بحث هذه المدونة الإلكترونية

رقق قلبك واصلح عملك ( لقاء بورسعيد14/11)

تحديث اخير
دا رقم موبايل للى حابب يجى وعايز يعرف العنوان
بالضبط ان شاء الله او هنلتقى فين
010000000
او اللى عايز يكلم الاطفال يومها ان شاء الله
اللى مش هيجى وحابب انه يشارك
ياريت يدعى لنا بنجاح اليوم
وان ربنا يحتسبه فى ميزان حسناتنا
ويغفر لنا ولوالدينا والمسلمين
ملحوظة الحمد لله المكواه جت
فمحديش يفكر يجيبها لان دى من الاشياء صعبة التكرار
لكن اى شئ تانى عادى الكميات فيه
*********************************************
*********************************************
تحديث مؤقت
انا هسيب رقم موبايل للى عايز يتصل بالاطفال او يتابع اليوم معنا
ان شاء الله كمان اليوم فى ناس مساهمة فيه مش موجودة
زى جنة وداليا قوس قزح اللى بتساعدنا بالتوجيهات
وابو خالد اللى علمتنا نتجمع ونحاول نعمل حاجة
بابلى الى كان عايز رقم حساب يتبرع عليه
وجنى اللى فى السعودية وبحرى واى حد كان نفسة
يجى وللاسف مش قادر
هنزل لكم اسماء الاطفال والله المستعان

احسان لليتيم من أعظم أبواب الخير التي حث عليها الإسلام قال الله تعالى:
( يَسْأَلُونَكَ مَاذَا يُنْفِقُونَ قُلْ مَا أَنْفَقْتُمْ مِنْ خَيْرٍ فَلِلْوَالِدَيْنِ وَالْأَقْرَبِينَ وَالْيَتَامَى وَالْمَسَاكِينِ وَابْنِ السَّبِيلِ وَمَا تَفْعَلُوا مِنْ خَيْرٍ فَإِنَّ اللَّهَ بِهِ عَلِيمٌ )
سورة البقرة الآية 215 .

وعن أبي الدرداء رضي الله عنه قال: (أتى النبي صلى الله عليه وسلم رجل يشكو قسوة قلبه ؟ قال: أتحب أن يلين قلبك وتدرك حاجتك؟ ارحم اليتيم وامسح رأسه وأطعمه من طعامك يلن قلبك وتدرك حاجتك )
رواه الطبراني وقال الألباني حسن لغيره . انظر صحيح الترغيب والترهيب 2/676 .
اللقاء يوم الجمعه فى بورسعيد

الموافق باذن الله تعالى 14/11

هنتجمع ان شاء الله الساعه 11 ص
فى ش كسرى منطقة تعمير 2 امام قسم المناخ

ونروح نصلى الجمعة وبعدها

هنروح دار تحسين الصحة ودى دار للايتام

ومؤسسة ايوائية للايتام ومجهولى النسب

الدار بها حوالى 60 طفل من سن عامين الى سن 21
سن عامين بنت
سن 3 سنوات بنت
سن4 سنوات ولد
سن5 سنوات 9 اطفال منهم 3 اولاد
سن 7 سنين4 اطفال
سن8 سنين 3 اطفال
سن 9 سنين 8 اطفال
سن 10 سنوات 12 طفل منهم 4 بنات
سن 11 سنة 5 اطفال 3 بنات وولدين
سن 12 سنة 4 اطفال ولدين وبنتين
سن 13سنة 3 اطفال بنيتن وولد
سن14 سنة 3 اطفال منهم بنت وولدين

سن 19 سنة 2 ولد وبنت
سن 21 سنة بنت واحدة

هم محتاجين مكواة ملابس
مجموعه اسعافات اولية قطن ميكروكوم شاش ادوية للاسهال والصداع
ومجموعه نظافة ديتول فنيك صابون شامبو للاستحمام والشعر
وادوات مدرسية واخرى للرسم والالوان
انا ودعاء ربع ضارب شفنا بعض الغرف اللى الظاهر معمولة للزيارات فقط
لانهم رفضوا اننا نشوف المؤسسة الاصلاحية بحجة وجود اصلاحات

بس انا هعرض لكم صورة عبد الرحمن ويارب تشوفوا فيها اللى انا شفتة


كان متعور فى رجلة من الكورة


شوفوا الولد دا اد ايه عيونه فيها كلام واد اية شكله محتاج ايد تطبطب عليه

بس ايد ربنا يقدرنا على اننا نرسم بسمه على وجوه الاولاد دول

للمتابعة او لاى استفسار انا تحت امركم و داليا اهو دا عيبة

ودعاء ربع ضارب

63 التعليقات:

  بنت مصريه

الاثنين نوفمبر 03, 05:01:00 ص 2008

والله
انا كان نفسى اجى
بس صعب اوى انى اجى من القاهره

جزاكى الله خير يا اختى وربنا يقدركوا على فعل الخير يا رب

  ahmed_k

الاثنين نوفمبر 03, 05:12:00 ص 2008

جزاكم الله خيرا يا نهر الحب
فاليتيم من أكثر عناصر المجتمع
تعرضا للغبن والقهر
وبما سوف تقدموه لهم تكونون
قد ساعدتم على نشر البسمه
والرضا على شفاههم
فيشعرون أن مجتمعهم لم ينساهم
فيزداد إرتباطهم به
ولا ينشأ بداخلهم شعور بالكره للمجتمع
الذي ظلمهم وكان قاسيا عليهم يوما ما

ربنا يجعله في ميزان حسناتكم
وتقبلي خالص تحياتي

  بنت مصريه

الاثنين نوفمبر 03, 05:31:00 ص 2008

انا كويسه يا حبيبتى ربنا يخليكى لسؤالك عليا
دمتى بكل خير

  Unknown

الاثنين نوفمبر 03, 06:16:00 ص 2008

اعانكم الله على عمل الخير

  nona

الاثنين نوفمبر 03, 06:19:00 ص 2008

ازيك يا انوش و ازاى نسمة و بابا ابو خالد يا رب تكونوا كلكم بخير
معلش انا اسفة مش هقدر اجى لانة هيكون يوم الجمعة و كمان سفر
بعتذرلك مرة تانية
وربنا يوفقكم جميعا

  Diyaa'

الاثنين نوفمبر 03, 09:10:00 ص 2008

يا بختك ..مش بس هتعملي الخير لأ كمان دليتي عليه :) ..إحتمال ضعيف أقدر أجي ..حسب ظروف الشغل بإذن الله...وهبقي أبلغك برضه قبلها أأكد عليكي وهتشجع أكتر لو كان معايا حاجة أقدمها للأطفال اللي ملهمش ذنوب في إن اتنين أغبيا مقدروش مسئولية لحظة بينسوا فيها نفسهم ..أو إن الأسرة مش بتتكافل في حالة تيتم أطفال زي دول ..والحمد لله إن لسه في خير في البلد وإلا كان هيبقي عندنا نص مليون زي التوربيني :(
مطولش عليكي
وجزاكي الله كل خير وتبقي سباقة للخير دايماً :) .. ونبقي بنطبق عملي معني الآية القرآنية
وَفِي ذَلِكَ فَلْيَتَنَافَسِ المُتَنَافِسُونَ " [المطففين آية: (26)]
صدق الله العظيم

خالص التحية

  Empress appy

الاثنين نوفمبر 03, 10:06:00 ص 2008

ايناس
ربنا معاكوا بس مش هقدر اجى لان فرح اختى بعدها بكام يوم بجد كان نفسى اكون معاكوا بس هكون مسافره

  ِِAdem El-Mahdy

الاثنين نوفمبر 03, 10:23:00 ص 2008

ربنا يسهل و نروح معاكوا

  romansy

الاثنين نوفمبر 03, 11:00:00 ص 2008

جميل قوى ان الانسان يلاقى حد خايف عليه
وبيسال عنه
يارب دايما يوفقكم

  الازهرى

الاثنين نوفمبر 03, 11:49:00 ص 2008

الاخت الحنون

جزاك الله خير الجزاء على ما تقومين به من الخير
واعلن تأييدى وتشرفى بالدعوة الجميلة
ولكن اعتذر عن المجىء للبعد عن المكان

تحياتى دوما

  أمل حمدي

الاثنين نوفمبر 03, 12:12:00 م 2008

معاكي ان شاء الله

ربنا يتقبل صالح الاعمال

  salwa

الاثنين نوفمبر 03, 12:13:00 م 2008

السلام عليكم اخت نهر الحب
كعادتك دائما سباقة للخير .....
اتمنى لكم كل التوفيق
وكتبها الله في صالح اعمالكم
امين يارب
سلام

  mostafa rayan

الاثنين نوفمبر 03, 12:14:00 م 2008

ربنا يعينكم على فعل الخير

  غروب

الاثنين نوفمبر 03, 12:16:00 م 2008

ازيك يا قمر وحشانى :

وحشانى ازاى دى بقه هقولهالك بعدين

بس انا بجد هحاول اجى

بورسعيد مش بعيده اوى يعنى

هتفق مع ماما اموله واجى ان شاء الله


بس ادعيلي ياااااب

سلام يا قمر وربنا يقدرك على فعل الخير

  عمرو

الاثنين نوفمبر 03, 12:59:00 م 2008

و الله يا ستى لقيت دموعى نازله غصب عنى مش علشان الأيتام لكن علشان اٍحتياجتهم البسيطه اللى لا تشكل شىء كبير فى الحياه و لكن عندهم أشياء مهمه جدا
حاضر

  حسن حنفى

الاثنين نوفمبر 03, 01:35:00 م 2008

جزاكم الله عنا خهيرا

  رئـــــيسـة حزب الأحلام

الاثنين نوفمبر 03, 02:11:00 م 2008

أزال المؤلف هذا التعليق.
  رئـــــيسـة حزب الأحلام

الاثنين نوفمبر 03, 02:13:00 م 2008

نفسى اجى بس للاسف ماليش فى المواصلات دة انا بتحرك فى القاهرة بالعافية جزاكم الله خيرا وجعلها فى ميزان حسناتكم
تحياتى

  فاتيما

الاثنين نوفمبر 03, 02:19:00 م 2008

لو كنت هقدر آجى مكنتش أتأخر يا أنوس بس سامحونى
البركة فيكم يا شباب
إنتى تؤام داليا قوس قزح يا إيناس
بحس إنكم تشبهوا بعض فى الجدعنة و الوقفة اللى بجد و دا اللى بيخلى كل اللى حواليكم واثقين فيكم و عاوزين يشاركوكم فى كل حملة بتعملوها
و اللى مبيقدرش بيبقى مكسوف من روحه زيى دلوقت
ربنا معاكم
سلميلى على الولد اللى ف الصورة قوى هوه و زمايله
فكرنى بيوسف مش عارفة ليه
بس هوه زيه برضو برىء و جميل
و سلميلى على بابا أبو خالد لو جه
قوى قوى

  مصــــري

الاثنين نوفمبر 03, 03:06:00 م 2008

نهر الحب

ربنا يعينك علي فعل الخير
لكن لظروف الدراسة مش هاقدر أحضر.
هحاول أعوض بالمشاركة هنا في بؤجة الخير
وربنا يسهل.

ياريت تطمنيني علي أبي "أبو خالد".

أسامة

  شفـقــة و إحســــان

الاثنين نوفمبر 03, 03:25:00 م 2008

بجد انا سعيدة جدا بيكم يا نهر الحب وباللى تعملوه
ان شاء الله هنحاول نيجى
كمان علشان عايزين نتعرف عليكى
تحياتى

  عاشقة القمر

الاثنين نوفمبر 03, 04:07:00 م 2008

ربنا يجعلها لكم في ميزان حسناتكم

جزاكى الله

  mohamed ghalia

الاثنين نوفمبر 03, 04:15:00 م 2008

كان نفسى اكون قريب من بورسعيد عشان أكون معاكم
ربنا يجازيكى خير ويجعله فى ميزان حسناتك
دمتى بود

  ghorBty

الاثنين نوفمبر 03, 08:48:00 م 2008

السلام عليكم ورحمه الله وبركاته

جزاكي الله خيرا ونفع بك فعلا حاجه جميله جدا وزي ما هتسعدي غيرك انتي كمان بتشعري بالسعاده لانه حلو اوي ان يكون هم الواحد انه يساعد غيره ويدخل في قلبه السرور

بارك الله فيك

ودمت دائما في عون الغير

  Tamer Alhosiny

الاثنين نوفمبر 03, 09:23:00 م 2008

اختي العزيزة نهر الحب

طبعا انا سعيد لان كل مرة بدخل مدونتك بلاقي دعوة جديدة للحب
لحب الخير
لحب الله
لحب الناس
بجد اتمني اننا نقدر نرسم البسمة علي وشوش الاطفال دول

طبعا للايف لظروف الشغل والحياة
قد اطر انا او غيري من المدونين الزيارة
لكن انا لدي فكرة اتمني تنفيزها

ايه رايك في زيارتكم للطفال دول
تصوروهم
وتعرضي اسمائهم واعمارهم
ورقم بريد وتليفون وعنوان الدار
واذاي نقدر نبعت تبرعات
بالحوالات البريدية مثلا
او بالطريقة المناسبة للجمعية
ويبقي نوع من انواع الكفالة
ان كل واحد من المدونين
يقرر يهتم بطفل
ويرعاه
اتمني تبقي دي فاتحة جديدة للخير
وطبعا هيبقي ليكي ثواب عملك وثواب عملنا
وربنا يتقبل مننا ونقدر نسم بجد البسمة علي وشوشهم

تحياتي
تامر الحسيني
انسان عاشق حر

  DR.HAMAS

الاثنين نوفمبر 03, 09:24:00 م 2008

ربنا يوفقكم يا أختنا

لولا بعد المسافة جدا لكنا معاكم

ربنا يعينكم



د.حماس

  ساسو

الاثنين نوفمبر 03, 09:39:00 م 2008

حبيبتي نهر الحب
اولا ازيك
وبجد جزاكي الله خيرا
فعلا انا فرحت اوي اما لقيتك بتقولي الكلام ده وان الدار دي في بورسعيد بس زعلت اكتر انك خليتي الزياره يوم الجمعه مينفعش تكون يوم الخميس لاني ببقي موجودى في بورسعيد الاثنين والثلاثاء والخميس بحكم الدراسه يعني وبما ان ده تبع تخصصي فكنت حابه اني اكون موجوده يمكن افيد واستفيد

............مش مشكله تتعوض مره تانيه او ممكن اروح انا مع اصحابي في يوم تاني انا عرفت العنوان
بشكرك مره تانيه وبجد يابختك هتعملي خير ودليتي عليه لكي الثواب عند الله ان شاء الله
جزاك الله خيرا

  تايه في وسط البلد

الاثنين نوفمبر 03, 11:29:00 م 2008

يا ربنا

ما كل هذه الاعتذارات؟!
كنت اتمني لو يزداد العدد عن مرات سابقة لم احضرها جسديا وان كنت حضرتها روحيا وشاركت حاضروها احلامهم ومقاصدهم

ربنا يجازيكي خير يا ايناس وربنا يضاعف الاجر لمن يجاهد ظروفه واعبائه كي يرسم بسمة علي شفاة طفل يتيم

ملحوظة : ارجو كتابة بريد الكتروني استطيع مراسلتك عليه يا ايناس

  elsha3er

الثلاثاء نوفمبر 04, 04:23:00 ص 2008

السلام عليكم والله شىء جميل جدا بس والله المشوار من اسكندرية لبور سعيد بعيد قوى لكن والله معاكم بقلوبنا ولو احتاجتم اى حاجة نقدر نعملها من هنا والله ما حتأخر

احمد الشاعر

  ☼♫♪ عمــاد الدين يــوسف ☼♫♪

الثلاثاء نوفمبر 04, 12:36:00 م 2008

اختي الكريمه

اشكرك على الدعوه واقسم بالله كم تمنيت ان اتواجد لولا ظروفي الصعبه ، قلبي معكم ووجداني واسال الله ان ينعم عليا بقلب رحيم كقلبك

تحياتي

  ba7re

الثلاثاء نوفمبر 04, 12:56:00 م 2008

عاااااااااااااااااااا
حضرتك كتبتيلى فى المدونة اجى معاكوا
انا بررررررررررررررره مصرررررررر
كان نفسى اكون معاكم
بس لو روحتوا دار تحسين الصحة
بوسولى الطفلة اللى عندها سنتين و اسمها مريم ( وحشتنى اوى :( )
على فكرة فيه مشروع بنك الطعام البورسعيدى فى موقع فرى زون لو تحبى تدخليه
جودة :)

  على عبدالله

الثلاثاء نوفمبر 04, 01:26:00 م 2008

بورك فيكى
ووفقى الله لما يحبه ويرضاه

بالنسبة للزيارة

انا كان نفسى احضر معاكم
بس معلش ادعيلى بقى ارجع مصر بالسلامة
واكيد الجيات كتير ان شاء الله

ربنا يوفقك لعمل الخير دائما

  م/ الحسيني لزومي

الثلاثاء نوفمبر 04, 01:58:00 م 2008

شارك في الحملة الشعبية للقيد بالحداول الانتخابية وادعو غيرك
ضع بنر الحملة علي مدونتك
البنر موجود علي مدونتي

  tarek alghnam

الثلاثاء نوفمبر 04, 02:42:00 م 2008

بجد ربنا يكرمك
وعاوزاقولك انتى بنت بس ب 100 راجل
ربنا يوفقك يارب فى الخير
تحياتى لك

  دعاء مواجهات

الثلاثاء نوفمبر 04, 04:13:00 م 2008

اتمنالكوا يوم جميل

وربنا يجازيكم خير بجد


اعتذر لصعوبة الحضور

بيس

  شخـا بيــط مـحـجـوب

الثلاثاء نوفمبر 04, 08:39:00 م 2008

عزيزتى نهر الحب السلام عليكم ورحمة الله وبركاتة
اخبارك اية معلشى انا مقصر شوية فى مدونتك بس بجد غصب عنى

وجزاكم الله كل خير انتى ومن معك دعوة جميلة جدا ونفسى اشارك بس بجد المشوار بعيد عليا جدا ولاكن انا بشركك بصوتى معاكى وبروحى وقلبى وانا اتفق كل الاتفاق مع اخى العزيز تامر الحسينى ان ممكن تكتبو اسماء واعمار الاولاد وارقام التليفونات وعنوان الدار علشان نشارك ولو حتى بالاتصال وياريت تبعتى مثل رقم تليفون على البريد ونكلمهم ونشارك معاكو بردو يوم الجمعة وارجوكى ودي امانة انك توصلى سلامى لهم وتبلغيهم انى كان نفسى اكون موجود معاكى
جعلها الله فى ميزان حسناتك انتى ومن معك

تحياتى ليكى

شخابيط mahgoub

  أكون أو لا أكون

الأربعاء نوفمبر 05, 02:40:00 ص 2008

جزاكم الله خيراً... وبارك بكم

  مـجـنـووون

الأربعاء نوفمبر 05, 02:14:00 م 2008

جزاكي الله خيرا علي هذا المجهود الجميل

ويا رب يجعله في ميزان حسناتك


وأن شاء الله حشوف ظروفي وأحاول اجي حتي علشان أتعرف عليكم وتشفوني وأنا ناكش شعري ههههههههههههه

تقبلي مروري
مجنووون

  همس الاحباب

الأربعاء نوفمبر 05, 02:15:00 م 2008

جزاكى الله خيرا
وجعله فى ميزان حسناتكم
وكعادتك دائما سباقة لكل خير
اعلن تاييدى وموافقتى
وباذن الله اكون من الحاضرين

  ابو العربى

الأربعاء نوفمبر 05, 07:35:00 م 2008

بأذن الله هحاول الحضور
وبارك الله فيك وجزاك خير الجزاء

  بنات صاحبة الجلالة

الأربعاء نوفمبر 05, 11:44:00 م 2008

ايناس حبتتي

ازيك والله ياروح قلبي بجد ربنا يجازيكم كل خير يارب وانا من ساعه ماعرفتك وانتي انسانه رائعه تسعي للخير دوما واكتر حاجة فعلا ممكن الانسان يحس بقيمه اليوم دا لما يرسم بسمة علي اليتيم اللي وصي عليه النبي الكريم عليه افضل الصلاة والسلام وباذن الله هحاول اجي بقدر المستطاع مع ان يوم الجمعه دا بيوم صعب شوية بس باذن الرحمن هحاول وهكون علي اتصال بيكي اول باول

بالله عليكي ماتنسي تسلمي علي القمر اختك وبابا ابو خالد

  اقصوصه

الخميس نوفمبر 06, 06:58:00 ص 2008

جزاك الله خيرا على التدوينه

  أحــوال الهـوي

الخميس نوفمبر 06, 08:58:00 ص 2008

foto
الصحيح PHOTO
جزاكم الله خيرا يا نهر الحب , وسدد خطاك و اثابك الله بكل خطوة

تحياتي

  Beram ElMasry

الخميس نوفمبر 06, 03:31:00 م 2008

هذا ردى على المدعو امل فنحى المضلل
سيدتى او سيدى امل
الاسلام دين سماوى ، وكتابه محفوظ بعناية الله من التحريف عكس ما حدث للكتابين من قبله ، وليس دينا وضعيا كالبوذية والمجوسية والبهائية ، كى تطرح قضاياه للنقاش فى المدونات ، اوالدفاع عنه ضد مرضى عميت قلوبهم ، لسنا اهل تخصص ولا فقهاء وللفقهاء احترامهم ولهم حق الاجتهاد والامر ليس متروكا لكل من هب ودب ، ولماذا نشكك فى فقهاء الاسلام بينما لايجرؤ يهودى او مسيحى فى مجادلة حاخام اوقس رغم ما طرا على الكتابين من تحريف وما حوياه من تضارب واختلاف ، وما حوياه من مجون وسوء ادب مع الانبياء ، كنشيد الانشاد للنبى سليمان عليه السلام
السيد او السيدة امل ، ادرئي عن نفسك الشبهات فهذه دعوة باطلة يراد بها باطل

  أمل حمدي

الخميس نوفمبر 06, 04:01:00 م 2008

تليفوني على البوست عندي روحي خديه

  Unknown

الخميس نوفمبر 06, 10:21:00 م 2008

الأخت الفاضلة
السلام عليكم ورحمة الله وبركاته
دعوة طيبة ومشاعر نبيلة
جزاك الله خيراً وجعله فى موازين حسناتك
وإن شاء الله أحاول التواجد معكم
ولو أمكن رقم تليفون حتى أتمكن من الوصول إليكم وأكون شاكراً

أخوك
محمد

  ميرا ( وومن )

الجمعة نوفمبر 07, 01:42:00 ص 2008

أيناس

ربنا يكرمك يارب ويجازيكي خير يارب

انا نفسي ازور بور سعيد من زمان وانتي عارفة بس ادي الله وادي حكمته

معاكي بقلبي

  Gannah

الجمعة نوفمبر 07, 09:46:00 ص 2008

نهر الحب
انا قريت البوست من فترة لكن يومها مش عارفه ايه اللى حصل اضطريت اقوم من غير ما أعلق
استغربت لانهم رفضوا انكم تشوفوا كل الدار!!!!
وبتمنى ان اليوم ان شاء الله يكون يوم سعيد لكم وللاطفال
طلباتهم بسيطة جداااا و بصراحة غريبة ان وزارة الشئون متقدرش توفر حاجات بسيطة زى دى أمال بيودى الفلوس فين؟؟؟
ربنا يكرمكم ويجعله فى ميزان حسناتكم
سلميلى على عبد الرحمن
كل مدونى بورسعيد وخاصة بابا خالد
نسمة
وفى انتظار ان تنقلى لنا اليوم بتفاصيلة ان شاء الله
تحياتى

  غير معرف

الجمعة نوفمبر 07, 05:08:00 م 2008

نهر الحب

أدام الله عليكم فضله ورزقكم عملكم

آمين

انا هروح الكشف الطبى للتجنيد يوم 11 فى الشهر وهحاول بقدر استطاعتى آجى

برجاء لو ممكن تكلمينى على الياهوو يوم 12 علشان أقولك

وإن لم تكونى على الياهوو فمعك هاتفى

سأترك ردا على المدونة عندك يومها

لأبلغك

تحياتى

  غير معرف

الجمعة نوفمبر 07, 05:08:00 م 2008

نهر الحب

أدام الله عليكم فضله ورزقكم عملكم

آمين

انا هروح الكشف الطبى للتجنيد يوم 11 فى الشهر وهحاول بقدر استطاعتى آجى

برجاء لو ممكن تكلمينى على الياهوو يوم 12 علشان أقولك

وإن لم تكونى على الياهوو فمعك هاتفى

سأترك ردا على المدونة عندك يومها

لأبلغك

تحياتى

  غير معرف

الجمعة نوفمبر 07, 05:08:00 م 2008

أزال المؤلف هذا التعليق.
  م/ الحسيني لزومي

الجمعة نوفمبر 07, 07:26:00 م 2008

شارك في الحملة الشعبية للقيد بالجداول الانتخابية وادعو غيرك
ضع بنر الحملة علي مدونتك
البنر موجود علي مدونتي

  جنّي

الجمعة نوفمبر 07, 11:06:00 م 2008

السلام عليكم


ربنا معاكم يتقبل منكم

ويجزيكم خيرا على جهدكم

وكنت اتمنى ان اكون معاكم

لانول الخير

ربنا معاكم

  rovy

السبت نوفمبر 08, 05:14:00 ص 2008

اختى الحبيبه نهر
انا قرأت البوست قبل كده و من زعلى لأنى صعب اكون معاكم و الله اعلم بان الظروف فعلا ما زالت غير مناسبه بالنسبه لى لذلك انا لم اعلق يومها و لكن اليوم وجدت التحديث و مفهمتوش مش فاهمه ازاى ممكن اشارك وانا فى اسكندريه .. لو فيه حاجه فعلا ممكن اعملها دلينى و ربنا يجازيكى خير يارب ..
و ان شاء الله ربنا يقدركم على فعل الخير ياارب ..

دمتى بكل ود
تحياتى

  رحــــيـل

السبت نوفمبر 08, 06:12:00 م 2008

اهلا نوسه

ان شاء الله هكون موجوده

جزاكم الله خيرا جميعا

  Ahmed Kamal

الثلاثاء نوفمبر 11, 12:10:00 ص 2008

جزاكم الله خيرا كثيرا ، و نفع بكم ، و جعل مجهوداتكم في ميزان أعمالكم .

كنت أتمنى أزور بورسعيد في المناسبة دي ، إلا إني حاكون مسافر مكان تاني في نفس اليوم إن شاء الله ، لكن أسأل الله أن يتقبل منكم ، و أن يجمعنا على خير في مستقر رحمته .

سلام عليكم

  WhItE HeArT

الثلاثاء نوفمبر 11, 12:57:00 ص 2008

يعني متعملوهاش الا اليوم اللي عندي فيه امتحان

منا قدامك بقالي شهرين فاضي

بجد وانتم بتدعوا للأطفال ادعولي علشان هيكون عندي امتحان وربنا يستر


بجد انا مش عارف اقول فيكم ايه اكتر من ان جراكم الله خير وربنا يتقبل

تحياتي

  دعاء مواجهات

الثلاثاء نوفمبر 11, 03:05:00 ص 2008

ربنا يجمعنا ديما ف الخير

وبااردو كنت اتمنى اجى بس حكايةالسفر

صعبه جدا طبعا

دا بخلاف انو يوم جمعه كمان

ربنا يرزقكم باطيب الاعمال دائما

تحياتى ومودتى

  شفـقــة و إحســــان

الثلاثاء نوفمبر 11, 09:05:00 م 2008

نهر الحب
اولا وحشتينا جدا
ثانيا ان شاء الله هنيجى
احنا كمان اتصلنا برقم التليفون اللى عندك فى المدونة بس محدش رد
ياريت لو ممكن تسيبلنا رقم تلفونك حتى ولو على الميل علشان بس لو معرفناش اى حاجة shafa2a@yahoo
ولو مقدرتيش تسيبى رقم التليفون......... بس ممكن نعرف العنوان اللى انتى سايباه ده عنوان المكان اللى هتتجمعوا فيه ولا عنوان دار الايتام
خلى بالك يا انوس صحيح بنروح بورسعيد كتير .......بس بنغرق فى شبر ميه

  قوس قزح

الخميس نوفمبر 13, 11:32:00 م 2008

ربنا معاكم و يكون يوم جميل و محقق هدفه يارب

  ghoneem

الجمعة نوفمبر 14, 01:49:00 ص 2008

السلام عليكم

عمل مقبول ان شاء الله وفي ميزان حسناتك والفقائمين عليه

كان نفسي أكون موجود بس الظروف غصب عني
لكن دعواتي ليكم ولكل الأطفال الأعزاء ربنا يبارك فيكم وفيهم

تقبلي تحياتي

بالتوفيق..............

  فاتيما

السبت نوفمبر 15, 07:55:00 ص 2008

عملتوا إيه يا إيناس ؟؟
طمنونا يا حبيبتى

  koukawy

الخميس نوفمبر 27, 12:21:00 م 2008

ربنا يجازيكي خير