بحث هذه المدونة الإلكترونية

4 بنات وتليفون

تحديث
شوفوا داليا هو دا عيبه كتبت اية
و كما عمو ابو همس

صورنا




الحمد لله الذى بفضله تتم الصالحات

بصراحة انا متلخبطة جدا
مش عارفة احكى بس هحاول احكى التفاصيل كما
عشتها عشان اطمن الناس
ابتدى اليوم وصلت الملجأ الساعه 10.10ص
كانت ماما امولة وصلت قبلى منتظرنا
وبعدين جت داليا ودعاء
وبعدين حضر الصباغ ومعه مدونتين من القاهرة
وفى التاكسى الاخر
خالد همس الاحباب
ابن حجر العسقلانى
انا طبعا عارفة ان خالد شايل الدنيا
لكن أكتشفت ان عسقول شايل كمان شنطة سفركبيرة قلنا جايز هيبات
خاصة ان خالد سملنى الفلوس واللعب والادوات المدرسية والمكواه
ودخلنا الملجأ واول حاجة عملها عسقول نط فى الحوش وقال انا هلعب كورة
مع الاولاد وفعلا لقيت ماشاء الله الشباب اختفوا خالد وعسقول والصباغ
خالد وعسقول بيلعبوا والصباغ نازل تصوير ولعب ومحاولة فاشلة بأنه يتمرجح فى الوقت دا حضرت
(رحيل) صاحبة مدونة محاولة البحث عنى من المنصورة اللى قعدت تلعب وتجرى ورا الاطفال فى براءة غريبة
وبعدين رحنا نصلى فى مسجد صالح سليم وانا وداليا قعدنا نفرز التبرعات ونسمة ودعاء راحوا اشتروا نواقص
من فلوس المتبرعين وكانت عبارة عن بعض اللعب للاطفال وفى اثناء دا
حضر احسان بيه وشفقة هانم ومعاهم اورج ولعب الاطفال بيه وعملوا دوشة كتيررررر
بس بصراحة كانوا مبسوطين

فى اثناء اللعب مسك عبد الرحمن اللى نشرت صورتة فى البوست اللى فات


منشار وابتدى يلعب بيه ويحركة فى كل مكان واحنا كلنا حاولنا اننا نفهمة ان دا غلط
لكن لا حياة لمن تنادى 00000كمان كان المكان عبارة عن مكان مخرب وغير نظيف
واللى لاحظتة انا وداليا ان ممكن بسهولة اى حد يدخل يقول اقعد مع الاطفال ويعيش حياتة
مش هنقول لا قدر الله ممكن يغتصب بنت من الملجأ لكن يكفية شرف التحرش ؟!!!!
وفى اثناء عزف احسان للاطفال جت مديرة الدار وامرت المشرفة والاطفال بتنظيف وتنظيم


غرفة الطعام اللى احنا قعدين فها وتحولت بقدرة قادر لمكان نستطيع الجلوس فيه
لما انتهت الصلاة جم ماما امولة ورحيل والصباغ وعسقول وخالد
وابو خالد هو واسرتة لانه كلمنى الصبح عرف مكان الصلاة وقال انه هيجى
وفعلا نورنا هو والحاجة والاولاد
حاولت بأصرار انى انظم الاطفال او اننا نسألهم او حتى نسكتهم عشان نعرف نعمل مسابقة
ثقافية او اى حاجة لكن طبعا كانت النتيجة فشلى وضحك داليا والصباغ على
فى اثناء دا حضرت اسرة بورسعيدية صديقة لادعاء ام وبناتها جابو
حلوى وبسكويت واداوت نظافة للاطفال
طبعا عسقول قالى ان الشنطة وظرف فيه مبلغ
مرسل من بت خيخة واى كلام للاطفال !!
بصراحة انا اندهشت جدا خيخة بالذات انا فعلا مليش اتصال بيها
الا على المدونات وحتى لم اكن اعرف انها تعلم باللقاء ولا اتصلت بيا ولا وعدتنى وعود وردية
ولا حاجة 000000 سلمنا التبرعات النقدية والعينة للدار
ووزعنا الحلوى واللعب وتوك على الاطفال وقعدنا معاهم شوية

ملحوظة
فى اطفال فيهم حنان غريب كان فى بنوتة اسمها نورهان
كل ما تتدها لعبة ترجعها تانى وعايزة بس تلعب مع حد وحتى الحلوى تديك منها وتصر على انك تاخدها
وتشاركها فيها 00 طبعا بخلاف الشقاوة الرهيبة فى كمان اطفال عندهم اكتئاب اه والله مش راضين يتكلموا
انا جيت اتكلم مع بنوتة تقريبا 14 سنة كانت زعلانة جدا وكأنها بتقول انتى جاية تتفرجى علينا فزينب ( العروسة)
اللى عندها 21سكتتها واعتذرت لى وقالت معليش اصلها زعلانه 0000 بصراحة انا اللى اعتذرت وانسحبت
لانى حسيت اد اية احنا مقصرين فى حق البنات والاولاد دول
وفى اولاد صغار فى السن كانوا
فى حالة هدوء غريب وحزن شديد مش عايزين يأخدوا حاجة ولا يتكلموا
ولا يلعبوا اللهم الا انهم رافضينا

مشينا من الملجأ فى الاتجاه لبورفؤاد ( ابو خالد وزوجتة وابنه خالد * شفقة واحسان *خالد همس الاحباب*عسقول * الصباغ*ماما امولة *رحيل )
واحنا فى راحين لقيت مدون بيتصل بى وقالى معرفتيش الملجا فين انتم فين فحددت له المكان وجى فعرفته على المجموعه سلم وقالى انا اسف بس معرفتيش اوصل وساب لى شنطة فيها تبرعه واستذن ؟!


المدون دا كان ابو العربى بصراحة جزاه الله خيراا
ركبنا المعدية وكان نفسى جدا خالد او عسقول او حتى الصباغ
يدفعوا حق الركوب لكن محمد احسان بيه عرفهم انى بشتغلهم
فى المعدية انضم لنا 3 مدونين بورسعيدية محمد الكتاتنى وكريم ومحمد
وبعدها حضروا اصدقاء الصباغ المدونتين ومعهم مدون اخر بورسعيدى
اسمه جاسر
قعدنا فى النادى اتغدينا واتكلمنا وفى واحد الظاهر السمك بيأثر عليه سلبا
وضحكنا بجد من القلب كتيررر وبعدين مشينا على الممشا و ديليسيبس
واكلنا ايس كريم والدنيا بجد كانت برد ودخلنا فودافون وكانت فى طلقات نارية فى الشارع
طبعا دا مش صدفة لالالا دى كانت بتوصية مننا ترحيبا بالضيوف << محديش يصدق دى
وركبنا وروحنا ويارب يكون اليوم كويس للاطفال والمدونين اللى جم من القاهرة والمنصورة



المتبرعين


فاتيما * قلب مصرى * داليا قوس قزح * سكر *بت خيخة واى كلام *ابو العربى

دول غير اللى حضروا طبعا

التبرعات اللى خدنا بها ايصالات
50 كراسة رسم ك * 29 علبة الوان خشب *25علبة الوان فلومستر *20 كراسة رسم ص *10 كشكول
*2الوان شمع
12 براية *30 استيكة *24 قلم رصاص *****4 شامبو *10 قطع صابون ديتول *4 قطع كامي*زجاجة ديتول

1 كرتونةصابون 24 قطعه *18 كيس اريال *جركل صابون 10 لتر * باكت كادليز 52 قطعه *دسته مناديل
12علبة استخدامات طبية *7علبة انيتال *5 لايسيد *2 برامول *2لاكسيل شراب *5 دياكس مطهر معوى *سافلون

12مكركروم *35 قطعه بلاستر *2 علبة بلاستر *20 بكرة شاش *3 اكياس قطن 250 جم الواحد * اورج كهربائى
مكواه * مبلغ نقدى مفرش للعروسة بس دا لم يسجل بمحضر
اسفة على الاطالة لكن جنة وفاتيما وايمن بدر وسكر وقوس قزح

الكل عايز يعرف التفاصيل
شكرا لكم بجد شكرا لقوس قزح على التعاون والنصيحة والمشاركة
شكرا لجنة اللى كانت بتحاول تشارك بأى شئ وتتابع من السعودية
شكرا لخالد وعسقول على الشيلة شكرا للى مش قدر يجى بس دعا لنا

والصباغ ورحيل وشفقة واحسان اللى جايين من بلد تانية


البوست اسمه 4 بنات وتليفون

لان هم دول اللى جهزوا اللقاء والتزموا
داليا ودعاء ونسمة
وتلفون على مدار اليوم مع الناس
قوس قزح وخالد وعسقول والصباغ

وحتى مع الناس عشان ادعوهم
سمعت وعود كتير لكن اسوئهم اعتقد انهم عارفين نفسهم والحمد لله
مش احتجنا حد ولا كنا منتظرين شئ غير اننا نعمل خير ونقعد نفكر بصوت مسموع

شكرا لكل اللى اعتذروا لاننا كنا بس عايزين نعرف مين جاى عشان ننسق
وان شاء الله تتكرر اللقاءات
ويارب يكون اليوم بجد حلو
دى صورة مؤقتة لحد ما نشوف صور الصباغ

91 التعليقات:

  قوس قزح

السبت نوفمبر 15, 11:28:00 ص 2008

ما شاء الله
متتخيلش فرحانة بكم اد ايه
ربنا يجزيكم خير
كان نفسى بجد اكون معاكم
بس خالد بقى كتر خير هو و الصباغ و عسقول كانوا مندوبين عنا

ان شاء الله يتكرر اللقاء تانى
و كفاية انك عرفتى الناس طريق الملجا
و هتلاقى ناس تروح تانى لوحدها
او تقول لحد عليه


فرحانة اكتر ان بابا ابو خالد شارك معاكم
هو ده فعلا ابو خالد
عمره ما يتاخر عن الخير


مبروك نجاح اليوم
و عقبال ايام خير كتير تانية تسعدكم كده

  صباح الصباح

السبت نوفمبر 15, 12:30:00 م 2008

ما شاء اللة

انا سعيد بيكوا جدا جدا جدا وارجو قبول اعتذارى المتواضع انى ما قدرتش احضر معاكو اليوم الجميل دة

بارك اللة ايامك يا اختى العزيزة

  أمل حمدي

السبت نوفمبر 15, 01:07:00 م 2008

فعلا يا نهر كان يوم جميل جدا

بروحكم الحلوة ربنا يجعله في ميزان حسناتكم

وكان ليه الشرف بالتعرف على ناس قلوبهم بيضاء

اول مرة اجتمع مع مدونين الصراحة كنت هايبة اللقاء لكن بحبكم ان شاء الله هاتتكرر لقاءتنا في الخير دايما يارب

كان ليه الشرف التعرف على ابو خالد وعائلته ربنا يصلح حالهم

وكمان شفقة هانم حبيبة قلبي واحسان بك
بجد بحبهم في الله

واولادي العسقلاني وخالد والصباغ
ربنا يبارك فيهم يارب

والبنوتة العسولة سارة اللي تحملت السفر بمفردها لتشارك معنا
ربنا يجعله في ميزان حسناتها
بحبك في الله يا سارة

وكمان كان في مدونين من بورسعيد
ربنا يبارك فيهم

والبنوتات الحلوين جزاهم الله كل الخير
داليا ودعاء وايناس ونسمة
المنظمات للقاء
بارك الله فيكم واثابكم ونفع بكم اللهم امين

من الاخر اللي مشرفناش فاته الروح الحلوة والقعدة الحلوة
وكل يوم حلو وانتم طيبين

  Unknown

السبت نوفمبر 15, 01:31:00 م 2008

قوس قزح
جزاكى الله خيرا
انتى لم تقصرى معنا ابدا ولا بنصيحة
ولا بتبرع ولا بشئ ابدا
ربنا يكرمك يارب وان شاء الله نتقابل قريبا جدا

  Unknown

السبت نوفمبر 15, 01:31:00 م 2008

صباح الصباح
ولا يهمك انت كنت معنا بنيتك الحسنة
ربنا يكرمك يارب
ان شاء الله نتجمع دايما فى الخير

  Unknown

السبت نوفمبر 15, 01:34:00 م 2008

ماما امولة
بجد انتى مكسب كبير جداا
لنا وشاكرين لك حضورك ومساهمتك معنا وتبرعك للاطفال وقضاء اليوم معنا بجد
انا فخورة بك جدا
ربنا يديم الود ودايما نتجمع فى الخير
وان شاء الله مش تبقى المرة الاخيرة اللى
نتجمع فيها ولا نحاول نعمل شئ يرضى ربنا عزوجل
جزاكى الله خيرا
وتقبل الله منا ومنكم صالح الاعمال

  فاتيما

السبت نوفمبر 15, 01:48:00 م 2008

الله عليكم يا إنس
كان نفسى آجى و الله لولا الظروف بس
ليه كتبتى الأسامى يا إيناس كدا يا ست خسرتينا الثواب !!!
طيييييييب
بس البركة ف خالد همس الاحباب و ربنا يخليه لينا ...
مبسوطة قوى أن أبو خالد جه هوه و عائلته
يعنى خلاص إتفك الحصار اللى كان عامله ؟؟
تفاصيل اللقاء ندمتنى إنى مش معاكوا
كنت عاوزة آجى و الله
المرة الجاية أعمل حسابى بقى
بس خلوا فيه تنسيق زى ما خيخة إقترحت
يعنى مشوار كل شهر عشان الميزانية و التوقيت و السفر و كدا ....
تسلم إيديكو و رجيلكو يا غيناس
و ربنا يقدرك على تجميع الناس دايما ف الخير يا حبيبتى
سلامى لنسمة الرقيقة
و بوسيلى روحك

  ba7re

السبت نوفمبر 15, 01:53:00 م 2008

السلام عليكم
بسم الله ماشاء الله
ربنا يكرمكم و يجعله فى ميزان حسناتكم
فى الحقيقة ... اعتدت زيارة هذه الدار بشكل دائم
و خاصة صباح اول ايام العيد
و طبعا كنت اتمنى اكون فى مصر علشان اشارك معاكم
المهم جزاكم الله خير
و اتمنى لكم دوام التوفيق و مزيد من الافكار و اتمنى ان تكون ابداعية فى المرحلة القادمة
محدش شاف طفلة صغنونة هناك بيضاء و كلبوظة و عندها بتاع سنين كده اسمها مريم ؟؟؟؟؟؟؟

جودة ( بحرى من الرياض )

  Unknown

السبت نوفمبر 15, 02:06:00 م 2008

فاتيما القمر
ازيك يا ام يوسف
مين قال انك خسرتى الثواب
ابدا ؟؟ ان شاء الله محديش يعرف اية ولا فين غيرنا طبعا هههههه
ربنا يكرمك وتكونى معنا دايما
بجد اليوم كان حلو اوى
شفتى عبد الرحمن والله سلمت لك عليه
بس شفتى المنشار؟؟؟

ربنا يجمعنا دايما فى الخير يارب

  Unknown

السبت نوفمبر 15, 02:08:00 م 2008

بحرى
ازيك يارب تكون بخير
اه شفتها ماشاء الله عليها واديتها عروسة كمان :)
جزاك الله خيرا يا اخى وربنا يقدرك على الخير دايما وان شاء الله لما ترجع
نتجمع ونروح الملجأ سوا
احنا ان شاء الله هنروح بكرة
كمان لو عايز توصينى على شئ قولى :)
هروح انا ودعاء بأذن الله تعالى


جزاك الله خيرا
ويكفيك النية بأذن الله

  mahasen saber

السبت نوفمبر 15, 02:09:00 م 2008

ياه يا ايناس ربنا يكرمكوا
انا حسيت بالبنتاليى كانت رافضه تتكلم
وكان نفسى اشوف نورهان قوى
بس اعتقد انا قلتلك انه صعب عندى الظروف كانت صعبه وملخبطه
بس ربنا يتقبلمنكوا ويحنن قلب المشرفين فى الدار على الاطفال دول
اللهم امين

  Unknown

السبت نوفمبر 15, 02:16:00 م 2008

محاسن صابر
والله كأنك معنا
ولا يهمك وتتعوض ان شاء الله
ربنا يكرمك يارب
وربنا يوفقك ويبعد عنك الشر وتكون امورك كويسة
جزاك الله خيرا
اختى الحبيبة فى الله

  همس الاحباب

السبت نوفمبر 15, 02:29:00 م 2008

كان يوم جميل ورائع جدا
وربنا يجازيكم خيرا
انا تعليقى اتلاقيه فى بوست
مش ينفع تعليق بصراحة
اليوم يستاهل بوستات
ربنا يكرمكم بجد

  Empress appy

السبت نوفمبر 15, 02:51:00 م 2008

والله فرحانه لكم يا ايناس
وانتى طبعا عارفه الاعذار بتاعتى بس مش هسيبكم بعد كده ان شاء الله
على فكره يا ريت انتم تهتموا وانتم فى وقت فراغ بالدار دى لو تقدروا وتعيدوا تربيه الاطفال او تساعدوهم
طالما اللى فيها اهملوها كده

  ahmed_k

السبت نوفمبر 15, 03:30:00 م 2008

ما شاء الله عليكم
ربنا يجعله في ميزان حسناتكم جميعا,
فعلا كان يوم نفسنا كلنا نشارك فيه
بس قدر الله وما شاء فعل

ياريت تتكرر دايما التجمعات دي
ولو كانت المره دي العدد قليل
فبالتأكيد في كل مره حيكون هناك إزدياد في العدد لأن أول مره دايما بتكون الأصعب

ربنا يوفقكم دوما

تقبلي خالص تحياتي

  ابن حـجـر الـعـسـقـلانـى

السبت نوفمبر 15, 03:36:00 م 2008

بصراحة اليوم كان جميل جدا و كان مترتب ترتيب حلو جدا و دقيق

و بجد ربنا يبارك فيكم يا بنات بورسعيد ... كنتم بألف راجل و الله

و مفاجأة اليوم كانت وجود أبو خالد بينا هو و أسرته .. كانت حاجة جميلة جدا

بس كدة نسيتونى أدفع لكم أجرة المعدية .. خلاص .. لما تيجوا عندنا هابقى أعزمكم بتمن المعدية على كوبايات مية ساقعة

  Unknown

السبت نوفمبر 15, 03:48:00 م 2008

همس الاحباب
ازيك يا ابو همس يا عمنا الجميل
ربنا يكرمك بجد على تعبك معنا
ربنا يجزيك خير يارب
والحمد لله انكم كنتم معنا
بجد وجودكم هو اللى شرفنا

  Unknown

السبت نوفمبر 15, 03:50:00 م 2008

ابى هانم
ازيك ياقمرة
والله كنا حالا انا ودعاء ربع ضارب بنقول الكلام دا اننا هنروح الدار ان شاء الله كل فترة نقعد مع الاولاد
او نعمل تطوعا هناك ان شاء الله

ربنا يوفقك ويبارك فيكى وانا عارفة
انك مش اعتذرتى الا لسبب قوى
لانك بنت جدعه ربنا يكرمك يا ابى
والف مبروك لنسمة وعقبالك

  Unknown

السبت نوفمبر 15, 03:51:00 م 2008

احمد كـ
ازيك وجزاك الله خير
ان شاء الله المرة الجاية تكون معنا
وربنا يتقبل صالح الاعمال
منا ومنكم
شكرا لك

  Unknown

السبت نوفمبر 15, 03:56:00 م 2008

ابن حجر العسقلانى
ازيك يا عسقول
ربنا يكرمك على تعبك وشيلتك والقلق اللى انا عملتة لك
جزاك الله خيرا بجد كان نفسنا اليوم يبقى احلى من كدة بس معليش تتعوض ان شاء الله
وميرسى جدا على الايس كريم
واليوم اللى كان حلو بيكم
ولعبكم مع الاطفال ورسمكم بسمة على وجوهم ربنا يقدرك دايما على الخير
وشكرا لخيخة على اللى عملته بجد جزاها الله واياك خيرا


انا منتظرة المية
شكرا يا عسقول

  رحــــيـل

السبت نوفمبر 15, 05:46:00 م 2008

ايناس اتنوا بنات زى العسل بجد
انتى ونسمه ودعاء وداليا

ربنا يكرمكوا يارب

كان يوم هايل انا راجعه مبسوطه جدا انى اتعرفت على الجروب اللى كان موجود

وعلى الجو الجميل اللى كان بينا

ان شاء الله نكررها تانى

خالص حبى ومودتى

  Unknown

السبت نوفمبر 15, 06:22:00 م 2008

رحيل
انتى اللى جميلة شكلا وموضوعا
ربنا يبارك فيكى يارب
وان شاء الله تتكرر اللقاءات دايما فى الخير
جزاكى الله خيرا يا قمر

  رئـــــيسـة حزب الأحلام

السبت نوفمبر 15, 07:16:00 م 2008

عايزين بقى لقاء فى القاهرة بجد
الكلام بجد حسيت انى معاكم
بجد جزاكم الله خيرا
تحياتى لكى

  Unknown

السبت نوفمبر 15, 07:27:00 م 2008

رئيسة حزب الاحلام
ازيك ياقمر
وجزاكى يارب وان شاء الله
تبقى معنا المرة الجاية

  romansy

السبت نوفمبر 15, 07:30:00 م 2008

دا كله حصل
بجد ربنا يخليكوا ويعينكوا
دا اجمل شئ اننا نسعد طفل

بس اجمل حاجه التفاصيل
لانها بتحسسنا اننا كنا معاكم بالظبط
المره اللى جايه فين

  موناليزا

السبت نوفمبر 15, 07:33:00 م 2008

ربنا يكرمكم ويبارك فيكم ويجعل هذا اليوم لكم يوم القيامة

  Unknown

السبت نوفمبر 15, 07:35:00 م 2008

رومنسى
اهلا بك
شكرا لك وجزاكم يارب
المرة الجاية بؤجة الخير ان شاء الله يوم 28 /11 يارب تكون هناك

  Unknown

السبت نوفمبر 15, 07:36:00 م 2008

موناليزا
ازيك يا اختى فى الاسلام
يارب تكونى بخير
يارب اللهم امين يار بالعالمين

  Mahdi Mahdi

السبت نوفمبر 15, 08:06:00 م 2008

اناجديد ومن يؤمن بهدفى فليساعدنى على الانتشاربين الاصدقاء فى المدونات

وكل ما ارجوه الدخول الى مدونتى وقراءة كل حرف بامعان وان نكون جادين فجماعات الافساد متكتلة ومدعومة وشبابنا غارق فى الغزل والمجاملات السخيفة ارجو التريث وعدم الغضب

  غير معرف

السبت نوفمبر 15, 08:14:00 م 2008

نهر الحب

فاتنى الكثير والكثير

أسأل الله أن يرزقكم أعمالكم

وييسر لنا

تحياتى

  kochia

السبت نوفمبر 15, 08:28:00 م 2008

جزاكم الله خيرا

  Unknown

السبت نوفمبر 15, 09:28:00 م 2008

Mahdi Mahdi
حاضر نشوف ولاربنا يهدينا
واياكم

  Unknown

السبت نوفمبر 15, 09:30:00 م 2008

عرفة
اللهم امين
وربنا يشفى والدك
ويقدرك على البر به وبوالدتك
وايانا والمسلمين

تحياتى لك

  Unknown

السبت نوفمبر 15, 09:30:00 م 2008

كوشيا
وجزاكم يارب

  salwa

السبت نوفمبر 15, 09:35:00 م 2008

السلام عليكم نهر الحب
الف شكر لكي على سرد التفاصيل
فعلا شعرنا اننا معكم
جعلها الله في ميزان حسناتكم
و اكثر من امثالكم
سلام

  (احمد سكر )

السبت نوفمبر 15, 10:14:00 م 2008

ماشاء الله

ربنا يحفظكم ويبارك فيكم

فرحت اوى لما كلمت ابو خالد

فرحت لما لقيته شارك معاكم

سعدت جدا بمكالمة اختى (ماما اموله )

وعذرا

انتى عارفا ظروفى

ربنا يتقبل يارب

سكر

  Gannah

السبت نوفمبر 15, 10:27:00 م 2008

ايناس
الف مبروووووووووك لنجاح اليوم
وبجد سعيدة بشكل صعب وصفه
وآسفة لانى فعلا لم انجح فى ان اشارك
جزاكم الله خيرا
سعيدة كمان لتواجد بابا ابو خالد واسرته وياريت تبلغوه سلامى
سعيدة بتعليق احمد سكر لانى فعلا حزينة لانه اغلق مدونته
سعيدة لانكم ادخلتم السرور على قلب هؤلاء الايتام
سعيدة بفرحتكم باليوم وبروخ الاخوة اللى حسيتها فى البوست
الله يكرمك على النقل الحى ده
بجد نفسى ان شاء الله فى يوم زيه واكون موجودة
سلامى لاحلى نسمة ولكل اللى شارك
تحياتى

  الـسـيـدة نـون

الأحد نوفمبر 16, 12:30:00 ص 2008

عاااااااااااااااااااااااا
عاااااااااااااااااااااااااااا
عااااااااااااااااااااااااااااااااا

لا بقى انتوا مستقصدنى


هو انا كل ما يكون عندى ظروف وماقدرش اجى تجمع خيرى تدوينى
يطلع اليوم جميل

قصدكم ايه يعنى بالكلام ده
قصدكم تقولوا ان اليوم بيكون جميل من غيرى

عاااااااااااااااااا
انا كنت عايزة اجى
بس لاسف انا ماينفعش اخرج برة القاهرة الكبرى واكتوبر اللعينة
عااااااااااااااااااا

جزاكم الله خيرا يا ايناس
انتىوكل اللى حضروا وشاركوا معاكى فى اليوم الجميل ده

ويارب دايما كدة كلنا بنساعد ونشجع بعض على العمل الخيرى الجماعى

تحياتى ليكى
وسعدت بسماع صوتك انتى واختك نسمة وبابا ابو خالد

ويارب اشوفكم قريب فى القاهرة

سلام
اختك خيخة

  Unknown

الأحد نوفمبر 16, 12:35:00 ص 2008

سلوى
ازيك يا حبى
والله انا بفرح جدا لما بشوفك عندى بحس بجد انك جميلة وكمان بحس ان قلبنا على قلب بعض ربنا يجزكى خير
ويبارك فيك ويبارك لك فى والدتك

  Unknown

الأحد نوفمبر 16, 12:38:00 ص 2008

سكريار
ربنا يبارك فيك يارب
ودايما ساعى ومشارك فى الخير
ربنا يتقبل منك ويقدرك على فعل الخير

جزاك وجزاك وجزاك الله خيرا
وربنا يوفقك يارب

  Unknown

الأحد نوفمبر 16, 12:42:00 ص 2008

جنة يا جنة يا احلى جنة
ازيك يا جنة يا اختى
وصديقتى الجميلة
وحشتنى بجد
وبجد بفضل الله ودورك لا يمكن كنت تعرفت على المدونين ولا حضرت معهم لقاءات
فجزاكى الله خيرا
ثانيا يابنتى انتى كنت معنا والله
بقلبك وكلامنا عليكى اوعى تكونى شرئتى
واكيد لما ترجعى بالسلامة هدوخك
لف وسفر ولقاءات ووو بس نقول ان شاء الله تجى بالسلامة وتعملى اللى عيزاه
اشكرى لى منى على اتصالها
وبجد بجد جزاكى الله خيرا
عارفة انتى بتشجعينى اوى ودايما
حتى من غير ما تتكلمى
بحس بيكى والله
ربنا يبارك فيكى
وحشتنى وهعيط والله
بس خلاص

  Unknown

الأحد نوفمبر 16, 12:48:00 ص 2008

بت خيخة واى كلام
ولا طلعتى خيخة ولا اى كلام
يا أم شريف
بجد انتى طلعتى راجل انتى كمان ههههه
يعنى والله انا لم اتخيل اصلا انك عارفة عن الموضوع ولا انك ممكن تشاركى !!!
وسبحان الله انا اندهشت من شنطة عسقول اللى حاضنها قلت هو ناوي يقعد كام يوم ولا اية وحتى كمية الحاجات
وانواعها كأنك كنتى معنا وبالضبط
جبتى المطلوب
مش عارفة اقولك غير بارك الله لك وفيكى
وربنا يكرمك يارب ويجزيكى خير
وطبعا هتزهقى منى ان شاء الله
بس انسينى فى موضوع التبرع بالدم
انا قلت لعسقول ولقوس قزح الاسباب
اما غير كدة فربنا يسهل ان شاء الله

خيخة بجد
انتى ادهشتينى واسعديتنى جداا
والاهم انك فعلا اسعدتى الاطفال
وياريتك كنت معنا وشفتى حجم ومدى احتياجهم
فربنا يكرمك يارب

  مهرة سالم

الأحد نوفمبر 16, 12:56:00 ص 2008

جزاكم الله خيرا..

  مصــــري

الأحد نوفمبر 16, 01:04:00 ص 2008

نهر الحب

أكيد كان يوم رائع
وكان نفسي احضر بس هاعمل ايه بس.

ربنا يوفقكوا دايما علي فعل الخير
ويوفقني واقد اظبط معاكوا مرة في ميعاد.

أسامة

  Unknown

الأحد نوفمبر 16, 01:54:00 ص 2008

M k
وجزاكم

  Unknown

الأحد نوفمبر 16, 01:57:00 ص 2008

اسامة
ازيك
يارب تكون بخير
والله ولا يهمك احنا مقدرين بس اللى زعلنى ان فى ناس لم تعتذر وكانوا مأكدين على الحضور
جزاك الله خيرا
ونتجمع يارب فى الخير

  مصــــري

الأحد نوفمبر 16, 03:15:00 ص 2008

نهر الحب

بصي ياستي
ماتتوقعيش ان كل من يكتب كلام مثالي من وراء الشاشات قادر ان يحقق ده في الواقع.

كل مجتمع في الجيد والردئ.

انا واثق انتوا مش كنتوا محتاجين لحد.

لأن ده عمل خير.

ربنا يجازيكوا كل خير
وما تشيليش هم احنا جنبك دايما وهنساعد باذن الله.

أسامة

  z!zOoOo

الأحد نوفمبر 16, 05:24:00 ص 2008

السلام عليكم

أزيك يا نهر يارب تكوني بخير

أنا مبسوط إنك افتكرتيني

بجد برافو انا نفسي اعمل حاجه زي كده بس كل مره بتفشل

يارب دايما يقدركم علي فعل الخير

وبشكر كل فرد ساهم ولو بالزياره بس

ويارب نفضل دايما علي بالك يا نهر

دمتم جميعا بكل ود

وفي رعايه الله

  الربان

الأحد نوفمبر 16, 09:11:00 ص 2008

تحياتي

الحمد لله الذي وفقكم الي هذا العمل الخير الجميل...و ان شاء الله يكون مجهودكم في ميزان حسناتكم....و دائما بالتوفيق.

تحياتي و تقديري

  اوعى تفكر

الأحد نوفمبر 16, 09:25:00 ص 2008

جزاكم الله خيرا
وربنا يثبتك على فعل الخيرات

  Unknown

الأحد نوفمبر 16, 02:52:00 م 2008

مصرى
ازيك يا اسامة
بص انا اللى بجد زعلنى عدم الاهتمام
بأن الواحد بيقى عامل حسابة فلان جاى يبقى بيحط فى باله ادوار للناس دى
وان دا هيجيب كذا او هيهتم بكذا
وكمان عشان نعرف ننسيق الادوار
لكن لا تجى ولا تعبر البشر وتقول
مش قادر اجى اتصرفوا ؟؟
يعنى نعرف بس مين جاى ومين لا

  Unknown

الأحد نوفمبر 16, 02:55:00 م 2008

z!zOoOo
انا بعتذر على التقصير
فى حق الكثيرين والله انا وحشة انا عارفة بس اكيد انتم قلبكم كبير وهتسمحونى فى تقصير
ان شاء الله هدخل بأستمرار
جزاك الله خيرا

  Unknown

الأحد نوفمبر 16, 02:59:00 م 2008

الربان
والله كل دا بفضل وكرم الله
مش بمجرد مجهودنا
لا دا كرم الله عزوجل

  Unknown

الأحد نوفمبر 16, 03:01:00 م 2008

اوعى تفكر
وجزاكم الله خيرا
شكرا لمرورك

  dalia

الأحد نوفمبر 16, 08:20:00 م 2008

ايه الشغل الجامد ده ربنا يوفقكم يا خسارة فاتت منى الفرصه ديه

  Unknown

الأحد نوفمبر 16, 09:54:00 م 2008

dalia
ان شاء الله ما يفوتك شئ اخر

  تايه في وسط البلد

الأحد نوفمبر 16, 11:50:00 م 2008

بصي يا ايناس انا مهما قلت مش هاعرف اعبر عن سعادتي باللي حصل ده
ممكن اكون شكيت في لحظة ان العدد اللي هيقدر ييجي ينجح الزيارة لكن املي في ربنا كان كبير وهو جل شأنه عند ظن عبده به

انت كده صح يا ايناس..ولو سمحت لا تنقطعي عن المتابعة علي مدونتك( والتي اشعر فيها بنسائم الجنة)

دمتي في حفظ الله ورعايته

  ياسر الغسلان

الاثنين نوفمبر 17, 01:38:00 ص 2008

لا زلت متابع لمدونتك و إن كنت لا اعلق بإستمرار، تحياتي لك و لقلمك و الله يوفقك كمان و كمان.

  Unknown

الاثنين نوفمبر 17, 12:26:00 م 2008

تايه فى وسط البلد
ازيك يارب تكون بخير
يا تاية اية اللى هيخلينى اقطع
ان شاء الله انا متابعه والحمد لله الذى بنعمتة تتم الصالحات
فعلا والله اليوم كان اكثر من رائع
جزاك الله خيرا
وان شاء الله تكون معنا فى اللقاء القادم

  Unknown

الاثنين نوفمبر 17, 12:27:00 م 2008

أ/ ياسر الغسلان
يا هلا ومرحبا بك
فى مدونتى المتواضعة جميل والله ان تتابع اسعدتنى :)
فجزاك الله خيرا
قد تكون لاحظت انى ايضا مازلت اتابع
مدونتك :)
تحياتى لك

  ياسر

الاثنين نوفمبر 17, 12:49:00 م 2008

اذيك يانهر
اللهم اجعلة في ميزان حسناتك يارب
هيا فعلاا الانسان منا لما بيرسم مجرد
بسمة علي وجهة طفل او مسن بتكون
فعلاا هيا دي السعادة
وبعد اذنك طبعااخد صورة عبد الرحمن
سبحان الله عجبتني جدا شخصية نورهان
نادر او قليل تلاقي اطفال كدا
اللهم جعلة في ميزان حسناتكم جميعا يارب
تقبلي اعتذاري عن التاخير وعدم الحضور
تحياتي

  Unknown

الاثنين نوفمبر 17, 01:57:00 م 2008

عادل
ازيك يارب تكون بخير
الحمد لله الذى بنعمتة تتم الصالحات
وياسيدى لما تجى ان شاء الله تشارك
وجزاك الله خيرا

  المستنصر بالله

الاثنين نوفمبر 17, 02:04:00 م 2008

جزاكم الله خيرا
عقبال المرات الجايه

تحياتى

  Unknown

الاثنين نوفمبر 17, 04:29:00 م 2008

المستنصر بالله
وجزاكم يارب
امين يارب

  غير معرف

الاثنين نوفمبر 17, 04:38:00 م 2008

السلام عليكم

متشكر جدااا على سؤالك الدائم

والحمد لله الوالد أحسن دلوقتى

سأرحل ولكنى سأتابع من بعيد

ألقاك فى حياة أخرى

  عُمر

الاثنين نوفمبر 17, 04:39:00 م 2008

متشكر عالزيارة

أنا بأحترمك

ومن زمان متابعك

أشكرك للمرة الثانية

والسلام عليكم

:)

  أكون أو لا أكون

الاثنين نوفمبر 17, 08:52:00 م 2008

ماشاء الله...
جزاكم الله كل خير...

  ghoneem

الاثنين نوفمبر 17, 11:38:00 م 2008

السلام عليكم

بجد بجد ربنا يجازيكم خير أنا دمعت والله وحسيت بجد اني خسرت كتير عشان مجتش

يكفي السعادة اللي بقي فيها الأولاد دول بجد انا فرحان أوي أوي بقول من قلبي " يا ريتني كنت معاهم "

ان شاء الله المرة الجاية هحاول بجد اني هاجي ان شاء لله

تحياتي للجميع

بالتوفيق..................

  Unknown

الاثنين نوفمبر 17, 11:51:00 م 2008

عرفة لما الرحيل
ولك اخوة واخوات
واصدقاء ؟؟

  Unknown

الاثنين نوفمبر 17, 11:52:00 م 2008

عمر
اهلا بك
وربنا يثبتك ويكتب لك تمام الصحة والعافية

  Unknown

الاثنين نوفمبر 17, 11:53:00 م 2008

اكون او لا اكون
وجزاكم يارب العالمين

  Unknown

الثلاثاء نوفمبر 18, 01:24:00 ص 2008

د* غنيم
وعليكم السلام
ولا يهمك ان شاء الله تتكرر الزيارت
وان شاء الله تقدر تجى فى يوم
تقعد مع الاطفال

جزاك الله خيرا

  mostafa rayan

الثلاثاء نوفمبر 18, 09:54:00 ص 2008

ربنا يوفقكم دايما لعمل الخير

  Unknown

الثلاثاء نوفمبر 18, 05:19:00 م 2008

مصطفى ريان
اللهم امين
جزاك الله خيراا

  رفقة عمر

الثلاثاء نوفمبر 18, 06:34:00 م 2008

ربنا يجعله فى ميزان حسناتكم ويارب ينفع بكم
والناس تستن سنتكم
من استن سنه حسنه فله اجرها واجر من عملها الى يوم القيامه

  الفارس الملثم

الثلاثاء نوفمبر 18, 06:38:00 م 2008

اد ايه الواحد بيبقي مبسوط لما يحس ان لسه في قلوب مهتميه باعطاء ولو ابتسامه للاخرين خاصه لو كانوا اطفال محرومين من حاجات كتير زي اطفال الملجأ ,جزاكم الله كل خير وجعله في ميزان حسناتكم

تحياتي وتقديري

  Foxology

الأربعاء نوفمبر 19, 10:05:00 ص 2008

ماشاء الله لاقوة الا بالله

ربنا يجعله فى ميزان حسناتكم

تحياتى :)

  شخـا بيــط مـحـجـوب

الأربعاء نوفمبر 19, 03:04:00 م 2008

جعلها الله فى ميزان حسناتك يارب انتى ومن معك وربنا يكرمك كمان وكمان ويقدرنا اكون معاكى انشاء الله المرة الجاية

تحياتى
شخابيط mahgoub

  محمد فاروق الشاذلى

الأربعاء نوفمبر 19, 03:20:00 م 2008

الحمد لله إن اليوم كان حلو وسعيد قوى بعودة بابا أبو خالد للظهور مرة أخرى

ياريت تمسكى لسان شفقة شوية علشان هى اعترفت على التشكيل العصابى اللى انتوا عملتوا لخطف العيال :)

  هى فوضى

الأربعاء نوفمبر 19, 03:45:00 م 2008

شكرا يا نهر
على البلوج وعلى اليوم

  Unknown

الأربعاء نوفمبر 19, 03:55:00 م 2008

رفقة عمر
اللهم امين
وجزاك الله خيرا على الدعاء

  Unknown

الأربعاء نوفمبر 19, 03:56:00 م 2008

الفارس الملثم
وجزاكم يارب العالمين
وان شاء الله المرة الجاية تكون معنا

  Unknown

الأربعاء نوفمبر 19, 03:57:00 م 2008

Foxology
وجزاكم ويارب نكون اكتر كل مرة

  Unknown

الأربعاء نوفمبر 19, 03:58:00 م 2008

شخابيط محجوب
وجزاكم ويارب يارب تكون معنا يارب

  Unknown

الأربعاء نوفمبر 19, 04:00:00 م 2008

قلب مصرى
ازيك يابو رقية
يارب تكون بخير ميرسى خالص
وحاضر هحاول اجيب شوكة امسك لسان شفقة بيها
ههههههههه
يارب المرة الجاية تكون معنا
ويارب يارب ابو خالد يكون معنا على طول

  Unknown

الأربعاء نوفمبر 19, 04:01:00 م 2008

عفوا يا فوضى هانم
انتى تامرى بس ياريت تعتزلى بقى
يعنى خفيف خفيف

  فوكيره

الخميس نوفمبر 20, 02:52:00 م 2008

مش متخيله قد ايه كان نفسي اكون موجوده

اولا في وسط الاطفال وبرائتهم ولان بجد احنا بنقصر في حقهم علينا جدا

و ثانيا علشان اشوفكم واكون وسط التجمع الجميل ده والناس اللي وحشتنى والناس للى كان نفسي اتشرف بمعرفتهم

يااااااااااااااااا رب تتكرر

  جنّي

الخميس نوفمبر 20, 06:07:00 م 2008

السلام عليكم

بارك الله فيكم

وجزيتم الخير

ادعو الله ان تكونو اخلصتم النية لله حتى تفوزوا بجوار الرسول صلى الله عليه وسلم في الجنة ..

  بنات صاحبة الجلالة

الاثنين نوفمبر 24, 05:18:00 م 2008

والله جزاك الله كل خير عن مساعدة الايتام وبجد انا واثقة انكم بذلتم جهدا كبير وعلي فكرة والله يايناس انا يومها حاولت اكلمك كذا مرة بس انتي مردتيش وكنت في اسكندرية ساعتها لان ماما كانت تعبانه جدا ودوري كدا هتلاقي 03 عندك كان نفسي اشارك معاكم في رسم البسمة علي وجوه الاطفال وبجد جزاكي الله كل خير وكل من ساهم في العمل الرائع دا

تحياتي

  Unknown

الثلاثاء نوفمبر 25, 01:05:00 ص 2008

المحارب المتيم
من المعاكسات دى كتير
واسبابها الفراغ وقلة الادب
والتربية من الطرفين
اما لثراء السيدات فدى زى ما قلت رسالة الاعلام
المسمومة وان كان جزء منها صحيح
كلمة حق اراد بها باطل
انت اخى فى الله
لا شكر على واجب

  Unknown

الثلاثاء نوفمبر 25, 01:06:00 ص 2008

أ/ محمد
فعلا اعلام منحل بفكر صهوينى
دا اقل ما يقال عليه

طبعا معكم
وشكرا على الدعوة