بحث هذه المدونة الإلكترونية

لقاء المدونين فى احضان بورسعيد


امس الخميس كنت على موعد

حددته الصدفه البحتة وتشجيع اختى جنة

على الذهاب وهو اجتماع للمدونين البورسعيدية فى مديتنى بورسعيد

بصراحة انا كنت خايفة او مخضوضة

لكن قلت اجرب

اكيد عايزين تعرفوا لية

لان الخروج من العالم الافتراضى على النت للعالم الحقيقى شئ مش سهل

كل واحد مكون فكرة خاصة على الطرف الاخر فقد لا تكون هى فى الواقع

المهم انى رحت

وكان يوم من أسعد ايام حياتى دون مبالغة

تعرفت على اصدقاء فعلا اصدقاء لانهم بيدخلو القلب بسهولة شديدة

أكثر من النت بكثيررررر وأيضا لانهم فعلا يملكوا فكر مش مجرد كلام

بوستات وخلاص

هعرفكم عليهم كما رأيتهم انا



أبوخالد اب المدونين البورسعيدية كما يطلقون عليه

لكنى أكتشفت انه اب لكل المدونين ( رجل متدين وكريم تشعر فيه بحنان وحكمة الاب )

داليا
هو دا عيبة بنوتة بورسعيدية رقيقة ( تحمل فكر بشكل ناعم وراقى )

ربع ضارب ( تحب التامل والتعمق لتخرج بفكرها الخاص )

طارق غنام (بورسعيدى حتى النخاع )

شيماء (حين تتكلم تشعر وكأنك امام موسوعه ملئية بالكلمات والعبارات )

شيكو ( شاب يملك احلام العشرينات )

دا كان جروب بورسعيد

اما المفاجئة الحقيقية بالنسبة لى

فكانت

أبى وكوكبها رغم انها من اشهر المدونات المصريات الا انها

فتاة مصرية جدعه عارف لما تقول البنت دى جدعه دى ابى

بس كفاية كدة

رودى بنوتة مصرية ( لها فكرها قوية الملاحظة سريعه البديهه)

قوس قزح (رصينة لها دماغ)

احمد سكر ( مصرى جميل )

سووو (احلام مصرية )

همس الاحباب (مصرى جدع )

احتفالنا فى اول لقاء بعيد ميلاد همس الاحباب

حين اقول مصرى اقصد هذا الشاب او الفتاة الذى يحمل فى داخله قيم واخلاق تكاد تكون مفقودة
جلسنا تناقشنا وتعرفنا رغم ان الوقت مر بسرعه شديدة الا اننا تواعدنا ان يكون لنا لقاءات مستمرة وان
نتواصل الى ان نحقق هدف ما احتمال انه غير محدد للان لكنا تواعدنا على تحقيق حلم ما
واتفقنا جميعا اننا شباب مصرى مسلم بطريقة عصرية مرضية كل منا يحمل هذا الوجع المصرى
هذا الالم الشديد فى القلب على ما نراه ولا نستطيع تغيره الا فى احلامنا
كلنا مصريين بفكر مصرى محب ومخلص لبلد مات فيها الاخلاص


قد اكون حالمة فى هذا البوست لكنى حاولت ان اظهر بعض ما شاهدت
قد اكون كونت احكام واراء من اول مرة لكنها رؤيه لما شاهدت

ملحوظة
اعتذر جداا عن البوست اللى وعدت بتقديمة وكانت المقدمة له سقوط بغداد



89 التعليقات:

  ياسر الغسلان

الجمعة يوليو 18, 11:12:00 ص 2008

حمدالله على السلامة، لك فترة منقطعه عن التدوين:)
واضح انه كان لقاء جميل و عقبال ما يكون هناك تجمع لجميع المدونين العرب لنلتقيهم جميعا.
لك كل التحية و التقدير.
تحياتي

  Unknown

الجمعة يوليو 18, 11:21:00 ص 2008

هلا وغلا
أ/ ياسر
انا قلت انت قاطعت مدونتى والله
تصدق اسعدنى جدا مرورك
يارب ونتعرف على اخوانا فى السعودية وغيرها من الاقطار العربية
كل التحية لك ولاهل المملكة

دمت بخير

  الدرعمي

الجمعة يوليو 18, 12:02:00 م 2008

السلام عليكم

أختي العزيزة نهر الحب

يبدو أنك نسيت ما بيننا من أخوة

وكما يقول العوام

من لقى احبابه نسي اصحابه

يا رب تكوني بخير دايما

وتكوني سعيدة دايما

بس لو فيه حاجة مزعلاكي قولي عليها


تحياتي


آدم

  tarek alghnam

الجمعة يوليو 18, 12:27:00 م 2008

الاخت العزيزة نهر الحب
فعلا كان لقاء رائع
احسنتى نقله الا ان كان مافى القلوب اقوى ومافى النفس من السعادة اكثر
ونسأل الله عز وجل ان يكون لقائتنا دائما وابدا فى محبته وسعيا لرضاة
واسمحى لى من مدونتك الرائعه ام اشكر كل الاخوة والاخوات الذين تعرفنا بهم وعلى رأسهم الفاضل ابو خالد
ولا اريد ان اذكر اسماء لكن كانت كوكبه رائعة
تقبلى تحياتى
ودمتى بحفظ الله

  غير معرف

الجمعة يوليو 18, 12:27:00 م 2008

نهر الحب

جميل قوى اللقاء اللى كان بينكوا اكيد طبعا الشباب المصرى اللى بيفكر صح هو امل البلد فى التقدم وكمان امل البلد فى حياة اكثر احتراما

انا اكيد قابلت هنا فى القاهرة مدونين كتير واسعدتنى مقابلتهم وحسيت فيهم شباب واعى

اتمنى ان تدوم لقاءتنا مع بعض حتى نستطيع التوصل بعيدا عن الشاشة

تحياتى

  Unknown

الجمعة يوليو 18, 02:59:00 م 2008

ادم
ازيك عامل اية انت اخ عزيز يا ادم ومفيش ما يدعوا للزعل
بس متى اللقاء فى ساقية الصاوى؟؟؟
ولا اتلغى؟

  Unknown

الجمعة يوليو 18, 03:00:00 م 2008

أ/طارق
ازيك فعلا كان لقاء ممتع انا فرحة جدا به واتمنى ان نتواصل بأستمرار
نحن وجميع المدونين

  Unknown

الجمعة يوليو 18, 03:01:00 م 2008

الحارب المتيم
ازيك يارب فعلا نتواصل كلنا
ويكون فى هدف نعمل على تحقيقها
وانا نساهم فى بناء مستقبلنا ومستقبل بلدنا
وفعلا شبابنا به امل وخير كتير

شكرا لمرورك

  شيماء الجيزى

الجمعة يوليو 18, 03:33:00 م 2008

الجميله
إيناس

احببت لقاءك بشدة انت فتاة نعم من تجدها
مبشرة بشابة مثقفه متفتحه محبوبه
ذو عقل كبير

بجد كان لقاء لا يوصف ، سلميلى على اختك واتمنى يكون بنا لقاء تانى

سلامى

  عدنان أحمد

الجمعة يوليو 18, 04:15:00 م 2008

السلام عليكم

ما كنت لأصدق كلامك إلا لأني جربت الموضوع ده
و فعلا لقاء المدونين على الطبيعه يختلف تمام الاختلاف عنه في غير ذلك
و فعلا شعرت بأنهم مثقفين جدا و على درايه بكل ما يحدث في كل المجالات

و الله الموفق

تحياتي ليكي
عدنان

  Unknown

الجمعة يوليو 18, 05:26:00 م 2008

شيماء
منورة حبى
وشكرا خالص على الكلمات الحلوة
وانا كمان اتمنى التواصل معك باستمرار
كل الود لك والاحترام لعقلك

  Unknown

الجمعة يوليو 18, 05:28:00 م 2008

اسير حبيبتى
اهلا بك
وفعلا كان لقاء جميل انا فعلا مبسوطة جدا به
كل الاحترام

  امل

الجمعة يوليو 18, 08:27:00 م 2008

السلام عليكم
عاااااا أنا كنت عايزة أبقى معاكم
مليش دعوة بس مش عارفه حاسة اني
هبقى مكسوفة قوي هههههههه
تحياتي وكل الحب

  Unknown

الجمعة يوليو 18, 09:33:00 م 2008

امل
ازيك ياقمر
تصدقى الموضوع طلع بجد حلو ومحترم ومصار فخر ماشاء الله
ولى اقتراحات فى اللقاءات القادمة ان قدر الله واتمنى اشوفك بجد تكلمنا عنك
انك ماشاء الله ممتازة


دمتى بود

  ahmed_k

الجمعة يوليو 18, 11:02:00 م 2008

ساقية الصاوي
اللقاء القادم هناك
وياريت يكون بجوار شجرة الجميز
علشان الطراوه أصل الجو حر اليومين دول
ولو تم اللقاء في الساقيه بس عند الشجره ,انا حكون معاكم ههههههه

المشكله اني مش لاقي مدونين من الغردقه خااااالص اجتمع بيهم
ايه اعمل انا بقه
آه اعمل لقاء بيني و نفسي والعبد لله
أهو اجتماع احسن من مفيش

  غير معرف

الجمعة يوليو 18, 11:24:00 م 2008

الريحانة

ربنا يجمعكم دائما على الخير


وفقكم الله


جنّي

  Unknown

السبت يوليو 19, 12:15:00 ص 2008

ahmed_k

ازيك يا احمد خلاص تعالى نجتمع فى القاهرة
نحدد معياد ونجتمع ويارب نقدر نجمع اكبر عدد من المدونين


شكرا لمرورك

  Unknown

السبت يوليو 19, 12:16:00 ص 2008

جنى
حمد لله على السلامة
منور وتقبل الله منك صالح الاعمال يارب
وشكرا لدعائك ومرورك

  ahmed_k

السبت يوليو 19, 05:34:00 ص 2008

مواااااافق

  Mohamed Dawod

السبت يوليو 19, 06:55:00 ص 2008

سلام عليكم
ومتكلمتيش عن نفسك ليه؟ كل اللى شافوكى قالوا ان حضرتك مدونه مثقفه وواعيه وتمتلكى حضور قوى للكلمه والفكر....تحياتى لكل من حضر اللقاء وياريت تتكرر اللقاءات المفيده اللى زى دى ويشاء ربى انى احضرها معاكم...فخور بيكى وبمدونتك الهادفه العاليه فكريا جدا يا بنت بلدى....تحياتى وشكرا

  بنات صاحبة الجلالة

السبت يوليو 19, 09:14:00 ص 2008

نهــر الحــب

ازيك ياقمر وحشتني جدا والف حمد لله علي السلامة سوري اني ردت متاخر واتاخرت في دخول المدونة شيء جميل اوي لما المدونين يجتعموا سوا ويتعرفوا ببعض ويكون بينهم صداقة كبيرة وتدوم طول العمر عقبال يارب لما نشوفك ونتعرف بيكي ومتخفيش والله هنعزمك عزومة حلوة زيك ياقمر

تحياتنا

  حبيبـــــــة القمـــــر

السبت يوليو 19, 10:17:00 ص 2008

ازيك يانهر
جميل كلامك عن اللقاء
اتمنى بجد اني اقدر اتواصل معاكم قالتلي دوبا عليه بس اتحرجت لأني معرفش حد من هناك
عمومااسماعيليه مش بعيده عن بورسعيد
بلغيني بموعد اللقاء القادم
وان شاء الله احاول احضره

  Empress appy

السبت يوليو 19, 10:34:00 ص 2008

انا ده اللى بتقوليه عليا ده
بزمتك يرضى حد دا انا واحده صحبت خرفان هههههههه
وبعدين يا سيتى ايه اشهر دى لا خالص هما بس خرفانى اللى عاملين زحمه فى المرور مكونتيش شايفه بورسعيد عامله ازاى
ربنا يخليك يا ارق بنوته شوفتها والله وبجد ميرسى لليوم الهايل ده بجد عجبنى جدا وان شاء الله هككررها وهجرهم من قفاهم معايا ههههههههههه

  Aиgel

السبت يوليو 19, 11:15:00 ص 2008

نهر الحب ...
أزيك يا حبيبتي أخبارك إيه ؟؟

والله أنا فرحت أوي لما قريت البوست ده وكان نفسي أكون معاكم أوي بس تتعوض إن شاء الله ونتقابل كلنا من بورسعيد والقاهرة والإسكندرية والمنصورة وكل المدونين والمدونات


ربي يسعدك يارب
Angel Love

  Unknown

السبت يوليو 19, 12:24:00 م 2008

ahmed_k
ازيك
خلاص نبتدى نشوف الاول يوم مناسب لينا كلنا ولاكبر عدد من المدونين ونعلن عنه
وانا نفسى اتعرف على بقيه اخوانى
خلاص تشجعت من اول مرة

  salwa

السبت يوليو 19, 12:26:00 م 2008

سلام عليكم اخت نهر الحب
استمتعت جدا بمدونتك,وفقك الله
ارغب ان ارسل لك رابط مدونة
خاصة بفخرنا لطيفة
www.ltisol.blogspot.com
ولك فائق الاحترام
سلوى

  Unknown

السبت يوليو 19, 12:26:00 م 2008

Mohamed Dawod
اهلا بك
يارب تكون بخير
شكرا والله على الكلمات الرائعه دى
هم بس من باب التجشيع قالوا كدة وازالت حواجز الخوف والقلق فى اول لقاء
وشكرا لكلماتك جزاك الله خير عليها
اخجلتنى بجد

  Unknown

السبت يوليو 19, 12:29:00 م 2008

بنات صاحبة الجلالة
منورة والله
يارب انا اتمنى اشوفك واشوف مدونين كتير
انتى وموناليزا وحبيبة القمر وروفى ونونو بنت خيخة بنت النيل امل
سوسو كلكم والله اسفة ان كنت نسيت حد
بس فعلا نفسى اقابلكم
وعلى انا العزومة ياستى

  Unknown

السبت يوليو 19, 12:31:00 م 2008

حبيبة القمر
ازيك انتى اكيد تنورينا
اوانا احتمال اجى الاسماعليلة الاسبوع دا ممكن اتواصل معك واشوفك
ان شاء الله
وطبعا انتى محل ترحيب الكل
تنورينا بجد

  Unknown

السبت يوليو 19, 12:33:00 م 2008

ابى
ازيك اخيرا وصلتى لمدونتى احمدك يارب
ههههههههههه
لا بجد انتى من الشخصيات اللى تحترم
وكمان تخطف القلب بسهولة
يارب نتواصل بأستمرار
كل الود لك ولخرفانك عشان مايزعلوش

  Unknown

السبت يوليو 19, 12:35:00 م 2008

انجل
ياقمر ازيك
ياربت نتلقى كلنا صحيح هنكون كتير خالص بس بجد هيكون يوم حلو اوى
شكرا يا قمر على الدعاء
ويسعدك انتى كمان


دمتى بود

  Unknown

السبت يوليو 19, 12:36:00 م 2008

سلوى
اهلا بك وبكل ما ترسليه محل تقديرى واهتمامى يارب تدومى بخير

كل الشكر لك

  مدحت محمد

السبت يوليو 19, 01:25:00 م 2008

على فكرة فعلا اجتماهات المدونين بتبقى لذيذة اوى انا حضرتها قبل كدة وبجد بتبقى رائعة وبنقابل ناس زى ماحضرتك قلتى شخصيات فى قمة الذكاء والاحترام

والحقيقة خلانى كسبت اخوات واصدقاء حقيقيين جدا

تحياتى وتقديرى

  همس الاحباب

السبت يوليو 19, 03:50:00 م 2008

الاخت الرقيقة / ايناس
لم استطع حتى هذه اللحظة ان اتمالك نفسى من فرط السعادة والنشوة التى احسست بها وسط هذا الجمع الذى اقل ما يوصف به انه تجمع اكثر من رائع
ضم شخصيات جميلة مهذبة كريمة الاخلاق
كان يوم مشهود سيظل محفور فى الذاكرة
وكم كانت سعادتى بهذا التجمع الاسرى
وكيف اثبتت لنا الايام اننا نعيش على ارض الواقع
وهناك شخصيات رائعة بل اروع من الخيال فكرا وعقلا واخلاقا
واخيرا وليس اخرا اشكر حضرتك وجميع الحاضرين لاتاحة الفرصة لهذا الاجتماع
واخص بالشكر والعرفان والدى العزيز ابو خالد وجميع الحضور
تحياتى وتقديرى اختى العزيزة
خالد

  Unknown

السبت يوليو 19, 06:37:00 م 2008

مدحت محمد
ازيك منور
فعلا هو كان يوم جميل والاجمل
انك تشعر ان فى امل اننا نكون افضل بعقول بجد بتفكر وشغالة

شكرا لمرورك

  Unknown

السبت يوليو 19, 06:38:00 م 2008

همس الاحباب
نورت مدونتى المتواضعه
وانا فعلا سعيدة بالعرف عليكم فى ذلك اليوم الجميل
وطبعا نشكر ابو خالد
الاب الروحى للمدونين
على هذا اللقاء الجميل

دمت بود

  نور الدين (محمد الجيزاوى)

السبت يوليو 19, 08:48:00 م 2008

نهر الحب
تحياتى لك
ومخبيش عليكى بحسدكم جداااا وانا عينى مدورة شوية
الفكرة دى اكثر من رائعة وان شاء الله هنعملها مع مدونين القاهرة
ومفيش محافظة احسن من محافظة
ارجو ان تكونى بالف خير
....................
نور الدين محمود

  z!zOoOo

السبت يوليو 19, 09:19:00 م 2008

اولا ليا عتاب عشان مش بتشرفينى خالص

ثانيا بجد جمييييييييييييييييل حوار المقابلات ديه

يارب مدونين كتير يتجمعوا زى يوم توزيع الكتاب بتاعه مدونات مصريه للجيب

الا قوليلى صحيح متعرفيش الكتاب ده بيتباع فين انا عايز اشتريه

دمتى بكل ود

  Unknown

السبت يوليو 19, 10:34:00 م 2008

نور الدين
اهلا بك فى مدونتى المتواضعه
ومين قالك انكم لما تعملوها مش هنجى معاكم هههههههه
ان شاء الله هنكون متواجدين فى اى وكل اجتماعات المدونين

  Unknown

السبت يوليو 19, 10:40:00 م 2008

z!zOoOo
اولا اعتذر بشدة
دا تقصير منى فأقبل اعتذارى

ثانيا
فعلا اللقاءات جميلة اما عن الكتاب فين فأعتقد فى دار الاهرام
والله اعلم


كل الاحترام
وتقبل اعتذارى

  rovy

السبت يوليو 19, 11:42:00 م 2008

ازيك يا نهر
اشكرك حبيبتى لأنك قلقتى وسألتى عليه
انا الحمد لله بخير بس فعلا كنت تعبانه شويه النهارضه الظاهر انك حسيتى بيه
حقيقى باشكر سؤالك الغالى عليه ..
جميل لقاء المدونين اكيد و اتمنى يجى يوم نتقابل فيه ان شاء الرحمن ..
واضح ان اللقاء اسعدك يارب تكونى دايما سعيده و كل الاخوه المدونين ..

كل الود والتقدير

تحياتى

  مواطن مصرى نايم

الأحد يوليو 20, 12:04:00 ص 2008

و الله مجموعة جميلة جدا
يا رب كده عقبال لما نجتمع كلنا
ايبى بتقول ان اللقاء كان جميل
الحمد لله انكم كنتم مبسوطين
تحياتى

اسلام

  RaRa

الأحد يوليو 20, 03:25:00 ص 2008

الظاهر انه كان
لقاء جميل بينكم
ربنا يديم المحبة بينكم دائما
وبين كل المدونين

  Soooo

الأحد يوليو 20, 07:50:00 ص 2008

انا بجد في قمة السعادة اني اتعرفت عليكي وعلى كل مدوني بورسعيد وبجد بجد بجد كان يوم جميل جدا لايمكن انساه

وان شاء الله تنزلولنا القاهرة ونشيلكم على راسنا من فوق زي مانتو شيلتونا وماحسستوناش باي فرق وزي مانكون نعرف بعض واهل من يجي عشرطاشر سنه قاف ميم

وربنا يارب يسعدك ويكرمك ويبسطك ويوفقك ويرضيكي دنيا وآخره يارب




سلاموووووووووز

  Unknown

الأحد يوليو 20, 09:57:00 ص 2008

روفى
حبيبتى الف سلامة عليك
ويارب تكونى افضل الان
فعلا القاء كان جميل وان شاء الله نتقابل كلنا تانى وتكونى معنا
سلامتك حبيبتى

  Unknown

الأحد يوليو 20, 09:58:00 ص 2008

مواطن مصرى نايم
ازيك يا أسلام
فعلا اللقاء كان جميل وملئ بالحب والاحترام ويارب نتجمع كلنا

  Unknown

الأحد يوليو 20, 09:59:00 ص 2008

rara
اهلا بك
الله يديم الود بين المدونين يارب
شرفتى مدونتى

  Unknown

الأحد يوليو 20, 10:02:00 ص 2008

Soooo
ازيك عامل اية
انت لسة واصل الوقت القاهرة من يومها ولا اية؟؟؟ شكل الطريق كان طووووووووووووووووووووووووويل
انا كمان فعلا سعيدة جدا بالتعرف عليك وعلى المجموعه وكان يوم لذيذ
ولا تقلق ان شاء الله هننزل لكم القاهرة بس من غير شيل ههههه
شكرا على الدعاء بس النهاردة مش الجمعه



بجد شكرا وانا تشرفت بمعرفتك ومعرفة المجموعه وربنا يديم الود والتفاهم
والى لقاءات قادمة ان شاء الله
سلام

  بنت مصريه

الأحد يوليو 20, 11:25:00 ص 2008

تصدقوا انتو عيال اى كلام
محدش فيكوا قاللى ليه يا اندال
نفسى احصر اجتماع زى دا
صحيح انا كان صعب جدا انى اروح بورسعيد والا كنت هطلق
بس برضه قولوا
يا ساتر يا ساتر

  Gannah

الأحد يوليو 20, 11:38:00 ص 2008

نهر الحب
سعيدة جدا ان اللقاء كان جميل ويارب يتكرر علشان اتعرف عليهم كلهم
بجد كان نفسى اكون معاكم
بس انت نقلتى لى اللقاء فشكرا لك
اعتذر عن تقصيرى هذه الايام
ولكنها تجهيزات السفر
اراك على خير قريبا ان شاء الله
تحياتى

  Unknown

الأحد يوليو 20, 11:45:00 ص 2008

بنت مصرية
بعد الشر عليك من الطلاق
لاقدر الله احنا نجى لحد باب بيتك
اطبخى بقى هههههه

  Unknown

الأحد يوليو 20, 11:48:00 ص 2008

Gannah
حبيبتى ازيك
كلنا فى انتظارك تجى بالسلامة يارب
وكلنا شوق للقائك

  حــــــراء

الأحد يوليو 20, 02:28:00 م 2008

نهر الحب ازيك

اخبارك ايه

واضح من كلامك ان اللقاء كان جميل

وممتع وطبعا شىء جميل ان المدونيين

يجتمعوا من حين لاخر للتعارف ولمناقشة

بعض الموضوعات بجد اتمنى انى اكون فى لحظة زى دى

مع تحياتى ليكى
اخوكى...احمد
___________________________
ياريت تشرفينى عشان ليكى واجب عندى تعالى وخديه بسرعة

  بنت النيل

الأحد يوليو 20, 04:37:00 م 2008

السلام عليكم

نهر اسفة على تاخيرى
انتى والله وحشتينى

وجميل اوى حب المدونين لبعض

وعجبتنى مقولة

كلنا مصريين بفكر مصرى محب ومخلص لبلد مات فيها الاخلاص


اتمنى نكون كلنا يد واحدة

كل حبى لكى واتمنى لكى التوفيق والنجاح

بنت النيل

  Unknown

الأحد يوليو 20, 09:03:00 م 2008

حراء
ازيك 000؟
بصراحة انا مش عارفة اقولك اية على
الواجب بس عموما واجب مقبول
من يد مانعدمهاش
وان شاء الله احاول الاجابة عليه

  Unknown

الأحد يوليو 20, 09:04:00 م 2008

بنت النيل
منورة ويارب تكونى بخير
وحمد لله على سلامتك ياقمر
فعلا كان لقاء جميل اتمنى اننا نقابلك فى مرة من المرات


سعدت بوجودك حبى

  كيكى عوووووو

الأحد يوليو 20, 09:48:00 م 2008

عوووووووووووووووووووووووو انا جيت اتخديتى
..........................
يا بختك يا عم
......................
اكيد كان احساسك رائع ساعتها
لم شوفتى الناس الى حبتيهم قبل ما تشوفيهم...
.................
عقبالنا
جميلة الصورة الجديدة على فكرة
.........................
وربنا يخليكى ويسعدك على طوللللللللل
الخط
عووووووووووووووووووووووو

  Unknown

الأحد يوليو 20, 09:56:00 م 2008

كيكى
ازيك
لا طبعا متخضتيش ولا حاجة
دانتى نورتى
اه فعلا كنت سعيدة جدا لما قبلتهم
عقبال ما اقابلك يارب
شكرا ياقمر حلو انها عجبتك

  حسن حنفى

الأحد يوليو 20, 11:22:00 م 2008

ما اجمل الصحبه
تقبلوا مروري

  shiko

الأحد يوليو 20, 11:41:00 م 2008

بجد بجد ذكرى مش هتتنسى ابدا .. اليوم كان رائع سعيد بكل الناس اللى اتعرفت عليها.. وبكرر تانى شكرى لابو خالد على الجو الاسرى الجميل اللى اضافه للتجمع

وسعيد انى اتعرفت عليكى بجد يا ايناس .. وسعيد اوى بالحوار اللى كان بينا وفعلا اشهدلك شخصية متفتحة ومثقفة وبجد الحوار معاكم كان ممتع جداااا

  ghoneem

الاثنين يوليو 21, 12:27:00 ص 2008

أهلاً بيكي

بتبقي جميلة اللقاءات وعرض الأفكار والتحول من أمام الشاشات الي واقع هو أكثر واقعية

ربنا يوفقك ودايماً مواضيع متميزة

تحياتي

بالتوفيق..............

  جنّي

الاثنين يوليو 21, 02:57:00 ص 2008

إخواني أخواتي الأعزاء

السلام عليكم ورحمة الله وبركاته

استودعكم الله الذي لا تضيع ودائعه

إجازة من التدوين ...

ولكني سأكون على تواصل معكم بزيارة مدوناتكم ...

أرجو أن تسامحوني على تقصيري في حقكم ...

وتفضلوا بقراءة البوست الأخير ...

إلى اللقاء والسلام عليكم ورحمة الله وبركاته

أخوكم

said

  break

الاثنين يوليو 21, 04:13:00 ص 2008

ما شاء الله
البورسعيدية طلعوا كتير اوى
تفتكرى لو عملوا لقاء للمنايفة هيبقوا كام؟
:D

  Unknown

الاثنين يوليو 21, 10:35:00 ص 2008

حسن حنفى
اهلا بك

  Unknown

الاثنين يوليو 21, 10:37:00 ص 2008

شيكو
دا كلاااااااام كبير اوى على
اشكرك عليه بس فعلا اكبر منى
اللهم اغفر لى ما لا يعلمون
شكرا شكيو وسعيدة جدا بالتعرف عليك

  Unknown

الاثنين يوليو 21, 10:43:00 ص 2008

ghoneem
فعلا كان لقاء جميل وواقعى
شكرا لمرورك

  Unknown

الاثنين يوليو 21, 10:44:00 ص 2008

جنى
تروح وترجع بالسلامة
لا تطيل الغيبة فلك فى عالم التدوين
مساحة لا تغفل ولك فى قلوبنا معزة
فى الله عزوجل لاتطل الغيبة

  Unknown

الاثنين يوليو 21, 10:46:00 ص 2008

break
انت منوفى ولا اية
ياعم احسن ناس
هيطلعوا اكيد الجمهورية كلها
هههههه المهم انهم يطلعوا متفاهمين
نورتنى

  ذو النون المصري

الاثنين يوليو 21, 03:00:00 م 2008

عملت لقاء قبل كده مع مجموعه من المدونين في القاهره في ليلة راس السنه و كان يوم في منتهي الروعه و فعلا انا حاسس بشعورك تجاه الزملاء و حاسس بسعادتك بلقائهم لاني جربت قبلك
تحياتي

  Unknown

الاثنين يوليو 21, 03:22:00 م 2008

ذو النون المصرى
اهلا بك من زمان ما مرت
على مدونتى شرفنى مرورك

  tarek alghnam

الاثنين يوليو 21, 06:03:00 م 2008

السلام عليكم
مررت للتحيه والسلام
واشكرك على مرورك الرائع بمدونتى والتى انارت بكلماتك
متعك الله بالحب والصحة والعافيه
ودمتى بخير

  Unknown

الاثنين يوليو 21, 06:34:00 م 2008

أ/ طارق
مرحبا بك
والشكر منى انا على مرورك
وتشجيعك ادام الله عليك نعمه
كل الاحترام

  Hosam Yahia حسام يحيى

الثلاثاء يوليو 22, 12:17:00 م 2008

ربنا يوفقك يااااارب

واضح انه كان اجتماع رائع

:)

ان شاء الله عددكم هيزيد مره ورا التانيه

  Unknown

الثلاثاء يوليو 22, 10:12:00 م 2008

حسام يحيى
اهلا بك ويارب نبقى اكثر وافضل
تحياتى

  Maha Shahen

الأربعاء يوليو 23, 03:48:00 ص 2008

ازيك يا قمر
يا رب تكون بخير وفي اتم صحه واحسن حال
انا بخير والحمدلله في احسن حال بس كان اخويا في مصر ومكنتش بقدر ادخل للنت ولا اكتب حاجات جديده اعزرينى عن فترة الغياب يا عزيزتى
جميل جدا لو كان في تجمع زي كدا بيجمع مختلف المدونين في مختلف البلدان مش داخل مصر وبس
فعلا عالم التدوين والمدونين بس مش كلهم الحقيقه لكن اغلبيتهم واهو معظمنا مبتدئين علي الاقل انا عن نفسى مبتدئه وبتعلم من اللي حواليا
يمكن نستفيد من بعض بالافكار او التشجيع ونكون سبب في اظهار موهبة حد فعلا وتقويتها
بس انا ليا عتاب عليكى
علشان الاحلام اللي مش عايزه تدورى عليها
الحكايه مش صعبه قوى
بس هاتى ورقه وقلم او علي الكمبيوتر وابدئى اكتبى ولو مش عجبك اللي كتبتيه ابقى الغيه بس حاولى بالله
تحياتى ليكى وربنا يسعدك

  Unknown

الأربعاء يوليو 23, 01:17:00 م 2008

nour shahen
ازيك ياقمر حمد لله على السلامة
بصى اللقاءات حلوة واكيد زى ما فى مدونين حلوين اكيد كمن مش هيكون كلهم بنفس المستوى الاخلاقى او الفكرى اللى بيظهر فى بوستاتهم لكنها محاولات للتعارف وتحديد وجهات النظر ومحاولة جادة للعمل على تحقيق هدف ما
اما عن احلامى فانا قلت لكى انا لا احلم
لااملك احلامى
ويعنى عشان متزعليش اوى حاليا عندى مشروع سفر ادعى لى ربنا يوفقنى
بس يا قمر
وحشتينا

  موناليزا

الأربعاء يوليو 23, 10:57:00 م 2008

يااااه ده انا جيت متاخر اوى
اعذرينى حبيبتى
الحمدلله انك كنتى مبسوطة واتعرفتى على ناس جميلة
يارب نتقابل قريب انا بعتلك اضافة على الياهو

  قوس قزح

الخميس يوليو 24, 12:26:00 ص 2008

حبيبتى ايناس
انا سعيدة جدا انى اتعرفت عليكى
انتى انسانة جميلة و رقيقة اوى

ربنا يحفظك يا رب
و اتمنى اشوفك تانى و تالت

  walaa rizk

الخميس يوليو 24, 12:30:00 ص 2008

اهلا بيكى فى مدونتى ياقمر

عن صدق تعليك أسعدتنى

والبوست ده كمان خلانى أفرح أكتر

تجتمعوا دائما ع الخير

وهنئا لكى بمن قابلتى

  ادم المصرى

الخميس يوليو 24, 12:57:00 ص 2008

مشاء الله ربنا يجعلو فى ميزان حسناتكم ويجعل من رسالتنا فى التدوين لرحمان والى سبيل الدعوه والاسلام وشرح وسائل العامه وتوضيح الامور

  Unknown

الخميس يوليو 24, 03:40:00 م 2008

موناليزا
شكرا لك حبى وان شاء الله نتقابل كلنا

  Unknown

الخميس يوليو 24, 03:42:00 م 2008

قوس قزح
اهلا بيك انا فعلا كمان سعيدة جدا بالتعرف عليكى

وانتى الاحلى والاحسن ان شاء الله

  Unknown

الخميس يوليو 24, 03:51:00 م 2008

عاشقة الاقصى
نورتى مدونتى
اهلا بك انتى اللى تعليقك اسعدنى
يارب يدوم الود

  Unknown

الخميس يوليو 24, 03:52:00 م 2008

ادم المصرى
اهلا بك فى مدونتى
واللهم امين يارب العالمين

  .:.-=- ELGaZaLy-=-.:.

الخميس يوليو 24, 10:51:00 م 2008

جميلة هى تلك اللقائات تجمع بين الجميع..

سعدت بفرحتك

  Unknown

الخميس يوليو 24, 11:40:00 م 2008

.:.-=- ELGaZaLy-=-.:.
شكرا لك
وانا سعدت بتواجدك فى مدونتى

تحياتى

  Dr.m

السبت يوليو 26, 12:20:00 م 2008

السلام عليكم

زياره أولى لمدونه رائعه ..تقبلي تحياتي عليها..

بالنسبه للقاء فكان نفسي أكون موجود خاصة إني من بورسعيد الغاليه عندي أوي..ولكن الظروف حالت بيني وبين ذلك..وانت كده زودتي زعلي بكلامك عن اللقاء الجميل لكن إن شاء الله تتعوض..

تقبلي تحياتي
سلام

  Unknown

الأحد يوليو 27, 12:28:00 ص 2008

Dr.m
اهلا بك فى مدونتى
وشاكرة لك كلماتك الجميلة
ثانيا تتعوض ان شاء الله ونتقابل بلا ظروف
وتشوف كل الاماكن والناس كمان اللى بنتكلم عنهم
على الاقل تقول رأيك بلا مجاملة
اهلا بك وان شاء الله يكون فى تواصل
نهر الحب

  أسير الجراح

الأحد يوليو 27, 06:36:00 م 2008

نهر الحب



اجباتك جميلة جدا



اتمنى ان كل امنياتك تتحقق



تحياتى




اسير الجراح