

احمد كــ
لو حلت الايجابية مكان السلبية لانصلح حال الامه ككل
وفى احتمال كبير اننا نستشعر ما شعره اجدادنا فى عصر عمر رضوان
الله عليه 000 اما ما جرى للص يا احمد اعتقد انه لو سرق ليأكل فقط لاختلف
الحكم الشريعى عليه معنى ذلك اننا لابد ان نعرف ظروفة وليس بالضرب والمهانة
تحل القضايا 0000بص يا احمد كل بلدنا حرامية فمنجيش على الضعيف
اقولك ان الله حليم ستار
تحياتى لك

  Unknown

الأحد ديسمبر 14, 04:29:00 م 2008

صباح الصباح
ازيك
وجزاكم :$
والله يا محمد انا بتكلم على السلبية فى كل مكان
فى بورسعيد وقنا والقاهرة انا بتكلم على السلبية فى الافراد
حاضر هجى واشوف
شاكرة لك مرورك

  Unknown

الأحد ديسمبر 14, 04:29:00 م 2008

نور شاهين
ازيك ياقمر
والله لو كل واحد بدء بنفسه الامور هتتغير كلها

  Unknown

الأحد ديسمبر 14, 04:29:00 م 2008

حدوتة
معك حق عارف اول مرة اشوف شعب كامل
واقف ضد الشرطة وكأنهما عدونا يسعى كل منهما
للنيل من الاخر .!! سبحان الله وتحولت الجمله
الشهيرة الشرطة فى خدمة الشعب
الى الشعب فى خدمة الشرطة
امشى جمب الحيط او جواها المهم انك تتفرج وبس على
اى حاجة دون التدخل

  Unknown

الأحد ديسمبر 14, 04:30:00 م 2008

ضياء
اللهم اغفر لى ما لا يعلمون
عارف يا ضياء الافتقار للحكمة وبعض القيم الريفية دى اثرت على
مجتماعنا سلبا فى حين ان القيم دى كانت بتعمل توازن بين القيم الغريبة
السقيمة وقيمنا الاسلامية الشرقية الجميلة
يعنى رجل زى اللى وصفتة يمكن رجل بسيط لكنه يملك حكمة واحترام وقيم
ذات طابع شديدة التأثير فى النفس خاصة انه ربط بين السيدة والام
فلا مجال للتحرش بالام

تحياتى لك

  Unknown

الأحد ديسمبر 14, 04:30:00 م 2008

شخابيط محجوب
وانت طيب يارب
ايوة احنا ماشين بأسلوب طول ما الشئ بعيد عنى وانا فى الامان خلاص
وان جالك الطوفان حط ابنك تحت رجليك شعارات سلبية وانتهازية لاقصى حد
بس عارف دى لازم عشان تتغير لازم ايمان داخلى بالشئ دا وتطبيق له
وبما اننا شعب مقلد فصدقنى يبقى فى امل

  Unknown

الأحد ديسمبر 14, 04:30:00 م 2008

محاسن صابر
ازيك
بالنسبة للناس اللى بيتهم تضرر والله فى اقتراح
هنحاول انا وداليا ودعاء ونسمة نعمله وان شاء الله
نساعدهم يارب
اما بالنسبة للحرامى ففى شاب انقذة واقتادهم على الشرطة
بس عارفة فى ظاهرة محتاجة لحل السرقة والتسول !!
تحياتى لك وجزاك الله خيرا

  Unknown

الأحد ديسمبر 14, 04:31:00 م 2008

المحارب المتيم
احنا تطبعنا بشئ غلط
وبنعترف بأنة غلط يبقى علينا اصلاحة
صحيح الموضوع صعب شوية بس المحاولة اكيد تحسب لنا

تحياتى لك عرفة

  Unknown

الأحد ديسمبر 14, 04:31:00 م 2008

مولان
صح لسانك الساكت عن الحق
شيطان اخرص لانه يشجع على الباطل

  Unknown

الأحد ديسمبر 14, 04:31:00 م 2008

حسن حنفى
بتتكلم جد؟؟؟
لاحول ولا قوة الا بالله
ونعم التدريس والمدارس والله

  Unknown

الأحد ديسمبر 14, 04:31:00 م 2008

رحيل
للاسف اساسيات اخلاقنا تغيرت
واصبحت السلبية والنفاق والكذب اركان فيها
بس ان شاء الله تتغير خاصة واننا بنفقد مميزاتنا
الرئيسية كالجدعنة والشهامة والروح المصرية

  Unknown

الأحد ديسمبر 14, 04:32:00 م 2008

احمد عبد المنعم
شكرا لك
وكل عام وانت بخير

  Unknown

الأحد ديسمبر 14, 04:32:00 م 2008

يوميات نائمة فى الارياف
كل سنة وانتى طيبة
وجميل انك مش سلبية

  Unknown

الأحد ديسمبر 14, 04:32:00 م 2008

nudy

بص موضوع التحرش دا
ببساطة اللى يرضى دا على اهله
يسكت لو شافة مع اخرى

اما الموبايل فالمفروض احترام حرية الاخرين
اسمع ما تحب لكن لا تجبر الاخرين على الاستماع معك ؟!!

  Unknown

الأحد ديسمبر 14, 04:32:00 م 2008

جمعاوى صاحب عيادة اسنان

وعليكم السلام ورحمة الله وبركاتة
شكرا لك واللهم امين ربنا يقدرنا ونحاول نغير من انفسنا الاول


اما عن الاستايل فلازم الاول جهازك يكون به برنامج adobe reader
نزلة الاول عشان تقدر تقرأ كل الصيغ الخاصة بالتمبليت

واى خدمة انا موجودة ان شاء الله

  Unknown

الأحد ديسمبر 14, 04:33:00 م 2008

شفقة واحسان
اهلا بكما هههههههه
والله احنا اهو بنحاول نغير ونتغير وربنا يستر علينا

منورين

  Unknown

الأحد ديسمبر 14, 04:33:00 م 2008

مهرا
اه عارفة لو اننا بنحاسب الكل بنفس المكيال يمكن ما كان يبقى فى مشكلة
لكن احنا عندنا لكل شخص مكياله على حسب ما يناسبه ويناسبنا
ولا حول ولا قوة الا بالله

  Unknown

الأحد ديسمبر 14, 04:33:00 م 2008

اكون او لا اكون

صح لسانك والله
الصمت
الضعف
السلبلية
الجبن
كلها تصنع وهن فى جسد الفرد


جزاكى الله خيرا على التعليق الجميل

  Unknown

الأحد ديسمبر 14, 04:34:00 م 2008

رفقة عمر
وانتى طيبة وبالف خير يارب العالمين
علينا بالعمل بما امر بالله الله ورسوله صلى الله عليه وسلم
ولم يأمرنا ابدا بالسكوت على المنكر

تحياتى لك

  Unknown

الأحد ديسمبر 14, 04:34:00 م 2008

موناليزا
بصى احنا فى مجتمع كل حاجة فيه اصبحت مقلوبة
بس بالنسبة لانى اسكت لانى بنت دا مرفوض رغم انى
بتعرض للاحراج او الكلمات اللى مش اد كدة لكنى سأسال
عن ردة فعلى وصمتى ؟ فلابد ان اكون ايجابية
بارك الله فيك ياموناليزا ووهبك من فضلة ما يرضيكى

  Unknown

الأحد ديسمبر 14, 04:34:00 م 2008

انجى
كل سنة وانتى طيبة
طيب على بركة الله

  Unknown

الأحد ديسمبر 14, 04:34:00 م 2008

وومن
ميرسى على مساعدتك لى فى القالب
وشكرا لك ذوقك الاحلى اكيد
بس المرة دى اشتركنا فى الاذواق هههههه


عارفة ميرا المشكلة انى حاسة نفسى قوية واضعف الايمان دا
ممكن يجى يعنى لو عشت ل70 سنة ولا حاجة ومش قادرة اتكلم
لكن غير كدة اضعف الايمان بيصبنى بتأنيب ضمير
كمان ميرا الحياء لا يمنع الايجابية

  Unknown

الأحد ديسمبر 14, 04:34:00 م 2008

كوشيا
على رأيك الناس على طول اما مع او ضد
لكننا شعب مقلد انما اية ؟

  Unknown

الأحد ديسمبر 14, 04:35:00 م 2008

رندا
مهم دى حجة البليد
اى حجة تمنع الرد او التحرك من مكانك لمساعدة مظلوم
او كلمة حق
ويبارك فيكى يا رندا

  Unknown

الأحد ديسمبر 14, 04:35:00 م 2008

Foxology

والله لو وضعت نفسك مكان الاخر
لن تصمت ابدا

  Unknown

الأحد ديسمبر 14, 04:35:00 م 2008

حنين
ازيك عودا حميدا ياقمر
بصى علينا المحاولة والله المستعان
علينا ان لا نكون سلبيبن ابدا

  koukawy

الاثنين ديسمبر 15, 02:13:00 م 2008

هو ليكي حق بس فيه مواقف
الواحد بيخاف يبقي ايجابي لأني فعلا بنت و هتبهدل
بس انا الا حد ما مش سلبيه علي طول الخط لأ انا بتفاعل زياده

  أنفاس الصباح

الاثنين ديسمبر 15, 03:27:00 م 2008

لوكتير فكروا بنفس طريقتك دى

واخدوا نفس قرارك ده

كنا اتغيرنا من زمان

ومكناش بقينا فى الحال المؤسف ده

جزاك الله خيرا يا ايناس

أكثر الله من أمثالك

ومش علشان انت بنت تكونى سلبية

والايجابية التغير حتى عن طريق من نرى انه اقوى واجدى واكثر تأثير

يعنى الموقف الاول لو هتتعرضى لايذاء
يبقى كلمى حد يتدخل يكون اقوى جسديا واعلى صوت مثلا

وكده هتكونى ايجابية مش سلبيه
تحياتى

  مهرة سالم

الخميس ديسمبر 18, 12:24:00 ص 2008

السلام عليكم...
أختي إن السلبيه ليست حكرا على بنت أو ولد..
هي حكر على ضعاف النفوس..
.......
بالطبع هنالك أسباب عديده أدت لتفرقه بين كلام البنت وموقفها بالحق بأن يكون تعدي على أنوثتها خصوصا بالمواقف المهمه والمصيريه وبين التهاون مع عدم كلام الشاب وموقفه السلبي بمواقف مصيريه..
........
الكل لديه سلبيه غرست بداخله..
وبالأخص البنات..
....
ولاكني أرى الآن بأن المجتمع بدأ بالتغير وترك العادات المغلوطه..
والسير على الشريعه ..
......
لا تلومي نفسك..
ولاكن إبدأي كما قلتي ..
ولا تعودي لسلبيه بالحق..
......
دمتي بخير